വളരു​മാ​റാ​ക്കു​ന്ന​തി​നു യഹോ​വ​യിൽ ആശ്രയി​ക്കു​ക

¹ “ഒരു പുതിയ സഭ സ്ഥാപി​ക്കു​ന്ന​തി​ലുള്ള അനുപ​മ​മായ സന്തോഷം ഞാൻ ആദ്യമാ​യി അനുഭ​വി​ച്ച​റി​ഞ്ഞു. രണ്ടു വർഷത്തെ കഠിനാ​ധ്വാ​ന​വും നിരന്തര പ്രാർഥ​ന​യും ‘വളരു​മാ​റാ​ക്കുന്ന’ യഹോ​വ​യി​ലുള്ള ആശ്രയ​വു​മാണ്‌ അതു സാധ്യ​മാ​ക്കി​ത്തീർത്തത്‌.” വളർച്ച പ്രാപി​ക്കു​ന്ന​തി​നു യഹോ​വ​യിൽ ആശ്രയി​ക്കേ​ണ്ട​തി​ന്റെ ആവശ്യം മനസ്സി​ലാ​ക്കിയ മനസ്സാ​ക്ഷി​ബോ​ധ​മുള്ള ഒരു പയനി​യ​റാണ്‌ അതെഴു​തി​യത്‌. (1 കൊരി. 3:5-9) ആത്മീയ ചിന്താ​ഗ​തി​യുള്ള ആളുകളെ തേടവേ, നമ്മുടെ ശുശ്രൂഷ ഫലം​ചെ​യ്യു​ന്ന​തി​നു നമുക്കും ദൈവ​ത്തി​ന്റെ പിന്തുണ ആവശ്യ​മാണ്‌.—സദൃ. 3:5, 6.

² വളർച്ച​യ്‌ക്കു പരിച​രണം ആവശ്യ​മാണ്‌: സത്യത്തി​ന്റെ വിത്തു വളരു​ന്ന​തി​നു പരിച​രണം ആവശ്യ​മാണ്‌. പ്രഥമ സന്ദർശ​ന​ത്തി​നു​ശേഷം ഒന്നോ രണ്ടോ ദിവസ​ത്തി​നു​ള്ളിൽ മടങ്ങി​ച്ചെ​ല്ലു​ന്നത്‌ മിക്ക​പ്പോ​ഴും നല്ല ഫലങ്ങൾ ഉത്‌പാ​ദി​പ്പി​ക്കു​ന്നു. ഊഷ്‌മ​ള​ത​യും സൗഹൃ​ദ​ഭാ​വ​വും ഉള്ളവരാ​യി​രി​ക്കുക. വീട്ടു​കാ​രന്‌ അസ്വസ്ഥത തോന്നാൻ ഇടയാ​ക്ക​രുത്‌. നിങ്ങൾ വാതോ​രാ​തെ സംസാ​രി​ച്ചു​കൊ​ണ്ടി​രി​ക്ക​രുത്‌. നിങ്ങളെ അറിയാൻ മറ്റേ വ്യക്തിയെ അനുവ​ദി​ക്കുക. ഒരു വ്യക്തി​യെന്ന നിലയിൽ അയാളിൽ നിങ്ങൾക്കു താത്‌പ​ര്യ​മു​ണ്ടെന്നു പ്രകട​മാ​ക്കുക.

³ ജൂ​ലൈ​യി​ലും തുടർന്ന്‌ ആഗസ്റ്റി​ലും കണ്ടുമു​ട്ടു​ന്ന​വർക്ക്‌ വൈവി​ധ്യ​മാർന്ന ലഘുപ​ത്രി​കകൾ നൽകു​ന്ന​തി​ലാ​ണു നമ്മുടെ ശ്രദ്ധ. എന്നിരു​ന്നാ​ലും, താത്‌പ​ര്യം കണ്ടെത്തി​യി​ട​ത്തും സമർപ്പണം നടത്തി​യി​ട​ത്തും നാം മടങ്ങി​ച്ചെ​ല്ലേ​ണ്ട​തുണ്ട്‌. മടക്കസ​ന്ദർശ​ന​ങ്ങ​ളും ബൈബി​ള​ധ്യ​യ​ന​വും നടത്തി​ക്കൊ​ണ്ടാ​ണു നാമതു ചെയ്യു​ന്നത്‌. (മത്താ. 28:19, 20) ആ ഉദ്ദേശ്യ​ത്തിൽ, അധ്യയനം തുടങ്ങാൻ ആവശ്യം ലഘുപ​ത്രിക ഉപയോ​ഗി​ക്കാ​വു​ന്ന​താണ്‌. പിൻവ​രുന്ന നാലു നിർദേ​ശങ്ങൾ സഹായ​ക​മാ​ണെന്നു നിങ്ങൾ കണ്ടെത്തി​യേ​ക്കാം.

⁴ ലോകാ​വ​സ്ഥകൾ വഷളാ​കു​ന്ന​തിൽ ഉത്‌കണ്‌ഠ പ്രകടി​പ്പിച്ച ഒരു വ്യക്തി​യോ​ടു നിങ്ങൾ സംസാ​രി​ച്ച​പക്ഷം ഇങ്ങനെ പറഞ്ഞു​കൊ​ണ്ടു സംഭാ​ഷണം പുനരാ​രം​ഭി​ക്കാ​വു​ന്ന​താണ്‌:

■ “മാനവ സമൂഹ​ത്തി​ന്റെ ധാർമി​കാ​ധഃ​പ​ത​ന​ത്തിൽ എന്നെ​പ്പോ​ലെ​തന്നെ താങ്കൾക്കും ഉത്‌ക​ണ്‌ഠ​യു​ണ്ടെന്നു ഞാൻ വിശ്വ​സി​ക്കു​ന്നു. കുട്ടി​ക​ളോ​ടും മാതാ​പി​താ​ക്ക​ളോ​ടും വിവാഹ ഇണക​ളോ​ടു​മുള്ള ദ്രോ​ഹ​ത്തിൽ കലാശി​ക്കുന്ന ഭവനത്തി​ലെ അക്രമ​ത്തെ​ക്കു​റി​ച്ചുള്ള ദുഃഖ​ക​ര​മായ റിപ്പോർട്ടു​കൾ നാം കേൾക്കു​ന്നു. തങ്ങളുടെ ആഗ്രഹങ്ങൾ തൃപ്‌തി​പ്പെ​ടു​ത്താൻവേണ്ടി നുണ പറയു​ന്ന​തോ മോഷ്ടി​ക്കു​ന്ന​തോ അനേകർക്കും ഒരു വിഷയ​മ​ല്ലെ​ന്ന​വണ്ണം കാണ​പ്പെ​ടു​ന്നു. ആളുകൾ എങ്ങനെ ജീവി​ക്കു​ന്നു​വെ​ന്നതു ദൈവത്തെ സംബന്ധി​ച്ചി​ട​ത്തോ​ളം പ്രാധാ​ന്യ​മുള്ള സംഗതി​യാ​ണെന്നു നിങ്ങൾ വിചാ​രി​ക്കു​ന്നു​ണ്ടോ? [പ്രതി​ക​രി​ക്കാൻ അനുവ​ദി​ക്കുക.] മനുഷ്യൻ ജീവി​ത​ത്തിൽ പിൻപ​റ്റു​ന്ന​തി​നു ദൈവം ചില പ്രമാ​ണങ്ങൾ വെച്ചി​ട്ടുണ്ട്‌. അവ വാസ്‌ത​വ​ത്തിൽ ഭാര​മേ​റി​യ​വയല്ല.” 1 യോഹ​ന്നാൻ 5:3 വായി​ക്കുക. എന്നിട്ട്‌, ആവശ്യം ലഘുപ​ത്രി​ക​യു​ടെ 10-ാമത്തെ പാഠത്തി​ലെ ഒന്നാം ഖണ്ഡിക വായി​ക്കുക. 2-6 ഖണ്ഡിക​ക​ളു​ടെ തുടക്ക​ത്തിൽ ചെരി​ച്ചെ​ഴു​തി​യി​രി​ക്കുന്ന വാക്കു​ക​ളും വാചക​ങ്ങ​ളും ചൂണ്ടി​ക്കാ​ട്ടി​യ​ശേഷം സമൂഹ​ത്തിന്‌ അത്യന്തം ഹാനി​ക​ര​മാ​യി​രി​ക്കുന്ന ശീല​മേ​താ​ണെ​ന്നാ​ണു വീട്ടു​കാ​രനു തോന്നു​ന്ന​തെന്നു ചോദി​ക്കുക. ബന്ധപ്പെട്ട ഖണ്ഡിക വായി​ച്ചിട്ട്‌, സാഹച​ര്യ​മ​നു​സ​രിച്ച്‌ ഒന്നു രണ്ടു തിരു​വെ​ഴു​ത്തു​കൾ വായി​ക്കുക. 7-ാം ഖണ്ഡിക വായി​ച്ചു​കൊണ്ട്‌ പര്യവ​സാ​നി​പ്പി​ക്കുക. അതേത്തു​ടർന്ന്‌ കൂടു​ത​ലായ ചർച്ചയ്‌ക്കാ​യി മടങ്ങി​ച്ചെ​ല്ലാൻ വേണ്ട ക്രമീ​ക​ര​ണങ്ങൾ നടത്തുക.

⁵ നിങ്ങൾ കണ്ടുമു​ട്ടിയ കുടുംബ വിചാ​ര​മുള്ള ആളുക​ളോട്‌ ഇങ്ങനെ എന്തെങ്കി​ലും പറയാ​വു​ന്ന​താണ്‌:

■ “വിജയ​പ്ര​ദ​മായ ഒരു കുടും​ബം കെട്ടു​പ​ണി​ചെ​യ്യു​ന്ന​തിന്‌ ആവശ്യ​മാ​യി​രി​ക്കുന്ന ഉപകര​ണങ്ങൾ സ്രഷ്ടാവു നമുക്കു നൽകു​മെന്നു പ്രതീ​ക്ഷി​ക്കു​ന്നതു ന്യായ​യു​ക്ത​മാ​ണെന്നു നിങ്ങൾ വിചാ​രി​ക്കു​ന്നു​ണ്ടോ?” പ്രതി​ക​രി​ക്കാൻ അനുവ​ദി​ക്കുക. ആവശ്യം ലഘുപ​ത്രിക പരിച​യ​പ്പെ​ടു​ത്തി​യിട്ട്‌ 8-ാം പാഠ​മെ​ടു​ക്കുക. കുടും​ബ​ത്തി​ലെ എല്ലാ അംഗങ്ങൾക്കും ആവശ്യ​മാ​യി​രി​ക്കുന്ന തത്ത്വങ്ങൾ അതിൽ അടങ്ങി​യി​ട്ടു​ണ്ടെന്നു വിശദീ​ക​രി​ക്കുക. ബൈബിൾ ഉപയോ​ഗി​ച്ചു​കൊ​ണ്ടു ലഘുപ​ത്രിക പരമാ​വധി പ്രയോ​ജ​ന​പ്പെ​ടു​ത്തു​ന്നത്‌ എങ്ങനെ​യെന്നു പ്രകടി​പ്പി​ച്ചു​കാ​ട്ടാ​മെന്നു പറയുക. ലഘുപ​ത്രി​ക​യു​ടെ 2-ാം പേജിൽ കൊടു​ത്തി​രി​ക്കുന്ന നിർദേ​ശങ്ങൾ പിൻപ​റ്റുക. അതേ പാഠം തുടർന്നു പഠിക്കാ​നോ ആ പാഠം പഠിച്ചു​ക​ഴി​ഞ്ഞെ​ങ്കിൽ ലഘുപ​ത്രി​ക​യിൽനി​ന്നു വീട്ടു​കാ​രൻ തിര​ഞ്ഞെ​ടു​ക്കുന്ന മറ്റൊരു പാഠം പഠിക്കാ​നോ മടങ്ങി​ച്ചെ​ല്ലാൻ ക്രമീ​ക​രണം ചെയ്യുക.

⁶ നമ്മുടെ ബൈബി​ള​ധ്യ​യന പരിപാ​ടി വാഗ്‌ദാ​നം ചെയ്യാൻ നേരി​ട്ടുള്ള ഈ സമീപനം സ്വീക​രി​ക്കാ​വു​ന്ന​താണ്‌. “ആവശ്യം” ലഘുപ​ത്രിക കാട്ടി​യ​ശേഷം ഇങ്ങനെ പറയുക:

■ “ഈ ലഘുപ​ത്രിക ബൈബി​ളി​ന്റെ അടിസ്ഥാന പഠിപ്പി​ക്ക​ലു​കൾ ചർച്ച​ചെ​യ്യുന്ന ഒരു സമഗ്ര ബൈബിൾപഠന പദ്ധതി​യാ​യി സംവി​ധാ​നം ചെയ്‌തി​രി​ക്കു​ന്നു. ഓരോ പേജി​ലും, നൂറ്റാ​ണ്ടു​ക​ളാ​യി ആളുകളെ കുഴക്കി​യി​ട്ടുള്ള ചോദ്യ​ങ്ങൾക്ക്‌ ഉത്തരം കണ്ടെത്താം. ഉദാഹ​ര​ണ​ത്തിന്‌, ഭൂമിയെ സംബന്ധിച്ച ദൈ​വോ​ദ്ദേ​ശ്യം എന്താണ്‌?” 5-ാം പാഠത്തി​ലേക്കു തിരിഞ്ഞ്‌ തുടക്ക​ത്തി​ലുള്ള ചോദ്യ​ങ്ങൾ വായി​ക്കുക. വീട്ടു​കാ​രന്‌ ഏറ്റവും താത്‌പ​ര്യ​ജ​ന​ക​മാ​യി തോന്നു​ന്നത്‌ ഏതാ​ണെന്നു ചോദി​ക്കുക. എന്നിട്ട്‌, ബന്ധപ്പെട്ട ഖണ്ഡികകൾ വായിച്ച്‌ ഉചിത​മായ തിരു​വെ​ഴു​ത്തു​കൾ എടുത്തു​നോ​ക്കുക. ഇതേ വിധത്തിൽ മറ്റു ചോദ്യ​ങ്ങൾക്കും തൃപ്‌തി​ക​ര​മായ ഉത്തരങ്ങൾ എളുപ്പം കണ്ടെത്താ​മെന്നു വിശദീ​ക​രി​ക്കുക. വേറൊ​രു ചോദ്യ​വും ഉത്തരവും ചർച്ച​ചെ​യ്യാൻ മടങ്ങി​യെ​ത്താ​മെന്നു പറയുക.

⁷ അല്ലെങ്കിൽ ഒരു ബൈബി​ള​ധ്യ​യനം തുടങ്ങു​ന്ന​തിന്‌ ഇങ്ങനെ പറഞ്ഞു​കൊണ്ട്‌ ലളിത​മായ സമീപനം കൈ​ക്കൊ​ള്ളാൻ നിങ്ങൾ ആഗ്രഹി​ച്ചേ​ക്കാം:

■ “ഏതാനും നിമി​ഷ​ങ്ങൾകൊണ്ട്‌ ഒരു സുപ്ര​ധാന ചോദ്യ​ത്തിന്‌ ഉത്തരം കണ്ടെത്താ​നാ​കു​മെ​ന്നതു നിങ്ങൾക്ക​റി​യാ​മാ​യി​രു​ന്നോ? ഉദാഹ​ര​ണ​ത്തിന്‌, . . .” ലഘുപ​ത്രി​ക​യു​ടെ ഏതെങ്കി​ലും പാഠത്തി​ന്റെ തുടക്ക​ത്തിൽ കൊടു​ത്തി​രി​ക്കുന്ന, വീട്ടു​കാ​രന്‌ ആകർഷ​ക​മെന്നു നിങ്ങൾക്കു തോന്നുന്ന ഒരു ചോദ്യം ഉന്നയി​ക്കുക. നിങ്ങൾ ഉപയോ​ഗി​ച്ചേ​ക്കാ​വുന്ന ചില ആശയങ്ങൾക്കോ ചോദ്യ​ങ്ങൾക്കോ വേണ്ടി 1997 മാർച്ചി​ലെ നമ്മുടെ രാജ്യ ശുശ്രൂ​ഷ​യിൽ “മടക്കസ​ന്ദർശ​ന​ങ്ങൾക്കാ​യി ധൈര്യം സംഭരി​ക്കുക” എന്ന ശീർഷ​ക​ത്തി​ലുള്ള അനുബന്ധ ലേഖന​ത്തി​ന്റെ 15, 16 ഖണ്ഡികകൾ കാണുക.

⁸ മടക്കസ​ന്ദർശ​ന​ങ്ങ​ളും ബൈബി​ള​ധ്യ​യ​ന​ങ്ങ​ളും നടത്തു​ന്ന​തി​ലെ വെല്ലു​വി​ളി​കൾ സസന്തോ​ഷം സ്വീക​രി​ക്കു​ന്നതു ദൈവ​ത്തി​ന്റെ “കൂട്ടു​വേ​ല​ക്കാർ” ആയിരി​ക്കു​ന്ന​തി​ന്റെ ഭാഗമാണ്‌. (1 കൊരി. 3:9) കണ്ടെത്തിയ താത്‌പ​ര്യം വളർത്തി​യെ​ടു​ക്കാൻ കഠിനാ​ധ്വാ​നം ചെയ്യു​ക​യും അതു വളരു​മാ​റാ​ക്കു​ന്ന​തി​നു യഹോ​വ​യിൽ ആശ്രയി​ക്കു​ക​യും ചെയ്യു​മ്പോൾ മറ്റൊരു വേലയ്‌ക്കും നൽകാൻ കഴിയാത്ത യഥാർഥ സംതൃ​പ്‌തി നാം അനുഭ​വി​ച്ച​റി​യും.