അവരുടെ വിശ്വാ​സം അനുക​രി​ക്കു​ക

¹ അപ്പോ​സ്‌ത​ല​നായ പൗലോസ്‌ വിശ്വാ​സത്തെ “ആശിക്കു​ന്ന​തി​ന്റെ ഉറപ്പും കാണാത്ത കാര്യ​ങ്ങ​ളു​ടെ നിശ്ചയ​വും” എന്നു നിർവ​ചി​ച്ചു. “വിശ്വാ​സം കൂടാതെ ദൈവത്തെ പ്രസാ​ദി​പ്പി​പ്പാൻ കഴിയു​ന്നതല്ല” എന്ന്‌ അവൻ കൂട്ടി​ച്ചേർത്തു. (എബ്രാ. 11:1, 6) വിശ്വാ​സം പ്രകട​മാ​ക്കു​ന്ന​തി​നും അതിൽ കവി​ഞ്ഞൊ​ഴു​കു​ന്ന​തി​നും അതിനെ അനുധാ​വനം ചെയ്യു​ന്ന​തി​നും പൗലോസ്‌ നമ്മെ ഉദ്‌ബോ​ധി​പ്പി​ച്ചു.—2 കൊരി. 4:13; കൊലൊ. 2:7; 2 തിമൊ. 2:22.

² ബൈബി​ളിൽ വിശദ​മാ​യി വിവരി​ച്ചി​രി​ക്കുന്ന, വിശ്വാ​സ​ത്തി​ന്റെ അനേകം മുന്തിയ ദൃഷ്ടാ​ന്ത​ങ്ങ​ളുണ്ട്‌. എബ്രായർ 11-ാം അധ്യാ​യ​ത്തിൽ, അഭഞ്‌ജ​മായ വിശ്വാ​സം പ്രകട​മാ​ക്കിയ സാക്ഷി​ക​ളു​ടെ ഒരു നീണ്ട പട്ടിക പൗലോസ്‌ നൽകുന്നു. വിശ്വാ​സ​ത്തി​നു​വേണ്ടി രക്തസാ​ക്ഷി​ത്വം​വ​രിച്ച ആദ്യത്തെ വ്യക്തി​യായ ഹാബേൽ ഈ പട്ടിക​യിൽ ഉൾപ്പെ​ടു​ന്നു. നോഹ​യും പട്ടിക​യിൽപെ​ടു​ന്നു, കാരണം വിശ്വാ​സം നിമിത്തം അവൻ തന്റെ കുടും​ബത്തെ രക്ഷിക്കു​ന്ന​തി​നാ​വ​ശ്യ​മായ ദൈവി​ക​ഭയം പ്രകട​മാ​ക്കി. അബ്രഹാം തന്റെ വിശ്വാ​സ​വും അനുസ​ര​ണ​വും നിമിത്തം പ്രശം​സി​ക്ക​പ്പെ​ടു​ന്നു. വിശ്വാ​സ​ത്താൽ മോശെ അദൃശ്യ​ദൈ​വത്തെ കണ്ടതു​പോ​ലെ ഉറച്ചു​നിൽക്കുക നിമിത്തം ശ്ലാഘി​ക്ക​പ്പെ​ടു​ന്നു. ദൃഷ്ടാ​ന്ത​ങ്ങ​ളു​ടെ പട്ടിക വളരെ നീണ്ടതാ​യി​രു​ന്ന​തി​നാൽ അവരെ​യെ​ല്ലാ​വ​രെ​യും​കു​റി​ച്ചു വിവരി​പ്പാൻ സമയം പോരാ എന്നു പൗലോസ്‌ പറഞ്ഞു. അവരുടെ “വിശു​ദ്ധ​ജീ​വ​ന​വും ഭക്തിയും” പുനര​വ​ലോ​ക​നം​ചെ​യ്യു​ക​വഴി നമുക്കു നമ്മുടെ വിശ്വാ​സം ബലിഷ്‌ഠ​മാ​ക്കാൻ കഴിയു​മെ​ന്ന​തിൽ നാം എത്ര നന്ദിയു​ള്ള​വ​രാണ്‌!—2 പത്രൊ. 3:11.

³ ഒന്നാം നൂറ്റാ​ണ്ടിൽ യേശു ഈ ചോദ്യം ഉന്നയിച്ചു: ‘മനുഷ്യ​പു​ത്രൻ വന്നെത്തു​മ്പോൾ അവൻ ഭൂമി​യിൽ യഥാർഥ​ത്തിൽ വിശ്വാ​സം കണ്ടെത്തു​മോ?’ (ലൂക്കൊ. 18:8, NW) കൊള്ളാം, അപ്പോൾ ഇന്നു നമുക്കു നമ്മു​ടെ​യി​ട​യിൽ വിശ്വാ​സ​ത്തി​ന്റെ ജീവി​ക്കുന്ന ദൃഷ്ടാ​ന്ത​ങ്ങ​ളു​ണ്ടോ? ബൈബിൾ കാലങ്ങ​ളി​ലെ ദൈവ​ജ​ന​ത്തി​ന്റെ കാര്യ​ത്തിൽ സത്യമാ​യി​രു​ന്ന​തു​പോ​ലെ, യഹോ​വ​യിൽ അചഞ്ചല​മായ വിശ്വാ​സം പ്രകട​മാ​ക്കുന്ന യുവജ​ന​ങ്ങ​ളും പ്രായ​മു​ള്ള​വ​രു​മായ സ്‌ത്രീ​പു​രു​ഷ​ന്മാ​രെ നാം കാണു​ന്നു​വോ?

⁴ വിശ്വാ​സ​ത്തി​ന്റെ ആധുനിക നാളിലെ ദൃഷ്ടാ​ന്തങ്ങൾ: വിശ്വാ​സ​ത്തി​ന്റെ മുന്തിയ ദൃഷ്ടാ​ന്തങ്ങൾ നമുക്കു​ചു​റ്റും കാണേ​ണ്ട​താണ്‌! നമ്മു​ടെ​യി​ട​യിൽ നേതൃ​ത്വം വഹിക്കുന്ന മേൽവി​ചാ​ര​ക​ന്മാ​രു​ടെ വിശ്വാ​സം അനുക​രി​ക്കാൻതക്ക മൂല്യ​മു​ള്ള​താണ്‌. (എബ്രാ. 13:7) എന്നാൽ ഇവർ മാത്രമല്ല വിശ്വാ​സ​ത്തിൽ മാതൃ​കാ​യോ​ഗ്യ​രാ​യവർ. ഓരോ സഭയോ​ടൊ​ത്തും സഹവസി​ച്ചി​രി​ക്കുന്ന വിശ്വ​സ്‌ത​രാ​യവർ യഹോ​വ​ക്കുള്ള വിശ്വ​സ്‌ത​സേ​വ​ന​ത്തി​ന്റെ നീണ്ട രേഖയു​ള്ള​വ​രാണ്‌, പലപ്പോ​ഴും വളരെ വിഷമ​ക​ര​മായ സാഹച​ര്യ​ങ്ങ​ളിൽപോ​ലും അവർ പറ്റിനി​ന്നി​രി​ക്കു​ന്നു.

⁵ എതിർക്കുന്ന ഭർത്താ​ക്ക​ന്മാ​രിൽനി​ന്നു വർഷങ്ങ​ളോ​ളം എതിർപ്പു സഹിച്ച നമ്മുടെ വിശ്വ​സ്‌ത​രായ സഹോ​ദ​രി​മാ​രെ​യും നാം ആദരി​ക്കണം. മാതാ​പി​താ​ക്ക​ളിൽ ഒരാൾ മാത്ര​മു​ള്ള​വർക്ക്‌ ഒറ്റയ്‌ക്കു കുട്ടി​കളെ വളർത്തി​ക്കൊ​ണ്ടു​വ​രു​ന്ന​തി​ന്റെ വെല്ലു​വി​ളി​യെ നേരി​ടേ​ണ്ടി​യി​രു​ന്നി​ട്ടുണ്ട്‌. നമ്മു​ടെ​യി​ട​യിൽ പ്രായ​മേ​റിയ വിധവ​മാ​രുണ്ട്‌. തങ്ങളെ പ്രോ​ത്സാ​ഹി​പ്പി​ക്കാൻ കുടും​ബാം​ഗങ്ങൾ ഇല്ലായി​രു​ന്നേ​ക്കാ​മെ​ങ്കിൽപ്പോ​ലും അവർ സഭാ​പ്ര​വർത്ത​ന​ങ്ങ​ളിൽ മുടക്കം വരുത്തു​ന്ന​തേ​യില്ല. (ലൂക്കൊസ്‌ 2:37 താരത​മ്യം ചെയ്യുക.) വിട്ടു​മാ​റാത്ത ആരോ​ഗ്യ​പ്ര​ശ്‌നങ്ങൾ നേരി​ടു​ന്ന​വ​രു​ടെ വിശ്വാ​സ​ത്തിൽ നാം അതിശ​യി​ക്കു​ന്നു. സേവന​ത്തി​ന്റെ കൂടു​ത​ലായ പദവി​ക​ളിൽ നിയമി​ക്ക​പ്പെ​ടു​ന്ന​തിൽനി​ന്നു തടയുന്ന പരിമി​തി​ക​ളു​ണ്ടെ​ങ്കിൽപോ​ലും അനേകർ വിശ്വ​സ്‌ത​ത​യോ​ടെ സേവി​ക്കു​ന്ന​തിൽ തുടരു​ന്നു. സ്‌കൂ​ളി​ലെ എതിർപ്പ്‌ ഉണ്ടായി​രു​ന്നി​ട്ടും ധൈര്യ​പൂർവം വിശ്വാ​സം പ്രകട​മാ​ക്കി​യി​രി​ക്കുന്ന യുവസാ​ക്ഷി​ക​ളുണ്ട്‌. വർഷം​തോ​റും എണ്ണമറ്റ പ്രശ്‌ന​ങ്ങ​ളു​ടെ മുമ്പിൽ ഉറച്ചു​നിൽക്കുന്ന വിശ്വ​സ്‌ത​രായ പയണി​യർമാ​രെ നാം നിരീ​ക്ഷി​ക്കു​ന്നതു നമ്മുടെ ദൈവി​ക​ഭക്തി വർധി​പ്പി​ക്കു​ന്നു. പൗലോ​സി​നെ​പ്പോ​ലെ, രാജ്യ​സേ​വ​ന​ത്തി​ലെ മുഴു അനുഭ​വ​ങ്ങ​ളും ഈ സഹോ​ദ​രീ​സ​ഹോ​ദ​ര​ന്മാർ പ്രകട​മാ​ക്കിയ വിശ്വാ​സ​ത്തി​ന്റെ പ്രവൃ​ത്തി​ക​ളും വിവരി​ക്കാൻ നാം ശ്രമി​ച്ചി​രു​ന്നെ​ങ്കിൽ സമയം തികയു​മാ​യി​രു​ന്നില്ല!

⁶ വിശ്വ​സ്‌ത​രു​ടെ ഈ ദൃഷ്ടാ​ന്തങ്ങൾ നമുക്ക്‌ ആശ്വാ​സ​വും പ്രോ​ത്സാ​ഹ​ന​വും നൽകുന്നു. (1 തെസ്സ. 3:7, 8) അവരുടെ വിശ്വാ​സത്തെ അനുക​രി​ക്കു​ന്ന​തി​നാ​യി പ്രവർത്തി​ക്കു​ന്നതു പ്രയോ​ജ​ന​പ്ര​ദ​മാണ്‌, കാരണം ‘വിശ്വ​സ്‌തത കാണി​ക്കു​ന്ന​വ​രിൽ [യഹോവ] പ്രസാ​ദി​ക്കു​ന്നു.’—സദൃ. 12:22, NW.