ദിവ്യാ​ധി​പത്യ ശുശ്രൂ​ഷാ​സ്‌കൂ​ളിൽനി​ന്നു പൂർണ​മാ​യി പ്രയോ​ജനം നേടൽ

¹ മററു​ള​ള​വ​രോ​ടു ഫലപ്ര​ദ​മായ രീതി​യിൽ ബൈബിൾ സത്യങ്ങൾ അറിയി​ക്കേ​ണ്ട​തിന്‌ “പഠിപ്പി​ക്കൽ കല”യിൽ നമ്മെ പരിശീ​ലി​പ്പി​ക്കു​ന്ന​തിൽ ദിവ്യാ​ധി​പത്യ ശുശ്രൂ​ഷാ​സ്‌കൂൾ ഒരു ഉപാധി​യാ​യി വർത്തി​ക്കു​ന്നു. (2 തിമോ. 4:2, NW) ഓരോ വാരത്തി​ലും നാനാ​വിധ ബൈബിൾ വിഷയങ്ങൾ സംബന്ധി​ച്ചു നമുക്ക്‌ ഉൾക്കാഴ്‌ച ലഭിക്കു​ന്നു. ഈ സ്‌കൂൾ പ്രദാനം ചെയ്യുന്ന ജീവത്‌പ്ര​ധാ​ന​മായ പ്രബോ​ധ​ന​ത്തിൽനി​ന്നു പൂർണ​മായ പ്രയോ​ജനം കിട്ടു​ന്നു​വെന്നു നമു​ക്കെ​ങ്ങനെ ഉറപ്പു വരുത്താ​നാ​കും?

² യോഗ​സ​മ​യത്തു നിങ്ങൾക്കു പഠിക്കാൻ കഴിയുന്ന രസകര​മായ ചില ആശയങ്ങൾ എടുത്തു​പ​റ​ഞ്ഞു​കൊ​ണ്ടു സ്‌കൂൾ മേൽവി​ചാ​രകൻ പ്രാരം​ഭ​ത്തിൽ നൽകുന്ന അഭി​പ്രാ​യ​ങ്ങൾക്ക്‌ അവധാ​ന​പൂർവ​മായ ശ്രദ്ധ കൊടു​ക്കുക. അദ്ദേഹം ഉന്നയി​ച്ചേ​ക്കാ​വുന്ന ഏതെങ്കി​ലും ചോദ്യ​ങ്ങ​ളെ​ക്കു​റി​ച്ചും അവയുടെ ഉത്തരങ്ങൾ ശുശ്രൂ​ഷ​യിൽ നിങ്ങൾക്കു ബാധക​മാ​ക്കാൻ കഴിയുന്ന വിധ​ത്തെ​ക്കു​റി​ച്ചും ചിന്തി​ക്കുക.

³ അച്ചടിച്ച വിവര​ങ്ങ​ളു​ടെ ഒരു കേവല പുനര​വ​ലോ​ക​നമല്ല പ്രബോ​ധ​ന​പ്ര​സം​ഗം. വിവര​ത്തി​ന്റെ പ്രാ​യോ​ഗിക മൂല്യ​ത്തി​ലും അതു നിങ്ങൾക്കു വ്യക്തി​പ​ര​മാ​യി പ്രയോ​ജനം ചെയ്യുന്ന വിധത്തി​ലും ആ പ്രസംഗം ശ്രദ്ധ കേന്ദ്രീ​ക​രി​ക്കു​ന്നു. മുന്നമേ തയ്യാറാ​കു​ന്നതു മുഖ്യ ആശയങ്ങ​ളിൽ കൂടുതൽ നന്നായി ശ്രദ്ധ കേന്ദ്രീ​ക​രി​ക്കാ​നും തുടർന്ന്‌ ഉത്തരങ്ങൾ പറഞ്ഞു​കൊ​ണ്ടു​ളള പുനര​വ​ലോ​ക​ന​ത്തിൽ പങ്കുപ​റ​റാ​നും നിങ്ങളെ സഹായി​ക്കും.

⁴ വാരം​തോ​റു​മു​ളള ബൈബിൾ വായനാ​പ​രി​പാ​ടി അനുസ​രി​ച്ചു​ളള ക്രമമായ വായന​യ്‌ക്ക്‌ ദൈവ​വ​ച​ന​ത്തോ​ടു​ളള നിങ്ങളു​ടെ വിലമ​തി​പ്പി​നെ ആഴമു​ള​ള​താ​ക്കാൻ കഴിയും. കൂടു​ത​ലായ ഗവേഷണം രസകര​മായ ധാരാളം പുതിയ ആശയങ്ങൾ വെളി​പ്പെ​ടു​ത്തി​ത്ത​രും. അതു സത്യം സംബന്ധിച്ച നിങ്ങളു​ടെ ഗ്രാഹ്യ​ത്തെ വർധി​പ്പി​ക്കു​ക​യും ചെയ്യും. ബൈബിൾ വിശേ​ഷാ​ശ​യ​ങ്ങ​ളു​ടെ അവതരണം ബൈബിൾ വിവര​ണ​ത്തി​ന്റെ ഒരു കേവല ആവർത്ത​ന​ത്തെ​ക്കാൾ കവിഞ്ഞ​താണ്‌. മൊത്ത​ത്തി​ലു​ളള ഹ്രസ്വ​മായ ഒരു അവലോ​ക​ന​ത്തി​നു​ശേഷം നിയമി​ത​ഭാ​ഗത്തെ പ്രമുഖ പോയിൻറു​കൾ പ്രസം​ഗകൻ എടുത്തു​കാ​ണി​ക്കും. നമ്മുടെ ജീവി​ത​ത്തോ​ടും ആരാധ​ന​യോ​ടും അത്‌ എങ്ങനെ ബന്ധപ്പെ​ട്ടി​രി​ക്കു​ന്നു​വെ​ന്നും അദ്ദേഹം സൂചി​പ്പി​ക്കും. ബൈബിൾ പ്രബോ​ധനം എങ്ങനെ കൂടുതൽ മെച്ചമാ​യി ബാധക​മാ​ക്കാൻ കഴിയു​മെന്നു മനസ്സി​ലാ​ക്കു​ന്ന​തി​നു നന്നായി ശ്രദ്ധി​ക്കുക.—സങ്കീ. 119:105.

⁵ നിങ്ങൾക്ക്‌ ഒരു വിദ്യാർഥി​പ്ര​സം​ഗം നിയമി​ച്ചു​ത​ന്നി​ട്ടു​ണ്ടെ​ങ്കിൽ നിങ്ങൾ ഇത്തവണ ശ്രദ്ധി​ക്കേണ്ട പ്രസം​ഗ​ഗു​ണം എന്തെന്നു നോക്കുക. ആ പ്രസം​ഗ​ഗു​ണ​ത്തോ​ടു ബന്ധപ്പെട്ടു സ്‌കൂൾ ഗൈഡ്‌ബു​ക്കിൽ കൊടു​ത്തി​രി​ക്കുന്ന നിർദേ​ശങ്ങൾ വായി​ച്ചു​നോ​ക്കുക. അവ ബാധക​മാ​ക്കി​നോ​ക്കാ​നും ശ്രമി​ക്കുക. നിങ്ങളു​ടെ പ്രസം​ഗ​ത്തി​നു വേണ്ടി വിഷയം തിര​ഞ്ഞെ​ടു​ക്കു​മ്പോൾ വയലിൽ പ്രാ​യോ​ഗി​ക​മാ​യി​രി​ക്കുന്ന പോയിൻറു​കൾക്ക്‌ ഊന്നൽ കൊടു​ക്കാൻ ശ്രമി​ക്കുക.—ഗൈഡ്‌ പേ. 96-9.

⁶ 3-ാമത്തെ​യോ 4-ാമത്തെ​യോ നമ്പർ പ്രസംഗം അവതരി​പ്പി​ക്കാൻ നിയമി​ക്ക​പ്പെ​ട്ടി​രി​ക്കുന്ന ഒരു സഹോ​ദ​രി​യാണ്‌ നിങ്ങ​ളെ​ങ്കിൽ യഥാർഥ​മെന്നു തോന്നി​ക്കുന്ന ഒരു രംഗസം​വി​ധാ​ന​ത്തിൽ വിഷയം അവതരി​പ്പി​ക്കാൻ ശ്രമി​ക്കുക. നിങ്ങൾ പറയുന്ന സർവകാ​ര്യ​ങ്ങ​ളോ​ടും വീട്ടു​കാ​രൻ യോജി​ക്കു​ക​യോ യോജി​ക്കാ​തി​രി​ക്കു​ക​യോ ചെയ്‌തേ​ക്കാം; അന്തർലീ​ന​മായ ബൈബിൾ തത്ത്വങ്ങ​ളെ​ക്കു​റി​ച്ചു ന്യായ​വാ​ദം ചെയ്യാൻ വ്യക്തിയെ നിങ്ങൾ എപ്രകാ​രം സഹായി​ക്കു​മെന്നു കാണി​ക്കാൻ പരി​ശ്ര​മി​ക്കുക. (ഗൈഡ്‌ പേ. 153-8) വയൽസേ​വ​ന​ത്തിൽ അഭിമു​ഖീ​ക​രി​ക്കാ​റു​ളള സമാന​മായ തടസ്സവാ​ദ​ങ്ങളെ എങ്ങനെ നേരി​ടാ​മെന്നു കാണാൻ സദസ്യരെ ഇതു സഹായി​ക്കും. മുന്ന​മേ​തന്നെ നന്നായി തയ്യാറാ​കുക. നേര​ത്തെ​തന്നെ നിങ്ങളു​ടെ വീട്ടു​കാ​ര​നു​മാ​യി പരിശീ​ലി​ച്ചു നോക്കു​ന്ന​തി​നു ക്രമീ​ക​ര​ണ​വും ചെയ്യുക. യോഗം തുടങ്ങി​യ​തി​നു​ശേഷം പരിശീ​ലി​ച്ചു നോക്കേണ്ട ആവശ്യം വരരുത്‌.

⁷ ഹാളിന്റെ മുൻവ​ശ​ത്തോ​ട​ടുത്ത്‌ ഇരിക്കാൻ പ്രസം​ഗങ്ങൾ നടത്തുന്ന വിദ്യാർഥി​കളെ പ്രോ​ത്സാ​ഹി​പ്പി​ക്കു​ന്നു. ഇതു സമയം ലാഭി​ക്കു​ക​യും കൂടുതൽ വ്യക്തി​ഗ​ത​മായ ഒരു രീതി​യിൽ തന്റെ അഭി​പ്രാ​യങ്ങൾ പറയാൻ സ്‌കൂൾ മേൽവി​ചാ​ര​കനെ പ്രാപ്‌ത​നാ​ക്കു​ക​യും ചെയ്യുന്നു. സ്‌കൂൾ ഗൈഡ്‌ബു​ക്കി​നെ ആസ്‌പ​ദ​മാ​ക്കി അദ്ദേഹം നൽകുന്ന ദയാപു​ര​സ്സ​ര​വും സുനി​ശ്ചി​ത​വു​മായ നിർദേ​ശ​ങ്ങ​ളിൽനിന്ന്‌ എല്ലാവർക്കും പ്രയോ​ജനം നേടാ​നാ​കും. പ്രസം​ഗ​ഗു​ണ​ദോഷ ചീട്ടിൽ കൊടു​ത്തി​രി​ക്കുന്ന പ്രസം​ഗ​പോ​യിൻറു​ക​ളു​ടെ ക്രമം അദ്ദേഹം പിൻപ​റ​റ​ണ​മെ​ന്നില്ല; ഇപ്പോൾ നിങ്ങൾ ഏററവും പുരോ​ഗ​മി​ക്കേണ്ട ഒരു ഗുണ​ദോഷ പോയിൻറാ​യി​രി​ക്കും അദ്ദേഹം തിര​ഞ്ഞെ​ടു​ക്കു​ന്നത്‌.

⁸ നാം എല്ലാ വാരവും ദിവ്യാ​ധി​പത്യ ശുശ്രൂ​ഷാ​സ്‌കൂ​ളി​നു വേണ്ടി തയ്യാറു​കു​ക​യും അതിൽ സംബന്ധി​ക്കു​ക​യും ചെയ്യേ​ണ്ട​തി​ന്റെ നല്ല കാരണ​ങ്ങ​ളാണ്‌ ഇവയെ​ല്ലാം. നമുക്കു ലഭിക്കുന്ന പ്രബോ​ധ​ന​ത്തി​നു ശുശ്രൂ​ഷ​യിൽ ജ്ഞാനി​ക​ളും മികവു​റ​റ​വ​രു​മാ​യി​രി​ക്കാൻ നമ്മെ സഹായി​ക്കാ​നാ​കും.—സദൃ. 1:5.