പുതിയ സർക്കിട്ട്‌ സമ്മേള​ന​പ​രി​പാ​ടി

ആയിര​ത്തി​ത്തൊ​ള്ളാ​യി​ര​ത്തി​തൊ​ണ്ണൂ​റ്റാറ്‌ മാർച്ചിൽ ആരംഭി​ക്കുന്ന സർക്കിട്ട്‌ സമ്മേള​ന​ത്തി​ന്റെ വിഷയം “ദൈവ​വ​ചനം അനുസ​രി​ക്കു​ന്ന​തി​നു ശ്രദ്ധി​ക്കു​ക​യും, പഠിക്കു​ക​യും ചെയ്യുക” എന്നതാണ്‌. ആവർത്ത​ന​പു​സ്‌തകം 31:12, 13 [NW]-നെ അടിസ്ഥാ​ന​മാ​ക്കി​യു​ള്ള​താ​ണിത്‌. നാം പഠിക്കു​ക​യും ബാധക​മാ​ക്കു​ക​യും ചെയ്യേണ്ട പാഠങ്ങൾ വിശേ​ഷ​വൽക്ക​രി​ക്കാൻ ഈ വിഷയം മുഴു​പ​രി​പാ​ടി​ക്കും ഉചിത​മായ അടിസ്ഥാ​നം പ്രദാനം ചെയ്യുന്നു.

² ഇന്ന്‌ ബഹുഭൂ​രി​പക്ഷം ആളുക​ളും വഴി​തെ​റ്റി​ക്കുന്ന നിശ്വസ്‌ത മൊഴി​കൾക്കു ശ്രദ്ധ​കൊ​ടു​ക്കു​ന്നു​വെ​ങ്കി​ലും നാമോ​രോ​രു​ത്ത​രും ദൈവ​വ​ചനം ശ്രദ്ധി​ക്കു​ക​യും അതു അനുസ​രി​ക്കാൻ പഠിക്കു​ക​യും ചെയ്യേ​ണ്ട​തി​ന്റെ മർമ​പ്ര​ധാ​ന​മായ ആവശ്യ​മുണ്ട്‌. (ലൂക്കൊ. 11:28; 1 തിമൊ. 4:1) ഇതു മനസ്സിൽ പിടി​ച്ചു​കൊണ്ട്‌, പ്രസാ​ധ​കർക്കും കുടും​ബ​ങ്ങൾക്കും മൂപ്പൻമാർക്കും പയനി​യർമാർക്കും പ്രോ​ത്സാ​ഹ​ന​വും സഹായ​വും പ്രദാനം ചെയ്യു​ന്ന​തി​നു​വേണ്ടി തയ്യാറാ​ക്കി​യി​രി​ക്കു​ന്ന​താണ്‌ ഈ സർക്കിട്ട്‌ സമ്മേള​ന​പ​രി​പാ​ടി. ശനിയാഴ്‌ച നാലു ഭാഗങ്ങ​ളുള്ള ഒരു സിമ്പോ​സി​യം ഉണ്ടായി​രി​ക്കും. അതിന്റെ വിഷയം “നമ്മുടെ പ്രശ്‌ന​ങ്ങളെ തരണം ചെയ്യൽ—ദൈവ​വ​ച​ന​ത്തി​നു ശ്രദ്ധ കൊടു​ത്തു​കൊണ്ട്‌” എന്നതാണ്‌. ഞായറാഴ്‌ച രാവിലെ “തിരു​വെ​ഴു​ത്തു​കൾ നീതി​യിൽ ശിക്ഷണം നൽകുന്ന വിധം” എന്ന ശീർഷ​ക​ത്തി​ലുള്ള ഒരു സിമ്പോ​സി​യം ഉണ്ടായി​രി​ക്കും. നിങ്ങളും നിങ്ങളു​ടെ കുടും​ബ​വും നഷ്ടപ്പെ​ടു​ത്ത​രു​താത്ത ആത്മീയ പ്രോ​ത്സാ​ഹനം മുഴു​പ​രി​പാ​ടി​യും പ്രദാ​നം​ചെ​യ്യും.

³ ശനിയാ​ഴ്‌ച​യും ഞായറാ​ഴ്‌ച​യും വയൽശു​ശ്രൂ​ഷ​ക്കുള്ള പ്രാ​യോ​ഗിക നിർദേ​ശങ്ങൾ പ്രദാ​നം​ചെ​യ്യ​പ്പെ​ടു​ക​യും പ്രകടി​പ്പി​ക്ക​പ്പെ​ടു​ക​യും ചെയ്യും. പ്രോ​ത്സാ​ഹ​ജ​ന​ക​വും പ്രബോ​ധ​നാ​ത്മ​ക​വു​മായ അനുഭ​വ​ങ്ങ​ളും അഭിമു​ഖ​ങ്ങ​ളും അവതരി​പ്പി​ക്ക​പ്പെ​ടും. അങ്ങനെ, ഹാജരാ​യി​രി​ക്കു​ന്ന​തി​നാ​ലും പഠിക്കു​ന്നത്‌ ബാധക​മാ​ക്കുക എന്ന ലക്ഷത്തിൽ ശ്രദ്ധി​ക്കു​ന്ന​തി​നാ​ലും ദൈവ​വ​ച​ന​ത്തി​ലെ കല്‌പ​നകൾ പൂർണ​മാ​യി അനുസ​രി​ക്കു​ന്ന​തി​നുള്ള മെച്ചമായ ഒരു നിലയി​ലാ​യി​രി​ക്കും നിങ്ങൾ.

⁴ സർക്കിട്ട്‌ സമ്മേള​ന​ത്തി​ന്റെ സവി​ശേ​ഷ​യി​ന​ങ്ങ​ളി​ലൊ​ന്നു പുതു​താ​യി സമർപ്പിച്ച സഹോ​ദ​രീ​സ​ഹോ​ദ​രൻമാ​രു​ടെ സ്‌നാ​പ​ന​മാ​യി​രി​ക്കും. സ്‌നാ​പ​നാർഥി​കൾ തങ്ങളുടെ സമർപ്പ​ണ​ത്തി​ന്റെ ഈ പരസ്യ​പ്ര​ഖ്യാ​പ​ന​ത്തിന്‌ ഏറെ മുമ്പേ തന്നെ സ്‌നാ​പ​ന​ത്തി​നുള്ള തങ്ങളുടെ ആഗ്രഹം അധ്യക്ഷ​മേൽവി​ചാ​ര​കനെ അറിയി​ക്കേ​ണ്ട​താണ്‌. അങ്ങനെ​യാ​വു​മ്പോൾ അവരു​മാ​യി കൂടി​ക്കാ​ണു​ന്ന​തിന്‌ മൂപ്പൻമാ​രെ ക്രമീ​ക​രി​ക്കാൻ അദ്ദേഹ​ത്തി​നു കഴിയും.

⁵ ഈ സർക്കിട്ട്‌ സമ്മേളന പരമ്പര​യു​ടെ പരസ്യ​പ്ര​സംഗ വിഷയം “ബൈബി​ളി​നാൽ നയിക്ക​പ്പെ​ടേ​ണ്ടത്‌ എന്തു​കൊണ്ട്‌?” എന്നതാണ്‌. ഹാജരാ​കു​ന്ന​തി​നു താത്‌പ​ര്യ​ക്കാ​രെ ക്ഷണിക്കുക. നിങ്ങൾക്കും നിങ്ങളു​ടെ കുടും​ബ​ത്തി​നും ലഭിക്കുന്ന, ഏറെ ആവശ്യ​മാ​യി​രി​ക്കുന്ന പ്രോ​ത്സാ​ഹ​ന​ത്തി​ന്റെ​യും സഹായ​ത്തി​ന്റെ​യും പ്രതീ​ക്ഷ​യിൽ മുഴു പരിപാ​ടി​ക്കും ഹാജരാ​കു​ന്ന​തി​നു സുനി​ശ്ചിത ആസൂ​ത്ര​ണങ്ങൾ ചെയ്യുക.