“നിങ്ങളു​ടെ പരമാ​വധി പ്രവർത്തി​ക്കുക”

¹ നാം നമ്മെത്തന്നെ യഹോ​വ​യ്‌ക്കു സമർപ്പി​ച്ച​പ്പോൾ നമുക്കു സാധ്യ​മാ​കു​ന്ന​തി​ലേ​ക്കും നന്നായി അവനെ സേവി​ക്കാ​മെ​ന്നാ​ണു നാം വാക്കു കൊടു​ത്തത്‌. ഉചിത​മാ​യി, അപ്പോ​സ്‌ത​ല​നായ പത്രൊസ്‌ ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​കളെ യഹോ​വ​യു​ടെ മുമ്പാകെ ഒരു നല്ല നില ഉറപ്പാ​ക്കു​ന്ന​തി​നു​വേണ്ടി തങ്ങളുടെ കഴിവി​ന്റെ പരമാ​വധി ചെയ്യു​ന്ന​തി​നു പ്രോ​ത്സാ​ഹി​പ്പി​ച്ചു. (2 പത്രൊ. 1:10) യഹോ​വയെ പ്രീതി​പ്പെ​ടു​ത്തു​ന്ന​തി​നു​വേണ്ടി അവന്റെ സേവന​ത്തിൽ നമ്മുടെ കഴിവി​ന്റെ പരമാ​വധി ചെയ്യാൻ നാം നിശ്ചയ​മാ​യും ആഗ്രഹി​ക്കു​ന്നു. ഇതി​ലെ​ന്താണ്‌ ഉൾപ്പെ​ട്ടി​രി​ക്കു​ന്നത്‌? യഹോ​വ​യു​മാ​യുള്ള നമ്മുടെ ബന്ധം കൂടുതൽ ആഴമേ​റി​യ​താ​കു​ക​യും അവൻ നമുക്കാ​യി ചെയ്‌തി​രി​ക്കുന്ന എല്ലാ സംഗതി​ക​ളെ​ക്കു​റി​ച്ചും ധ്യാനി​ക്കു​ക​യും ചെയ്യവേ അവന്റെ സേവന​ത്തിൽ എല്ലായ്‌പോ​ഴും കഴിവി​ന്റെ പരമാ​വധി ചെയ്യാൻ ഹൃദയം നമ്മെ പ്രേരി​പ്പി​ക്കു​ന്നു. ശുശ്രൂ​ഷ​യു​ടെ ഗുണനി​ല​വാ​രം മെച്ച​പ്പെ​ടു​ത്താ​നും സാധി​ക്കു​മ്പോ​ഴൊ​ക്കെ അതിന്റെ അളവു വർധി​പ്പി​ക്കാ​നും നാമാ​ഗ്ര​ഹി​ക്കു​ന്നു.—സങ്കീ. 34:8; 2 തിമൊ. 2:15.

² ശുശ്രൂ​ഷ​യിൽ കൂടുതൽ ചെയ്യാൻ ആഗ്രഹിച്ച ഒരു യുവ സഹോ​ദരൻ ദൈവ​വ​ച​ന​ത്തി​ന്റെ ക്രമമായ പഠനം, യഹോ​വ​യോ​ടുള്ള തന്റെ വിലമ​തി​പ്പി​ന്റെ ആഴം വർധി​പ്പി​ക്കു​ന്നു​വെ​ന്നും കൂടുതൽ തീക്ഷ്‌ണത നട്ടുവ​ളർത്താൻ തന്നെ സഹായി​ക്കു​ന്നു​വെ​ന്നും കണ്ടെത്തി. ഇത്‌ അവനെ പയനിയർ സേവന​ത്തിന്‌ അപേക്ഷി​ക്കാൻ പ്രേരി​പ്പി​ച്ചു. അപരി​ചി​ത​രോ​ടു സംസാ​രി​ക്കു​ന്ന​തിൽ ബുദ്ധി​മു​ട്ട​നു​ഭ​വ​പ്പെട്ട ഒരു സഹോ​ദരി ന്യായ​വാ​ദം പുസ്‌ത​ക​ത്തി​ലെ ചില അവതര​ണങ്ങൾ പരിശീ​ലി​ക്കു​ക​യും പെട്ടെ​ന്നു​തന്നെ തന്റെ ശുശ്രൂ​ഷ​യിൽ വളരെ​യേറെ പുരോ​ഗതി ആസ്വദി​ക്കാൻ തുടങ്ങു​ക​യും ചെയ്‌തു. ഒരു ദമ്പതി​ക​ളോ​ടൊ​ത്തു ബൈബി​ള​ധ്യ​യനം നടത്താൻ അവൾക്കു സാധിച്ചു. അവർ സത്യം സ്വീക​രി​ക്കു​ക​യും ചെയ്‌തു.

³ നിങ്ങൾക്കു ചെയ്യാൻ സാധി​ക്കു​ന്ന​തിൽ സന്തോ​ഷി​ക്കുക: നമ്മിൽ ചിലർ മോശ​മായ ആരോ​ഗ്യം, കുടും​ബ​ത്തിൽനി​ന്നുള്ള എതിർപ്പു​കൾ, ദാരി​ദ്ര്യം, വയൽസേവന പ്രദേ​ശത്തെ പ്രതി​ക​ര​ണ​മി​ല്ലായ്‌മ തുടങ്ങിയ പ്രയാസ സാഹച​ര്യ​ങ്ങൾ അഭിമു​ഖീ​ക​രി​ക്കു​ന്നു. ഈ അവസാന നാളു​ക​ളിൽ സർവസാ​ധാ​ര​ണ​മായ, മറ്റനേകം പ്രശ്‌നങ്ങൾ നമ്മുടെ ശുശ്രൂ​ഷയെ തടസ്സ​പ്പെ​ടു​ത്തി​യേ​ക്കാം. (ലൂക്കൊ. 21:34, NW അടിക്കു.; 2 തിമൊ. 3:1) യഹോ​വ​യ്‌ക്കുള്ള നമ്മുടെ സമർപ്പണം നിറ​വേ​റ്റു​ന്ന​തിൽ നാം പരാജി​ത​രാ​യെന്ന്‌ ഇതിനർഥ​മു​ണ്ടോ? നമ്മുടെ കഴിവി​ന്റെ പരമാ​വധി നാം അവനെ സേവി​ക്കു​ന്നു​വെ​ങ്കിൽ ഇല്ല.

⁴ മറ്റുള്ള​വർക്ക്‌ എന്തു ചെയ്യാൻ സാധി​ക്കു​ന്നു എന്നതിന്റെ അടിസ്ഥാ​ന​ത്തിൽ നാം സ്വയം വിധി​ക്കു​ന്നതു ബുദ്ധിയല്ല. പകരം, “ഓരോ​രു​ത്തൻ താന്താന്റെ പ്രവൃത്തി ശോധന” ചെയ്യാ​നാ​ണു തിരു​വെ​ഴു​ത്തു​കൾ നമ്മെ പ്രോ​ത്സാ​ഹി​പ്പി​ക്കു​ന്നത്‌. നമുക്കു വ്യക്തി​പ​ര​മാ​യി സാധി​ക്കു​ന്നത്ര പൂർണ​മാ​യി സ്വയം അർപ്പി​ക്കു​ന്നത്‌ യഹോ​വയെ സന്തുഷ്ട​നാ​ക്കു​ന്നു. അതു നമുക്ക്‌ “പ്രശംസ”യ്‌ക്കുള്ള കാരണ​വും നൽകുന്നു.—ഗലാ. 6:4; കൊലൊ. 3:23, 24.

⁵ “അവസാനം ദൈവം നിങ്ങളെ കറയും കളങ്കവു​മി​ല്ലാ​ത്ത​വ​രും സമാധാ​ന​മു​ള്ള​വ​രു​മാ​യി കാണേ​ണ്ട​തി​നു നിങ്ങളു​ടെ പരമാ​വധി പ്രവർത്തി​ക്കുക” എന്ന പത്രൊ​സി​ന്റെ വാക്കുകൾ നമുക്കു പിൻപ​റ്റാം. (2 പത്രൊസ്‌ 3:14, NW) ആ ആത്മാവ്‌ നമ്മിൽ സുരക്ഷി​ത​ത്വ​ബോ​ധം ഉളവാ​ക്കു​ക​യും യഹോ​വ​യ്‌ക്കു മാത്രം നൽകാൻ സാധി​ക്കുന്ന മനശ്ശാന്തി നമ്മിലു​ള​വാ​ക്കു​ക​യും ചെയ്യും.—സങ്കീ. 4:8.