സത്യം പങ്കു​വെ​ക്കാൻ മാസി​കകൾ ഉപയോ​ഗി​ക്കു​ക

¹ ഇന്നത്തെ സമൂഹ​ത്തിൽ സത്യസ​ന്ധ​വും വാസ്‌ത​വി​ക​വു​മായ വിവര​ങ്ങ​ളു​ടെ മൂല്യം വൻതോ​തിൽ അവഗണി​ക്ക​പ്പെ​ടു​ന്നു. കാരണം പെരു​പ്പി​ച്ചു​കാ​ട്ടുന്ന പരസ്യ​ങ്ങ​ളും വഴി​തെ​റ​റി​ക്കുന്ന രാഷ്‌ട്രീയ വാഗ്‌ദാ​ന​ങ്ങ​ളും വഞ്ചകമായ അന്തർദേ​ശീയ പ്രഖ്യാ​പ​ന​ങ്ങ​ളു​മാണ്‌ ഇന്നു നിലവി​ലു​ള​ളത്‌. വീക്ഷാ​ഗോ​പു​ര​വും ഉണരുക!യും മാത്രമേ ദൈവ​രാ​ജ്യ​ത്തെ​ക്കു​റി​ച്ചു​ളള സത്യം പ്രഖ്യാ​പി​ക്കു​ക​യും അതു കൈവ​രു​ത്തുന്ന നിത്യാ​നു​ഗ്ര​ഹങ്ങൾ ആസ്വദി​ക്കു​ന്ന​തിന്‌ എല്ലാവ​രും എന്തു ചെയ്യണ​മെന്നു വിശദീ​ക​രി​ക്കു​ക​യും ചെയ്യു​ന്നു​ളളൂ. ആ കാര്യ​ത്തിൽ അവ അനുപ​മ​മാണ്‌.

² ഒരു രാജ്യത്ത്‌ ഇൻഫർമേഷൻ മന്ത്രാ​ല​യ​ത്തി​ലെ ഒരു ഉദ്യോ​ഗസ്ഥൻ ഈ രണ്ടു മാസി​ക​ക​ളു​ടെ മൂല്യം വിലമ​തി​ച്ചു. അവയുടെ വിതര​ണ​ത്തി​നു​ളള അംഗീ​കാ​രം നേടു​ന്ന​തിൽ അദ്ദേഹം സത്വരം സഹായി​ക്കു​ക​യും ചെയ്‌തു. അദ്ദേഹം പ്രസ്‌താ​വി​ച്ചത്‌ ഇങ്ങനെ​യാണ്‌: “വീക്ഷാ​ഗോ​പു​രത്തെ ഏററവും നല്ല മാസി​ക​ക​ളിൽ ഒന്നായി ഞാൻ കണക്കാ​ക്കു​ന്നു; സഹായി​ക്കാൻ എനിക്കു വളരെ സന്തോ​ഷ​മേ​യു​ളളൂ.” ജീവദാ​യ​ക​മായ അറിവ്‌ പ്രദാനം ചെയ്യാൻ കഴിയുന്ന ഈ പത്രി​കകൾ വിതരണം ചെയ്‌തു​കൊ​ണ്ടു മററു​ള​ള​വരെ സഹായി​ക്കുക എന്നുള​ളത്‌ നമ്മുടെ പദവി​യാണ്‌. (യോഹ. 17:3) മേയ്‌മാ​സ​ത്തിൽ വില​യേ​റിയ ഈ മാസി​കകൾ നിങ്ങൾ എങ്ങനെ അവതരി​പ്പി​ക്കും? അവയ്‌ക്കു​ളള വരിസം​ഖ്യ​കൾ എങ്ങനെ സമർപ്പി​ക്കും? ഒരുപക്ഷേ, പിൻവ​രുന്ന നിർദേ​ശങ്ങൾ സഹായ​ക​മാ​യി​രു​ന്നേ​ക്കാം.

³ മേയ്‌ 15 “വീക്ഷാ​ഗോ​പുര”ത്തിലുളള ആദ്യത്തെ ലേഖന​ങ്ങ​ളാ​ണു വിശേ​ഷ​വ​ത്‌ക​രി​ക്കു​ന്ന​തെ​ങ്കിൽ, നിങ്ങൾ ഇങ്ങനെ പറഞ്ഞേ​ക്കാം:

◼“ലോക​ത്തിൽ ഏററവു​മ​ധി​കം വിററ​ഴി​ക്ക​പ്പെ​ടുന്ന പുസ്‌ത​ക​ത്തെ​ക്കു​റി​ച്ചു ഞങ്ങൾ ആളുക​ളോ​ടു സംസാ​രി​ക്കു​ക​യാണ്‌. അത്‌ ഏതാ​ണെന്നു നിങ്ങൾക്ക​റി​യാ​മോ? [മറുപടി പറയാൻ അനുവ​ദി​ക്കുക.] ഞങ്ങൾ സംസാ​രി​ക്കു​ന്നതു ബൈബി​ളി​നെ​ക്കു​റി​ച്ചാണ്‌. അനവധി​യാ​ളു​കൾ ബൈബിൾ വാങ്ങി​യി​രി​ക്കു​ന്ന​തി​നു വളരെ നല്ല ഒരു കാരണ​മു​ണ്ടാ​യി​രി​ക്കണം. ആ കാരണം 2 തിമൊ​ഥെ​യൊസ്‌ 3:16-ൽ കാണാം.” ആ പാഠഭാ​ഗം വായി​ച്ച​ശേഷം ലേഖന​ങ്ങ​ളി​ലൊ​ന്നിൽനിന്ന്‌ അനു​യോ​ജ്യ​മായ ആശയങ്ങൾ പ്രത്യേ​കം എടുത്തു​കാ​ട്ടുക.

⁴ അല്ലെങ്കിൽ ഹ്രസ്വ​മായ ഒരു മുഖവു​ര​ക്കു​ശേഷം നിങ്ങൾക്ക്‌ ഏതാണ്ടി​തു​പോ​ലെ പറയാ​വു​ന്ന​താണ്‌:

◼“കുട്ടികൾ നേരി​ടുന്ന പ്രശ്‌നങ്ങൾ സംബന്ധി​ച്ചു ലോക​വ്യാ​പ​ക​മാ​യി വർധി​ച്ചു​വ​രുന്ന ഉത്‌കണ്‌ഠ സമീപ​വർഷ​ങ്ങ​ളിൽ ഉളളതാ​യി നിങ്ങൾ ഒരുപക്ഷേ ശ്രദ്ധി​ച്ചി​ട്ടു​ണ്ടാ​യി​രി​ക്കാം. നിങ്ങളു​ടെ പ്രദേ​ശത്തു കുട്ടി​കളെ ബാധി​ക്കുന്ന ഏതെല്ലാം പ്രശ്‌ന​ങ്ങ​ളാണ്‌ നിങ്ങളെ ഉത്‌ക​ണ്‌ഠ​പ്പെ​ടു​ത്തു​ന്നത്‌?” മറുപടി പറയാൻ അനുവ​ദി​ക്കുക. മേയ്‌ 8 ഉണരുക!യിലെ (അർധമാ​സ​പ​തി​പ്പു​കൾ) പ്രാരംഭ ലേഖന​ങ്ങ​ളിൽ ചർച്ച ചെയ്‌തി​രി​ക്കുന്ന, ലോക​ത്തി​നു ചുററും കുട്ടികൾ നേരി​ടുന്ന ഗുരു​ത​ര​മായ ചില പ്രശ്‌നങ്ങൾ ചൂണ്ടി​ക്കാ​ട്ടുക. (പ്രതി​മാ​സ​പ​തി​പ്പു​കൾ സമർപ്പി​ക്കു​മ്പോൾ മയക്കു​മ​രു​ന്നാ​സക്തി എന്ന പ്രശ്‌നത്തെ നിങ്ങൾക്കു പരാമർശി​ക്കാ​വു​ന്ന​താണ്‌) എന്നിട്ട്‌ ദൈവ​രാ​ജ്യം പ്രദാനം ചെയ്യുന്ന പരിഹാ​ര​മാർഗ​ത്തി​ലേക്കു ശ്രദ്ധ തിരി​ച്ചു​വി​ടുക.

⁵ മടക്കസ​ന്ദർശ​നങ്ങൾ സംബന്ധിച്ച നിങ്ങളു​ടെ രേഖയിൽ, പ്രാരം​ഭ​ത്തിൽ അൽപ്പം താത്‌പ​ര്യം കാട്ടി​യിട്ട്‌ ഫലങ്ങ​ളൊ​ന്നു​മി​ല്ലാ​തി​രി​ക്കു​ന്ന​വ​രു​ടെ പേരു​വി​വ​ര​പ്പ​ട്ടിക ഉണ്ടായി​രി​ക്കാ​നി​ട​യുണ്ട്‌. പരിമി​ത​മായ പ്രതി​ക​ര​ണമേ ഉണ്ടായി​രു​ന്നു​ളളൂ എന്നതു​കൊണ്ട്‌ മടങ്ങി​ച്ചെ​ല്ലേ​ണ്ട​തി​ന്റെ ആവശ്യം നിങ്ങൾക്കു തോന്നാ​തി​രു​ന്നേ​ക്കാം. എന്നാൽ ഒരു മാസി​കാ​റൂട്ട്‌ സ്ഥാപി​ച്ചെ​ടു​ക്കാൻ ഈ പട്ടിക ഉപയോ​ഗി​ക്കു​ന്ന​തി​നു നിങ്ങൾക്കു കഴി​ഞ്ഞേ​ക്കും. ഒരു പ്രത്യേക വ്യക്തിക്ക്‌ ആകർഷ​ക​മെന്നു തോന്നി​യേ​ക്കാ​മെന്നു നിങ്ങൾ വിചാ​രി​ക്കുന്ന ഒരു ലേഖനം കാണു​മ്പോൾ ആ വ്യക്തിയെ സന്ദർശിച്ച്‌ ആ മാസിക സമർപ്പി​ക്കണം എന്നതു നിങ്ങളു​ടെ ലാക്കാ​ക്കുക.

⁶ അനൗപ​ചാ​രിക സാക്ഷീ​ക​രണം: മാസി​ക​ക​ളിൽ താത്‌പ​ര്യം നട്ടുവ​ളർത്തു​ന്ന​തിന്‌ ഒരു ഉത്തമമാർഗ​മാ​ണിത്‌. ഒരു സംഭാ​ഷണം തുടങ്ങു​ന്ന​തിന്‌ ആകർഷ​ക​മായ പുറം​താ​ളു​കൾ വിവേ​ക​പൂർവം പ്രദർശി​പ്പി​ച്ചാൽ മതിയാ​യി​രി​ക്കും. സഹജോ​ലി​ക്കാർ കടന്നു​പോ​കു​മ്പോൾ അവർക്കു കാണാൻ കഴി​യേ​ണ്ട​തിന്‌ ഒരു സഹോ​ദരി കുറെ മാസി​കകൾ തന്റെ മേശപ്പു​റത്തു വെച്ചു; അനേകം മാസി​കകൾ സമർപ്പി​ക്കാൻ ആ സഹോ​ദ​രി​ക്കു കഴിഞ്ഞു. കുറെ കോപ്പി​കൾ കൂടെ കൊണ്ടു​പോ​കുക എന്നത്‌ നിങ്ങളു​ടെ ലാക്കാ​ക്കുക. ഈ മാസം നിങ്ങൾ കടയിൽ സാധനങ്ങൾ വാങ്ങാൻ പോകു​മ്പോ​ഴോ സ്‌കൂ​ളിൽ പോകു​മ്പോ​ഴോ ബസ്സിൽ യാത്ര ചെയ്യു​മ്പോ​ഴോ മറെറ​വി​ടെ​യെ​ങ്കി​ലും വച്ചോ ആളുകളെ കാണു​മ്പോൾ അവ സമർപ്പി​ക്കു​ന്ന​തി​നു മുൻകൈ എടുക്കുക.

⁷ വീക്ഷാ​ഗോ​പു​ര​ത്തി​ന്റെ​യും ഉണരുക!യുടെ​യും സഹായ​ത്തോ​ടെ യഹോ​വ​യെ​യും അവിടു​ത്തെ ആരാധ​ന​യെ​യും സംബന്ധിച്ച മർമ​പ്ര​ധാ​ന​മായ ചോദ്യ​ങ്ങൾക്കു നാം ഉത്തരങ്ങൾ കണ്ടെത്തി​യി​രി​ക്കു​ന്നു. “സത്യത്തി​ന്റെ ദൈവ​മായ യഹോവ”യെക്കു​റിച്ച്‌ അറിയാൻ മററു​ള​ള​വരെ സഹായി​ക്കു​ന്ന​തി​നു സാധ്യ​മായ ഏതു മാർഗ​ത്തി​ലും ഈ പത്രി​കകൾ ഉപയോ​ഗി​ക്കാൻ നാം ആഗ്രഹി​ക്കു​ന്നു.—സങ്കീ. 31:5, NW.