കെട്ടു​പ​ണി​ചെ​യ്യു​ന്ന​വ​രാ​യി​രി​ക്കുക

¹ “ഇടപെ​ടാൻ പ്രയാ​സ​മായ ദുർഘ​ട​സമയ”ങ്ങളിൽ ജീവി​ക്കു​ന്ന​തി​നാൽ നമു​ക്കെ​ല്ലാം പ്രോ​ത്സാ​ഹനം ആവശ്യ​മാണ്‌. (2 തിമോ. 3:1, NW) പൗലോസ്‌ തന്റെ നാളിൽപ്പോ​ലും ഈ ആവശ്യം സംബന്ധിച്ച്‌ വളരെ ബോധ​വാ​നാ​യി​രു​ന്ന​തി​നാൽ “പരസ്‌പര പ്രോ​ത്സാ​ഹന കൈമാറ്റ”ത്തിനുള്ള അവസര​ങ്ങ​ളെന്ന നിലയിൽ സഹോ​ദ​ര​ങ്ങ​ളു​മാ​യുള്ള സഹവാ​സത്തെ ഉപയോ​ഗി​ക്കാൻ അവൻ ആകാം​ക്ഷ​യു​ള്ള​വ​നാ​യി​രു​ന്നു. “അന്യോ​ന്യം ആത്മിക​വർദ്ധ​നെക്കു . . . ശ്രമി​ച്ചു​കൊൾക” എന്ന്‌ അവൻ തന്റെ സഹോ​ദ​രൻമാ​രെ ഉദ്‌ബോ​ധി​പ്പി​ച്ചു. (റോമ. 1:11, 12, NW; 14:19) ഈ ശ്രമങ്ങൾ ‘വിശ്വാ​സ​ത്തിൽ നിലനിൽക്കു​ന്ന​തി​നു ശിഷ്യൻമാ​രു​ടെ മനസ്സ്‌ ഉറപ്പി’ക്കുന്നതിൽ കലാശി​ച്ചു. (പ്രവൃ. 14:22) ഇന്നു നമുക്ക്‌ അത്തരം പ്രോ​ത്സാ​ഹനം അധിക​മാ​യി ആവശ്യ​മാണ്‌.

² നാം പറയുന്ന കാര്യ​ങ്ങ​ളാൽ നമുക്കു മറ്റുള്ള​വരെ കെട്ടു​പ​ണി​ചെ​യ്യാൻ കഴിയും. ഉചിത​മാ​യി ഉപയോ​ഗി​ക്കു​മ്പോൾ നമ്മുടെ വാക്കു​കൾക്ക്‌ “വെള്ളി​ത്താ​ല​ത്തിൽ പൊൻനാ​ര​ങ്ങ​പോ​ലെ” ആയിരി​ക്കാൻ കഴിയും. (സദൃ. 25:11) മീറ്റിം​ഗു​ക​ളിൽ പങ്കെടു​ക്കു​ന്ന​തി​നാൽ നാം “അന്യോ​ന്യം പ്രോ​ത്സാ​ഹി​പ്പി”ക്കുകയാണ്‌. (എബ്രാ. 10:25, NW) അനുഭ​വങ്ങൾ പങ്കുവ​യ്‌ക്കു​മ്പോ​ഴോ, പ്രശം​സി​ക്കു​മ്പോ​ഴോ, ആത്മീയ​കാ​ര്യ​ങ്ങൾ ചർച്ച ചെയ്യു​മ്പോ​ഴോ നമ്മുടെ നാവ്‌ ക്രിയാ​ത്മ​ക​മാ​യി ഉപയോ​ഗി​ക്കാൻ കഴിയും. നാവിന്റെ അത്തരം ഗുണക​ര​മായ ഉപയോ​ഗം ‘കേൾക്കു​ന്ന​വർക്കു കൃപ ലഭി​ക്കേ​ണ്ട​തി​ന്നു ആത്മീക​വർദ്ധ​നെക്ക്‌’ ഉതകുന്നു.—എഫെ. 4:29.

³ കെട്ടു​പ​ണി​ചെ​യ്യുന്ന കാര്യ​ങ്ങ​ളെ​ക്കൂ​റി​ച്ചു സംസാ​രി​ക്കുക: നമ്മുടെ സംസാ​ര​ത്തി​നുള്ള സഹായ​ക​മായ മാർഗ​നിർദേ​ശങ്ങൾ ഫിലി​പ്യർ 4:8-ൽ (NW) പൗലോസ്‌ പ്രദാനം ചെയ്‌തു. സത്യവും ഗൗരവാ​വ​ഹ​വും നീതി​നി​ഷ്‌ഠ​വും നിർമ​ല​വും പ്രിയ​ങ്ക​ര​വും പ്രശം​സ​നീ​യ​വും സൽഗു​ണ​വും പുകഴ്‌ച​യു​മായ കാര്യങ്ങൾ നാം പരിചി​ന്തി​ക്ക​ണ​മെന്ന്‌ അവൻ പറഞ്ഞു. നാം പറയുന്ന കാര്യങ്ങൾ ദൈവ​വ​ച​ന​ത്തി​ല​ധി​ഷ്‌ഠി​ത​മാ​ണെ​ങ്കിൽ അതു സത്യവും പ്രയോ​ജ​ന​ക​ര​വു​മാ​യി​രി​ക്കു​മെന്നു നമുക്ക്‌ എല്ലായ്‌പോ​ഴും ഉറപ്പു​ണ്ടാ​യി​രി​ക്കാൻ കഴിയും. (യോഹ. 17:17) നമ്മുടെ ക്രിസ്‌തീയ സമർപ്പണം, സഭാ​യോ​ഗ​ങ്ങ​ളിൽ നാം പഠിക്കുന്ന കാര്യങ്ങൾ, നാം നമ്മുടെ ശുശ്രൂഷ പൂർണ​മാ​യി നിറ​വേ​റ്റുന്ന വിധം, ഇതും ഇതു​പോ​ലുള്ള മറ്റു കാര്യ​ങ്ങ​ളു​മാണ്‌ ഗൗരവാ​വ​ഹ​മായ കാര്യങ്ങൾ. ദൈവ​വ​ച​ന​ത്തി​ലെ നിലവാ​ര​ങ്ങ​ളും തത്ത്വങ്ങ​ളും സംബന്ധിച്ച കെട്ടു​പ​ണി​ചെ​യ്യുന്ന സംഭാ​ഷ​ണങ്ങൾ നമ്മെ “രക്ഷെക്കു ജ്ഞാനി​യാ​ക്കു​വാൻ” തീർച്ച​യാ​യും സഹായി​ക്കും. (2 തിമൊ. 3:15) യഹോ​വ​യു​ടെ ശുദ്ധി​യുള്ള സ്ഥാപന​ത്തി​ലു​ള്ള​വ​രു​ടെ നിർമ​ല​മായ നടത്ത സംബന്ധിച്ച നമ്മുടെ വിലമ​തി​പ്പു നമുക്കു പ്രകടി​പ്പി​ക്കാം. നമ്മുടെ സഹോ​ദ​ര​ങ്ങ​ളു​ടെ പ്രിയ​ങ്ക​ര​മാ​യ​പ്ര​വൃ​ത്തി​കളെ നമുക്കു പുകഴ്‌ത്താൻ കഴിയും. (യോഹ. 13:34, 35) പ്രശം​സ​നീ​യ​മായ കാര്യ​ങ്ങ​ളിൽ, നാം നമ്മുടെ സഹോ​ദ​ര​ങ്ങ​ളിൽ നിരീ​ക്ഷി​ക്കുന്ന വിശ്വാ​സം, സന്തോഷം, സമാധാ​നം, ദീർഘക്ഷമ തുടങ്ങിയ ആരോ​ഗ്യാ​വ​ഹ​മായ ക്രിസ്‌തീയ ഗുണങ്ങൾ ഉൾപ്പെ​ടു​ന്നു. സദ്‌ഗു​ണ​വും സ്‌തു​ത്യർഹ​വു​മായ കാര്യ​ങ്ങ​ളെ​ക്കു​റി​ച്ചുള്ള സംഭാ​ഷണം മറ്റുള്ള​വരെ ‘കെട്ടു​പണി ചെയ്യാൻ നല്ലതാണ്‌.’—റോമ. 15:2, NW.

⁴ ലോക​ത്തി​ന്റെ നിരു​ത്സാ​ഹ​പ്പെ​ടു​ത്തുന്ന ഉത്‌ക​ണ്‌ഠ​കളെ നാം അനുദി​നം അഭിമു​ഖീ​ക​രി​ക്കു​ന്നു. അവയെ മാറ്റി​വ​ച്ചിട്ട്‌ നമ്മുടെ സഹോ​ദ​ര​ങ്ങ​ളോ​ടൊ​ത്തു സ്‌നേ​ഹ​പൂർവ​ക​മായ സഹവാസം പങ്കിടു​ന്നത്‌ എത്ര നവോൻമേ​ഷ​ദാ​യ​ക​മാണ്‌! ഒത്തൊ​രു​മി​ച്ചു ചെലവ​ഴി​ക്കാൻ കഴിയുന്ന വില​യേ​റിയ സമയം കാത്തു​പ​രി​പാ​ലി​ക്കേണ്ട ഒരു നിധി​യാണ്‌. നാം എല്ലായ്‌പോ​ഴും പ്രോ​ത്സാ​ഹി​പ്പി​ക്കു​ന്ന​വ​രും കെട്ടു​പണി ചെയ്യു​ന്ന​വ​രും ആണെങ്കിൽ മറ്റുള്ളവർ നമ്മെക്കു​റിച്ച്‌ സത്യമാ​യും ഇങ്ങനെ പറയും: ‘അവർ എന്റെ മനസ്സു തണുപ്പി​ച്ചു.’—1 കൊരി. 16:18.