താത്‌പ​ര്യ​ക്കാ​രെ സഹായി​ക്കാൻ സന്തോ​ഷ​പൂർവ്വം മടങ്ങി​ച്ചെ​ല്ലു​ക

¹ വീടു​തോ​റു​മു​ളള വേലയിൽ പങ്കുപ​റ​റുന്ന ഏതൊ​രു​വ​നും താത്‌പ​ര്യ​ക്കാ​രായ ആളുകളെ സഹായി​ക്കാൻ ആഗ്രഹി​ക്കു​ന്നു. അത്തരം സഹായം നല്‌കു​ന്ന​തി​നാൽ നാം ആഴമായ സന്തോ​ഷ​വും സംതൃ​പ്‌തി​യും അനുഭ​വി​ക്കു​ന്നു. (സങ്കീർത്തനം 126:5, 6 താരത​മ്യ​പ്പെ​ടു​ത്തുക.) നാം തയ്യാറാ​യി​രി​ക്കേ​ണ്ടത്‌ ഇത്‌ ആവശ്യ​മാ​ക്കി​ത്തീർക്കു​ന്നു.

² വീടു​തോ​റു​മു​ളള നമ്മുടെ രേഖയിൽ വിശദ​മായ വിവരങ്ങൾ സൂക്ഷി​ക്കു​ന്ന​തോ​ടെ തയ്യാറാ​കൽ ആരംഭി​ക്കു​ന്നു. ഇതിൽ വീക്ഷാ​ഗോ​പു​ര​ത്തി​ന്റെ അല്ലെങ്കിൽ ഉണരുക!യുടെ ഏതു ലക്കമാണു വീട്ടു​കാ​രനു നല്‌കി​യ​തെ​ന്നും അയാൾ ഒരു വരിസം​ഖ്യ സ്വീക​രി​ച്ചോ ഇല്ലയോ എന്നതും ഉൾപ്പെ​ടു​ന്നു. ആദ്യ സന്ദർശ​ന​ത്തിൽ ചർച്ച​ചെയ്‌ത വിഷയ​വും വീട്ടു​കാ​രന്റെ പ്രതി​ക​ര​ണ​വും രേഖ​പ്പെ​ടു​ത്തുക. നിങ്ങൾ മടങ്ങി​ച്ചെ​ല്ലു​മ്പോൾ സംഭാ​ഷണം എപ്രകാ​രം തുടങ്ങാൻ ആഗ്രഹി​ക്കു​ന്നു എന്നതിന്റെ ഒരു കുറിപ്പ്‌ ഉണ്ടാക്കാൻപോ​ലും നിങ്ങൾ ആഗ്രഹി​ച്ചേ​ക്കാം.

³ ദൃഷ്ടാ​ന്ത​ത്തിന്‌, ആദ്യമേ നിങ്ങൾ കർത്താ​വി​ന്റെ പ്രാർത്ഥ​നയെ പരാമർശി​ക്കു​ക​യും “ഗവൺമെൻറ്‌” ലഘുപ​ത്രിക സമർപ്പി​ക്കു​ക​യും ചെയ്‌തെ​ങ്കിൽ, ഏതാണ്ടി​ങ്ങനെ നിങ്ങൾക്കു ഹ്രസ്വ​മാ​യി പ്രസ്‌താ​വി​ക്കാൻ കഴിയും:

▪“കഴിഞ്ഞ​പ്രാ​വ​ശ്യം ഞാൻ വന്നപ്പോൾ, ദൈ​വേഷ്ടം ഭൂമി​യിൽ എപ്രകാ​രം ചെയ്യ​പ്പെ​ടാൻ പോകു​ന്നെ​ന്നും ജീവി​ത​ത്തി​ന്റെ എല്ലാ മേഖല​ക​ളി​ലും സമാധാ​നം എങ്ങനെ യാഥാർത്ഥ്യ​മാ​യി​ത്തീ​രു​മെ​ന്നും നാം ചർച്ച​ചെ​യ്‌തു. ഞാൻ തന്നിട്ടു​പോയ ലഘുപ​ത്രി​ക​യിൽ, അതിന്റെ 29-ാമത്തെ പേജിൽ മനുഷ്യ​വർഗ്ഗ​ത്തി​നു ദൈവ​രാ​ജ്യം കൈവ​രു​ത്തുന്ന മററനു​ഗ്ര​ഹ​ങ്ങ​ളെ​ക്കു​റി​ച്ചു പറയു​ന്നതു ദയവായി ശ്രദ്ധി​ക്കുക.”

⁴ വ്യക്തി ഒരു ഹിന്ദു​വാ​ണെ​ങ്കിൽ, ഏതാണ്ട്‌ ഇതു​പോ​ലെ പറയുക:

▪“ഞാൻ നേരത്തെ സന്ദർശനം നടത്തി​യ​പ്പോൾ, ദാനീ​യേൽ 2:44-ലെ പ്രവച​ന​വും അത്‌ എപ്പോൾ നിവൃ​ത്തി​യേ​റു​മെ​ന്നു​ള​ള​തും നമ്മൾ ചർച്ച​ചെ​യ്‌തി​രു​ന്നു.” ആ തിരു​വെ​ഴു​ത്തു വീണ്ടും വായി​ക്കു​ക​യും നമ്മുടെ പ്രശ്‌നങ്ങൾ—അവ പരിഹ​രി​ക്കാൻ ആർ നമ്മെ സഹായി​ക്കും? എന്ന ലഘുപ​ത്രി​ക​യി​ലെ 12മുതൽ 17വരെയുളള പേജുകൾ പരാമർശി​ക്കു​ക​യും ചെയ്യുക, പ്രഥമ സന്ദർശ​ന​ത്തിൽ നിങ്ങൾ നിർത്തിയ ഭാഗത്തു തുടങ്ങി​ക്കൊ​ണ്ടു​തന്നെ. ഈ മാററം വരുന്ന കാലഘട്ടം സംബന്ധി​ച്ചു സംശയ​ത്തി​നു യാതൊ​രി​ട​വും ബൈബിൾ അവശേ​ഷി​പ്പി​ക്കു​ന്നി​ല്ലെന്ന വസ്‌തു​ത​യി​ലേക്കു വീട്ടു​കാ​രന്റെ ശ്രദ്ധയാ​കർഷി​ക്കുക. പ്രാ​യോ​ഗി​ക​മെ​ങ്കിൽ, അയാ​ളോ​ടു തന്റെ ലഘുപ​ത്രിക എടുക്കാൻ അഭ്യർത്ഥി​ക്കു​ക​യും ആ വിവരം ഒന്നിച്ചു ചർച്ച ചെയ്യു​ക​യും ചെയ്യുക.

⁵ വീട്ടു​കാ​രൻ ഭൗതി​ക​മാ​യോ അല്ലാ​തെ​യോ സംതൃ​പ്‌ത​നാ​യി കാണ​പ്പെ​ടു​ന്നെ​ങ്കിൽ, അയാൾക്കു കൊടു​ത്തി​ട്ടു​ളള മാസി​ക​യി​ലെ പ്രോ​ത്സാ​ഹ​ജ​ന​ക​മായ ഒരു ചിത്ര​മോ പ്രസ്‌താ​വ​ന​യോ സംബന്ധിച്ച്‌ അയാളു​ടെ അഭി​പ്രാ​യം നിങ്ങൾക്കു ചോദി​ക്കാ​വു​ന്ന​താണ്‌. അയാൾ ലഘുലേഖ മാത്രമേ എടുത്തി​ട്ടു​ള​ളു​വെ​ങ്കിൽ സമാധാ​ന​പൂർണ്ണ​മായ ഒരു പുതിയ ലോക​ത്തി​ലെ ജീവിതം എന്ന ലഘുലേഖ നിങ്ങൾക്കു വീണ്ടും പരാമർശി​ക്കാ​നും 3-ഉം 4-ഉം പേജു​ക​ളി​ലെ പ്രസ്‌താ​വന വായി​ക്കാ​നും കഴിയും. മനോ​ജ്ഞ​മായ ഒരു പറുദീ​സാ​ഭൂ​മി​യിൽ ജീവി​ക്കാൻ ആഗ്രഹി​ക്കു​ന്നു​വോ​യെന്നു വീട്ടു​കാ​ര​നോ​ടു ചോദി​ക്കുക. ‘അതു നിങ്ങൾക്കെ​ങ്ങനെ സാധ്യ​മാണ്‌’ എന്ന 6-ാം പേജിലെ ഉപതല​ക്കെ​ട്ടിൻകീ​ഴി​ലു​ളള വിവരം അയാ​ളോ​ടൊ​ത്തു ചർച്ച ചെയ്യുക.

⁶ ഒരുപക്ഷേ നിങ്ങൾ ചർച്ച ചെയ്‌തി​രി​ക്കാ​വുന്ന വീക്ഷാ​ഗോ​പു​ര​ത്തി​ലെ​യോ ഉണരുക!യിലെ​യോ ഒരു ലേഖനം ഉപയോ​ഗി​ച്ചു​കൊണ്ട്‌ ഇതേ അടിസ്ഥാന സമീപനം നടത്താ​വു​ന്ന​താണ്‌. നിങ്ങളു​ടെ ആദ്യസ​ന്ദർശ​ന​ത്തിൽ പ്രദീ​പ്‌ത​മാ​ക്കിയ ലേഖനം പരാമർശി​ക്കു​ക​യും അതിനു​ശേഷം അതേ ലേഖന​ത്തിൽനി​ന്നോ നിങ്ങളു​ടെ കൈവ​ശ​മു​ളള മറെറാ​രു ലക്കത്തിലെ ഒരു ലേഖന​ത്തിൽനി​ന്നോ ഉളള മറെറാ​രു വിഷയം പരാമർശി​ക്കു​ക​യും ചെയ്യുക. സാദ്ധ്യ​മെ​ങ്കിൽ, ഒന്നിച്ച്‌ ഒരു തിരു​വെ​ഴു​ത്തു വായി​ക്കു​ക​യും വീട്ടു​കാ​രന്റെ അഭി​പ്രാ​യം ചോദി​ക്കു​ക​യും ചെയ്യുക.

⁷ നിങ്ങൾ ആദ്യം സന്ദർശിച്ച സമയത്ത്‌ ഒരു വരിക്കാ​ര​നാ​കാൻ വീട്ടു​കാ​രൻ ചായ്‌വു കാണി​ച്ചി​ല്ലാ​യി​രി​ക്കാം, എന്നാൽ നിങ്ങൾ മടങ്ങി​ച്ചെ​ല്ലു​മ്പോൾ മാസി​ക​യു​ടെ മറെറാ​രു ലക്കം നിങ്ങൾക്കു​ണ്ടെ​ങ്കിൽ, വന്നിരി​ക്കുന്ന താത്‌പ​ര്യ​ജ​ന​ക​മായ പുതിയ ലേഖനങ്ങൾ അദ്ദേഹത്തെ കാണി​ക്കാ​നും ഒരു വരിസം​ഖ്യ സമർപ്പി​ക്കാ​നും ഉളള ഒരു നല്ല അവസര​മാ​യി​രി​ക്കാം ഇത്‌.

⁸ ഒരു ബൈബി​ള​ദ്ധ്യ​യനം തുടങ്ങു​ക​യെന്ന നിങ്ങളു​ടെ ലക്ഷ്യം മനസ്സിൽ പിടി​ക്കുക. ആ ഘട്ടത്തോ​ളം താത്‌പ​ര്യ​ത്തെ വളർത്തി​ക്കൊ​ണ്ടു​വ​രു​ന്ന​തി​നു സാധാ​ര​ണ​മാ​യി അനേകം സന്ദർശ​നങ്ങൾ ആവശ്യ​മാണ്‌. കഴിയു​ന്നി​ട​ത്തോ​ളം നേരത്തെ മടങ്ങി​ച്ചെ​ന്നു​കൊ​ണ്ടു വീട്ടു​കാ​ര​നോ​ടു​ളള നിങ്ങളു​ടെ വ്യക്തി​പ​ര​മായ താത്‌പ​ര്യം പ്രകട​മാ​ക്കുക.

⁹ നാം പ്രഖ്യാ​പി​ക്കുന്ന സുവാർത്ത വലിയ സന്തോ​ഷ​ത്തി​നു കാരണ​മാണ്‌. (ലൂക്കൊസ്‌ 2:10) താത്‌പ​ര്യ​മു​ളള വ്യക്തികൾ നമ്മുടെ ശ്രമങ്ങ​ളോ​ടു പ്രതി​ക​രി​ക്കു​മ്പോൾ, ഇതു തീർച്ച​യാ​യും സന്തോ​ഷി​ക്കു​ന്ന​തി​നു​ളള ഒരു കാരണ​മാണ്‌. (ഫിലി. 4:1) നാം വയലിൽ കണ്ടെത്തുന്ന താത്‌പ​ര്യ​ക്കാ​രെ സഹായി​ക്കാൻ മടങ്ങി​ച്ചെ​ന്നു​കൊ​ണ്ടു നമുക്ക്‌ അത്തരം സന്തോഷം കൊയ്യാം.