രാജ്യ​ഹാൾ നിർമാ​ണം—വിശു​ദ്ധ​സേ​വ​ന​ത്തി​ന്റെ ഒരു സുപ്ര​ധാന സവി​ശേ​ഷത

1. രാജ്യ​ഹാൾ നിർമാ​ണ​ത്തിൽ എന്തു നേട്ടമു​ണ്ടാ​യി​ട്ടുണ്ട്‌, എന്നാൽ ഇനിയും എത്ര​ത്തോ​ളം ആവശ്യം നിലനിൽക്കു​ന്നു?

¹ കഴിഞ്ഞ വർഷം ഇന്ത്യയിൽ പുതു​താ​യി 19 രാജ്യ​ഹാ​ളു​കൾ നിർമി​ച്ചു. അതിനാ​യി കഠിനാ​ധ്വാ​നം ചെയ്‌ത എല്ലാവർക്കും ഞങ്ങളുടെ ഹൃദയം​ഗ​മ​മായ നന്ദി. രാജ്യ​ഹാൾ നിർമാ​ണ​ത്തിൽ ഇതി​നോ​ടകം വളരെ​യേറെ വേല നിർവ​ഹി​ക്ക​പ്പെ​ട്ടി​ട്ടു​ണ്ടെ​ങ്കി​ലും ഇനിയും ധാരാളം ചെയ്യാ​നുണ്ട്‌. നിലവിൽ 175 രാജ്യ​ഹാ​ളു​കൾകൂ​ടെ അടിയ​ന്തി​ര​മാ​യി നമുക്കു വേണം. യഹോ​വ​യ്‌ക്കുള്ള വിശു​ദ്ധ​സേ​വ​ന​ത്തി​ന്റെ ഈ സുപ്ര​ധാന വശത്തെ നമു​ക്കെ​ല്ലാം എങ്ങനെ പിന്തു​ണ​യ്‌ക്കാൻ കഴിയും?—വെളി​പ്പാ​ടു 7:15.

2. നമുക്ക്‌ രാജ്യ​ഹാൾ നിർമാണ പ്രവർത്ത​നത്തെ നേരിട്ടു പിന്തു​ണ​യ്‌ക്കാൻ കഴിയു​ന്ന​തെ​ങ്ങനെ?

² സന്നദ്ധരായിരിക്കുക: നിങ്ങൾ സ്‌നാ​പ​ന​മേറ്റ ഒരു പ്രസാ​ധ​ക​നാ​ണെ​ങ്കിൽ, ‘രാജ്യ​ഹാൾ നിർമാണ വിഭാഗ’ത്തോ​ടൊ​പ്പം ഒരു സ്വമേ​ധയാ സേവക​നാ​യി പ്രവർത്തി​ക്കു​ന്ന​തിന്‌ രാജ്യ​ഹാൾ നിർമാണ സ്വമേ​ധ​യാ​സേ​വ​കർക്കാ​യുള്ള അപേക്ഷ (A-25) പൂരി​പ്പി​ക്കാൻ ഞങ്ങൾ നിങ്ങളെ ക്ഷണിക്കു​ന്നു. (സങ്കീർത്തനം 110:3) അതിനാ​യി മുന്നോ​ട്ടു​വ​രുന്ന എല്ലാവ​രും സേവന​സ​ന്ന​ദ്ധ​രും സഹകരണ മനോ​ഭാ​വ​മു​ള്ള​വ​രും ആയിരി​ക്കണം. (സങ്കീർത്തനം 133:1) ഒരുപക്ഷേ നിർമാ​ണ​വൈ​ദ​ഗ്‌ധ്യം ഇല്ലെങ്കിൽപ്പോ​ലും ഒരു നിർമാണ പദ്ധതി​യു​ടെ വിജയ​ത്തി​നാ​യി നിങ്ങൾക്കു പലതും ചെയ്യാ​നാ​കും. നിർമാണ പ്രവർത്ത​ന​ങ്ങ​ളു​ടെ മേൽനോ​ട്ടം വഹിക്കു​ന്ന​തി​നും ആവശ്യ​മായ അനുമ​തി​കൾ നേടു​ന്ന​തിൽ സഹായി​ക്കു​ന്ന​തി​നും യോഗ്യ​ത​യുള്ള സഹോ​ദ​ര​ന്മാ​രെ ഇപ്പോൾ ആവശ്യ​മുണ്ട്‌. കൂടാതെ നിർമാണ രംഗത്തു ലഭിക്കുന്ന പരിശീ​ലനം ഭാവി​യിൽ കൂടുതൽ നിർമാണ പദ്ധതി​ക​ളിൽ പങ്കെടു​ക്കാൻ നിങ്ങളെ പ്രാപ്‌ത​രാ​ക്കും.

3. ഈ ക്രമീ​ക​ര​ണത്തെ മറ്റേ​തെ​ല്ലാം വിധങ്ങ​ളിൽ നമുക്ക്‌ പിന്തു​ണ​യ്‌ക്കാൻ സാധി​ക്കും?

³ രാജ്യഹാൾ നിർമാണ പ്രവർത്ത​ന​ത്തിൽ സ്വമേ​ധയാ സേവക​നാ​യി പ്രവർത്തി​ക്കാൻ നിങ്ങളു​ടെ സാഹച​ര്യം അനുവ​ദി​ക്കു​ന്നി​ല്ലെ​ങ്കിൽ അതിൽ പങ്കെടു​ക്കാ​നാ​കു​ന്ന​വരെ പ്രോ​ത്സാ​ഹി​പ്പി​ച്ചു​കൊണ്ട്‌ നിങ്ങളു​ടെ പിന്തുണ പ്രകട​മാ​ക്കാൻ കഴിയും. ഈ സ്വമേ​ധ​യാ​സേ​വകർ സ്ഥലത്തി​ല്ലാ​ത്ത​പ്പോൾ അവരുടെ സഭാനി​യ​മ​നങ്ങൾ ഏറ്റെടു​ത്തു നടത്തി​ക്കൊണ്ട്‌ നിങ്ങൾക്ക്‌ അവരെ സഹായി​ക്കാ​വു​ന്ന​തു​മാണ്‌. സഭയിലെ ആരെങ്കി​ലും ഒരു രാജ്യ​ഹാൾ പദ്ധതി​യിൽ പ്രവർത്തി​ക്കു​മ്പോൾ, മൂപ്പന്മാർ മുന്നമേ കാര്യങ്ങൾ ആസൂ​ത്രണം ചെയ്‌തു​കൊണ്ട്‌ സഭാ​പ്ര​വർത്ത​നങ്ങൾ നന്നായി നിർവ​ഹി​ക്ക​പ്പെ​ടു​ന്നു​വെന്ന്‌ ഉറപ്പു​വ​രു​ത്തണം. രാജ്യ​താ​ത്‌പ​ര്യ​ങ്ങ​ളു​ടെ ഉന്നമന​ത്തി​നാ​യി നാം ഐക്യ​ത്തിൽ പ്രവർത്തി​ക്കു​ന്നത്‌ തീർച്ച​യാ​യും യഹോ​വയെ പ്രസാ​ദി​പ്പി​ക്കും.—എബ്രായർ 13:16.

4. രാജ്യ​ഹാൾ നിർമാണ പ്രവർത്ത​ന​ങ്ങ​ളിൽ പങ്കെടു​ക്കു​ന്ന​വ​രോ​ടു നമു​ക്കെ​ങ്ങനെ ക്രിയാ​ത്മക മനോ​ഭാ​വം പ്രകട​മാ​ക്കാം?

⁴ പ്രോത്സാഹിപ്പിക്കുന്നവരായിരിക്കുക: ആരാധ​നാ​ല​യങ്ങൾ നിർമി​ക്കു​ന്ന​തി​നു വളരെ​യ​ധി​കം സമയവും കഠിനാ​ധ്വാ​ന​വും ആവശ്യ​മാണ്‌. ആ സ്ഥിതിക്ക്‌ രാജ്യ​ഹാൾ നിർമാണ പദ്ധതി​യിൽ പ്രവർത്തി​ക്കാൻ ക്ഷണിക്ക​പ്പെ​ടു​ന്നവർ സ്വന്തം സഭയിൽനി​ന്നും ചില​പ്പോൾ മാറി​നിൽക്കേ​ണ്ടി​വ​രും. ഈ സുപ്ര​ധാന വേലയ്‌ക്കാ​യി ത്യാഗങ്ങൾ ചെയ്യു​ന്ന​വരെ അഭിന​ന്ദി​ക്കു​ന്ന​തി​ലും പ്രോ​ത്സാ​ഹി​പ്പി​ക്കു​ന്ന​തി​ലും നമുക്ക്‌ ഉത്സുക​രാ​യി​രി​ക്കാം.—പ്രവൃ​ത്തി​കൾ 6:3; റോമർ 14:19.

5. നിർമാണ സ്വമേ​ധ​യാ​സേ​വ​കർക്ക്‌ സമനി​ല​യു​ള്ള​വ​രാ​യി​രി​ക്കാൻ എങ്ങനെ കഴിയും?

⁵ സമനിലയുള്ളവരായിരിക്കുക: നമ്മുടെ മുഖ്യ ദിവ്യാ​ധി​പത്യ പ്രവർത്തനം ദൈവ​രാ​ജ്യ​സു​വാർത്താ പ്രസം​ഗ​മാണ്‌. (മർക്കൊസ്‌ 13:10) ഇതു കണക്കി​ലെ​ടു​ത്തു​കൊ​ണ്ടാണ്‌ നിർമാണ പദ്ധതികൾ പട്ടിക​പ്പെ​ടു​ത്താ​റു​ള്ളത്‌. അതു​കൊണ്ട്‌ സ്വമേ​ധ​യാ​സേ​വ​കർക്ക്‌ അനാവ​ശ്യ​മാ​യി തങ്ങളുടെ സഭയിൽനി​ന്നു മാറി നിൽക്കേ​ണ്ടി​വ​രു​ന്നില്ല. അതു​പോ​ലെ​തന്നെ സ്വമേ​ധ​യാ​സേ​വ​ക​രും തങ്ങളുടെ വ്യത്യസ്‌ത ഉത്തരവാ​ദി​ത്വ​ങ്ങൾ സമനി​ല​യോ​ടെ നിർവ​ഹി​ക്കാൻ ശ്രമി​ക്കു​ന്നു. നിർമാ​ണ​പ്ര​വർത്ത​ന​ത്തോ​ടു ബന്ധപ്പെട്ട്‌ ദൂരെ​യാ​യി​രി​ക്കു​മ്പോൾ തങ്ങളുടെ സഭാ ഉത്തരവാ​ദി​ത്വ​ങ്ങൾ നിർവ​ഹി​ക്ക​പ്പെ​ടു​ന്നു​ണ്ടെന്ന്‌ ഉറപ്പു​വ​രു​ത്തു​ന്ന​തിൽ അവർ പ്രത്യേ​കം ശ്രദ്ധി​ക്കു​ന്നു.

6. സത്യാ​രാ​ധ​ന​യു​ടെ ഉന്നമന​ത്തി​നാ​യി സഭയിലെ എല്ലാവ​രും ഒത്തൊ​രു​മി​ച്ചു പ്രവർത്തി​ക്കു​മ്പോൾ എന്തു നേട്ടമു​ണ്ടാ​കു​ന്നു?

⁶ ‘സ്‌നേ​ഹ​ത്തി​ലുള്ള വർദ്ധ​നെ​ക്കാ​യി വളർച്ച പ്രാപി​ക്കേ​ണ്ട​തിന്‌’ സഭാം​ഗങ്ങൾ ഐക്യ​ത്തിൽ ഒരുമി​ച്ചു പ്രവർത്തി​ക്കു​ന്ന​താ​യി അപ്പൊ​സ്‌ത​ല​നായ പൗലൊസ്‌ വിവരി​ച്ചു. (എഫെസ്യർ 4:16) യഹോ​വ​യോ​ടും സത്യാ​രാ​ധ​ന​യോ​ടും ഉള്ള നമ്മുടെ സ്‌നേഹം സുവാർത്ത പ്രസം​ഗ​വേ​ല​യെ​യും രാജ്യ​ഹാൾ നിർമാ​ണ​പ്ര​വർത്ത​ന​ത്തെ​യും പിന്തു​ണ​യ്‌ക്കു​ന്ന​തിൽ ഒത്തൊ​രു​മി​ച്ചു പ്രവർത്തി​ക്കാൻ നമ്മെ പ്രേരി​പ്പി​ക്കു​ന്നു.