ജീവി​ച്ചി​രു​ന്നി​ട്ടു​ള​ള​തി​ലേ​ക്കും ഏററവും മഹാനായ മനുഷ്യൻ പുസ്‌തകം പഠിക്കൽ

¹ മെയ്‌ 10-നാരം​ഭി​ക്കുന്ന വാരത്തിൽ സഭാപു​സ്‌ത​കാ​ദ്ധ്യ​യ​ന​ത്തി​നു നമ്മൾ ജീവി​ച്ചി​രു​ന്നി​ട്ടു​ള​ള​തി​ലേ​ക്കും ഏററവും മഹാനായ മനുഷ്യൻ എന്ന പുസ്‌തകം പഠിക്കാൻ തുടങ്ങും. യേശു​ക്രി​സ്‌തു​വി​ന്റെ ജീവി​ത​വും ശുശ്രൂ​ഷ​യും പുനര​വ​ലോ​കനം ചെയ്യു​ന്നത്‌ എന്തൊരു സന്തോ​ഷ​മാ​യി​രി​ക്കും! ഈ പുസ്‌തകം നമ്മൾ അദ്ധ്യയനം നടത്തി​യി​ട്ടു​ളള മററു പുസ്‌ത​ക​ങ്ങ​ളിൽനിന്ന്‌ ഏറെക്കു​റെ വ്യത്യ​സ്‌ത​മാ​യി രൂപക​ല്‌പന ചെയ്‌തി​രി​ക്കു​ന്ന​തി​നാൽ ചില മാർഗ്ഗ​നിർദ്ദേ​ശങ്ങൾ സഹായ​ക​മാ​യി​രി​ക്കും.

² പുസ്‌ത​ക​ത്തി​നു പേജു നമ്പരുകൾ ഇല്ലാത്ത​തി​നാൽ നമ്മുടെ രാജ്യ ശുശ്രൂ​ഷ​യിൽ പ്രസി​ദ്ധീ​ക​രി​ക്കുന്ന പട്ടിക പഠിക്കേണ്ട അദ്ധ്യാ​യങ്ങൾ പട്ടിക​പ്പെ​ടു​ത്തും, സാധാ​ര​ണ​മാ​യി ഓരോ ആഴ്‌ച​യി​ലും മൂന്നോ നാലോ അദ്ധ്യാ​യങ്ങൾ തന്നെ. മുപ്പത്ത​ഞ്ചും 111-ഉം 116-ഉം അദ്ധ്യാ​യങ്ങൾ ദൈർഘ്യ​മു​ള​ള​വ​യാണ്‌, അവ രണ്ട്‌ അദ്ധ്യയ​ന​ങ്ങൾക്കാ​യി വിഭജി​ച്ചി​രി​ക്കും. യോഗ്യ​ത​യു​ളള ഒരു സഹോ​ദരൻ മുഴു അദ്ധ്യാ​യ​വും (അല്ലെങ്കിൽ 35-ഉം 111-ഉം 116-ഉം അദ്ധ്യാ​യ​ങ്ങ​ളി​ലെ​പ്പോ​ലെ ഒരു തലക്കെ​ട്ടു​വരെ മുഴു​വ​നും) വായി​ച്ച​തി​നു​ശേഷം അദ്ധ്യാ​യ​ത്തി​ന്റെ അവസാ​ന​മു​ളള ചോദ്യ​ങ്ങ​ളിൽ ആ അദ്ധ്യാ​യ​ത്തോ​ടൊ വായിച്ച ഭാഗ​ത്തോ​ടോ അനുരൂ​പ​മാ​യി വരുന്നവ അദ്ധ്യയന നിർവ്വാ​ഹകൻ ചോദി​ക്കും. അദ്ധ്യാ​യ​ത്തിൽ ഉത്തരങ്ങൾ എല്ലായ്‌പോ​ഴും ക്രമാ​നു​ഗ​ത​മാ​യി പിന്തു​ട​രു​ന്നില്ല. ഹ്രസ്വ​വും കുറി​ക്കു​ക്കൊ​ള​ളു​ന്ന​തു​മായ അഭി​പ്രാ​യങ്ങൾ പാഠത്തി​ലെ വിവരത്തെ അടിസ്ഥാ​ന​മാ​ക്കി​യാ​യി​രി​ക്കണം.

³ അതിനു​ശേഷം, സമയം അനുവ​ദി​ക്കു​ന്ന​ത​നു​സ​രിച്ച്‌, അദ്ധ്യാ​യ​ത്തി​ന്റെ അവസാനം പരാമർശി​ച്ചി​രി​ക്കുന്ന എല്ലാ തിരു​വെ​ഴു​ത്തു​ക​ളും വായി​ക്കണം. നീണ്ട തിരു​വെ​ഴുത്ത്‌ ഉദ്ധരണി​കൾ, വായന​യിൽ വ്യത്യസ്‌ത പ്രസാ​ധ​കർക്കു പങ്കുണ്ടാ​യി​രി​ക്കാൻ തക്കവണ്ണം ഒരുപക്ഷേ ചെറിയ ഭാഗങ്ങ​ളാ​യി വിഭജി​ക്കു​ന്ന​തി​നു കഴിയും. അതു കഴിഞ്ഞ്‌ വായി​ച്ച​തി​നെ​ക്കു​റിച്ച്‌ അഭി​പ്രാ​യങ്ങൾ നൽകാൻ കഴിയും. നാം വായി​ക്കുന്ന തിരു​വെ​ഴു​ത്തു​കൾ പുസ്‌ത​ക​ത്തിൽ വിശേ​ഷ​വൽക്ക​രി​ച്ചി​രി​ക്കു​ന്ന​തു​മാ​യി എങ്ങനെ ബന്ധപ്പെ​ട്ടി​രി​ക്കു​ന്നു​വെന്നു പ്രകട​മാ​ക്കുന്ന അർത്ഥവ​ത്തായ അഭി​പ്രാ​യങ്ങൾ പുറത്തു​കൊ​ണ്ടു​വ​രാൻ നിർവ്വാ​ഹകൻ തയ്യാറാ​ക്കി​യി​രി​ക്കുന്ന ചൂഴ്‌ന്നി​റ​ങ്ങുന്ന ചോദ്യ​ങ്ങൾ സഹായി​ക്കും. എല്ലാം ചോദ്യ​ങ്ങ​ളും അഭി​പ്രാ​യ​ങ്ങ​ളും ഹാജരാ​യി​രി​ക്കു​ന്ന​വരെ യേശു​ക്രി​സ്‌തു​വി​ലും അവിടത്തെ ജീവി​ത​ഗ​തി​യി​ലും പഠിപ്പി​ക്ക​ലു​ക​ളി​ലും ശ്രദ്ധ കേന്ദ്രീ​ക​രി​ക്കാൻ സഹായി​ക്കണം.

⁴ മഹാനായ മനുഷ്യൻ പുസ്‌തകം യേശു​ക്രി​സ്‌തു​വി​ന്റെ ജീവിതം കാല​ക്ര​മാ​നു​സാ​ര​മാ​യി പരിചി​ന്തനം ചെയ്യുന്നു. സംഭവങ്ങൾ ഭാവന​യിൽ കാണു​ന്ന​തും അവ സംഭവി​ച്ച​തെ​വി​ടെ എന്നു മനസ്സിൽ ഉറപ്പി​ക്കു​ന്ന​തും അവ ഓർമ്മി​ക്കു​ന്ന​തി​നു​ളള ഒരു യഥാർത്ഥ സഹായ​മാ​യി​രി​ക്കാൻ കഴിയും. അതു​കൊണ്ട്‌ വർണ്ണപ്പ​കി​ട്ടാർന്ന ചിത്രങ്ങൾ പരിചി​ന്തി​ക്കു​ന്നു​വെ​ന്നും പുസ്‌ത​ക​ത്തി​ന്റെ തുടക്ക​ത്തിൽ ആമുഖത്തെ തുടർന്നു വരുന്ന മാപ്പിൽ കൂടെ​ക്കൂ​ടെ പരി​ശോ​ധന നടത്തു​ന്നു​വെ​ന്നും ഉറപ്പു​വ​രു​ത്തുക.

⁵ പുസ്‌ത​ക​ത്തി​ന്റെ ആമുഖം ആദ്യവാ​ര​ത്തിൽ പരിഗ​ണി​ക്കു​ന്ന​താ​യി​രി​ക്കും. ഉപതല​ക്കെ​ട്ടി​നു താഴെ​യു​ളള ഖണ്ഡികകൾ മുഴുവൻ വായി​ച്ച​തി​നു​ശേഷം നിർവ്വാ​ഹകൻ താൻ തയ്യാറാ​ക്കി​യി​ട്ടു​ളള അനു​യോ​ജ്യ​മായ ചോദ്യ​ങ്ങൾ ചോദി​ക്കും. ഈ പ്രാരംഭ പരിചി​ന്തനം തുടർന്നു​വ​രാ​നു​ളള അദ്ധ്യയ​ന​ങ്ങൾക്ക്‌ അരങ്ങൊ​രു​ക്കും. ഭാഗം പഠിച്ചു​തീർക്കു​ന്ന​തി​ലെ വിജയം ഹാജരാ​കുന്ന എല്ലാവ​രു​ടെ​യും തയ്യാറാ​ക​ലി​നെ ആയിരി​ക്കും വലിയ അളവിൽ ആശ്രയി​ച്ചി​രി​ക്കുക. ജീവി​ച്ചി​രു​ന്നി​ട്ടു​ള​ള​തി​ലേ​ക്കും ഏററവും മഹാനായ മനുഷ്യ​നു​മാ​യി, നമ്മുടെ കർത്താ​വും രക്ഷിതാ​വു​മായ യേശു​ക്രി​സ്‌തു​വു​മാ​യി നല്ല പരിച​യ​ത്തി​ലാ​യി​ത്തീ​രാൻ കഴി​യേ​ണ്ട​തി​നു കൂട്ടത്തെ സഹായി​ക്കാൻ ഓരോ ആഴ്‌ച​യും നിർവ്വാ​ഹകൻ വിശേ​ഷാൽ നന്നായി തയ്യാർ ചെയ്‌തി​രി​ക്കണം.