2000 ഏപ്രിൽ നമുക്ക്‌ ഏറ്റവും മെച്ചപ്പെട്ട മാസം ആക്കാനാ​കു​മോ?

¹ നമ്മുടെ സേവന വർഷത്തി​ലെ ഏറ്റവും പ്രധാ​ന​പ്പെട്ട സമയം ഏപ്രിൽ 19-ാം തീയതി ബുധനാഴ്‌ച സായാ​ഹ്ന​മാ​യി​രി​ക്കും. ആ ദിവസം, സൂര്യൻ അസ്‌ത​മി​ക്കു​ന്ന​ത​നു​സ​രിച്ച്‌, ഭൂമി​യു​ടെ അതാതു ഭാഗങ്ങ​ളി​ലെ യഹോ​വ​യു​ടെ സാക്ഷികൾ ലോക​വ്യാ​പ​ക​മാ​യി ഒരു സഭയെന്ന നിലയി​ലോ ഒറ്റപ്പെട്ട കൂട്ടങ്ങ​ളാ​യോ ക്രിസ്‌തു​വി​ന്റെ മരണത്തി​ന്റെ സ്‌മാ​രകം ആചരി​ക്കും. നാം താമസി​ക്കു​ന്നത്‌ എവിടെ ആയിരു​ന്നാ​ലും, യേശു​ക്രി​സ്‌തു​വി​ന്റെ ബലിയെ അനുസ്‌മ​രി​ക്കു​ന്നത്‌ വർഷത്തി​ലെ ഏറ്റവും പ്രധാ​ന​പ്പെട്ട ഒരു സംഗതി​യാണ്‌. യഹോ​വ​യു​ടെ സാക്ഷി​ക​ളു​ടെ കലണ്ടർ 2000-ത്തിൽ സ്‌മാരക തീയതി അടയാ​ള​പ്പെ​ടു​ത്തി​യി​ട്ടുണ്ട്‌.

² തന്റെ പുത്രന്റെ ബലിയി​ലൂ​ടെ യഹോവ പ്രകട​മാ​ക്കിയ അനർഹ​ദ​യ​യോട്‌ മുഴു ദേഹി​യോ​ടെ വിലമ​തിപ്പ്‌ കാണി​ക്കാ​നുള്ള ഏറ്റവും നല്ല അവസര​മാണ്‌ ഏപ്രിൽ മാസം മുഴു​വ​നും നമുക്കു​ള്ളത്‌. എങ്ങനെ? അപ്പൊ​സ്‌ത​ല​നായ പൗലൊസ്‌ ഇങ്ങനെ എഴുതി: “ക്രിസ്‌തു​വി​ന്റെ സ്‌നേഹം ഞങ്ങളെ നിർബ്ബ​ന്ധി​ക്കു​ന്നു; എല്ലാവർക്കും വേണ്ടി ഒരുവൻ മരിച്ചി​രി​ക്കെ എല്ലാവ​രും മരിച്ചു എന്നും ജീവി​ക്കു​ന്നവർ ഇനി തങ്ങൾക്കാ​യി​ട്ടല്ല തങ്ങൾക്കു വേണ്ടി മരിച്ചു ഉയിർത്ത​വ​ന്നാ​യി​ട്ടു തന്നേ ജീവി​ക്കേ​ണ്ട​തി​ന്നു അവൻ എല്ലാവർക്കും വേണ്ടി മരിച്ചു എന്നും ഞങ്ങൾ നിർണ്ണ​യി​ച്ചി​രി​ക്കു​ന്നു.” (2 കൊരി. 5:14, 15) അതേ, രാജ്യ​ത്തി​ന്റെ ശുശ്രൂ​ഷകർ എന്ന നിലയിൽ ഏപ്രിൽ മാസത്തെ നന്നായി ഉപയോ​ഗി​ച്ചു​കൊണ്ട്‌, നമുക്കു വേണ്ടിയല്ല മറിച്ച്‌, നമുക്കാ​യി മരിച്ച​വനു വേണ്ടി​യാ​ണു നാം ജീവി​ക്കു​ന്നത്‌ എന്നു നമുക്കു പ്രകട​മാ​ക്കാം!

³ ഏപ്രി​ലിൽ സഹായ പയനി​യ​റി​ങ്ങി​നാ​യി പേർ ചാർത്തുക: പിൻവ​രുന്ന പ്രകാരം പറഞ്ഞ​പ്പോൾ അപ്പൊ​സ്‌ത​ല​നായ പൗലൊസ്‌ നമു​ക്കൊ​രു പ്രചോ​ദ​നാ​ത്മക മാതൃക വെക്കു​ക​യാ​ണു ചെയ്‌തത്‌: “എന്നുവ​രി​കി​ലും, ഞാൻ എന്റെ ദേഹിയെ എനിക്കു പ്രിയ​പ്പെ​ട്ട​താ​യി അശേഷം ഗണ്യമാ​ക്കു​ന്നില്ല, എന്റെ ഓട്ടവും ദൈവ​ത്തി​ന്റെ അനർഹ​ദ​യ​യു​ടെ സുവാർത്ത​യ്‌ക്കു സമഗ്ര സാക്ഷ്യം വഹിക്കു​ന്ന​തി​നു കർത്താ​വായ യേശു​വിൽനിന്ന്‌ എനിക്കു ലഭിച്ച ശുശ്രൂ​ഷ​യും എനിക്കു പൂർത്തി​യാ​ക്ക​ണ​മെന്നു മാത്ര​മേ​യു​ള്ളൂ.” (പ്രവൃ. 20:24, NW) പൗലൊ​സി​നെ പോലെ, യഹോ​വ​യാം ദൈവത്തെ കുറിച്ചു സമഗ്ര സാക്ഷ്യം വഹിക്കു​ക​യെന്ന പദവി നമുക്കു​മുണ്ട്‌. അതിനാ​യി, ഏപ്രി​ലി​നെ സഹായ പയനിയർ സേവന​ത്തി​ലെ ഏറ്റവും നല്ല ഒരു മാസമാ​ക്കി​ത്തീർക്കാം!

⁴ അഞ്ചു പൂർണ വാരാ​ന്തങ്ങൾ ഉള്ളതി​നാൽ 2000 ഏപ്രിൽ, പലർക്കും പയനിയർ സേവന​ത്തിൽ ഏർപ്പെ​ടാൻ തികച്ചും അനു​യോ​ജ്യ​മായ ഒരു മാസമാ​യി​രി​ക്കും. 1998 ഏപ്രി​ലി​ലാ​ണു നമുക്ക്‌ സഹായ പയനി​യർമാ​രു​ടെ സർവകാല അത്യുച്ചം ഉണ്ടായത്‌. 2,170 പേർ, അതായത്‌ മൊത്തം പ്രസാ​ധ​ക​രു​ടെ 12 ശതമാനം അന്ന്‌ സഹായ പയനിയർ സേവന​ത്തിൽ ഏർപ്പെട്ടു. ഒരു വർഷം കഴിഞ്ഞ്‌, 1999 ആഗസ്റ്റിൽ റിപ്പോർട്ടു ചെയ്‌ത പ്രസാ​ധ​ക​രു​ടെ മൊത്തം എണ്ണത്തിൽ 17 ശതമാ​ന​ത്തി​ല​ധി​കം വർധന​വു​ണ്ടാ​യി. ഇതിന്റെ അർഥം, സഹായ പയനി​യർമാ​രു​ടെ മുൻകാല അത്യു​ച്ചത്തെ കടത്തി​വെ​ട്ടാ​നുള്ള ഒരു വലിയ സാധ്യത കാണു​ന്നു​ണ്ടെ​ന്നാണ്‌. കൂടാതെ, മണിക്കൂർ വ്യവസ്ഥ കുറച്ച​തി​നാൽ, സഭയിലെ കൂടുതൽ പേർക്ക്‌ സഹായ പയനി​യ​റിങ്‌ ചെയ്യുക സാധ്യ​മാ​യി​ത്തീർന്നി​രി​ക്കു​ന്നു. ഈ ഏപ്രിൽ മാസം തനിക്ക്‌ ഒരു സഹായ പയനി​യ​റാ​യി സേവി​ക്കാ​നാ​കു​മോ എന്ന്‌ സ്‌നാ​പ​ന​മേറ്റ ഓരോ പ്രസാ​ധ​ക​നും പ്രാർഥ​നാ​പൂർവം പരിചി​ന്തി​ക്കണം.

⁵ കലണ്ടർ 2000 ഉപയോ​ഗിച്ച്‌ ഏപ്രിൽ മാസ​ത്തേ​ക്കുള്ള നിങ്ങളു​ടെ പട്ടിക ഇപ്പോൾത്തന്നെ തയ്യാറാ​ക്കുക. ഏതൊക്കെ ദിവസ​ങ്ങ​ളിൽ നിങ്ങൾക്കു വയൽസേ​വ​ന​ത്തി​നു പോകാൻ കഴിയു​മെന്നു തീരു​മാ​നി​ക്കുക. പ്രസ്‌തുത മാസം പ്രസം​ഗ​വേ​ല​യ്‌ക്കാ​യി ചെലവ​ഴി​ക്കാൻ കഴിയു​മെന്നു നിങ്ങൾക്കു തോന്നുന്ന സമയ​മെ​ല്ലാം കൂട്ടി​നോ​ക്കുക. ഔപചാ​രി​ക​വും അനൗപ​ചാ​രി​ക​വു​മായ സാക്ഷീ​ക​ര​ണ​ത്തി​നു ചെലവ​ഴി​ക്കാ​നാ​കുന്ന സമയവും അതോ​ടൊ​പ്പം ചേർക്കുക. കൂട്ടി​ക്കി​ട്ടുന്ന സമയം, സഹായ പയനി​യർമാർക്കുള്ള 50 മണിക്കൂർ വ്യവസ്ഥ​യ്‌ക്ക്‌ അടുത്തു വരുന്നു​ണ്ടോ? മണിക്കൂർ തികയു​ന്നി​ല്ലെ​ങ്കിൽ, സഹായ പയനി​യ​റി​ങ്ങി​നാ​യി സമയം ലഭിക്ക​ത്ത​ക്ക​വി​ധം നിങ്ങളു​ടെ പട്ടിക​യിൽ മറ്റേ​തെ​ങ്കി​ലും പൊരു​ത്ത​പ്പെ​ടു​ത്ത​ലു​കൾ വരുത്താ​നാ​കു​മോ? ഒരു മാസം 50 മണിക്കൂ​റി​ലെ​ത്താൻ നിങ്ങൾ ദിവസ​വും ശരാശരി 1 മണിക്കൂ​റും 40 മിനി​ട്ടും പ്രവർത്തി​ച്ചാൽ മതി.

⁶ സാധാരണ പയനി​യർമാർക്കുള്ള മണിക്കൂർ വ്യവസ്ഥ​യും കുറച്ചി​രി​ക്കു​ന്ന​തി​നാൽ, മുഴു​സമയ ശുശ്രൂ​ഷ​യിൽ പ്രവേ​ശി​ക്കു​ന്ന​തി​നെ​ക്കു​റി​ച്ചു നിങ്ങൾ ചിന്തി​ക്കു​ന്നു​ണ്ടോ? ഏപ്രി​ലിൽ പകലിനു ദൈർഘ്യ​മു​ള്ള​തി​നാൽ, പയനി​യ​റിങ്‌ തുടങ്ങാ​നുള്ള ഒരു നല്ല മാസമാ​യി​രി​ക്കും അത്‌! സാധാരണ പയനി​യർമാർക്കുള്ള മണിക്കൂർ വ്യവസ്ഥ​യിൽ എത്താനാ​കു​മോ എന്നു നിങ്ങൾക്കു സംശയം തോന്നു​ന്നെ​ങ്കിൽ, 70 മണിക്കൂർ ഒരു ലക്ഷ്യമാ​ക്കി​ക്കൊണ്ട്‌ ഏപ്രി​ലിൽ നിങ്ങൾക്ക്‌ സഹായ പയനി​യ​റിങ്‌ ചെയ്യരു​തോ? ഒരിക്കൽ ആ ലക്ഷ്യം കൈവ​രി​ക്കാൻ സാധി​ച്ചാൽ, എത്രയും പെട്ടെ​ന്നു​തന്നെ സാധാരണ പയനി​യ​റി​ങ്ങി​നാ​യി അപേക്ഷി​ക്കാ​നുള്ള കൂടു​ത​ലായ ഒരു ആത്മവി​ശ്വാ​സം നിങ്ങൾക്കു ലഭിക്കും.—നമ്മുടെ ശുശ്രൂഷ, പേജുകൾ 113-14 കാണുക.

⁷ സുവാർത്ത​യു​ടെ ഒരു പ്രസാ​ധകൻ എന്ന നിലയിൽ പൂർണ​മാ​യി പങ്കെടു​ക്കുക: നാം പ്രസാ​ധ​ക​രോ പയനി​യർമാ​രോ ആയി​ക്കൊ​ള്ളട്ടെ, വ്യക്തി​പ​ര​മായ സാഹച​ര്യ​ങ്ങൾക്ക്‌ അനുസൃ​ത​മാ​യി യഹോ​വ​യു​ടെ സേവന​ത്തിൽ മുഴു ദേഹി​യോ​ടെ ഏർപ്പെ​ടാൻ നമു​ക്കെ​ല്ലാം പ്രേര​ണ​യേ​കു​ന്നത്‌ ദൈവ​ത്തോ​ടും അയൽക്കാ​രോ​ടു​മുള്ള നമ്മുടെ നിർവ്യാ​ജ സ്‌നേ​ഹ​മാണ്‌. (ലൂക്കൊ. 10:27) അങ്ങനെ “നാം സകലമ​നു​ഷ്യ​രു​ടെ​യും പ്രത്യേ​കം വിശ്വാ​സി​ക​ളു​ടെ​യും രക്ഷിതാ​വായ ജീവനുള്ള ദൈവ​ത്തിൽ ആശവെച്ചു അദ്ധ്വാ​നി​ച്ചും പോരാ​ടി​യും വരുന്ന”വരാ​ണെന്ന്‌ പ്രകട​മാ​ക്കു​ന്നു. (1 തിമൊ. 4:10) രാജ്യ​വേ​ല​യിൽ ഏവരു​ടെ​യും പൂർണ പിന്തു​ണ​യോ​ടെ, ഏപ്രിൽ മാസം 100 ശതമാനം പങ്കുപറ്റൽ നാം പ്രതീ​ക്ഷി​ക്കേ​ണ്ടത്‌ അതു​കൊ​ണ്ടാണ്‌.

⁸ യേശു​വി​ന്റെ പിൻവ​രുന്ന ഉദ്‌ബോ​ധനം നമുക്കു മറക്കാ​തി​രി​ക്കാം: “കൊയ്‌തു വളരെ ഉണ്ടു സത്യം, വേലക്കാ​രോ ചുരുക്കം; ആകയാൽ കൊയ്‌ത്തി​ന്റെ യജമാ​ന​നോ​ടു കൊയ്‌ത്തി​ലേക്കു വേലക്കാ​രെ അയക്കേ​ണ്ട​തി​ന്നു യാചി​പ്പിൻ.” അതു പറഞ്ഞ​ശേഷം ഉടൻതന്നെ യേശു തന്റെ 12 അപ്പൊ​സ്‌ത​ല​ന്മാ​രെ വിളിച്ച്‌ സുവാർത്ത പ്രസം​ഗി​ക്കാ​ന​യച്ചു. (മത്താ. 9:37, 38; 10:1, 5, 7) ഏതാണ്ട്‌ ഒരു വർഷത്തി​നു ശേഷം, പ്രസംഗ പ്രവർത്ത​ന​ത്തിൽ 12 പേർക്കും നല്ല പരിശീ​ലനം കിട്ടി​ക്ക​ഴിഞ്ഞ്‌, “കൊയ്‌ത്തു വളരെ ഉണ്ടു സത്യം. . . ആകയാൽ കൊയ്‌ത്തി​ന്റെ യജമാ​ന​നോ​ടു തന്റെ കൊയ്‌ത്തി​ന്നു വേലക്കാ​രെ അയക്കേ​ണ്ട​തി​ന്നു അപേക്ഷി​പ്പിൻ” എന്ന അതേ കൽപ്പന കൊടുത്ത്‌ യേശു വേറെ 70 പേരെ നിയമിച്ച്‌ അയച്ചു. (ലൂക്കൊ. 10:1, 2) യഹോവ ആ പ്രാർഥ​ന​കൾക്ക്‌ ഉത്തരം നൽകിയ വിധം പ്രവൃ​ത്തി​കൾ എന്ന ബൈബിൾ പുസ്‌തകം റിപ്പോർട്ടു ചെയ്യു​ന്നുണ്ട്‌. പൊ.യു 33-ലെ പെന്ത​ക്കൊ​സ്‌ത്‌ ആയപ്പോ​ഴേ​ക്കും ശിഷ്യ​ന്മാ​രു​ടെ എണ്ണം 120-ഓളമാ​യി വർധി​ച്ചി​രു​ന്നു. പിന്നീട്‌, ശിഷ്യ​ന്മാ​രു​ടെ എണ്ണം 3,000 പിന്നെ 5,000 എന്നീ ക്രമാ​നു​ഗത അത്യു​ച്ച​ങ്ങ​ളി​ലെത്തി. (പ്രവൃ. 1:15; 2:41; 4:4) അതിനു​ശേഷം “ശിഷ്യ​ന്മാ​രു​ടെ എണ്ണം പെരു​കി​ക്കൊ​ണ്ടി​രു​ന്നു.” (പ്രവൃ. 6:7, NW) സമാന​മാ​യി, കൂടുതൽ രാജ്യ പ്രസം​ഗ​കർക്കാ​യി ഇക്കാല​ത്തും നാം യാചി​ച്ചു​കൊ​ണ്ടേ​യി​രി​ക്കണം! നമ്മുടെ പ്രാർഥ​ന​കൾക്കു ചേർച്ച​യിൽ, ഓരോ മാസവും വയൽ ശുശ്രൂ​ഷ​യിൽ ഏർപ്പെ​ടാ​നുള്ള സുനി​ശ്ചിത ക്രമീ​ക​ര​ണങ്ങൾ ഓരോ സഭാ പ്രസാ​ധ​ക​നും ചെയ്യണം.

⁹ കലണ്ടർ 2000-ത്തിൽ ഏപ്രിൽ മാസം ഒന്നുകൂ​ടി അടുത്തു നോക്കുക. ആ മാസത്തി​ന്റെ ആദ്യത്തെ രണ്ടു ദിവസങ്ങൾ ശനിയും ഞായറും ആയതി​നാൽ, ആ വാരാ​ന്ത​ത്തിൽ സേവന​ത്തിൽ പങ്കെടു​ത്തു​കൊണ്ട്‌ നല്ലൊരു തുടക്കം കുറി​ക്ക​രു​തോ? നിങ്ങളു​ടെ പുസ്‌ത​കാ​ധ്യ​യന കൂട്ട​ത്തോ​ടൊ​പ്പം, എല്ലാ “മാസികാ ദിനങ്ങ​ളി​ലും” പങ്കെടു​ക്കാൻ നിങ്ങൾക്കു കഴിയു​മോ? ഞായറാ​ഴ്‌ചകൾ തോറും ഒരു മണിക്കൂ​റോ അതില​ധി​ക​മോ ശുശ്രൂ​ഷ​യിൽ ചെലവി​ടു​ന്ന​തി​നെ​ക്കു​റി​ച്ചെന്ത്‌? പകലിനു ദൈർഘ്യം കൂടുതൽ ഉള്ളതു നിമിത്തം, ഉച്ചതി​രിഞ്ഞ്‌ കൂടുതൽ മണിക്കൂർ സേവന​ത്തിൽ ചെലവ​ഴി​ക്കാ​നാ​കും. നിങ്ങൾക്കു സായാഹ്ന സാക്ഷീ​ക​ര​ണങ്ങൾ നടത്താൻ കഴിയു​മോ? ജോലി​സ്ഥലം, സ്‌കൂൾ എന്നിവി​ട​ങ്ങ​ളിൽ ആയിരി​ക്കു​മ്പോ​ഴും മറ്റു ദൈനം​ദിന പ്രവർത്ത​ന​ങ്ങ​ളിൽ ഏർപ്പെ​ട്ടി​രി​ക്കു​മ്പോ​ഴും അനൗപ​ചാ​രിക സാക്ഷീ​ക​ര​ണ​ത്തി​നുള്ള എല്ലാ അവസര​ങ്ങ​ളും പ്രയോ​ജ​ന​പ്പെ​ടു​ത്താൻ മറക്കരുത്‌. നിങ്ങൾക്ക്‌ ശുശ്രൂ​ഷ​യിൽ ഏർപ്പെ​ടാൻ കഴിയുന്ന ദിവസങ്ങൾ അടയാ​ള​പ്പെ​ടു​ത്തുക, ആ മാസം സേവന​ത്തിൽ ചെലവ​ഴിച്ച മണിക്കൂർ രേഖ​പ്പെ​ടു​ത്താൻ കലണ്ടർ ഉപയോ​ഗി​ക്കുക.

¹⁰ സ്‌നാ​പ​ന​മേൽക്കാത്ത പ്രസാ​ധ​ക​രാ​യി സേവി​ക്കാൻ തക്കവണ്ണം മൂപ്പന്മാർ അംഗീ​ക​രിച്ച, യോഗ്യ​ത​യുള്ള എല്ലാവർക്കും ഏപ്രിൽ മാസം അവസ​രോ​ചി​ത​മായ ഒരു സമയമാണ്‌. നിങ്ങൾ ആരെ​യെ​ങ്കി​ലും ബൈബിൾ പഠിപ്പി​ക്കു​ന്നു​ണ്ടെ​ങ്കിൽ, സുവാർത്ത​യു​ടെ ഒരു പ്രസാ​ധ​ക​നാ​കാൻ തനിക്ക്‌ ആഗ്രഹ​മു​ണ്ടെന്ന്‌ അധ്യക്ഷ​മേൽവി​ചാ​ര​കനെ അറിയി​ക്കാ​വുന്ന അളവോ​ളം ആ വിദ്യാർഥി പുരോ​ഗതി പ്രാപി​ച്ചി​ട്ടു​ണ്ടോ? നിങ്ങൾക്കു സ്‌നാ​പ​ന​മേൽക്കാത്ത കുട്ടികൾ ഉണ്ടെങ്കിൽ, അവരുടെ ആത്മീയ പുരോ​ഗ​തി​യെ​ക്കു​റി​ച്ചു മൂപ്പന്മാ​രോ​ടു നിങ്ങൾ സംസാ​രി​ച്ചി​ട്ടു​ണ്ടോ? സുവാർത്ത പ്രസം​ഗി​ച്ചു തുടങ്ങാൻ ഇത്‌ അവർക്കൊ​രു നല്ല സമയമാ​യി​രി​ക്കി​ല്ലേ?—നമ്മുടെ ശുശ്രൂഷ, പേജുകൾ 97-100 കാണുക.

¹¹ 2000 ഏപ്രിൽ ഏറ്റവും നല്ല ഒരു മാസമാ​ക്കി മാറ്റാ​നുള്ള നമ്മുടെ ശ്രമത്തിൽ, നാമെ​ല്ലാ​വ​രും വയൽസേ​വ​ന​ത്തിൽ പങ്കെടു​ക്കു​ക​യും മാസാ​വ​സാ​നം​തന്നെ റിപ്പോർട്ടു​ക​ളി​ടു​ക​യും വേണം. (മർക്കൊസ്‌ 6:30 താരത​മ്യം ചെയ്യുക.) ആദ്യമാ​യി സേവന​ത്തിൽ പങ്കുപ​റ്റുന്ന സ്‌നാ​പ​ന​മേൽക്കാത്ത പുതി​യ​വരെ, തങ്ങളുടെ സേവന​റി​പ്പോർട്ട്‌ കാലതാ​മസം കൂടാതെ നൽകാൻ പ്രോ​ത്സാ​ഹി​പ്പി​ക്കണം. നമ്മുടെ പങ്കു നിർവ​ഹി​ക്കുക വഴി, ഏപ്രിൽ മാസത്തെ റിപ്പോർട്ടി​നും സാക്ഷീ​കരണ ശ്രമങ്ങ​ളി​ലൂ​ടെ യഹോ​വ​യ്‌ക്കു നൽക​പ്പെ​ടുന്ന അതിമ​ഹ​ത്തായ സ്‌തു​തി​ക്കും നമുക്കു നല്ല പിന്തു​ണ​യേ​കാം.

¹² സ്‌മാ​ര​ക​ത്തിന്‌ നിങ്ങ​ളോ​ടൊ​പ്പം മറ്റുള്ള​വ​രെ​യും കൊണ്ടു​വ​രിക: യേശു​വി​ന്റെ മരണത്തി​ന്റെ 2000-ത്തിലെ സ്‌മാ​ര​ക​ത്തിന്‌, ഒരു പുതിയ അത്യുച്ചം ഉണ്ടായി​രി​ക്കു​ന്നത്‌ നമ്മെ പുളകി​ത​രാ​ക്കി​ല്ലേ? തീർച്ച​യാ​യും! കാരണം, നമുക്കു​വേണ്ടി യഹോ​വ​യാം ദൈവ​വും യേശു​ക്രി​സ്‌തു​വും കാണിച്ച ഏറ്റവും വലിയ സ്‌നേഹ പ്രകട​ന​ത്തോട്‌ വിലമ​തിപ്പ്‌ പ്രകടി​പ്പി​ക്കാ​നുള്ള കൂടി​വ​ര​വു​ക​ളിൽ വെച്ചേ​റ്റ​വും വലിയത്‌ എന്നാണ്‌ അതിന്റെ അർഥം. (യോഹ. 3:16; 15:13) നിങ്ങൾക്കും കുടും​ബ​ത്തി​നും സ്‌മാ​ര​ക​ത്തി​നു ഹാജരാ​കു​ന്ന​തിന്‌ യാതൊ​ന്നും ഒരു തടസ്സമാ​കാ​തി​രി​ക്കാൻ ആവശ്യ​മായ എല്ലാ ക്രമീ​ക​ര​ണ​ങ്ങ​ളും ചെയ്യുക.

¹³ സ്‌മാ​ര​ക​ത്തി​നാ​യി മറ്റുള്ള​വരെ ഇപ്പോൾത്തന്നെ ക്ഷണിച്ചു​തു​ട​ങ്ങാ​വു​ന്ന​താണ്‌. അതിനാ​യി, നിങ്ങൾ ക്ഷണിക്കാൻ ആഗ്രഹി​ക്കുന്ന വ്യക്തി​ക​ളു​ടെ ഒരു ലിസ്റ്റ്‌ ഉണ്ടാക്കുക. നിങ്ങൾ മുമ്പ്‌ ബൈബിൾ പഠിപ്പി​ച്ചി​ട്ടു​ള്ള​വ​രെ​യും ഇപ്പോൾ പഠിപ്പി​ക്കു​ന്ന​വ​രെ​യും നിങ്ങളു​ടെ മടക്ക സന്ദർശ​ന​ങ്ങ​ളിൽ ഉള്ളവ​രെ​യും അതിൽ ഉൾപ്പെ​ടു​ത്തുക. ജോലി​സ്ഥ​ല​ത്തും സ്‌കൂ​ളി​ലും അയൽപ​ക്ക​ത്തു​മുള്ള പരിച​യ​ക്കാ​രെ​യും നിങ്ങൾ ഇടപാ​ടു​കൾ നടത്തുന്ന ആളുക​ളെ​യും ലിസ്‌റ്റിൽ ചേർക്കുക. നിങ്ങളു​ടെ ബന്ധുക്ക​ളെ​യും മറ്റു പരിച​യ​ക്കാ​രെ​യും ഉൾപ്പെ​ടു​ത്താൻ മറന്നു പോക​രുത്‌. ലിസ്റ്റ്‌ ഉണ്ടാക്കി​ക്ക​ഴിഞ്ഞ്‌, ഓരോ​രു​ത്ത​രെ​യും നേരിൽക്കണ്ട്‌ ആത്മാർഥ​മാ​യി ക്ഷണിക്കുക. സ്‌മാ​രകം നടക്കുന്ന സ്ഥലവും സമയവും വ്യക്തമാ​യി പറഞ്ഞു കൊടു​ക്കുക. ഏപ്രിൽ 19 അടുത്തു വരു​ന്തോ​റും, നിങ്ങളു​ടെ ലിസ്റ്റിൽ ഉള്ളവരെ നേരിൽക്ക​ണ്ടോ ടെലി​ഫോ​ണി​ലൂ​ടെ​യോ സ്‌മാ​ര​കത്തെ കുറിച്ച്‌ ഓർമി​പ്പി​ക്കുക. അന്നു വൈകു​ന്നേരം സ്‌മാ​ര​ക​ത്തിന്‌ ഒരുമി​ച്ചു പോകാ​മെന്നു പറയുക.

¹⁴ സൊ​സൈ​റ്റി​യിൽ നിന്നു നേരത്തെ ലഭിച്ച മാർഗ​നിർദേ​ശ​ത്തോ​ടുള്ള ചേർച്ച​യിൽ, നിഷ്‌ക്രി​യ​രായ എല്ലാ പ്രസാ​ധ​ക​രെ​യും സ്‌മാ​ര​ക​ത്തി​നു ഹാജരാ​കാൻ പ്രോ​ത്സാ​ഹി​പ്പി​ക്കു​ന്ന​തി​നാ​യി മൂപ്പന്മാർ ഒരു പ്രത്യേക ശ്രമം ചെയ്യു​ന്ന​താ​യി​രി​ക്കും. (മത്താ. 18:12-14) 1999 ഫെബ്രു​വരി 2-ലെ സൊ​സൈ​റ്റി​യു​ടെ കത്ത്‌ മൂപ്പന്മാർ പരിചി​ന്തി​ക്കണം. സഭാ സെക്ര​ട്ടറി, നിഷ്‌ക്രി​യ​രായ എല്ലാ പ്രസാ​ധ​ക​രു​ടെ​യും ഒരു ലിസ്റ്റ്‌ തയ്യാറാ​ക്കണം. അവരെ സന്ദർശിച്ച്‌ സ്‌മാ​ര​ക​ത്തി​നു ക്ഷണിക്കാൻ സേവന മേൽവി​ചാ​രകൻ മൂപ്പന്മാ​രെ നിയമി​ക്കു​ന്ന​താ​യി​രി​ക്കും. എത്രയും പെട്ടെ​ന്നു​തന്നെ നിഷ്‌ക്രി​യർക്ക്‌ ഒരു ഇടയസ​ന്ദർശനം നടത്തി​യാൽ, ചില​പ്പോൾ ഏപ്രി​ലിൽത്തന്നെ, വയൽ ശുശ്രൂ​ഷ​യിൽ വീണ്ടും സജീവ​മാ​യി ഏർപ്പെ​ടാൻ അവർ സഹായി​ക്ക​പ്പെ​ട്ടേ​ക്കാം. വയൽ സേവന​ത്തിൽ പരിചയ സമ്പന്നനായ ഒരു പ്രസാ​ധ​കന്റെ കൂടെ പ്രവർത്തി​ക്കു​ന്നത്‌ അവർക്കു പ്രോ​ത്സാ​ഹ​ജ​ന​ക​മാ​യി​രി​ക്കും.

¹⁵ ഏപ്രി​ലിൽ നല്ല പിന്തു​ണ​യേ​കുക! 2000 ഏപ്രി​ലി​നെ ഒരു മെച്ചപ്പെട്ട മാസമാ​ക്കി മാറ്റാൻ മൂപ്പന്മാ​രു​ടെ​യും ശുശ്രൂ​ഷാ ദാസന്മാ​രു​ടെ​യും കുടും​ബ​നാ​ഥ​ന്മാ​രു​ടെ​യും ഭാഗത്ത്‌ നല്ല സംഘാ​ടനം ആവശ്യ​മാണ്‌. കാര്യ​ങ്ങ​ളെ​ല്ലാം സംഘടി​പ്പി​ക്കാ​നും നേതൃ​ത്വ​മെ​ടു​ക്കാ​നും മൂപ്പന്മാർ ഉത്സാഹ​ത്തോ​ടെ ശ്രമി​ക്കും. (എബ്രാ. 13:7) വയൽസേവന യോഗ​ങ്ങൾക്കാ​യി വാരാ​ന്ത​ങ്ങ​ളി​ലും വാരത്തി​ലെ മറ്റു ദിവസ​ങ്ങ​ളി​ലും പ്രാ​യോ​ഗിക ക്രമീ​ക​ര​ണങ്ങൾ ചെയ്യേ​ണ്ട​താണ്‌. ഉച്ചതി​രി​ഞ്ഞോ സായാ​ഹ്ന​ങ്ങ​ളി​ലോ ഉള്ള പ്രവർത്ത​ന​ത്തി​നു വേണ്ടി കൂടു​ത​ലായ വയൽസേവന യോഗങ്ങൾ നടത്താ​വു​ന്ന​താണ്‌. ഏപ്രിൽ മാസ​ത്തേ​ക്കുള്ള മുഴു പട്ടിക​യും നോട്ടീസ്‌ ബോർഡിൽ ഇടുക. പട്ടിക​പ്പെ​ടു​ത്തിയ ഓരോ വയൽസേവന യോഗ​വും നടത്താൻ ആരെ​യെ​ങ്കി​ലും നിയമി​ക്കണം. ഓരോ കൂട്ടത്തി​നും പ്രവർത്തി​ക്കാൻ ആവശ്യ​മാ​യത്ര പ്രദേശം നൽകേ​ണ്ട​താണ്‌.

¹⁶ ഏപ്രിൽ മാസത്തിൽ വീക്ഷാ​ഗോ​പു​രം, ഉണരുക! മാസി​ക​ക​ളാ​യി​രി​ക്കും സമർപ്പി​ക്കു​ന്നത്‌. താത്‌പ​ര്യ​ക്കാർക്കെ​ല്ലാം ആവശ്യം ലഘുപ​ത്രിക നൽകി​ക്കൊണ്ട്‌ ബൈബിൾ അധ്യയനം തുടങ്ങാൻ ശ്രമി​ക്കാ​വു​ന്ന​താണ്‌. അതു​കൊണ്ട്‌, ആവശ്യ​ത്തി​നുള്ള മാസി​ക​ക​ളും ലഘുപ​ത്രി​ക​ക​ളും കരുതുക.

¹⁷ മാസം അവസാ​നി​ച്ചാൽ ഉടൻതന്നെ റിപ്പോർട്ടി​ടാൻ തങ്ങളുടെ കൂട്ടത്തി​ലുള്ള എല്ലാവ​രെ​യും പുസ്‌ത​കാ​ധ്യ​യന നിർവാ​ഹ​ക​രും അവരുടെ സഹായി​ക​ളും പ്രോ​ത്സാ​ഹി​പ്പി​ക്കണം. ഒരുപക്ഷേ അത്‌ ഏപ്രിൽ 30, ഞായറാഴ്‌ച തന്നെ ചെയ്യാ​വു​ന്ന​താണ്‌. സെക്ര​ട്ടറി റിപ്പോർട്ട്‌ തയ്യാറാ​ക്കു​മ്പോൾ, ചില പ്രസാ​ധകർ തങ്ങളുടെ റിപ്പോർട്ടു​കൾ നൽകി​യി​ട്ടി​ല്ലാ​ത്ത​താ​യി കാണു​ന്നെ​ങ്കിൽ, സഭാ റിപ്പോർട്ട്‌ സൊ​സൈ​റ്റിക്ക്‌ അയയ്‌ക്കേണ്ട ദിവസ​മായ മേയ്‌ 6-നു മുമ്പായി അതു നൽകാൻ ദയാപൂർവം അവരെ ഓർമി​പ്പി​ക്കണം. റിപ്പോർട്ടി​ടാത്ത പ്രസാ​ധ​കരെ കണ്ട്‌ അവരിൽനിന്ന്‌ അത്‌ ശേഖരി​ക്കാൻ പുസ്‌ത​കാ​ധ്യ​യന നിർവാ​ഹ​ക​ന്മാ​രോട്‌ അദ്ദേഹ​ത്തിന്‌ ആവശ്യ​പ്പെ​ടാ​വു​ന്ന​താണ്‌.

¹⁸ ദൈവ​ജ​നത്തെ സംബന്ധി​ച്ചി​ട​ത്തോ​ളം ഒരു വർഷത്തി​ലെ ഏറ്റവും പ്രധാ​ന​പ്പെട്ട സമയമാണ്‌ സ്‌മാരക കാലം. യഹോ​വ​യു​ടെ സേവന​ത്തിൽ നാമേ​വ​രും വളരെ തിര​ക്കോ​ടെ ഏർപ്പെ​ടേണ്ട ഒരു സമയമാ​യി​രി​ക്കണം അത്‌. സുവാർത്ത​യു​ടെ ഒരു പ്രസാ​ധ​ക​നെന്ന നിലയിൽ വയൽസേ​വ​ന​ത്തിൽ പൂർണ​മാ​യി പങ്കുപ​റ്റു​ക​യും, സഹായ പയനി​യർമാ​രാ​യി സേവി​ക്കാൻ സാധി​ക്കു​ന്നവർ അങ്ങനെ ചെയ്യു​ക​യും, ക്രിസ്‌തു​വി​ന്റെ മരണത്തി​ന്റെ സ്‌മാ​ര​ക​ത്തി​നു നിങ്ങ​ളോ​ടൊ​പ്പം വരാൻ മറ്റുള്ള​വരെ ക്ഷണിക്കു​ന്ന​തിൽ ശുഷ്‌കാ​ന്തി കാട്ടു​ക​യും ചെയ്യു​ന്ന​തി​ലൂ​ടെ നിങ്ങൾക്കു തിരക്കു​ള്ള​വ​രാ​യി​രി​ക്കാൻ കഴിയും. ദൈവ​ത്തി​ന്റെ പുകഴ്‌ച​യ്‌ക്കും മഹത്ത്വ​ത്തി​നു​മാ​യി 2000 ഏപ്രി​ലി​നെ മെച്ചപ്പെട്ട ഒരു മാസമാ​ക്കി മാറ്റാൻ ശ്രമി​ക്കവെ, യഹോ​വ​യു​ടെ സമൃദ്ധ​മായ അനു​ഗ്ര​ഹ​ത്തി​നാ​യി നമുക്ക്‌ ആത്മാർഥ​മാ​യി പ്രാർഥി​ക്കാം.—എബ്രാ. 13:15.

[3-ാം പേജിലെ ആകർഷ​ക​വാ​ക്യം]

സഹായ പയനി​യർമാർ

നമ്മുടെ സർവകാല അത്യുച്ചം: 2,170

(ഏപ്രിൽ 1998)

[4-ാം പേജിലെ ചതുരം]

മൊത്തം പ്രസാ​ധ​കർ

നമ്മുടെ സർവകാല അത്യുച്ചം: 21,212

(ആഗസ്റ്റ്‌ 1999)

[5-ാം പേജിലെ ചതുരം]

സ്‌മാരക ഹാജർ

നമ്മുടെ സർവകാല അത്യുച്ചം: 47,081

(1999)