രാജ്യ​ഹാൾ നിർമാ​ണ​ത്തി​ന്റെ ആവശ്യ​ത്തി​നൊ​ത്തു മുന്നേറൽ

¹ ലോക​വ്യാ​പക വയലി​ലേക്കു നാം കണ്ണോ​ടി​ക്കു​മ്പോൾ, യഹോ​വ​യു​ടെ ഭൗമിക സ്ഥാപന​ത്തിൽ വലിയ വർധനവ്‌ ഉണ്ടായി​ക്കൊ​ണ്ടി​രി​ക്കു​ന്ന​താ​യി കാണാൻ സാധി​ക്കും. അതു ഹൃദ​യോ​ഷ്‌മ​ള​മായ ഒരു കാഴ്‌ച​യാണ്‌. പോയ​വർഷം ഇന്ത്യയിൽ മാത്ര​മാ​യി ഏതാണ്ട്‌ 25 പുതിയ സഭകൾ രൂപീ​കൃ​ത​മാ​യി, ലോക​വ്യാ​പ​ക​മാ​യി മൊത്തം 3,288-ഉം. ഈ വർധന​വി​ന്റെ​യെ​ല്ലാം അടിസ്ഥാ​ന​ത്തിൽ, കൂടുതൽ രാജ്യ​ഹാ​ളു​ക​ളു​ടെ ആവശ്യ​മു​ണ്ടെ​ന്നത്‌ അതിശ​യ​ക​രമല്ല.

² മേഖലാ നിർമാ​ണ​ക്ക​മ്മി​റ്റി​കൾ: (Regional Building Committees) രാജ്യ​ഹാൾ നിർമാണ പരിപാ​ടി ത്വരി​ത​പ്പെ​ടു​ത്തു​ന്ന​തിന്‌ സൊ​സൈറ്റി ഇപ്പോൾ രണ്ട്‌ മേഖലാ നിർമാ​ണ​ക്ക​മ്മി​റ്റി​കളെ നിയോ​ഗി​ച്ചി​ട്ടുണ്ട്‌. ഒന്ന്‌ തമിഴ്‌നാട്‌ സർക്കി​ട്ടു​ക​ളി​ലുള്ള സഭകളെ സഹായി​ക്കു​ന്ന​തി​നും മറ്റൊന്ന്‌ കേരള സർക്കി​ട്ടു​ക​ളി​ലുള്ള സഭകളെ സഹായി​ക്കു​ന്ന​തി​നും. പുതി​യതു പണിയാ​നോ പുതുക്കി പണിയാ​നോ ആയിരു​ന്നാ​ലും, രാജ്യ​ഹാൾ പദ്ധതി​ക​ളു​ടെ മേൽനോ​ട്ടം ഈ മേഖലാ കമ്മിറ്റി​കൾക്കാണ്‌. ക്രിസ്‌തീയ കൊടു​ക്കൽമ​നോ​ഭാ​വ​വും ആത്മത്യാ​ഗ​മ​നോ​ഭാ​വ​വും നിമി​ത്ത​മാ​ണു രാജ്യ​ഹാൾ നിർമാ​ണ​ത്തി​ന്റെ മുഴു ക്രമീ​ക​ര​ണ​വും പൂർത്തീ​ക​രി​ക്ക​പ്പെ​ടു​ന്നത്‌. അത്‌ ലോകം പൊതു​വേ പ്രകടി​പ്പി​ക്കുന്ന മനോ​ഭാ​വ​ത്തി​നു നേരേ വിപരീ​ത​മാണ്‌.—2 തിമൊ. 3:2, 4.

³ നിർമാണ പദ്ധതി​ക​ളെ​ക്കു​റി​ച്ചു പുനര​വ​ലോ​കനം ചെയ്യു​ന്ന​തി​നു സഹായി​ക്കാ​നാ​യി സൊ​സൈറ്റി മേഖലാ കമ്മിറ്റി​കൾക്കു മാർഗ​നിർദേ​ശങ്ങൾ പ്രദാനം ചെയ്‌തി​ട്ടുണ്ട്‌. അങ്ങനെ, അന്തസു​റ്റ​തും ഉദ്ദേശ്യ​ത്തിന്‌ ഉതകും​വി​ധ​ത്തി​ലു​ള്ള​തും അർപ്പിത വിഭവങ്ങൾ വേണ്ടരീ​തി​യിൽ ഉപയോ​ഗി​ക്കു​ന്ന​തു​മായ രാജ്യ​ഹാ​ളി​ന്റെ ആസൂ​ത്ര​ണ​ത്തി​നു പ്രാ​ദേ​ശിക മൂപ്പന്മാ​രെ സഹായി​ക്കു​ന്ന​തിന്‌ ഈ കമ്മിറ്റി​കൾ സജ്ജമാ​ക്ക​പ്പെ​ട്ടി​രി​ക്കു​ന്നു. മേഖലാ നിർമാ​ണ​ക്ക​മ്മി​റ്റി​ക​ളിൽ സേവി​ക്കാൻ നിയമി​ക്ക​പ്പെ​ട്ടി​രി​ക്കുന്ന അനുഭ​വ​പ​രി​ച​യ​മുള്ള മൂപ്പന്മാ​രു​ടെ നിർദേ​ശ​ങ്ങ​ളിൽനി​ന്നു പരമാ​വധി പ്രയോ​ജനം നേടാൻ മൂപ്പന്മാ​രു​ടെ സംഘങ്ങൾ എല്ലാ വസ്‌തു​ത​ക​ളും ശ്രദ്ധാ​പൂർവം തൂക്കി​നോ​ക്കു​ന്നത്‌ ഉചിത​മാ​യി​രി​ക്കും.—ലൂക്കൊ. 14:28-30.

⁴ നിർമാ​ണ​ച്ചെ​ലവ്‌ പരമാ​വധി കുറയ്‌ക്കൽ: പ്രാപ്‌ത​നായ ഒരു മൂപ്പന്റെ മേൽനോ​ട്ട​ത്തിൽ പ്രാ​ദേ​ശിക സഭയ്‌ക്കു​വേണ്ടി ഒരു പർച്ചേസ്‌ ഡിപ്പാർട്ട്‌മെൻറ്‌ സംഘടി​പ്പി​ക്കാൻ മേഖലാ നിർമാ​ണ​ക്ക​മ്മി​റ്റി​യോട്‌ ആവശ്യ​പ്പെ​ട്ടി​ട്ടുണ്ട്‌. ഈ വിഭാ​ഗ​ത്തിൽ വേല​ചെ​യ്യു​ന്നവർ, നിലവി​ലുള്ള വ്യത്യസ്‌ത തുകകൾ താരത​മ്യം ചെയ്‌ത്‌, വില​പേശൽ നടത്തി, ആദായ​ക​ര​മായ രീതി​യിൽ വാങ്ങൽ നടത്താൻ അങ്ങേയറ്റം ശ്രമി​ക്കു​ന്നു. ഈ വിധത്തിൽ ആരുടെ പക്കൽനിന്ന്‌ ഏതു സാമ​ഗ്രി​കൾ വാങ്ങണ​മെന്നു നിർണ​യി​ക്കാൻ സാധി​ക്കും.

⁵ ചില സഭകൾക്ക്‌ തങ്ങളുടെ രാജ്യ​ഹാൾ പദ്ധതി പൂർത്തി​യാ​ക്കാൻ കൂടു​ത​ലായ സാമ്പത്തിക സഹായം ആവശ്യ​മാ​യി വരുന്നു. സൊ​സൈ​റ്റി​യിൽനി​ന്നു പണം മുൻകൂ​റാ​യി അപേക്ഷി​ക്കു​ന്ന​തി​നു മുമ്പ്‌ പിൻവ​രുന്ന കാര്യ​ങ്ങ​ളെ​ക്കു​റി​ച്ചു നിർണ​യി​ക്കാൻ മൂപ്പന്മാർ പ്രദേ​ശത്ത്‌ ഒരു സർവേ നടത്തണം. (1) ഇപ്പോ​ഴത്തെ ആവശ്യ​ങ്ങൾക്കും ഭാവി​വ​ളർച്ച​യ്‌ക്കും പര്യാ​പ്‌ത​മാ​കു​ന്നത്ര സ്ഥലം വാങ്ങാ​നും നിർമാ​ണ​ച്ചെ​ല​വി​നു​മാ​യി തുടക്ക​ത്തിൽ എത്രമാ​ത്രം തുക സംഭാവന ചെയ്യു​ന്ന​താണ്‌, (2) ബന്ധപ്പെട്ട പ്രാ​ദേ​ശിക സഭകൾക്ക്‌ എത്ര​ത്തോ​ളം വായ്‌പ നൽകാൻ സാധി​ക്കും, (3) സഭാ പ്രവർത്ത​ന​ങ്ങ​ളു​ടെ ചെലവു നികത്താ​നും സൊ​സൈ​റ്റി​യിൽനി​ന്നു പണം മുൻകൂ​റാ​യി കൈപ്പ​റ്റി​യി​ട്ടു​ണ്ടെ​ങ്കിൽ അതു തിരി​ച്ച​ട​യ്‌ക്കാ​നും മാസം​തോ​റും എത്രമാ​ത്രം തുക സംഭാവന ചെയ്യു​ന്ന​താണ്‌. സർവേ എടുക്കു​മ്പോൾ ചീട്ടു​ക​ളിൽ ആരു​ടെ​യും പേരെ​ഴു​ത​രുത്‌.

⁶ രാജ്യ​ഹാ​ളി​ന്റെ രൂപകൽപ്പന ലളിത​മാ​ക്കുക: രാജ്യ​ഹാ​ളു​ക​ളു​ടെ രൂപകൽപ്പ​ന​യിൽ ഒരേ നിലവാ​രം പുലർത്താൻ സഹായി​ക്കു​ന്ന​തി​നു സൊ​സൈറ്റി മൂന്നു വ്യത്യസ്‌ത രാജ്യ​ഹാൾ രൂപകൽപ്പ​നകൾ ലഭ്യമാ​ക്കി​യി​ട്ടുണ്ട്‌. 100-ഓ 150-ഓ 250-ഓ പേർക്ക്‌ ഇരിക്കാ​വുന്ന രീതി​യി​ലാണ്‌ അതു രൂപകൽപ്പന ചെയ്‌തി​രി​ക്കു​ന്നത്‌. ഭാവി​വ​ളർച്ച കണക്കി​ലെ​ടു​ത്തു​കൊ​ണ്ടു മൂപ്പന്മാർക്ക്‌ ഈ അടിസ്ഥാന രൂപകൽപ്പ​ന​ക​ളിൽനിന്ന്‌ ആവശ്യ​ത്തി​നു​ത​കുന്ന ഒരെണ്ണം തിര​ഞ്ഞെ​ടു​ക്കാ​വു​ന്ന​താണ്‌. അങ്ങനെ അവർ തങ്ങളുടെ സുഹൃ​ത്തു​ക്ക​ളു​ടെ​മേ​ലോ സൊ​സൈ​റ്റി​യു​ടെ രാജ്യ​ഹാൾ ഫണ്ടിലെ വിഭവ​ങ്ങ​ളു​ടെ​മേ​ലോ അനാവശ്യ ഭാരം വരുത്തി​വ​യ്‌ക്കാ​തി​രി​ക്കും.

⁷ ഒരു രൂപകൽപ്പന തിര​ഞ്ഞെ​ടു​ക്കു​ന്ന​തി​നു മുമ്പ്‌, സഭാ മൂപ്പന്മാർ മേഖലാ കമ്മിറ്റി​യു​മാ​യി ബന്ധപ്പെട്ട്‌, സൊ​സൈറ്റി പ്രദാനം ചെയ്‌തി​രി​ക്കുന്ന രൂപ​രേ​ഖകൾ മാർഗ​ദർശി​യാ​യി ഉപയോ​ഗി​ച്ചു​കൊ​ണ്ടു കെട്ടി​ട​ത്തി​ന്റെ മൊത്തം രൂപകൽപ്പ​ന​യെ​ക്കു​റിച്ച്‌ അവരു​മാ​യി ചർച്ച​ചെ​യ്യണം. മേഖലാ നിർമാ​ണ​ക്ക​മ്മി​റ്റി​യെ നിയോ​ഗി​ക്കാ​ത്തി​ടത്ത്‌, രാജ്യ​ഹാൾ പദ്ധതി​ക്കുള്ള ഏതെങ്കി​ലു​മൊ​രു പടി സ്വീക​രി​ക്കു​ന്ന​തി​നു മുമ്പ്‌ മൂപ്പന്മാർ സൊ​സൈ​റ്റി​യു​മാ​യി ബന്ധപ്പെ​ടണം.

⁸ ഉത്തമ​വേ​ല​യ്‌ക്കു സ്വമേ​ധ​യാ​സേ​വ​ക​രു​ടെ പിന്തുണ: രാജ്യ​ഹാൾ നിർമാ​ണ​ത്തി​നു സഹായി​ക്കുന്ന നിരവധി സ്വമേ​ധ​യാ​സേ​വ​ക​രോ​ടു സൊ​സൈറ്റി കൃതജ്ഞത പ്രകടി​പ്പി​ക്കു​ന്നു. എങ്കിലും, ഇനിയും ധാരാളം സ്വമേ​ധ​യാ​സേ​വ​കരെ ആവശ്യ​മു​ള്ള​താ​യി മേഖലാ നിർമാ​ണ​ക്ക​മ്മി​റ്റി​കൾ റിപ്പോർട്ടു ചെയ്യു​ന്നുണ്ട്‌. രാജ്യ​താ​ത്‌പ​ര്യ​ങ്ങളെ പിന്തു​ണ​യ്‌ക്കു​ന്ന​തിന്‌ അനിവാ​ര്യ​മായ ഒരു സേവന​മാ​ണത്‌.—1 കൊരി. 15:58.

⁹ ഒരുവന്‌ എങ്ങനെ സ്വമേ​ധയാ സേവി​ക്കാ​നാ​കും? മൂപ്പന്മാർ ആവശ്യ​പ്പെ​ടു​ന്ന​ത​നു​സ​രിച്ച്‌ സൊ​സൈറ്റി രാജ്യ​ഹാൾ നിർമാണ പ്രവർത്ത​കർക്കു​വേ​ണ്ടി​യുള്ള ചോദ്യാ​വലി ഫാറങ്ങൾ അയച്ചു​കൊ​ടു​ക്കു​ന്ന​താണ്‌. ആ ഫാറങ്ങൾ യോഗ്യ​ത​യുള്ള ജോലി​ക്കാർക്കു ലഭ്യമാ​ക്കി​ത്തീർക്കു​ന്നു. ഉചിത​മായ വൈദ​ഗ്‌ധ്യ​ങ്ങ​ളുള്ള, സഭയിൽ നല്ല നിലയുള്ള സ്‌നാ​പ​ന​മേറ്റ പ്രസാ​ധ​കരെ സ്വമേ​ധ​യാ​സേ​വ​ന​ത്തി​നു പ്രോ​ത്സാ​ഹി​പ്പി​ക്കു​ക​യാണ്‌. നിർമാ​ണ​ത്തോ​ടു ബന്ധപ്പെ​ട്ട​തും അല്ലാത്ത​തു​മായ വൈദ​ഗ്‌ധ്യ​ങ്ങൾ ആവശ്യ​മാണ്‌. സ്വമേ​ധ​യാ​സേ​വ​കർക്കു തങ്ങളുടെ സഭയിലെ അധ്യക്ഷ മേൽവി​ചാ​ര​ക​നിൽനി​ന്നോ സെക്ര​ട്ട​റി​യിൽനി​ന്നോ ആവശ്യ​മായ ഫാറങ്ങൾ കൈപ്പ​റ്റാ​വു​ന്ന​താണ്‌. എന്നിട്ട്‌, നിർമാ​ണ​വി​ദ്യ​യി​ലോ ഭക്ഷ്യ സേവനം, സുരക്ഷ, സാമ​ഗ്രി​കൾ കൈകാ​ര്യം ചെയ്യൽ, കണക്കെ​ഴുത്ത്‌, നിയമ​ന​ട​പ​ടി​ക​ളു​മാ​യി ബന്ധപ്പെട്ട കാര്യങ്ങൾ ചെയ്യൽ എന്നിങ്ങനെ മറ്റേ​തെ​ങ്കി​ലും രംഗത്തോ തങ്ങൾക്കുള്ള അനുഭ​വ​പ​രി​ച​യ​ത്തെ​ക്കു​റിച്ച്‌ അവർക്ക​തിൽ സൂചി​പ്പി​ക്കാ​വു​ന്ന​താണ്‌.

¹⁰ കൂടാതെ, സമീപ​ത്താ​യി ഒരു രാജ്യ​ഹാൾ നിർമി​ക്കു​മ്പോൾ, നിങ്ങളു​ടെ സഭയിലെ നിർമാണ പ്രവർത്ത​ന​ങ്ങ​ളിൽ പ്രത്യേക വൈദ​ഗ്‌ധ്യ​മി​ല്ലാത്ത പ്രസാ​ധ​കർക്കു മറ്റു സാധാരണ ജോലി​ക്കാ​രോ​ടൊ​പ്പം പ്രവർത്തി​ച്ചു​കൊ​ണ്ടു സഹായി​ക്കാ​വു​ന്ന​താണ്‌. അത്തരം ജോലി​ക്കാർ സ്വമേ​ധ​യാ​സേ​വ​കർക്കുള്ള ചോദ്യാ​വലി പൂരി​പ്പി​ക്കേ​ണ്ട​തില്ല. ആവശ്യ​ത്തെ​ക്കു​റിച്ച്‌ അറിയിച്ച്‌, നിർമാ​ണ​വു​മാ​യി ബന്ധപ്പെട്ട സഭയി​ലെ​യോ അടുത്തുള്ള സഭയി​ലെ​യോ മൂപ്പന്മാർ മുഖേന അതിനുള്ള ക്രമീ​ക​ര​ണങ്ങൾ നടത്തുന്നു.

[4-ാം പേജിലെ ചതുരം]

രാജ്യഹാൾ നിർമാ​ണ​ത്തി​നുള്ള പടികൾ:

(1) നിർമാണ പദ്ധതി​ക്കും സഭാ​ട്രസ്റ്റ്‌ രൂപീ​ക​രി​ക്കു​ന്ന​തി​നു ട്രസ്റ്റി​കളെ നിയോ​ഗി​ക്കു​ന്ന​തി​നും​വേണ്ടി സഭയിൽ പ്രമേയം പാസാ​ക്കു​ന്നു

(2) മൂപ്പൻമാ​രു​ടെ സംഘം, പ്രത്യേ​കി​ച്ചും ബിസി​നസ്‌/നിർമാണ പ്രവർത്ത​ന​ങ്ങ​ളിൽ അനുഭ​വ​പ​രി​ച​യ​മുള്ള രണ്ടോ മൂന്നോ മൂപ്പന്മാ​രുൾപ്പെ​ടുന്ന ഒരു പ്രാ​ദേ​ശിക നിർമാ​ണ​ക്ക​മ്മി​റ്റി​യെ (Local Building Committee) നിയോ​ഗി​ക്കു​ന്നു

(3) രാജ്യ​ഹാ​ളി​ന്റെ രൂപകൽപ്പന തിര​ഞ്ഞെ​ടു​ക്കാൻ പ്രാ​ദേ​ശിക നിർമാ​ണ​ക്ക​മ്മി​റ്റി മേഖലാ നിർമാ​ണ​ക്ക​മ്മി​റ്റി​യു​മാ​യോ സൊ​സൈ​റ്റി​യു​മാ​യോ ബന്ധപ്പെ​ടു​ന്നു

(4) തിര​ഞ്ഞെ​ടുത്ത രൂപകൽപ്പന സൊ​സൈ​റ്റി​യു​ടെ അംഗീ​കാ​ര​ത്തി​നാ​യി അയയ്‌ക്കു​ന്നു, പ്രാ​ദേ​ശിക അധികാ​രി​ക​ളു​ടെ അനുമതി വാങ്ങാ​നാ​യി അതു മടക്കി അയയ്‌ക്കു​ന്നു

(5) മൂപ്പന്മാർ പദ്ധതിക്കു ലഭ്യമായ ഫണ്ടുകൾ കണക്കു​കൂ​ട്ടു​ന്നു. (സാമ്പത്തിക സഹായം ആവശ്യ​മു​ണ്ടെ​ങ്കിൽ സൊ​സൈ​റ്റി​ക്കെ​ഴു​തുക)

(6) പ്രാ​ദേ​ശിക നിർമാ​ണ​ക്ക​മ്മി​റ്റി മിക്ക പ്രസാ​ധ​കർക്കും സൗകര്യ​പ്ര​ദ​മാ​യി​ടത്തു സ്ഥലം കണ്ടെത്തി അതു വാങ്ങി ട്രസ്റ്റിന്റെ പേരിൽ രജിസ്റ്റർ ചെയ്യുന്നു

(7) രാജ്യ​ഹാൾ പദ്ധതി പൂർത്തി​യാ​ക്കാൻ മേഖലാ നിർമാ​ണ​ക്ക​മ്മി​റ്റി​യും പ്രാ​ദേ​ശിക നിർമാ​ണ​ക്ക​മ്മി​റ്റി​യും ഒരുമി​ച്ചു പ്രവർത്തി​ക്കു​ന്നു

[4-ാം പേജിലെ ചതുരം]

സ്ഥലനിർണയ ചെക്ക്‌ലിസ്റ്റ്‌

സ്ഥലം

വലുപ്പം (ഇപ്പോ​ഴത്തെ ആവശ്യ​ത്തി​നും ഭാവി വർധന​വി​നും മതിയായ വലുപ്പ​മു​ണ്ടോ?)

ആകൃതി (സ്ഥലം മുഴുവൻ ഉപയോ​ഗ​പ്പെ​ടു​ത്താൻ ബുദ്ധി​മു​ട്ടു​ണ്ടോ?)

മണ്ണ്‌ (അതിനു കെട്ടി​ടത്തെ താങ്ങി​നിർത്താ​നാ​കു​മോ?)

വെള്ളം (വെള്ള​പ്പൊ​ക്ക​മു​ണ്ടാ​കാ​നുള്ള സാധ്യ​ത​യു​ണ്ടോ? സെപ്‌റ്റിക്‌ ടാങ്കിലെ വെള്ളം വറ്റി​ക്കൊ​ള്ളു​മോ?)

അയൽക്കാർ (നിങ്ങൾ കെട്ടിടം പണിയു​ന്ന​തിൽ അവർക്ക്‌ ഇഷ്ടക്കു​റ​വു​ണ്ടോ?)

പൊതു സൗകര്യ​ങ്ങ​ളും സേവന​ങ്ങ​ളും

ലഭ്യത (അഴുക്കു​ചാൽ, വെള്ളം, പാചക​വാ​തകം, വൈദ്യു​തി, ഫോൺ)

ചപ്പുചവർ ഇടാനുള്ള സ്ഥലം

പൊലീസ്‌, അഗ്നിശമന സംരക്ഷണം

ക്രമമായ തപാൽ സേവനം

സമീപത്തു സ്‌കൂ​ളു​ക​ളു​ണ്ടോ? പേരു​കേ​ട്ട​തോ?

ചുറ്റുവട്ടങ്ങൾ

ജീവിതനിലവാരം (ഉയർന്ന​തോ താഴ്‌ന്ന​തോ സുസ്ഥി​ര​മോ?)

പാരിസ്ഥിതിക ചുറ്റു​പാ​ടു​കൾ (ഹൈവേ, ഫാക്ടറി​കൾ?)

സ്ഥാനം

പൊതുഗതാഗത സൗകര്യ​മു​ള്ളി​ട​ത്താ​ണോ?

പരിമിതികൾ

സ്ഥലത്തിന്മേൽ പൂർണാ​വ​കാ​ശം ലഭിക്കു​മോ? (ഒരു വക്കീലി​നെ കാണുക)

ആധാര നിയ​ന്ത്ര​ണ​ങ്ങ​ളു​ണ്ടോ?

മേഖലാ നിയ​ന്ത്ര​ണ​ങ്ങ​ളു​ണ്ടോ? (സ്ഥലം വിട്ടു പണിയുക, വിസ്‌തീർണം)

സൗകര്യാവകാശവും ഗമനാ​ഗ​മ​നാ​വ​കാ​ശ​വും സൂക്ഷി​ക്കേ​ണ്ട​തു​ണ്ടോ?

സാമ്പത്തികസ്ഥിതി

സ്ഥലത്തിന്റെ വില നിങ്ങൾക്കു താങ്ങാ​നാ​കു​മോ?

ലോൺ വേണ്ടി​വ​രു​മോ?

പ്രകടമല്ലാത്ത ചെലവു​ക​ളു​ണ്ടോ?

(പ്രത്യേക കരംചു​മ​ത്ത​ലോ അടയ്‌ക്കാത്ത നികു​തി​യോ?)

നിങ്ങൾ എത്രമാ​ത്രം നികു​തി​യ​ട​യ്‌ക്കേ​ണ്ടി​വ​രും?

[4-ാം പേജിലെ ചതുരം]

നിർമാണ കോഡു​കൾക്കു​ള്ളിൽപ്പെ​ടുന്ന പ്രത്യേക പ്രദേ​ശ​ങ്ങൾ

മേഖലാ നിയമങ്ങൾ

മേഖലാ ജില്ലകൾ തീരു​മാ​നി​ക്കൽ

കെട്ടിടങ്ങൾ ഉപയോ​ഗി​ക്കാ​വുന്ന വിധം

കെട്ടിടത്തിനായി ഉപയോ​ഗി​ക്കാ​വുന്ന സ്ഥലത്തിന്റെ ശതമാനം (സാന്ദ്രത)

കെട്ടിടത്തിന്റെ പരമാ​വധി വലുപ്പം

പരമാവധി ഉയരം

വഴിയിൽനിന്നും അയൽപ്പ​ക്ക​ത്തു​നി​ന്നു​മുള്ള ദൂരം

പാർക്കിങ്‌ സംബന്ധിച്ച നിയമങ്ങൾ

സ്ഥലവലുപ്പം സംബന്ധിച്ച കുറഞ്ഞ നിബന്ധ​ന​കൾ

“പരിസര സ്വഭാവം” നിലനിർത്താ​നോ മാറ്റം​വ​രു​ത്താ​നോ ഉപയോ​ഗി​ക്കാ​നാ​കും

[4-ാം പേജിലെ ചതുരം]

കെട്ടിടത്തിന്റെ കോഡ്‌

അഗ്നിശമന സംരക്ഷണം

സുരക്ഷിത നിർഗ​മ​ന​മാർഗം

അപായമായേക്കാവുന്ന കെട്ടിട സൗകര്യ​ങ്ങൾ കൈകാ​ര്യം​ചെയ്യൽ

ജനക്കൂട്ടത്തിനുവേണ്ടിയുള്ള രൂപകൽപ്പന (പൊതു കെട്ടി​ടങ്ങൾ)

ഘടനാ സുരക്ഷി​ത​ത്വം

വേണ്ടത്ര വെളി​ച്ച​വും വായു​സ​ഞ്ചാ​ര​വും

ആരോഗ്യപരിപാലന പ്ലംബിങ്‌

അഗ്നിശമന ഉപകരണം

നിർമാണത്തിനിടയിൽ സുരക്ഷി​ത​ത്വം

കെട്ടിടത്തിലുള്ളവരുടെ ജീവനും ക്ഷേമവും സംരക്ഷി​ക്കു​ന്ന​താ​ണു മുഖ്യ ഉദ്ദേശ്യം

[4-ാം പേജിലെ ചതുരം]

മോശം

[4-ാം പേജിലെ ചതുരം]

നല്ലത്‌

[4-ാം പേജിലെ ചതുരം]

തരക്കേടില്ല