സുവാർത്ത സമർപ്പി​ക്കൽ—യുവജ​ന​ങ്ങൾക്ക്‌

¹ ഈ ആധുനി​ക​യു​ഗം പൊതു​വേ യുവജ​ന​ങ്ങൾക്ക്‌ വളരെ പ്രയാ​സ​മു​ളള ഒരു കാലമാ​ണെന്നു തെളി​ഞ്ഞി​രി​ക്കു​ന്നു. എന്നിരു​ന്നാ​ലും, ദൈവ​നി​ശ്വ​സ്‌ത​നായ ഒരു മനുഷ്യൻ നൂററാ​ണ്ടു​കൾക്കു മുമ്പ്‌ എഴുതി: “ഒരു യുവാവ്‌ തന്റെ പാത എങ്ങനെ നിർമ്മ​ല​മാ​ക്കും? നിന്റെ വചന​പ്ര​കാ​രം ജാഗ്രത പുലർത്തു​ന്ന​തി​നാൽത്തന്നെ.” (സങ്കീ. 119:9) തീർച്ച​യാ​യും യഹോ​വ​യു​ടെ വചനത്തിൽ അധിഷ്‌ഠി​ത​മായ മാർഗ്ഗ​നിർദ്ദേശം ഇന്ന്‌ ആയിര​ക്ക​ണ​ക്കി​നു യുവജ​ന​ങ്ങൾക്കു പ്രയോ​ജനം ചെയ്യു​ന്നുണ്ട്‌.

² ഉണരുക!യിലെ “യുവജ​നങ്ങൾ ചോദി​ക്കു​ന്നു. . . .” ലേഖന​ങ്ങ​ളി​ലൊ​ന്നു വായി​ച്ച​ശേഷം ഒരു യുവാവ്‌ ഇങ്ങനെ പറഞ്ഞു: ചെയ്യേണ്ട സംഗതി​യാ​ണെന്നു വിചാ​രി​ച്ച​തു​കൊ​ണ്ടു​മാ​ത്രം ഞാൻ ഡെയ്‌റ​റിംഗ്‌ ക്രമമാ​യി നടത്തി​യി​രു​ന്നു. ഞാൻ വിവാ​ഹ​ത്തെ​ക്കു​റിച്ച്‌ യാതൊ​ന്നും ചിന്തി​ച്ചി​രു​ന്നില്ല. അങ്ങനെ​യി​രി​ക്കെ ഞാൻ നിങ്ങളു​ടെ ഉണരുക! മാസിക വായിച്ചു. അത്‌ എന്റെ മൂല്യ​ങ്ങൾക്ക്‌ മെച്ചമാ​യി മാററം വരുത്തി. ഞാൻ വിവാ​ഹം​ക​ഴി​ക്കാൻ ഒരുങ്ങു​ന്ന​തു​വരെ ഞാൻ ഡെയ്‌റ​റിംഗ്‌ നിർത്തി.” അയാൾക്ക്‌ പ്രാ​യോ​ഗി​ക​ബു​ദ്ധി​യു​പ​ദേ​ശ​ത്തിൽനിന്ന്‌ പ്രയോ​ജ​നം​കി​ട്ടി​യെന്നു സ്‌പഷ്‌ട​മാണ്‌. ഇപ്പോൾ യുവജ​ന​ങ്ങൾക്ക്‌ യുവജ​നങ്ങൾ ചോദി​ക്കുന്ന ചോദ്യ​ങ്ങ​ളും പ്രാ​യോ​ഗി​ക​മായ ഉത്തരങ്ങ​ളും എന്ന പുതിയ പുസ്‌ത​ക​ത്തി​ന്റെ രൂപത്തിൽ തിരു​വെ​ഴു​ത്തു​വി​വ​ര​ങ്ങ​ളു​ടെ വില​യേ​റിയ ഉറവ്‌ അനായാ​സം ലഭ്യമാണ്‌. നിങ്ങളു​ടെ പ്രദേ​ശ​ത്തെ​യോ സ്‌ക്കൂ​ളി​ലെ​യോ യുവജ​ന​ങ്ങൾക്ക്‌ അതു ലഭ്യമാ​ക്കാൻ നിങ്ങൾക്ക്‌ എന്തു ചെയ്യാൻ കഴിയും?

യുവജ​ന​ങ്ങ​ളിൽ താത്‌പ​ര്യ​മെ​ടു​ക്കുക

³ യഹോ​വ​യു​ടെ വചനത്തി​ന്റെ മൂല്യം വിലമ​തി​ക്കാൻ യുവജ​ന​ങ്ങളെ പ്രേരി​പ്പി​ക്കു​ന്നത്‌ വെല്ലു​വി​ളി​പ​ര​മാ​യി​രി​ക്കാൻ കഴിയും? (സദൃശ​വാ​ക്യ​ങ്ങൾ 22:15 കാണുക) എന്നിരു​ന്നാ​ലും, അപ്പോ​സ്‌ത​ല​നായ പൗലോസ്‌ ഇങ്ങനെ പറഞ്ഞു: “യഹൂദൻമാ​രെ നേടേ​ണ്ട​തിന്‌ യഹൂദൻമാർക്കു ഞാൻ ഒരു യഹൂദ​നെ​പ്പോ​ലെ​യാ​യി​ത്തീർന്നു.” (1 കൊരി​ന്ത്യർ 9:20) സമാന​മാ​യി, പ്രയോ​ജ​ന​ക​ര​മായ ആത്‌മീയ ലക്ഷ്യങ്ങൾ കണ്ടെത്താ​നും വിലമ​തി​ക്കാ​നും യുവജ​ന​ങ്ങളെ സഹായി​ക്കു​ന്ന​തിന്‌ അവരെ​യും അവരുടെ പ്രശ്‌ന​ങ്ങ​ളെ​യും നിങ്ങൾ മനസ്സി​ലാ​ക്കേ​ണ്ട​തുണ്ട്‌. യുവജ​ന​ങ്ങൾക്കു താത്‌പ​ര്യ​മു​ളള കാര്യ​ങ്ങ​ളു​ടെ​യും സ്‌ക്കൂ​ളി​ലെ​യൊ അവർ ജീവി​ക്കു​ക​യോ ജോലി​ചെ​യ്യു​ക​യോ ചെയ്യു​ന്നി​ട​ത്തെ​യോ അവരുടെ പ്രശ്‌ന​ങ്ങ​ളു​ടെ​യും അടിസ്ഥാ​ന​ത്തിൽ നിങ്ങൾ ചിന്തി​ക്കേ​ണ്ട​തുണ്ട്‌. യുവജ​ന​ങ്ങ​ളോ​ടു സാക്ഷീ​ക​രി​ക്കു​മ്പോൾ, നിങ്ങളു​ടെ മുഖവു​ര​ക​ളി​ലും നിങ്ങളു​ടെ അഭി​പ്രാ​യ​ങ്ങ​ളി​ലും നിങ്ങളു​ടെ ചോദ്യ​ങ്ങ​ളി​ലും ഈ ഗ്രാഹ്യം പ്രതി​ഫ​ലി​ക്കേ​ണ്ട​താണ്‌. യുവജ​നങ്ങൾ ചോദി​ക്കുന്ന ചോദ്യ​ങ്ങ​ളും പ്രാ​യോ​ഗി​ക​മായ ഉത്തരങ്ങ​ളും എന്ന പുതിയ പുസ്‌ത​ക​ത്തി​ന്റെ ഉളളടക്കം സംസാ​രി​ക്കാ​നു​ളള ആശയങ്ങ​ളു​ടെ ഒരു വിശിഷ്‌ട ഉറവാണ്‌. ഈ വിഷയങ്ങൾ പരിചി​ത​മാ​ക്കു​ന്ന​തി​നാൽ ഇക്കാലത്ത്‌ അനേകം യുവജ​നങ്ങൾ ചിന്തി​ക്കുന്ന കാര്യ​ങ്ങ​ളി​ലേ​ക്കു​ളള ഉൾക്കാഴ്‌ച നിങ്ങൾക്കു ലഭിക്കും.

നിങ്ങൾക്കു പറയാൻ കഴിയു​ന്നത്‌

⁴ വീടു​തോ​റും പോകു​മ്പോൾ, കുട്ടി​ക​ളു​ള​ളി​ടം നിരീ​ക്ഷി​ക്കുക. നിങ്ങൾ ദൈനം​ദി​ന​പ്ര​ശ്‌ന​ങ്ങളെ നേരി​ടു​ന്ന​തിന്‌ ആളുകളെ സഹായി​ക്കു​ന്ന​തി​നു​ളള ഒരു പൊതു​ജ​ന​സേ​വനം അനുഷ്‌ഠി​ക്കു​ക​യാ​ണെന്ന്‌ വിശദീ​ക​രി​ക്കുക. ഈ വീടു​ക​ളിൽ കുട്ടി​ക​ളോ​ടു​തന്നെ നിങ്ങൾക്കു സംസാ​രി​ക്കാൻ കഴി​ഞ്ഞേ​ക്കും. പുസ്‌ത​ക​ത്തിൽ കാണ​പ്പെ​ടുന്ന പ്രാ​യോ​ഗിക ബുദ്ധി​യു​പ​ദേ​ശ​ത്തി​ന്റെ ഒരു ദൃഷ്‌ടാ​ന്തം ചൂണ്ടി​ക്കാ​ണി​ക്കുക. സങ്കീർത്തനം 119:9ന്റെ സത്യത കാണാൻ അവരെ സഹായി​ക്കു​ക​യെ​ന്ന​താണ്‌ നിങ്ങളു​ടെ ലക്ഷ്യ​മെന്നു മനസ്സിൽ പിടി​ക്കുക.

⁵ നിങ്ങൾ ഒരു യുവാ​വി​നോ​ടു സംസാ​രി​ക്കു​മ്പോൾ സൗഹൃദം പ്രകട​മാ​ക്കു​ക​യും അവനോ​ടു മാന്യ​മാ​യി പെരു​മാ​റു​ക​യും​ചെ​യ്യുക. ഒരു പ്രാരംഭ അഭിവാ​ദ​ന​ത്തി​നു​ശേഷം നിങ്ങൾക്ക്‌ ഇങ്ങനെ പറയാ​വു​ന്ന​താണ്‌: “ഈ ജനസമു​ദാ​യ​ത്തിൽ നിങ്ങ​ളെ​പ്പോ​ലെ​യു​ളള ചെറു​പ്പ​ക്കാർ അഭിമു​ഖീ​ക​രി​ക്കുന്ന പ്രശ്‌ന​ങ്ങളെ നേരി​ടു​ന്ന​തിന്‌ അവരെ സഹായി​ക്കാൻ ഞാൻ ഒരു പൊതു​ജ​ന​സേ​വ​ന​ത്തിൽ ഏർപ്പെ​ട്ടി​രി​ക്കു​ക​യാണ്‌. നിങ്ങൾ യഥാർത്ഥ​ത്തിൽ ചെയ്യാ​നാ​ഗ്ര​ഹി​ക്കാത്ത ഒരു കാര്യം​ചെ​യ്യാൻ നിങ്ങൾ പ്രേരി​പ്പി​ക്ക​പ്പെ​ടു​ന്ന​താ​യി കാണു​ന്നു​ണ്ടോ? അല്ലെങ്കിൽ, നിങ്ങൾക്കു​തന്നെ ഇഷ്‌ട​മി​ല്ലെ​ങ്കി​ലും മററു​ള​ളവർ ചെയ്യു​ന്ന​തു​കൊ​ണ്ടു​മാ​ത്രം ചില​പ്പോൾ ചില കാര്യങ്ങൾ ചെയ്യാ​നു​ളള പ്രവണത നിങ്ങൾക്കു​ണ്ടോ? സമപ്രാ​യ​ക്കാ​രു​ടെ അത്തരം സമ്മർദ്ദത്തെ നിങ്ങൾക്ക്‌ എങ്ങനെ നേരി​ടാ​മെന്ന്‌ അറിയാൻ നിങ്ങൾ എന്നെങ്കി​ലും ആഗ്രഹി​ച്ചി​ട്ടു​ണ്ടോ?” അവന്റെ മറുപ​ടി​ക്കു​ശേഷം പുസ്‌തകം 9-ാം അദ്ധ്യാ​യ​ത്തി​ലേക്കു മറിക്കുക. പിന്നീട്‌ ഇങ്ങനെ പറയുക: “77-ാം പേജിൽ ഈ പുതിയ പ്രസി​ദ്ധീ​ക​രണം പറയു​ന്ന​തെ​ന്തെന്നു കാണുക. [ഉചിത​മായ ഒരു ഖണ്ഡിക വായി​ക്കുക.] ഈ പ്രശ്‌നത്തെ നേരി​ടാൻ ബൈബി​ളി​ന്റെ ഒരു പഠനം സഹായി​ക്കു​മെന്നു നിങ്ങൾ വിചാ​രി​ക്കു​ന്നു​വോ? [ഒരു ഉത്തരത്തിന്‌ സമയമ​നു​വ​ദി​ക്കുക] സങ്കീർത്തനം 119:9-ൽ ബൈബിൾ എന്തു പറയു​ന്നു​വെന്നു കാണുക. [വായി​ക്കുക] ഉളളട​ക്ക​ത്തിൽ പട്ടിക​പ്പെ​ടു​ത്തി​യി​രി​ക്കു​ന്ന​തു​പോ​ലെ​യു​ളള പ്രയാ​സ​ക​ര​മായ സാഹച​ര്യ​ങ്ങളെ നേരി​ടാൻ യുവജ​ന​ങ്ങളെ ബൈബി​ളിന്‌ എങ്ങനെ സഹായി​ക്കാൻ കഴിയു​മെന്ന്‌ ഈ പുസ്‌തകം നിങ്ങളെ കാണി​ച്ചു​ത​രു​ന്നു. [പുസ്‌തകം അയാളു​ടെ കൈയിൽ കൊടു​ക്കുക] 15 രൂപാ സംഭാ​വ​നക്ക്‌ ഇതു നിങ്ങൾക്കു ലഭിക്കും.”

⁶ ഇപ്പോ​ഴും സ്‌ക്കൂ​ളിൽ പോകുന്ന ഒരു പ്രസാ​ധ​ക​നാണ്‌ നിങ്ങ​ളെ​ങ്കിൽ 1989 സെപ്‌റ​റം​ബ​റി​ലെ നമ്മുടെ രാജ്യ​ശു​ശ്രൂ​ഷ​യു​ടെ ലക്കത്തിൽ നൽകി​യി​രി​ക്കുന്ന നിർദ്ദേ​ശങ്ങൾ അനുസ​രി​ക്കുക. നിങ്ങൾ അങ്ങനെ ചെയ്യു​മ്പോൾ നിങ്ങൾക്ക്‌ അനേകം സന്തുഷ്‌ട​പ്ര​തി​ഫ​ലങ്ങൾ ലഭിക്കു​ന്ന​താ​യി​രി​ക്കും.

⁷ യഹോവ “ആരും നശിപ്പി​ക്ക​പ്പെ​ടാൻ ആഗ്രഹി​ക്കു​ന്നില്ല.” (2 പത്രോസ്‌ 3:9) ഇവരിൽ യുവജ​ന​ങ്ങ​ളും ഉൾപ്പെ​ടു​ന്നു. എന്നിരു​ന്നാ​ലും, അനേകം യുവജ​നങ്ങൾ അർമ്മ​ഗെ​ദ്ദോ​നെ അതിജീ​വി​ക്കു​ക​യില്ല. യുവജ​ന​ങ്ങ​ളോ​ടു ഫലപ്ര​ദ​മാ​യി പ്രസം​ഗി​ക്കാ​നു​ളള നമ്മുടെ ശ്രമങ്ങൾ യഹോ​വ​യു​ടെ സ്‌തു​തി​ക്കാ​യി ഒരു നല്ല സംഖ്യ യുവജ​ന​ങ്ങ​ളു​ടെ രക്ഷയിൽ കലാശി​ക്കട്ടെ.