“ആരെങ്കി​ലും വിശദീ​ക​രി​ച്ചു തരാതെ . . . എങ്ങനെ ഗ്രഹി​ക്കും?”

¹ സുവി​ശേ​ഷ​ക​നായ ഫിലി​പ്പൊസ്‌ എത്യോ​പ്യൻ ഷണ്ഡനോട്‌, ദൈവ​വ​ച​ന​ത്തിൽനി​ന്നു വായി​ച്ചു​കൊ​ണ്ടി​രി​ക്കുന്ന കാര്യങ്ങൾ മനസ്സി​ലാ​കു​ന്നു​ണ്ടോ എന്നു ചോദി​ച്ച​പ്പോൾ അയാൾ ഇങ്ങനെ മറുപടി പറഞ്ഞു: “ആരെങ്കി​ലും വിശദീ​ക​രി​ച്ചു തരാതെ ഞാൻ എങ്ങനെ ഗ്രഹി​ക്കും?” യേശു​വി​നെ സംബന്ധിച്ച സുവി​ശേഷം മനസ്സി​ലാ​ക്കു​ന്ന​തിന്‌ ഫിലി​പ്പൊസ്‌ അയാളെ സന്തോ​ഷ​പൂർവം സഹായി​ച്ചു. തത്‌ഫ​ല​മാ​യി ആ മനുഷ്യൻ ഉടൻതന്നെ സ്‌നാ​പ​ന​മേറ്റു. (പ്രവൃ​ത്തി​കൾ 8:26-38, ന്യൂ ഇൻഡ്യാ ബൈബിൾ ഭാഷാ​ന്തരം) ഇവിടെ ഫിലി​പ്പൊസ്‌, ‘സ്‌നാനം കഴിപ്പി​ച്ചും പഠിപ്പി​ച്ചും​കൊണ്ട്‌ സകല ജനതക​ളി​ലെ​യും ആളുകളെ ശിഷ്യ​രാ​ക്കു​ന്ന​തിന്‌’ യേശു നൽകിയ നിയോ​ഗം അനുസ​രി​ക്കു​ക​യാ​യി​രു​ന്നു.—മത്തായി 28:19, 20, NW.

² ഫിലി​പ്പൊ​സി​നെ​പ്പോ​ലെ​തന്നെ നാമും ശിഷ്യരെ ഉളവാ​ക്കാ​നുള്ള നിയോ​ഗം അനുസ​രി​ക്കണം. എന്നിരു​ന്നാ​ലും, നമ്മുടെ ബൈബിൾ വിദ്യാർഥി​കൾ എത്യോ​പ്യൻ ഷണ്ഡനെ​പ്പോ​ലെ അത്ര പെട്ടെ​ന്നൊ​ന്നും ആത്മീയ പുരോ​ഗതി കൈവ​രു​ത്തി​യെന്നു വരില്ല. യഹൂദ മതത്തി​ലേക്ക്‌ പരിവർത്തനം ചെയ്‌തി​രുന്ന ആ മനുഷ്യന്‌ തിരു​വെ​ഴു​ത്തു​കൾ സംബന്ധിച്ച്‌ നല്ല അറിവും സ്വീകാ​ര്യ​ക്ഷ​മ​ത​യുള്ള ഒരു ഹൃദയ​വും ഉണ്ടായി​രു​ന്നു. അതു​കൊണ്ട്‌, അയാൾ യേശു​വി​നെ വാഗ്‌ദത്ത മിശി​ഹ​യാ​യി സ്വീക​രി​ക്കേണ്ട ആവശ്യമേ ഉണ്ടായി​രു​ന്നു​ള്ളൂ. നമ്മുടെ അധ്യയ​ന​ത്തി​ലു​ള്ള​വർക്കു ബൈബി​ളി​നെ സംബന്ധിച്ച്‌ യാതൊ​ന്നും അറിയി​ല്ലെ​ങ്കിൽ വ്യാജമത പഠിപ്പി​ക്ക​ലു​ക​ളാൽ അവർ വഴി​തെ​റ്റി​ക്ക​പ്പെ​ട്ടി​ട്ടു​ണ്ടെ​ങ്കിൽ അല്ലെങ്കിൽ വ്യക്തി​പ​ര​മായ പലപല പ്രശ്‌ന​ങ്ങ​ളാൽ അവർ ഭാര​പ്പെ​ടു​ന്നെ​ങ്കിൽ ഒരു മാറ്റം വരുത്തുക എന്നത്‌ വലിയ വെല്ലു​വി​ളി​ത​ന്നെ​യാ​യി​രി​ക്കും. ബൈബിൾ വിദ്യാർഥി​കളെ സമർപ്പ​ണ​ത്തി​ലേ​ക്കും സ്‌നാ​പ​ന​ത്തി​ലേ​ക്കും നയിക്കു​ന്ന​തിൽ നമു​ക്കെ​ങ്ങനെ വിജയി​ക്കാൻ കഴിയും?

³ ബൈബിൾ വിദ്യാർഥി​യു​ടെ ആത്മീയ ആവശ്യങ്ങൾ തിരി​ച്ച​റി​യുക: 1998 ആഗസ്റ്റ്‌ ലക്കം നമ്മുടെ രാജ്യ ശുശ്രൂ​ഷ​യു​ടെ അനുബ​ന്ധ​ത്തിൽ, ആവശ്യം ലഘുപ​ത്രി​ക​യും പരിജ്ഞാ​നം പുസ്‌ത​ക​വും ഉപയോ​ഗി​ച്ചു നടത്തുന്ന അധ്യയ​ന​ത്തി​ന്റെ ദൈർഘ്യ​ത്തെ കുറിച്ചു ചർച്ച ചെയ്‌തി​രു​ന്നു. അതിൽ പറഞ്ഞി​രു​ന്നത്‌ ഇങ്ങനെ​യാണ്‌: “വിദ്യാർഥി​യു​ടെ ചുറ്റു​പാ​ടു​ക​ളു​ടെ​യും നൈസർഗി​ക​മായ കഴിവു​ക​ളു​ടെ​യും അടിസ്ഥാ​ന​ത്തിൽ അധ്യയ​ന​ത്തി​ന്റെ ഗതി​വേഗം തിട്ട​പ്പെ​ടു​ത്തേ​ണ്ടത്‌ അത്യാ​വ​ശ്യ​മാണ്‌. . . . വേഗത​യെ​പ്രതി വിദ്യാർഥി​ക​ളു​ടെ വ്യക്തമായ ഗ്രാഹ്യ​ത്തെ ബലിക​ഴി​ക്കാൻ നാം ആഗ്രഹി​ക്കു​ന്നില്ല. ദൈവ വചനത്തി​ലുള്ള തങ്ങളുടെ പുതു​താ​യി കണ്ടെത്തിയ വിശ്വാ​സ​ത്തിൽ ഓരോ വിദ്യാർഥി​ക്കും ഉറച്ച അടിസ്ഥാ​നം ആവശ്യ​മാണ്‌.” ആയതി​നാൽ, ആറു മാസം​കൊണ്ട്‌ അധ്യയനം തീർക്ക​ണ​മ​ല്ലോ എന്നു വിചാ​രി​ച്ചു​കൊണ്ട്‌ പരിജ്ഞാ​നം പുസ്‌ത​ക​ത്തി​ലെ വിവരങ്ങൾ തിരക്കു​കൂ​ട്ടി പഠിപ്പി​ച്ചു​തീർക്കു​ന്നത്‌ ഉചിത​മാ​യി​രി​ക്കില്ല. ഒരു വ്യക്തിയെ സ്‌നാ​പ​ന​ത്തി​ലേക്കു നയിക്കാൻ ചില​പ്പോൾ ആറു മാസത്തി​ലും വളരെ കൂടുതൽ സമയം വേണ്ടി​വ​ന്നേ​ക്കാം. വാര​ന്തോ​റും അധ്യയനം നടത്തു​മ്പോൾ ദൈവ​വ​ച​ന​ത്തിൽനി​ന്നു പഠിക്കുന്ന കാര്യങ്ങൾ മനസ്സി​ലാ​ക്കു​ന്ന​തി​നും സ്വീക​രി​ക്കു​ന്ന​തി​നും വിദ്യാർഥി​യെ സഹായി​ക്കു​ന്ന​തിന്‌ ആവശ്യ​മാ​യി​രി​ക്കു​ന്നത്ര സമയം എടുക്കുക. ചിലരു​ടെ കാര്യ​ത്തിൽ പരിജ്ഞാ​നം പുസ്‌ത​ക​ത്തി​ലെ ഒരു അധ്യായം പഠിക്കു​ന്ന​തി​നു​തന്നെ രണ്ടോ മൂന്നോ ആഴ്‌ചകൾ വേണ്ടി​വ​ന്നേ​ക്കാം. അങ്ങനെ​യാ​കു​മ്പോൾ, പരാമർശി​ച്ചി​രി​ക്കുന്ന മിക്ക തിരു​വെ​ഴു​ത്തു​ക​ളും വായിച്ചു വിശദ​മാ​യി ചർച്ച​ചെ​യ്യാൻ സാധി​ക്കും.—റോമ. 12:2.

⁴ എന്നിരു​ന്നാ​ലും, പരിജ്ഞാ​നം പുസ്‌ത​ക​ത്തി​ന്റെ പഠനം തീർന്നി​ട്ടും വിദ്യാർഥി സത്യത്തെ കുറി​ച്ചുള്ള പൂർണ ഗ്രാഹ്യം നേടു​ക​യോ സത്യത്തി​നു​വേണ്ടി ഒരു നിലപാട്‌ എടുക്കാ​നും തന്റെ ജീവിതം ദൈവ​ത്തി​നു സമർപ്പി​ക്കാ​നും വേണ്ടത്ര പ്രേരി​ത​നാ​കു​ക​യോ ചെയ്‌തി​ട്ടി​ല്ലെന്നു നിങ്ങൾക്കു തോന്നു​ന്നെ​ങ്കി​ലോ? (1 കൊരി. 14:20) ജീവനി​ലേക്കു നയിക്കുന്ന പാതയിൽ എത്തി​ച്ചേ​രാൻ അയാളെ സഹായി​ക്കു​ന്ന​തി​നു നിങ്ങൾക്കു കൂടു​ത​ലാ​യി എന്തു ചെയ്യാൻ കഴിയും?—മത്താ. 7:14.

⁵ ബൈബിൾ വിദ്യാർഥി​യു​ടെ ആത്മീയാ​വ​ശ്യ​ങ്ങൾ തൃപ്‌തി​പ്പെ​ടു​ത്തുക: സാവധാ​നം ആണെങ്കിൽപ്പോ​ലും, ഒരുവൻ പുരോ​ഗതി വരുത്തു​ക​യും പഠിക്കുന്ന കാര്യ​ങ്ങ​ളോ​ടു വിലമ​തി​പ്പു വളർത്തി​യെ​ടു​ക്കു​ക​യും ചെയ്യു​ന്നെ​ങ്കിൽ, ആവശ്യം ലഘുപ​ത്രി​ക​യും പരിജ്ഞാ​നം പുസ്‌ത​ക​വും പഠിച്ച​തി​നു ശേഷം മറ്റൊരു പുസ്‌ത​ക​ത്തിൽനിന്ന്‌ അധ്യയനം തുടരുക. എല്ലായ്‌പോ​ഴും ഇങ്ങനെ ചെയ്യേ​ണ്ട​തില്ല. എന്നാൽ, ആവശ്യ​മാ​യി​രി​ക്കുന്ന പക്ഷം, യഥാർഥ സമാധാ​നം പുസ്‌ത​ക​ത്തിൽനി​ന്നോ ആരാധ​ന​യിൽ ഏകീകൃ​തർ പുസ്‌ത​ക​ത്തിൽനി​ന്നോ ദൈവ​ത്തി​ന്റെ വചനം (ഇംഗ്ലീഷ്‌) പുസ്‌ത​ക​ത്തിൽനി​ന്നോ അധ്യയനം തുടരുക. സഭയിൽ ഈ പുസ്‌തകം സ്റ്റോക്ക്‌ ഇല്ലെങ്കിൽപ്പോ​ലും മിക്ക പ്രസാ​ധ​കർക്കും ഇവയുടെ വ്യക്തി​പ​ര​മായ പ്രതികൾ ഉണ്ട്‌. എന്നാൽ എല്ലായ്‌പോ​ഴും ആവശ്യം ലഘുപ​ത്രി​ക​യും പരിജ്ഞാ​നം പുസ്‌ത​ക​വു​മാണ്‌ ആദ്യം പഠി​ക്കേ​ണ്ടത്‌. രണ്ടാമത്തെ പുസ്‌തകം പഠിച്ചു തീരു​ന്ന​തി​നു മുമ്പു​തന്നെ വിദ്യാർഥി സ്‌നാ​പ​ന​മേൽക്കു​ന്നെ​ങ്കി​ലും അധ്യയനം തുടരു​ന്നി​ട​ത്തോ​ളം കാലം അതിനു​വേണ്ടി ചെലവ​ഴി​ക്കുന്ന സമയവും, മടക്കസ​ന്ദർശ​ന​വും ബൈബിൾ അധ്യയ​ന​വും റിപ്പോർട്ടു ചെയ്യേ​ണ്ട​താണ്‌.

⁶ അതിന്റെ അർഥം, ഒരു പുസ്‌തകം മാത്രം പഠിച്ച്‌ അടുത്ത​കാ​ലത്തു സ്‌നാ​പ​ന​മേ​റ്റ​വരെ മറ്റൊരു പുസ്‌ത​ക​വും കൂടി പഠിപ്പി​ച്ചു​കൊ​ണ്ടു കൂടു​ത​ലാ​യി സഹായി​ക്കണം എന്നാണോ? അതിന്റെ ആവശ്യ​മില്ല. എന്നാൽ, അവർ ഒരുപക്ഷേ നിഷ്‌ക്രി​യ​രാ​യി​ത്തീ​രു​ക​യോ സത്യത്തിൽ പുരോ​ഗതി വരുത്താ​തി​രി​ക്കു​ക​യോ ചെയ്‌തി​ട്ടു​ണ്ടാ​യി​രി​ക്കാം. ജീവി​ത​ത്തിൽ സത്യം കൂടു​ത​ലാ​യി ബാധക​മാ​ക്കു​ന്ന​തിന്‌ തങ്ങൾക്ക്‌ വ്യക്തി​പ​ര​മായ സഹായം ആവശ്യ​മാ​ണെന്ന്‌ അവർ വിചാ​രി​ക്കു​ന്നു​ണ്ടാ​കാം. സ്‌നാ​പ​ന​മേറ്റ ഒരാളു​മാ​യി അധ്യയനം പുനഃ​രാ​രം​ഭി​ക്കു​ന്ന​തി​നു മുമ്പ്‌ സേവന​മേൽവി​ചാ​ര​ക​നു​മാ​യി ആലോ​ചി​ക്കുക. എന്നാൽ, മുമ്പ്‌ പരിജ്ഞാ​നം പുസ്‌തകം പഠിച്ചി​ട്ടും സമർപ്പ​ണ​ത്തി​ലേ​ക്കോ സ്‌നാ​പ​ന​ത്തി​ലേ​ക്കോ പുരോ​ഗ​മി​ക്കാഞ്ഞ ആരെ​യെ​ങ്കി​ലും നിങ്ങൾക്ക്‌ അറിയാ​മെ​ങ്കിൽ ബൈബിൾ അധ്യയനം പുനഃ​രാ​രം​ഭി​ക്കാൻ അവർക്ക്‌ ആഗ്രഹ​മു​ണ്ടോ എന്നു കണ്ടുപി​ടി​ക്കു​ന്ന​തി​നു നിങ്ങൾക്കു​തന്നെ മുൻകൈ എടുക്കാ​വു​ന്ന​താണ്‌.

⁷ നമ്മുടെ ഓരോ ബൈബിൾ വിദ്യാർഥി​ക്കും വ്യക്തി​പ​ര​മായ ശ്രദ്ധ കൊടു​ക്കു​ന്നതു ക്രിസ്‌തീയ സ്‌നേ​ഹ​ത്തി​ന്റെ തെളി​വാണ്‌. ദൈവ​വ​ച​ന​ത്തി​ലെ സത്യം സംബന്ധി​ച്ചു കൂടുതൽ ഉൾക്കാഴ്‌ച നേടാൻ വിദ്യാർഥി​യെ സഹായി​ക്കുക എന്നതാണു നമ്മുടെ ലക്ഷ്യം. അപ്പോൾ ആ വ്യക്തിക്ക്‌ സത്യത്തി​നു​വേണ്ടി വ്യക്തമായ, പരിജ്ഞാ​ന​പ്ര​കാ​ര​മുള്ള ഒരു നിലപാട്‌ എടുക്കു​ന്ന​തി​നും തന്റെ ജീവിതം യഹോ​വ​യ്‌ക്കു സമർപ്പി​ച്ചു ജലസ്‌നാ​പനം ഏൽക്കു​ന്ന​തി​നും സാധി​ക്കും.—സങ്കീ. 40:8; എഫെ. 3:17-19.

⁸ സ്‌നാ​പ​ന​ശേഷം എത്യോ​പ്യൻ ഷണ്ഡന്‌ എന്തു സംഭവി​ച്ചു എന്നു നിങ്ങൾക്ക​റി​യാ​മോ? ക്രിസ്‌തു​വി​ന്റെ ഒരു പുതിയ ശിഷ്യൻ എന്ന നിലയിൽ “അവൻ സന്തോ​ഷി​ച്ചും​കൊ​ണ്ടു തന്റെ വഴിക്കു പോയി” എന്ന്‌ ബൈബിൾ പറയുന്നു. (പ്രവൃ. 8:39, 40) നാമും സത്യത്തി​ന്റെ പാതയി​ലേക്കു നാം നയിക്കു​ന്ന​വ​രും ഇന്നും എന്നെ​ന്നേ​ക്കും യഹോ​വ​യാം ദൈവത്തെ സേവി​ക്കു​ന്ന​തിൽ വലിയ സന്തോഷം കണ്ടെത്തു​മാ​റാ​കട്ടെ!