ശിഷ്യ​രാ​ക്കൽ എന്ന അടിയ​ന്തിര വേല​യോ​ടുള്ള പുരോ​ഗ​മ​നാ​ത്മക വീക്ഷണം

¹ ഭൂമി വിട്ടു​പോ​കു​ന്ന​തി​നു മുമ്പ്‌, യേശു തന്റെ അനുഗാ​മി​കൾക്ക്‌ “സകലജാ​തി​ക​ളെ​യും ശിഷ്യ​രാ​ക്കി​ക്കൊൾവിൻ” എന്ന കൽപ്പന കൊടു​ത്തു. ഇത്‌ അവരെ സംബന്ധി​ച്ചി​ട​ത്തോ​ളം ഒരു ഊർജി​ത​മായ പ്രസംഗ-പഠിപ്പി​ക്കൽ പ്രസ്ഥാനം ഏറ്റെടു​ത്തു നടത്തേ​ണ്ട​തും തങ്ങളുടെ പ്രവർത്തനം മുഴു നിവസിത ഭൂമി​യി​ലും വ്യാപി​പ്പി​ക്കേ​ണ്ട​തും ആവശ്യ​മാ​ക്കി​ത്തീർത്തു. (മത്താ. 28:19, 20; പ്രവൃ. 1:8) ഈ നിയോ​ഗത്തെ അവർ നിറ​വേ​റ്റാൻ വളരെ പ്രയാ​സ​മുള്ള ഒരു ഭാരമാ​യി വീക്ഷി​ച്ചോ? അപ്പൊസ്‌ത​ല​നായ യോഹ​ന്നാ​ന്റെ അഭി​പ്രാ​യ​പ്ര​കാ​രം, തീർച്ച​യാ​യും ഇല്ല. ശിഷ്യ​രാ​ക്കൽ വേലയിൽ 65 വർഷം ചെലവിട്ട ശേഷം അദ്ദേഹം എഴുതി: “അവന്റെ കല്‌പ​ന​കളെ പ്രമാ​ണി​ക്കു​ന്ന​ത​ല്ലോ ദൈവ​ത്തോ​ടുള്ള സ്‌നേഹം; അവന്റെ കലപ്‌നകൾ ഭാരമു​ള്ള​വയല്ല.”—1 യോഹ. 5:3.

² ആദിമ ക്രിസ്‌ത്യാ​നി​കളെ കുറി​ച്ചുള്ള തിരു​വെ​ഴു​ത്തു രേഖകൾ തെളി​യി​ക്കു​ന്നത്‌ അവർ യേശു​ക്രിസ്‌തു​വി​ന്റെ ശിഷ്യരെ ഉളവാ​ക്കുക എന്ന തങ്ങളുടെ നിയമനം അടിയ​ന്തി​ര​ത​യോ​ടെ നിവർത്തി​ച്ചു എന്നാണ്‌. (2 തിമൊ. 4:1, 2) അവർ അതു ചെയ്‌തത്‌ കേവലം തങ്ങളുടെ കടമയാ​ണ​ല്ലോ എന്ന ചിന്ത​കൊ​ണ്ടല്ല, പകരം ദൈവത്തെ പ്രസാ​ദി​പ്പി​ക്കാ​നും രക്ഷയ്‌ക്കുള്ള പ്രത്യാശ മറ്റുള്ള​വർക്കു പകർന്നു കൊടു​ക്കാ​നു​മുള്ള സ്‌നേ​ഹ​പൂർവ​ക​മായ ആഗ്രഹം നിമി​ത്ത​മാണ്‌. (പ്രവൃ. 13:47-49) ശിഷ്യ​രാ​യവർ എല്ലാം പിന്നീട്‌ ശിഷ്യ​രാ​ക്കു​ന്നവർ ആയിത്തീർന്നതു നിമിത്തം ഒന്നാം നൂറ്റാ​ണ്ടിൽ ക്രിസ്‌തീയ സഭ അതി​വേഗം വളർന്നു.—പ്രവൃ. 5:14; 6:7; 16:5.

³ ശിഷ്യ​രാ​ക്കൽ വേല ദ്രുത​ഗ​തി​യിൽ വളരുന്നു: എക്കാല​ത്തെ​യും ഏറ്റവും വലിയ ശിഷ്യ​രാ​ക്കൽ വേല ഈ 20-ാം നൂറ്റാ​ണ്ടി​ലാ​ണു നിർവ​ഹി​ക്ക​പ്പെ​ടു​ന്നത്‌! അങ്ങനെ ഇന്നോളം, ദശലക്ഷ​ക്ക​ണ​ക്കിന്‌ ആളുകൾ സുവാർത്ത സ്വീക​രി​ക്കു​ക​യും അതിൻപ്ര​കാ​രം പ്രവർത്തി​ക്കു​ക​യും ചെയ്‌തി​രി​ക്കു​ന്നു. (ലൂക്കൊ. 8:15) ഈ വ്യവസ്ഥി​തിക്ക്‌ ശേഷി​ച്ചി​രി​ക്കുന്ന സമയം വളരെ പെട്ടെന്നു തീർന്നു​കൊ​ണ്ടി​രി​ക്കു​ന്ന​തി​നാൽ, ആത്മാർഥ ഹൃദയ​രായ ആളുകൾക്ക്‌ പെട്ടെന്നു സത്യം പഠി​ച്ചെ​ടു​ക്കാൻ സാധ്യ​മാ​കുന്ന തരത്തി​ലുള്ള ഉപകര​ണങ്ങൾ “വിശ്വസ്‌ത​നും വിവേ​കി​യു​മായ അടിമ” നമുക്കു നൽകി​യി​രി​ക്കു​ന്നു.—മത്താ. 24:45, NW.

⁴ 1995-ൽ നമുക്കു നിത്യ​ജീ​വ​നി​ലേക്കു നയിക്കുന്ന പരിജ്ഞാ​നം എന്ന പുസ്‌തകം ലഭിച്ചു. പുറകേ, 1996-ൽ ദൈവം നമ്മിൽനിന്ന്‌ എന്ത്‌ ആവശ്യ​പ്പെ​ടു​ന്നു? എന്ന ലഘുപ​ത്രി​ക​യും. പരിജ്ഞാ​നം പുസ്‌ത​കത്തെ കുറിച്ച്‌ 1996 ജനുവരി 15 വീക്ഷാ​ഗോ​പു​രം അതിന്റെ 14-ാം പേജിൽ ഇങ്ങനെ അഭി​പ്രാ​യ​പ്പെട്ടു: “192 പേജുള്ള ഈ പുസ്‌തകം താരത​മ്യേന ചുരു​ങ്ങിയ കാലയ​ള​വിൽ പഠിച്ചു​തീർക്കാ​നാ​വും. ‘നിത്യ​ജീ​വ​നു​വേണ്ടി ശരിയായ മനോ​നി​ല​യുള്ള’വർ യഹോ​വക്കു സമർപ്പി​ച്ചു സ്‌നാ​പ​ന​മേൽക്കാൻ മതിയായ സംഗതി​കൾ ഈ പുസ്‌ത​ക​ത്തി​ന്റെ പഠനത്തി​ലൂ​ടെ മനസ്സി​ലാ​ക്കാൻ പ്രാപ്‌ത​രാ​കണം.”—പ്രവൃ. 13:48.

⁵ നമ്മുടെ രാജ്യ ശുശ്രൂ​ഷ​യു​ടെ 1996 ജൂൺ ലക്കത്തിന്റെ “പരിജ്ഞാ​നം പുസ്‌തകം കൊണ്ടു ശിഷ്യരെ ഉളവാ​ക്കാ​വുന്ന വിധം” എന്ന അനുബന്ധം നമ്മുടെ മുമ്പാകെ ഈ ലക്ഷ്യം വെച്ചു: “വിദ്യാർഥി​യു​ടെ സാഹച​ര്യ​ങ്ങ​ളെ​യും പ്രാപ്‌തി​യെ​യും ആശ്രയിച്ച്‌, അധ്യാ​യങ്ങൾ മിക്കതും ഒരു മണിക്കൂ​റോ അത്ര​ത്തോ​ള​മോ ഉള്ള ഒരു സെഷനിൽ നിങ്ങൾക്കു തീർക്കാൻ കഴി​ഞ്ഞേ​ക്കും. അതേസ​മയം ധൃതി​കൂ​ട്ടി എടുക്കേണ്ട ആവശ്യ​വു​മില്ല. അധ്യാ​പ​ക​നും വിദ്യാർഥി​യും ഓരോ വാരവും തങ്ങളുടെ അധ്യയ​ന​ത്തി​നുള്ള നിർദിഷ്ട സമയം പാലി​ക്കു​മ്പോൾ വിദ്യാർഥി​കൾ ഏറെനല്ല പുരോ​ഗതി പ്രാപി​ക്കും.” ആ ലേഖനം ഇങ്ങനെ തുടർന്നു: “ഒരു വ്യക്തിക്കു പരിജ്ഞാ​നം പുസ്‌ത​ക​ത്തി​ന്റെ അധ്യയനം പൂർത്തി​യാ​കുന്ന സമയം​കൊണ്ട്‌ അദ്ദേഹ​ത്തി​ന്റെ ആത്മാർഥ​ത​യും ദൈവത്തെ സേവി​ക്കു​ന്ന​തി​ലെ ആഴമായ താത്‌പ​ര്യ​വും വ്യക്തമാ​യി​ത്തീർന്നി​ട്ടു​ണ്ടാ​വു​മെന്നു പ്രതീ​ക്ഷി​ക്കണം.” 1996 ഒക്ടോബർ ലക്കം നമ്മുടെ രാജ്യ ശുശ്രൂ​ഷ​യി​ലെ ചോദ്യ​പ്പെട്ടി ഇപ്രകാ​രം വിശദീ​ക​രി​ച്ചു: “യഹോ​വയെ സേവി​ക്കു​ക​യെന്ന ബുദ്ധി​പൂർവ​ക​മായ തീരു​മാ​ന​മെ​ടു​ക്കാൻ ആവശ്യ​മായ അറിവു നേടാൻ ആത്മാർഥ​ഹൃ​ദ​യ​നായ ഒരു സാധാരണ വിദ്യാർഥി​യെ ചുരു​ങ്ങിയ കാലം​കൊ​ണ്ടു സഹായി​ക്കു​ന്ന​തിന്‌, കഴിവുള്ള ഒരധ്യാ​പ​കനു കഴിയു​മെ​ന്നാ​ണു പ്രതീ​ക്ഷി​ക്ക​പ്പെ​ടു​ന്നത്‌.”

⁶ പരിജ്ഞാ​നം പുസ്‌തകം ഫലപ്ര​ദ​മെന്നു തെളി​യു​ന്നു: ഒരു യുവതി, സ്‌നാ​പ​ന​മേറ്റ സന്ദർഭ​ത്തിൽ തനിക്ക്‌ പരിജ്ഞാ​നം പുസ്‌ത​ക​ത്തി​ന്റെ പഠനം എങ്ങനെ അനുഭ​വ​പ്പെട്ടു എന്നു വിവരി​ച്ചു. കുറെ കാലം അവൾ എന്നേക്കും ജീവി​ക്കാൻ പുസ്‌തകം പഠിച്ചി​രു​ന്നു. പരിജ്ഞാ​നം പുസ്‌തകം പ്രകാ​ശനം ചെയ്‌ത​പ്പോൾ അവൾക്ക്‌ അധ്യയനം എടുക്കുന്ന സഹോ​ദരി പഠനം പുതിയ പുസ്‌ത​ക​ത്തിൽനി​ന്നാ​ക്കി. വളരെ പെട്ടെ​ന്നു​തന്നെ താൻ ഒരു തീരു​മാ​നം എടു​ക്കേ​ണ്ട​താ​ണെന്ന്‌ ആ വിദ്യാർഥി​നി​ക്കു മനസ്സി​ലാ​യി. ആ സമയം മുതൽ അവൾ ദ്രുത​ഗ​തി​യിൽ പുരോ​ഗതി വരുത്താൻ പ്രേരി​ത​യാ​യി. ഇപ്പോൾ ഒരു സഹോ​ദ​രി​യായ ആ യുവതി പറയുന്നു: “എന്നേക്കും ജീവി​ക്കാൻ പുസ്‌തകം യഹോ​വയെ സ്‌നേ​ഹി​ക്കാൻ എന്നെ സഹായി​ച്ചു. എന്നാൽ പരിജ്ഞാ​നം പുസ്‌തകം അവനെ സേവി​ക്കാ​നുള്ള തീരു​മാ​ന​മെ​ടു​ക്കാൻ എന്നെ സഹായി​ച്ചു.”

⁷ മറ്റൊരു സ്‌ത്രീ എത്ര വേഗത്തി​ലാണ്‌ സത്യം പഠിച്ചത്‌ എന്നു പരിചി​ന്തി​ക്കുക. രണ്ടാമത്തെ അധ്യയ​ന​ത്തി​നു ശേഷം അവൾ രാജ്യ​ഹാ​ളിൽ ഒരു യോഗ​ത്തി​നു ഹാജരാ​യി. സർക്കിട്ട്‌ മേൽവി​ചാ​ര​കന്റെ സന്ദർശന സമയത്താ​യി​രു​ന്നു അത്‌. ആ ആഴ്‌ചത്തെ തന്റെ മൂന്നാ​മത്തെ അധ്യയന വേളയിൽ അവൾ അദ്ദേഹ​ത്തോട്‌ താൻ യഹോ​വയ്‌ക്കു സമർപ്പണം നടത്തി​യി​രു​ന്നു​വെ​ന്നും സ്‌നാ​പ​ന​മേൽക്കാത്ത പ്രസാ​ധിക ആകാൻ ആഗ്രഹി​ക്കു​ന്നു​വെ​ന്നും പറഞ്ഞു. അവൾ മൂപ്പന്മാ​രെ ചെന്നു കണ്ടു. അവർ അവളെ ഒരു പ്രസാ​ധി​ക​യാ​യി അംഗീ​ക​രി​ക്കു​ക​യും ചെയ്‌തു. പിറ്റേ ആഴ്‌ച അവൾ വയൽ സേവന​ത്തിൽ പങ്കുപ​റ്റാൻ തുടങ്ങി. ബൈബിൾ പഠനം വളരെ​യ​ധി​കം ആസ്വദി​ച്ചി​രു​ന്ന​തി​നാൽ ആഴ്‌ച​യിൽ രണ്ടോ മൂന്നോ തവണ പഠിക്കു​ന്ന​തി​നും കൂടുതൽ സമയം വയൽ സേവന​ത്തിൽ ചെലവ​ഴി​ക്കു​ന്ന​തി​നും വേണ്ടി അവൾ ജോലി​യിൽ നിന്നും അവധി വാങ്ങി. ചില​പ്പോ​ഴൊ​ക്കെ, അവർ ഒരു പഠന വേളയിൽത്തന്നെ 3 അധ്യാ​യ​ങ്ങൾവരെ പഠിക്കു​മാ​യി​രു​ന്നു. പഠിച്ച കാര്യങ്ങൾ ജീവി​ത​ത്തി​ന്റെ എല്ലാ മണ്ഡലങ്ങ​ളി​ലും ബാധക​മാ​ക്കാൻ തുടങ്ങിയ അവൾ നാല്‌ ആഴ്‌ച​കൊണ്ട്‌ പരിജ്ഞാ​നം പുസ്‌തകം പഠിച്ചു തീർക്കു​ക​യും സ്‌നാ​പ​ന​ത്തി​ലേക്കു പുരോ​ഗ​മി​ക്കു​ക​യും ചെയ്‌തു!

⁸ ഒരു സഹോ​ദ​രി​യു​ടെ ഭർത്താവ്‌, താൻ “അവിശ്വാ​സി​യായ ഇണയുടെ ഒരു ശരിയായ പതിപ്പ്‌” ആയിരു​ന്നു എന്നു പറയുന്നു. ഒരു ദിവസം ഒരു സഹോ​ദരൻ അദ്ദേഹ​ത്തിന്‌, ആദ്യത്തെ അധ്യയ​ന​ത്തി​നു ശേഷമോ അതിനു ശേഷം എപ്പോൾ വേണ​മെ​ങ്കി​ലു​മോ പഠനം അവസാ​നി​പ്പി​ക്കാം എന്ന വ്യവസ്ഥ​യിൽ പരിജ്ഞാ​നം പുസ്‌ത​ക​ത്തിൽ നിന്നും ഒരു ബൈബിൾ അധ്യയനം വാഗ്‌ദാ​നം ചെയ്‌തു. ചെറു​പ്പ​ത്തിൽ പഠനത്തിൽ വളരെ മോശ​മാ​യി​രു​ന്നി​ട്ടും കഴിഞ്ഞ 20 വർഷമാ​യി ഒരു തരത്തി​ലു​മുള്ള മതപര​മായ സാഹി​ത്യ​ങ്ങൾ പഠിച്ചി​ട്ടി​ല്ലാ​തി​രു​ന്നി​ട്ടും ആ ഭർത്താവ്‌ ഒന്നു പരീക്ഷി​ച്ചു നോക്കാൻ തയ്യാറാ​യി. പരിജ്ഞാ​നം പുസ്‌ത​ക​ത്തി​ന്റെ പഠന​ത്തോ​ടുള്ള അദ്ദേഹ​ത്തി​ന്റെ പ്രതി​ക​രണം എന്തായി​രു​ന്നു? അദ്ദേഹം പറഞ്ഞു: “ഈ ബൈബിൾ പഠന സഹായി വളരെ ലളിത​മാ​യി​ട്ടാണ്‌ എഴുത​പ്പെ​ട്ടത്‌ എന്നു കണ്ടെത്തി​യത്‌ വളരെ സന്തോഷം നൽകി. വിവരങ്ങൾ അത്ര വ്യക്തവും യുക്തി​പൂർവ​ക​വും ആയി അവതരി​പ്പി​ക്ക​പ്പെ​ട്ടി​രി​ക്കു​ന്ന​തി​നാൽ പെട്ടെന്നു തന്നെ ഞാൻ അടുത്ത അധ്യയ​ന​ത്തി​നു വേണ്ടി വളരെ ആകാം​ക്ഷ​യോ​ടെ നോക്കി​പ്പാർത്തി​രി​ക്കാൻ തുടങ്ങി. എന്നെ പഠിപ്പി​ച്ച​യാൾ സൊ​സൈറ്റി വിവരിച്ച ശിഷ്യ​രാ​ക്കൽ രീതികൾ വിദഗ്‌ധ​മാ​യി പിൻപറ്റി. അങ്ങനെ യഹോ​വ​യു​ടെ ആത്മാവി​ന്റെ സഹായ​ത്താൽ നാലു മാസത്തി​നു ശേഷം ഞാൻ സ്‌നാ​പ​ന​മേറ്റു. ശിഷ്യരെ ഉളവാ​ക്കു​ന്ന​തി​നോ​ടു നാം പ്രിയം വളർത്തി​യെ​ടു​ക്കു​ക​യും വയൽ ശുശ്രൂ​ഷ​യിൽ നീതി​ഹൃ​ദ​യ​രായ ആളുകളെ അന്വേ​ഷി​ക്കു​ന്ന​തിൽ തുടരു​ക​യും സൊ​സൈറ്റി പ്രദാനം ചെയ്യുന്ന പരിജ്ഞാ​നം പുസ്‌ത​ക​വും മറ്റു ബൈബിൾ പഠന സഹായി​ക​ളും ഉപയോ​ഗി​ക്കു​ക​യും, ഏറ്റവും പ്രധാ​ന​മാ​യി, യഹോ​വ​യു​ടെ മാർഗ​നിർദേ​ശ​ത്തി​നാ​യി പ്രാർഥി​ക്കു​ക​യും ചെയ്യു​ന്നെ​ങ്കിൽ നമുക്ക്‌ ശിഷ്യരെ ഉളവാ​ക്കാൻ സഹായി​ക്കുക എന്ന വളരെ വില​യേ​റിയ പദവി ഉണ്ടായി​രി​ക്കാൻ കഴിയും.” മുകളിൽ പറഞ്ഞവ​യെ​ല്ലാം തീർച്ച​യാ​യും അപൂർവ​മായ അനുഭ​വ​ങ്ങ​ളാണ്‌. നമ്മുടെ വിദ്യാർഥി​ക​ളിൽ ഭൂരി​ഭാ​ഗ​വും അത്രയും വേഗത്തിൽ സത്യത്തിൽ വരാറില്ല.

⁹ വിദ്യാർഥി​ക​ളു​ടെ പുരോ​ഗതി വ്യത്യസ്‌ത വേഗത്തിൽ: ദൈവ​വ​ചനം പഠിപ്പി​ക്കു​ന്ന​വ​രു​ടെ​യും പഠിക്കു​ന്ന​വ​രു​ടെ​യും കഴിവു​കൾ വളരെ​യേറെ വ്യത്യാ​സ​പ്പെ​ട്ടി​രി​ക്കും എന്നു സമ്മതി​ക്കേ​ണ്ടി​യി​രി​ക്കു​ന്നു. ആത്മീയ വളർച്ച സാവധാ​ന​ത്തി​ലോ വേഗത്തി​ലോ ആയിരി​ക്കാ​വു​ന്ന​താണ്‌. ചില വിദ്യാർഥി​കൾ ഏതാനും മാസങ്ങൾ കൊണ്ടു പുരോ​ഗ​മി​ക്കു​മ്പോൾ മറ്റു ചിലർക്ക്‌ വളരെ സമയം വേണ്ടി വരുന്നു. ഒരു വ്യക്തി​യു​ടെ ആത്മീയ വളർച്ചയെ ബാധി​ക്കു​ന്നത്‌ അദ്ദേഹ​ത്തി​ന്റെ വിദ്യാ​ഭ്യാ​സ പശ്ചാത്തലം, ആത്മീയ കാര്യ​ങ്ങ​ളോ​ടുള്ള വിലമ​തി​പ്പി​ന്റെ വ്യാപ്‌തി, യഹോ​വ​യോ​ടുള്ള ഭക്തിയു​ടെ ആഴം എന്നിവ​യൊ​ക്കെ​യാണ്‌. നാം അധ്യയനം എടുക്കുന്ന എല്ലാവർക്കു​മൊ​ന്നും വിശ്വാ​സി​കൾ ആയിത്തീർന്ന ബെരോ​വ​ക്കാ​രെ​പ്പോ​ലെ തിരു​വെ​ഴു​ത്തു​കൾ ദിനം​തോ​റും പഠിക്കാ​നുള്ള “പൂർണ്ണ​ജാ​ഗ്രത” ഉണ്ടായി​രി​ക്ക​ണ​മെ​ന്നില്ല.—പ്രവൃ. 17:11, 12.

¹⁰ അതു​കൊ​ണ്ടാണ്‌ “വേണം—കൂടുതൽ ബൈബി​ള​ധ്യ​യ​നങ്ങൾ” എന്ന 1998 മേയിലെ നമ്മുടെ രാജ്യ ശുശ്രൂ​ഷ​യു​ടെ അനുബന്ധം യാഥാർഥ്യ ബോധ​ത്തോ​ടു​കൂ​ടിയ ഈ നിർദേശം നൽകു​ന്നത്‌: “എല്ലാ ബൈബിൾ വിദ്യാർഥി​ക​ളും പുരോ​ഗ​മി​ക്കു​ന്നത്‌ ഒരു​പോ​ലെ ആയിരി​ക്കില്ല എന്നതു ശരിതന്നെ. ചിലർ മറ്റുള്ള​വ​രെ​പ്പോ​ലെ ആത്മീയ​ചായ്‌വു​ള്ള​വരല്ല, അല്ലെങ്കിൽ പഠിപ്പി​ക്കുന്ന കാര്യങ്ങൾ പെട്ടെന്നു ഗ്രഹി​ക്കു​ന്ന​വരല്ല. മറ്റു ചിലരു​ടേത്‌, തിരക്കു​പി​ടിച്ച ജീവി​ത​മാണ്‌. ഓരോ വാരത്തി​ലും ഒരധ്യാ​യം മുഴു​വ​നും പരിചി​ന്തി​ക്കു​ന്ന​തി​നുള്ള സമയം അവർക്കി​ല്ലാ​യി​രി​ക്കാം. അതു​കൊണ്ട്‌, ചിലരു​ടെ കാര്യ​ത്തിൽ ചില അധ്യാ​യങ്ങൾ പഠിച്ചു തീർക്കു​ന്ന​തിന്‌ ഒന്നില​ധി​കം അധ്യയന സെഷനു​കൾതന്നെ വേണ്ടി​വ​ന്നേ​ക്കാം. അങ്ങനെ, പുസ്‌തകം പഠിച്ചു തീർക്കു​ന്ന​തിന്‌ ഏതാനും മാസങ്ങൾ കൂടു​ത​ലാ​യി വേണ്ടി​വ​ന്നേ​ക്കാം.”

¹¹ ശിഷ്യ​രാ​ക്കു​ന്നവർ ഒരു സന്തുലിത വീക്ഷണം നിലനിർത്തു​ന്നു: വിദ്യാർഥി​യു​ടെ ചുറ്റു​പാ​ടു​ക​ളു​ടെ​യും നൈസർഗി​ക​മായ കഴിവു​ക​ളു​ടെ​യും അടിസ്ഥാ​ന​ത്തിൽ അധ്യയ​ന​ത്തി​ന്റെ ഗതി​വേഗം തിട്ട​പ്പെ​ടു​ത്തേ​ണ്ടത്‌ അത്യാ​വ​ശ്യ​മാണ്‌. പരിജ്ഞാ​നം പുസ്‌ത​ക​ത്തി​ലേക്കു കടക്കു​ന്ന​തി​നു മുമ്പ്‌ ആവശ്യം ലഘുപ​ത്രി​ക​യിൽ നിന്ന്‌ അധ്യയ​നങ്ങൾ ആരംഭി​ക്കാൻ നാം പ്രോ​ത്സാ​ഹി​പ്പി​ക്ക​പ്പെ​ടുന്ന സ്ഥിതിക്ക്‌ അതിന്റെ പഠനത്തി​നു​തന്നെ രണ്ടോ മൂന്നോ മാസം വേണ്ടി​വ​ന്നേ​ക്കാം. 1996 ജൂൺ ലക്കം നമ്മുടെ രാജ്യ ശുശ്രൂ​ഷ​യു​ടെ അനുബ​ന്ധ​ത്തി​ലെ എല്ലാ നിർദേ​ശ​ങ്ങ​ളും നാം പ്രയോ​ജ​ന​പ്പെ​ടു​ത്തു​ന്നു എങ്കിൽ പരിജ്ഞാ​നം പുസ്‌തകം പഠിച്ചു​തീർക്കാൻ വീണ്ടു​മൊ​രു ആറു മുതൽ ഒമ്പതു വരെ മാസം കൂടി എടു​ത്തേ​ക്കാം. വിദ്യാർഥി പരിജ്ഞാ​നം പുസ്‌ത​ക​ത്തി​ന്റെ പഠനം തുടങ്ങി​യി​ട്ടേ​യു​ള്ളു​വെ​ങ്കിൽ അടിസ്ഥാന ബൈബിൾ സത്യങ്ങൾ കുറെ​ക്കൂ​ടി വേഗത്തിൽ പഠിക്കാൻ സഹായി​ക്കു​ന്ന​തിന്‌ ചിലർ അധ്യയനം ആവശ്യം ലഘുപ​ത്രി​ക​യി​ലേക്കു മാറ്റി​യി​ട്ടുണ്ട്‌. പിന്നീട്‌ പരിജ്ഞാ​നം പുസ്‌ത​ക​ത്തിൽ നിന്നും അധ്യയനം പുനരാ​രം​ഭി​ച്ചു. പരിജ്ഞാ​നം പുസ്‌ത​ക​ത്തിൽ നിന്ന്‌ അധ്യയനം ആരംഭി​ക്കു​ക​യും നന്നായി പുരോ​ഗ​മി​ക്കു​ക​യും ചെയ്യു​ന്നെ​ങ്കിൽ ആ പുസ്‌തകം പഠിച്ചു​തീർന്ന ശേഷം ആവശ്യം ലഘുപ​ത്രിക പഠിക്കു​ന്നതു പ്രയോ​ജ​ന​പ്രദം ആയിരി​ക്കാം. അപ്രകാ​രം ദൈവ വചനത്തി​ലെ അടിസ്ഥാന സത്യങ്ങ​ളു​ടെ പെട്ടെ​ന്നുള്ള ഒരു പുനര​വ​ലോ​കനം സാധ്യ​മാ​കും. എങ്ങനെ ആയാലും വേഗത​യെ​പ്രതി വിദ്യാർഥി​ക​ളു​ടെ വ്യക്തമായ ഗ്രാഹ്യ​ത്തെ ബലിക​ഴി​ക്കാൻ നാം ആഗ്രഹി​ക്കു​ന്നില്ല. ദൈവ വചനത്തി​ലുള്ള തങ്ങളുടെ പുതു​താ​യി കണ്ടെത്തിയ വിശ്വാ​സ​ത്തിൽ ഓരോ വിദ്യാർഥി​ക്കും ഉറച്ച അടിസ്ഥാ​നം ആവശ്യ​മാണ്‌.

¹² കാലത്തി​ന്റെ നീരൊ​ഴു​ക്കിൽ നാം എവിടെ നില​കൊ​ള്ളു​ന്നു എന്നതിന്റെ വീക്ഷണ​ത്തിൽ മറ്റുള്ള​വരെ സത്യം പഠിക്കാൻ സഹായി​ക്കു​ന്നത്‌ എന്നത്തെ​ക്കാ​ളും അടിയ​ന്തി​ര​മാണ്‌. പുതിയ അധ്യയ​നങ്ങൾ ലഭിക്കാൻ നിരന്തരം പ്രാർഥി​ക്കു​ന്ന​തി​നു പുറമേ, ഇപ്പോൾത്തന്നെ നമ്മോ​ടൊ​പ്പം പഠിക്കു​ന്ന​വർക്കു വേണ്ടി​യും നമുക്കു പ്രാർഥി​ക്കാം. അപ്പോൾ “ലോകാ​വ​സാ​ന​ത്തോ​ളം എല്ലാനാ​ളും” കൂടുതൽ ശിഷ്യരെ സ്‌നാ​പനം ഏൽക്കാൻ സഹായി​ക്കു​ന്ന​തി​ലുള്ള സന്തോഷം നമുക്കു​ണ്ടാ​യി​രി​ക്കും.—മത്താ. 28:20.