ഉത്സാഹ​ത്തോ​ടെ സുവാർത്ത പ്രസം​ഗി​ക്കു​ക

¹ “ഞാൻ നിങ്ങളെ കാണ്മാൻ വാഞ്‌ഛി​ക്കു​ന്നു . . . നിങ്ങ​ളോ​ടും സുവി​ശേഷം അറിയി​പ്പാൻ എന്നാൽ ആവോളം ഞാൻ ഒരുങ്ങി​യി​രി​ക്കു​ന്നു [“ഉത്സാഹി​ക്കു​ന്നു,” NW].” റോമി​ലെ സഹോ​ദ​ര​ങ്ങൾക്കുള്ള കത്തിന്റെ ആരംഭ​ത്തിൽ അപ്പൊസ്‌ത​ല​നായ പൗലൊസ്‌ തന്നെക്കു​റിച്ച്‌ പ്രസ്‌താ​വി​ച്ചത്‌ ഇപ്രകാ​ര​മാണ്‌. അവരെ സന്ദർശി​ക്കു​വാൻ പൗലൊസ്‌ ഉത്സാഹി​ച്ചത്‌ എന്തു​കൊ​ണ്ടാ​യി​രു​ന്നു? അവൻ പറഞ്ഞു: “നിങ്ങളി​ലും വല്ല ഫലവും ഉണ്ടാ​കേ​ണ്ട​തി​ന്നു . . . സുവി​ശേ​ഷ​ത്തെ​ക്കു​റി​ച്ചു എനിക്കു ലജ്ജയില്ല . . . അതു രക്ഷെക്കാ​യി ദൈവ​ശ​ക്തി​യാ​കു​ന്നു​വ​ല്ലോ.”—റോമ. 1:11-16.

² എഫെ​സൊ​സി​ലെ പ്രായ​മേ​റിയ പുരു​ഷ​ന്മാ​രോ​ടു സംസാ​രി​ക്കു​ന്ന​തി​ലും പൗലൊസ്‌ ഇതേ ഉത്സാഹം പ്രകടി​പ്പി​ച്ചു. അവൻ അവരെ ഇങ്ങനെ ഓർമി​പ്പി​ച്ചു: ‘ഞാൻ ആസ്യയിൽ വന്ന ഒന്നാം നാൾ മുതൽ മറെച്ചു​വെ​ക്കാ​തെ പരസ്യ​മാ​യും വീടു​തോ​റും നിങ്ങ​ളോ​ടു അറിയി​ക്ക​യും ഉപദേ​ശി​ക്ക​യും യെഹൂ​ദ​ന്മാ​രോ​ടും യവനന്മാ​രോ​ടും സാക്ഷീ​ക​രി​ക്കു​ക​യും’ ചെയ്‌തു. (പ്രവൃ. 20:18-21) തന്റെ മുഴു നിയമിത പ്രദേ​ശ​ത്തും രക്ഷയ്‌ക്കാ​യുള്ള സുവാർത്ത പ്രസം​ഗിച്ച്‌ രാജ്യ​ഫലം നേടു​ന്ന​തിൽ പൗലൊസ്‌ ദത്തശ്രദ്ധൻ ആയിരു​ന്നു. അനുക​ര​ണാർഹ​മായ എത്ര നല്ല ആത്മാവ്‌!

³ നമുക്കു സ്വയം ഇങ്ങനെ ചോദി​ക്കാ​വു​ന്ന​താണ്‌: ‘എന്റെ പ്രദേ​ശത്ത്‌ സുവാർത്ത പ്രസം​ഗി​ക്കു​ന്ന​തിൽ ഞാൻ അതേ ഉത്സാഹം പ്രകട​മാ​ക്കു​ന്നു​ണ്ടോ? പ്രസം​ഗ​വേ​ലയെ കേവലം ഒരു കടമയാ​യി കാണു​ന്ന​തി​നു പകരം, സാധി​ക്കു​ന്നത്ര ആളുക​ളു​മാ​യി സുവാർത്ത പങ്കു​വെ​ക്കാൻ ഞാൻ ഉത്സാഹി​ക്കു​ന്നു​വോ? ഞാൻ എന്റെ വ്യക്തി​പ​ര​മായ സാഹച​ര്യ​ങ്ങൾ പ്രാർഥ​നാ​പൂർവം പരിചി​ന്തി​ച്ചി​ട്ടു​ണ്ടോ? വീടു​തോ​റും തെരു​വി​ലും വ്യവസായ മേഖല​ക​ളി​ലും അതു​പോ​ലെ​തന്നെ ടെലി​ഫോ​ണി​ലൂ​ടെ​യും അനൗപ​ചാ​രി​ക​മാ​യും പ്രസം​ഗി​ച്ചു​കൊണ്ട്‌, നമ്മുടെ പ്രദേ​ശത്ത്‌ സാധ്യ​മാ​കുന്ന എല്ലാ വിധങ്ങ​ളും ഞാൻ പരീക്ഷി​ച്ചു നോക്കി​യി​ട്ടു​ണ്ടോ?’

⁴ ഏപ്രി​ലിൽ ഉത്സാഹ​ത്തോ​ടെ പ്രവർത്ത​ന​ത്തിൽ പങ്കെടു​ക്കുക: പ്രസംഗ പ്രവർത്ത​ന​ത്തി​ലെ നമ്മുടെ വ്യക്തി​പ​ര​മായ പങ്കു വർധി​പ്പി​ക്കാൻ ഏപ്രിൽ മാസത്തിൽ നല്ലൊരു അവസര​മുണ്ട്‌. മണിക്കൂർ വ്യവസ്ഥ​യിൽ കുറവു വരുത്തി​യ​തി​നാൽ കൂടുതൽ പേർക്കു സഹായ പയനി​യ​റിങ്‌ ചെയ്യാൻ സാധി​ക്കും. ഒരുപക്ഷേ ഏപ്രി​ലി​ലും മേയി​ലും ഒരു സഹായ പയനി​യ​റാ​യി സേവി​ക്കാൻ നിങ്ങളു​ടെ സാഹച​ര്യ​ങ്ങൾ അനുവ​ദി​ച്ചേ​ക്കാം. അല്ലെങ്കിൽ, മണിക്കൂർ വ്യവസ്ഥ​യിൽ വരുത്തിയ മാറ്റം നിമിത്തം ഒരു നിരന്തര പയനി​യ​റാ​യി പേർ ചാർത്താൻ നിങ്ങൾക്കു സാധി​ച്ചേ​ക്കും. നിങ്ങ​ളൊ​രു സഭാ പ്രസാ​ധകൻ ആണെങ്കിൽ, പയനി​യ​റിങ്‌ നടത്താൻ സാധി​ക്കുന്ന സഹോ​ദ​ര​ങ്ങൾക്കു പിന്തുണ പ്രദാനം ചെയ്‌തു​കൊണ്ട്‌ ഈ മാസവും അടുത്ത മാസവും സേവന​ത്തിൽ കൂടുതൽ സമയം ചെലവ​ഴി​ക്കാൻ നിങ്ങൾക്കു സാധി​ക്കു​മോ? അത്‌ യഹോ​വ​യു​ടെ ഹൃദയത്തെ സന്തോ​ഷി​പ്പി​ക്കും!

⁵ പ്രസം​ഗ​വേ​ല​യിൽ പുരോ​ഗതി വരുത്തി​ക്കൊണ്ട്‌, പൗലൊ​സി​നെ​പ്പോ​ലെ എല്ലാ രാജ്യ പ്രസാ​ധ​ക​രും ഉത്സാഹം പ്രകട​മാ​ക്കു​ന്ന​തിൽ തുടരണം. ശുശ്രൂ​ഷ​യിൽ നമ്മുടെ കഴിവി​ന്റെ പരമാ​വധി ചെയ്യു​ന്നതു യഥാർഥ സന്തോഷം കൈവ​രു​ത്തും. തന്റെ വിശുദ്ധ സേവന​ത്തിൽ പൗലൊ​സിന്‌ ഈ സന്തോഷം അനുഭ​വി​ക്കാൻ കഴിഞ്ഞി​രു​ന്നു. അവന്റെ വിശിഷ്ട മാതൃക അനുക​രി​ക്കാൻ നമുക്കു നന്നായി പരി​ശ്ര​മി​ക്കാം.—റോമ. 11:14ബി; 1 കൊരി. 4:16.