ബൈബിൾ പഠനം—പൂർണ പങ്ക്‌ ഉണ്ടായി​രി​ക്കാൻ കുടും​ബാം​ഗ​ങ്ങൾക്കു സഹകരി​ക്കാൻ കഴിയുന്ന വിധം

¹ സത്യം കുടുംബ ജീവി​ത​ത്തിന്‌ യഥാർഥ അർഥവും ഉദ്ദേശ്യ​വും കൈവ​രു​ത്തു​ന്നു എങ്കിലും യഹോ​വയെ സേവി​ക്കു​ന്ന​തി​ലുള്ള വിജയം സ്വാഭാ​വി​ക​മാ​യി വന്നു ചേരുന്ന ഒന്നല്ല. ആത്മീയ​മാ​യി ശക്തമായ ഒരു കുടും​ബം കെട്ടി​പ്പ​ടു​ക്കു​ന്ന​തി​നു സമയവും ശ്രമവും ആവശ്യ​മാണ്‌. ഈ ഉദ്യമ​ത്തിൽ, കുടും​ബാം​ഗങ്ങൾ എല്ലാവ​രും ഒത്തൊ​രു​മി​ച്ചു പ്രവർത്തി​ക്കേ​ണ്ടതു വളരെ ആവശ്യ​മാണ്‌. മൂന്നു ഭാഗങ്ങ​ളുള്ള ഒരു പരമ്പര​യി​ലെ ഈ ആദ്യ ലേഖനം, നല്ല പഠന ശീലങ്ങൾ വളർത്തി​യെ​ടു​ക്കു​ന്ന​തിൽ കുടും​ബ​ങ്ങൾക്കു സഹകരി​ക്കാൻ കഴിയു​ന്നത്‌ എങ്ങനെ എന്നു ചർച്ച ചെയ്യും.

² ബൈബിൾ ദിവസേന വായി​ച്ചു​കൊണ്ട്‌: “പരിജ്ഞാ​ന​മു​ള്ളവൻ ബലം വർദ്ധി​പ്പി​ക്കു​ന്നു” എന്നു സദൃശ​വാ​ക്യ​ങ്ങൾ 24:5 പറയുന്നു. ദൈവ​വ​ചനം ക്രമമാ​യി വായി​ക്കു​ന്ന​തി​ലൂ​ടെ ലഭിക്കുന്ന പരിജ്ഞാ​നം, ഒരു വ്യക്തിക്കു തന്റെ ആത്മീയ​ത​യു​ടെ മേലുള്ള സാത്താന്റെ കടന്നാ​ക്ര​മ​ണ​ങ്ങളെ ചെറുത്തു നിൽക്കാൻ ആവശ്യ​മായ ആന്തരിക ശക്തി പ്രദാനം ചെയ്യുന്നു. (സങ്കീ. 1:1, 2) നിങ്ങൾ ഒരു കുടും​ബം എന്ന നിലയിൽ ഒത്തൊ​രു​മി​ച്ചു ക്രമമാ​യി ബൈബിൾ വായി​ക്കു​ന്നു​ണ്ടോ? ദിവ്യാ​ധി​പത്യ ശുശ്രൂ​ഷാസ്‌കൂൾ പട്ടിക​യിൽ മുഴു വർഷ​ത്തേ​ക്കും വേണ്ട പ്രതി​വാര “അനുബന്ധ ബൈബിൾ വായന പട്ടിക” നൽകി​യി​രി​ക്കു​ന്നു. അതു പിൻപ​റ്റു​ന്ന​തി​നു ദിവസ​വും 10 മിനി​റ്റിൽ താഴെ മാത്രമേ ചെലവ​ഴി​ക്കേ​ണ്ട​തു​ള്ളൂ. ബൈബിൾ വായനയ്‌ക്കും തിരു​വെ​ഴു​ത്തു​കൾ ദൈനം​ദി​നം പരി​ശോ​ധി​ക്ക​ലിൽ നിന്നുള്ള ദിനവാ​ക്യ പരിചി​ന്ത​ന​ത്തി​നും അനു​യോ​ജ്യ​മായ ഒരു സമയം തിര​ഞ്ഞെ​ടു​ക്കുക—പ്രഭാത ഭക്ഷണ വേളയി​ലോ അത്താഴ ശേഷമോ അതുമ​ല്ലെ​ങ്കിൽ ഉറങ്ങു​ന്ന​തി​നു തൊട്ടു​മു​മ്പോ എപ്പോൾ വേണ​മെ​ങ്കി​ലു​മാ​കാം ഇത്‌. ഇതു നിങ്ങളു​ടെ കുടും​ബ​ത്തി​ന്റെ ദിനച​ര്യ​യു​ടെ ഭാഗമാ​ക്കുക.

³ എല്ലാ ആഴ്‌ച​യി​ലും ഒരുമി​ച്ചു പഠിച്ചു​കൊണ്ട്‌: ഒരു കുടും​ബത്തെ സംബന്ധി​ച്ചി​ട​ത്തോ​ളം, കുടുംബ ബൈബിൾ അധ്യയനം ആയിരി​ക്കണം വാരത്തി​ലെ ഏറ്റവും പ്രധാ​ന​പ്പെട്ട സംഗതി. ഓരോ അംഗവും ഉത്സാഹ​ത്തോ​ടെ പഠനത്തിൽ പങ്കെടു​ത്തു​കൊണ്ട്‌ അതിനെ പിന്തു​ണയ്‌ക്കേ​ണ്ട​തുണ്ട്‌. എന്താണു പഠി​ക്കേ​ണ്ട​തെ​ന്നും എന്ന്‌, എപ്പോൾ, എത്ര സമയം പഠിക്ക​ണ​മെ​ന്നും തീരു​മാ​നി​ക്കു​മ്പോൾ കുടും​ബ​ത്ത​ലവൻ കുടും​ബ​ത്തി​ന്റെ ആവശ്യങ്ങൾ പരിഗ​ണി​ക്കേ​ണ്ട​തുണ്ട്‌. ഓരോ വാരത്തി​ലെ​യും പട്ടിക​യിൽ കുടുംബ അധ്യയ​ന​ത്തി​നു പ്രമുഖ സ്ഥാനം നൽകുക. പ്രാധാ​ന്യം കുറഞ്ഞ സംഗതി​കൾ അതിനു തടസ്സമാ​കാൻ അനുവ​ദി​ക്ക​രുത്‌.—ഫിലി. 1:10, 11, NW.

⁴ വീട്ടിൽ സാധാ​ര​ണ​മാ​യി ബിസി​നസ്‌ സംബന്ധ​മായ ഫോൺ കോളു​കൾ ലഭിക്കാ​റു​ണ്ടാ​യി​രുന്ന ഒരു പിതാവ്‌, കുടുംബ അധ്യയന വേളയിൽ ഫോൺ ബന്ധം വിച്ഛേ​ദി​ച്ചി​ടു​മാ​യി​രു​ന്നു. ബിസി​നസ്‌ ഇടപാ​ടു​കാർ വീട്ടിൽ വരിക​യാ​ണെ​ങ്കിൽ അധ്യയ​ന​ത്തിൽ പങ്കു​ചേ​രാൻ അവരെ​യും ക്ഷണിക്കു​ക​യോ അതു തീരു​ന്ന​തു​വരെ കാത്തി​രി​ക്കാൻ ആവശ്യ​പ്പെ​ടു​ക​യോ ചെയ്യു​മാ​യി​രു​ന്നു. യാതൊ​ന്നും കുടുംബ അധ്യയ​ന​ത്തി​നു തടസ്സമാ​കാ​തി​രി​ക്കാൻ പിതാവു പ്രത്യേ​കം ശ്രദ്ധയു​ള്ളവൻ ആയിരു​ന്നു. ഇത്‌ അദ്ദേഹ​ത്തി​ന്റെ കുട്ടി​കളെ ആഴത്തിൽ സ്വാധീ​നി​ച്ചു. ബിസി​ന​സാ​ണെ​ങ്കിൽ അഭിവൃ​ദ്ധി​പ്പെ​ടു​ക​യും ചെയ്‌തു.

⁵ കുടും​ബാം​ഗങ്ങൾ ആത്മീയ കാര്യ​ങ്ങ​ളിൽ പരസ്‌പരം സഹകരി​ക്കു​ന്നത്‌ എത്രയോ ആഹ്ലാദ​ക​ര​മാണ്‌! കുടുംബ ബൈബിൾ പഠനത്തിൽ പൂർണ പങ്ക്‌ ഉണ്ടായി​രി​ക്കു​ന്ന​തി​നുള്ള നമ്മുടെ ശ്രമങ്ങ​ളിൽ വിശ്വസ്‌തർ ആയിരി​ക്കു​ന്നതു തീർച്ച​യാ​യും യഹോ​വ​യു​ടെ അനു​ഗ്ര​ഹ​ത്തിൽ കലാശി​ക്കും.—സങ്കീ. 1:3.