‘പുതിയ വ്യക്തി​ത്വം ധരിക്കുക’

¹ സത്യം അറിയു​ന്ന​തി​നെ ക്രിസ്‌ത്യാ​നി​കൾ വിലമ​തി​ക്കു​ന്നു! ലോക​ക്കാ​രായ ആളുക​ളു​ടെ രീതികൾ ഒഴിവാ​ക്കി​ക്കൊണ്ട്‌ എങ്ങനെ ജീവിതം നയിക്കാം എന്നു നാം മനസ്സി​ലാ​ക്കി​യി​രി​ക്കു​ന്നു. ലോക​ത്തി​ലു​ള്ളവർ “ദൈവ​ത്തി​ന്റെ ജീവനിൽനി​ന്നു അകന്നു  . . പോയവർ” ആയതു​കൊണ്ട്‌ “അന്ധബു​ദ്ധി​ക​ളാ​യി” തീർന്നി​രി​ക്കു​ന്നു. (എഫെ. 4:18, 19) എന്നാൽ, പഴയ വ്യക്തി​ത്വം ഉരിഞ്ഞു കളയു​ക​യും പുതി​യതു ധരിക്കു​ക​യും ചെയ്‌തു​കൊണ്ട്‌, ലൗകിക ചിന്താ​ഗ​തി​കൾ ഉപേക്ഷി​ക്കു​ന്ന​തി​നാ​യി മനസ്സു പുതു​ക്കാൻ നാം പഠിപ്പി​ക്ക​പ്പെ​ട്ടി​രി​ക്കു​ന്നു.—എഫെ. 4:22-24.

² പഴയ വ്യക്തി​ത്വം തുടർച്ച​യായ ധാർമിക അധഃപ​ത​ന​ത്തി​ലേക്കു നയിക്കു​ന്നു. അശുദ്ധി​യും മരണവു​മാണ്‌ അതിന്റെ ആത്യന്തിക ഫലങ്ങൾ. അതു​കൊണ്ട്‌, എല്ലാ ക്രോ​ധ​വും കോപ​വും ചീത്തത്ത​ര​വും ദൂഷണ​വും അസഭ്യ സംസാ​ര​വും ഉപേക്ഷി​ക്കാൻ രാജ്യ​സ​ന്ദേശം ശ്രദ്ധി​ക്കുന്ന ഏവരോ​ടും നാം ആത്മാർഥ​മാ​യി അഭ്യർഥി​ക്കു​ന്നു. ദൈവ​ത്തി​ന്റെ പ്രീതി ലഭിക്ക​ണ​മെന്ന്‌ ആഗ്രഹി​ക്കു​ന്നവർ പഴയ വ്യക്തി​ത്വം നിശ്ചയ​ദാർഢ്യ​ത്തോ​ടെ മുഴു​വ​നാ​യി ഉപേക്ഷി​ക്കേ​ണ്ട​തുണ്ട്‌—അഴുക്കു പുരണ്ട ഒരു വസ്‌ത്രം ഊരി​ക്ക​ള​യു​ന്ന​തു​പോ​ലെ​തന്നെ.—കൊലൊ. 3:8, 9.

³ മനസ്സിനെ പ്രവർത്ത​ന​ത്തി​നു പ്രചോ​ദി​പ്പി​ക്കുന്ന പുതിയ ശക്തി: പുതിയ വ്യക്തി​ത്വം ധരിക്കു​ന്ന​തിൽ, നമ്മുടെ മനസ്സിനെ പ്രവർത്ത​ന​ത്തി​നു പ്രചോ​ദി​പ്പി​ക്കുന്ന ശക്തിയിൽ പുതുക്കം പ്രാപി​ക്കു​ന്നത്‌ ഉൾപ്പെ​ടു​ന്നു. (എഫെ. 4:23, NW) ശരിയായ ദിശയിൽ മുന്നേ​റാൻ പ്രേരി​പ്പി​ക്കുന്ന വിധത്തിൽ ഒരുവന്‌ ആ ശക്തിയെ അഥവാ മനോ​ഭാ​വത്തെ പുതു​ക്കാൻ കഴിയു​ന്നത്‌ എങ്ങനെ​യാണ്‌? ക്രമമാ​യി, ഉത്സാഹ​പൂർവം ദൈവ​വ​ചനം പഠിക്കു​ക​യും അതിലെ ആശയങ്ങൾ ധ്യാനി​ക്കു​ക​യും ചെയ്യു​ന്ന​തി​ലൂ​ടെ​യാണ്‌ ഇതു സാധ്യ​മാ​കുക. അപ്പോൾ ഒരു പുതിയ ചിന്താ​രീ​തി വികസി​ച്ചു​വ​രു​ന്നു, വ്യക്തി ദൈവ​ത്തി​ന്റെ​യും ക്രിസ്‌തു​വി​ന്റെ​യും വിധത്തിൽ കാര്യ​ങ്ങളെ വീക്ഷി​ക്കാൻ തുടങ്ങു​ന്നു. ഒരുവൻ അനുകമ്പ, ദയ, താഴ്‌മ, സൗമ്യത, ദീർഘക്ഷമ, സ്‌നേഹം എന്നിങ്ങനെ നിരവധി ക്രിസ്‌തു​സ​മാന ഗുണങ്ങൾ ധരിക്കു​മ്പോൾ അയാളു​ടെ ജീവി​ത​ത്തി​നു മുഴു​വ​നാ​യും മാറ്റം വരുന്നു.—കൊലൊ. 3:10, 12-14.

⁴ പുതിയ വ്യക്തി​ത്വം ധരിക്കു​ന്ന​തി​ലൂ​ടെ നാം നമ്മെത്തന്നെ ലോക​ത്തിൽ നിന്നു വേർതി​രി​ക്കു​ന്നു. നമ്മുടെ ജീവിത രീതി​യാ​ണു നമ്മെ വ്യത്യസ്‌ത​രാ​ക്കു​ന്നത്‌. നാം സത്യം സംസാ​രി​ക്കു​ക​യും ആരോ​ഗ്യാ​വ​ഹ​മായ സംഭാ​ഷ​ണ​ത്തി​ലൂ​ടെ മറ്റുള്ള​വരെ കെട്ടു​പണി ചെയ്യു​ക​യും ചെയ്യുന്നു. നാം കോപത്തെ നിയ​ന്ത്രി​ക്കു​ക​യും കൈപ്പ്‌, ആക്രോ​ശം, ദൂഷണം തുടങ്ങി എല്ലാ ദുർഗ്ഗു​ണ​ങ്ങ​ളും മാറ്റി തത്‌സ്ഥാ​നത്തു നീതി​യും ദൈവിക ഗുണങ്ങ​ളും പ്രതിഷ്‌ഠി​ക്കു​ക​യും ചെയ്യുന്നു. ക്ഷമ പ്രകട​മാ​ക്കു​ന്ന​തിൽ നാം സാധാ​ര​ണ​മാ​യി, നമ്മോട്‌ ആവശ്യ​പ്പെ​ട്ടി​രി​ക്കു​ന്ന​തി​ലും കവിഞ്ഞു പ്രവർത്തി​ക്കു​ന്നു. ഇവയെ​ല്ലാം ചെയ്യു​ന്നത്‌ യാതൊ​രു മടിയും കൂടാതെ ആത്മാർഥ​ത​യോ​ടെ​യാണ്‌.—എഫെ. 4:25-32.

⁵ പുതിയ വ്യക്തി​ത്വം ഒരിക്ക​ലും ഉരിഞ്ഞു കളയരുത്‌. അതില്ലാ​തെ സ്വീകാ​ര്യ​മായ വിധത്തിൽ യഹോ​വയെ സേവി​ക്കാൻ നമുക്കു സാധി​ക്കില്ല. ആളുകളെ സത്യത്തി​ലേക്ക്‌ ആകർഷി​ക്കാ​നും അത്ഭുത​ക​ര​മായ ഈ പുതിയ വ്യക്തി​ത്വ​ത്തി​ന്റെ സ്രഷ്ടാ​വായ യഹോ​വയെ മഹത്ത്വ​പ്പെ​ടു​ത്താ​നും അതിനെ അനുവ​ദി​ക്കുക.—എഫെ. 4:24.