സത്‌പ്ര​വൃ​ത്തി​കൾക്കു പ്രചോ​ദ​ന​മേ​കാൻ യോഗങ്ങൾ

¹ സഭാ​യോ​ഗ​ങ്ങൾക്കു ഹാജരാ​കു​ന്ന​തും വയൽസേ​വ​ന​ത്തിൽ പങ്കെടു​ക്കു​ന്ന​തും നമ്മുടെ ആരാധ​ന​യു​ടെ രണ്ട്‌ അനിവാ​ര്യ ഘടകങ്ങ​ളാണ്‌. അവ പരസ്‌പരം ബന്ധപ്പെ​ട്ടി​രി​ക്കു​ന്നു. ഒന്ന്‌ മറ്റൊ​ന്നി​നെ സ്വാധീ​നി​ക്കു​ന്നു. ക്രിസ്‌തീയ യോഗങ്ങൾ സത്‌പ്ര​വൃ​ത്തി​കൾക്കു പ്രചോ​ദ​ന​മേ​കു​ന്നു. അവയിൽ ഉത്തമമാ​യതു രാജ്യ​പ്ര​സം​ഗ​വേ​ല​യും ശിഷ്യ​രാ​ക്കൽവേ​ല​യു​മാണ്‌. (എബ്രാ. 10:24) യോഗ​ങ്ങൾക്കു ഹാജരാ​കു​ന്നി​ല്ലെ​ങ്കിൽ നാം താമസി​യാ​തെ പ്രസം​ഗ​വേ​ല​യിൽ പങ്കെടു​ക്കാ​താ​കും. കാരണം, നമുക്ക​തി​നു പ്രചോ​ദനം ലഭിക്കു​ന്നി​ല്ല​ല്ലോ.

² പ്രതി​വാര യോഗ​ങ്ങ​ളിൽനി​ന്നു പ്രസം​ഗ​വേ​ല​യ്‌ക്കു പ്രചോ​ദ​ന​മേ​കാൻ രൂപകൽപ്പന ചെയ്‌തി​രി​ക്കുന്ന ആത്മീയ പ്രബോ​ധനം നമുക്കു ലഭിക്കു​ന്നു. സമയത്തി​ന്റെ അടിയ​ന്തി​ര​ത​യെ​ക്കു​റി​ച്ചു നമുക്കു വ്യക്തമായ ബോധ്യ​മു​ള്ള​തു​കൊ​ണ്ടു ബൈബി​ളി​ന്റെ ജീവദാ​യക സന്ദേശം മറ്റുള്ള​വ​രു​ടെ പക്കലെ​ത്തി​ക്കാൻ നാം പ്രേരി​ത​രാ​കു​ന്നു. പ്രസം​ഗ​വേ​ല​യിൽ തുടരാൻ നാം പ്രോ​ത്സാ​ഹി​ത​രും ശക്തരു​മാ​യി​ത്തീ​രു​ന്നു. (മത്താ. 24:13, 14) യോഗ​ങ്ങ​ളിൽ ഉത്തരം പറയാ​നുള്ള അവസരങ്ങൾ പ്രയോ​ജ​ന​പ്പെ​ടു​ത്തു​ക​വഴി നാം മറ്റുള്ള​വ​രു​ടെ മുമ്പാകെ നമ്മുടെ വിശ്വാ​സം പ്രകട​മാ​ക്കാൻ പരിചയം നേടുന്നു. (എബ്രാ. 10:23) ദിവ്യാ​ധി​പത്യ ശുശ്രൂ​ഷാ​സ്‌കൂ​ളിൽ പേർ ചാർത്തു​ക​വഴി കൂടുതൽ ഫലപ്ര​ദ​രായ ശുശ്രൂ​ഷ​ക​രാ​യി​ത്തീ​രാ​നും പഠിപ്പി​ക്കൽ കഴിവു​കൾ മെച്ച​പ്പെ​ടു​ത്താ​നും നമുക്കു പരിശീ​ലനം ലഭിക്കു​ന്നു.—2 തിമൊ. 4:2.

³ സേവന​യോ​ഗങ്ങൾ പ്രസം​ഗ​വേ​ല​യ്‌ക്കു പ്രചോ​ദി​പ്പി​ക്കുന്ന വിധം: നമ്മുടെ രാജ്യ ശുശ്രൂ​ഷ​യി​ലുള്ള വിഷയങ്ങൾ മുൻകൂ​ട്ടി തയ്യാറാ​കാൻ നാമോ​രോ​രു​ത്ത​രും പ്രോ​ത്സാ​ഹി​പ്പി​ക്ക​പ്പെ​ടു​ന്നു. സേവന​യോഗ പരിപാ​ടി​ക​ളിൽ പ്രകടി​പ്പി​ക്ക​പ്പെ​ടുന്ന അവതര​ണങ്ങൾ കാണു​മ്പോൾ ആ വിവരങ്ങൾ നമ്മുടെ മനസ്സിൽ പതിയു​ന്നു. വയൽസേ​വ​ന​ത്തി​ലാ​യി​രി​ക്കു​മ്പോൾ നാം നമ്മുടെ രാജ്യ ശുശ്രൂ​ഷ​യിൽ പഠിച്ച കാര്യ​ങ്ങ​ളെ​ക്കു​റിച്ച്‌ ഓർക്കു​ന്നു. പ്രകടി​പ്പി​ച്ചു കാട്ടിയ അവതര​ണങ്ങൾ അനുസ്‌മ​രി​ച്ചു​കൊ​ണ്ടു കൂടുതൽ ഫലപ്ര​ദ​മായ സാക്ഷ്യ​വും നൽകുന്നു. പല പ്രസാ​ധ​ക​രു​ടെ​യും അനുഭവം ഇതായി​രു​ന്നി​ട്ടുണ്ട്‌.

⁴ ചിലർ സേവന​യോ​ഗ​ങ്ങ​ളിൽ പഠിച്ച കാര്യങ്ങൾ ബാധക​മാ​ക്കാൻ തക്കവണ്ണം ശുശ്രൂ​ഷ​യിൽ ഒരുമി​ച്ചു പങ്കുപ​റ്റാൻ മുൻകൂ​ട്ടി നിശ്ചയി​ക്കു​ന്നു. വയലി​ലു​പ​യോ​ഗി​ക്കേണ്ട ആശയങ്ങൾ പ്രസാ​ധ​ക​രു​ടെ മനസ്സിൽ തങ്ങിനിൽക്കു​ന്നു. ആ യോഗങ്ങൾ പ്രതി​വാര പ്രസം​ഗ​വേ​ല​യിൽ പങ്കുപ​റ്റാൻ പ്രോ​ത്സാ​ഹി​പ്പി​ക്കു​ന്ന​തു​കൊണ്ട്‌ അവർ അതിന്‌ ഉത്തേജി​ത​രു​മാണ്‌.

⁵ സഹ ആരാധ​ക​രോ​ടൊ​പ്പം കൂടി​വ​രുന്ന, സത്‌പ്ര​വൃ​ത്തി​കൾക്കു പ്രചോ​ദി​പ്പി​ക്ക​പ്പെ​ടുന്ന ക്രിസ്‌തീയ യോഗ​ങ്ങൾക്കു ബദലായി യാതൊ​ന്നു​മില്ല. നമ്മുടെ ശുശ്രൂഷ ഫലവത്താ​ക​ണ​മെ​ങ്കിൽ നാം ക്രമമാ​യി സഭാ​യോ​ഗ​ങ്ങൾക്കു ഹാജരാ​കണം. “നമ്മുടെ കൂടി​വ​രവ്‌ ഉപേക്ഷി​ക്കാ​തെ” യഹോ​വ​യു​ടെ അത്ഭുത​ക​ര​മായ ഈ കരുത​ലി​നോ​ടുള്ള നമ്മുടെ വിലമ​തി​പ്പു പ്രകട​മാ​ക്കാം.—എബ്രാ. 10:25.