നിത്യ​ജീ​വ​നി​ലേക്കു നയിക്കുന്ന പരിജ്ഞാ​നം വ്യാപി​പ്പി​ക്കൽ

¹ യഹോ​വ​യാണ്‌ ‘മനുഷ്യർക്കു പരിജ്ഞാ​നം പഠിപ്പി​ച്ചു​കൊ​ടു​ക്കു​ന്നവൻ’ (സങ്കീ. 94:10, NW) സ്വീകാ​ര്യ​മായ വിധത്തിൽ അവനെ സേവി​ക്കു​ന്ന​തെ​ങ്ങ​നെ​യെ​ന്നുള്ള അറിവി​ല്ലാ​ത്ത​വ​രി​ലേക്ക്‌ അവനെ​ക്കു​റി​ച്ചുള്ള ജീവര​ക്ഷാ​ക​ര​മായ പരിജ്ഞാ​നം വ്യാപി​പ്പി​ക്കു​ന്ന​തിന്‌ അവൻ നമ്മെ ഉപയോ​ഗി​ക്കു​ന്നു. പരമാർഥ​ഹൃ​ദ​യി​ക​ളാ​യ​വർക്കു ദൈവ​വ​ച​ന​മായ ബൈബി​ളി​ലൂ​ടെ അവനെ​ക്കു​റി​ച്ചുള്ള ഒരു സൂക്ഷ്‌മ​ഗ്രാ​ഹ്യം നേടി​യെ​ടു​ക്കാൻ കഴിയു​ന്ന​തി​നുള്ള ഒരു മികച്ച പഠന ഉപാധി​യാണ്‌ നിത്യ​ജീ​വ​നി​ലേക്കു നയിക്കുന്ന പരിജ്ഞാ​നം എന്ന പുസ്‌തകം. (1 തിമൊ. 2:3, 4) പരിജ്ഞാ​നം പുസ്‌ത​ക​ത്തി​ലെ സത്യത്തി​ന്റെ വ്യക്തവും ന്യായ​യു​ക്ത​വു​മായ വികസി​പ്പി​ക്കൽ, യഹോവ എന്താണു തങ്ങളെ പഠിപ്പി​ക്കാൻ ആഗ്രഹി​ക്കു​ന്ന​തെന്നു ഗ്രഹി​ക്കാൻ ആളുകളെ സഹായി​ക്കും. അതു​കൊണ്ട്‌, നാം ശുശ്രൂ​ഷ​യിൽ പങ്കുപ​റ്റു​മ്പോൾ പല ഭാഷക​ളി​ലുള്ള പുസ്‌ത​ക​ങ്ങ​ളു​ടെ ഒരു ശേഖരം നമ്മോ​ടൊ​പ്പം ഉണ്ടാവണം. ഈ മാസം, പുസ്‌തകം വായി​ക്കാൻ ആളുകളെ പ്രേരി​പ്പി​ക്കുന്ന വിധത്തി​ലുള്ള സംഭാ​ഷ​ണ​ത്തി​ലേർപ്പെ​ടാൻ നാം ആഗ്രഹി​ക്കു​ന്നു. ചില നിർദേ​ശ​ങ്ങ​ളി​താ. ഇവ മനഃപാ​ഠ​മാ​ക്കാൻ ശ്രമി​ക്കു​ന്ന​തി​നു​പ​കരം മുഖ്യാ​ശ​യങ്ങൾ നിങ്ങളു​ടെ സ്വന്തം വാക്കു​ക​ളിൽ സ്വാഭാ​വിക സംഭാഷണ രീതി​യി​ലൂ​ടെ പ്രകടി​പ്പി​ക്കാൻ ശ്രമി​ക്കുക.

² പ്രിയ​പ്പെട്ട ഒരാളെ മിക്കവർക്കും മരണത്തിൽ നഷ്ടപ്പെ​ട്ടി​ട്ടു​ള്ള​തു​കൊ​ണ്ടു നിങ്ങൾക്കു പുനരു​ത്ഥാന പ്രത്യാ​ശയെ ഒരു സംഭാ​ഷ​ണ​ത്തി​ലേക്കു കൊണ്ടു​വ​രാൻ കഴിയും, ആദ്യം ഇങ്ങനെ പറഞ്ഞു​കൊണ്ട്‌:

◼“നമ്മില​നേ​കർക്കും പ്രിയ​പ്പെ​ട്ട​വരെ മരണത്തിൽ നഷ്ടപ്പെ​ട്ടി​ട്ടുണ്ട്‌. അങ്ങനെ​യൊ​രാ​ളെ വീണ്ടും കാണു​മോ​യെന്നു നിങ്ങൾ ചിന്തി​ച്ചി​ട്ടു​ണ്ടോ? [പ്രതി​ക​രി​ക്കാൻ അനുവ​ദി​ക്കുക.] മരണം മനുഷ്യ​നെ​ക്കു​റി​ച്ചുള്ള ദൈവ​ത്തി​ന്റെ ആദി​മോ​ദ്ദേ​ശ്യ​ത്തി​ന്റെ ഭാഗമാ​യി​രു​ന്നില്ല. നമ്മുടെ പ്രിയ​പ്പെ​ട്ട​വരെ മരണത്തിൽനി​ന്നു രക്ഷിക്കാൻ കഴിയു​മെന്നു യേശു തെളി​യി​ച്ചു. [യോഹ​ന്നാൻ 11:11, 25, 44 വായി​ക്കുക.] ഇതു നൂറ്റാ​ണ്ടു​കൾക്കു മുമ്പു സംഭവി​ച്ചെ​ങ്കിൽപ്പോ​ലും, ദൈവം നമുക്കു​വേണ്ടി എന്തു​ചെ​യ്യു​മെന്നു വാഗ്‌ദത്തം ചെയ്‌തി​രി​ക്കു​ന്നു​വെന്ന്‌ ഇതു പ്രകട​മാ​ക്കു​ന്നു. [പരിജ്ഞാ​നം പുസ്‌ത​ക​ത്തി​ന്റെ 85-ാം പേജിലെ ചിത്ര​ത്തി​ലേക്കു തുറന്നു ചിത്ര​ക്കു​റി​പ്പു വായി​ക്കുക. തുടർന്ന്‌ 86-ാം പേജിലെ ചിത്രം കാണിച്ച്‌ അതി​നെ​ക്കു​റിച്ച്‌ അഭി​പ്രാ​യം പറയുക.] പുനരു​ത്ഥാ​ന​ത്തി​ന്റെ ഈ ആശ്വാ​സ​പ്ര​ദ​മായ പ്രത്യാ​ശ​യെ​ക്കു​റി​ച്ചു കൂടുതൽ വായി​ക്കാൻ നിങ്ങൾ ഇഷ്ടപ്പെ​ടു​ന്നെ​ങ്കിൽ, ഈ പുസ്‌തകം നിങ്ങൾക്കു തരുന്ന​തിന്‌ എനിക്കു സന്തോ​ഷ​മുണ്ട്‌.”

³ പുനരു​ത്ഥാന പ്രത്യാ​ശ​യെ​ക്കു​റി​ച്ചുള്ള പ്രാരംഭ ചർച്ചയ്‌ക്കു​ശേഷം, അതേ വ്യക്തി​യോ​ടു​തന്നെ നിങ്ങൾക്ക്‌ അടുത്ത സംഭാ​ഷണം ഇപ്രകാ​രം ആരംഭി​ക്കാ​വു​ന്ന​താണ്‌:

◼“മരണം മനുഷ്യ​നു​വേ​ണ്ടി​യുള്ള ദൈവ​ത്തി​ന്റെ ആദി​മോ​ദ്ദേ​ശ്യ​ത്തി​ന്റെ ഭാഗമാ​യി​രു​ന്നി​ല്ലെന്നു ഞാൻ പറഞ്ഞതു നിങ്ങൾ ഓർമി​ച്ചേ​ക്കാം. അതു സത്യമാ​ണെ​ങ്കിൽ, നാം വാർധ​ക്യം പ്രാപി​ക്കു​ന്ന​തും മരിക്കു​ന്ന​തും എന്തു​കൊണ്ട്‌? ചില ആമകൾ 100-ലധികം വർഷങ്ങൾ ജീവി​ച്ചി​രി​ക്കു​ന്നു, ആയിര​ക്ക​ണ​ക്കി​നു വർഷം പഴക്കമുള്ള വൃക്ഷങ്ങ​ളുണ്ട്‌. മനുഷ്യർ 70-തോ 80-തോ വർഷം മാത്രം ജീവി​ച്ചി​രി​ക്കു​ന്ന​തെ​ന്തു​കൊണ്ട്‌? [പ്രതി​ക​രി​ക്കാൻ അനുവ​ദി​ക്കുക.] ആദ്യ മാനു​ഷ​ജോ​ടി ദൈവ​ത്തോട്‌ അനുസ​ര​ണ​ക്കേടു കാണി​ച്ച​തി​നാൽ നാം മരിക്കു​ന്നു.” റോമർ 5:12 വായി​ക്കുക. പരിജ്ഞാ​നം പുസ്‌ത​ക​ത്തി​ന്റെ 53-ാം പേജി​ലേ​ക്കു​തി​രിഞ്ഞ്‌ അധ്യാ​യ​ത്തി​ന്റെ ശീർഷകം വായി​ക്കുക. അച്ചടിച്ച ചോദ്യ​ങ്ങൾക്കുള്ള ഉത്തരങ്ങൾ ചൂണ്ടി​ക്കാ​ണി​ച്ചു​കൊണ്ട്‌ ആദ്യത്തെ മൂന്നു ഖണ്ഡികകൾ പരിചി​ന്തി​ക്കുക. അധ്യാ​യ​ത്തി​ന്റെ ശേഷിച്ച ഭാഗം ചർച്ച ചെയ്യു​ന്ന​തി​നു പിന്നീട്‌ ഒരു നിശ്ചി​ത​സ​മ​യത്തു തിരി​ച്ചു​ചെ​ല്ലാ​മെന്നു പറയുക. അതിനി​ട​യ്‌ക്കു വായന പൂർത്തി​യാ​ക്കാൻ വ്യക്തിയെ പ്രോ​ത്സാ​ഹി​പ്പി​ക്കുക.

⁴ മതപര​മായ ചായ്‌വുള്ള ഒരു വ്യക്തി​യോ​ടാ​ണു നിങ്ങൾ സംസാ​രി​ക്കു​ന്ന​തെ​ങ്കിൽ, നിങ്ങൾ ഇപ്രകാ​രം പറഞ്ഞേ​ക്കാം:

◼“അക്ഷരീ​യ​മാ​യി ഇന്നു നൂറു​ക​ണ​ക്കി​നു വ്യത്യസ്‌ത മതങ്ങളുണ്ട്‌. അവ എല്ലാത്തരം വൈരു​ധ്യാ​ത്മക വിശ്വാ​സ​ങ്ങ​ളും പഠിപ്പി​ക്കു​ന്നു. എല്ലാ മതങ്ങളും നല്ലതാ​ണെ​ന്നും നാം എന്തു വിശ്വ​സി​ക്കു​ന്നു​വെ​ന്നതു പ്രധാ​ന​മ​ല്ലെ​ന്നും ചിലയാ​ളു​കൾ പറയുന്നു. നിങ്ങളു​ടെ അഭി​പ്രാ​യ​മെ​ന്താണ്‌? [പ്രതി​ക​രി​ക്കാൻ അനുവ​ദി​ക്കുക.] യേശു സത്യമതം ഒന്നേയു​ള്ളു​വെന്നു പറയു​ക​യും അനേക രൂപങ്ങ​ളി​ലുള്ള ആരാധന ദൈവ​ത്തിന്‌ അസ്വീ​കാ​ര്യ​മാ​ണെന്നു വ്യക്തമാ​ക്കു​ക​യും ചെയ്‌തു. [മത്തായി 7:21-23 വായി​ക്കുക.] നാം ദൈവത്തെ പ്രസാ​ദി​പ്പി​ക്കാൻ ആഗ്രഹി​ക്കു​ന്നെ​ങ്കിൽ, അവന്റെ ഇഷ്ടത്തിനു ചേർച്ച​യിൽ നാം അവനെ ആരാധി​ക്കണം.” പരിജ്ഞാ​നം പുസ്‌ത​ക​ത്തി​ന്റെ 5-ാം അധ്യായം തുറന്നു ശീർഷകം വായി​ക്കു​ക​യും ഉപതല​ക്കെ​ട്ടു​ക​ളിൽ ചിലതു ചൂണ്ടി​ക്കാ​ണി​ക്കു​ക​യും ചെയ്യുക. ദൈവത്തെ പ്രസാ​ദി​പ്പി​ക്കാൻ കഴിയുന്ന വിധ​ത്തെ​ക്കു​റി​ച്ചു പഠിക്കാൻ ഈ വിവരം ഒരുവനെ സഹായി​ക്കു​മെന്നു വിശദീ​ക​രി​ക്കുക. 15 രൂപ സംഭാ​വ​ന​യ്‌ക്കു പുസ്‌തകം സമർപ്പി​ക്കുക.

⁵ ഒട്ടേറെ മതങ്ങൾനി​മി​ത്തം ആശയക്കു​ഴ​പ്പ​ത്തി​ലായ ആളുകൾ നിങ്ങളു​ടെ മടക്കസ​ന്ദർശ​ന​ത്തിൽ ഈ ചോദ്യ​ത്തി​നുള്ള ഉത്തരത്തെ വിലമ​തി​ച്ചേ​ക്കാം:

◼“ഒട്ടനവധി വ്യത്യസ്‌ത മതങ്ങൾ ഇന്നു നിലവി​ലു​ള്ള​തി​നാൽ, ശരിയാ​യത്‌ ഏതാ​ണെന്നു നമു​ക്കെ​ങ്ങനെ പറയാൻ കഴിയും? ഏതാണു ശരിയാ​യി​ട്ടു​ള്ള​തെന്നു നിങ്ങൾ എങ്ങനെ തീരു​മാ​നി​ക്കും? [പ്രതി​ക​രി​ക്കാൻ അനുവ​ദി​ക്കുക.] തന്റെ യഥാർഥ അനുഗാ​മി​കളെ തിരി​ച്ച​റി​യുന്ന വിധ​ത്തെ​ക്കു​റിച്ച്‌ യേശു നമ്മോടു പറഞ്ഞു.” യോഹ​ന്നാൻ 13:35 വായി​ക്കുക. പരിജ്ഞാ​നം പുസ്‌ത​ക​ത്തി​ന്റെ 5-ാം അധ്യാ​യ​ത്തി​ലെ 18-ഉം 19-ഉം ഖണ്ഡികകൾ പരിചി​ന്തി​ക്കുക. ഈ തിരു​വെ​ഴു​ത്തു മാർഗ​നിർദേ​ശ​ങ്ങ​ളും നിർധാ​രണ പ്രക്രി​യ​യും ഉപയോ​ഗി​ക്കു​ക​വഴി ഒരു വ്യക്തിക്കു സത്യമ​തത്തെ തിരി​ച്ച​റി​യാൻ കഴിയു​മെന്നു ചൂണ്ടി​ക്കാ​ണി​ക്കുക. യഹോ​വ​യു​ടെ സാക്ഷികൾ തങ്ങളുടെ യഥാർഥ സ്‌നേ​ഹ​വും ഉന്നത ധാർമിക നിലവാ​ര​ങ്ങ​ളും നിമിത്തം ലോക​വ്യാ​പ​ക​മാ​യി അറിയ​പ്പെ​ടുന്ന വിധ​ത്തെ​ക്കു​റി​ച്ചു വിവരി​ക്കുക. പരിജ്ഞാ​നം പുസ്‌തകം ഉപയോ​ഗി​ച്ചു​കൊ​ണ്ടുള്ള ഒരു ബൈബിൾ പഠനം യഹോവ അംഗീ​ക​രി​ക്കുന്ന ആരാധ​ന​യു​ടെ രൂപത്തെ എങ്ങനെ വ്യക്തമാ​യി തിരി​ച്ച​റി​യി​ക്കു​മെന്നു വിശദീ​ക​രി​ക്കുക.

⁶ നിങ്ങൾ ഒരു മാതാ​വി​നെ​യോ പിതാ​വി​നെ​യോ കണ്ടുമു​ട്ടു​ന്നെ​ങ്കിൽ, ഈ സമീപനം ഫലപ്ര​ദ​മാ​യി​രു​ന്നേ​ക്കാം:

◼“ധാർമിക മൂല്യങ്ങൾ ഒന്നും​തന്നെ ഇല്ലെന്നു​തോ​ന്ന​ത്ത​ക്ക​വി​ധ​ത്തി​ലുള്ള യുവജ​ന​ങ്ങ​ളു​ടെ താന്തോ​ന്നിത്ത പെരു​മാ​റ്റ​ത്തെ​ക്കു​റി​ച്ചുള്ള റിപ്പോർട്ടു​കൾ നാം ദിന​മ്പ്രതി കേൾക്കു​ന്നു. തെറ്റും ശരിയും തമ്മിലുള്ള വ്യത്യാ​സം കുട്ടി​കളെ പഠിപ്പി​ക്കാ​ത്ത​തി​നു ചില മുതിർന്നവർ സ്‌കൂൾ സമ്പ്രദാ​യത്തെ കുറ്റ​പ്പെ​ടു​ത്താൻ ആഗ്രഹി​ക്കു​ന്നു. ഈ പരിശീ​ലനം ആരു നൽകണ​മെ​ന്നാ​ണു നിങ്ങൾ വിചാ​രി​ക്കു​ന്നത്‌? [പ്രതി​ക​രി​ക്കാൻ അനുവ​ദി​ക്കുക.] ഈ ചോദ്യ​ത്തെ​പ്പറ്റി ബൈബിൾ എന്തു പറയു​ന്നു​വെന്നു ശ്രദ്ധി​ക്കുക. [എഫെസ്യർ 6:4 വായി​ക്കുക.] കുട്ടി​ക​ളിൽ ധാർമിക മൂല്യങ്ങൾ നിവേ​ശി​പ്പി​ക്കേ​ണ്ടതു മാതാ​പി​താ​ക്ക​ളു​ടെ ഉത്തരവാ​ദി​ത്വ​മാ​ണെന്ന്‌ അതു നമ്മോടു പറയുന്നു.” പരിജ്ഞാ​നം പുസ്‌ത​ക​ത്തി​ന്റെ 145-ാം പേജ്‌ തുറന്ന്‌ 16-ാം ഖണ്ഡിക വായി​ക്കു​ക​യും 147-ാം പേജിലെ ചിത്ര​ങ്ങ​ളെ​ക്കു​റിച്ച്‌ അഭി​പ്രാ​യം പറയു​ക​യും ചെയ്യുക. മുഴു​കു​ടും​ബ​ത്തി​നും പഠിക്കാ​വുന്ന രീതി​യി​ലാ​ണു പുസ്‌തകം സംവി​ധാ​നം ചെയ്‌തി​രി​ക്കു​ന്ന​തെന്നു വിശദീ​ക​രി​ക്കുക. 146-ാം പേജിലെ 17-ഉം 18-ഉം ഖണ്ഡികകൾ ഉപയോ​ഗി​ച്ചു​കൊ​ണ്ടു കുടും​ബ​ങ്ങ​ളോ​ടൊത്ത്‌ അത്തര​മൊ​രു അധ്യയനം നടത്തു​ന്ന​വി​ധം പ്രകടി​പ്പി​ച്ചു കാണി​ക്കാ​മെന്നു പറയുക.

⁷ താത്‌പ​ര്യ​മുള്ള ഒരു മാതാ​വി​നോ​ടോ പിതാ​വി​നോ​ടോ ഒപ്പം പ്രാരംഭ സന്ദർശ​ന​ത്തിൽത്തന്നെ നിങ്ങ​ളൊ​രു അധ്യയനം ആരംഭി​ച്ചെ​ങ്കിൽ, മടക്കസ​ന്ദർശ​ന​ത്തിൽ ഇങ്ങനെ പറഞ്ഞു​കൊ​ണ്ടു നിങ്ങൾ അതു തുടർന്നേ​ക്കാം:

◼“ഇന്നത്തെ ലോകം നമ്മുടെ യുവാ​ക്ക​ളു​ടെ മുമ്പാകെ അനേകം പ്രലോ​ഭ​നങ്ങൾ വെക്കുന്നു. അവർ വളർന്നു​വ​രു​മ്പോൾ ദൈവ​ഭ​യ​മു​ള്ള​വ​രാ​യി​ത്തീ​രു​ന്ന​തിന്‌ ഇത്‌ അവർക്കു വളരെ പ്രയാ​സങ്ങൾ സൃഷ്ടി​ക്കു​ന്നു. നമ്മുടെ മുൻ ചർച്ചയിൽ നാം രണ്ടു തത്ത്വങ്ങളെ വേർതി​രി​ച്ചത്‌ ഒരുപക്ഷേ നിങ്ങൾ ഒർമി​ക്കു​ന്നു​ണ്ടാ​വും. ദൈവ​ഭ​ക്ത​രായ മാതാ​പി​താ​ക്ക​ളെന്ന നിലയിൽ, നാം കുട്ടി​കൾക്കാ​യി മെച്ചമായ ദൃഷ്ടാ​ന്തങ്ങൾ വെക്കേ​ണ്ട​യാ​വ​ശ്യ​മുണ്ട്‌, കൂടാതെ അവരോ​ടു നാം നിരന്തരം സ്‌നേ​ഹ​പ്ര​ക​ട​നങ്ങൾ നടത്തണം. തങ്ങളുടെ മാതാ​പി​താ​ക്ക​ളിൽനി​ന്നു കുട്ടി​കൾക്കാ​വ​ശ്യ​മായ മറ്റൊരു സംഗതി​യെ​ക്കു​റി​ച്ചു ബൈബിൾ പറയുന്നു.” സദൃശ​വാ​ക്യ​ങ്ങൾ 1:8 വായി​ക്കുക. പരിജ്ഞാ​നം പുസ്‌ത​ക​ത്തി​ന്റെ 146-ാം പേജി​ലേക്കു മറിക്കു​ക​യും 19-23 വരെയുള്ള ഖണ്ഡികകൾ ഉൾക്കൊ​ള്ളി​ച്ചു​കൊണ്ട്‌ അധ്യയനം തുടരു​ക​യും ചെയ്യുക. മുഴു​കു​ടും​ബ​ത്തോ​ടൊ​പ്പം 1-ാം അധ്യാ​യം​മു​തൽ അധ്യയ​ന​മെ​ടു​ക്കു​ന്ന​തി​നു വീണ്ടും മടങ്ങി​ച്ചെ​ല്ലാ​മെന്നു നിർദേശം വെക്കുക.