നേതൃ​ത്വം വഹിക്കുന്ന മേൽവി​ചാ​ര​ക​ന്മാർ—ദിവ്യാ​ധി​പത്യ ശുശ്രൂ​ഷാസ്‌കൂൾ മേൽവി​ചാ​ര​കൻ

¹ പ്രസം​ഗി​ക്കു​ന്ന​തി​ലും പഠിപ്പി​ക്കു​ന്ന​തി​ലും കഠിന​മാ​യി അധ്വാ​നി​ക്കുന്ന, നമ്മുടെ ആദരവും സഹകര​ണ​വും അർഹി​ക്കുന്ന, ആത്മീയ​മാ​യി പ്രായ​മുള്ള ഒരു പുരു​ഷ​നാണ്‌ ദിവ്യാ​ധി​പത്യ ശുശ്രൂ​ഷാസ്‌കൂൾ മേൽവി​ചാ​രകൻ. (1 തിമൊ. 5:17) എന്താണ്‌ അദ്ദേഹ​ത്തി​ന്റെ ചുമത​ലകൾ?

² രാജ്യ​ഹാ​ളി​ലെ ദിവ്യാ​ധി​പത്യ ശുശ്രൂ​ഷാസ്‌കൂൾ ലൈ​ബ്ര​റി​യു​ടെ ചുമതല അദ്ദേഹ​ത്തി​നാണ്‌. യോഗ്യ​ത​യുള്ള സകല​രെ​യും സ്‌കൂ​ളിൽ പേർ ചാർത്താൻ പ്രോ​ത്സാ​ഹി​പ്പി​ക്കു​ന്ന​തിൽ അദ്ദേഹം വലിയ താത്‌പ​ര്യം കാണി​ക്കു​ന്നു. ഓരോ സ്‌കൂൾ സെഷനും മൂന്നാഴ്‌ച മുമ്പെ​ങ്കി​ലും, ചിട്ട​യോ​ടെ തന്നെ നിയമ​നങ്ങൾ നൽകാൻ കഴിയ​ത്ത​ക്ക​വണ്ണം കൃത്യ​മായ ഒരു രേഖ സൂക്ഷി​ക്കു​ന്നു​വെന്ന്‌ അദ്ദേഹം ഉറപ്പു വരുത്തു​ന്നു. അദ്ദേഹം സഭയി​ലു​ള്ള​വരെ നന്നായി അറിഞ്ഞി​രി​ക്കേ​ണ്ട​തുണ്ട്‌, ഓരോ വിദ്യാർഥി​യെ​യും അയാളു​ടെ പ്രാപ്‌തി​ക​ളെ​യും കുറിച്ച്‌ അദ്ദേഹ​ത്തിന്‌ നല്ല അറിവ്‌ ഉണ്ടായി​രി​ക്കണം. സ്‌കൂൾ പട്ടിക തയ്യാറാ​ക്കു​ന്ന​തിൽ തന്നെ സഹായി​ക്കാൻ മറ്റൊരു സഹോ​ദ​രനെ അദ്ദേഹ​ത്തിന്‌ ഉപയോ​ഗി​ക്കാ​മെ​ങ്കി​ലും, യോഗ​ഭാ​ഗങ്ങൾ ഉചിത​മാ​യി നിയമി​ച്ചു കൊടു​ക്കു​ന്ന​തിൽ സ്‌കൂൾ മേൽവി​ചാ​ര​കന്റെ വ്യക്തി​പ​ര​മായ മേൽനോ​ട്ടം ഉണ്ടായി​രി​ക്കണം.

³ സ്‌കൂ​ളിൽ ഫലപ്ര​ദ​മാ​യി പഠിപ്പി​ക്കു​ന്ന​തിന്‌, നിയമിത ഭാഗങ്ങൾ നന്നായി പഠിച്ചു​കൊണ്ട്‌ സ്‌കൂൾ മേൽവി​ചാ​രകൻ ഓരോ വാരത്തി​ലും ഉത്സാഹ​പൂർവം തയ്യാറാ​കേ​ണ്ട​തുണ്ട്‌. പാഠ്യ​വി​ഷ​യങ്ങൾ സംബന്ധിച്ച്‌ സഭയിൽ ഉള്ളവരു​ടെ ഉത്സാഹം വർധി​പ്പി​ക്കാ​നും നിയമിത ഭാഗങ്ങൾ കൃത്യ​മാ​യി​ത്തന്നെ ഉൾപ്പെ​ടു​ത്തി​യി​രി​ക്കു​ന്നു എന്ന്‌ നിർണ​യി​ക്കാ​നും എഴുത്തു പുനര​വ​ലോ​ക​ന​ത്തിൽ ഉൾപ്പെ​ടു​ത്തി​യി​ട്ടുള്ള മുഖ്യ ആശയങ്ങൾ എടുത്തു കാണി​ക്കാ​നും അത്തരം തയ്യാറാ​കൽ അദ്ദേഹത്തെ സഹായി​ക്കു​ന്നു.

⁴ ഓരോ വിദ്യാർഥി പ്രസം​ഗ​ത്തി​നു ശേഷവും സ്‌കൂൾ മേൽവി​ചാ​രകൻ വിദ്യാർഥി​യെ അഭിന​ന്ദി​ക്കു​ക​യും ഒരു പ്രസംഗ ഗുണം നല്ലതാ​യി​രു​ന്ന​തി​ന്റെ അല്ലെങ്കിൽ ഒന്നിന്‌ പുരോ​ഗതി ആവശ്യ​മാ​യി​രി​ക്കു​ന്ന​തി​ന്റെ കാരണം വിശദീ​ക​രി​ക്കു​ക​യും ചെയ്യുന്നു. സ്‌കൂ​ളി​ലെ നിയമ​നങ്ങൾ നിർവ​ഹി​ക്കാൻ ആർക്കെ​ങ്കി​ലും കൂടു​ത​ലായ സഹായം ആവശ്യ​മാ​ണെ​ങ്കിൽ, സ്‌കൂൾ മേൽവി​ചാ​ര​ക​നോ അദ്ദേഹം നിയമി​ക്കുന്ന ആൾക്കോ വ്യക്തിഗത സഹായം നൽകാ​നാ​കും.

⁵ ദിവ്യാ​ധി​പത്യ ശുശ്രൂ​ഷാസ്‌കൂൾ മേൽവി​ചാ​ര​ക​ന്റെ​യും അദ്ദേഹ​ത്തി​ന്റെ നിർദേ​ശ​ത്തി​നു കീഴിൽ സേവി​ക്കുന്ന മറ്റു ബുദ്ധ്യു​പ​ദേ​ശ​ക​രു​ടെ​യും കഠിന വേലയിൽനിന്ന്‌ പൂർണ പ്രയോ​ജനം നേടു​ന്ന​തി​നു നാം സ്‌കൂ​ളിൽ പതിവാ​യി സംബന്ധി​ക്കേ​ണ്ട​തുണ്ട്‌. നാം നമ്മുടെ നിയമ​നങ്ങൾ നിർവ​ഹി​ക്കു​ക​യും നമുക്കു ലഭിക്കു​ന്ന​തും അതു​പോ​ലെ​തന്നെ മറ്റു വിദ്യാർഥി​കൾക്കു നൽക​പ്പെ​ടു​ന്ന​തു​മായ ബുദ്ധ്യു​പ​ദേ​ശങ്ങൾ ബാധക​മാ​ക്കു​ക​യും വേണം. അങ്ങനെ ചെയ്യു​മ്പോൾ, പരസ്യ​മാ​യും വീടു​തോ​റും രാജ്യ സന്ദേശം അവതരി​പ്പി​ക്കാ​നുള്ള നമ്മുടെ പ്രാപ്‌തി അനു​ക്രമം മെച്ച​പ്പെ​ട്ടു​കൊ​ണ്ടി​രി​ക്കും.—പ്രവൃ. 20:20; 1 തിമൊ. 4:13, 15.