നാം മടങ്ങി​ച്ചെ​ന്നി​ല്ലെ​ങ്കിൽ അവർ എങ്ങനെ കേൾക്കും?

¹ “അവർ . . . പ്രസം​ഗി​ക്കു​ന്നവൻ ഇല്ലാതെ എങ്ങനെ കേൾക്കും?” (റോമ. 10:14) നാം ഫലപ്ര​ദ​മായ മടക്കസ​ന്ദർശ​നങ്ങൾ നടത്താ​തി​രു​ന്നാൽ അവർ സത്യത്തി​ന്റെ അർഥം എങ്ങനെ ഗ്രഹി​ക്കും? വീട്ടു​കാ​ര​നു​മാ​യി രാജ്യ​സ​ന്ദേ​ശ​ത്തെ​ക്കു​റി​ച്ചു സംസാ​രി​ക്കാൻ കഴിഞ്ഞ ഏതൊരു സന്ദർശ​ന​വും മടക്കസ​ന്ദർശ​ന​ത്തി​നു പററിയ ഒന്നാണ്‌. നാം സമർപ്പിച്ച ഏതെങ്കി​ലും ചെറു​പു​സ്‌ത​ക​ത്തിൽനി​ന്നു​ളള കൂടു​ത​ലായ തിരു​വെ​ഴുത്ത്‌ ആശയങ്ങ​ളു​മാ​യി ഈ മാസം നമ്മുടെ പ്രാരംഭ സന്ദർശ​നത്തെ പിന്തു​ട​രാ​വു​ന്ന​താണ്‌. അതു വിജയ​പ്ര​ദ​മായ ഒരു ബൈബിൾ അധ്യയ​ന​ത്തി​നു വഴിതു​റ​ന്നേ​ക്കാം.

² “ഒരു സുരക്ഷിത ഭാവി—നിങ്ങൾക്ക്‌ അത്‌ കണ്ടെത്താൻ കഴിയുന്ന വിധം” എന്ന ചെറു​പു​സ്‌തകം നിങ്ങൾ സമർപ്പി​ച്ചു​വെ​ങ്കിൽ ബൈബിൾ അധ്യയ​ന​ത്തി​ലേക്കു വഴി തുറക്കുന്ന ഒരു സംഭാ​ഷ​ണ​ത്തി​നു തുടക്ക​മി​ടു​ന്ന​തിന്‌ പുറം​താൾ കാണി​ച്ചു​കൊ​ണ്ടു നിങ്ങൾക്ക്‌ ഇങ്ങനെ ചോദി​ക്കാ​വു​ന്ന​താണ്‌:

◼“നിങ്ങൾക്കും നിങ്ങളു​ടെ കുടും​ബ​ത്തി​നും സുരക്ഷിത ഭാവി ഉറപ്പു​നൽകി​യി​ട്ടു​ളള ഒരു ലോക​ത്തിൽ ജീവി​ക്കാൻ നിങ്ങൾ ആഗ്രഹി​ക്കു​മോ? [മറുപ​ടിക്ക്‌ അനുവ​ദി​ക്കുക. അതിനു​ശേഷം 2-ാം ഖണ്ഡിക​യി​ലേക്കു തിരി​യുക.] അത്‌ ഒരിക്ക​ലെ​ങ്കി​ലും സാധ്യ​മാ​ണോ എന്ന്‌ അനേക​രും സംശയി​ക്കു​ന്നു. എന്നുവ​രി​കി​ലും നമ്മളെ​ല്ലാം ഇത്‌ ഒരു​പോ​ലെ ആഗ്രഹി​ക്കു​ന്നു. എന്തു​കൊ​ണ്ടെ​ന്നാൽ, ഇത്‌ ഒരു യാഥാർഥ്യ​മാ​ക്കി​ത്തീർക്കു​മെന്നു വാഗ്‌ദാ​നം ചെയ്യുന്ന ദൈവത്തെ സംബന്ധി​ച്ചി​ട​ത്തോ​ളം ഇത്‌ അസാധ്യ​മായ കാര്യമല്ല.” യെശയ്യാ​വു 32:17, 18-ന്റെ ഉദ്ധരണി 2-ാം ഖണ്ഡിക​യിൽനി​ന്നോ ബൈബി​ളിൽ നിന്നോ വായി​ക്കുക. ഉറപ്പുളള ഒരു ഭാവി​പ്ര​ത്യാ​ശ​യിൽനി​ന്നു​ള​വാ​കുന്ന സന്തുഷ്ടി​യും സമാധാ​ന​വും ഇപ്പോൾത്തന്നെ ആസ്വദി​ക്കുന്ന ആളുകൾ ലോക​മാ​സ​കലം ഉണ്ടെന്നു തുടർന്നു വിശദീ​ക​രി​ക്കുക. 3-ാം ഖണ്ഡിക​യി​ലെ തിരു​വെ​ഴു​ത്താ​ശയം ചർച്ച​ചെ​യ്യുക. കൂടുതൽ അറിയു​ന്ന​തിന്‌ ഒരു ചെറു​പു​സ്‌ത​ക​ത്തി​ന്റെ അധ്യയനം വീട്ടു​കാ​രനെ എങ്ങനെ സഹായി​ക്കു​മെന്നു വിശദീ​ക​രി​ക്കുക. വീട്ടു​കാ​രനു താത്‌പ​ര്യ​മു​ണ്ടെ​ങ്കിൽ ചർച്ച തുടരു​ന്ന​തിന്‌ ഉടനെ​യൊ​രു മടക്കസ​ന്ദർശനം നടത്താ​നു​ളള ക്രമീ​ക​ര​ണം​ചെ​യ്യുക.

³ “കരുത​ലു​ളള ഒരു ദൈവ​മു​ണ്ടോ?” എന്ന ചെറു​പു​സ്‌തകം കൊടു​ത്ത​ശേഷം മടങ്ങി​ച്ചെ​ല്ലു​മ്പോൾ ഏതാണ്ട്‌ ഈ രീതി​യിൽ പറഞ്ഞാൽ ഫലപ്ര​ദ​മാ​യി​രി​ക്കും:

◼“ഞാൻ കഴിഞ്ഞ​പ്രാ​വ​ശ്യം സന്ദർശി​ച്ച​പ്പോൾ കരുത​ലു​ളള ഒരു ദൈവ​മു​ണ്ടോ? എന്ന ചോദ്യ​ത്തെ​ക്കു​റി​ച്ചു നാം ചർച്ച​ചെ​യ്‌തു. ദുരി​ത​ങ്ങൾക്കും അക്രമ​ങ്ങൾക്കും അറുതി വരുത്താൻപോ​ന്ന​വി​ധം ദൈവം കരുത​ലു​ള​ള​വ​നാ​ണെന്നു നിങ്ങൾ ചിന്തി​ക്കു​ന്നു​വോ? [വ്യക്തി​യു​ടെ മറുപ​ടി​ക്കു​ശേഷം 32-ാം ഖണ്ഡിക​യി​ലേക്കു തിരിഞ്ഞ്‌ ഇങ്ങനെ തുടരുക.] ഈ ദുഷ്ട​ലോ​ക​ത്തി​നു​പ​കരം സമാധാ​ന​ത്തിൽ ജീവി​ക്കാൻ കഴിയുന്ന ആളുക​ളു​ളള ഒരു പുതിയ ലോകം സ്ഥാപി​ക്കു​മെന്നു ദൈവം വാഗ്‌ദത്തം ചെയ്‌തി​ട്ടുണ്ട്‌. [സങ്കീർത്തനം 37:11 വായി​ക്കുക.] ബൈബി​ളിൽ വിശ്വ​സി​ക്കു​ക​യും അതിലെ ബുദ്ധ്യു​പ​ദേശം ബാധക​മാ​ക്കു​ക​യും ചെയ്യു​ന്ന​പക്ഷം നിങ്ങൾക്കും എനിക്കും ആ പുതിയ ലോക​ത്തിൽ ജീവിതം ആസ്വദി​ക്കാൻ കഴിയും.” ബൈബിൾ പഠിക്കു​ന്ന​തിന്‌ ആളുകളെ സഹായി​ക്കു​ന്ന​തി​നു​ളള നമ്മുടെ ക്രമീ​ക​ര​ണ​ത്തെ​ക്കു​റി​ച്ചു വിശദീ​ക​രി​ക്കുക.

⁴ “നോക്കൂ! ഞാൻ സകലവും പുതു​താ​ക്കു​ന്നു” എന്ന ലഘുപ​ത്രിക സമർപ്പി​ച്ച​ശേഷം മടക്കസ​ന്ദർശനം നടത്തു​മ്പോൾ പുറം​പേ​ജി​ലു​ളള ചിത്രം കാണി​ച്ചു​കൊണ്ട്‌ നിങ്ങൾ ഇങ്ങനെ ചോദി​ച്ചേ​ക്കാം:

◼“പൂർണ​ത​യു​ളള ലോക​ത്തിൽ ജീവി​ക്കുക എന്നു പറഞ്ഞാൽ അത്‌ എങ്ങനെ​യാ​യി​രി​ക്കു​മെ​ന്നാ​ണു നിങ്ങൾക്കു തോന്നു​ന്നത്‌? [വീട്ടു​കാ​രന്റെ അഭി​പ്രാ​യങ്ങൾ ആരായുക.] നിങ്ങൾ ഈ ചിത്ര​ത്തിൽ കാണു​ന്നതു വെറും സങ്കൽപ്പമല്ല; അത്‌ ബൈബി​ളിൽ നൽകി​യി​രി​ക്കുന്ന ഉറച്ച വാഗ്‌ദ​ത്ത​ങ്ങളെ അടിസ്ഥാ​ന​പ്പെ​ടു​ത്തി​യു​ള​ള​താണ്‌. [വെളി​പ്പാ​ടു 21:4-ഉം സങ്കീർത്തനം 37:11, 29-ഉം വായി​ക്കുക.] നിങ്ങൾക്കും നിങ്ങളു​ടെ കുടും​ബ​ത്തി​നും ഈ അനു​ഗ്രഹം എങ്ങനെ ആസ്വദി​ക്കാ​മെന്നു വിശദീ​ക​രി​ക്കാൻ ഞാൻ ആഗ്രഹി​ക്കു​ന്നു.” വീട്ടു​കാ​രൻ താത്‌പ​ര്യം പ്രകടി​പ്പി​ക്കു​ന്നു​വെ​ങ്കിൽ ചർച്ച തുടരുക, ഒരു ബൈബിൾ അധ്യയ​ന​വും വാഗ്‌ദാ​നം ചെയ്യുക.

⁵ സത്യമ​ന്വേ​ഷി​ക്കുന്ന ആത്മാർഥ​രായ ആളുകളെ കണ്ടെത്തു​മ്പോൾ അവർ കേട്ട കാര്യ​ങ്ങ​ളു​ടെ അടിസ്ഥാ​ന​ത്തിൽ പ്രവർത്തി​ക്കാൻ അവരെ സഹായി​ക്കു​ന്ന​തി​നു മടങ്ങി​ച്ചെ​ല്ലു​ക​വഴി നാം യഥാർഥ സ്‌നേഹം പ്രകടി​പ്പി​ക്കു​ക​യാ​ണു ചെയ്യു​ന്നത്‌. നമ്മു​ടെ​യും നമുക്കു ചെവി​ത​രു​ന്ന​വ​രു​ടെ​യും നിത്യ​പ്ര​യോ​ജ​ന​ത്തി​നു​വേണ്ടി നമ്മെ ഭരമേൽപ്പി​ച്ചി​രി​ക്കുന്ന പാവന സത്യങ്ങൾ നമുക്ക്‌ ഉപയോ​ഗി​ക്കാം.—1 തിമൊ. 4:16.