മറ്റുള്ള​വർക്കു​വേണ്ടി യഥാർഥ​മാ​യി കരുതി​ക്കൊ​ണ്ടു യഹോ​വയെ അനുക​രി​ക്കു​ക

¹ മറ്റുള്ള​വർക്കു​വേണ്ടി യഥാർഥ കരുതൽ പ്രകട​മാ​ക്കു​ന്ന​തി​ന്റെ ഏറ്റവും വലിയ മാതൃക യഹോ​വ​യാണ്‌. അഖിലാണ്ഡ പരമാ​ധി​കാ​രി​യെ​ന്ന​നി​ല​യിൽ അവൻ തന്റെ മനുഷ്യ സൃഷ്ടി​യു​ടെ ആവശ്യ​ങ്ങ​ളെ​ക്കു​റി​ച്ചു ബോധ​വാ​നാണ്‌. (1 പത്രൊ. 5:7) നീതി​മാൻമാ​രു​ടെ​മേ​ലും നീതി​കെ​ട്ട​വ​രു​ടെ​മേ​ലും സൂര്യനെ ഉദിപ്പി​ക്കു​ക​യും മഴപെ​യ്യി​ക്കു​ക​യും ചെയ്യുന്ന തന്റെ പിതാ​വി​ന്റെ സ്വഭാ​വ​ഗു​ണങ്ങൾ പ്രകട​മാ​ക്കാൻ യേശു തന്റെ അനുഗാ​മി​കളെ പ്രോ​ത്സാ​ഹി​പ്പി​ച്ചു. (മത്താ. 5:45) കണ്ടുമു​ട്ടുന്ന ഏതൊ​രാ​ളു​മാ​യി രാജ്യ​സ​ന്ദേശം പങ്കു​വെ​ക്കാൻ തയ്യാറാ​യി​രു​ന്നു​കൊ​ണ്ടു മറ്റുള്ള​വ​രിൽ യഥാർഥ താത്‌പ​ര്യം കാണി​ക്കു​ക​വഴി നിങ്ങൾക്കു യഹോ​വയെ അനുക​രി​ക്കാ​വു​ന്ന​താണ്‌. ജൂ​ലൈ​യിൽ ശുശ്രൂ​ഷ​യിൽ ഉപയോ​ഗി​ക്കുന്ന ലഘുപ​ത്രി​ക​ക​ളു​മാ​യി നല്ലവണ്ണം സുപരി​ചി​ത​രാ​കു​ന്ന​തി​നാൽ, മറ്റുള്ള​വർക്ക്‌ ആത്മീയ സഹായം വാഗ്‌ദാ​നം ചെയ്യാ​വുന്ന ഒരു നല്ല സ്ഥാനത്താ​യി​രി​ക്കും നിങ്ങൾ. പ്രാരംഭ സന്ദർശ​ന​ത്തി​നു നിങ്ങൾ തയ്യാറാ​യേ​ക്കാ​വുന്ന വിധ​ത്തെ​ക്കു​റി​ച്ചും പിന്നീട്‌ സമയോ​ചിത മടക്കസ​ന്ദർശ​നങ്ങൾ നടത്തി​ക്കൊ​ണ്ടു താത്‌പ​ര്യ​ത്തെ പിന്തു​ട​രു​ന്ന​തി​നെ​ക്കു​റി​ച്ചും പിൻവ​രുന്ന നിർദേ​ശങ്ങൾ ചില ആശയങ്ങൾ നൽകുന്നു.

² “ദൈവം യഥാർത്ഥ​ത്തിൽ നമ്മെ സംബന്ധി​ച്ചു കരുതു​ന്നു​വോ?” എന്ന ലഘുപ​ത്രിക കൊടു​ക്കു​മ്പോൾ നിങ്ങൾക്ക്‌ ഇപ്രകാ​രം പറയാ​വു​ന്ന​താണ്‌:

◼“മനുഷ്യ​രെ​ക്കു​റി​ച്ചു ദൈവം യഥാർഥ​മാ​യി കരുതു​ന്നു​വെ​ങ്കിൽ അവർ കഷ്ടപ്പെ​ടാൻ അവൻ അനുവ​ദി​ക്കു​ന്ന​തെ​ന്തു​കൊ​ണ്ടെന്നു നിങ്ങൾ എപ്പോ​ഴെ​ങ്കി​ലും ചിന്തി​ച്ചി​ട്ടു​ണ്ടോ? [പ്രതി​ക​രി​ക്കാൻ അനുവ​ദി​ക്കുക.] ഈ ലഘുപ​ത്രിക ഈ ചോദ്യ​ത്തി​നുള്ള തൃപ്‌തി​ക​ര​മായ ഉത്തരം പ്രദാ​നം​ചെ​യ്യുക മാത്രമല്ല, മനുഷ്യൻ തനിക്കു​ത​ന്നെ​യും തന്റെ ഭൗമഗൃ​ഹ​ത്തി​നും വരുത്തി​യി​രി​ക്കുന്ന എല്ലാ നാശന​ഷ്ട​ങ്ങ​ളും പരിഹ​രി​ക്കു​മെന്നു ദൈവം വാഗ്‌ദാ​നം ചെയ്‌തി​രി​ക്കു​ന്ന​താ​യി കാണി​ച്ചു​ത​രു​ക​യും ചെയ്യുന്നു.” 27-ാം പേജിലെ 23-ാം ഖണ്ഡിക വായി​ക്കുക. അതിനു​താ​ഴെ​യുള്ള ചിത്രം കാണി​ക്കു​ക​യും 22-ാം ഖണ്ഡിക​യിൽനിന്ന്‌ സങ്കീർത്തനം 145:16 വായി​ക്കു​ക​യും ചെയ്യുക. ലഘുപ​ത്രിക കൊടു​ക്കുക. അതു സ്വീക​രി​ക്കു​ന്നെ​ങ്കിൽ, “മനുഷ്യ​വർഗ​ത്തിന്‌ അനു​ഗ്ര​ഹങ്ങൾ കൈവ​രു​ത്തു​ക​യും ഭൂമിയെ ഒരു പറുദീ​സ​യാ​യി രൂപാ​ന്ത​ര​പ്പെ​ടു​ത്തു​ക​യും ചെയ്യു​ക​യെന്ന തന്റെ ഉദ്ദേശ്യം ദൈവം എങ്ങനെ നിറ​വേ​റ്റു​മെ​ന്ന​റി​യാൻ നിങ്ങൾക്കു താത്‌പ​ര്യ​മു​ണ്ടോ?” എന്നതു​പോ​ലുള്ള ഒരു ചോദ്യം ചോദി​ക്കുക. അടുത്ത സന്ദർശ​ന​ത്തിൽ അതിന്‌ ഉത്തരം കൊടു​ക്കാ​വു​ന്ന​താണ്‌.

³ “ദൈവം യഥാർത്ഥ​ത്തിൽ നമ്മെ സംബന്ധി​ച്ചു കരുതു​ന്നു​വോ?” എന്ന ലഘുപ​ത്രിക സമർപ്പി​ച്ച​വ​രു​ടെ അടു​ത്തേക്കു നിങ്ങൾ മടങ്ങി​ച്ചെ​ല്ലു​മ്പോൾ, നിങ്ങൾ മറ്റൊരു ചർച്ച ഇപ്രകാ​രം ആരംഭി​ച്ചേ​ക്കാം:

◼“കഴിഞ്ഞ പ്രാവ​ശ്യം ഞാൻ സന്ദർശി​ച്ച​പ്പോൾ, ദൈവം വാസ്‌ത​വ​ത്തിൽ നമുക്കു​വേണ്ടി കരുതു​ക​തന്നെ ചെയ്യു​ന്നു​വെ​ന്നും മനുഷ്യൻ തന്റെ​മേ​ലും തന്റെ ഭൗമഗൃ​ഹ​ത്തി​ന്മേ​ലും വരുത്തി​യി​രി​ക്കുന്ന എല്ലാ നാശന​ഷ്ട​ങ്ങ​ളും പരിഹ​രി​ക്കു​ക​യെ​ന്നത്‌ അവന്റെ ഉദ്ദേശ്യ​മാ​ണെ​ന്നും നാം പരിചി​ന്തി​ച്ചു.” ലഘുപ​ത്രിക തുറന്ന്‌ 2-3 പേജു​ക​ളി​ലെ ചിത്ര​ത്തി​ലേക്കു മറിച്ച്‌ ഇപ്രകാ​രം പറയുക: “മനുഷ്യ​വർഗ​ത്തിന്‌ അനു​ഗ്ര​ഹങ്ങൾ കൈവ​രു​ത്തു​ക​യും ഭൂമിയെ ഒരു പറുദീ​സ​യാ​യി രൂപാ​ന്ത​ര​പ്പെ​ടു​ത്തു​ക​യും ചെയ്യു​ക​യെന്ന തന്റെ ഉദ്ദേശ്യം ദൈവം എങ്ങനെ നിറ​വേ​റ്റും? എന്ന ചോദ്യ​ത്തോ​ടെ നാം സംഭാ​ഷണം അവസാ​നി​പ്പി​ച്ചി​രു​ന്നു. നിങ്ങൾ എന്തു വിചാ​രി​ക്കു​ന്നു?” പ്രതി​ക​രി​ക്കാൻ അനുവ​ദി​ക്കുക. 17-ാം പേജി​ലേക്കു തിരിഞ്ഞ്‌ 2-ാം ഖണ്ഡിക​യും ദാനീ​യേൽ 2:44-ഉം വായി​ക്കുക. അതിനു​ശേഷം 18-ാം പേജിലെ 12-ാം ഖണ്ഡിക വായി​ക്കുക. ലഘുപ​ത്രി​ക​യു​ടെ 9-ാം ഭാഗം നിങ്ങ​ളോ​ടൊ​പ്പം പരിചി​ന്തി​ക്കാൻ താത്‌പ​ര്യ​മു​ണ്ടോ​യെന്നു വീട്ടു​കാ​ര​നോ​ടു ചോദി​ക്കുക. ഇഷ്ടപ്പെ​ടു​ന്നെ​ങ്കിൽ അത്‌ അദ്ദേഹ​ത്തോ​ടൊ​പ്പം പഠിക്കുക.

⁴ “നിങ്ങൾ സ്‌നേ​ഹി​ക്കുന്ന ആരെങ്കി​ലും മരിക്കു​മ്പോൾ” എന്ന ലഘുപ​ത്രിക സമർപ്പി​ക്കാ​നു​പ​യോ​ഗി​ക്കാ​വുന്ന ഒരു സമീപ​ന​മി​താ. അതിന്റെ പുറം​പേജ്‌ കാണി​ച്ചു​കൊണ്ട്‌ ഇപ്രകാ​രം പറയുക:

◼“പ്രിയ​പ്പെ​ട്ട​വരെ മരണത്തിൽ നഷ്ടപ്പെ​ട്ടി​രി​ക്കുന്ന ദശലക്ഷ​ക്ക​ണ​ക്കി​നാ​ളു​കൾക്ക്‌ ആശ്വാ​സ​വും പ്രത്യാ​ശ​യും കൈവ​രു​ത്തി​യി​രി​ക്കുന്ന ഈ ലഘുപ​ത്രിക ഇന്നു ഞങ്ങൾ പങ്കു​വെ​ക്കു​ക​യാണ്‌. മരിച്ച​വർക്ക്‌ എന്തു പ്രത്യാ​ശ​യുണ്ട്‌ എന്നു നിങ്ങൾ എപ്പോ​ഴെ​ങ്കി​ലും ചിന്തി​ച്ചി​ട്ടു​ണ്ടോ? [പ്രതി​ക​രി​ക്കാൻ അനുവ​ദി​ക്കുക.] ദൈവ​ത്തി​ന്റെ പുനരു​ത്ഥാന വാഗ്‌ദാ​ന​ത്തെ​ക്കു​റി​ച്ചു ബൈബിൾ വ്യക്തമാ​യി പ്രസ്‌താ​വി​ക്കു​ന്നു.” യോഹ​ന്നാൻ 5:28, 29 വായി​ക്കുക. ലഘുപ​ത്രിക തുറന്ന്‌ 28-ാം പേജിലെ അവസാ​നത്തെ ഖണ്ഡിക​യി​ലും 31-ാം പേജിലെ ആദ്യത്തെ ഖണ്ഡിക​യി​ലും കൊടു​ത്തി​രി​ക്കുന്ന ആശയങ്ങ​ളെ​ക്കു​റിച്ച്‌ അഭി​പ്രാ​യം പറയുക. അതേത്തു​ടർന്നുള്ള ചിത്രങ്ങൾ കാണി​ക്കുക. ലഘുപ​ത്രിക സമർപ്പി​ക്കുക. “ഒടുവിൽ മരണം പൂർണ​മാ​യി ഇല്ലായ്‌മ​ചെ​യ്യ​പ്പെ​ടു​മെന്നു നമു​ക്കെ​ങ്ങനെ ഉറപ്പു​ണ്ടാ​യി​രി​ക്കാൻ കഴിയും?” എന്നു ചോദി​ച്ചു​കൊണ്ട്‌ നിങ്ങൾക്കൊ​രു മടക്കസ​ന്ദർശ​ന​ത്തി​നു പാത​യൊ​രു​ക്കാൻ കഴിയും.

⁵ “നിങ്ങൾ സ്‌നേ​ഹി​ക്കുന്ന ആരെങ്കി​ലും മരിക്കു​മ്പോൾ” എന്ന ലഘുപ​ത്രിക സമർപ്പി​ച്ച​ടത്ത്‌, മടക്കസ​ന്ദർശ​ന​ത്തിൽ ഈ അവതരണം ഉപയോ​ഗി​ക്കാൻ നിങ്ങൾ ആഗ്രഹി​ച്ചേ​ക്കാം:

◼“മുമ്പു നമ്മൾ സംസാ​രി​ച്ച​പ്പോൾ പുനരു​ത്ഥാ​ന​ത്തി​ന്റെ അത്ഭുത​ക​ര​മായ പ്രത്യാ​ശ​യെ​ക്കു​റി​ച്ചു നാം ചർച്ച​ചെ​യ്‌തു. ഒടുവിൽ മരണം പൂർണ​മാ​യി ഇല്ലായ്‌മ​ചെ​യ്യ​പ്പെ​ടു​മെന്നു നമുക്ക്‌ ഉറപ്പു​ണ്ടാ​യി​രി​ക്കാൻ കഴിയു​ന്ന​തി​ന്റെ കാരണ​ത്തെ​ക്കു​റി​ച്ചു ഞാൻ നിങ്ങൾക്കു തന്നിട്ടു​പോയ ലഘുപ​ത്രിക വിശദീ​ക​രി​ക്കു​ന്നു. ദൈവ​ത്തി​ന്റെ വാഗ്‌ദാ​നങ്ങൾ ആശ്വാ​സ​പ്ര​ദ​വും ഉറപ്പു​നൽകു​ന്ന​തു​മാ​ണെന്നു നിങ്ങൾ കണ്ടെത്തി​യി​ല്ലേ?” പ്രതി​ക​രി​ക്കാൻ അനുവ​ദി​ക്കുക. തുടർന്ന്‌ ലഘുപ​ത്രിക 31-ാം പേജി​ലേക്കു മറിച്ച്‌ വെളി​പ്പാ​ടു 21:1-4-നോ​ടൊ​പ്പം രണ്ടാമ​ത്തെ​യും മൂന്നാ​മ​ത്തെ​യും ഖണ്ഡികകൾ വായി​ക്കുക. ഒരിക്ക​ലും മരിക്കാ​തെ ജീവിതം ആസ്വദി​ക്കാ​നുള്ള നമ്മുടെ പ്രതീ​ക്ഷയെ എടുത്തു​കാ​ട്ടുക. പ്രകട​മാ​ക്കിയ താത്‌പ​ര്യ​ത്തെ​യും അപ്പോ​ഴത്തെ സാഹച​ര്യ​ത്തെ​യും ആശ്രയിച്ച്‌, നിങ്ങൾ പരിജ്ഞാ​നം പുസ്‌ത​ക​ത്തിൽനിന്ന്‌ ഒരു ബൈബി​ള​ധ്യ​യനം വാഗ്‌ദാ​നം ചെയ്യു​ക​യോ അടുത്ത മടക്കസ​ന്ദർശ​ന​ത്തി​നു വഴി​യൊ​രു​ക്കാൻ മറ്റൊരു ചോദ്യം ചോദി​ക്കു​ക​യോ ചെയ്‌തേ​ക്കാം.

⁶ “ജീവി​ത​ത്തി​ന്റെ ഉദ്ദേശ്യം എന്ത്‌—അതു നിങ്ങൾക്കെ​ങ്ങനെ കണ്ടെത്താം?” എന്ന ലഘുപ​ത്രിക അവതരി​പ്പി​ക്കു​മ്പോൾ നിങ്ങൾ പിൻവ​രു​ന്ന​പ്ര​കാ​രം പറഞ്ഞേ​ക്കാം:

◼“ജീവി​ത​ത്തി​ന്റെ ഉദ്ദേശ്യ​മെ​ന്തെന്ന്‌ അനേകർ അത്ഭുത​പ്പെ​ട്ടി​ട്ടുണ്ട്‌. ‘ഞാൻ ഇവിടെ ആയിരി​ക്കു​ന്ന​തെ​ന്തു​കൊണ്ട്‌? ഞാൻ എവി​ടേക്കു പോകു​ന്നു? ഭാവി എനിക്കാ​യി എന്തു കരുതി​വെ​ച്ചി​രി​ക്കു​ന്നു?’ എന്ന്‌ അവർ തങ്ങളോ​ടു​തന്നെ ചോദി​ച്ചി​ട്ടുണ്ട്‌. നമുക്ക്‌ ഉത്തരങ്ങൾ എവിടെ കണ്ടെത്താ​മെ​ന്നാ​ണു നിങ്ങൾ വിചാ​രി​ക്കു​ന്നത്‌? [പ്രതി​ക​രി​ക്കാൻ അനുവ​ദി​ക്കുക.] ബൈബിൾ പറയു​ന്നതു ശ്രദ്ധി​ക്കുക. [സങ്കീർത്തനം 36:9 വായി​ക്കുക.] നാം ഇവിടെ ആയിരി​ക്കു​ന്ന​തെ​ന്തു​കൊ​ണ്ടെന്നു വിശദീ​ക​രി​ക്കാൻ ഏറ്റവും യോഗ്യ​നാ​യവൻ മമനു​ഷ്യ​ന്റെ സ്രഷ്ടാ​വാ​ണെന്നു നിഗമനം ചെയ്യു​ന്നതു ന്യായ​യു​ക്ത​മല്ലേ? [പ്രതി​ക​രി​ക്കാൻ അനുവ​ദി​ക്കുക.] ദൈവം നമുക്കാ​യി കരുതി​വെ​ച്ചി​രി​ക്കുന്ന മഹത്തായ ഉദ്ദേശ്യ​ത്തെ ഈ ലഘുപ​ത്രിക വ്യക്തമാ​ക്കു​ന്നു.” 20-1 പേജു​ക​ളി​ലേക്കു മറിച്ച്‌ ചിത്ര​ക്കു​റി​പ്പു വായി​ക്കു​ക​യും ചിത്ര​ത്തെ​ക്കു​റിച്ച്‌ അഭി​പ്രാ​യം പറയു​ക​യും ചെയ്യുക; തുടർന്നു ലഘുപ​ത്രിക സമർപ്പി​ക്കുക. അതു സ്വീക​രി​ക്കു​ന്നെ​ങ്കിൽ, ഇപ്രകാ​രം ചോദി​ക്കുക: “പറുദീ​സാ​ഭൂ​മി​യിൽ മനുഷ്യർ എന്നേക്കും ജീവി​ക്കു​ക​യെ​ന്നു​ള്ളത്‌ ഇപ്പോ​ഴും ദൈവ​ത്തി​ന്റെ ഉദ്ദേശ്യ​മാ​ണെന്നു നമുക്ക്‌ ഉറപ്പു​ണ്ടാ​യി​രി​ക്കാൻ കഴിയു​ന്ന​തെ​ങ്ങനെ?” മടങ്ങി​ച്ചെ​ല്ലാൻ ഒരു സമയം നിശ്ചയി​ക്കുക.

⁷ “ജീവി​ത​ത്തി​ന്റെ ഉദ്ദേശ്യം എന്ത്‌—അതു നിങ്ങൾക്കെ​ങ്ങനെ കണ്ടെത്താം?” എന്ന ലഘുപ​ത്രി​ക​യാ​ണു സമർപ്പി​ച്ചി​രി​ക്കു​ന്ന​തെ​ങ്കിൽ, മടങ്ങി​ച്ചെ​ല്ലു​മ്പോൾ നിങ്ങൾക്ക്‌ ഇപ്രകാ​രം പറയാ​വു​ന്ന​താണ്‌:

◼“എന്റെ കഴിഞ്ഞ സന്ദർശ​ന​ത്തിൽ, മനുഷ്യ ജീവി​ത​ത്തിന്‌ ഒരു യഥാർഥ ഉദ്ദേശ്യ​മുണ്ട്‌ എന്ന ബൈബിൾ വീക്ഷണം സംബന്ധി​ച്ചു നിങ്ങളു​മാ​യി നടത്തിയ ചർച്ച ഞാൻ ശരിക്കും ആസ്വദി​ച്ചു.” 31-ാം പേജിലെ ചിത്രം കാണിച്ച്‌ ഇപ്രകാ​രം ചോദി​ക്കുക, “പറുദീ​സാ​ഭൂ​മി​യിൽ മനുഷ്യർ എന്നേക്കും ജീവി​ക്കേ​ണ്ട​താ​ണെ​ന്നു​ള്ളത്‌ ഇപ്പോ​ഴും ദൈവ​ത്തി​ന്റെ ഇഷ്ടമാ​ണെന്നു നമുക്ക്‌ ഉറപ്പു​ണ്ടാ​യി​രി​ക്കാൻ കഴിയു​ന്ന​തെ​ങ്ങനെ?” 20-ാം പേജിലെ 3-ാം ഖണ്ഡിക വായി​ക്കുക. 21-ാം പേജിലെ “ഇപ്പോ​ഴും ദൈവ​ത്തി​ന്റെ ഉദ്ദേശ്യം” എന്ന ഉപതല​ക്കെ​ട്ടിൻകീ​ഴി​ലെ ആശയങ്ങൾ ചർച്ച​ചെ​യ്യുക. ലഘുപ​ത്രി​ക​യു​ടെ പുറം​പേ​ജി​ലേക്കു തിരിച്ച്‌ ഒരു സൗജന്യ ഭവന ബൈബി​ള​ധ്യ​യ​ന​ത്തി​ന്റെ വാഗ്‌ദാ​ന​ത്തെ​ക്കു​റി​ച്ചു വായി​ക്കുക. പരിജ്ഞാ​നം പുസ്‌തകം പരിച​യ​പ്പെ​ടു​ത്തു​ക​യും ഒരു ബൈബിൾ പഠനസ​ഹാ​യി എന്നനി​ല​യിൽ നാം അത്‌ ഉപയോ​ഗി​ക്കു​ന്ന​വി​ധം പ്രകടി​പ്പി​ച്ചു​കാ​ണി​ക്കാ​മെന്നു പറയു​ക​യും ചെയ്യുക.

⁸ ‘സത്യത്തി​ന്റെ സൂക്ഷ്‌മ​പ​രി​ജ്ഞാ​ന​ത്തി​ലേക്കു വരുന്ന​തിന്‌’ പരമാർഥ​ഹൃ​ദ​യരെ സഹായി​ക്കു​ന്ന​തി​ലുള്ള നമ്മുടെ ആത്മാർഥ​മായ താത്‌പ​ര്യ​ത്തെ നമ്മുടെ ശുശ്രൂഷ പ്രതി​ഫ​ലി​പ്പി​ക്കണം. (1 തിമോ. 2:4, NW) അതു​കൊണ്ട്‌, ശുശ്രൂ​ഷ​യിൽ പങ്കെടു​ക്കു​മ്പോൾ നിങ്ങൾ അഭിമു​ഖീ​ക​രി​ക്കാൻ സാധ്യ​ത​യുള്ള എല്ലാവർക്കും​വേണ്ടി എല്ലാ ഭാഷക​ളി​ലു​മുള്ള ലഘുപ​ത്രി​കകൾ എടുക്കുക. നിങ്ങൾ ലഘുപ​ത്രിക സമർപ്പിച്ച ഓരോ വ്യക്തി​യു​ടെ​യും അടുക്കൽ മടങ്ങി​ച്ചെ​ല്ലു​ന്ന​തി​നു നിങ്ങളു​ടെ സേവന​പ്പ​ട്ടി​ക​യിൽ സമയം ക്രമീ​ക​രി​ക്കുക. നിങ്ങൾ അവരോ​ടു കാട്ടുന്ന യഥാർഥ താത്‌പ​ര്യം, വ്യാജ​മ​ത​ത്തിൽ നടക്കുന്ന മ്ലേച്ഛകാ​ര്യ​ങ്ങൾ നിമിത്തം നെടു​വീർപ്പി​ട്ടു കരയു​ന്ന​വരെ അതിജീ​വ​ന​ത്തി​നാ​യി തിരി​ച്ച​റി​യി​ക്കു​ന്ന​തി​നു സഹായി​ക്കു​ന്ന​തിൽ കലാശി​ച്ചേ​ക്കാം. (യെഹെ. 9:4, 6) മറ്റുള്ള​വർക്കു​വേണ്ടി യഥാർഥ​മാ​യി കരുതു​ക​വഴി നിങ്ങൾ യഹോ​വയെ അനുക​രി​ക്കു​ക​യാ​ണെന്ന്‌ അറിയു​ന്ന​തിൽനി​ന്നുള്ള സന്തോ​ഷ​വും സംതൃ​പ്‌തി​യും നിങ്ങൾ അനുഭ​വി​ക്കു​ക​യും ചെയ്യും.—ഫിലി​പ്പി​യർ 2:20 താരത​മ്യം ചെയ്യുക.