ലഘുപ​ത്രി​കകൾ ഉപയോ​ഗി​ച്ചു രാജ്യ​സു​വാർത്ത പ്രഘോ​ഷി​ക്കു​ക

¹ സത്യം അറിയു​ന്ന​തും സുവാർത്ത തീക്ഷ്‌ണ​ത​യോ​ടെ പ്രഘോ​ഷി​ക്കു​ന്ന​വർക്കി​ട​യിൽ ആയിരി​ക്കു​ന്ന​തും എത്ര ആനന്ദക​ര​മാണ്‌! ദൈവ​സ്ഥാ​പ​ന​ത്തി​നു വെളി​യി​ലാ​യി​രി​ക്കു​ന്നവർ രാജ്യ​സു​വാർത്ത കേൾക്കേ​ണ്ടത്‌ അത്യന്തം ആവശ്യ​മാണ്‌. രാജ്യ​ത്തെ​ക്കു​റി​ച്ചുള്ള സത്യം, നമ്മുടെ പ്രശ്‌നങ്ങൾ—അവ പരിഹ​രി​ക്കാൻ നമ്മെ ആർ സഹായി​ക്കും?, ഭൂമി​യിൽ എന്നേക്കും ജീവിതം ആസ്വദി​ക്കുക!, “നോക്കൂ! ഞാൻ സകലവും പുതു​താ​ക്കു​ന്നു” എന്നീ ലഘുപ​ത്രി​ക​ക​ളിൽ ലളിത​മാ​യി വിവരി​ച്ചി​രി​ക്കു​ന്നു. ദൈവ​രാ​ജ്യ​ത്തിൻകീ​ഴി​ലുള്ള ഭൂമി​യി​ലെ ജീവി​തത്തെ അവ സുവ്യ​ക്ത​മാ​യി ചിത്രീ​ക​രി​ക്കു​ന്നു. മാത്രമല്ല, ദൈവ​വ​ച​ന​ത്തിൽ വിവരി​ച്ചി​രി​ക്കുന്ന രാജ്യ യാഥാർഥ്യ​ങ്ങ​ളി​ലേക്ക്‌ അവ വായന​ക്കാ​രനെ നയിക്കു​ക​യും ചെയ്യുന്നു. തീർച്ച​യാ​യും, താത്‌പ​ര്യ​ക്കാ​രന്‌ ഒരു ലഘുപ​ത്രിക സമർപ്പി​ക്കു​ന്നതു നമ്മുടെ വേലയു​ടെ തുടക്കം മാത്ര​മാണ്‌. (1 കൊരി. 9:23) നിത്യ​ജീ​വ​നി​ലേക്കു നയിക്കുന്ന പരിജ്ഞാ​നം പുസ്‌ത​ക​ത്തിൽ നിന്ന്‌ ഒരു അധ്യയനം വാഗ്‌ദാ​നം ചെയ്യു​ക​യെന്ന ലക്ഷ്യത്തിൽ എല്ലാ സമർപ്പ​ണ​ങ്ങ​ളെ​യും നമുക്ക്‌ ഉത്സാഹ​പൂർവം പിന്തു​ട​രാം. ആഗസ്റ്റിൽ നമുക്ക്‌ ഇത്‌ എപ്രകാ​രം നിവർത്തി​ക്കാം?

² “നമ്മുടെ പ്രശ്‌നങ്ങൾ—അവ പരിഹ​രി​ക്കാൻ നമ്മെ ആർ സഹായി​ക്കും?” എന്ന ലഘുപ​ത്രിക നൽകു​മ്പോൾ നിങ്ങൾക്ക്‌ ഇപ്രകാ​രം പറയാൻ ശ്രമി​ക്കാം:

◼“ഞാൻ സംസാ​രി​ച്ചി​ട്ടുള്ള മിക്കയാ​ളു​ക​ളും ഇന്നു ലോക​ത്തിൽ വലിയ പ്രശ്‌ന​ങ്ങ​ളു​ണ്ടെന്നു തിരി​ച്ച​റി​യു​ന്നു. അവ പരിഹ​രി​ച്ചു കാണാൻ ആഗ്രഹി​ക്കു​ന്നു​വെന്ന്‌ അവർ പറയുന്നു. [തൊഴി​ലി​ല്ലായ്‌മ, വർധി​ച്ചു​വ​രുന്ന കുറ്റകൃ​ത്യ​ങ്ങൾ, അല്ലെങ്കിൽ മയക്കു​മ​രു​ന്നു ദുരു​പ​യോ​ഗം തുടങ്ങിയ പ്രാ​ദേ​ശിക പ്രശ്‌ന​ങ്ങ​ളെ​ക്കു​റി​ച്ചു സൂചി​പ്പി​ക്കുക.] ഇത്തരം കാര്യങ്ങൾ നമ്മു​ടെ​ത​ന്നെ​യും നമ്മുടെ പ്രിയ​പ്പെ​ട്ട​വ​രു​ടെ​യും ഭാവി​യെ​ക്കു​റി​ച്ചു വളരെ​യ​ധി​കം അരക്ഷി​ത​ത്വ​ബോ​ധം നമ്മിൽ ഉളവാ​ക്കു​ന്നു. ഈ പ്രശ്‌ന​ങ്ങ​ളൊ​ന്നും ഇല്ലാത്ത ഒരു സമയം എന്നെങ്കി​ലും ഉണ്ടായി​രി​ക്കു​മെന്നു നിങ്ങൾ വിചാ​രി​ക്കു​ന്നു​ണ്ടോ? [പ്രതി​ക​രി​ക്കാൻ അനുവ​ദി​ക്കുക.] ഒരുപക്ഷേ ബൈബിൾ ഭാഗങ്ങൾ വായി​ക്കാൻ നിങ്ങൾക്ക്‌ അവസരം ലഭിച്ചി​ട്ടു​ണ്ടാ​യി​രി​ക്കാം. ഉണ്ടെങ്കിൽ, ഭാവി സംബന്ധിച്ച്‌ അത്‌ എന്തു വാഗ്‌ദാ​ന​ങ്ങ​ളാ​ണു നൽകു​ന്ന​തെന്നു നിങ്ങൾ വായി​ച്ചോ?” നമ്മുടെ പ്രശ്‌നങ്ങൾ ലഘുപ​ത്രി​ക​യു​ടെ 19-ഉം 20-ഉം പേജു​ക​ളി​ലേക്കു തിരിഞ്ഞ്‌ യെശയ്യാ​വു 33:24; 35:5, 6, 7; സങ്കീർത്തനം 46:9 അല്ലെങ്കിൽ 72:16 തുടങ്ങി പുതിയ ലോക​ത്തെ​ക്കു​റിച്ച്‌ അവിടെ ഉദ്ധരി​ച്ചി​രി​ക്കുന്ന പ്രോ​ത്സാ​ഹ​ജ​ന​ക​മായ തിരു​വെ​ഴു​ത്തു​ക​ളിൽ ചിലതു വായി​ച്ചു​കേൾപ്പി​ക്കുക. ലഘുപ​ത്രിക സമർപ്പി​ക്കുക.

³ “നമ്മുടെ പ്രശ്‌നങ്ങൾ—അവ പരിഹ​രി​ക്കാൻ നമ്മെ ആർ സഹായി​ക്കും?” എന്ന ലഘുപ​ത്രി​ക​യാ​ണു സമർപ്പി​ച്ചി​രു​ന്ന​തെ​ങ്കിൽ മടക്കസ​ന്ദർശ​ന​ത്തിൽ ഇങ്ങനെ പറഞ്ഞു​കൊ​ണ്ടു നിങ്ങൾക്കു ചർച്ച തുടങ്ങാ​വു​ന്ന​താണ്‌:

◼“നമ്മുടെ പ്രശ്‌നങ്ങൾ പരിഹ​രി​ക്കു​ന്ന​തി​നും ഒരു മെച്ചപ്പെട്ട ലോകം സ്ഥാപി​ക്കു​ന്ന​തി​നു​മുള്ള ദൈവ​ത്തി​ന്റെ വാഗ്‌ദാ​ന​ങ്ങ​ളെ​ക്കു​റി​ച്ചു മുമ്പു നാം ചർച്ച ചെയ്‌തി​രു​ന്നു. ഞാൻ നിങ്ങൾക്കു നൽകി​യി​ട്ടു​പോയ ആ ലഘുപ​ത്രിക, നമുക്കു ബൈബിൾ വിശ്വ​സി​ക്കാ​മോ​യെ​ന്ന​തി​നെ സംബന്ധി​ച്ചും മെച്ചപ്പെട്ട അവസ്ഥകൾ നമ്മുടെ നാളിൽ വരുന്നു​വെ​ന്നതു നമുക്ക്‌ എങ്ങനെ അറിയാൻ കഴിയു​മെ​ന്ന​തി​നെ സംബന്ധി​ച്ചും ചർച്ച​ചെ​യ്യു​ന്നു. ഉദാഹ​ര​ണ​ത്തിന്‌, നമ്മുടെ നാളിലെ അവസ്ഥ എപ്രകാ​ര​മാ​യി​രി​ക്കു​മെന്ന്‌ ആയിര​ക്ക​ണ​ക്കി​നു വർഷങ്ങൾക്കു​മുമ്പ്‌ ബൈബിൾ കൃത്യ​മാ​യി മുൻകൂ​ട്ടി​പ്പ​റ​ഞ്ഞ​താ​യും ഈ മോശ​മായ അവസ്ഥകൾ ഒരു ലോക​മാ​റ്റം ആസന്നമാ​ണെന്നു കാണി​ക്കുന്ന അടയാ​ള​ത്തി​ന്റെ ഭാഗമാ​യി​രി​ക്കു​മെന്നു പറഞ്ഞതാ​യും അത്‌ കാട്ടി​ത്ത​രു​ന്നു.” നമ്മുടെ പ്രശ്‌നങ്ങൾ ലഘുപ​ത്രി​ക​യു​ടെ 12-ാം പേജ്‌ തുറന്ന്‌ ‘അടയാളം’ എന്ന ശീർഷ​ക​ത്തിൻകീ​ഴി​ലുള്ള ആദ്യത്തെ ഖണ്ഡിക വായി​ക്കുക. എന്നിട്ട്‌ ഇപ്രകാ​രം പറയുക: “ഇത്തരം അവസ്ഥകൾ നാം ഇന്നു കാണു​ന്നി​ല്ലേ? അവ മുന്നറി​യി​ക്കു​ന്ന​തെ​ന്താ​ണെന്നു നിങ്ങൾക്ക്‌ അറിയാ​മോ?” പ്രതി​ക​രി​ക്കാൻ അനുവ​ദി​ക്കുക. 2 പത്രൊ. 3:9, 13 വായി​ക്കുക. ഒരു ഭവന ബൈബി​ള​ധ്യ​യ​ന​ത്തി​ലൂ​ടെ കൂടുതൽ കാര്യങ്ങൾ പഠിക്കു​ന്ന​തി​നു പ്രോ​ത്സാ​ഹി​പ്പി​ക്കുക.

⁴ “ഭൂമി​യിൽ എന്നേക്കും ജീവിതം ആസ്വദി​ക്കുക” എന്ന ലഘുപ​ത്രിക വളരെ ഹ്രസ്വ​മായ ഒരു അവതര​ണ​ത്തോ​ടെ സമർപ്പി​ക്കാൻ കഴിയും. അതിന്റെ പുറം​താൾ കാണി​ച്ചു​കൊ​ടു​ക്കവേ നിങ്ങൾക്ക്‌ ഇപ്രകാ​രം പറയാ​വു​ന്ന​താണ്‌:

◼“മനോ​ഹ​ര​മായ ഒരു സന്ദേശം ഉൾക്കൊ​ള്ളുന്ന ഒന്ന്‌ നിങ്ങളെ കാണി​ക്കാൻ എനിക്കു താത്‌പ​ര്യ​മുണ്ട്‌.” ഭൂമി​യി​ലെ ജീവിതം എന്ന ലഘുപ​ത്രിക തുറന്ന്‌ മുഖവു​ര​യു​ടെ ആദ്യത്തെ ഖണ്ഡിക വായി​ക്കുക. എന്നിട്ട്‌ തുടരുക: “അത്‌ ഈ ചോദ്യ​ത്തി​നും ഉത്തരം നൽകുന്നു [8-ാം നമ്പർ ചിത്ര​ത്തി​നു മുകളി​ലുള്ള ശീർഷ​ക​ത്തി​ലേക്കു തിരി​യുക]: ‘മനുഷ്യൻ എന്തു​കൊണ്ട്‌ മരിക്കു​ന്നു?’ ഈ ലഘുപ​ത്രി​ക​യി​ലുള്ള ചിത്രങ്ങൾ പഠിക്കു​ന്ന​തും ഉദ്ധരണി​കൾ വായി​ക്കു​ന്ന​തും രസകര​മാ​ണെന്നു നിങ്ങൾ കണ്ടെത്തും. അങ്ങനെ ചെയ്യാൻ ആഗ്രഹി​ക്കു​ന്നെ​ങ്കിൽ നിങ്ങൾക്ക്‌ ഈ പ്രതി കൈപ്പ​റ്റാൻ സാധി​ക്കും.” ലഘുപ​ത്രിക സ്വീക​രി​ക്കു​ന്നെ​ങ്കിൽ വീട്ടു​കാ​ര​നോട്‌ ഇതു​പോ​ലൊ​രു ചോദ്യം ചോദി​ച്ചി​ട്ടു​പോ​രുക: “ഇത്തരത്തി​ലുള്ള അവസ്ഥയിൽ ജീവി​ക്ക​ണ​മെ​ങ്കിൽ എന്തു ചെയ്യണ​മെ​ന്നാ​ണു നിങ്ങൾ വിചാ​രി​ക്കു​ന്നത്‌?” ചോദ്യ​ത്തിന്‌ ഉത്തരം നൽകാൻ നിങ്ങൾ മടങ്ങി​ച്ചെ​ല്ലു​മെന്നു പറയുക.

⁵ “ഭൂമി​യിൽ ജീവിതം” ലഘുപ​ത്രിക സമർപ്പി​ച്ചി​ടത്ത്‌ ഒരു മടക്കസ​ന്ദർശനം നടത്തു​മ്പോൾ നിങ്ങൾ എന്തു പറയും? നിങ്ങൾക്ക്‌ ഈ സമീപനം പരീക്ഷി​ച്ചു​നോ​ക്കാ​വു​ന്ന​താണ്‌:

◼ഭൂമിയിൽ ജീവിതം ലഘുപ​ത്രി​ക​യി​ലെ 49-ാം നമ്പർ ചിത്രം കാണി​ച്ചു​കൊ​ടു​ത്തിട്ട്‌, “ഇത്‌ ഒരു മനോ​ഹ​ര​മായ ചിത്ര​മല്ലേ?” എന്നു ചോദി​ക്കുക. [പ്രതി​ക​രി​ക്കാൻ അനുവ​ദി​ക്കുക.] കഴിഞ്ഞ സന്ദർശ​ന​ത്തിൽ ഞാൻ നിങ്ങൾക്കു നൽകി​യി​ട്ടു​പോയ ലഘുപ​ത്രി​ക​യിൽ ഇതുണ്ട്‌. അടുത്ത പേജി​ലുള്ള ചോദ്യം നിങ്ങ​ളോ​ടു ചോദി​ക്കാൻ ഞാൻ താത്‌പ​ര്യ​പ്പെ​ടു​ന്നു.” 50-ാം നമ്പർ ചിത്ര​ത്തി​ലേക്കു തിരിഞ്ഞ്‌ ചോദ്യം വായി​ക്കുക: “‘നിങ്ങൾ ആ മനോ​ഹ​ര​മായ പരദീ​സ​യിൽ എന്നേക്കും ജീവി​ക്കാ​നാ​ഗ്ര​ഹി​ക്കു​ന്നു​വോ?’ [പ്രതി​ക​രി​ക്കാൻ അനുവ​ദി​ക്കുക.] നിങ്ങളു​ടെ ആഗ്രഹം അതാ​ണെ​ങ്കിൽ നിങ്ങൾ ചെയ്യേ​ണ്ടതു സംബന്ധിച്ച്‌ അതു പറയു​ന്ന​തെ​ന്താ​ണെന്നു ശ്രദ്ധി​ക്കുക: ‘എങ്കിൽ ദൈവം പറയു​ന്നതു സംബന്ധിച്ച്‌ കൂടുതൽ പഠിക്കുക.’ [യോഹ​ന്നാൻ 17:3 വായി​ക്കുക.] നിങ്ങ​ളോ​ടൊ​ത്തു സൗജന്യ​മാ​യി ബൈബിൾ പഠിക്കു​ന്ന​തിന്‌ എനിക്കു സന്തോ​ഷ​മുണ്ട്‌. നിങ്ങൾക്ക്‌ അത്‌ ഇഷ്ടമാ​ണോ?” മടങ്ങി​ച്ചെ​ല്ലാൻ ഒരു നിശ്ചിത സമയം ക്രമീ​ക​രി​ക്കുക.

⁶ “നോക്കൂ! ഞാൻ സകലവും പുതു​താ​ക്കു​ന്നു” എന്ന ലഘുപ​ത്രിക സമർപ്പി​ക്കു​മ്പോൾ പുറം​താ​ളി​ലെ മുഴു ചിത്ര​വും കാണിച്ച്‌ നിങ്ങൾക്ക്‌ ഇപ്രകാ​രം ചോദി​ക്കാ​വു​ന്ന​താണ്‌:

◼“മുഴു ഭൂമി​യും ഇങ്ങനെ​യാ​യി​ത്തീ​രാൻ എന്തു ചെയ്യണ​മെ​ന്നാ​ണു നിങ്ങൾ വിചാ​രി​ക്കു​ന്നത്‌?” പ്രതി​ക​രി​ക്കാൻ അനുവ​ദി​ക്കുക. 3-ാം പേജു​മാ​യി ബന്ധപ്പെ​ട്ടി​രി​ക്കുന്ന ചിത്ര​ത്തി​ന്റെ ഏതാനും സവി​ശേ​ഷ​തകൾ വിവരി​ക്കുക. എന്നിട്ട്‌ ഇപ്രകാ​രം പറയുക: “ഇത്തരം ഒരു ലോക​മു​ണ്ടാ​ക്കുക അസാധ്യ​മാ​ണെ​ന്നാ​ണു മിക്കയാ​ളു​ക​ളും വിചാ​രി​ക്കു​ന്നത്‌. എന്നാൽ അതു നിവർത്തി​ക്കു​ന്നതു ദൈവ​ത്തിന്‌ അസാധ്യ​മല്ല. [43-ാം ഖണ്ഡിക​യി​ലെ ആശയങ്ങൾ പങ്കു​വെ​ക്കുക; തുടർന്ന്‌, യെശയ്യാ​വു 9:6, 7 വായി​ക്കുക.] എല്ലാ രാഷ്‌ട്ര​ങ്ങ​ളിൽനി​ന്നു​മുള്ള ആളുകൾ അത്ഭുത​ക​ര​മായ ഒരു പറുദീസ ആസ്വദി​ക്കാൻപോ​കുന്ന ഒരു പുതിയ ലോകം കൊണ്ടു​വ​രു​മെന്നു ദൈവം വാഗ്‌ദത്തം ചെയ്‌തി​ട്ടുണ്ട്‌. ഈ ലഘുപ​ത്രിക നിങ്ങൾ വായി​ക്കാൻ ഞാൻ താത്‌പ​ര്യ​പ്പെ​ടു​ന്നു. ദൈവം രൂപകൽപ്പന ചെയ്യുന്ന ഒരു ഭാവി നിങ്ങൾക്കും കുടും​ബ​ത്തി​നും എപ്രകാ​രം ആസ്വദി​ക്കാ​നാ​കു​മെന്ന്‌ അതു കാണി​ച്ചു​ത​രും.”

⁷ മടക്കസ​ന്ദർശ​ന​ത്തിൽ, ബൈബി​ളി​നെ സംബന്ധി​ച്ചു കൂടുതൽ പഠി​ക്കേ​ണ്ട​തി​ന്റെ ആവശ്യകത വിശദീ​ക​രി​ക്കാൻ “നോക്കൂ!” ലഘുപ​ത്രിക നിങ്ങൾക്ക്‌ ഉപയോ​ഗി​ക്കാ​വു​ന്ന​താണ്‌. വേണ​മെ​ങ്കിൽ പുറം​താൾ ഒരിക്കൽക്കൂ​ടെ കാണി​ച്ചു​കൊ​ടു​ത്തു​കൊണ്ട്‌ ഇപ്രകാ​രം പറയുക:

◼“ഈ ചിത്രം ഞാൻ നിങ്ങളെ ആദ്യം കാണി​ച്ച​പ്പോൾ ഇത്രയും അത്ഭുത​ക​ര​മായ ഒരു ലോക​ത്തിൽ ജീവി​ക്കാൻ ആഗ്രഹി​ക്കു​മെന്നു നാം സമ്മതി​ച്ചു​വ​ല്ലോ. ഇതു സാധ്യ​മാ​യി​ത്തീ​രാൻ നാമെ​ല്ലാ​വ​രും ചെയ്യേണ്ട ഒന്നുണ്ട്‌.” “നോക്കൂ!” ലഘുപ​ത്രി​ക​യു​ടെ 52-ാം ഖണ്ഡിക​യി​ലേക്കു തിരി​യുക; ഖണ്ഡിക​യും യോഹ​ന്നാൻ 17:3-ലെ തിരു​വെ​ഴു​ത്തും വായി​ക്കുക. ഉചിത​മായ ബൈബിൾ വിദ്യാ​ഭ്യാ​സം സംബന്ധിച്ച 53-ാം ഖണ്ഡിക​യി​ലെ ദൃഷ്ടാ​ന്ത​ത്തെ​പ്പ​റ്റി​യുള്ള വിവരങ്ങൾ നൽകുക. എന്നിട്ട്‌, യഹോ​വ​യു​ടെ സാക്ഷികൾ ഇത്തരം പ്രബോ​ധനം ഭവനത്തിൽ സൗജന്യ​മാ​യി വാഗ്‌ദാ​നം ചെയ്യു​ന്നു​വെന്നു വിശദീ​ക​രി​ക്കുക. പരിജ്ഞാ​നം പുസ്‌തകം ഉപയോ​ഗി​ച്ചു നമ്മുടെ അധ്യയ​ന​രീ​തി പ്രകടി​പ്പി​ച്ചു​കാ​ണി​ക്കാ​മെന്നു വാഗ്‌ദാ​നം ചെയ്യുക.

⁸ മറ്റ്‌ ലഘുപ​ത്രി​ക​ക​ളാ​ണു നിങ്ങൾ ഉപയോ​ഗി​ക്കു​ന്ന​തെ​ങ്കിൽ മുകളിൽ നൽകി​യി​രി​ക്കുന്ന നിർദേ​ശ​ങ്ങളെ മാതൃ​ക​യാ​ക്കി നിങ്ങൾക്കു സ്വന്ത അവതര​ണങ്ങൾ ഉപയോ​ഗി​ക്കാ​വു​ന്ന​താണ്‌. താത്‌പ​ര്യം പ്രകട​മാ​ക്കിയ എവി​ടെ​യും, വീട്ടു​കാ​രന്റെ പേരും മേൽവി​ലാ​സ​വും ചർച്ച ചെയ്യപ്പെട്ട വിഷയ​വും കുറി​ച്ചെ​ടു​ത്തു​വെന്ന്‌ ഉറപ്പു വരുത്തുക. അങ്ങനെ​യെ​ങ്കിൽ മടക്കസ​ന്ദർശ​ന​ത്തിൽ നിങ്ങൾക്കു ഫലപ്ര​ദ​മായ ഒരു ചർച്ച നടത്താൻ കഴിയും. രാജ്യ​സു​വാർത്ത പ്രഖ്യാ​പി​ക്കു​ന്ന​തിന്‌, നന്നായി തയ്യാറാ​വു​ക​യും യഹോ​വ​യു​ടെ അനു​ഗ്രഹം തേടു​ക​യും ചെയ്യുക.