അനർത്ഥം ഒഴിവാ​ക്കാൻ യുവജ​ന​ങ്ങളെ സഹായി​ക്കു​ക

¹ തന്റെ വിലപ്പെട്ട ജീവന്റെ ദാനം നാം ആസ്വദി​ക്ക​ണ​മെന്ന്‌ യഹോവ ആഗ്രഹി​ക്കു​ന്നു. ആ ലക്ഷ്യത്തിൽ, നാം നമ്മുടെ ഹൃദയാ​ഭി​ലാ​ഷങ്ങൾ പിന്തു​ട​രേ​ണ്ട​തിന്‌ ഒരളവി​ലു​ളള വ്യക്തി​പ​ര​മായ സ്വാത​ന്ത്ര്യം അവൻ നമുക്ക്‌ അനുവ​ദി​ച്ചു​ത​ന്നി​ട്ടുണ്ട്‌. എന്നാൽ പ്രവർത്തി​ക്കാ​നു​ളള ആ സ്വാത​ന്ത്ര്യ​ത്തോ​ടൊ​പ്പം ഉചിത​മാ​യി​ത്തന്നെ നാം ചെയ്യുന്ന കാര്യ​ങ്ങൾക്ക്‌ യഹോവ നമ്മെ ഉത്തരവാ​ദി​ക​ളാ​ക്കു​ക​യും ചെയ്യുന്നു.—സഭാ. 11:9.

² നാം അപൂർണ്ണ​രും പാപി​ക​ളു​മാ​യ​തു​കൊണ്ട്‌ നാം നമ്മുടെ ജീവിതം നയിക്കുന്ന വിധത്തി​ന്റെ ഫലമായി നമുക്കു നേരി​ടാ​വുന്ന അനർത്ഥത്തെ നമുക്ക്‌ എങ്ങനെ ഒഴിവാ​ക്കാൻ കഴിയും? (സഭാ. 11:10) അനുഭ​വ​പ​രി​ച​യ​മി​ല്ലാത്ത യുവജ​ന​ങ്ങൾക്കു​പോ​ലും അനർത്ഥം ഒഴിവാ​ക്കാൻ കഴിയു​മോ? ഉവ്വ്‌ എന്നാണു​ത്ത​ര​മെ​ന്നു​ള​ള​തിൽ നമുക്ക്‌ സന്തോ​ഷി​ക്കാൻ കഴിയും. മാർഗ്ഗ​നിർദ്ദേ​ശ​ത്തി​നു​വേ​ണ്ടി​യു​ളള നമ്മുടെ ആവശ്യം യഹോ​വക്കു നന്നായി അറിയാം, ഈ അന്ത്യനാ​ളു​ക​ളു​ടെ അടയാ​ള​മാ​യി​രി​ക്കുന്ന വർദ്ധി​ച്ചു​വ​രുന്ന പ്രയാ​സ​ങ്ങളെ സുരക്ഷി​ത​മാ​യി തരണം​ചെ​യ്യാൻ ചെറു​പ്പ​ക്കാ​രെ​യും പ്രായ​മു​ള​ള​വ​രെ​യും സഹായി​ക്കു​ന്ന​തിന്‌ അവൻ സ്‌നേ​ഹ​പൂർവം ബുദ്ധി​യു​പ​ദേ​ശ​വും സഹായ​വും പ്രദാ​നം​ചെ​യ്‌തി​ട്ടുണ്ട്‌.—സങ്കീ. 19:7; 119:9; 2 തിമൊ. 3:1

മാതാ​പി​താ​ക്ക​ളു​ടെ ഉത്തരവാ​ദി​ത്വം

³ കുഴപ്പങ്ങൾ നേരി​ടു​മ്പോൾ, ‘മുടന്തു​ള​ളതു ഉളുക്കി​പ്പോ​കാ​തെ സൗഖ്യ​മാ​ക്ക​പ്പെ​ടേ​ണ്ട​തിന്‌ തളർന്ന കൈകളെ ബലിഷ്‌ഠ​മാ​ക്കാൻ’ കഴിയുന്ന ഉത്തരവാ​ദി​ത്വ​മു​ളള മാതാ​പി​താ​ക്കൾ യുവജ​ന​ങ്ങൾക്ക്‌ ആവശ്യ​മാണ്‌. (എബ്രാ. 12:12, 13) ജീവനി​ലേക്കു നയിക്കുന്ന പാതയിൽ നിലനിൽക്കാൻ തങ്ങളുടെ കുട്ടി​കളെ സഹായി​ക്കു​ന്ന​തിന്‌ മാതാ​പി​താ​ക്കൾ തങ്ങളുടെ സന്താന​ങ്ങ​ളു​ടെ ചിന്തയെ കാലാ​കാ​ല​ങ്ങ​ളിൽ യഥാസ്ഥാ​ന​പ്പെ​ടു​ത്തേ​ണ്ട​താണ്‌. ഇതിന്‌ ക്ഷമയും വൈദ​ഗ്‌ദ്ധ്യ​വും ഒപ്പം യഹോ​വ​യു​ടെ സമൃദ്ധ​മായ അനു​ഗ്ര​ഹ​വും ആവശ്യ​മാണ്‌.

⁴ മാതാ​പി​താ​ക്കൾക്ക്‌ തങ്ങളുടെ കുട്ടി​കളെ പൂർണ്ണ​മാ​യി ദുഃസ്വാ​ധീ​ന​ങ്ങ​ളിൽനി​ന്നു മാററി​നിർത്താൻ കഴിക​യില്ല. എന്നാൽ ഒരു കുട്ടി​യു​ടെ മനസ്സിനെ എങ്ങനെ ബലവത്താ​ക്കാൻ കഴിയും? ‘അവനെ യഹോ​വ​യു​ടെ മാനസി​ക​ക്ര​മ​വൽക്ക​ര​ണ​ത്തിൽ വളർത്തു​ന്ന​തി​നാൽ.’ (എഫേ. 6:4) മററു​ള​ള​വ​യു​ടെ കൂട്ടത്തിൽ, ഇതിൽ കുടും​ബാ​ദ്ധ്യ​യനം, ആത്‌മീ​യ​വും ധാർമ്മി​ക​വു​മായ വഴികാ​ട്ടൽ, സ്‌ക്കൂൾ കഴിഞ്ഞു​ളള ആരോ​ഗ്യാ​വ​ഹ​മായ പ്രവർത്തനം, സമുചി​ത​മായ ശിക്ഷണം, മാതാ​പി​താ​ക്ക​ളു​ടെ നല്ല ദൃഷ്‌ടാ​ന്തം എന്നിവ ഉൾപ്പെ​ടു​ന്നു.

⁵ “ദൈവി​ക​ഭക്തി” ഡിസ്‌ട്രി​ക്‌ററ്‌ കൺ​വെൻ​ഷ​നിൽ റിലീ​സ്‌ചെയ്‌ത യുവജ​നങ്ങൾ ചോദി​ക്കുന്ന ചോദ്യ​ങ്ങ​ളും പ്രാ​യോ​ഗി​ക​മായ ഉത്തരങ്ങ​ളും എന്ന പുസ്‌തകം യുവജ​ന​ങ്ങളെ സഹായി​ക്കാൻവേ​ണ്ടി​യു​ള​ള​താണ്‌. അത്‌ ശരിയായ പ്രമാ​ണങ്ങൾ സംബന്ധിച്ച്‌ തങ്ങളുടെ കുട്ടി​ക​ളു​മാ​യി ന്യായ​വാ​ദം​ചെ​യ്യാ​നും മാതാ​പി​താ​ക്കളെ സഹായി​ക്കു​ന്നു. ദൈവ​ത്തി​ന്റെ നിയമങ്ങൾ ഒരു കുട്ടി​യു​ടെ മനസ്സി​ലും ഹൃദയ​ത്തി​ലും ഫലപ്ര​ദ​മാ​യി നിവേ​ശി​പ്പി​ക്കു​ക​യാ​ണെ​ങ്കിൽ, ഈ നിയമ​ങ്ങൾക്ക്‌ ഒരു നിയ​ന്ത്ര​ണ​സ്വാ​ധീ​നം അഥവാ ക്രമവൽക്ക​ര​ണ​സ്വാ​ധീ​ന​മാ​യി പ്രവർത്തി​ക്കാൻ കഴിയും. ഈ പുതിയ പ്രസി​ദ്ധീ​ക​ര​ണ​ത്തി​ലെ വിവര​ങ്ങ​ളു​ടെ കുടും​ബ​ചർച്ച അനർത്ഥം ഒഴിവാ​ക്കാൻ യുവജ​ന​ങ്ങളെ ശക്തരാ​ക്കും.

⁶ യുവജ​നങ്ങൾ ചോദി​ക്കു​ന്നു എന്ന പുസ്‌തകം 1989-ൽ റിലീസ്‌ ചെയ്‌ത​പ്പോൾ, കൺ​വെൻ​ഷൻ പ്രസം​ഗകൻ സമ്മേളി​ത​രായ യുവാ​ക്ക​ളി​ലേക്ക്‌ തന്റെ ശ്രദ്ധ തിരി​ച്ചു​വി​ടു​ക​യും പുസ്‌ത​ക​ത്തി​ന്റെ മൂല്യം ഊന്നി​പ്പ​റ​യു​ക​യും​ചെ​യ്‌തു. കുടും​ബ​ചർച്ച​ക്കു​ളള ഒരു അടിസ്ഥാ​ന​മാ​യി അതുപ​യോ​ഗി​ക്കാൻ മാതാ​പി​താ​ക്കൾ പ്രോൽസാ​ഹി​പ്പി​ക്ക​പ്പെട്ടു. ഓരോ അദ്ധ്യാ​യ​ത്തി​ന്റെ​യും ഉപസം​ഹാ​ര​ത്തിൽ “ചർച്ചക്കു​ളള ചോദ്യ​ങ്ങൾ” എന്ന ഒരു സവി​ശേഷത കാണാം. ഈ ചോദ്യ​ങ്ങൾ ഓരോ ഖണ്ഡിക​യി​ലെ​യും വിവര​ങ്ങ​ളു​ടെ വിശക​ല​ന​ത്തി​നു​വേ​ണ്ടി​യു​ള​ളതല്ല. ഓരോ ചോദ്യ​വും ഒന്നോ അധിക​മോ ഉപതല​ക്കെ​ട്ടു​ക​ളി​ലെ വിവര​ങ്ങളെ ഉൾപ്പെ​ടു​ത്തു​ന്നു. ചില കുടും​ബ​ത്ത​ല​വൻമാർ ഒരു മുഴു അദ്ധ്യാ​യ​വും വായി​ച്ച​ശേഷം ചോദ്യ​ങ്ങൾ പരിചി​ന്തി​ക്കാൻ ഇഷ്‌ട​പ്പെ​ട്ടേ​ക്കാം. മററു ചിലർ ചേരുന്ന തലക്കെ​ട്ടു​ക​ളിൻകീ​ഴി​ലെ വിവരങ്ങൾ വായി​ക്കു​മ്പോൾ ഇടവിട്ട്‌ ചോദ്യ​ങ്ങൾ ചോദി​ച്ചേ​ക്കാം.

നമ്മുടെ പ്രദേ​ശത്തെ യുവജ​ന​ങ്ങളെ സഹായി​ക്കൽ

⁷ നാം നമ്മുടെ പ്രദേ​ശത്ത്‌ അനേകം യുവജ​ന​ങ്ങളെ കണ്ടെത്തി​യേ​ക്കാം. അവർക്കു​ളള ചില ചോദ്യ​ങ്ങൾക്ക്‌ ഈ പുതിയ പുസ്‌ത​ക​ത്തിൽ ഉത്തരം​കൊ​ടു​ത്തി​ട്ടുണ്ട്‌. അതു​കൊണ്ട്‌, ജനുവ​രി​യിൽ നാം വയലിൽ യുവജ​നങ്ങൾ ചോദി​ക്കു​ന്നു എന്ന പുസ്‌തകം വിശേ​ഷ​വൽക്ക​രി​ക്കു​ന്ന​താ​യി​രി​ക്കും. ഒരുപക്ഷേ നിങ്ങൾ ഉപയോ​ഗി​ക്കാ​നാ​ഗ്ര​ഹി​ക്കുന്ന ഒരു പ്രസംഗം നിങ്ങൾ വികസി​പ്പി​ച്ചി​ട്ടു​ണ്ടാ​യി​രി​ക്കാം. അല്ലെങ്കിൽ നിങ്ങൾക്ക്‌ പിൻവ​രു​ന്ന​തു​പോ​ലെ പറയാ​വു​ന്ന​താണ്‌:

⁸ “മിക്ക​പ്പോ​ഴും നാം യൗവന​ത്തെ​ക്കു​റിച്ച്‌ നമ്മുടെ ജീവി​ത​ത്തി​ലെ ഏററം സന്തുഷ്‌ട​മായ ഘട്ടമാ​യി​ട്ടാണ്‌ ചിന്തി​ക്കു​ന്നത്‌. എന്നാൽ, നിർഭാ​ഗ്യ​വ​ശാൽ, നാം ഇന്ന്‌ അസന്തു​ഷ്‌ട​രായ അനേകം യുവജ​ന​ങ്ങളെ കാണു​ന്നുണ്ട്‌. അങ്ങനെ​യല്ലേ? [മറുപടി പറയാൻ അനുവ​ദി​ക്കുക.] മാറി​വ​രുന്ന നിലവാ​രങ്ങൾ യുവജ​ന​ങ്ങളെ ബാധി​ക്കു​ക​യും അവരുടെ സന്തുഷ്‌ടി കവർന്നു​ക​ള​യു​ക​യും ചെയ്യുന്ന അനേകം പ്രശ്‌ന​ങ്ങ​ളോ​ടു​കൂ​ടിയ ഒരു സമ്മി​ശ്ര​ലോ​കത്തെ സൃഷ്‌ടി​ച്ചി​രി​ക്കു​ന്നു. അവർക്ക്‌ ആശ്രയ​യോ​ഗ്യ​മാ​യി മാർഗ്ഗ​നിർദ്ദേശം എവിടെ കണ്ടെത്താൻ കഴിയും? [അഭി​പ്രാ​യം പറയാൻ അനുവ​ദി​ക്കുക.] സങ്കീർത്തനം 119:9-ൽ ബൈബിൾ ശുപാർശ ചെയ്യു​ന്ന​തെ​ന്തെന്ന്‌ കാണുക. [വായി​ക്കുക.] ബൈബിൾ നീതി പഠിപ്പി​ക്കു​ന്ന​തി​ലെ മാതാ​പി​താ​ക്ക​ളു​ടെ ഉത്തരവാ​ദി​ത്തത്തെ ഊന്നി​പ്പ​റ​യു​ക​യും അനന്തരം സദൃശ​വാ​ക്യ​ങ്ങൾ 1:8-ൽ ഈ പ്രബോ​ധനം നൽകു​ക​യും​ചെ​യ്യു​ന്നു. [വായി​ക്കുക.] ഇതിനു​ചേർച്ച​യാ​യി, യുവജ​നങ്ങൾ ചോദി​ക്കുന്ന ചോദ്യ​ങ്ങ​ളും പ്രാ​യോ​ഗി​ക​മായ ഉത്തരങ്ങ​ളും എന്ന പുസ്‌ത​ക​ത്തിൽ ബൈബി​ളി​ല​ധി​ഷ്‌ഠി​ത​മായ പ്രാ​യോ​ഗി​ക​മാർഗ്ഗ​നിർദ്ദേശം നിറഞ്ഞി​രി​ക്കു​ന്നു. അതിൽ ഭാവിയെ വിജയ​പ്ര​ദ​മാ​യി എങ്ങനെ അഭിമു​ഖീ​ക​രി​ക്കാ​മെ​ന്നും അങ്ങനെ ചെയ്യു​മ്പോൾ എങ്ങനെ സന്തോഷം കണ്ടെത്താ​മെ​ന്നും മനസ്സി​ലാ​ക്കാൻ യുവജ​ന​ങ്ങളെ സഹായി​ക്കുന്ന അനേകം ജീവി​ത​ഗ​ന്ധി​ക​ളായ അനുഭ​വങ്ങൾ ഉണ്ട്‌. [താത്‌പ​ര്യം ഉത്തേജി​പ്പി​ക്കാൻ പല അദ്ധ്യായ തലക്കെ​ട്ടു​കൾ ചൂണ്ടി​ക്കാ​ണി​ക്കുക.] നിങ്ങൾക്ക്‌ വെറും 15 രൂപാ സംഭാ​വ​നക്ക്‌ സഹായ​ക​വും മനോ​ഹ​ര​മായ ചിത്ര​ങ്ങ​ളോ​ടു​കൂ​ടി​യ​തു​മായ ഈ പുസ്‌തകം ആസ്വദി​ക്കാ​വു​ന്ന​താണ്‌.”

⁹ യുവജ​നങ്ങൾ ജ്ഞാനപൂർവ​ക​വും പ്രയോ​ജ​ന​ക​ര​വു​മായ ലക്ഷ്യങ്ങ​ളി​ലേക്ക്‌ തങ്ങളുടെ ഊർജ്ജത്തെ തിരി​ച്ചു​വി​ടേണ്ട ആവശ്യ​മു​ണ്ടെന്ന്‌ ബൈബിൾ സൂചി​പ്പി​ക്കു​ന്നു. തീർച്ച​യാ​യും ഈ പുസ്‌തകം അനേകരെ അതിരററ ജ്ഞാനത്തി​ന്റെ ഉറവായ ബൈബി​ളി​ലേക്കു നയിക്കും. യുവജ​ന​ങ്ങളെ ഇപ്പോ​ഴത്തെ തികവു​ററ ഒരു ജീവി​ത​ത്തി​ലേ​ക്കും ഒരു സുരക്ഷി​ത​ഭാ​വി​യി​ലേ​ക്കും തിരി​ച്ചു​വി​ടു​ന്ന​തി​നു​ളള എന്തോരു വിലപ്പെട്ട ഉപകരണം!—സഭാ. 12:1