യഹോവ നമ്മുടെ സ്രഷ്ടാവ്‌

¹ ജീവൻ സൃഷ്ടി​ച്ചതു ദൈവ​മാ​ണെന്നു ദശലക്ഷ​ക്ക​ണ​ക്കി​നാ​ളു​കൾ വിശ്വ​സി​ക്കു​ന്നു. വേറെ അനേകർ പരിണാ​മ​ത്തിൽ വിശ്വ​സി​ക്കു​ന്നു. ഇനിയും, എന്തു വിശ്വ​സി​ക്ക​ണ​മെന്നു തിട്ടമി​ല്ലാ​ത്ത​വ​രു​മുണ്ട്‌. ജീവൻ—അത്‌ ഇവിടെ എങ്ങനെ വന്നു? പരിണാ​മ​ത്താ​ലോ സൃഷ്ടി​യാ​ലോ? (ഇംഗ്ലീഷ്‌) എന്ന പുസ്‌തകം അത്തരക്കാർക്കെ​ല്ലാം​വേണ്ടി ഉള്ളതാണ്‌. ജീവൻ ഇവിടെ എങ്ങനെ വന്നു, അതു നമുക്കു ഭാവി​യോ​ടുള്ള ബന്ധത്തിൽ എന്തർഥ​മാ​ക്കു​ന്നു എന്നിവ സംബന്ധി​ച്ചു നടത്തിയ ആഴമായ ഗവേഷ​ണ​ഫ​ല​മാ​യുള്ള വിശദീ​ക​രണം ഈ പ്രസി​ദ്ധീ​ക​രണം നൽകുന്നു. ജൂണിൽ സാധി​ക്കു​മ്പോ​ഴെ​ല്ലാം നാം ഈ ഉത്തമ ഗ്രന്ഥം വിശേ​ഷ​വ​ത്‌ക​രി​ക്കു​ന്ന​താ​യി​രി​ക്കും. ഇംഗ്ലീഷ്‌ അറിഞ്ഞു​കൂ​ടാത്ത വീട്ടു​കാ​രന്‌ 192 പേജുള്ള പുസ്‌ത​ക​ങ്ങ​ളിൽ ഏതെങ്കി​ലും സമർപ്പി​ക്കാ​വു​ന്ന​താണ്‌.

² ശാസ്‌ത്ര​രം​ഗ​ത്തുള്ള പ്രമുഖ വ്യക്തി​കൾപോ​ലും ഈ പുസ്‌ത​ക​ത്തി​ന്റെ വാദഗതി അംഗീ​ക​രി​ച്ചി​രി​ക്കു​ന്നു. നെതർലൻഡ്‌സി​ലുള്ള ഒരു ശാസ്‌ത്ര ഗവേഷകൻ ഇങ്ങനെ എഴുതി: “ഈ പുസ്‌തകം വാസ്‌ത​വ​മാ​യും സകല ധാരണ​ക​ളെ​യും കടത്തി​വെ​ട്ടി​യി​രി​ക്കു​ന്നു. അധ്യാ​യ​ങ്ങ​ളു​ടെ യുക്തി​സ​ഹ​മായ ക്രമവും അതിലെ ചിത്രീ​ക​ര​ണ​ങ്ങ​ളും ശാസ്‌ത്രീ​യ​മാ​യി ഏറ്റവും നവീന​മാ​യി​രി​ക്കു​ന്നു. തൻമൂലം അതി​നെ​തി​രെ എന്തെങ്കി​ലും ചോദ്യ​മു​ന്ന​യി​ക്ക​ണ​മെ​ങ്കിൽ ഒരുവൻ ചിന്താ​ശൂ​ന്യ​നാ​യി​രി​ക്കണം.” ഒരു അറ്റോർണി ഇങ്ങനെ പ്രഖ്യാ​പി​ച്ചു: “ഞാൻ ഈ പുസ്‌തകം നാലു പ്രാവ​ശ്യം വായിച്ചു കഴിഞ്ഞു. ഈ പുസ്‌ത​ക​ത്തി​ന്റെ നിർമാ​ണ​ത്തി​നു പിന്നി​ലുള്ള ആഴമായ ഗവേഷ​ണ​വും പാണ്ഡി​ത്യ​വും തെളി​വു​നൽക​ലും എന്നിൽ തുടർന്നും മതിപ്പു​ള​വാ​ക്കു​ന്നു.” അതു​കൊണ്ട്‌ മറ്റുള്ള​വ​രും ഈ പുസ്‌തകം വിലമ​തി​ക്കു​മെന്നു നമുക്ക്‌ ഉറപ്പു​ണ്ടാ​യി​രി​ക്കാൻ കഴിയും.

³ ഇതു​പോ​ലൊ​രു ഹ്രസ്വ​മായ അവതരണം നിങ്ങൾ തിര​ഞ്ഞെ​ടു​ത്തേ​ക്കാം:

◼6-ാം പേജു തുറന്ന​ശേഷം ഇങ്ങനെ പറയുക: “നമ്മുടെ മനോ​ഹ​ര​മായ ഭൂമി​യും അതിലുള്ള ജീവനും ആകസ്‌മി​ക​മാ​യി ഉണ്ടായ​താ​ണെന്ന്‌ അനേകർ വിചാ​രി​ക്കു​ന്നു. ഇതെല്ലാം എങ്ങനെ ഉണ്ടായി എന്നുള്ള​തിന്‌ ഒരു ന്യായ​മായ വിശദീ​ക​രണം എന്താ​ണെ​ന്നാ​ണു നിങ്ങൾ ചിന്തി​ക്കു​ന്നത്‌? [പ്രതി​ക​രി​ക്കാൻ അനുവ​ദി​ക്കുക.] അത്യന്തം ശക്തിമാ​ത്രമല്ല വളരെ​യ​ധി​കം സ്‌നേ​ഹ​വു​മുള്ള ഒരു സ്രഷ്ടാ​വി​നെ​ക്കു​റി​ച്ചുള്ള ബൈബി​ളി​ന്റെ വിവര​ണത്തെ സ്ഥിരീ​ക​രി​ക്കുന്ന അസംഖ്യം തെളി​വു​ക​ളുണ്ട്‌. അവന്റെ പേര്‌ യഹോവ എന്നാ​ണെന്നു ബൈബിൾ പറയുന്നു.” സങ്കീർത്തനം 83:18 വായി​ച്ചിട്ട്‌, ഈ മുഴു ഭൂമി​യെ​യും ഒരു പറുദീ​സ​യാ​യി രൂപാ​ന്ത​ര​പ്പെ​ടു​ത്തു​ന്നത്‌ അവന്റെ ഉദ്ദേശ്യ​മാ​യി​രി​ക്കു​ന്നത്‌ എങ്ങനെ​യെന്നു ഹ്രസ്വ​മാ​യി വിശദീ​ക​രി​ക്കുക.

⁴ നിങ്ങൾക്കു പെട്ടെന്നു വിഷയ​ത്തി​ലേക്കു വരണ​മെ​ങ്കിൽ ഇങ്ങനെ പറയാ​വു​ന്ന​താണ്‌:

◼“നിങ്ങൾ ഈ ചോദ്യ​ത്തെ​പ്പറ്റി എന്നെങ്കി​ലും ചിന്തി​ച്ചി​ട്ടു​ണ്ടോ?” പുസ്‌ത​ക​ത്തി​ന്റെ 7-ാം പേജി​ലുള്ള ശീർഷ​ക​ത്തി​ലേക്കു ശ്രദ്ധതി​രി​ച്ചിട്ട്‌ രണ്ടാം ഖണ്ഡിക​യി​ലുള്ള ചോദ്യ​ങ്ങൾ വായി​ക്കുക. എന്നിട്ട്‌, ആ പുസ്‌തകം ബൈബി​ളിൽനി​ന്നു തൃപ്‌തി​ക​ര​മായ ഉത്തരങ്ങൾ പ്രദാനം ചെയ്യു​ന്നു​വെന്നു വിശദീ​ക​രി​ക്കുക.

⁵ അല്ലെങ്കിൽ നിങ്ങൾ ഇതു ശ്രമി​ച്ചേ​ക്കാം:

◼“ഭൂമി എങ്ങനെ ഉണ്ടാ​യെന്നു നിങ്ങൾ എന്നെങ്കി​ലും ചിന്തി​ച്ചി​ട്ടു​ണ്ടോ? പ്രപഞ്ച​ത്തി​ലു​ണ്ടായ ഒരു വൻ പൊട്ടി​ത്തെ​റി​ക്ക​ലി​ന്റെ ഫലമാണ്‌ ഇതെന്ന്‌ അനേകർ വിശ്വ​സി​ക്കു​ന്നു. നിങ്ങൾ എന്തു വിചാ​രി​ക്കു​ന്നു? [പ്രതി​ക​രി​ക്കാൻ അനുവ​ദി​ക്കുക.] ഭൂമിയെ നമ്മുടെ നിത്യ​ഭ​വ​ന​മാ​യി ദൈവം നിർമി​ച്ചു​വെന്നു ബൈബിൾ പഠിപ്പി​ക്കു​ന്നു. അതു നമ്മുടെ സൗരയൂ​ഥ​ത്തി​ലുള്ള മറ്റു ഗ്രഹങ്ങ​ളിൽനി​ന്നു വ്യത്യ​സ്‌ത​മാണ്‌. നമുക്കുള്ള അറിവി​ന്റെ അടിസ്ഥാ​ന​ത്തിൽ, ജീവൻ നിലനിർത്തു​ന്ന​തിന്‌ ആവശ്യ​മായ സകല സങ്കീർണ ഘടകങ്ങ​ളു​മുള്ള പ്രപഞ്ച​ത്തി​ലെ ഏക ഗ്രഹമാ​ണത്‌.” 130-ാം പേജിലെ 5-ാം ഖണ്ഡിക​യി​ലേക്കു തിരി​യുക, ഭൂമി ഒരു വിദഗ്‌ധ രൂപസം​വി​ധാ​യ​കന്റെ വേലയാ​യി​രി​ക്ക​ണ​മെ​ന്ന​തി​നു കാരണ​മെ​ന്തെന്നു വിശദീ​ക​രി​ക്കുക.

⁶ ഇതിനു സമാന​മായ മറ്റൊരു സമീപനം:

◼“നാം ആൾക്കു​ര​ങ്ങിൽനി​ന്നു പരിണ​മി​ച്ച​താ​ണെന്നു ചിലർ ചിന്തി​ക്കു​ന്നു. നമ്മുടെ പൂർവി​കർ ഇതു​പോ​ലി​രു​ന്നെന്ന്‌ അവർ അവകാ​ശ​പ്പെ​ടു​ന്നു. [89-ാം പേജി​ലുള്ള ചിത്രം കാണി​ക്കുക.] ഇതു സംബന്ധിച്ച്‌ നിങ്ങൾ എന്തു വിചാ​രി​ക്കു​ന്നു?” പ്രതി​ക​രി​ക്കാൻ അനുവ​ദി​ക്കുക. 20-ാം ഖണ്ഡിക​യിൽ പ്രസ്‌താ​വി​ച്ചി​രി​ക്കുന്ന വസ്‌തുത ചൂണ്ടി​ക്കാ​ട്ടുക. അതിനു​ശേഷം, യഹോ​വയെ നമ്മുടെ സ്രഷ്ടാ​വും ജീവദാ​താ​വു​മാ​യി തിരി​ച്ച​റി​യി​ച്ചി​രി​ക്കുന്ന പ്രവൃ​ത്തി​കൾ 4:24 വായി​ക്കുക. “ബൈബി​ളിൽ പ്രതി​പാ​ദി​ച്ചി​രി​ക്കു​ന്ന​തി​നോ​ടുള്ള ബന്ധത്തിൽ പരിണാ​മം സംബന്ധിച്ച മുഴു സിദ്ധാ​ന്ത​ത്തെ​യും ഈ പുസ്‌തകം പരി​ശോ​ധി​ക്കു​ന്നു.” 5-ാം പേജി​ലുള്ള ഉള്ളടക്കം പരാമർശി​ക്കുക. 1, 7, 15, 19 എന്നീ അധ്യാ​യ​ങ്ങ​ളു​ടേ​തു​പോ​ലുള്ള ചില ശീർഷ​കങ്ങൾ ചൂണ്ടി​ക്കാ​ട്ടുക.

⁷ യഹോ​വ​യി​ലോ അവന്റെ വചനത്തി​ലോ വിശ്വാ​സ​മി​ല്ലാ​ത്ത​വ​രാൽ വഞ്ചിക്ക​പ്പെ​ട്ടി​രി​ക്കുന്ന ആത്മാർഥ​രായ ആളുകൾക്ക്‌ ഈ പുസ്‌തകം ഒരു അനു​ഗ്ര​ഹ​മാ​യേ​ക്കാം. നമുക്കാ​യി സ്‌നേ​ഹ​പൂർവം കരുതുന്ന നമ്മുടെ സ്രഷ്ടാ​വി​നെ​പ്പ​റ്റി​യുള്ള വിലമ​തി​പ്പിൽ വളരാൻ സൃഷ്ടി പുസ്‌ത​ക​ത്തിൽ അടങ്ങി​യി​രി​ക്കുന്ന യഥാർഥ വിവര​ങ്ങൾക്ക്‌ അത്തരം ആളുകളെ സഹായി​ക്കാൻ കഴിയും.