നമ്മുടെ നിർമാ​താ​വി​നെ ബഹുമാ​നി​ക്കാൻ മററു​ള​ള​വ​രെ സ​ഹാ​യി​ക്കൽ

¹ “യഹോവേ, . . . നിന്റെ പക്കൽ ജീവന്റെ ഉറവു​ണ്ട​ല്ലോ” എന്നു പറഞ്ഞ സങ്കീർത്ത​ന​ക്കാ​ര​നെ​പ്പോ​ലെ നമുക്കു തോന്നു​ന്നു​ണ്ടോ? (സങ്കീ. 36:5, 9) മററു​ള​ള​വർക്കും യഹോ​വ​യെ​ക്കു​റി​ച്ചു മതിപ്പു​ണ്ടാ​കാ​നും അവനു ബഹുമാ​നം കൊടു​ക്കാ​നും നമുക്ക്‌ എങ്ങനെ​യാണ്‌ അവരെ സഹായി​ക്കാ​നാ​വുക? ജീവി​ച്ചി​രു​ന്നി​ട്ടു​ള​ള​തി​ലേ​ക്കും ഏററവും മഹാനായ മനുഷ്യൻ, ജീവൻ—അത്‌ ഇവിടെ എങ്ങനെ വന്നു? പരിണാ​മ​ത്താ​ലോ സൃഷ്ടി​യാ​ലോ? [ഇംഗ്ലീഷ്‌] എന്നിവ​യിൽ ഏതെങ്കി​ലും പുസ്‌തകം ജൂണിൽ സമർപ്പി​ച്ചു​കൊണ്ട്‌. തികച്ചും വിശി​ഷ്ട​മായ ഈ പുസ്‌ത​ക​ങ്ങ​ളിൽ ഒരെണ്ണം ദൈവ​വും ക്രിസ്‌തു​വും ചെയ്‌തി​രി​ക്കുന്ന കാര്യ​ങ്ങ​ളോട്‌, അവരിൽ ഇപ്പോൾത്തന്നെ വിശ്വ​സി​ച്ചു​കൊ​ണ്ടി​രി​ക്കുന്ന വ്യക്തി​ക​ളു​ടെ വിലമ​തി​പ്പു വർധി​പ്പി​ക്കു​ന്നു. എന്നാൽ മറേറ പുസ്‌ത​ക​മാ​കട്ടെ, ദൈവം സ്ഥിതി​ചെ​യ്യു​ന്നു എന്നതിന്‌ ഉറപ്പാർന്ന തെളിവു നൽകു​ക​യും പരിണാ​മം സത്യമാ​യി​രി​ക്കാൻ കഴിയാ​ത്ത​തി​ന്റെ കാരണം എന്തെന്നു വ്യക്തമാ​യി പ്രകട​മാ​ക്കു​ക​യും ചെയ്യുന്നു. അങ്ങനെ, ദൈവ​ത്തി​ന്റെ വചനമെന്ന നിലയിൽ ബൈബി​ളി​ലു​ളള വിശ്വാ​സത്തെ പടുത്തു​യർത്തു​ന്ന​താ​ണു രണ്ടു പുസ്‌ത​ക​ങ്ങ​ളും. യേശു​വി​ന്റെ ജീവിതം, ശുശ്രൂഷ എന്നിവ​യി​ലൂ​ടെ ദൈവം വെളി​പ്പെ​ടു​ത്ത​പ്പെ​ട്ടി​രി​ക്കു​ന്നു എന്നും യഹോ​വ​യാം ദൈവ​ത്തി​നു ബഹുമാ​നം കൈവ​രു​ത്തു​ന്നതു പരിണാ​മമല്ല, സൃഷ്ടി​യാണ്‌ എന്നത്‌ എങ്ങനെ എന്നും എല്ലാവ​രും അറിയാൻ നാം തീർച്ച​യാ​യും ആഗ്രഹി​ക്കു​ന്നു.

² ഏററവും മഹാനായ മനുഷ്യൻപു​സ്‌ത​ക​ത്തി​ന്റെ ലളിത​വും നേരി​ട്ടു​ള​ള​തു​മായ ഒരു അവതരണം ഇതാ.

വീട്ടുകാരനെ അഭിവാ​ദ്യം ചെയ്‌തിട്ട്‌ നിങ്ങൾക്ക്‌ ഇങ്ങനെ ചോദി​ക്കാം:

◼“യേശു​ക്രി​സ്‌തു ഒരു ചരി​ത്ര​പു​രു​ഷ​നും ഒരു നല്ല മനുഷ്യ​നു​മാ​യി​രു​ന്നു എന്ന്‌ ഒട്ടുമി​ക്ക​യാ​ളു​ക​ളെ​യും​പോ​ലെ താങ്കളും വിശ്വ​സി​ക്കു​ന്നു​വോ? അങ്ങനെ​യെ​ങ്കിൽ, അവന്റെ ജീവി​ത​ത്തെ​യും പ്രബോ​ധ​ന​ങ്ങ​ളെ​യും കുറിച്ചു കൂടുതൽ പഠിക്കാൻ നിങ്ങൾ ഇഷ്ടപ്പെ​ടു​ന്നു​വോ? യേശു പഠിപ്പി​ച്ച​തും ചെയ്‌ത​തു​മാ​യി ബൈബിൾ പറയുന്ന കാര്യങ്ങൾ വ്യക്തമാ​യി മനസ്സി​ലാ​വും​വി​ധം അവതരി​പ്പി​ക്കു​ന്ന​താ​ണീ പുസ്‌തകം. ഈ പുസ്‌തകം 40.00 രൂപ സംഭാ​വ​നക്കു ഞങ്ങൾ ആളുകൾക്കു കൊടു​ക്കു​ന്നുണ്ട്‌.”

³ അല്ലെങ്കിൽ, നിങ്ങളെ പരിച​യ​പ്പെ​ടു​ത്തി​യിട്ട്‌, ഇങ്ങനെ പറയാം:

◼“യേശു​ക്രി​സ്‌തു പഠിപ്പിച്ച സംഗതി​ക​ളെ​ക്കു​റിച്ച്‌ ഒരു ഏകദേ​ശ​ധാ​രണ നിങ്ങൾക്കു​ണ്ടാ​യി​രി​ക്കാം. യേശു​വി​ന്റെ ജീവി​ത​ത്തെ​യും ശുശ്രൂ​ഷ​യെ​യും നാം ഏകാ​ഗ്ര​മാ​യി നോക്ക​ണ​മെന്നു ബൈബിൾ പറയുന്നു എന്നു നിങ്ങൾക്ക്‌ അറിയാ​മോ? [എബ്രായർ 12:2, NW വായി​ക്കുക.] പിതാ​വി​ങ്ക​ലേ​ക്കു​ളള ഒരേ ഒരു വഴി താനാ​ണെ​ന്നും തന്നെയും പിതാ​വി​നെ​യും കുറിച്ചു സൂക്ഷ്‌മ​മായ പരിജ്ഞാ​നം നേടി​യാ​ലേ ഒരു വ്യക്തിക്കു നിത്യ​ജീ​വൻ ലഭിക്കു​ക​യു​ള​ളൂ​വെ​ന്നും യേശു​തന്നെ പറഞ്ഞി​രു​ന്നു എന്നതാണ്‌ അതിന്റെ കാരണം. [യോഹ​ന്നാൻ 14:6; 17:3 എന്നിവ​യിൽ ഏതെങ്കി​ലും കാണി​ച്ചു​കൊ​ടു​ക്കുക.] അത്തരം ജീവദാ​യക പരിജ്ഞാ​നം നേടാൻ ഈ പുസ്‌തകം നിങ്ങളെ സഹായി​ക്കും.”

⁴ “സൃഷ്ടി”പുസ്‌ത​ക​മാ​ണു സമർപ്പി​ക്കു​ന്ന​തെ​ങ്കിൽ നിങ്ങൾക്ക്‌ ഇങ്ങനെ പറയാം:

◼“നമ്മുടെ ആദിമ പൂർവി​കർ ഏതു​പോ​ലെ​യാ​യി​രു​ന്നു എന്നാണു നിങ്ങൾ ചിന്തി​ക്കു​ന്നത്‌? [പ്രതി​ക​ര​ണ​ത്തിന്‌ അനുവ​ദി​ക്കുക.] അവർ ഈ മനുഷ്യ​ക്കു​ര​ങ്ങി​നെ​പ്പോ​ലെ ആയിരു​ന്നോ? [സൃഷ്ടി​പു​സ്‌ത​ക​ത്തി​ന്റെ 83-ാം പേജ്‌ തുറക്കുക.] പ്രവൃ​ത്തി​കൾ 17:26-ൽ ബൈബിൾ പ്രസ്‌താ​വി​ക്കു​ന്നത്‌ എന്തെന്നു ശ്രദ്ധി​ക്കുക. [വായി​ക്കുക.] അപ്പോൾ, ‘മനുഷ്യ​ക്കു​രങ്ങി’ന്റെ ചിത്രങ്ങൾ എന്തിനെ അടിസ്ഥാ​ന​മാ​ക്കി വരച്ചതാണ്‌?” 89-ാം പേജിലെ ചിത്ര​ത്തി​നു കീഴെ​യു​ളള കുറി​പ്പി​ലേക്കു ശ്രദ്ധ ക്ഷണിക്കുക. ഈ പുസ്‌തകം വായി​ക്കു​ന്ന​തിൽനി​ന്നും ഈ ചോദ്യ​ത്തി​നു​ളള ഉത്തരം പഠിക്കു​ന്ന​തിൽനി​ന്നും പ്രയോ​ജനം നേടാ​വു​ന്ന​താണ്‌ എന്ന്‌ വീട്ടു​കാ​ര​നോ​ടു പറയുക.

⁵ “സൃഷ്ടി”പുസ്‌ത​ക​ത്തി​ന്റെ പുറം​ച​ട്ട​യി​ലേക്കു ചൂണ്ടി ഇങ്ങനെ പറയുന്ന മറെറാ​രു സമീപനം ഉപയോ​ഗി​ക്കാം:

◼“മനുഷ്യൻ ഇവിടെ വന്നത്‌ പരിണാ​മ​ത്താ​ലോ സൃഷ്ടി​യാ​ലോ? ഇതാണു ഞങ്ങൾ ഇന്ന്‌ അയൽക്കാ​രോ​ടു ചോദി​ക്കു​ന്നത്‌. നിങ്ങൾ എന്തു വിചാ​രി​ക്കു​ന്നു? [പ്രതി​ക​ര​ണ​ത്തിന്‌ അനുവ​ദി​ക്കുക.] ഉന്നത വിദ്യാ​ഭ്യാ​സ​മു​ളള പലരും പരിണാ​മത്തെ വസ്‌തു​ത​യാ​യി അംഗീ​ക​രി​ക്കു​ന്നുണ്ട്‌. പക്ഷേ, ഉന്നത വിദ്യാ​ഭ്യാ​സ​മു​ളള മററ​നേകർ അതിൽ വിശ്വ​സി​ക്കാ​ത്ത​വ​രാ​യും ഉണ്ട്‌. ഒരു മുൻ ബഹിരാ​കാ​ശ​സ​ഞ്ചാ​രി എത്തി​ച്ചേർന്നി​രി​ക്കുന്ന നിഗമനം ശ്രദ്ധി​ക്കുക. [122-3 പേജു​ക​ളി​ലെ പ്രസക്ത​മായ ആശയങ്ങൾ എടുത്തു​കാ​ണി​ക്കുക.] നാം എന്തു വിശ്വ​സി​ക്കണം—പരിണാ​മ​മോ സൃഷ്ടി​യോ? അതിനു നാം തെളി​വു​കൾ വ്യക്തി​പ​ര​മാ​യി പരി​ശോ​ധി​ക്കണം.” വീട്ടു​കാ​രൻ പുസ്‌തകം എടുക്കു​ന്നെ​ങ്കിൽ, നിങ്ങളു​ടെ അടുത്ത സന്ദർശ​ന​ത്തിൽ ഉത്തരം കൊടു​ക്കാ​വുന്ന ഒരു ചോദ്യം ഉന്നയി​ക്കുക.

⁶ നമ്മുടെ സ്രഷ്ടാ​വി​നെ​യും തന്റെ സൃഷ്ടി​കളെ സംബന്ധി​ച്ചു​ളള അവന്റെ സ്‌നേ​ഹ​പൂർവ​ക​മായ ഉദ്ദേശ്യ​ത്തെ​യും കുറിച്ചു പഠിക്കാൻ മററു​ള​ള​വരെ സഹായി​ക്കാൻ നിങ്ങൾ അതിയാ​യി ആഗ്രഹി​ക്കു​ന്നു​വോ? ഏററവും മഹാനായ മനുഷ്യൻപു​സ്‌തകം, സൃഷ്ടി​പു​സ്‌തകം എന്നിവ അതു ചെയ്യാൻ നിങ്ങളെ സഹായി​ക്കും. അവ നമ്മുടെ മഹാ​സ്ര​ഷ്ടാ​വായ, പരമാ​ധി​കാ​രി​യാം കർത്താ​വായ യഹോ​വക്കു ബഹുമാ​നം കരേറ​റു​ന്നു. കാരണം അവ അവന്റെ വേലകളെ പ്രകീർത്തി​ക്കു​ക​യും തന്റെ നാമത്തെ വിശു​ദ്ധീ​ക​രി​ക്കാ​നും ക്രിസ്‌തു​വി​ന്റെ രാജ്യ​ത്തി​ലൂ​ടെ മനുഷ്യ​വർഗത്തെ അനു​ഗ്ര​ഹി​ക്കാ​നു​മു​ളള അത്ഭുതാ​വ​ഹ​മായ തന്റെ ഉദ്ദേശ്യം പരസ്യ​പ്പെ​ടു​ത്തു​ക​യും ചെയ്യുന്നു.