സ്‌കൂ​ളിൽ ക്രിസ്‌തീയ നടത്ത

¹ നിങ്ങൾ സ്‌കൂ​ളിൽ പഠിക്കുന്ന ഒരു ക്രിസ്‌തീയ യുവാ​വാ​ണെ​ങ്കിൽ നിർമലത കാത്തു​സൂ​ക്ഷി​ക്കു​ന്ന​തി​നു നിങ്ങൾക്കു ശക്തമായ വിശ്വാ​സം ഉണ്ടായി​രി​ക്കേണ്ട ആവശ്യ​മുണ്ട്‌. നിങ്ങളു​ടെ വിശ്വാ​സത്തെ പരി​ശോ​ധി​ച്ചേ​ക്കാ​വുന്ന മോശ​മായ സഹവാ​സ​ങ്ങൾക്കും ചുറ്റു​പാ​ടു​കൾക്കും വിധേ​യ​രാ​ണു നിങ്ങൾ. “നിങ്ങളു​ടെ നല്ല പ്രവൃ​ത്തി​കളെ കണ്ടറി​ഞ്ഞി​ട്ടു . . . ദൈവത്തെ മഹത്ത്വ​പ്പെ​ടു​ത്തേ​ണ്ട​തി​ന്നു അവരുടെ ഇടയിൽ നിങ്ങളു​ടെ നടപ്പു നന്നായി​രി​ക്കേണം” എന്ന പത്രോ​സി​ന്റെ ബുദ്ധ്യു​പ​ദേശം നിങ്ങൾ ബാധക​മാ​ക്കു​ന്നതു പ്രധാ​ന​മാണ്‌. (1 പത്രൊ. 2:12) ഈ വെല്ലു​വി​ളി​യെ നേരി​ടു​ന്ന​തി​നു നിങ്ങൾക്കു ധൈര്യ​വും നിശ്ചയ​ദാർഢ്യ​വും ആവശ്യ​മാണ്‌.

² സ്‌കൂ​ളി​നു​ള്ളി​ലാ​യാ​ലും വെളി​യി​ലാ​യാ​ലും, വിവാ​ഹ​പൂർവ ലൈം​ഗി​കത, അശ്ലീല ഭാഷ, പുകയില, മയക്കു​മ​രു​ന്നു ദുരു​പ​യോ​ഗം എന്നിവ​യു​ടെ ദുഷിച്ച സ്വാധീ​നങ്ങൾ നിങ്ങളു​ടെ​മേൽ വർഷി​ച്ചു​കൊ​ണ്ടി​രി​ക്കു​ക​യാണ്‌. ദിനം​തോ​റും നിങ്ങളു​ടെ നല്ല നടത്തയെ ഭീഷണി​പ്പെ​ടു​ത്തുന്ന പ്രലോ​ഭ​ന​ങ്ങളെ അഭിമു​ഖീ​ക​രി​ക്കേണ്ടി വരുന്നു. അത്തരം പരി​ശോ​ധ​നകൾ സഹിച്ചു നിൽക്കേ​ണ്ട​തി​നു നിങ്ങൾ മുതിർന്ന​വ​രെ​പ്പോ​ലെ “വിശ്വാ​സ​ത്തി​ന്നു​വേണ്ടി പോരാ​ടേ”ണം.—യൂദാ 3; 1992 ഏപ്രിൽ 1 വീക്ഷാ​ഗോ​പു​ര​ത്തി​ന്റെ 20-23 പേജുകൾ കാണുക.

³ സ്‌കൂ​ളിൽ ദേശഭ​ക്തി​പ​ര​മായ ചടങ്ങു​ക​ളും ലൗകിക വിശേ​ഷ​ദി​വ​സ​ങ്ങ​ളു​മുണ്ട്‌. നിങ്ങളു​ടെ സ്‌കൂ​ളിൽ ദേശീ​യ​വും മതപര​വു​മായ ഏതു വിശേ​ഷ​ദി​വ​സ​ങ്ങ​ളാണ്‌ ആചരി​ച്ചു​പോ​രു​ന്നത്‌ എന്നു നിങ്ങൾക്ക​റി​യാ​മോ? വെല്ലു​വി​ളി ഉയർത്തുന്ന ഒരു സാഹച​ര്യം ഉയർന്നു​വ​രു​ന്നെ​ങ്കിൽ “നിങ്ങൾക്കുള്ള നല്ല നടപ്പിനെ ദുഷി​ക്കു​ന്നവർ നിങ്ങളെ പഴിച്ചു പറയു​ന്ന​തിൽ ലജ്ജി​ക്കേ​ണ്ട​തി​ന്നു നല്ലമന​സ്സാ​ക്ഷി​യു​ള്ള​വ​രാ​യി​രി”പ്പാൻ നിങ്ങൾക്കു കഴിയു​മോ?—1 പത്രൊ. 3:16.

⁴ സ്‌കൂ​ളി​ലെ സ്‌പോർട്‌സു​ക​ളു​ടെ​യോ സാമൂ​ഹിക കൂടി​വ​ര​വു​ക​ളു​ടെ​യോ വശീക​ര​ണ​ത്താൽ നിങ്ങൾ പ്രലോ​ഭി​ത​രാ​യെന്നു വരാം. സന്തോ​ഷ​ജ​ന​ക​മെന്നു തോന്നി​ക്കുന്ന ഈ പ്രവർത്ത​നങ്ങൾ മുഖേന നിങ്ങളു​ടെ വിശ്വാ​സ​ത്തി​നു വിട്ടു​വീഴ്‌ച വരാൻ കഴിയു​മെന്നു തിരി​ച്ച​റി​യ​ത്ത​ക്ക​വണ്ണം നിങ്ങൾ ജാഗ്ര​ത​യു​ള്ള​വ​രാ​യി​രി​ക്കണം. നിങ്ങൾക്കു ‘പരസ്‌പര പ്രോ​ത്സാ​ഹനം’ ആസ്വദി​ക്കാൻ കഴിയുന്ന, ഓരോ​രു​ത്ത​രും മറ്റേയാ​ളു​ടെ വിശ്വാ​സ​ത്താൽ കെട്ടു​പ​ണി​ചെ​യ്യ​പ്പെ​ടുന്ന, സഹവാ​സി​കളെ തിര​ഞ്ഞെ​ടു​ക്കേ​ണ്ട​തി​ന്റെ ആവശ്യ​ക​ത​യുണ്ട്‌.—റോമ. 1:12, NW.

⁵ നിങ്ങൾക്കു സഹിച്ചു​നിൽക്കാൻ കഴിയും, യഹോ​വ​യു​ടെ സഹായ​ത്തോ​ടെ: സാത്താൻ നിങ്ങളു​ടെ വിശ്വാ​സത്തെ നിരന്തരം പരി​ശോ​ധി​ച്ചു​കൊ​ണ്ടി​രി​ക്കു​ക​യാണ്‌. നിങ്ങൾ സഹി​ക്കേണ്ടി വരുന്ന പരി​ശോ​ധ​നകൾ തീവ്ര​മാ​യി​രു​ന്നേ​ക്കാം, എന്നാൽ അതിന്റെ പ്രതി​ഫലം എല്ലാത്തി​നും തക്കമൂ​ല്യ​മു​ള്ള​താണ്‌. (1 പത്രൊ. 1:6,7) സ്വന്ത കഴിവി​നാൽ വിജയ​പ്ര​ദ​രാ​കാൻ നിങ്ങൾക്കു കഴിയു​ക​യില്ല; സഹായ​ത്തി​നാ​യി നിങ്ങൾ യഹോ​വ​യി​ലേക്കു നോക്കണം. യേശു തന്റെ ശിഷ്യൻമാർക്ക്‌ ഇങ്ങനെ പ്രചോ​ദ​ന​മേകി: “പരീക്ഷ​യിൽ അകപ്പെ​ടാ​തി​രി​പ്പാൻ ഉണർന്നി​രു​ന്നു പ്രാർഥി​പ്പിൻ.” (മത്താ. 26:41) ശിക്ഷണ​വും ആത്മനി​യ​ന്ത്ര​ണ​വും ജീവത്‌പ്ര​ദാ​ന​മാണ്‌.—1 കൊരി. 9:27.

⁶ നിങ്ങളു​ടെ നടത്തനി​മി​ത്തം നിങ്ങൾ യഹോ​വ​യോ​ടു കണക്കു ബോധി​പ്പി​ക്കേ​ണ്ട​താ​ണെന്ന്‌ എല്ലായ്‌പോ​ഴും ഓർക്കുക. (സഭാ. 11:9) നിങ്ങൾ ചെയ്യു​ന്നതു മറ്റുള്ളവർ നിരീ​ക്ഷി​ക്കു​ന്നി​ല്ലെന്നു വരികി​ലും നിങ്ങൾ എന്തു ചെയ്യു​ന്നു​വെന്നു യഹോവ അറിയു​ന്നു, അവൻ ന്യായം വിധി​ക്കു​ക​യും ചെയ്യും. (എബ്രാ. 4:13) അവനെ സന്തോ​ഷി​പ്പി​ക്കു​ന്ന​തി​നുള്ള ആത്മാർഥ​മായ ആഗ്രഹം ‘ഭയത്തോ​ടും വിറയ​ലോ​ടും കൂടെ നിങ്ങളു​ടെ രക്ഷെക്കാ​യി പ്രവർത്തി​ക്കാൻ’ നിങ്ങളെ പ്രേരി​പ്പി​ക്കണം. (ഫിലി. 2:12) ദൈവ​വ​ചനം ദിവസേന വായി​ക്കു​ന്നത്‌ ഒരു വലിയ സഹായ​മാണ്‌. ഉത്തമ ബുദ്ധ്യു​പ​ദേ​ശ​ങ്ങ​ളും അനുക​രി​ക്കാൻ പറ്റിയ ദൃഷ്ടാ​ന്ത​ങ്ങ​ളും കൊണ്ട്‌ അതു നിറഞ്ഞി​രി​ക്കു​ന്നു.—എബ്രാ. 12:1-3.

⁷ മാതാ​പി​താ​ക്കളേ, നിങ്ങൾ ജീവത്‌പ്ര​ധാ​ന​മായ ഒരു പങ്കു വഹിക്കു​ന്നു. നിങ്ങളു​ടെ കുട്ടി​ക​ളു​ടെ മേൽനോ​ട്ടം നിങ്ങൾ വഹിക്കു​ക​യും അവർ അഭിമു​ഖീ​ക​രി​ക്കുന്ന പ്രശ്‌ന​ങ്ങ​ളെ​പ്പറ്റി ബോധ​വാൻമാ​രാ​യി​രി​ക്കു​ക​യും ആവശ്യ​മായ സഹായം പ്രദാ​നം​ചെ​യ്യു​ക​യും വേണം. നിങ്ങൾക്കു നിങ്ങളു​ടെ കുട്ടി​ക​ളു​മാ​യി ഒരു നല്ല ബന്ധമു​ണ്ടോ? ദൈവ നിയമ​ങ്ങ​ളെ​യും തത്ത്വങ്ങ​ളെ​യും​പറ്റി വിലമ​തി​പ്പുള്ള അറിവ്‌ നിങ്ങൾ അവരിൽ നട്ടുവ​ളർത്തി​യി​ട്ടു​ണ്ടോ? സമ്മർദ​ങ്ങ​ളെ​യോ പ്രലോ​ഭ​ന​ങ്ങ​ള​യോ അഭിമു​ഖീ​ക​രി​ക്കുന്ന സന്ദർഭ​ത്തിൽ നിങ്ങളു​ടെ കുട്ടികൾ ശക്തരാ​ണോ അതോ അവർ പെട്ടെന്നു തളർന്നു പിൻമാ​റു​മോ? തങ്ങളുടെ സമപ്രാ​യ​ക്കാ​രിൽനി​ന്നു വ്യത്യ​സ്‌ത​രാ​കേ​ണ്ടി​യി​രി​ക്കു​ന്നതി​നാൽ അവർ നിരു​ത്സാ​ഹി​ത​രാ​ണോ? മാതാ​പി​താ​ക്ക​ളെന്ന നിലയിൽ അവരെ സഹായി​ക്കു​ന്ന​തി​നുള്ള ഉത്തരവാ​ദി​ത്വം നിങ്ങൾക്കുണ്ട്‌. (ആവ. 6:6,7) നിങ്ങൾ നിങ്ങളു​ടെ വേല നന്നായി ചെയ്യു​ന്ന​പക്ഷം വിശ്വാ​സ​ത്തി​നു​വേ​ണ്ടി​യുള്ള പോരാ​ട്ട​ത്തിൽ വിജയ​ശ്രീ​ലാ​ളി​ത​രാ​കു​ന്ന​തിന്‌ അവരെ നിങ്ങൾക്കു സഹായി​ക്കാ​നാ​വും.—സദൃ. 22:6.