വീടു​തോ​റു​മു​ളള ശുശ്രൂഷ എന്ന വെല്ലു​വി​ളി​യെ നേരിടൽ

¹ അപരി​ചി​തരെ സന്ദർശി​ച്ചു​കൊ​ണ്ടു വീടു​തോ​റും പോകുക എന്ന ആശയം നിർമ്മ​ലാ​രാ​ധന സ്വീക​രി​ക്കുന്ന അനേകർക്കും ഒരു യഥാർത്ഥ വെല്ലു​വി​ളി​യാണ്‌. എന്നാൽ യഹോ​വ​യോ​ടു​ളള യഥാർത്ഥ സ്‌നേഹം ഈ വെല്ലു​വി​ളി​യെ നേരി​ടാൻ ഒരു വ്യക്തിയെ സഹായി​ക്കു​ന്നു. സ്വതവേ വളരെ ലജ്ജാശീ​ല​രാ​യവർ പോലും സുവാർത്ത​യു​ടെ മുഴു​സ​മ​യ​പ്ര​സം​ഗകർ ആയിത്തീ​രുന്ന ഘട്ടത്തോ​ളം പുരോ​ഗ​മി​ച്ചി​ട്ടുണ്ട്‌.

² ആദിമ ക്രിസ്‌ത്യാ​നി​കൾ വീടു​തോ​റും പോയി ദൈവ​രാ​ജ്യ സുവാർത്ത പങ്കുവ​ച്ചു​വെന്നു ബൈബി​ളിൽനി​ന്നു വ്യക്തമാണ്‌. (പ്രവൃ​ത്തി​കൾ 5:42; 20:20, 21) ഈ 20-ാം നൂററാ​ണ്ടി​ലെ ക്രിസ്‌ത്യാ​നി​കൾ എന്നനി​ല​യിൽ നാമും ഈ വേലയിൽ പങ്കെടു​ക്കു​ന്നു. ഉദാസീ​ന​ത​യോ ശല്യമോ അധി​ക്ഷേ​പ​മോ നേരി​ട്ടു​ളള എതിർപ്പോ നമുക്കു നേരി​ട്ടേ​ക്കാ​മെ​ങ്കിൽത്ത​ന്നെ​യും ദൈവ​ത്തോ​ടും അയൽക്കാ​ര​നോ​ടു​മു​ളള നമ്മുടെ സ്‌നേഹം ഈ വേല ചെയ്യാൻ നമ്മെ പ്രേരി​പ്പി​ക്കു​ന്നു.

³ വെല്ലു​വി​ളി​യെ നേരിടൽ സഫലമാ​ക്കു​ന്നത്‌: സന്ദർശനം നടത്തുന്ന ഓരോ പ്രാവ​ശ്യ​വും സത്യത്തി​ന്റെ കുറെ വിത്തുകൾ വിതക്കാൻ നാം ശ്രമി​ക്കു​ന്നു, മൊത്ത​ത്തി​ലു​ളള ഫലം ഒടുവിൽ രാജ്യ​ഫലം പുറ​പ്പെ​ടു​വി​ച്ചേ​ക്കാ​മെന്ന്‌ അറിഞ്ഞു​കൊ​ണ്ടു​തന്നെ. (സഭാ. 11:6) വ്യക്തി​പ​ര​മായ സാഹച​ര്യ​ങ്ങൾക്കു മാററം​വ​രു​ന്നു. നമ്മി​ലൊ​രാൾ വീട്ടു​വാ​തി​ല്‌ക്കൽ പറഞ്ഞതി​നെ​ക്കു​റി​ച്ചു ചിന്തി​ക്കാൻ ഒരു വീട്ടു​കാ​രനെ ഇടയാ​ക്കി​യേ​ക്കാ​വുന്ന എന്തെങ്കി​ലും സംഭവി​ച്ചേ​ക്കാം, അടുത്ത​പ്രാ​വ​ശ്യം അയാൾ കൂടുതൽ സ്വീകാ​ര്യ​ക്ഷ​മ​ത​യു​ള​ള​വ​നാ​യി​രു​ന്നേ​ക്കാം.

⁴ വീടു​തോ​റു​മു​ളള നമ്മുടെ ശുശ്രൂഷ സത്യ​ത്തോ​ടും നീതി​യോ​ടും ചായ്‌വു കാണി​ക്കു​ന്ന​വർക്കു യഹോ​വ​യെ​യും അവിടു​ത്തെ ഉദ്ദേശ്യ​ങ്ങ​ളെ​യും കുറിച്ചു പഠിക്കാൻ ഒരു അവസരം കൊടു​ക്കു​ന്നു, നിത്യ​ജീ​വ​നി​ലേ​ക്കു​ളള പാതയിൽ അവർക്കു തുടക്ക​മി​ട്ടു​കൊ​ടു​ത്തു​കൊ​ണ്ടു​തന്നെ. യഹോ​വ​യു​ടെ അംഗീ​കാ​രം ആസ്വദി​ക്കു​ന്ന​തി​നു തങ്ങൾ മാററം വരുത്തേണ്ട ആവശ്യ​മു​ണ്ടെന്നു ലൗകിക ഉല്ലാസ​ങ്ങളെ അനുധാ​വനം ചെയ്യു​ന്ന​വർക്കു നാം സ്‌നേ​ഹ​പൂർവം മുന്നറി​യി​പ്പു കൊടു​ക്കു​ന്നു. വീട്ടു​കാർ ശ്രദ്ധി​ച്ചാ​ലും ഇല്ലെങ്കി​ലും ഈ ശുശ്രൂഷ യഹോ​വ​യു​ടെ നാമത്തെ പ്രസി​ദ്ധ​മാ​ക്കു​ക​യും അവിടു​ത്തേക്കു മഹത്വം കൈവ​രു​ത്തു​ക​യും ചെയ്യുന്നു.—യെഹ. 3:11.

⁵ ശുശ്രൂ​ഷ​യിൽ പ്രവർത്തി​ക്കു​ന്നത്‌ നിസ്വാർത്ഥ സ്‌നേഹം, സന്തോഷം, സമാധാ​നം, ദീർഘക്ഷമ തുടങ്ങിയ ആത്മാവി​ന്റെ ഫലങ്ങൾ വികസി​പ്പി​ക്കാൻ നമ്മെ സഹായി​ക്കു​ന്നു. (ഗലാ. 5:22) മററു​ള​ള​വർക്കു നൻമ ചെയ്യു​ന്നത്‌ ഇതിൽ ഉൾപ്പെ​ട്ടി​രി​ക്കു​ന്ന​തു​കൊ​ണ്ടു താഴ്‌മ​യും മനസ്സലി​വും ഉളളവ​രാ​യി​രി​ക്കാൻ ഇതു നമ്മെ സഹായി​ക്കു​ന്നു. യഹോ​വ​യു​ടെ വേലയിൽ തിരക്കു​ള​ള​വ​രാ​യി നില​കൊ​ള​ളു​ന്നതു ലോക​ത്തിൽനി​ന്നു നമ്മെ സംരക്ഷി​ക്കാൻ ഉതകുന്നു.—1 കൊരി. 15:58.

⁶ വെല്ലു​വി​ളി നേരി​ടാൻ സഹായി​ക്കുക: ഏററവും പ്രചോ​ദ​നാ​ത്മ​ക​മായ ഈ വേലയിൽ എങ്ങനെ പങ്കെടു​ക്കാ​മെന്നു പഠിക്കു​ന്ന​തി​നു പുതി​യ​വർക്കു സഹായം ആവശ്യ​മാണ്‌. പലപ്പോ​ഴും അവർക്ക്‌ ആത്മവി​ശ്വാ​സം കുറവാണ്‌, അതു​കൊ​ണ്ടു വീടു​തോ​റും പോകു​ന്ന​തി​നെ​ക്കു​റി​ച്ചു ചിന്തി​ക്കു​മ്പോൾത്തന്നെ അവർ നിരു​ത്സാ​ഹി​ത​രാ​യി​ത്തീർന്നേ​ക്കാം. പൊതു തടസ്സവാ​ദ​ങ്ങ​ളും പ്രതി​ക​ര​ണ​മാ​യി നമുക്ക്‌ എന്തു പറയാ​വു​ന്ന​താ​ണെ​ന്നും അവരോ​ടൊ​ത്തു നമുക്കു ചർച്ച ചെയ്യാ​വു​ന്ന​താണ്‌. സംഭാ​ഷണം മുടക്കി​ക​ളോ​ടു മറുപടി പറയു​ന്നതു സംബന്ധി​ച്ചു ന്യായ​വാ​ദം പുസ്‌ത​ക​ത്തി​ലു​ളള ചില നല്ല നിർദ്ദേ​ശങ്ങൾ ഉപയോ​ഗി​ച്ചു​കൊ​ണ്ടു നമുക്കു പരിശീ​ലനം നടത്താൻ കഴിയും. വയൽശു​ശ്രൂ​ഷ​യ്‌ക്കു തയ്യാറാ​കാൻ അവരെ സഹായി​ക്കാ​മെന്ന്‌ എന്തു​കൊ​ണ്ടു വാഗ്‌ദാ​നം ചെയ്‌തു​കൂ​ടാ? വയൽസേ​വ​ന​ത്തി​നാ​യു​ളള യോഗ​ങ്ങ​ളിൽ ക്രമമാ​യി പങ്കുപ​റ​റി​ക്കൊ​ണ്ടും അതിനു​ശേഷം കൂടുതൽ അനുഭ​വ​പ​രി​ച​യ​മു​ളള പ്രസാ​ധ​ക​രോ​ടൊ​ത്തു പ്രവർത്തി​ച്ചു​കൊ​ണ്ടും​കൂ​ടെ അവർക്ക്‌ ഏറെ സഹായം സ്വീക​രി​ക്കാൻ കഴിയും. ഒരു കൂട്ട​ത്തോ​ടൊ​ത്തു പ്രവർത്തി​ക്കു​ന്നതു വളരെ ശക്തി​പ്പെ​ടു​ത്തു​ന്ന​താ​യി​രു​ന്നേ​ക്കാം.

⁷ വീടു​തോ​റും പോകു​മ്പോൾ, നമ്മുടെ ദൈവ​മായ യഹോ​വയെ പ്രതി​നി​ധാ​നം ചെയ്യു​ക​യെന്ന പദവി നമുക്കുണ്ട്‌. യഥാർത്ഥ​ത്തിൽ ദൈവ​ത്തി​ന്റെ കൂട്ടു​വേ​ല​ക്കാ​ര​നാ​യി​രി​ക്കു​ന്ന​തി​നെ​ക്കാൾ വലിയ എന്തു ബഹുമ​തി​യാണ്‌ ആർക്കെ​ങ്കി​ലും ഉണ്ടായി​രി​ക്കാൻ കഴിയുക? (1 കൊരി. 3:9) നാം ദൈവ​ത്തിൽ ആശ്രയി​ക്കു​ന്നെ​ങ്കിൽ, വീടു​തോ​റു​മു​ളള ശുശ്രൂഷ എന്ന വെല്ലു​വി​ളി​യെ നേരി​ടാൻ അവിടു​ത്തെ ആത്മാവു നമ്മെ സഹായി​ക്കും.—2 കൊരി. 3:5.