സൊ​സൈ​റ്റി​യു​ടെ ലോക​വ്യാ​പക പ്രവർത്ത​ന​ത്തി​നുള്ള സംഭാ​വ​നകൾ വികസ​നത്തെ പിന്താ​ങ്ങു​ന്നു

യെശയ്യാ​വു 54:2, 3-ൽ മുൻകൂ​ട്ടി​പ്പ​റ​ഞ്ഞി​രി​ക്കു​ന്ന​തു​പോ​ലെ യഹോ​വ​യു​ടെ നിർമ​ലാ​രാ​ധന ഭൂമി​യി​ലെ​ങ്ങും വ്യാപി​ക്കു​ന്ന​തിൽ തുടരു​ന്നു. കഴിഞ്ഞ പത്തുവർഷ​ത്തിൽ, അംഗോള, ഇക്വ​റ്റോ​റി​യൽ ഗിനി, എത്യോ​പ്യ, കാമെ​റൂൺ, ടോഗോ, മഡഗാ​സ്‌കർ, മലാവി, മൊസാ​മ്പിക്‌ എന്നിവി​ട​ങ്ങ​ളിൽ രാജ്യ​പ്ര​വർത്ത​ന​ത്തി​ന്മേ​ലുള്ള നിയ​ന്ത്ര​ണങ്ങൾ എടുത്തു​മാ​റ്റി​യി​രി​ക്കു​ന്നു. വയൽ വിളഞ്ഞു​നിൽക്കുന്ന ഈ രാജ്യ​ങ്ങ​ളി​ലും മറ്റിട​ങ്ങ​ളി​ലും ഗിലെ​യാദ്‌ മിഷന​റി​മാ​രും ശുശ്രൂ​ഷാ പരിശീ​ലന സ്‌കൂൾ ബിരു​ദ​ധാ​രി​ക​ളും ബെഥേൽ കുടും​ബാം​ഗ​ങ്ങ​ളും മറ്റുള്ള​വ​രും നിയമ​നങ്ങൾ ഏറ്റെടു​ത്തി​ട്ടുണ്ട്‌.—മത്താ. 9:37, 38.

യഹോ​വ​യു​ടെ സ്ഥാപന​ത്തി​ലെ സത്യാ​രാ​ധ​ക​രു​ടെ വർധനവ്‌ നൂറു​ക​ണ​ക്കി​നു പുതിയ രാജ്യ​ഹാ​ളു​ക​ളു​ടെ നിർമാ​ണം ആവശ്യ​മാ​ക്കി​ത്തീർക്കു​ന്നു എന്നതു വ്യക്തമാണ്‌. കൂടാതെ, നാം ഇന്ത്യയിൽ ചെയ്യു​ന്ന​തു​പോ​ലെ പുതിയ സമ്മേള​ന​ഹാ​ളു​കൾക്കും പുതിയ അല്ലെങ്കിൽ വികസി​പ്പി​ക്ക​പ്പെട്ട ബ്രാഞ്ച്‌ സൗകര്യ​ങ്ങൾക്കും​വേണ്ടി ആസൂ​ത്രണം ചെയ്യു​ന്ന​തും ആവശ്യ​മാ​യി​രി​ക്കു​ന്നു. ഈ പദ്ധതി​കൾക്കു​വേണ്ടി പണംമു​ട​ക്കു​ന്ന​തി​നും അതു​പോ​ലെ​തന്നെ രാജ്യ​പ്ര​വർത്തനം ലോക​മെ​മ്പാ​ടും മുന്നോ​ട്ടു​കൊ​ണ്ടു​പോ​കു​ന്ന​തി​നു​മാ​യി സൊ​സൈ​റ്റി​യു​ടെ ലോക​വ്യാ​പക പ്രവർത്ത​ന​ത്തി​നു​വേ​ണ്ടി​യുള്ള സംഭാ​വ​ന​യിൽ അധിക​ഭാ​ഗ​വും വിനി​യോ​ഗി​ച്ചി​രി​ക്കു​ന്നു.

ഈ രണ്ടു പേജു​ക​ളി​ലു​മുള്ള ചിത്ര​ങ്ങ​ളും രചനക​ളും—ഇപ്പോൾ നടന്നു​കൊ​ണ്ടി​രി​ക്കുന്ന നിർമാ​ണ​ങ്ങ​ളും താമസി​യാ​തെ ആരംഭി​ക്കാൻപോ​കുന്ന പദ്ധതി​ക​ളും—സൊ​സൈറ്റി ആഫ്രിക്കൻ വയലിൽ നിർവ​ഹി​ച്ചു​കൊ​ണ്ടി​രി​ക്കു​ന്ന​തി​നെ​പ്പറ്റി നിങ്ങൾക്കു ചില ധാരണകൾ നൽകും. ഇവിടെ ഇന്ത്യയിൽ, 50 ഏക്കറോ​ളം സ്ഥലം വാങ്ങി ഏതാണ്ട്‌ 400 ബെഥേൽ അംഗങ്ങൾക്കു താമസി​ക്കാ​നും വേല ചെയ്യാ​നു​മുള്ള ഇടവും അതു​പോ​ലെ​ത്തന്നെ അടുക്കള, ഭക്ഷണമു​റി, അലക്കു​ശാല, അറ്റകു​റ്റ​പ്പ​ണി​കൾക്കാ​യുള്ള വർക്ക്‌ഷോപ്പ്‌ തുടങ്ങി​യവ പ്രദാനം ചെയ്യു​ന്ന​തി​നുള്ള കെട്ടി​ട​ങ്ങ​ളും നിർമി​ക്കാൻ നമുക്കു ഭരണസം​ഘ​ത്തി​ന്റെ അനുമതി ലഭിച്ചി​ട്ടുണ്ട്‌.

ഇന്ത്യയിൽ ഈ വർഷം ഏപ്രിൽ 2-ന്‌ 41,193 ആളുകൾ സ്‌മാ​ര​കാ​ഘോ​ഷ​ത്തി​നു ഹാജരാ​യി—ആ മാസത്തിൽ റിപ്പോർട്ടു ചെയ്യപ്പെട്ട പ്രസാ​ധ​ക​രു​ടെ എണ്ണത്തിന്റെ രണ്ടര ഇരട്ടി​യി​ല​ധി​കം! ഹാജരാ​യ​വ​രിൽ ഒട്ടേ​റെ​പേർ യഹോ​വ​യു​ടെ നിർമ​ലാ​രാ​ധ​ന​യിൽ നമ്മോടു ചേരാൻ നാം പ്രാർഥി​ക്കു​ന്നു. ഇത്‌, കൂടുതൽ സഭക​ളെ​യും കൂടുതൽ രാജ്യ​ഹാ​ളു​ക​ളു​ക​ളു​ടെ ആവശ്യ​ത്തെ​യും അർഥമാ​ക്കു​ന്നു. സത്യാ​രാ​ധ​ന​യ്‌ക്കു​വേണ്ടി ഭൗതിക പിന്തു​ണ​യേ​കാ​നുള്ള എത്ര നല്ല പദവി​യാ​ണു നമുക്കു​ള്ളത്‌ എന്ന മതിപ്പ്‌ ഇതു നമ്മിലു​ള​വാ​ക്കു​ന്നു. രാജ്യ​ഹാ​ളു​കളെ പിന്തു​ണ​യ്‌ക്കുന്ന ക്രമീ​ക​ര​ണ​ങ്ങൾക്കാ​യി ഫണ്ടുകൾ അയയ്‌ക്കു​ന്നത്‌, സഭകൾ അതു ചെയ്യുന്ന വിധങ്ങ​ളി​ലൊ​ന്നാണ്‌.—ലൂക്കൊ. 16:9; 1 തിമൊ. 6:18.

[3-ാം പേജിലെ ചിത്രം]

9 ദിവസം​കൊ​ണ്ടു പണിത ദക്ഷിണാ​ഫ്രി​ക്ക​യി​ലുള്ള ക്വാസ്യൂ​ളൂ-നേറ്റലി​ലെ രാജ്യ​ഹാൾ

[3-ാം പേജിലെ ചിത്രം]

നൈജീരിയായിലെ ലാഭക​ര​മാ​യി നിർമിച്ച രാജ്യ​ഹാൾ

[3-ാം പേജിലെ ചിത്രം]

1996-ന്റെ അവസാ​ന​ത്തോ​ടെ പൂർത്തി​യാ​കാൻപോ​കുന്ന, 1,500 പേർക്ക്‌ ഇരിക്കാ​വുന്ന മൊസാ​മ്പി​ക്കി​ലെ സമ്മേള​ന​ഹാൾ

[3-ാം പേജിലെ ചിത്രം]

1996-ലെ ശരത്‌കാ​ലത്ത്‌ ഉപയോ​ഗി​ച്ചു​തു​ട​ങ്ങാൻ തയ്യാറാ​കേണ്ട മൊസാ​മ്പി​ക്കി​ലെ ബ്രാഞ്ച്‌ സൗകര്യ​ങ്ങൾ

[3-ാം പേജിലെ ചിത്രം]

ഈ വേനൽക്കാ​ലത്തു പൂർത്തി​യാ​ക്കാൻ പരിപാ​ടി​യി​ട്ടി​രി​ക്കുന്ന സീയെറ ലിയോൺ ബ്രാഞ്ച്‌

[4-ാം പേജിലെ ചിത്രം]

1997-ലെ വസന്തകാ​ലത്തു പൂർത്തി​യാ​കാൻപോ​കുന്ന ബ്രാഞ്ച്‌ സൗകര്യ​ങ്ങ​ളോ​ടൊ​പ്പം, പണി പൂർത്തി​യായ മൗറീ​ഷ്യ​സി​ലെ ചുവരു​ക​ളി​ല്ലാത്ത സമ്മേള​ന​ഹാൾ

[4-ാം പേജിലെ ചിത്രം]

നിർമാണം നടന്നു​കൊ​ണ്ടി​രി​ക്കുന്ന സിംബാ​ബ്‌വേ ബ്രാഞ്ച്‌

[4-ാം പേജിലെ ചിത്രം]

സെനെഗളിലെ തുറസ്സായ സമ്മേള​ന​ഹാ​ളും നിർമാ​ണം നടന്നു​കൊ​ണ്ടി​രി​ക്കുന്ന പുതിയ ബ്രാഞ്ചും

[4-ാം പേജിലെ ചിത്രം]

പുതിയ കെനിയ ബ്രാഞ്ച്‌, തലസ്ഥാ​ന​മായ നെയ്‌റോ​ബി​യിൽ

[4-ാം പേജിലെ ചിത്രം]

താമസിയാതെ പൂർത്തി​യാ​കാൻ പോകുന്ന മഡഗാ​സ്‌കർ ബ്രാഞ്ച്‌

[4-ാം പേജിലെ ചിത്രം]

മലാവിക്കുവേണ്ടി നിർദേ​ശി​ക്ക​പ്പെ​ട്ടി​രി​ക്കുന്ന ബ്രാഞ്ച്‌ കെട്ടി​ട​ങ്ങൾ