സുവാർത്താ ലഘുപ​ത്രിക ഉപയോ​ഗി​ച്ചു പഠിപ്പിക്കുക

1. സുവാർത്താ ലഘുപ​ത്രിക എങ്ങനെ​യാണ്‌ തയ്യാറാ​ക്കി​യി​രി​ക്കു​ന്നത്‌?

¹ ജൂ​ലൈ​യി​ലെ നമ്മുടെ രാജ്യ​ശു​ശ്രൂ​ഷ​യിൽ ചർച്ച​ചെയ്‌ത​തു​പോ​ലെ ദൈവ​ത്തിൽനി​ന്നുള്ള സുവാർത്ത! എന്ന ലഘുപ​ത്രിക നമ്മുടെ പഠിപ്പി​ക്കൽ ഉപകര​ണ​ങ്ങ​ളിൽ പ്രധാ​ന​പ്പെട്ട ഒന്നാണ്‌. തിരു​വെ​ഴു​ത്തു​കൾ പരാമർശി​ക്കു​ക​മാ​ത്രം ചെയ്‌തി​രി​ക്കു​ന്ന​തി​നാൽ ബൈബി​ളിൽനിന്ന്‌ അത്‌ നേരിട്ട്‌ പഠിക്കു​ന്നത്‌ വീട്ടു​കാർക്ക്‌ പ്രയോ​ജനം ചെയ്യും. നമ്മുടെ പല പ്രസി​ദ്ധീ​ക​ര​ണ​ങ്ങ​ളും വായന​ക്കാ​രന്‌ സ്വന്തമാ​യി പഠിക്കാ​നാ​കുന്ന വിധത്തി​ലാണ്‌ തയ്യാറാ​ക്കി​യി​രി​ക്കു​ന്നത്‌, എന്നാൽ ഇത്‌ തയ്യാറാ​ക്കി​യി​രി​ക്കു​ന്നത്‌ ഒരു അധ്യാ​പ​കന്റെ സഹായ​ത്തോ​ടെ പഠിക്കാ​നാണ്‌. അതിനാൽ, നമ്മൾ ഇത്‌ കൊടു​ക്കു​മ്പോൾ വീട്ടു​കാ​രനെ ഒരു അധ്യയനം അവതരി​പ്പി​ച്ചു കാണി​ക്കണം. അങ്ങനെ അദ്ദേഹം ബൈബി​ളിൽനിന്ന്‌ സുവാർത്ത പഠിക്കു​ന്നത്‌ എത്ര പുളക​പ്ര​ദ​മാ​ണെന്ന്‌ കണ്ടെത്തും.—മത്താ. 13:44.

2. ആദ്യസ​ന്ദർശ​ന​ത്തിൽ സുവാർത്താ ലഘുപ​ത്രിക നമുക്ക്‌ എങ്ങനെ ഉപയോ​ഗി​ക്കാം?

² ആദ്യസ​ന്ദർശ​ന​ത്തിൽ: നിങ്ങൾക്ക്‌ ഇങ്ങനെ പറയാം: “ഈ ലോക​ത്തി​ന്റെ പോക്ക്‌ എങ്ങോ​ട്ടാ​ണെന്ന്‌ പല ആളുക​ളും വ്യാകു​ല​പ്പെ​ടു​ന്ന​തി​നാ​ലാണ്‌ ഞാൻ ഇവിടെ വന്നത്‌. കാര്യങ്ങൾ എന്നെങ്കി​ലും മെച്ച​പ്പെ​ടു​മെന്ന്‌ നിങ്ങൾ വിചാ​രി​ക്കു​ന്നു​ണ്ടോ? (മറുപടി ശ്രദ്ധി​ക്കുക.) പ്രത്യാശ പകരുന്ന സുവാർത്ത നമ്മുടെ സൃഷ്ടാ​വിൽനി​ന്നു മാത്രമെ വരിക​യു​ള്ളൂ. താഴെ പറയുന്ന ചില ചോദ്യ​ങ്ങൾക്ക്‌ ആശ്രയ​യോ​ഗ്യ​മായ ഉത്തരങ്ങൾ നിങ്ങൾക്കു കണ്ടെത്താം.” ലഘുപ​ത്രിക വീട്ടു​കാ​രന്റെ കൈയിൽ കൊടു​ത്തിട്ട്‌ പുറം​ച​ട്ട​യി​ലെ ചോദ്യ​ങ്ങ​ളിൽനിന്ന്‌ ഒരെണ്ണം തിര​ഞ്ഞെ​ടു​ക്കാൻ അദ്ദേഹത്തെ ക്ഷണിക്കുക. ആ പാഠത്തി​ലെ ആദ്യ ഖണ്ഡിക ചർച്ച ചെയ്‌തു​കൊണ്ട്‌ ഒരു അധ്യയനം അവതരി​പ്പി​ക്കുക. ലഘുപ​ത്രി​ക​യി​ലെ നിങ്ങൾ തിര​ഞ്ഞെ​ടുത്ത ഒരു പാഠത്തിൽനിന്ന്‌ വീട്ടു​കാ​ര​നോട്‌ ചിന്തോ​ദ്ദീ​പ​ക​മായ ഒരു ചോദ്യം ചോദി​ക്കു​ന്ന​താണ്‌ മറ്റൊരു രീതി. ലഘുപ​ത്രിക, ഈ ചോദ്യ​ത്തിന്‌ ദൈവ​വ​ചനം നൽകുന്ന ഉത്തരം കണ്ടെത്താൻ സഹായി​ക്കു​ന്നത്‌ എങ്ങനെ​യെന്ന്‌ കാണിച്ചു കൊടു​ക്കുക. ഈ പാഠത്തിന്‌ ഇണങ്ങുന്ന വീഡി​യോ jw.org-യിൽ ഉണ്ടെങ്കിൽ ചില പ്രചാ​രകർ അവതര​ണ​ത്തിൽ അതും കാണി​ക്കാ​റുണ്ട്‌.

3. സുവാർത്താ ലഘുപ​ത്രിക ഉപയോ​ഗിച്ച്‌ ഒരു ബൈബി​ള​ധ്യ​യനം നടത്തു​ന്നത്‌ എങ്ങനെ​യെന്ന്‌ വിവരി​ക്കുക.

³ അധ്യയനം എങ്ങനെ നടത്താം: (1) തടിച്ച അക്ഷരത്തിൽ അക്കം ഇട്ടു കൊടു​ത്തി​ട്ടുള്ള ചോദ്യ​ങ്ങൾ വായി​ച്ചു​കൊണ്ട്‌ പ്രധാന വിവര​ങ്ങ​ളിൽ ശ്രദ്ധ കേന്ദ്രീ​ക​രി​ക്കാൻ വീട്ടു​കാ​രനെ സഹായി​ക്കുക. (2) തുടർന്നു വരുന്ന ഖണ്ഡിക വായി​ക്കുക. (3) ചെരി​ച്ചെ​ഴു​തി​യി​രി​ക്കുന്ന തിരു​വെ​ഴു​ത്തു​കൾ വായി​ക്കുക, അക്കമിട്ട്‌ കൊടു​ത്തി​രി​ക്കുന്ന ചോദ്യ​ത്തിന്‌ തിരു​വെ​ഴു​ത്തു​കൾ ഉത്തരം നൽകു​ന്നത്‌ എങ്ങനെ​യെന്ന്‌ മനസ്സി​ലാ​ക്കാൻ നയപൂർവം ചോദ്യ​ങ്ങൾ ചോദി​ച്ചു​കൊണ്ട്‌ വീട്ടു​കാ​രനെ സഹായി​ക്കുക. (4) ചോദ്യ​ത്തി​നു​കീ​ഴെ മറ്റൊരു ഖണ്ഡിക ഉണ്ടെങ്കിൽ 2-ഉം 3-ഉം പടികൾ ആവർത്തി​ക്കുക. ഈ ചോദ്യ​ത്തിന്‌ ഉത്തരം നൽകുന്ന ഒരു വീഡി​യോ ഉണ്ടെങ്കിൽ ചർച്ചയ്‌ക്കി​ടെ ഏതെങ്കി​ലും സമയത്ത്‌ അതു കാണി​ക്കുക. (5) അവസാനം, വീട്ടു​കാ​രന്‌ കാര്യം മനസ്സി​ലാ​യോ എന്നറി​യാ​നാ​യി അക്കമിട്ടു കൊടു​ത്തി​രി​ക്കുന്ന ചോദ്യ​ത്തി​ന്റെ ഉത്തരം ആരായുക.

4. വിലപ്പെട്ട ഈ ഉപകരണം വൈദഗ്‌ധ്യ​ത്തോ​ടെ ഉപയോ​ഗി​ക്കാൻ നമ്മെ എന്തു സഹായി​ക്കും?

⁴ വിലപ്പെട്ട ഈ ഉപകര​ണ​വു​മാ​യി പരിച​യ​പ്പെ​ടുക. ഉചിത​മായ അവസര​ങ്ങ​ളി​ലെ​ല്ലാം അത്‌ ഉപയോ​ഗി​ക്കുക. ഓരോ അധ്യയ​ന​ത്തി​നു​മു​മ്പും, വിദ്യാർഥി​യെ​പ്പ​റ്റി​യും പാഠത്തി​ലെ തിരു​വെ​ഴു​ത്തു​കൾ ഉപയോ​ഗിച്ച്‌ ഏറ്റവും മെച്ചമാ​യി അദ്ദേഹ​ത്തോ​ടു ന്യായ​വാ​ദം ചെയ്യു​ന്ന​തി​നെ​പ്പ​റ്റി​യും ചിന്തി​ക്കുക. (സദൃ. 15:28; പ്രവൃ. 17:2, 3) അനുഭ​വ​വും വൈദഗ്‌ധ്യ​വും നേടവേ ഈ ലഘുപ​ത്രിക ആയിരി​ക്കും ആളുകളെ സത്യം പഠിപ്പി​ക്കാ​നുള്ള നിങ്ങളു​ടെ ഏറ്റവും ഇഷ്ടപ്പെട്ട ഉപകരണം!