എല്ലാ പ്രായ​ക്കാർക്കും കുടും​ബ​സ​ന്തു​ഷ്ടി പുസ്‌തകം സമർപ്പി​ക്കു​ക

¹ കാലി​ഫോർണി​യ​യിൽ നിന്നുള്ള ഒരു 11-വയസ്സു​കാ​രൻ കുടും​ബ​സ​ന്തു​ഷ്ടി​യു​ടെ രഹസ്യം പുസ്‌ത​ക​ത്തോ​ടുള്ള തന്റെ വിലമ​തി​പ്പു പ്രകട​മാ​ക്കി. അവൻ എഴുതി: “വളരെ നന്ദി. ഈ പുസ്‌തകം വായി​ക്കാൻ മറ്റു കുടും​ബ​ങ്ങ​ളെ​യും ഞാൻ പ്രോ​ത്സാ​ഹി​പ്പി​ക്കു​ന്നു. കാരണം അതു വളരെ നല്ലതാണ്‌. ഞങ്ങളുടെ വീട്ടിൽ സമാധാ​ന​വും സന്തുഷ്ടി​യും ഉണ്ടാകാൻ അതു സഹായി​ക്കു​ന്നു.” എല്ലാ പ്രായ​ക്കാർക്കും കുടും​ബ​സ​ന്തു​ഷ്ടി പുസ്‌തകം സമർപ്പി​ക്കാൻ ഈ കുട്ടി​യു​ടെ അനുഭവം നമ്മെ പ്രേരി​പ്പി​ക്കേ​ണ്ട​താണ്‌. ഫെബ്രു​വ​രി​യിൽ ശുശ്രൂ​ഷ​യിൽ ഏർപ്പെ​ടു​മ്പോൾ പരീക്ഷി​ച്ചു നോക്കാൻ നിങ്ങൾ ആഗ്രഹി​ച്ചേ​ക്കാ​വുന്ന ഏതാനും നിർദേ​ശങ്ങൾ ഇതാ:

² ഒരു യുവ വ്യക്തിയെ കണ്ടുമു​ട്ടു​മ്പോൾ നിങ്ങൾ ഇപ്രകാ​രം പറഞ്ഞേ​ക്കാം:

◼“മിക്കവ​രും നിങ്ങളു​ടെ പ്രായ​ത്തിൽ വിവാ​ഹത്തെ കുറിച്ചു ചിന്തി​ക്കു​ന്നു. എന്നാൽ, അതേക്കു​റിച്ച്‌ ആശ്രയ​യോ​ഗ്യ​മായ വിവരങ്ങൾ എവിടെ കണ്ടെത്താ​നാ​കും? [പ്രതി​ക​രി​ക്കാൻ അനുവ​ദി​ക്കുക.] തങ്ങൾ വിവാ​ഹ​ത്തി​നു സജ്ജരാ​ണോ എന്ന കാര്യ​ത്തിൽ ഉറപ്പില്ല എന്നു മിക്ക​പ്പോ​ഴും യുവ​പ്രാ​യ​ക്കാർ പറയുന്നു. ഈ ചെറിയ പുസ്‌ത​ക​ത്തിന്‌ ഈ വിഷയത്തെ കുറിച്ചു പറയാ​നുള്ള കാര്യങ്ങൾ ഞാൻ നിങ്ങളു​മാ​യി പങ്കു​വെ​ക്കട്ടെ.” കുടും​ബ​സ​ന്തു​ഷ്ടി പുസ്‌ത​ക​ത്തി​ന്റെ 14-ാം പേജിലെ 3-ാം ഖണ്ഡിക വായി​ക്കുക. അതിനു ശേഷം ആ അധ്യാ​യ​ത്തി​ലെ എല്ലാ ഉപതല​ക്കെ​ട്ടു​ക​ളും കാണി​ക്കുക. പുസ്‌തകം സമർപ്പി​ച്ചിട്ട്‌, മടങ്ങി​ച്ചെ​ല്ലാൻ ക്രമീ​ക​രി​ക്കുക.

³ ഒരു മാതാ​വി​നോ​ടോ പിതാ​വി​നോ​ടോ സംസാ​രി​ക്കു​മ്പോൾ നിങ്ങൾക്ക്‌ ഇങ്ങനെ പറയാ​വു​ന്ന​താണ്‌:

◼“കുട്ടി​കളെ വളർത്തു​ന്ന​തിൽ ഫലപ്ര​ദ​മെന്നു തെളിഞ്ഞ ചില പ്രാ​യോ​ഗിക മാർഗ​നിർദേ​ശങ്ങൾ മാതാ​പി​താ​ക്ക​ളു​മാ​യി ഞങ്ങൾ പങ്കു​വെച്ചു വരിക​യാണ്‌. കുടും​ബ​സ​ന്തു​ഷ്ടി​യു​ടെ രഹസ്യം എന്ന ഈ ചെറിയ പുസ്‌ത​ക​ത്തിൽ പ്രസ്‌തുത വിവരങ്ങൾ എല്ലാം ഉൾക്കൊ​ള്ളി​ച്ചി​രി​ക്കു​ന്നു.” 55-ാം പേജ്‌ എടുത്ത്‌ 10-ാം ഖണ്ഡിക​യും 11-ാം ഖണ്ഡിക​യിൽ ഉദ്ധരി​ച്ചി​രി​ക്കുന്ന ആവർത്ത​ന​പുസ്‌തകം 6:6, 7 വാക്യ​ങ്ങ​ളും വായി​ക്കുക. അതിനു ശേഷം, 12 മുതൽ 16 വരെയുള്ള ഖണ്ഡിക​ക​ളി​ലെ ചെരി​ച്ചെ​ഴു​തി​യി​രി​ക്കുന്ന വാചകങ്ങൾ വായി​ക്കുക. എന്നിട്ട്‌ ഇങ്ങനെ തുടരുക: “മാതാ​പി​താ​ക്കൾ എന്ന നിലയിൽ കൂടുതൽ വിജയം വരിക്കാൻ അനേകരെ ഈ പുസ്‌തകം സഹായി​ച്ചി​ട്ടുണ്ട്‌. ഇതു വായി​ക്കാൻ നിങ്ങൾക്ക്‌ ആഗ്രഹം ഉണ്ടെങ്കിൽ ഈ കോപ്പി തരാൻ എനിക്കു സന്തോ​ഷ​മേ​യു​ള്ളൂ.”

⁴ പ്രായം​ചെന്ന ഒരു വ്യക്തി​യോ​ടു സംസാ​രി​ക്കു​മ്പോൾ ഇങ്ങനെ പറയാൻ കഴിയും:

◼ “ഈ ചെറിയ പരാമർശം ഞാൻ വായിച്ചു കഴിയു​മ്പോൾ അതേക്കു​റി​ച്ചുള്ള നിങ്ങളു​ടെ അഭി​പ്രാ​യം അറിയാൻ എനിക്ക്‌ ആഗ്രഹ​മുണ്ട്‌.” കുടും​ബ​സ​ന്തു​ഷ്ടി പുസ്‌ത​ക​ത്തി​ന്റെ 169-ാം പേജിലെ 17-ാം ഖണ്ഡിക​യിൽ നിന്ന്‌ ആദ്യത്തെ രണ്ടു വാചകങ്ങൾ വായി​ക്കുക. അഭി​പ്രാ​യം ആരായുക. മറുപ​ടിക്ക്‌ അനുസ​രിച്ച്‌, നിങ്ങൾക്ക്‌ അതിൽ നിന്നുള്ള മറ്റു പരാമർശ​ങ്ങ​ളും വായി​ക്കു​ക​യും പുസ്‌തകം സമർപ്പി​ക്കു​ക​യും ചെയ്യാ​വു​ന്ന​താണ്‌.

⁵ കുടും​ബ​സ​ന്തു​ഷ്ടി പുസ്‌തകം സമർപ്പിച്ച ഇടങ്ങളിൽ മടക്കസ​ന്ദർശ​നങ്ങൾ നടത്തു​മ്പോൾ ഒരു ബൈബിളധ്യയനം ആരംഭി​ക്കാൻ ശ്രമി​ക്കേ​ണ്ട​തുണ്ട്‌ എന്നു മനസ്സിൽ പിടി​ക്കുക. ആവശ്യം ലഘുപ​ത്രി​ക​യു​ടെ 8-ാം പാഠത്തിൽ നിന്നോ പരിജ്ഞാ​നം പുസ്‌ത​ക​ത്തി​ന്റെ 15-ാം അധ്യാ​യ​ത്തിൽ നിന്നോ അധ്യയനം ആരംഭി​ക്കു​ന്നത്‌ ഉചിത​മാ​യി​രി​ക്കും. ഇപ്രകാ​രം, ഒരു സന്തുഷ്ട ക്രിസ്‌തീയ കുടുംബ ജീവിതം കെട്ടി​പ്പ​ടു​ക്കാൻ എല്ലാ പ്രായ​ക്കാ​രായ ആളുക​ളെ​യും സഹായി​ക്കാൻ നമുക്കു ശ്രമി​ക്കാം.