മാസികാ സമർപ്പ​ണങ്ങൾ എങ്ങനെ ബൈബി​ള​ധ്യ​യ​ന​ങ്ങ​ളാ​ക്കാം?

1. മാസി​കകൾ സമർപ്പി​ക്കു​മ്പോൾ നമ്മുടെ ലക്ഷ്യം എന്താണ്‌?

¹ സാധാരണമായി ശനിയാ​ഴ്‌ച​ക​ളിൽ നാം വീക്ഷാ​ഗോ​പു​രം, ഉണരുക! മാസി​കകൾ വിശേ​ഷ​വ​ത്‌ക​രി​ക്കു​ന്നു. എന്നിരു​ന്നാ​ലും ആത്മാർഥ​ഹൃ​ദ​യരെ സത്യം പഠിപ്പി​ക്കുക എന്ന ലക്ഷ്യത്തി​ലേ​ക്കുള്ള ആദ്യപടി മാത്ര​മാ​ണിത്‌. മടക്കസ​ന്ദർശ​ന​ത്തിൽ ബൈബിൾ പഠിപ്പി​ക്കു​ന്നു പുസ്‌തകം എങ്ങനെ സമർപ്പി​ക്കാ​മെ​ന്നും അത്‌ ഉപയോ​ഗിച്ച്‌ എങ്ങനെ ഒരു ബൈബി​ള​ധ്യ​യനം ആരംഭി​ക്കാ​മെ​ന്നും കാണി​ക്കുന്ന ഏതാനും നിർദേ​ശങ്ങൾ ചുവടെ കൊടു​ത്തി​രി​ക്കു​ന്നു. നിങ്ങളു​ടെ പ്രദേ​ശ​ത്തിന്‌ ഇണങ്ങും​വി​ധം പൊരു​ത്ത​പ്പെ​ടു​ത്ത​ലു​കൾ വരുത്തി സ്വന്തം വാക്യ​ത്തിൽ അവ അവതരി​പ്പി​ക്കാ​നാ​കും. പ്രദേ​ശ​ത്തി​നു യോജിച്ച മറ്റ്‌ സമീപ​ന​ങ്ങ​ളും ഉപയോ​ഗി​ക്കാം.

2. ബൈബി​ള​ധ്യ​യനം തുടങ്ങാൻ നമുക്ക്‌ ബൈബിൾ പഠിപ്പി​ക്കു​ന്നു പുസ്‌ത​ക​ത്തി​ന്റെ പ്രാരംഭ പേജുകൾ എങ്ങനെ ഉപയോ​ഗി​ക്കാ​നാ​കും?

² പ്രാരംഭ പേജുകൾ ഉപയോ​ഗി​ക്കുക: മടങ്ങി​ച്ചെ​ല്ലു​മ്പോൾ നിങ്ങൾക്ക്‌ ഇങ്ങനെ പറയാ​നാ​കും: “ഞാൻ തന്ന മാസി​കകൾ ബൈബി​ളി​ലേക്കു ശ്രദ്ധ ക്ഷണിക്കു​ന്ന​വ​യാണ്‌. എന്തു​കൊ​ണ്ടാണ്‌ ബൈബിൾ വായന വളരെ പ്രധാ​ന​മാ​യി​രി​ക്കു​ന്നത്‌ എന്നു ശ്രദ്ധിക്കൂ.” യെശയ്യാ​വു 48:17, 18; യോഹ​ന്നാൻ 17:3 എന്നിവ​യോ അനു​യോ​ജ്യ​മായ മറ്റൊരു തിരു​വെ​ഴു​ത്തോ വായി​ക്കുക. തുടർന്ന്‌ ബൈബിൾ പഠിപ്പി​ക്കു​ന്നു പുസ്‌തകം പരിച​യ​പ്പെ​ടു​ത്തി​യ​ശേഷം അതിന്റെ ഒരു പ്രതി അദ്ദേഹ​ത്തി​നു കൊടു​ത്തിട്ട്‌ നിങ്ങൾക്ക്‌ ഇങ്ങനെ തുടരാം:

◼ “ഭാവി സംബന്ധിച്ച യഥാർഥ പ്രത്യാശ ബൈബിൾ പ്രദാ​നം​ചെ​യ്യു​ന്നു.” വീട്ടു​കാ​രനെ 4, 5 പേജുകൾ കാണി​ച്ചിട്ട്‌ ഇങ്ങനെ ചോദി​ക്കുക: “ഈ വാഗ്‌ദാ​ന​ങ്ങ​ളിൽ ഏതു നിറ​വേ​റി​ക്കാ​ണാ​നാ​ണു നിങ്ങൾ ആഗ്രഹി​ക്കു​ന്നത്‌?” തുടർന്ന്‌ അദ്ദേഹ​ത്തി​നു താത്‌പ​ര്യ​മുള്ള തിരു​വെ​ഴു​ത്തു വാഗ്‌ദാ​ന​ത്തെ​ക്കു​റി​ച്ചു ചർച്ച​ചെ​യ്യുന്ന അധ്യാ​യ​ത്തി​ലേക്കു തിരിഞ്ഞ്‌ ഒന്നോ രണ്ടോ ഖണ്ഡിക പരിചി​ന്തി​ക്കുക.

◼ അല്ലെങ്കിൽ നിങ്ങൾക്ക്‌ ഇങ്ങനെ പറയാ​വു​ന്ന​താണ്‌: “ജീവി​ത​ത്തി​ലെ അതി​പ്ര​ധാന ചോദ്യ​ങ്ങൾക്ക്‌ ബൈബിൾ ഉത്തരം നൽകുന്നു.” 6-ാം പേജി​ലേക്ക്‌ ശ്രദ്ധ ക്ഷണിച്ചിട്ട്‌ അതിന്റെ താഴെ കൊടു​ത്തി​രി​ക്കുന്ന ഏതെങ്കി​ലും ചോദ്യ​ത്തെ​ക്കു​റിച്ച്‌ എന്നെങ്കി​ലും ചിന്തി​ച്ചി​ട്ടു​ണ്ടോ എന്നു ചോദി​ക്കുക. ഉത്തരം അടങ്ങി​യി​രി​ക്കുന്ന അധ്യാ​യ​ത്തി​ലേക്കു മറിച്ച്‌ ഒന്നോ രണ്ടോ ഖണ്ഡിക ഹ്രസ്വ​മാ​യി ചർച്ച​ചെ​യ്യുക.

◼ അല്ലെങ്കിൽ ഉള്ളടക്ക​ത്തി​ലെ ചില വിഷയങ്ങൾ കാണി​ച്ചിട്ട്‌ അതിൽ ഏതാണ്‌ അദ്ദേഹ​ത്തി​നു താത്‌പ​ര്യ​മു​ള്ള​തെന്നു ചോദി​ക്കാ​നാ​കും. ആ അധ്യാ​യ​ത്തി​ലേക്കു തിരിഞ്ഞ്‌ ഹ്രസ്വ​മായ ഒരു ബൈബി​ള​ധ്യ​യനം പ്രകടി​പ്പി​ച്ചു കാണി​ക്കുക.

3. (എ) മോശ​മാ​യി​ക്കൊ​ണ്ടി​രി​ക്കുന്ന ലോകാ​വ​സ്ഥകൾ, (ബി) കുടും​ബം, (സി) ബൈബി​ളി​ന്റെ വിശ്വാ​സ്യത എന്നീ വിഷയങ്ങൾ കൈകാ​ര്യം ചെയ്യുന്ന മാസി​കകൾ സമർപ്പി​ച്ച​ശേഷം നമുക്ക്‌ എങ്ങനെ ഒരു ബൈബി​ള​ധ്യ​യനം ആരംഭി​ക്കാ​നാ​കും?

³ പ്രഥമ സന്ദർശ​ന​ത്തിൽ ഒരു ചോദ്യം ചോദി​ച്ചി​ട്ടു പോരുക: പ്രഥമ സന്ദർശ​ന​ത്തിൽ മടക്കസ​ന്ദർശ​ന​ത്തി​നുള്ള അടിത്ത​റ​യി​ടുക എന്നതാണു മറ്റൊരു മാർഗം. വീട്ടു​കാ​രൻ മാസി​കകൾ സ്വീക​രി​ച്ചു കഴിയു​മ്പോൾ ഒരു ചോദ്യം ചോദി​ച്ചിട്ട്‌ അടുത്ത സന്ദർശ​ന​ത്തിൽ അതിന്റെ ഉത്തരം നൽകാ​മെന്ന്‌ ഉറപ്പു​കൊ​ടു​ക്കുക. മടങ്ങി​ച്ചെ​ല്ലാ​നുള്ള വ്യക്തമായ ക്രമീ​ക​ര​ണങ്ങൾ ചെയ്യുക. പറഞ്ഞി​രി​ക്കുന്ന സമയത്തു​തന്നെ മടങ്ങി​ച്ചെ​ല്ലു​ന്നു​വെന്ന്‌ ഉറപ്പു​വ​രു​ത്തുക. (മത്താ. 5:37) നിങ്ങൾ മടങ്ങി​ച്ചെ​ല്ലു​മ്പോൾ നേരത്തേ ചോദിച്ച ചോദ്യം വീട്ടു​കാ​രന്റെ ഓർമ​യി​ലേക്കു കൊണ്ടു​വ​രുക. എന്നിട്ട്‌ അതിനുള്ള ഉത്തരം ബൈബിൾ പഠിപ്പി​ക്കു​ന്നു പുസ്‌ത​ക​ത്തിൽനി​ന്നു വായിച്ച്‌ ചുരു​ക്ക​മാ​യി ചർച്ച​ചെ​യ്യുക. നിങ്ങ​ളോ​ടൊ​പ്പം നോക്കു​ന്ന​തി​നാ​യി അദ്ദേഹ​ത്തി​നും അതിന്റെ ഒരു പ്രതി നൽകുക. ചില ഉദാഹ​ര​ണങ്ങൾ ശ്രദ്ധിക്കൂ:

◼ മോശമായിക്കൊണ്ടിരിക്കുന്ന ലോകാ​വ​സ്ഥ​ക​ളെ​ക്കു​റി​ച്ചു പ്രതി​പാ​ദി​ക്കുന്ന മാസി​ക​യാ​ണു നിങ്ങൾ സമർപ്പി​ക്കു​ന്ന​തെ​ങ്കിൽ ഇങ്ങനെ പറയാ​നാ​കും: “‘ദൈവം എന്തെല്ലാം മാറ്റങ്ങ​ളാണ്‌ ഭൂമി​യിൽ കൊണ്ടു​വ​രാൻ പോകു​ന്നത്‌?’ എന്ന ചോദ്യ​ത്തി​നുള്ള ബൈബി​ളി​ന്റെ ഉത്തരം അടുത്ത തവണ നമുക്കു ചർച്ച​ചെ​യ്യാം.” മടങ്ങി​ച്ചെ​ല്ലു​മ്പോൾ 4, 5 പേജുകൾ ഉപയോ​ഗി​ക്കുക. അല്ലെങ്കിൽ “ദുരന്തങ്ങൾ ദൈവ​ഹി​ത​മാ​ണോ?” എന്ന്‌ അദ്ദേഹ​ത്തോ​ടു ചോദി​ക്കാം. മടക്കസ​ന്ദർശ​ന​ത്തിൽ വീട്ടു​കാ​രനെ 1-ാം അധ്യാ​യ​ത്തി​ലെ 7, 8 ഖണ്ഡികകൾ കാണി​ക്കുക.

◼ നിങ്ങൾ സമർപ്പി​ക്കുന്ന മാസിക കുടും​ബ​ത്തെ​ക്കു​റി​ച്ചു​ള്ള​താ​ണെ​ങ്കിൽ അവിടം​വി​ട്ടു പോരു​ന്ന​തി​നു​മുമ്പ്‌ നിങ്ങൾക്ക്‌ ഇങ്ങനെ ചോദി​ക്കാ​നാ​കും: “കുടുംബ ജീവിതം സന്തുഷ്ട​മാ​ക്കാൻ കുടും​ബ​ത്തി​ലെ ഓരോ​രു​ത്തർക്കും എന്തു ചെയ്യാ​നാ​കും?” മടങ്ങി​ച്ചെ​ല്ലു​മ്പോൾ 14-ാം അധ്യാ​യ​ത്തി​ന്റെ 4-ാം ഖണ്ഡിക പരിചി​ന്തി​ക്കുക.

◼ ബൈബിളിന്റെ ആശ്രയ​യോ​ഗ്യ​ത​യെ​ക്കു​റി​ച്ചു പ്രതി​പാ​ദി​ക്കുന്ന മാസി​ക​യാ​ണു സമർപ്പി​ക്കു​ന്ന​തെ​ങ്കിൽ അടുത്ത ചർച്ചയ്‌ക്കാ​യി നിങ്ങൾക്ക്‌ ഇങ്ങനെ ചോദി​ക്കാ​നാ​കും: “ബൈബിൾ ശാസ്‌ത്രീ​യ​മാ​യി കൃത്യ​ത​യു​ള്ള​താ​ണോ?” അടുത്ത സന്ദർശ​ന​ത്തിൽ 2-ാം അധ്യാ​യ​ത്തി​ന്റെ 8-ാം ഖണ്ഡിക പരിചി​ന്തി​ക്കുക.

4. വീട്ടു​കാ​രൻ ബൈബിൾ പഠിപ്പി​ക്കു​ന്നു പുസ്‌തകം സ്വീക​രി​ക്കു​ന്നി​ല്ലെ​ങ്കിൽ നാം എന്തു ചെയ്യണം?

⁴ ഓരോ ചർച്ചയ്‌ക്കും ഒടുവിൽ അടുത്ത സന്ദർശ​ന​ത്തി​ലേ​ക്കാ​യി മറ്റൊരു ചോദ്യം ചോദി​ക്കുക. ക്രമമായ ഒരു അധ്യയനം ആരംഭി​ച്ചു കഴിഞ്ഞാൽ പുസ്‌ത​ക​ത്തി​ന്റെ തുടക്കം മുതൽ ക്രമീ​കൃ​ത​മായ വിധത്തിൽ വിഷയങ്ങൾ പരിചി​ന്തി​ക്കുക. വീട്ടു​കാ​രൻ ബൈബിൾ പഠിപ്പി​ക്കു​ന്നു പുസ്‌തകം സ്വീക​രി​ക്കു​ന്നി​ല്ലെ​ങ്കി​ലോ? തുടർന്നും അദ്ദേഹ​ത്തി​നു മാസി​കകൾ നൽകാ​നും തിരു​വെ​ഴു​ത്തു ചർച്ചകൾ നടത്താ​നും നിങ്ങൾക്കു കഴിയും. ആ താത്‌പ​ര്യം നിങ്ങൾ ഊട്ടി​വ​ളർത്തു​ന്നെ​ങ്കിൽ ക്രമേണ അദ്ദേഹം ഒരു ബൈബി​ള​ധ്യ​യ​ന​ത്തി​നു സമ്മതി​ച്ചേ​ക്കാം.

5. മാസി​കകൾ സമർപ്പി​ക്കു​ന്ന​തി​ലും അധികം ചെയ്യാൻ നാം ശ്രമി​ക്കേ​ണ്ടത്‌ എന്തു​കൊണ്ട്‌?

⁵ വീക്ഷാഗോപുരവും ഉണരുക!യും, ബൈബിൾ യഥാർഥ​ത്തിൽ എന്താണു പഠിപ്പി​ക്കു​ന്ന​തെന്ന്‌ അറിയാ​നുള്ള ഒരു വ്യക്തി​യു​ടെ താത്‌പ​ര്യ​ത്തെ ഉണർത്തി​യേ​ക്കാം. അതു​കൊണ്ട്‌ മാസി​കകൾ സ്വീക​രി​ക്കു​ന്ന​വ​രു​മാ​യി ബൈബി​ള​ധ്യ​യനം തുടങ്ങാൻ ഒരു പ്രത്യേക ശ്രമം നടത്തുക. അങ്ങനെ ചെയ്യു​ക​വഴി “ഉപദേ​ശി​ച്ചും​കൊ​ണ്ടു . . . ശിഷ്യ​രാ​ക്കി​ക്കൊൾവിൻ” എന്ന യേശു​വി​ന്റെ കൽപ്പന നമുക്ക്‌ അനുസ​രി​ക്കാ​നാ​കും.—മത്താ. 28:19, 20.