നിങ്ങൾക്ക്‌ അണിക​ളിൽ വീണ്ടും ചേരാ​നാ​കു​മോ?

¹ കഴിഞ്ഞ അഞ്ചു വർഷത്തി​നി​ട​യിൽ, ലോക​വ്യാ​പ​ക​മാ​യി ആയിര​ക്ക​ണ​ക്കി​നു നിരന്ത​ര​പ​യ​നി​യർമാർക്കു പയനിയർ അണിക​ളിൽനി​ന്നു വിരമി​ക്കേ​ണ്ടി​വന്നു. നിങ്ങൾ അവരിൽ ഒരാളാ​യി​രു​ന്നോ? അങ്ങനെ​യെ​ങ്കിൽ, നിസ്സം​ശ​യ​മാ​യും ആ പദവി വിട്ടു​ക​ള​യാൻ നിങ്ങൾക്ക്‌ നിങ്ങളു​ടെ നിയ​ന്ത്ര​ണ​ത്തി​ന​പ്പു​റ​വും അപ്രതീ​ക്ഷി​ത​വു​മാ​യി​രുന്ന എന്തോ കാരണ​മു​ണ്ടാ​യി​രു​ന്നി​രി​ക്കാം. ആ കാരണം ഇപ്പോ​ഴും നിലവി​ലു​ണ്ടോ? ആരോ​ഗ്യ​മോ, സാമ്പത്തി​ക​മായ പ്രശ്‌ന​ങ്ങ​ളോ കുടുംബ ഉത്തരവാ​ദി​ത്വ​ങ്ങ​ളോ ആണ്‌ പയനി​യ​റിങ്‌ നിർത്താൻ ഇടയാ​ക്കി​യ​തെ​ങ്കിൽ ആ സാഹച​ര്യ​ങ്ങൾ ഇപ്പോൾ മെച്ച​പ്പെ​ട്ടി​ട്ടു​ണ്ടോ? നിരന്ത​ര​പ​യ​നി​യ​റിങ്‌ വീണ്ടും ചെയ്യു​ന്ന​തി​ന്റെ അനു​ഗ്ര​ഹങ്ങൾ ആസ്വദി​ക്കാൻ നിങ്ങളെ അനുവ​ദി​ക്കുന്ന ന്യായ​യു​ക്ത​മായ എന്തെങ്കി​ലും പൊരു​ത്ത​പ്പെ​ടു​ത്ത​ലു​കൾ നിങ്ങൾക്കു വരുത്താ​നാ​വു​മോ? വീണ്ടും അപേക്ഷി​ക്കു​ന്ന​തി​നെ​ക്കു​റി​ച്ചു നിങ്ങൾ ആലോ​ചി​ച്ചു​വോ?

² നിങ്ങൾക്ക്‌ അറിയാ​വു​ന്ന​പോ​ലെ, ഒരു പയനിയർ എന്നനി​ല​യിൽ വിജയി​ക്ക​ണ​മെ​ങ്കിൽ, നല്ല സംഘാ​ട​ന​വും ശ്രദ്ധാ​പൂർവം കാര്യങ്ങൾ പട്ടിക​പ്പെ​ടു​ത്തേ​ണ്ട​തും ആവശ്യ​മാണ്‌. സാധാ​ര​ണ​മാ​യി, വിനോ​ദ​ത്തിന്‌ അധികം സമയം കിട്ടാ​റി​ല്ലെ​ങ്കി​ലും, ഒരു പയനി​യ​റു​ടെ ഹ്രസ്വ​മായ വിനോ​ദാ​വ​സ​രങ്ങൾ മിക്ക​പ്പോ​ഴും ഏറെ സംതൃ​പ്‌തി​ക​ര​വും ഫലദാ​യ​ക​വു​മാ​യി​രു​ന്നേ​ക്കാം. (സദൃ. 19:17; പ്രവൃ. 20:35) സേവന​ത്തിൽ തിരക്കു​ള​ള​വ​രാ​യി​രി​ക്കു​ന്ന​തു​കൊണ്ട്‌, ലോകം പിന്തു​ട​രുന്ന സ്വാർഥ​വും സുഖ​ലോ​ലു​പ​വു​മായ ജീവി​ത​ഗ​തി​യു​ടെ സ്വാധീ​ന​ത്തിൽനി​ന്നു നിങ്ങൾക്കു സംരക്ഷണം ലഭിക്കു​ന്നു. നിങ്ങൾ ആത്മത്യാഗ മനോ​ഭാ​വ​മു​ള​ള​വ​രും ദൈവ​രാ​ജ്യം ഒന്നാം സ്ഥാനത്തു വെക്കു​ന്ന​വ​രു​മാ​ണെ​ങ്കിൽ യഹോവ നിങ്ങളെ ആത്മീയ​മാ​യി സമ്പന്നരാ​ക്കു​മെന്ന്‌ വാഗ്‌ദാ​നം ചെയ്‌തി​ട്ടുണ്ട്‌. യഹോ​വ​യു​ടെ സേവന​ത്തിൽ മുഴു​ഹൃ​ദ​യ​രാ​യി നില​കൊ​ള​ളു​മ്പോൾ തീർച്ച​യാ​യും നിങ്ങൾ യഥാർഥ സന്തോ​ഷ​വും സംതൃ​പ്‌തി​യും അനുഭ​വി​ക്കും.—സദൃ. 10:22; കൊലൊ. 3:23, 24.

³ പ്രത്യേ​കം ചിലർക്കു​മാ​ത്രം ലഭ്യമാ​യി​രി​ക്കുന്ന ഒരു പദവി​യാ​യി മുഴു​സമയ ശുശ്രൂ​ഷയെ വീക്ഷി​ക്ക​ണ​മോ? വേണ്ട. നമ്മുടെ ജീവിതം യഹോ​വക്കു സമർപ്പിച്ച നമ്മുടെ പ്രതി​ജ്ഞ​യു​ടെ വീക്ഷണ​ത്തിൽ, സാഹച​ര്യ​ങ്ങൾ അസാധ്യ​മാ​ക്കു​ന്നി​ല്ലെ​ങ്കിൽ ഓരോ ക്രിസ്‌ത്യാ​നി​യും മുഴു​സമയ സേവന​ത്തെ​ക്കു​റി​ച്ചു ഗൗരവ​മാ​യി ചിന്തി​ക്കണം.—മർക്കൊ. 12:30.

⁴ പയനി​യ​റിങ്‌ ചെയ്യാൻ പാകത്തി​ലു​ള​ളതല്ല ഇപ്പോ​ഴത്തെ നിങ്ങളു​ടെ ആരോ​ഗ്യ​വും തിരു​വെ​ഴു​ത്തു​പ​ര​മായ ഉത്തരവാ​ദി​ത്വ​ങ്ങ​ളു​മെ​ങ്കിൽ യഹോവ അത്‌ അറിയു​ന്നു, മനസ്സി​ലാ​ക്കു​ന്നു എന്നു നിങ്ങൾക്ക്‌ ഉറപ്പാ​ക്കാം. നിങ്ങളു​ടെ സാഹച​ര്യ​ത്തി​ന​നു​സൃ​ത​മാ​യി പ്രവർത്തി​ക്കു​ന്ന​തിൽ നിങ്ങൾ കാട്ടുന്ന വിശ്വ​സ്‌ത​ത​യ്‌ക്ക്‌ അവൻ പ്രതി​ഫലം നൽകും. (1 കൊരി. 4:2; 2 കൊരി. 8:12) എങ്കിലും, വീണ്ടും പയനി​യ​റിങ്‌ ചെയ്യാൻ പററിയ സാഹച​ര്യ​മാണ്‌ നിങ്ങൾക്കി​പ്പോൾ എന്നു തോന്നു​ന്നെ​ങ്കിൽ, എന്തു​കൊണ്ട്‌ അധ്യക്ഷ​മേൽവി​ചാ​ര​കനെ സമീപിച്ച്‌ ഒരു അപേക്ഷാ​ഫാ​റം ചോദി​ച്ചു​കൂ​ടാ?

⁵ നിങ്ങളു​ടെ കുടും​ബ​ത്തി​നു സഹായി​ക്കാ​നാ​വു​മോ? കുടുംബ ഉത്തരവാ​ദി​ത്വ​ങ്ങൾ നോ​ക്കേ​ണ്ടി​വ​ന്ന​തി​നാ​ലാ​യി​രി​ക്കാം നിങ്ങൾ പയനിയർ അണിക​ളിൽനി​ന്നു വിരമി​ച്ചത്‌. നിങ്ങൾക്കു പയനി​യർവേ​ല​യിൽ വീണ്ടും പ്രവേ​ശി​ക്കാ​നാ​കും​വി​ധം നിങ്ങളെ സഹായി​ക്കാൻപ​റ​റിയ സാഹച​ര്യ​ത്തി​ലാ​ണോ ഇപ്പോൾ കുടും​ബാം​ഗങ്ങൾ? ചിലർക്ക്‌, ചില ഉത്തരവാ​ദി​ത്വ​ങ്ങൾ നിർവ​ഹി​ക്കു​ന്ന​തിൽ അൽപ്പ​മൊ​രു സഹായം കിട്ടി​യാൽ മതിയാ​യി​രി​ക്കും പയനി​യ​റിങ്‌ വീണ്ടും എത്തിപ്പി​ടി​ക്കാൻ.

⁶ നല്ല സഹകര​ണ​വും കുടും​ബാം​ഗ​ങ്ങ​ളു​ടെ ഭാഗത്തു​നിന്ന്‌ ഒരൽപ്പം ശ്രമവു​മു​ണ്ടെ​ങ്കിൽ ഇതു സാധ്യ​മാ​യി​രി​ക്കാം. ചില​പ്പോൾ സാമ്പത്തി​ക​മോ യാത്രാ​സം​ബ​ന്ധ​മോ ആയ സഹായ​മാ​യി​രി​ക്കാം വേണ്ടത്‌. സേവന​ത്തിൽ കൂടെ പ്രവർത്തി​ക്കു​ന്ന​തി​നു​ളള സ്ഥിരമായ ക്രമീ​ക​ര​ണങ്ങൾ ഉണ്ടായി​രി​ക്കു​ന്ന​തും സഹായ​ക​മാ​യി​രി​ക്കാം. അവർക്കു സഹായി​ക്കാ​നാ​വുന്ന മററു വിധങ്ങ​ളു​മുണ്ട്‌. ഈ പദവി വീണ്ടും ഏറെറ​ടു​ക്കാൻ നിങ്ങളു​ടെ സാഹച​ര്യം അനുവ​ദി​ക്കു​ന്നി​ല്ലെ​ങ്കിൽ, ഒരുപക്ഷേ, അത്തരം സഹായം പയനി​യ​റിങ്‌ നടത്താ​നാ​വുന്ന, കുടും​ബ​ത്തി​ലെ മറെറാ​രം​ഗ​ത്തി​നു കൊടു​ക്കാൻ കഴിയും.

⁷ ഒരു കുടും​ബം എന്നനി​ല​യിൽ ഈ കാര്യം എന്തു​കൊ​ണ്ടു ചർച്ച ചെയ്‌തു​കൂ​ടാ? നിങ്ങൾ ഇതിനെ ഒരു ഏകീകൃത പദ്ധതി​യാ​ക്കു​ന്നെ​ങ്കിൽ ഫലസാ​ധ്യത ഏറെയാണ്‌. മറെറാ​രു പയനി​യ​റെ​ക്കൂ​ടി അണിക​ളി​ലേക്കു ചേർക്കാൻ കഴിയു​മെ​ങ്കിൽ മുഴു​കു​ടും​ബ​ത്തി​നും ഉചിത​മാ​യി തോന്നി​യേ​ക്കാം അതി​ലൊ​രു പങ്കു തങ്ങൾക്കു​മുണ്ട്‌ എന്ന്‌. ഔദാ​ര്യ​ത്തി​ന്റേ​തായ അത്തരം മനോ​ഭാ​വം പ്രദേ​ശത്തു സാക്ഷ്യം വർധി​പ്പി​ക്കുക മാത്രമല്ല, അതു കുടും​ബത്തെ ആത്മീയ​മാ​യി അടുപ്പി​ക്കു​ക​യും ചെയ്യും.—ലൂക്കൊ. 6:38; ഫിലി. 2:2-4.