കൂടുതൽ പ്രാധാ​ന്യ​മുള്ള സംഗതി​കൾക്കു പ്രഥമ​സ്ഥാ​നം നൽകുക

¹ നമ്മുടെ ആത്മീയ ക്ഷേമത്തി​നു മർമ​പ്ര​ധാ​ന​മാ​യി​രി​ക്കുന്ന ചില മുഖ്യ സംഗതി​കൾ ഏതെല്ലാ​മാണ്‌? വ്യക്തി​പ​ര​മായ പഠനം, യോഗ​ങ്ങ​ളിൽ ഹാജരാ​കൽ, പ്രാർഥ​ന​യിൽ ഉറ്റിരി​ക്കൽ, നല്ല സഹവാസം, ക്രിസ്‌തീയ ശുശ്രൂഷ എന്നിവ തീർച്ച​യാ​യും അതിൽ ഉൾപ്പെ​ടും. പ്രധാന സംഗതി​കൾ ജീവി​ത​ത്തിൽ മുൻപ​ന്തി​യിൽ നിർത്താ​തെ നമുക്കു നല്ല ആത്മീയ ആരോ​ഗ്യം കാത്തു​സൂ​ക്ഷി​ക്കാ​നാ​വില്ല.

² എന്നിരു​ന്നാ​ലും, നമു​ക്കെ​ല്ലാം ജഡാഭി​ലാ​ഷ​ങ്ങൾക്കെ​തി​രെ പോരാ​ട്ട​മുണ്ട്‌, ശിക്ഷണ​ത്തി​ന്റെ ആവശ്യ​വു​മുണ്ട്‌. (ഗലാ. 5:17) സ്വാർഥ താത്‌പ​ര്യ​ങ്ങളെ അനുധാ​വനം ചെയ്യു​ന്ന​തു​കൊണ്ട്‌ കൂടുതൽ പ്രയോ​ജ​ന​മു​ണ്ടെന്നു നാം ഒരിക്ക​ലും ചിന്തി​ക്ക​രുത്‌. (യിരെ. 17:9) തന്മൂലം, നമ്മുടെ ഹൃദയം കാത്തു​സൂ​ക്ഷി​ക്കു​ന്ന​തി​നും വഴി​തെ​റ്റി​ക്ക​പ്പെ​ടാ​തി​രി​ക്കു​ന്ന​തി​നും ക്രമമായ ആത്മപരി​ശോ​ധന അതി​പ്ര​ധാ​ന​മാണ്‌.—സദൃ. 4:23; 2 കൊരി. 13:5.

³ ഹൃദയ​പ​രി​ശോ​ധന നടത്തുക: സത്യസ​ന്ധ​മായ ചില ചോദ്യ​ങ്ങൾ സ്വയം ചോദി​ച്ചു​കൊ​ണ്ടു നിങ്ങൾക്കതു ചെയ്യാൻ സാധി​ക്കും: എനിക്കു ദൈവ​വ​ചനം വായി​ക്കാ​നുള്ള തീവ്ര​മായ ആഗ്രഹ​മു​ണ്ടോ? (1 പത്രൊ. 2:2) എല്ലാ സഭാ​യോ​ഗ​ങ്ങ​ളി​ലും പങ്കുപ​റ്റു​ന്ന​തി​ന്റെ പ്രാധാ​ന്യം ഞാൻ മനസ്സി​ലാ​ക്കു​ന്നു​ണ്ടോ? (എബ്രാ. 10:24, 25) ഞാൻ പ്രാർഥ​ന​യിൽ ഉറ്റിരി​ക്കു​ന്നു​ണ്ടോ? (റോമ. 12:12) ഞാൻ ആത്മീയ ചിന്താ​ഗ​തി​യു​ള്ള​വ​രു​ടെ സൗഹൃദം തേടു​ന്നു​ണ്ടോ? (റോമ. 1:11, 12) സുവാർത്ത പ്രഖ്യാ​പി​ക്കു​ന്ന​തി​നു വ്യക്തി​പ​ര​മായ കടപ്പാ​ടു​ള്ള​താ​യി എനിക്കു തോന്നു​ന്നു​ണ്ടോ? (1 കൊരി. 9:16) ഉവ്വ്‌ എന്നുള്ള ഉത്തരങ്ങൾ, നിങ്ങൾ സുപ്ര​ധാന സംഗതി​കൾ ഒന്നാമതു വെക്കാൻ അഭില​ഷി​ക്കു​ന്നു​വെന്നു വ്യക്തമാ​ക്കും.

⁴ ദിനചര്യ പരി​ശോ​ധി​ക്കുക: ഹൃദയാ​ഭി​ലാ​ഷങ്ങൾ പരി​ശോ​ധിച്ച്‌, സമയം പ്രയോ​ജ​ന​പ്പെ​ടു​ത്താൻ മുൻഗ​ണ​നകൾ വെക്കേ​ണ്ട​തുണ്ട്‌. ബൈബി​ളും വീക്ഷാ​ഗോ​പു​ര​ത്തി​ന്റെ​യും ഉണരുക!യുടെ​യും എല്ലാ ലക്കങ്ങളും ക്രമമാ​യി വായി​ക്കു​ന്ന​തി​നും യോഗ​ങ്ങൾക്കു തയ്യാറാ​കു​ന്ന​തി​നും സമയം പട്ടിക​പ്പെ​ടു​ത്തു​ന്നത്‌ അതിൽ ഉൾപ്പെ​ടു​ന്നു. കുടും​ബം ഒത്തൊ​രു​മി​ച്ചു പഠിക്കു​ന്ന​തി​നും പ്രാർഥി​ക്കു​ന്ന​തി​നും സമയം മാറ്റി​വെ​ക്കേ​ണ്ട​തുണ്ട്‌. ടിവി കാണു​ന്ന​തി​നും മറ്റേ​തെ​ങ്കി​ലും തരത്തി​ലുള്ള വിനോ​ദ​ത്തി​ലേർപ്പെ​ടു​ന്ന​തി​നും ഒരു സമയപ​രി​ധി വെക്കുക. എല്ലാ സഭാ​യോ​ഗ​ങ്ങ​ളി​ലും ഹാജരാ​കാൻ ദൃഢനി​ശ്ചയം ചെയ്‌തു​കൊണ്ട്‌ അവയ്‌ക്കു മറ്റു സംഗതി​ക​ളെ​ക്കാൾ മുൻതൂ​ക്കം നൽകുക. ഓരോ വാരവും കുടും​ബ​സ​മേതം വയൽസേ​വ​ന​ത്തിൽ പങ്കുപ​റ്റാൻ ക്രമീ​ക​രണം ചെയ്യുക.

⁵ കൂടുതൽ പ്രാധാ​ന്യ​മുള്ള സംഗതി​കൾക്കു ജീവി​ത​ത്തിൽ പ്രഥമ​സ്ഥാ​നം നൽകു​ന്നതു നിസ്സം​ശ​യ​മാ​യും സന്തോ​ഷ​ത്തി​നുള്ള ഒരു കാരണ​മാ​ണെന്നു തെളി​യും.