പുതിയ പ്രത്യേക സമ്മേള​ന​ദിന പരിപാ​ടി

പ്രത്യേക സമ്മേള​ന​ദിന ക്രമീ​ക​രണം ആരംഭി​ച്ചത്‌ 1987-ലാണ്‌. ഈ ഏകദിന കൂടി​വ​ര​വു​കൾ യഹോ​വ​യു​ടെ ദാസന്മാ​രെ​യും ഹാജരാ​കുന്ന താത്‌പ​ര്യ​ക്കാ​രെ​യും കെട്ടു​പണി ചെയ്യു​ന്ന​താ​യി തെളി​ഞ്ഞി​ട്ടുണ്ട്‌. 1999 ജനുവരി മുതൽ ഒരു പുതിയ പ്രത്യേക സമ്മേള​ന​ദിന പരിപാ​ടി അവതരി​പ്പി​ക്ക​പ്പെ​ടു​ന്ന​താ​യി​രി​ക്കും. നടത്ത​പ്പെ​ടുന്ന ഒമ്പതു പ്രസം​ഗ​ങ്ങ​ളും നിരവധി അഭിമു​ഖ​ങ്ങ​ളും അനുഭ​വ​ങ്ങ​ളും ആത്മീയ​മാ​യി വളരെ പ്രയോ​ജനം ചെയ്യു​ന്ന​വ​യാ​ണെന്നു നിങ്ങൾ കണ്ടെത്തും.

“യഹോ​വ​യു​ടെ മേശ​യോട്‌ വിലമ​തി​പ്പു പ്രകട​മാ​ക്കുക” എന്നതാ​യി​രി​ക്കും പുതിയ സമ്മേളന പരിപാ​ടി​യു​ടെ വിഷയം. (യെശ. 65:1; 1 കൊരി. 10:21) യഹോ​വ​യു​ടെ ആരാധ​നയ്‌ക്കു ജീവി​ത​ത്തിൽ ഒന്നാം സ്ഥാനം നൽകു​ക​യെന്ന നമ്മുടെ ദൃഢനി​ശ്ച​യത്തെ അതു ബലപ്പെ​ടു​ത്തു​ന്നു. (സങ്കീ. 27:4) സർക്കിട്ട്‌ മേൽവി​ചാ​രകൻ നടത്തേണ്ട “നമ്മുടെ ഹൃദയ ചായ്‌വു​കളെ പരി​ശോ​ധി​ക്കൽ” എന്ന ഭാഗം യോഗ ഹാജരി​നെ സംബന്ധി​ച്ചു​ള്ളത്‌ ആയിരി​ക്കും. ഒരു സന്ദർശക പ്രസം​ഗകൻ നമ്മെ “യഹോ​വ​യു​ടെ മേശയിൽ നിന്നു ഭക്ഷിച്ചു​കൊണ്ട്‌ ആത്മീയത നിലനിർത്തു”ന്നത്‌ എങ്ങനെ​യെന്നു കാണിച്ചു തരും. യഹോ​വ​യു​ടെ സ്ഥാപന​ത്തി​ലുള്ള യുവജ​ന​ങ്ങൾക്ക്‌ ദൈവത്തെ സേവി​ക്കു​ന്ന​തിൽ അചഞ്ചല​രാ​യി തുടരാ​നുള്ള പ്രാ​യോ​ഗിക നിർദേ​ശങ്ങൾ നൽക​പ്പെ​ടും. സന്ദർശക പ്രസം​ഗകൻ നടത്തുന്ന മുഖ്യ പ്രസം​ഗ​ത്തി​ന്റെ വിഷയം “സുധീര സാക്ഷ്യം നൽകാൻ ആത്മീയ​മാ​യി ബലിഷ്‌ഠർ” എന്നതാണ്‌. സഭയി​ലൂ​ടെ പ്രദാനം ചെയ്യ​പ്പെ​ടുന്ന കരുത​ലു​കൾ രാജ്യ​ത്തെ​ക്കു​റി​ച്ചു സധൈ​ര്യം സാക്ഷീ​ക​രി​ക്കാൻ നമ്മെ എങ്ങനെ സജ്ജരാ​ക്കു​ന്നു​വെന്ന്‌ അതു കാണി​ക്കും. ഈ പരിപാ​ടി​യിൽ നിന്നു പ്രയോ​ജനം നേടാൻ ആഗ്രഹി​ക്കാത്ത ആരുണ്ടാ​കും?

പുതു​താ​യി സമർപ്പണം നടത്തി​യവർ സ്‌നാ​പനം ഏൽക്കാൻ ആഗ്രഹി​ക്കു​ന്നു എങ്കിൽ എത്രയും പെട്ടെന്ന്‌ അധ്യക്ഷ മേൽവി​ചാ​ര​കനെ അറിയി​ക്കണം. പ്രത്യേക സമ്മേള​ന​ദിന ക്രമീ​ക​ര​ണ​ത്തി​ന്റെ 12-ാം വർഷം ആരംഭി​ക്കവേ, ഹാജരാ​കുന്ന ഏവരും മുമ്പി​ലുള്ള വേലയ്‌ക്കാ​യി ആത്മീയ​മാ​യി ശക്തരാ​ക്ക​പ്പെ​ടും എന്നു ഞങ്ങൾക്ക്‌ ഉറപ്പുണ്ട്‌.