മനുഷ്യ​വർഗ​ത്തി​ന്റെ സ്രഷ്ടാ​വിൽ വിശ്വാ​സം പടുത്തു​യർത്തൽ

¹ ജീവന്റെ ഉത്ഭവ​ത്തെ​യും ജീവി​ത​ത്തി​ന്റെ അർഥ​ത്തെ​യും കുറിച്ച്‌ ഏതെങ്കി​ലും തരത്തി​ലു​ളള നിഗമ​നങ്ങൾ മിക്കയാ​ളു​കൾക്കു​മു​ണ്ടാ​കും. തെററായ സ്വാധീ​ന​ങ്ങ​ളിൽ അകപ്പെ​ട്ടു​പോയ അനേകർ ഒരു ഉത്തരമെന്ന നിലയിൽ പരിണാ​മം സ്വീക​രി​ച്ചു. വിഷയ​ത്തി​ന്റെ രണ്ടു വശത്തും ആഴത്തിൽ പരതി പരി​ശോ​ധി​ക്കുന്ന സൃഷ്ടി​പു​സ്‌തകം ബൈബി​ളി​നെ പിന്താ​ങ്ങുന്ന അതിശ​ക്ത​മായ തെളി​വു​കൾ നൽകുന്നു. ശ്രദ്ധി​ക്കാൻ മനസ്സു കാണിച്ച ആത്മാർഥ​ത​യു​ളള ആളുകളെ നമുക്ക്‌ എങ്ങനെ സഹായി​ക്കാ​നാ​വും? മടക്കസ​ന്ദർശ​നങ്ങൾ നടത്തി​ക്കൊണ്ട്‌. നാം തിരികെ ചെല്ലു​മ്പോൾ, നമ്മുടെ സ്രഷ്ടാവ്‌ എന്ന നിലയിൽ യഹോ​വ​യിൽ വിശ്വാ​സം പടുത്തു​യർത്താൻ പാകത്തിൽ സംസാ​രി​ക്കാൻ മനസ്സിൽ എന്തെങ്കി​ലും വ്യക്തമായ ആശയമു​ണ്ടാ​യി​രി​ക്കു​ന്നതു നല്ലതാണ്‌.

² ബൈബി​ളിൽ വിശ്വാ​സം പ്രകട​മാ​ക്കിയ ഒരു വ്യക്തി​യാ​ണെ​ങ്കിൽ, സംഭാ​ഷണം തുടങ്ങു​ന്ന​തിന്‌ ഈ സമീപനം ഫലപ്ര​ദ​മാ​യി​രി​ക്കാം:

◼“യെശയ്യാ​വു 45:18 പ്രപഞ്ച​ത്തി​ന്റെ ഉത്‌പ​ത്തി​യെ​ക്കു​റി​ച്ചു ശക്തമായ ഒരു പ്രസ്‌താ​വന നടത്തുന്നു; അതി​നെ​ക്കു​റി​ച്ചു താങ്കൾക്ക്‌ എന്തു തോന്നു​ന്നു എന്ന്‌ അറിഞ്ഞാൽ കൊള​ളാ​മെ​ന്നുണ്ട്‌. [വായി​ച്ചിട്ട്‌ അഭി​പ്രാ​യം പറയാൻ അനുവ​ദി​ക്കുക.] ആകാശ​ങ്ങ​ളു​ടെ​യും ഭൂമി​യു​ടെ​യും സ്രഷ്ടാ​വാ​യി യഹോവ സ്വയം തിരി​ച്ച​റി​യി​ക്കു​ന്നു. ഈ ഭൂമി​യി​ലെ ജീവന്റെ കാര്യ​മോ? യെശയ്യാ​വു 42:5 അതിനു​ളള സകല മഹത്ത്വ​വും അവനു കൊടു​ക്കു​ന്നു. [വായി​ക്കുക.] ബൈബിൾ പറയു​ന്നതു സത്യ​മെ​ങ്കിൽ, പരിണാ​മം തെററാ​യി​രി​ക്കണം. ബൈബി​ളി​നെ വിശ്വ​സി​ക്കാ​നാ​വും എന്നു താങ്കൾക്കു തോന്നു​ന്നു​ണ്ടോ?” സൃഷ്ടി​പു​സ്‌ത​ക​ത്തി​ന്റെ 17-ാം അധ്യായം പരാമർശി​ച്ചിട്ട്‌, സ്രഷ്ടാവ്‌ എന്നനി​ല​യിൽ യഹോ​വ​യിൽ വിശ്വ​സി​ക്കു​ന്ന​തി​നു​ളള കൂടു​ത​ലായ കാരണങ്ങൾ ചൂണ്ടി​ക്കാ​ണി​ക്കുക.

³ ഇതു​പോ​ലെ എന്തെങ്കി​ലും പറഞ്ഞു​കൊണ്ട്‌ നിങ്ങളു​ടെ സംഭാ​ഷണം ആരംഭി​ക്കാ​നാ​വും:

◼“ഞാൻ കഴിഞ്ഞ പ്രാവ​ശ്യം വന്നപ്പോൾ, ഒരു ചോദ്യം ചോദി​ച്ചി​രു​ന്നു, മനുഷ്യ​ന്റെ​യും ഭൂമി​യു​ടെ​യും ഭാവി എന്താണ്‌? ഞാൻ താങ്കൾക്കു തന്നിട്ടു​പോയ പുസ്‌തകം ആ ചോദ്യ​ത്തിന്‌ എങ്ങനെ ഉത്തരം പറയുന്നു എന്നു ശ്രദ്ധി​ക്കുക. സൃഷ്ടി​പു​സ്‌ത​ക​ത്തി​ന്റെ 234-5 പേജു​ക​ളി​ലേക്കു മറിച്ചിട്ട്‌ 6, 7 എന്നീ ഖണ്ഡികകൾ വായി​ക്കാൻ അദ്ദേഹത്തെ പ്രോ​ത്സാ​ഹി​പ്പി​ക്കുക. കൂടു​ത​ലായ താത്‌പ​ര്യം കാണി​ക്കു​ന്നെ​ങ്കിൽ നിങ്ങൾക്ക്‌ ഇങ്ങനെ ചോദി​ക്കാ​വു​ന്ന​താണ്‌: “ഭൂമി​യിൽ ഏതു നാടകീ​യ​മായ മാററങ്ങൾ സംഭവി​ക്കു​മെ​ന്നാ​ണു നിങ്ങൾ വിചാ​രി​ക്കു​ന്നത്‌?” ഉചിത​മെ​ങ്കിൽ, ആ സമയത്തോ നിങ്ങളു​ടെ അടുത്ത സന്ദർശ​ന​സ​മ​യ​ത്തോ ഈ ആശയം ചർച്ച​ചെ​യ്യാ​വു​ന്ന​താണ്‌. അങ്ങനെ നിങ്ങൾക്ക്‌ സൃഷ്ടി​പു​സ്‌ത​ക​ത്തി​ലെ അതേ അധ്യാ​യ​ത്തി​ലെ മററു ഖണ്ഡിക​ക​ളി​ലേക്കു ചർച്ച തുടരു​ക​യും ചെയ്യാ​വു​ന്ന​താണ്‌.

⁴ വീട്ടു​കാ​രൻ എടുത്തി​രി​ക്കു​ന്നത്‌ “ഏററവും മഹാനായ മനുഷ്യൻ”പുസ്‌ത​ക​മാ​ണെ​ങ്കിൽ നിങ്ങൾക്ക്‌ ഇങ്ങനെ ചോദി​ക്കാം:

◼“തങ്ങൾ തേടുന്ന സന്തുഷ്ടി കണ്ടെത്താൻ ഇന്ന്‌ അനേകം ആളുകൾക്കും സാധി​ക്കു​ന്നില്ല എന്നതു നിങ്ങൾ ശ്രദ്ധി​ച്ചി​ട്ടു​ണ്ടോ? സന്തുഷ്ടി എങ്ങനെ കണ്ടെത്താ​മെന്നു യേശു​ക്രി​സ്‌തു പഠിപ്പി​ച്ചു. തന്നെയു​മല്ല, ശരിയാ​യതു ചെയ്യു​ന്ന​തിൽനിന്ന്‌ ഉളവാ​കുന്ന സന്തോ​ഷത്തെ അവൻ തന്റെ ജീവി​ത​ത്തിൽ പ്രതി​ഫ​ലി​പ്പി​ക്കു​ക​യും ചെയ്‌തു.” മത്തായി 5:3-12-ലെ [NW] ‘സന്തുഷ്ടി​കളി’ലേക്കു ശ്രദ്ധ ക്ഷണിക്കുക. അവയിൽ ചിലത്‌ ഏററവും മഹാനായ മനുഷ്യൻപു​സ്‌ത​ക​ത്തി​ന്റെ 35-ാം അധ്യാ​യ​ത്തിൽ സൂചി​പ്പി​ച്ചി​ട്ടുണ്ട്‌. തന്റെ ആത്മീയ ആവശ്യ​ങ്ങ​ളെ​ക്കു​റി​ച്ചു ബോധ​വാ​നാ​കു​ന്ന​തു​കൊണ്ട്‌ സന്തുഷ്ടി എങ്ങനെ കൈവ​രു​ന്നു എന്നു വിശേ​ഷി​ച്ചും പ്രകട​മാ​ക്കുക. തുടർന്ന്‌, ഈ ആവശ്യം നിറ​വേ​റ​റു​ന്ന​തിന്‌ ഒരു ഭവന​ബൈ​ബി​ള​ധ്യ​യനം എപ്രകാ​രം ഒരു ഉത്തമ ചുവടു​വ​യ്‌പാ​യി​രി​ക്കു​ന്നു എന്നു വിശദ​മാ​ക്കുക.

⁵ നിങ്ങളു​ടെ മടക്കസ​ന്ദർശനം ആരംഭി​ക്കാ​വുന്ന മറെറാ​രു വിധം, ഇങ്ങനെ പറയുക:

◼“തിൻമ​യും ദുഷ്ടത​യും നിമിത്തം മനുഷ്യ​വർഗം ഒരുപാ​ടു വേദന​യും ദുഃഖ​വും അനുഭ​വി​ച്ചി​ട്ടുണ്ട്‌. എന്നാൽ ഈ അവസ്ഥകൾക്കെ​ല്ലാം അന്തംവ​രു​ത്തു​മെന്ന്‌ ഈ ഭൂമി​യു​ടെ സ്രഷ്ടാ​വായ യഹോവ വാഗ്‌ദാ​നം ചെയ്‌തി​ട്ടുണ്ട്‌. [133-ാം പേജി​ലേക്കു തിരിഞ്ഞ്‌ സദൃശ​വാ​ക്യ​ങ്ങൾ 2:21, 22 വായി​ക്കുക.] യേശു​വി​ന്റെ മാതൃക, പ്രബോ​ധ​നങ്ങൾ എന്നിവ​യി​ലൂ​ടെ യഹോ​വ​യാം ദൈവം നമ്മെ പഠിപ്പി​ച്ചി​ട്ടു​ളള സംഗതി​കൾ പഠിച്ച്‌ ബാധക​മാ​ക്കു​ന്ന​വർക്ക്‌ അത്ഭുതാ​വ​ഹ​മായ അനു​ഗ്ര​ഹ​ങ്ങൾക്കാ​യി നോക്കി​പ്പാർത്തി​രി​ക്കാ​നാ​വും.” 25, 26, 37, 44, 46, 47, 52, 58, 70 എന്നിങ്ങ​നെ​യു​ളള അധ്യാ​യ​ങ്ങ​ളിൽ പരാമർശി​ച്ചി​രി​ക്കുന്ന ഒന്നോ രണ്ടോ അത്ഭുത​ങ്ങ​ളി​ലേക്കു ശ്രദ്ധ ക്ഷണിച്ചു​കൊണ്ട്‌ നമുക്ക്‌ എങ്ങനെ​യാണ്‌ അത്തരം പ്രത്യാ​ശ​യ്‌ക്ക്‌ ഒരു ഉറപ്പാർന്ന അടിസ്ഥാ​നം ഉളളത്‌ എന്നു പ്രകട​മാ​ക്കുക.

⁶ മടക്കസ​ന്ദർശ​ന​ങ്ങൾക്കു​വേണ്ടി നിശ്ചയി​ച്ചു​റ​പ്പിച്ച സമയപ്പ​ട്ടിക ഉണ്ടായി​രി​ക്കു​ന്നത്‌ ഏററവും നല്ലതാണ്‌ എന്നു പരിച​യ​സ​മ്പ​ന്ന​രായ പ്രസാ​ധകർ മനസ്സി​ലാ​ക്കി​യി​ട്ടുണ്ട്‌. ഈ വാരം ഈ വേലയ്‌ക്കു വ്യക്തമായ ക്രമീ​ക​ര​ണങ്ങൾ ഉണ്ടായി​രി​ക്കു​ന്നത്‌ താത്‌പ​ര്യ​ത്തെ നേരം​ക​ള​യാ​തെ പിൻപ​റ​റാൻ നമ്മെ സഹായി​ക്കും. നിങ്ങൾക്കും നിങ്ങളു​ടെ പ്രദേ​ശത്തു താമസി​ക്കുന്ന ആളുകൾക്കും പററിയ ഏററവും നല്ല സമയം ഏതെന്നു നിശ്ചയി​ക്കുക. ഈ വേലയിൽ നിങ്ങൾ ക്രമമാ​യി പങ്കുപ​റ​റുക. “ശിഷ്യ​രാ​ക്കി​ക്കൊൾവിൻ” എന്ന നിയോ​ഗം നിറ​വേ​റ​റു​ന്ന​തി​ലെ സന്തോഷം നിങ്ങൾ കണ്ടെത്തും.—മത്തായി 28:19, 20.