വേണം—കൂടുതൽ ബൈബി​ള​ധ്യ​യ​നങ്ങൾ

¹ തുടർച്ച​യായ വളർച്ച​കൊണ്ട്‌ യഹോ​വ​യാം ദൈവം തന്റെ ഭൗമിക സ്ഥാപനത്തെ അനു​ഗ്ര​ഹി​ക്കു​ക​യാണ്‌. കഴിഞ്ഞ വർഷം ലോക​വ്യാ​പ​ക​മാ​യി 3,75,923 പേർ സ്‌നാ​പ​ന​മേറ്റു—അതായത്‌ പ്രതി​ദി​നം ശരാശരി 1,000-ത്തിലധി​കം പേർ, അഥവാ ഓരോ മണിക്കൂ​റി​ലും ഏതാണ്ട്‌ 43 പേർ! ലോക​ത്തി​ന്റെ നാനാ​ഭാ​ഗ​ങ്ങ​ളിൽ രാജ്യ​വേല തഴച്ചു​വ​ള​രു​ക​യാണ്‌. നമ്മുടെ സഹോ​ദ​ര​ങ്ങൾക്ക്‌ പതിറ്റാ​ണ്ടു​ക​ളോ​ളം പ്രശ്‌നങ്ങൾ അഭിമു​ഖീ​ക​രി​ക്കേ​ണ്ടി​വ​ന്നെ​ങ്കിൽ തന്നെയും ശ്രദ്ധേ​യ​മായ പുരോ​ഗതി ഉണ്ടായി​ക്കൊ​ണ്ടി​രി​ക്കു​ന്നു. സുവാർത്ത വ്യാപി​പ്പി​ക്കു​ന്ന​തിൽ ഉണ്ടായി​ക്കൊ​ണ്ടി​രി​ക്കുന്ന പുരോ​ഗ​തി​യെ​ക്കു​റിച്ച്‌ വായി​ക്കു​ന്നത്‌ ആവേശ​ക​ര​മാണ്‌!

² ശരാശരി പ്രസാ​ധ​ക​രു​ടെ എണ്ണം, സഹായ പയനി​യർമാ​രു​ടെ എണ്ണം, പ്രസം​ഗ​പ്ര​വർത്ത​ന​ത്തിൽ ചെലവ​ഴിച്ച മണിക്കൂർ, സമർപ്പിച്ച പുസ്‌ത​കങ്ങൾ, ചെറു​പുസ്‌ത​കങ്ങൾ, ലഘുപ​ത്രി​കകൾ, മാസി​കകൾ എന്നിവ​യിൽ കഴിഞ്ഞ സേവന​വർഷം ഇന്ത്യാ ബ്രാഞ്ചി​ലും പുരോ​ഗ​തി​യു​ണ്ടാ​യി. സ്‌നാ​പ​ന​മേ​റ്റ​വ​രു​ടെ എണ്ണത്തിൽ വർധന​വു​ണ്ടാ​യി​രു​ന്നു. സ്‌മാരക ഹാജർ ഒരു സർവകാല അത്യു​ച്ച​മാ​യി​രു​ന്നു. മടക്കസ​ന്ദർശ​ന​ങ്ങ​ളു​ടെ​യും ബൈബി​ള​ധ്യ​യ​ന​ങ്ങ​ളു​ടെ​യും കാര്യ​മോ? പ്രസാ​ധ​ക​രു​ടെ എണ്ണത്തിൽ എട്ടു ശതമാനം വർധന​വു​ണ്ടാ​യെ​ങ്കി​ലും മടക്കസ​ന്ദർശ​ന​ങ്ങ​ളിൽ നേരിയ പുരോ​ഗതി മാത്രമേ ഉണ്ടായു​ള്ളൂ—വെറും 0.5 ശതമാനം. ബൈബി​ള​ധ്യ​യ​ന​ങ്ങ​ളാ​കട്ടെ നാലു ശതമാനം കുറഞ്ഞു​പോ​യി. എന്നാൽ, ശുശ്രൂ​ഷ​യു​ടെ ഈ വശങ്ങളാ​ണു ശിഷ്യ​രാ​ക്കൽ വേലയു​ടെ കാതൽ. മടക്കസ​ന്ദർശ​ന​ങ്ങ​ളു​ടെ​യും ബൈബി​ള​ധ്യ​യ​ന​ങ്ങ​ളു​ടെ​യും കാര്യ​ത്തി​ലെ ഈ കുറവു പരിഹ​രി​ക്കാൻ നമ്മിൽ ഓരോ​രു​ത്തർക്കും എന്തു ചെയ്യാൻ കഴിയും?

³ അധ്യയനം നടത്താ​നുള്ള ആഗ്രഹം ശക്തമാ​ക്കുക: ആത്മീയ​മാ​യി ശക്തരും കർമനി​ര​ത​രു​മാ​യി​രി​ക്കു​ന്ന​തിൽ നാംതന്നെ ശ്രദ്ധ കേന്ദ്രീ​ക​രി​ക്കേ​ണ്ട​തുണ്ട്‌. ക്രിസ്‌തു​വി​ന്റെ യഥാർഥ അനുഗാ​മി​കൾ “സൽപ്ര​വൃ​ത്തി​ക​ളിൽ ശുഷ്‌കാ​ന്തി”യുള്ളവ​രാണ്‌. (തീത്തൊ. 2:14) നമ്മുടെ ശുശ്രൂഷ അവലോ​കനം ചെയ്‌താൽ, വയലിൽ സാഹി​ത്യം സമർപ്പി​ച്ചി​രി​ക്കുന്ന എല്ലാവ​രു​ടെ​യും അടുക്കൽ മടക്കസ​ന്ദർശനം നടത്താൻ നാം ആകാം​ക്ഷ​യു​ള്ള​വ​രാ​ണെന്നു നമുക്കു പറയാൻ സാധി​ക്കു​മോ? താത്‌പ​ര്യം പ്രകട​മാ​ക്കുന്ന എല്ലാവ​രു​മാ​യി ഭവന ബൈബി​ള​ധ്യ​യ​നങ്ങൾ നടത്താൻ നാം ഉത്സാഹ​മു​ള്ള​വ​രാ​ണോ? (റോമ. 12:11) അല്ലെങ്കിൽ, മടക്കസ​ന്ദർശ​നങ്ങൾ നടത്താ​നും ഭവന ബൈബി​ള​ധ്യ​യ​നങ്ങൾ ആരംഭി​ക്കാ​നു​മുള്ള കൂടു​ത​ലായ ആഗ്രഹം നാം വികസി​പ്പി​ച്ചെ​ടു​ക്കേ​ണ്ട​തു​ണ്ടോ?

⁴ വ്യക്തി​പ​ര​മായ ബൈബിൾ വായന, പതിവാ​യി യോഗ​ങ്ങൾക്കു ഹാജരാ​കൽ, പ്രസി​ദ്ധീ​ക​ര​ണ​ങ്ങ​ളു​ടെ പഠനം എന്നിവ​യെ​ല്ലാം നമ്മെ ആത്മീയ​മാ​യി ഊർജ​സ്വ​ല​രാ​ക്കി​നിർത്തും. അങ്ങനെ നാം ദൈവാ​ത്മാ​വി​നാൽ ശക്തരാ​ക്ക​പ്പെ​ടും. (എഫെ. 3:16-19) അത്‌ യഹോ​വ​യി​ലുള്ള നമ്മുടെ വിശ്വാ​സ​ത്തെ​യും ഉറപ്പി​നെ​യും സഹമനു​ഷ്യ​രോ​ടുള്ള നമ്മുടെ സ്‌നേ​ഹ​ത്തെ​യും ശക്തി​പ്പെ​ടു​ത്തും. മറ്റുള്ള​വരെ സത്യം പഠിപ്പി​ക്കാൻ നാം പ്രചോ​ദി​ത​രാ​യി​ത്തീ​രും, അങ്ങനെ നാം നമ്മുടെ ശുശ്രൂഷ രസകര​വും വിജയ​പ്ര​ദ​വും ഉത്തേജ​നാ​ത്മ​ക​വു​മാ​ക്കി നിലനിർത്തും. അതേ, കൂടുതൽ ബൈബി​ള​ധ്യ​യ​ന​ങ്ങ​ളു​ണ്ടാ​യി​രി​ക്കാൻ നാം ആഗ്രഹി​ക്കണം!

⁵ ആദ്യം കുടും​ബ​ത്തോ​ടൊ​ത്തു പഠിക്കുക: ക്രിസ്‌തീയ മാതാ​പി​താ​ക്കൾ കുട്ടി​ക​ളോ​ടൊ​ത്തു ക്രമമായ കുടുംബ ബൈബി​ള​ധ്യ​യന പരിപാ​ടി ക്രമീ​ക​രി​ക്കാൻ ശ്രദ്ധയു​ള്ള​വ​രാ​യി​രി​ക്കണം. (ആവ. 31:12; സങ്കീ. 148:12, 13; സദൃ. 22:6) മാതാ​പി​താ​ക്കൾ ആദ്യം ആവശ്യം ലഘുപ​ത്രി​ക​യും പിന്നീട്‌ പരിജ്ഞാ​നം പുസ്‌ത​ക​വും ഉപയോ​ഗി​ച്ചു കുട്ടി​കൾക്ക്‌ അധ്യയ​ന​മെ​ടു​ക്കു​ന്നത്‌ വളരെ പ്രയോ​ജ​ന​ക​ര​മാ​യി​രി​ക്കും. കാരണം, സ്‌നാ​പ​ന​മേൽക്കാത്ത പ്രസാ​ധ​ക​രാ​യി​ത്തീ​രാ​നും പിന്നീട്‌ സമർപ്പ​ണ​ത്തി​നും സ്‌നാ​പ​ന​ത്തി​നും യോഗ്യത പ്രാപി​ക്കാ​നും ഇതവരെ സഹായി​ക്കും. കുട്ടി​യു​ടെ ആവശ്യ​ങ്ങ​ളും പ്രായ​വും കണക്കി​ലെ​ടുത്ത്‌ കൂടു​ത​ലായ വിവരങ്ങൾ തീർച്ച​യാ​യും പരിചി​ന്തി​ക്കാ​വു​ന്ന​താണ്‌. സ്‌നാ​പ​ന​മേൽക്കാത്ത ഒരു കുട്ടിക്ക്‌ അധ്യയ​ന​മെ​ടു​ക്കുന്ന ഒരു പിതാ​വി​നോ മാതാ​വി​നോ ആ അധ്യയ​ന​വും സമയവും മടക്കസ​ന്ദർശ​ന​ങ്ങ​ളും റിപ്പോർട്ടു ചെയ്യാ​വു​ന്ന​താണ്‌. നമ്മുടെ രാജ്യ ശുശ്രൂ​ഷ​യു​ടെ (ഇംഗ്ലീഷ്‌) 1987 മേയ്‌ ലക്കത്തിലെ ചോദ്യ​പ്പെ​ട്ടി​യിൽ ഇതേക്കു​റി​ച്ചുള്ള വിവരങ്ങൾ നൽകി​യി​രി​ക്കു​ന്നു.

⁶ വ്യക്തി​പ​ര​മായ സംഘാ​ട​ന​ത്തിൽ പുരോ​ഗ​മി​ക്കുക: സമർപ്പി​ച്ചി​രി​ക്കുന്ന മാസി​ക​ക​ളു​ടെ​യും ലഘുപ​ത്രി​ക​ക​ളു​ടെ​യും പുസ്‌ത​ക​ങ്ങ​ളു​ടെ​യും എണ്ണം കണക്കി​ലെ​ടു​ക്കു​മ്പോൾ, വലിയ അളവിൽ വിത്തു വിതയ്‌ക്ക​പ്പെ​ടു​ന്നു​ണ്ടെ​ന്നു​ള്ള​തി​നു സംശയ​മില്ല. വിതയ്‌ക്ക​പ്പെട്ട സത്യത്തി​ന്റെ ഈ വിത്തുകൾ പുതു​ശി​ഷ്യ​രെ ഉളവാ​ക്കാൻ വളരെ ശക്തിയു​ള്ള​വ​യാണ്‌. നടുന്ന​തി​നു വേണ്ടി തുടർച്ച​യാ​യി വളരെ​യ​ധി​കം ശ്രമം നടത്തി​യ​ശേഷം വിള​വെ​ടു​പ്പു നടത്താൻ ഒരു കൃഷി​ക്കാ​ര​നോ പൂന്തോ​ട്ട​നിർമാ​താ​വോ സമയ​മെ​ടു​ക്കാ​തി​രി​ക്കു​മോ? തീർച്ച​യാ​യും സമയ​മെ​ടു​ക്കും. സമാന​മാ​യി നാമും നമ്മുടെ ശുശ്രൂ​ഷ​യിൽ ആളുക​ളു​ടെ അടുക്കൽ മടങ്ങി​ച്ചെ​ല്ലേ​ണ്ടത്‌ അനിവാ​ര്യ​മാണ്‌.

⁷ മടക്കസ​ന്ദർശ​നങ്ങൾ നടത്തു​ന്ന​തിന്‌ നിങ്ങൾ പതിവാ​യി സമയം പട്ടിക​പ്പെ​ടു​ത്താ​റു​ണ്ടോ? കണ്ടുമു​ട്ടിയ എല്ലാ താത്‌പ​ര്യ​ക്കാ​രു​ടെ​യും അടുക്കൽ സത്വരം മടങ്ങി​ച്ചെ​ല്ലുക. ബൈബി​ള​ധ്യ​യനം തുടങ്ങു​ക​യെന്ന ലക്ഷ്യത്തിൽ വേണം മടക്കസ​ന്ദർശ​നങ്ങൾ നടത്താൻ. മടക്കസ​ന്ദർശ​ന​ങ്ങ​ളു​ടെ വ്യക്തമായ, കാലാ​നു​സൃ​ത​മായ, നല്ല രീതി​യിൽ ചിട്ട​പ്പെ​ടു​ത്തിയ രേഖ നിങ്ങൾ സൂക്ഷി​ക്കാ​റു​ണ്ടോ? വീട്ടു​കാ​രന്റെ പേര്‌, മേൽവി​ലാ​സം, പ്രഥമ സന്ദർശനം നടത്തിയ തീയതി, സമർപ്പണം എന്തെങ്കി​ലു​മു​ണ്ടെ​ങ്കിൽ അത്‌, ചർച്ച ചെയ്‌ത വിഷയ​ത്തി​ന്റെ ഹ്രസ്വ​വി​വ​രണം, അടുത്ത സന്ദർശ​ന​ത്തിൽ വികസി​പ്പി​ക്കാൻ കഴിയുന്ന ആശയം എന്നിവ രേഖ​പ്പെ​ടു​ത്തി​വെ​ക്കുക. ഓരോ മടക്കസ​ന്ദർശ​ന​ത്തി​നും ശേഷം കൂടു​ത​ലായ വിവരങ്ങൾ രേഖ​പ്പെ​ടു​ത്തു​ന്ന​തി​നു സ്ഥലമി​ടുക.

⁸ മടക്കസ​ന്ദർശനം എങ്ങനെ നടത്താ​മെന്നു വിശക​ലനം ചെയ്യുക: ഒരു താത്‌പ​ര്യ​ക്കാ​രനു മടക്കസ​ന്ദർശനം നടത്തു​മ്പോൾ മനസ്സിൽ പിടി​ക്കേണ്ട ചില കാര്യങ്ങൾ ഏതൊ​ക്കെ​യാണ്‌? (1) ഊഷ്‌മ​ള​വും സൗഹാർദ​പ​ര​വും ഉത്സാഹ​പൂർവ​ക​വും ഔദ്യോ​ഗി​കത കലരാ​ത്ത​തു​മായ മനോ​ഭാ​വം പുലർത്തുക. (2) അയാൾക്കു താത്‌പ​ര്യ​ജ​ന​ക​മായ വിഷയ​ങ്ങ​ളോ ചോദ്യ​ങ്ങ​ളോ ചർച്ച ചെയ്യുക. (3) ചർച്ച ലളിത​വും രസകര​വും തിരു​വെ​ഴു​ത്ത​ധിഷ്‌ഠി​ത​വു​മാ​ക്കുക. (4) ഓരോ സന്ദർശ​ന​ത്തി​ലും തനിക്കു വ്യക്തി​പ​ര​മാ​യി മൂല്യ​മു​ള്ള​തെന്നു വീട്ടു​കാ​രൻ തിരി​ച്ച​റി​ഞ്ഞേ​ക്കാ​വുന്ന എന്തെങ്കി​ലും അദ്ദേഹത്തെ പഠിപ്പി​ക്കാൻ ശ്രമി​ക്കുക. (5) അടുത്ത സന്ദർശ​ന​ത്തിൽ ചർച്ച ചെയ്യാ​നി​രി​ക്കുന്ന വിഷയ​ത്തിൽ ആകാംക്ഷ ജനിപ്പി​ക്കുക. (6) അധിക നേരം അവിടെ തങ്ങരുത്‌. (7) വീട്ടു​കാ​രനെ വിഷമി​പ്പി​ക്കു​ന്ന​തോ ബുദ്ധി​മു​ട്ടി​ക്കു​ന്ന​തോ ആയ ചോദ്യ​ങ്ങൾ ഉന്നയി​ക്ക​രുത്‌. (8) വീട്ടു​കാ​ര​നിൽ ആത്മീയ വിലമ​തിപ്പ്‌ ഉണ്ടാകു​ന്ന​തി​നു മുമ്പേ, അയാളു​ടെ തെറ്റായ വീക്ഷണ​ങ്ങ​ളെ​യോ മോശ​മായ സ്വഭാ​വ​ങ്ങ​ളെ​യോ കുറ്റം വിധി​ക്കാ​തി​രി​ക്കാൻ വിവേചന ഉപയോ​ഗി​ക്കുക.—മടക്കസ​ന്ദർശനം നടത്തു​ന്ന​തി​ലും ബൈബി​ള​ധ്യ​യ​നങ്ങൾ തുടങ്ങു​ന്ന​തി​ലും എങ്ങനെ വിജയി​ക്കാൻ കഴിയു​മെ​ന്നതു സംബന്ധി​ച്ചു സഹായ​ക​മായ കൂടുതൽ വിവര​ങ്ങൾക്ക്‌ നമ്മുടെ രാജ്യ ശുശ്രൂ​ഷ​യു​ടെ 1997 മാർച്ച്‌ ലക്കത്തിലെ അനുബന്ധം കാണുക.

⁹ എല്ലാ സാധ്യ​ത​യും നന്നായി പരി​ശോ​ധി​ച്ചു​നോ​ക്കുക: കനത്ത സുരക്ഷാ​സം​വി​ധാ​ന​മുള്ള ഒരു ഹൗസിങ്‌ കോള​നി​യി​ലെ എല്ലാവ​രു​ടെ​യും പേരു​ക​ളും അപ്പാർട്ട്‌മെന്റ്‌ നമ്പരു​ക​ളും അറിയാൻ ഒരു സഭയ്‌ക്കു കഴിഞ്ഞു. അവർ ഓരോ വ്യക്തി​ക്കും കത്തെഴു​തി, അതിൽ രണ്ട്‌ ലഘു​ലേ​ഖ​ക​ളും വെച്ചി​രു​ന്നു. കത്തിന്റെ അവസാനം, ബൈബി​ള​ധ്യ​യന ക്രമീ​ക​ര​ണ​ത്തെ​ക്കു​റി​ച്ചും സൂചി​പ്പി​ച്ചി​രു​ന്നു. അവർക്കു ബന്ധപ്പെ​ടു​ന്ന​തിന്‌ അതിൽ പ്രാ​ദേ​ശിക ഫോൺ നമ്പരും കുറി​ച്ചി​രു​ന്നു. ഏതാനും ദിവസ​ങ്ങൾക്കു​ള്ളിൽ, അധ്യയനം ആവശ്യ​പ്പെ​ട്ടു​കൊണ്ട്‌ ഒരു യുവാവ്‌ ഫോൺ ചെയ്‌തു. അടുത്ത ദിവസം​തന്നെ മടക്കസ​ന്ദർശനം നടത്തി. അങ്ങനെ പരിജ്ഞാ​നം പുസ്‌തകം ഉപയോ​ഗിച്ച്‌ അധ്യയ​ന​മാ​രം​ഭി​ച്ചു. അന്നുതന്നെ അയാൾ സഭാപുസ്‌ത​കാ​ധ്യ​യ​ന​ത്തിൽ സംബന്ധി​ച്ചു. തുടർന്ന്‌ അയാൾ എല്ലാ യോഗ​ങ്ങൾക്കും വരാൻ തുടങ്ങി. താമസി​യാ​തെ​തന്നെ, അയാൾ പതിവാ​യി ബൈബിൾ വായി​ക്കാൻ തുടങ്ങി. ക്രമമാ​യി പുരോ​ഗതി പ്രാപിച്ച അയാൾ സ്‌നാ​പ​ന​മേറ്റു.

¹⁰ ഒരു കൂട്ടം പ്രസാ​ധകർ ഒരുമിച്ച്‌ മടക്കസ​ന്ദർശ​നങ്ങൾ നടത്തു​ന്ന​തി​നു ക്രമീ​ക​രണം ചെയ്‌തു. അവരിൽ ഒരു സഹോ​ദരി മടക്കസ​ന്ദർശനം നടത്തി​യ​പ്പോൾ അവർ കാണാൻ ചെന്ന വ്യക്തി വീട്ടി​ലി​ല്ലാ​യി​രു​ന്നു. എന്നാൽ, വാതിൽ തുറന്ന ഒരു യുവതി ഇങ്ങനെ പറഞ്ഞു: “ഞാൻ നിങ്ങൾക്കാ​യി കാത്തി​രി​ക്കു​ക​യാ​യി​രു​ന്നു.” പരിച​യ​മുള്ള ഒരു വ്യക്തി മുഖാ​ന്തരം ആ വീട്ടു​കാ​രിക്ക്‌ പരിജ്ഞാ​നം പുസ്‌തകം ലഭിച്ചി​രു​ന്നു. നമ്മുടെ സഹോ​ദരി അവിടെ ചെല്ലു​ന്ന​തി​നു മുമ്പായി അവൾ ആ പുസ്‌തകം രണ്ടു​പ്രാ​വ​ശ്യം വായി​ച്ചു​ക​ഴി​ഞ്ഞി​രു​ന്നു. അതിലെ വിവരങ്ങൾ അവളിൽ വളരെ മതിപ്പു​ള​വാ​ക്കി. ആ ദിവസം സാക്ഷികൾ തന്നെ സന്ദർശി​ച്ച​തിൽ തനിക്ക്‌ അതിശ​യ​മൊ​ന്നു​മി​ല്ലെന്ന്‌ അവൾ പറഞ്ഞു. കാരണം, സാക്ഷികൾ വന്നു തനിക്ക്‌ അധ്യയ​ന​മെ​ടു​ക്കു​ന്ന​തി​നാ​യി അവൾ പ്രാർഥി​ക്കു​ന്നു​ണ്ടാ​യി​രു​ന്നു. അങ്ങനെ ഒരു അധ്യയനം ആരംഭി​ച്ചു. അവൾ സഭാ​യോ​ഗ​ങ്ങ​ളിൽ സംബന്ധി​ക്കാൻ തുടങ്ങി. വളരെ വേഗം പുരോ​ഗതി പ്രാപി​ക്കു​ക​യും ചെയ്‌തു.

¹¹ ഏതാണ്ട്‌ 25 വർഷം മുമ്പ്‌ സ്‌നാ​പ​ന​മേറ്റ ഒരു സഹോ​ദരി അടുത്ത​കാ​ലത്ത്‌ തന്റെ അമ്മയ്‌ക്ക്‌ ഒരു പരിജ്ഞാ​നം പുസ്‌തകം കൊടു​ത്തു. ഒരു പള്ളിയം​ഗ​മായ അവർ പ്രസ്‌തുത പുസ്‌തകം വായി​ക്കാൻ തുടങ്ങി. രണ്ട്‌ അധ്യായം വായി​ച്ചു​ക​ഴി​ഞ്ഞ​പ്പോൾ അവർ തന്റെ മകളെ വിളിച്ച്‌ “ഞാൻ ഒരു യഹോ​വ​യു​ടെ സാക്ഷി​യാ​കാൻ ആഗ്രഹി​ക്കു​ന്നു!” എന്നു പറഞ്ഞു. അത്‌ മകളെ അമ്പരപ്പി​ച്ചു. ബൈബിൾ പഠിക്കാൻ തുടങ്ങിയ അവർ ഇപ്പോൾ സ്‌നാ​പ​ന​മേറ്റ ഒരു സഹോ​ദ​രി​യാണ്‌.

¹² ഈ നിർദേ​ശങ്ങൾ പരീക്ഷി​ച്ചു​നോ​ക്കുക: ബൈബി​ള​ധ്യ​യ​നങ്ങൾ ആരംഭി​ക്കു​ന്ന​തി​നു നേരി​ട്ടുള്ള സമീപനം നിങ്ങൾ പരീക്ഷി​ച്ചു​നോ​ക്കി​യി​ട്ടു​ണ്ടോ? നിങ്ങൾക്കു കേവലം ഇങ്ങനെ പറയാ​വു​ന്ന​താണ്‌: “നിങ്ങൾ ഒരു സൗജന്യ ബൈബി​ള​ധ്യ​യനം ആഗ്രഹി​ക്കു​ന്നെ​ങ്കിൽ, അതു നടത്തുന്ന വിധം ഏതാനും മിനി​റ്റു​കൊ​ണ്ടു ഞാൻ കാട്ടി​ത്ത​രാം. താത്‌പ​ര്യ​മു​ണ്ടെ​ങ്കിൽ, നിങ്ങൾക്കതു തുടരാ​വു​ന്ന​താണ്‌.” അങ്ങനെ പറയു​മ്പോൾ ആ ക്ഷണം സ്വീക​രി​ക്കാൻ മിക്കവ​രും മടി കാണി​ക്കാ​റില്ല, ബൈബി​ള​ധ്യ​യനം നടത്തുന്ന വിധം അവർ നിരീ​ക്ഷി​ക്കു​ക​യും ചെയ്യും.

¹³ പരാമർശിത തിരു​വെ​ഴു​ത്തു​കൾ വായി​ച്ചു​കൊ​ണ്ടും അച്ചടിച്ച ചോദ്യ​ങ്ങൾക്കുള്ള ഉത്തരമാ​യി മുഖ്യ വാക്കു​കൾക്ക്‌ അടിവ​ര​യി​ട്ടു​കൊ​ണ്ടും എങ്ങനെ മുന്നമേ തയ്യാറാ​കാ​മെന്ന്‌ അധ്യയ​ന​ത്തി​ന്റെ തുടക്ക​ത്തിൽതന്നെ വിദ്യാർഥി​ക്കു കാണി​ച്ചു​കൊ​ടു​ക്കുക. മുഖ്യാ​ശ​യ​ങ്ങ​ളിൽ മാത്രം ശ്രദ്ധ കേന്ദ്രീ​ക​രി​ക്കുക. ആദ്യത്തെ ഏതാനും തവണ നാം വഴക്കമു​ള്ള​വ​രാ​യി​രി​ക്കേ​ണ്ടത്‌ ആവശ്യ​മാ​ണെ​ങ്കി​ലും, പതിവായ അടിസ്ഥാ​ന​ത്തിൽ ബൈബി​ള​ധ്യ​യനം നടത്തു​ന്നതു പ്രധാ​ന​മാണ്‌. അധ്യയ​ന​ത്തി​ന്റെ അനിവാ​ര്യ ഘടകമായ പ്രാർഥ​ന​യെ​ക്കു​റിച്ച്‌ വിദ്യാർഥി​യോ​ടു പറയു​ന്ന​തും എതിർപ്പു​ണ്ടാ​കു​ന്ന​പക്ഷം അതിനെ നേരി​ടാൻ വിദ്യാർഥി​യെ തിരു​വെ​ഴു​ത്തു​പ​ര​മാ​യി ഒരുക്കു​ന്ന​തും എങ്ങനെ​യെന്ന്‌ മനസ്സിൽ പിടി​ക്കുക. തീർച്ച​യാ​യും, അധ്യയനം രസകര​മാ​ക്കി​ത്തീർക്കുക.

¹⁴ എല്ലാ ബൈബിൾ വിദ്യാർഥി​ക​ളും പുരോ​ഗ​മി​ക്കു​ന്നത്‌ ഒരു​പോ​ലെ​യാ​യി​രി​ക്കില്ല എന്നതു ശരിതന്നെ. ചിലർ മറ്റുള്ള​വ​രെ​പ്പോ​ലെ ആത്മീയ​ചായ്‌വു​ള്ള​വരല്ല, അല്ലെങ്കിൽ പഠിപ്പി​ക്കുന്ന കാര്യങ്ങൾ പെട്ടെന്നു ഗ്രഹി​ക്കു​ന്ന​വരല്ല. മറ്റു ചിലരു​ടേത്‌ തിരക്കു​പി​ടിച്ച ജീവി​ത​മാണ്‌. ഓരോ വാരത്തി​ലും ഒരധ്യാ​യം മുഴു​വ​നും പരിചി​ന്തി​ക്കു​ന്ന​തി​നുള്ള സമയം അവർക്കി​ല്ലാ​യി​രി​ക്കാം. അതു​കൊണ്ട്‌, ചിലരു​ടെ കാര്യ​ത്തിൽ ചില അധ്യാ​യങ്ങൾ പഠിച്ചു​തീർക്കു​ന്ന​തിന്‌ ഒന്നില​ധി​കം അധ്യയന സെഷനു​കൾതന്നെ വേണ്ടി​വ​ന്നേ​ക്കാം. അങ്ങനെ, പുസ്‌തകം പഠിച്ചു​തീർക്കു​ന്ന​തിന്‌ ഏതാനും മാസങ്ങൾ കൂടു​ത​ലാ​യി വേണ്ടി​വ​ന്നേ​ക്കാം. ചില കേസു​ക​ളിൽ നാം ആദ്യം ആവശ്യം ലഘുപ​ത്രി​ക​യും പിന്നീട്‌ പരിജ്ഞാ​നം പുസ്‌ത​ക​വും പഠി​ച്ചേ​ക്കാം; മറ്റു ചില കേസു​ക​ളി​ലാ​കട്ടെ, പരിജ്ഞാ​നം പുസ്‌തകം പൂർത്തി​യാ​ക്കി​യ​തി​നു​ശേഷം ആവശ്യം ലഘുപ​ത്രിക പഠിക്കു​ന്നത്‌ അഭികാ​മ്യ​മാ​യി​രി​ക്കാം. ഇതു കൂടാതെ, സഭാ​യോ​ഗ​ങ്ങ​ളിൽ ഹാജരാ​കു​ക​കൂ​ടി ചെയ്യു​മ്പോൾ സത്യത്തിൽ സുദൃ​ഢ​മായ അടിസ്ഥാ​ന​മി​ടാൻ വിദ്യാർഥി സഹായി​ക്ക​പ്പെ​ടും.

¹⁵ സർവോ​പരി, അധ്യയനം ലഭിക്കാൻ പ്രാർഥി​ക്കുക! (1 യോഹ. 3:22) ഒരു ക്രിസ്‌ത്യാ​നിക്ക്‌ ഉണ്ടായി​രി​ക്കാൻ കഴിയുന്ന ഏറ്റവും പ്രതി​ഫ​ല​ദാ​യ​ക​മായ അനുഭ​വ​ങ്ങ​ളി​ലൊന്ന്‌ ക്രിസ്‌തു​വി​ന്റെ ശിഷ്യ​നാ​യി​ത്തീ​രാൻ ഒരാളെ സഹായി​ക്കു​ന്ന​തിന്‌ യഹോ​വ​യാൽ ഉപയോ​ഗി​ക്ക​പ്പെ​ടുക എന്നതാണ്‌. (പ്രവൃ. 20:35; 1 കൊരി. 3:6-9; 1 തെസ്സ. 2:8) കൂടുതൽ അധ്യയ​നങ്ങൾ തുടങ്ങു​ന്ന​തി​നുള്ള നമ്മുടെ ശ്രമങ്ങ​ളു​ടെ​മേൽ യഹോ​വ​യു​ടെ സമൃദ്ധ​മായ അനു​ഗ്രഹം ഉണ്ടായി​രി​ക്കു​മെന്ന പൂർണ വിശ്വാ​സ​ത്തോ​ടെ ബൈബി​ള​ധ്യ​യ​ന​വേ​ല​യിൽ വലിയ ഉത്സാഹം പ്രകട​മാ​ക്കു​ന്ന​തി​നുള്ള സമയം ഇപ്പോ​ഴാണ്‌!

[3-ാം പേജിലെ ആകർഷ​ക​വാ​ക്യം]

പുതിയൊരു ബൈബി​ള​ധ്യ​യനം തുടങ്ങു​ന്ന​തി​നാ​യി നിങ്ങൾ പ്രാർഥി​ക്കാ​റു​ണ്ടോ?