കുടും​ബ​നാ​ഥ​ന്മാ​രേ, നല്ല ഒരു ആത്മീയ ചര്യ നിലനി​റു​ത്തു​വിൻ

¹ വിഗ്ര​ഹാ​രാ​ധ​ന​യും അഴിമ​തി​യും വ്യാപ​ക​മായ ബാബി​ലോ​ണിൽ പതിറ്റാ​ണ്ടു​ക​ളോ​ളം ജീവി​ച്ചി​ട്ടും യഹോ​വയെ “ഇടവി​ടാ​തെ” സേവി​ക്കു​ന്ന​വ​നാ​യി ദാനീ​യേൽ അറിയ​പ്പെ​ട്ടി​രു​ന്നു. (ദാനീ. 6:16, 20) തന്റെ ആത്മീയത അവൻ എങ്ങനെ​യാ​ണു നിലനി​റു​ത്തി​യത്‌? സത്യാ​രാ​ധ​ന​യോ​ടു ബന്ധപ്പെട്ട പ്രവർത്ത​ന​ങ്ങൾക്കാ​യി അവന്‌ ചിട്ട​യോ​ടു​കൂ​ടിയ ഒരു ചര്യ ഉണ്ടായി​രു​ന്ന​താ​യി ബൈബിൾ രേഖ സൂചി​പ്പി​ക്കു​ന്നു. ദൃഷ്ടാ​ന്ത​ത്തിന്‌, തന്റെ മാളി​ക​മു​റി​യിൽ പോയി ദിവസ​വും മൂന്നു​നേരം പ്രാർഥി​ക്കുന്ന ഒരു രീതി അവനു​ണ്ടാ​യി​രു​ന്നു. (ദാനീ. 6:10) നിസ്സം​ശ​യ​മാ​യും, ന്യായ​പ്ര​മാ​ണം വായി​ക്കു​ന്ന​തു​പോ​ലുള്ള മറ്റ്‌ ആത്മീയ പ്രവർത്ത​ന​ങ്ങൾക്കും ഒരു വ്യവസ്ഥാ​പി​ത​ക്രമം അവൻ പിൻപറ്റി. തന്നിമി​ത്തം, മരണക​ര​മായ ഒരു പരി​ശോ​ധ​നയെ അഭിമു​ഖീ​ക​രി​ച്ച​പ്പോൾ യഹോ​വ​യോ​ടുള്ള ഭക്തിയിൽ അവൻ അചഞ്ചല​നാ​യി നില​കൊ​ണ്ടു; അത്ഭുത​ക​ര​മാ​യി യഹോവ അവനെ വിടു​വി​ക്കു​ക​യും ചെയ്‌തു.—ദാനീ. 6:4-22.

² സമാന​മാ​യി ഇന്നും, “സകല സ്ഥിരത​യോ​ടും കൂടെ ഉണർന്നി​രി”ക്കാൻ നാം കഠിന​ശ്രമം ചെയ്യണം. (എഫെ. 6:18, NW) “ദുഷ്ടന്റെ അധീന​ത​യിൽ കിടക്കുന്ന” ലോക​ത്തി​ലാ​ണു നാം ജീവി​ക്കു​ന്നത്‌. (1 യോഹ. 5:19) എതിർപ്പു​ക​ളും പരി​ശോ​ധ​ന​ക​ളും പൊടു​ന്നനെ ഉയർന്നു​വന്ന്‌ നമ്മുടെ വിശ്വാ​സ​ത്തി​ന്റെ മാറ്റു​ര​ച്ചേ​ക്കാം. മഹോ​പ​ദ്രവ സമയത്ത്‌, ദൈവ​ജനം മാഗോ​ഗി​ലെ ഗോഗി​ന്റെ സമഗ്ര​മായ ആക്രമ​ണ​ത്തി​നു പാത്ര​മാ​കും. രക്ഷപെ​ടുക സാധ്യമല്ല എന്നു തോന്നും​വി​ധം അത്‌ അത്ര ശക്തമാ​യി​രി​ക്കും. ഇത്‌ യഹോ​വ​യി​ലുള്ള സമ്പൂർണ ആശ്രയം ആവശ്യ​മാ​ക്കി​ത്തീർക്കും.—യെഹെ. 38:14-16.

³ “ഒരു സുപ്ര​ധാ​ന​മായ മാർഗം ഫലപ്ര​ദ​മായ കുടുംബ ബൈബിൾ വായന​യും അധ്യയ​ന​വും ചർച്ചയും ഒരു ജീവി​ത​ച​ര്യ​യാ​ക്കുക എന്നതാണ്‌.” “കുടും​ബ​ങ്ങളേ—അനുദിന ബൈബിൾ വായന നിങ്ങളു​ടെ ജീവി​ത​ച​ര്യ​യാ​ക്കുക!” എന്ന 1998-ലെ ഡിസ്‌ട്രിക്‌റ്റ്‌ കൺ​വെൻ​ഷൻ നാടക​ത്തി​ന്റെ പ്രാരംഭ പ്രസ്‌താ​വന അതായി​രു​ന്നു. അത്‌ ഇപ്രകാ​രം തുടർന്നു: “കുടും​ബങ്ങൾ അത്തര​മൊ​രു പരിപാ​ടി ബൈബി​ളി​ന്റെ സ്വാധീ​ന​ത്തിന്‌ വിധേ​യ​മാ​യി​ക്കൊണ്ട്‌ പതിവാ​യി ചെയ്യു​മ്പോൾ ആ ബൈബി​ള​ധിഷ്‌ഠിത ജീവി​ത​ച​ര്യയ്‌ക്ക്‌ കുടും​ബ​ത്തി​ന്മേൽ ശക്തമായ പ്രഭാവം ചെലു​ത്താൻ കഴിയും. അതു നമ്മുടെ പരിജ്ഞാ​നം വർധി​പ്പി​ക്കു​ന്നു. വിശ്വാ​സത്തെ ബലിഷ്‌ഠ​മാ​ക്കു​ന്നു. സത്യത്തി​നു​വേണ്ടി ഉറച്ച നിലപാ​ടെ​ടു​ക്കാൻ നമ്മെ പ്രേരി​പ്പി​ക്കുന്ന, നമ്മെ സ്വാധീ​നി​ക്കാൻ കഴിയുന്ന മാതൃ​കാ​പാ​ത്ര​ങ്ങളെ—വിശ്വസ്‌ത​ത​യു​ടെ ഉത്തമ ദൃഷ്ടാ​ന്ത​ങ്ങ​ളാ​യി​രുന്ന പുരാതന സ്‌ത്രീ​പു​രു​ഷ​ന്മാ​രെ—അതു നമുക്കു നൽകുന്നു.” നല്ല ഒരു ആത്മീയ ചര്യയു​ടെ വിവിധ വശങ്ങൾ നാമി​പ്പോൾ പരിചി​ന്തി​ക്കവേ, തങ്ങളുടെ കുടും​ബ​ത്തി​ന്റെ ആത്മീയ കാര്യ​പ​രി​പാ​ടി മെച്ച​പ്പെ​ടു​ത്താ​നുള്ള ഒന്നോ രണ്ടോ മാർഗങ്ങൾ കണ്ടെത്താൻ കുടും​ബ​നാ​ഥ​ന്മാർ ശ്രദ്ധി​ക്കണം.

⁴ ദൈവ​വ​ചനം ദൈനം​ദി​നം പരിചി​ന്തി​ക്കുക: “ദൈവ​രാ​ജ്യം എതിരാ​ളി​കൾ ഇല്ലാതെ ഭരണം നടത്തു​ക​യും ദൈ​വേഷ്ടം സ്വർഗ​ത്തി​ലെ​പ്പോ​ലെ ഭൂമി​യി​ലും നടപ്പാ​കു​ക​യും ചെയ്യു​മ്പോൾ ദ്രോ​ഹ​ബു​ദ്ധി​യായ യാതൊ​രു മനുഷ്യ​നും, മൃഗങ്ങൾ പോലും, ‘ഒരു ദോഷ​മോ നാശമോ . . .ചെയ്‌ക​യില്ല.’ (യെശ. 11:9; മത്താ. 6:9, 10)” തിരു​വെ​ഴു​ത്തു​കൾ ദൈനം​ദി​നം പരി​ശോ​ധി​ക്കൽ—2001 എന്ന പ്രസി​ദ്ധീ​ക​ര​ണ​ത്തി​ന്റെ സെപ്‌റ്റം​ബർ 11-ലെ അഭി​പ്രാ​യ​ങ്ങ​ളിൽ നിന്നു​ള്ള​താണ്‌ ഈ വാക്കുകൾ. ഈ ഓർമി​പ്പി​ക്കൽ എത്ര ആശ്വാ​സ​ദാ​യ​ക​മാ​യി​രു​ന്നു! ഒരു കുടും​ബ​നാ​ഥൻ എന്ന നിലയിൽ നിങ്ങളു​ടെ കുടും​ബ​ത്തോ​ടൊ​പ്പം ദിനവാ​ക്യ​വും അതിന്റെ അഭി​പ്രാ​യ​ങ്ങ​ളും പരിചി​ന്തി​ക്കുന്ന പതിവ്‌ നിങ്ങൾക്കു​ണ്ടോ? ഇത്‌ അങ്ങേയറ്റം പ്രയോ​ജ​ന​പ്ര​ദ​മാണ്‌. രാവിലെ ഒരുമി​ച്ചു​കൂ​ടുക പ്രാ​യോ​ഗി​ക​മ​ല്ലെ​ങ്കിൽ ദിവസ​ത്തി​ന്റെ മറ്റേ​തെ​ങ്കി​ലും ഒരു സമയത്ത്‌ കൂടി​വ​രാൻ കഴി​ഞ്ഞേ​ക്കും. ഒരു പിതാവ്‌ ഇപ്രകാ​രം പറഞ്ഞു: “അത്താഴ വേളയാ​ണു ഞങ്ങൾക്കു ദിനവാ​ക്യം പരിചി​ന്തി​ക്കു​ന്ന​തി​നുള്ള ഉചിത​മായ സമയം.”

⁵ ദിനവാ​ക്യം പരിചി​ന്തി​ക്കു​ന്ന​തിൽ ഇപ്പോൾത്തന്നെ ഒരു നല്ല ക്രമം നിങ്ങൾക്കു​ണ്ടെ​ങ്കിൽ നിങ്ങൾ അഭിന​ന്ദനം അർഹി​ക്കു​ന്നു. അങ്ങനെ​യെ​ങ്കിൽ ഒരു ബൈബിൾ ഭാഗം കൂടി അതോ​ടൊ​പ്പം വായി​ച്ചു​കൊ​ണ്ടു കൂടു​ത​ലായ പ്രയോ​ജനം നേടാൻ നിങ്ങൾക്കു കഴി​ഞ്ഞേ​ക്കും. അന്നത്തെ ദിനവാ​ക്യം എടുത്തി​രി​ക്കുന്ന അധ്യായം മുഴുവൻ വായി​ക്കുന്ന രീതി ചിലർക്കുണ്ട്‌. മറ്റുചി​ലർ തിര​ഞ്ഞെ​ടുത്ത ഒരു ബൈബിൾ പുസ്‌തകം ക്രമാ​നു​ഗ​ത​മാ​യി വായിച്ചു തീർക്കു​ന്നു. യഹോ​വയെ അപ്രീ​തി​പ്പെ​ടു​ത്തു​ന്ന​തി​ലുള്ള ആരോ​ഗ്യാ​വ​ഹ​മായ ഭയം നട്ടുവ​ളർത്താ​നും അവന്റെ ഇഷ്ടം ചെയ്യാ​നുള്ള ആഗ്രഹം ശക്തമാ​ക്കാ​നും ദൈനം​ദിന ബൈബിൾ വായന നിങ്ങളു​ടെ കുടും​ബത്തെ സഹായി​ക്കും.—ആവ. 17:18-20.

⁶ നൽകി​യി​രി​ക്കുന്ന വിവര​ങ്ങ​ളു​ടെ പ്രാ​യോ​ഗി​ക​മൂ​ല്യം ചർച്ച​ചെ​യ്യാൻ ഏതാനും മിനി​ട്ടു​കൾ എടുക്കാ​മെ​ങ്കിൽ നിങ്ങളു​ടെ ബൈബിൾ വായനാ​പ​രി​പാ​ടി​യും ദിനവാ​ക്യ പരിചി​ന്ത​ന​വും കൂടുതൽ അർഥവ​ത്താ​കും. ശുശ്രൂ​ഷാസ്‌കൂൾ പാഠപുസ്‌തകം, അതിന്റെ 60-ാം പേജിൽ ഈ നിർദേശം നൽകുന്നു: “ആ വാര​ത്തേക്കു വേണ്ടി പട്ടിക​പ്പെ​ടു​ത്തി​യി​രി​ക്കുന്ന ബൈബിൾ വായനാ ഭാഗത്തു​നിന്ന്‌ ഏതാനും വാക്യങ്ങൾ തിര​ഞ്ഞെ​ടുത്ത്‌ അവയുടെ അർഥം ചർച്ച ചെയ്യാ​നും തുടർന്ന്‌ പിൻവ​രു​ന്നതു പോലുള്ള ചോദ്യ​ങ്ങൾ അവരോ​ടു ചോദി​ക്കാ​നും നിങ്ങൾക്കു കഴിയും: ‘ഇത്‌ നമുക്കു മാർഗ​നിർദേശം നൽകു​ന്നത്‌ എങ്ങനെ? ഈ വാക്യങ്ങൾ നമുക്ക്‌ ശുശ്രൂ​ഷ​യിൽ എങ്ങനെ ഉപയോ​ഗി​ക്കാൻ കഴിയും? യഹോ​വ​യെ​യും അവൻ കാര്യങ്ങൾ ചെയ്യുന്ന വിധ​ത്തെ​യും കുറിച്ച്‌ അവ എന്തു വെളി​പ്പെ​ടു​ത്തു​ന്നു, അത്‌ അവനോ​ടുള്ള നമ്മുടെ വിലമ​തി​പ്പു കെട്ടു​പണി ചെയ്യു​ന്നത്‌ എങ്ങനെ?’” അത്തരം ആത്മീയ സംഭാ​ഷ​ണങ്ങൾ “യഹോ​വ​യു​ടെ ഇഷ്ടം എന്തെന്നു ഗ്രഹി​ച്ചു​കൊ​ണ്ടേ​യി​രി​ക്കു”ന്നതിന്‌ നിങ്ങളു​ടെ കുടും​ബ​ത്തി​ലുള്ള സകല​രെ​യും സഹായി​ക്കും.—എഫെ. 5:17, NW.

⁷ കുടുംബ അധ്യയനം: ആത്മീയ കാര്യ​ങ്ങൾക്കു പ്രഥമ സ്ഥാനം നൽകേ​ണ്ട​തി​ന്റെ പ്രാധാ​ന്യം കുടും​ബ​നാ​ഥ​ന്മാർക്കു തങ്ങളുടെ കുട്ടി​കളെ കാണി​ച്ചു​കൊ​ടു​ക്കാൻ കഴിയുന്ന ഒരു മികച്ച മാർഗം സ്ഥിരമാ​യി എല്ലാ വാരത്തി​ലും കുടുംബ അധ്യയനം നടത്തു​ന്ന​താണ്‌. ഒരു യുവാവ്‌ ഇപ്രകാ​രം ഓർമി​ക്കു​ന്നു: “ജോലി​ക​ഴിഞ്ഞ്‌ നന്നേ ക്ഷീണി​ച്ചാ​യി​രു​ന്നു പലപ്പോ​ഴും ഡാഡി വീട്ടി​ലെ​ത്തി​യി​രു​ന്നത്‌. ഉറക്കം വരുന്നു​ണ്ടെ​ങ്കിൽ പോലും അദ്ദേഹം അധ്യയനം എടുക്കു​മാ​യി​രു​ന്നു. ഇത്‌ കുടുംബ അധ്യയ​ന​ത്തി​ന്റെ ഗൗരവം മനസ്സി​ലാ​ക്കാൻ ഞങ്ങളെ സഹായി​ച്ചു.” ഈ ക്രമീ​ക​ര​ണത്തെ വിജയി​പ്പി​ക്കാൻ കുട്ടി​കൾക്കും ചില കാര്യങ്ങൾ ചെയ്യാ​നാ​കും. കുടുംബ അധ്യയ​ന​ത്തിന്‌ മറ്റൊരു സമയവും ലഭിക്കാ​തെ വന്നപ്പോൾ, ഒമ്പതു കുട്ടി​ക​ളുള്ള ഒരു കുടും​ബം പതിവാ​യി വെളു​പ്പിന്‌ അഞ്ചുമ​ണിക്ക്‌ എഴു​ന്നേറ്റ്‌ തങ്ങളുടെ ചർച്ച നടത്തു​മാ​യി​രു​ന്നു.

⁸ കുടുംബ അധ്യയനം ഫലപ്ര​ദ​മാ​യി​രി​ക്ക​ണ​മെ​ങ്കിൽ, കുടും​ബ​നാ​ഥൻ ‘തന്റെ പഠിപ്പി​ക്ക​ലി​നു നിരന്തര ശ്രദ്ധ കൊടു​ക്കണം.’ (1 തിമൊ. 4:16, NW) ശുശ്രൂ​ഷാസ്‌കൂൾ പാഠപുസ്‌ത​ക​ത്തി​ന്റെ 32-ാം പേജിൽ ഇങ്ങനെ പ്രസ്‌താ​വി​ക്കു​ന്നു: “നിങ്ങളു​ടെ കുടും​ബത്തെ കുറി​ച്ചു​തന്നെ പഠിക്കു​ന്ന​താ​ണു ഫലകര​മായ കുടുംബ അധ്യയ​ന​ത്തി​ന്റെ തുടക്കം എന്നു പറയാ​വു​ന്ന​താണ്‌. നിങ്ങളു​ടെ കുടും​ബാം​ഗ​ങ്ങ​ളു​ടെ ആത്മീയ പുരോ​ഗതി എങ്ങനെ​യുണ്ട്‌? . . . കുട്ടി​ക​ളോ​ടൊ​പ്പം നിങ്ങൾ വയൽശു​ശ്രൂ​ഷ​യിൽ ഏർപ്പെ​ടു​മ്പോൾ, കൂട്ടു​കാ​രു​ടെ മുന്നിൽ തങ്ങൾ യഹോ​വ​യു​ടെ സാക്ഷികൾ ആണെന്നു പറയാൻ അവർക്കു ബുദ്ധി​മു​ട്ടു തോന്നു​ന്നു​ണ്ടോ? കുടുംബ ബൈബിൾ വായന​യും അധ്യയ​ന​വും അവർ ആസ്വദി​ക്കു​ന്നു​ണ്ടോ? അവർ യഥാർഥ​ത്തിൽ യഹോ​വ​യു​ടെ വഴി സ്വന്തം ജീവി​ത​ഗതി ആക്കുന്നു​ണ്ടോ? ഓരോ കുടും​ബാം​ഗ​ത്തി​ലും ആത്മീയ ഗുണങ്ങൾ നട്ടുവ​ളർത്തു​ന്ന​തിന്‌ കുടും​ബ​നാ​ഥൻ എന്ന നിലയിൽ നിങ്ങൾ എന്തു ചെയ്യേ​ണ്ടി​യി​രി​ക്കു​ന്നു എന്നു ശ്രദ്ധാ​പൂർവ​മായ നിരീ​ക്ഷണം വെളി​പ്പെ​ടു​ത്തും.”

⁹ സഭാ​യോ​ഗങ്ങൾ: യോഗ​ങ്ങൾക്കു തയ്യാറാ​കു​ന്ന​തും അതിൽ സംബന്ധി​ക്കു​ന്ന​തും നിങ്ങളു​ടെ പ്രതി​വാര ചര്യയു​ടെ മർമ​പ്ര​ധാന ഭാഗമാ​യി​രി​ക്കണം. (എബ്രാ. 10:24, 25) ചില​പ്പോ​ഴൊ​ക്കെ, കുടും​ബം ഒത്തൊ​രു​മി​ച്ചി​രുന്ന്‌ ചില യോഗ​ങ്ങൾക്കു തയ്യാറാ​കാൻ കഴി​ഞ്ഞേ​ക്കും. അവസാന നിമിഷം വരെ കാത്തി​രി​ക്കാ​തെ മുൻകൂ​ട്ടി തയ്യാറാ​കു​ന്ന​തി​നുള്ള ക്രമീ​ക​രണം ചെയ്യാൻ സാധി​ക്കു​മോ? ഇക്കാര്യ​ത്തിൽ ഒരു പതിവു ക്രമം പിൻപ​റ്റു​ന്നത്‌ തയ്യാറാ​ക​ലി​ന്റെ ഗുണ​മേ​ന്മ​യും യോഗ​ങ്ങ​ളിൽ നിന്നു ലഭിക്കുന്ന പ്രയോ​ജ​ന​ങ്ങ​ളു​ടെ അളവും വർധി​പ്പി​ക്കും.—സദൃ. 21:5.

¹⁰ ഫലപ്ര​ദ​മായ ഒരു ആത്മീയ ചര്യയു​ടെ സവി​ശേ​ഷ​ത​ക​ളാണ്‌ ഗുണ​മേ​ന്മ​യും സ്ഥിരത​യും. എല്ലാ യോഗ​ങ്ങൾക്കും തയ്യാറാ​കാൻ സാഹച​ര്യം അനുവ​ദി​ക്കു​ന്നി​ല്ലെ​ങ്കിൽ എന്തു ചെയ്യാൻ കഴിയും? ശുശ്രൂ​ഷാസ്‌കൂൾ പാഠപുസ്‌തകം അതിന്റെ 31-ാം പേജിൽ ഈ നിർദേശം വെക്കുന്നു: “എങ്ങനെ​യെ​ങ്കി​ലു​മൊന്ന്‌ പഠിച്ചു തീർക്ക​ണ​മ​ല്ലോ എന്നു വിചാ​രിച്ച്‌ വിവരങ്ങൾ ഓടി​ച്ചു​നോ​ക്കി​വി​ടു​ന്നത്‌ ഒഴിവാ​ക്കുക. ഇനി, മുഴു​വ​നും പഠിക്കാൻ കഴിയാ​ത്ത​തു​കൊണ്ട്‌ ഒന്നും പഠിക്കു​ന്നി​ല്ലെന്നു വെക്കു​ന്നെ​ങ്കിൽ അത്‌ ഏറെ കഷ്ടമാണ്‌. പകരം, നിങ്ങൾക്ക്‌ എത്രമാ​ത്രം പഠിക്കാൻ കഴിയു​മെന്നു നിർണ​യി​ക്കുക. എന്നിട്ട്‌ അതു നന്നായി പഠിക്കുക. ഓരോ ആഴ്‌ച​യും അങ്ങനെ ചെയ്യുക. ക്രമേണ, മറ്റു യോഗ​ങ്ങൾക്കാ​യും ഈ രീതി​യിൽ തയ്യാറാ​യി​ക്കൊണ്ട്‌ പഠിക്കുന്ന കാര്യ​ങ്ങ​ളു​ടെ അളവു വർധി​പ്പി​ക്കുക.”

¹¹ കുടും​ബങ്ങൾ യോഗ​ങ്ങൾക്കു നേരത്തേ വരു​മ്പോൾ, യഹോ​വയെ സ്‌തു​തി​ക്കാ​നും അവൻ നൽകുന്ന പ്രബോ​ധ​ന​ത്തിൽ നിന്നു പ്രയോ​ജനം നേടാ​നും സഹായി​ക്കുന്ന ഉചിത​മായ ഒരു മാനസി​ക​നില കൈവ​രി​ക്കാൻ അവർക്കു കഴിയു​ന്നു. നിങ്ങളു​ടെ കുടും​ബ​ത്തിന്‌ ആ രീതി​യു​ണ്ടോ? നല്ല ആസൂ​ത്ര​ണ​വും കുടും​ബ​ത്തി​ലെ എല്ലാവ​രു​ടെ​യും ഒത്തൊ​രു​മി​ച്ചുള്ള പ്രവർത്ത​ന​വും ഇതിന്‌ ആവശ്യ​മാണ്‌. വൈകി​ട്ടു യോഗ​ങ്ങ​ളു​ള്ള​പ്പോൾ നിങ്ങളു​ടെ കുടും​ബാം​ഗ​ങ്ങൾക്ക്‌ തിരക്കി​ട്ടു കാര്യങ്ങൾ ചെയ്യേ​ണ്ടി​വ​രു​ന്ന​താ​യും അല്ലെങ്കിൽ സമ്മർദം അനുഭ​വ​പ്പെ​ടു​ന്ന​താ​യും കാണു​ന്നെ​ങ്കിൽ പതിവു രീതി​കൾക്കു ചില പൊരു​ത്ത​പ്പെ​ടു​ത്ത​ലു​കൾ വരുത്താൻ സാധി​ക്കു​മോ? കാലേ​കൂ​ട്ടി ചെയ്‌തു​തീർക്കാ​വുന്ന ജോലി​ക​ളു​ണ്ടോ? ഒരു കുടും​ബാം​ഗ​ത്തി​നു ജോലി കൂടു​ത​ലാ​ണെ​ങ്കിൽ മറ്റുള്ള​വർക്കു സഹായി​ക്കാൻ കഴിയു​മോ? യോഗ​ങ്ങൾക്കു പോകാൻ നിശ്ചയി​ച്ചി​രി​ക്കുന്ന സമയത്തിന്‌ ഏതാനും മിനിട്ടു മുമ്പു​തന്നെ എല്ലാവ​രും തയ്യാറാ​യി ഇറങ്ങു​ന്നത്‌ സമ്മർദം ലഘൂക​രി​ക്കു​ക​യി​ല്ലേ? ചിട്ട​യോ​ടു കൂടെ കാര്യങ്ങൾ ചെയ്യു​ന്നത്‌ കുടും​ബ​ത്തി​ലെ​യും സഭയി​ലെ​യും സമാധാ​നം വർധി​പ്പി​ക്കും.—1 കൊരി. 14:33, 40.

¹² വയൽസേ​വനം: ശുശ്രൂ​ഷ​യിൽ പങ്കെടു​ക്കാൻ നിശ്ചി​ത​സ​മയം മുൻകൂ​ട്ടി വേർതി​രി​ക്കു​ന്ന​താണ്‌ നല്ല ആത്മീയ ചര്യയി​ലെ മറ്റൊരു ഘടകം. ജെയ്‌സൺ എന്ന ഒരു യുവാവ്‌ ഇങ്ങനെ ഓർമി​ക്കു​ന്നു: “എന്റെ കുടും​ബം എല്ലാ ശനിയാഴ്‌ച​യും രാവിലെ സമയം വയൽസേ​വ​ന​ത്തി​നാ​യി നീക്കി​വെ​ച്ചി​രു​ന്നു. അത്‌ എനിക്കു ഗുണം ചെയ്‌തു. കാരണം, എത്രയ​ധി​കം ശുശ്രൂ​ഷ​യിൽ ഏർപ്പെ​ട്ടോ അത്രയ​ധി​കം അതു കൈവ​രു​ത്തുന്ന നന്മ എനിക്കു കാണാൻ കഴിഞ്ഞു. ഞാൻ അതു കൂടുതൽ ആസ്വദി​ക്കാൻ തുടങ്ങി.” ഓരോ വാരത്തി​ലും ശുശ്രൂ​ഷയ്‌ക്കാ​യി ഒരു നിശ്ചി​ത​സ​മയം പട്ടിക​പ്പെ​ടു​ത്തി​യത്‌ ക്രിസ്‌തീയ ശുശ്രൂ​ഷ​ക​രാ​യി പുരോ​ഗ​മി​ക്കാൻ തങ്ങളെ സഹായി​ച്ചെന്ന്‌ സാക്ഷി​ക്കു​ടും​ബ​ങ്ങ​ളിൽ വളർന്നു​വന്ന അനേക​രും കണ്ടെത്തി​യി​രി​ക്കു​ന്നു.

¹³ നിങ്ങളു​ടെ കുടും​ബം വയൽശു​ശ്രൂ​ഷ​യിൽ ചെലവ​ഴി​ക്കുന്ന സമയം കൂടുതൽ ആസ്വാ​ദ്യ​വും ഫലപ്ര​ദ​വും ആക്കാൻ ചിട്ട​യോ​ടു കൂടിയ ഒരു ചര്യ സഹായി​ക്കും. ഇത്‌ എങ്ങനെ സാധി​ക്കും? 1999 ജൂലൈ 1 ലക്കം വീക്ഷാ​ഗോ​പു​രം അതിന്റെ 21-ാം പേജിൽ ഈ നിർദേശം നൽകി: “വാരം​തോ​റു​മുള്ള വയൽസേ​വ​ന​ത്തി​നാ​യി ഒരുങ്ങാൻ കുടുംബ അധ്യയന സമയത്ത്‌ കുടും​ബാം​ഗ​ങ്ങളെ നിങ്ങൾ ഇടയ്‌ക്കി​ടെ സഹായി​ക്കാ​റു​ണ്ടോ? അങ്ങനെ ചെയ്യു​ന്നത്‌ വളരെ പ്രയോ​ജ​ന​പ്രദം ആയിരി​ക്കാ​വു​ന്ന​താണ്‌. (2 തിമൊ​ഥെ​യൊസ്‌ 2:15) അവരുടെ ശുശ്രൂഷ അർഥവ​ത്തും ഫലപ്ര​ദ​വു​മാ​ക്കാൻ അതിനു സഹായി​ക്കാ​നാ​കും. അത്തരം ഒരുക്ക​ത്തി​നാ​യി ചില​പ്പോ​ഴൊ​ക്കെ മുഴു അധ്യയന വേളയും മാറ്റി​വെ​ക്കാൻ സാധി​ക്കും. മിക്ക​പ്പോ​ഴും, കുടുംബ അധ്യയ​ന​ത്തി​ന്റെ ഒടുവി​ലോ വാരത്തിൽ മറ്റേ​തെ​ങ്കി​ലും സമയത്തോ വയൽശു​ശ്രൂ​ഷ​യു​ടെ വിവിധ വശങ്ങളെ കുറിച്ചു ഹ്രസ്വ​മാ​യി ചർച്ച ചെയ്യാ​വു​ന്ന​താണ്‌.” നിങ്ങളു​ടെ കുടും​ബം ഇതു പരീക്ഷി​ച്ചു നോക്കി​യി​ട്ടു​ണ്ടോ?

¹⁴ പുരോ​ഗതി വരുത്തു​ന്ന​തിൽ തുടരുക: ഈ പരിചി​ന്ത​ന​ത്തിൽ നിന്നും നിങ്ങളു​ടെ കുടും​ബം ഇപ്പോൾ നന്നായി ചെയ്യുന്ന മേഖലകൾ നിങ്ങൾ നിരീ​ക്ഷി​ച്ചോ? അതിന്‌ അവരെ അഭിന​ന്ദി​ക്കുക, കൂടുതൽ പുരോ​ഗതി വരുത്താൻ പരി​ശ്ര​മി​ക്കുക. മെച്ച​പ്പെ​ടേണ്ട അനേകം മണ്ഡലങ്ങൾ ഉള്ളതായി നിങ്ങൾ കാണു​ന്നെ​ങ്കിൽ, ഒന്നോ രണ്ടോ തിര​ഞ്ഞെ​ടുത്ത്‌ ആദ്യം അതിൽ ശ്രദ്ധ കേന്ദ്രീ​ക​രി​ക്കുക. അവ നിങ്ങളു​ടെ ആത്മീയ ചര്യയു​ടെ ഭാഗമാ​യി​ക്ക​ഴി​ഞ്ഞാൽ അടുത്ത ഒന്നുരണ്ടു കാര്യ​ങ്ങ​ളിൽ ലക്ഷ്യം വെക്കുക. ശുഭാപ്‌തി​വി​ശ്വാ​സ​വും ന്യായ​ബോ​ധ​വും ഉള്ളവരാ​യി​രി​ക്കുക. (ഫിലി. 4:4, 5) നിങ്ങളു​ടെ കുടും​ബ​ത്തിന്‌ നല്ല ഒരു ആത്മീയ ചര്യ പ്രാബ​ല്യ​ത്തിൽ കൊണ്ടു​വ​രിക എന്നതു ശ്രമം ആവശ്യ​മായ ഒരു സംഗതി​യാണ്‌. എന്നാൽ അതു ശ്രമത്തി​നു തക്ക മൂല്യ​മു​ള്ളതു തന്നെയാണ്‌. കാരണം യഹോവ ഇപ്രകാ​രം ഉറപ്പു​നൽകു​ന്നു: “തന്റെ നടപ്പിനെ ക്രമ​പ്പെ​ടു​ത്തു​ന്ന​വന്നു ഞാൻ ദൈവ​ത്തി​ന്റെ രക്ഷയെ കാണി​ക്കും.”—സങ്കീ. 50:23.