ഏപ്രിൽ—‘കഠിനാ​ധ്വാ​ന​ത്തി​നും തീവ്ര​ശ്ര​മ​ത്തി​നു​മുള്ള’ സമയം

¹ സ്‌മാരകകാലം യഹോ​വ​യു​ടെ ജനത്തെ സംബന്ധി​ച്ചി​ട​ത്തോ​ളം ധ്യാന​ത്തി​നുള്ള സമയമാണ്‌. തന്റെ മരണത്തി​ലൂ​ടെ ക്രിസ്‌തു കൈവ​രിച്ച നേട്ടങ്ങളെ കുറിച്ചു വിചി​ന്തനം ചെയ്യു​ന്ന​തി​നും യേശു​വി​ന്റെ ചൊരി​യ​പ്പെട്ട രക്തത്താൽ സാധ്യ​മായ നമ്മുടെ ദൈവദത്ത പ്രത്യാ​ശ​യെ​ക്കു​റി​ച്ചു ധ്യാനി​ക്കു​ന്ന​തി​നു​മുള്ള സമയമാണ്‌ അത്‌. കഴിഞ്ഞ ഏപ്രിൽ 19-നെ കുറിച്ചു ചിന്തി​ക്കു​മ്പോൾ നിങ്ങളു​ടെ മനസ്സി​ലേക്ക്‌ ഓടി​യെ​ത്തു​ന്നത്‌ എന്താണ്‌? ആ സായാ​ഹ്ന​ത്തിൽ നിങ്ങൾ കണ്ട മുഖങ്ങൾ നിങ്ങൾക്ക്‌ ഓർമി​ക്കാൻ കഴിയു​ന്നു​ണ്ടോ? സ്‌മാ​ര​കാ​ഘോഷ വേളയി​ലെ ആത്മീയത തുളു​മ്പി​നിന്ന അന്തരീ​ക്ഷ​വും ഗൗരവാ​വ​ഹ​മായ ബൈബിൾ ചർച്ചയും ഹൃദയം​ഗ​മ​മായ പ്രാർഥ​ന​ക​ളു​മോ? യഹോ​വ​യും യേശു​വും നിങ്ങ​ളോ​ടു കാണിച്ച സ്‌നേ​ഹ​ത്തോ​ടു പ്രതി​ക​രി​ച്ചു​കൊണ്ട്‌ കൂടുതൽ തിക​വോ​ടെ നന്ദി പ്രകടി​പ്പി​ക്കാൻ നിങ്ങൾ ദൃഢനി​ശ്ചയം ചെയ്‌തി​രി​ക്കാം. അത്തരം ധ്യാനം നിങ്ങളെ ഇപ്പോൾ എങ്ങനെ​യാ​ണു ബാധി​ക്കു​ന്നത്‌?

² യഹോവയുടെ ജനം തങ്ങളുടെ നന്ദി കേവലം വാക്കു​ക​ളിൽ ഒതുക്കു​ന്നില്ല എന്നതു വ്യക്തമാണ്‌. (കൊലൊ. 3:15, 17) പ്രത്യേ​കി​ച്ചും കഴിഞ്ഞ ഏപ്രി​ലിൽ, ക്രിസ്‌തീയ ശുശ്രൂ​ഷ​യിൽ ശുഷ്‌കാ​ന്തി​യോ​ടെ ഏർപ്പെ​ട്ട​തു​വഴി രക്ഷയ്‌ക്കാ​യുള്ള യഹോ​വ​യു​ടെ കരുത​ലു​ക​ളോ​ടു വിലമ​തി​പ്പു കാണി​ക്കാൻ നമുക്കു സാധിച്ചു. നൂറു​ക​ണ​ക്കി​നു പേർ സഹായ പയനി​യ​റിങ്‌ നടത്തി, ഇന്ത്യയി​ലെ മുൻ അത്യു​ച്ച​ത്തെ​ക്കാൾ 34 ശതമാനം വർധനവ്‌ ആയിരു​ന്നു അത്‌. അവരും അതു​പോ​ലെ മറ്റു രാജ്യ​ഘോ​ഷ​ക​രും നടത്തിയ ശ്രമത്തി​ന്റെ ഫലമായി മണിക്കൂ​റി​ലും മാസികാ സമർപ്പ​ണ​ത്തി​ലും മടക്കസ​ന്ദർശ​ന​ങ്ങ​ളി​ലും പുതിയ അത്യു​ച്ചങ്ങൾ ഉണ്ടായി. ആയിര​ക്ക​ണ​ക്കി​നു പുതിയ ബൈബിൾ അധ്യയ​നങ്ങൾ ആരംഭി​ച്ച​തും സ്‌മാരക ഹാജരി​ലെ പുതിയ അത്യു​ച്ച​വും നമ്മുടെ സന്തോഷം വർധി​പ്പി​ച്ചു!

³ തീർച്ചയായും, നമ്മുടെ പ്രത്യാ​ശ​യു​ടെ ഉറപ്പ്‌ നമ്മെ പ്രവർത്ത​ന​ത്തി​നു പ്രേരി​പ്പി​ക്കു​ന്നു. ഇത്‌ അപ്പൊ​സ്‌ത​ല​നായ പൗലൊസ്‌ എഴുതി​യ​തി​നോ​ടു ചേർച്ച​യി​ലാണ്‌: “അതിന്നാ​യി​ട്ടു തന്നേ നാം സകലമ​നു​ഷ്യ​രു​ടെ​യും പ്രത്യേ​കം വിശ്വാ​സി​ക​ളു​ടെ​യും രക്ഷിതാ​വായ ജീവനുള്ള ദൈവ​ത്തിൽ ആശവെച്ചു അദ്ധ്വാ​നി​ച്ചും പോരാ​ടി​യും [“പ്രത്യാ​ശ​വെച്ച്‌ കഠിനാ​ധ്വാ​നം ചെയ്‌തും തീവ്ര​ശ്രമം നടത്തി​യും,” NW] വരുന്നു.”—1 തിമൊ. 4:10.

⁴ ഈ സ്‌മാരക കാലത്ത്‌, ജീവനു വേണ്ടി​യുള്ള യഹോ​വ​യു​ടെ കരുത​ലു​ക​ളിൽ നിങ്ങൾ എങ്ങനെ വിശ്വാ​സം പ്രകട​മാ​ക്കും? ഇന്ത്യയിൽ രേഖ​പ്പെ​ടു​ത്തി​യി​ട്ടുള്ള രാജ്യ​ഘോ​ഷ​ക​രു​ടെ അത്യു​ച്ച​ങ്ങ​ളിൽ രണ്ടാമത്തെ ഉയർന്ന സംഖ്യ കഴിഞ്ഞ ഏപ്രി​ലിൽ നാം കാണു​ക​യു​ണ്ടാ​യി. ഈ ഏപ്രി​ലിൽ അതിലും ഉയർന്ന ഒരു സംഖ്യ റിപ്പോർട്ടു ചെയ്യാൻ നമുക്കു സാധി​ക്കു​മോ? സാധി​ക്കും. എന്നാൽ, സ്‌നാ​പ​ന​മേ​റ്റ​വ​രും സ്‌നാ​പ​ന​മേ​റ്റി​ട്ടി​ല്ലാ​ത്ത​വ​രു​മായ എല്ലാ പ്രസാ​ധ​ക​രും പങ്കുപ​റ്റേ​ണ്ട​തുണ്ട്‌. അനേകം പുതി​യ​വ​രും ശുശ്രൂ​ഷ​യിൽ പങ്കുപ​റ്റാൻ യോഗ്യത പ്രാപി​ച്ചേ​ക്കാം. അങ്ങനെ, ഈ ഏപ്രി​ലിൽ കഠിനാ​ധ്വാ​നം ചെയ്യാ​നും തീവ്ര​ശ്രമം നടത്താ​നും ആസൂ​ത്രണം ചെയ്യവേ, ശുശ്രൂ​ഷ​യിൽ പുതി​യ​വ​രും അനുഭ​വ​പ​രി​ചയം കുറഞ്ഞ​വ​രും ഉൾപ്പെ​ടെ​യുള്ള മറ്റുള്ള​വരെ നിങ്ങ​ളോ​ടൊ​പ്പം ചേരാൻ എങ്ങനെ പ്രേരി​പ്പി​ക്കാൻ കഴിയും എന്നതി​നെ​ക്കു​റി​ച്ചു പരിചി​ന്തി​ക്കുക.

⁵ പ്രവർത്തനം പുനരാ​രം​ഭി​ക്കാൻ ചിലരെ സഹായി​ക്കൽ: ഒന്നോ രണ്ടോ മാസമാ​യി വയൽസേ​വ​ന​ത്തി​നു പോകാത്ത ആരെ​യെ​ങ്കി​ലും നിങ്ങൾക്ക്‌ അറിയാ​മെ​ങ്കിൽ, അവരെ പ്രോ​ത്സാ​ഹി​പ്പി​ക്കു​ക​യും നിങ്ങ​ളോ​ടൊ​പ്പം വയൽസേ​വ​ന​ത്തി​നു പോരാൻ ക്ഷണിക്കു​ക​യും ചെയ്യുക. സഭയിൽ നിഷ്‌ക്രി​യർ ഉണ്ടെങ്കിൽ, അവരെ സന്ദർശി​ക്കു​ന്ന​തി​നും ഏപ്രി​ലിൽ ശുശ്രൂഷ പുനരാ​രം​ഭി​ക്കാൻ പ്രോ​ത്സാ​ഹി​പ്പി​ക്കു​ന്ന​തി​നും മൂപ്പന്മാർ പ്രത്യേക ശ്രമം ചെയ്യും.

⁶ യഹോവയുടെ സേവന​ത്തിൽ നമ്മെ ശക്തി​പ്പെ​ടു​ത്താൻ നാം അവന്റെ ആത്മാവി​നു വേണ്ടി പ്രാർഥി​ക്കു​ന്ന​തിൽ തുടരണം. (ലൂക്കൊ. 11:13) അവന്റെ ആത്മാവ്‌ ലഭിക്കാൻ നാം എന്താണു ചെയ്യേ​ണ്ടത്‌? ദൈവ​ത്തി​ന്റെ നിശ്വസ്‌ത വചനം വായി​ക്കണം. (2 തിമൊ. 3:16, 17) അഞ്ചു പ്രതി​വാര യോഗ​ങ്ങൾക്കും ഹാജരാ​യി​ക്കൊണ്ട്‌ ‘ആത്മാവു സഭക​ളോ​ടു പറയു​ന്നതു കേൾക്കുക’യും വേണം. (വെളി. 3:6) പഠന ശീലങ്ങ​ളിൽ പുരോ​ഗ​മി​ക്കാ​നും മുടങ്ങാ​തെ യോഗ​ങ്ങൾക്കു ഹാജരാ​കാ​നും ക്രമമി​ല്ലാ​ത്ത​വ​രെ​യും നിഷ്‌ക്രി​യ​രെ​യും സഹായി​ക്കാൻ പറ്റിയ സമയം ഇപ്പോ​ഴാണ്‌. (സങ്കീ. 50:23) ഒപ്പം നമ്മു​ടെ​തന്നെ ആത്മീയ ക്ഷേമത്തി​നു നാം അടുത്ത ശ്രദ്ധ നൽകേ​ണ്ട​തുണ്ട്‌. എന്നിരു​ന്നാ​ലും, മറ്റൊ​ന്നു​കൂ​ടെ ആവശ്യ​മാണ്‌.

⁷ ദൈവം “തന്നെ അനുസ​രി​ക്കു​ന്ന​വർക്കു” പരിശു​ദ്ധാ​ത്മാ​വി​നെ നൽകു​ന്നു​വെന്ന്‌ അപ്പൊ​സ്‌ത​ല​നായ പത്രൊസ്‌ വിശദീ​ക​രി​ച്ചു. (പ്രവൃ. 5:32) അത്തരം അനുസ​ര​ണ​ത്തിൽ, “ജനത്തോ​ടു പ്രസം​ഗി​ച്ചു സാക്ഷീ​ക​രി​പ്പാൻ” ഉള്ള കൽപ്പന​യ്‌ക്കു ചെവി കൊടു​ക്കു​ന്നത്‌ ഉൾപ്പെ​ടു​ന്നു. (പ്രവൃ. 1:8; 10:42) അതു​കൊണ്ട്‌ പ്രസംഗ പ്രവർത്ത​ന​ത്തി​നു നമ്മെ ശക്തീക​രി​ക്കാൻ ദൈവാ​ത്മാവ്‌ ആവശ്യ​മാണ്‌. എന്നിരു​ന്നാ​ലും, നാം യഹോ​വയെ പ്രസാ​ദി​പ്പി​ക്കാൻ ആഗ്രഹം പ്രകടി​പ്പി​ച്ചു തുടങ്ങു​മ്പോൾ അവൻ നമ്മെ കൂടു​ത​ലാ​യി സഹായി​ക്കു​മെ​ന്ന​തി​നു സംശയ​മില്ല. മനസ്സോ​ടെ​യുള്ള അനുസ​ര​ണ​ത്തി​ന്റെ ആ ആദ്യ പടികൾ സ്വീക​രി​ക്കു​ന്ന​തി​ന്റെ പ്രാധാ​ന്യം നമുക്ക്‌ ഒരിക്ക​ലും കുറച്ചു​കാ​ണാ​തി​രി​ക്കാം!

⁸ കുട്ടികളെ സഹായി​ക്കൽ: മാതാ​പി​താ​ക്കളേ, മറ്റുള്ള​വ​രോ​ടു സത്യ​ത്തെ​ക്കു​റി​ച്ചു സംസാ​രി​ക്കാൻ നിങ്ങളു​ടെ കുട്ടികൾ ആഗ്രഹി​ക്കു​ന്ന​താ​യി നിങ്ങൾ കണ്ടിട്ടു​ണ്ടോ? അവർ വയൽസേ​വ​ന​ത്തി​നു നിങ്ങ​ളോ​ടൊ​പ്പം പോരു​ന്നു​വോ? മാതൃ​കാ​യോ​ഗ്യ​മായ നടത്ത ഉള്ളവരാ​ണോ അവർ? അങ്ങനെ​യെ​ങ്കിൽ എന്തിനു മടിച്ചു​നിൽക്കണം? സഭാ സേവന കമ്മിറ്റി​യി​ലെ ഒരു അംഗത്തെ സമീപിച്ച്‌, ഈ ഏപ്രി​ലിൽ ഒരു പ്രസാ​ധ​ക​നാ​യി​ത്തീ​രാൻ നിങ്ങളു​ടെ കുട്ടിക്ക്‌ യോഗ്യ​ത​യു​ണ്ടോ എന്നു നിശ്ചയ​പ്പെ​ടു​ത്തുക. (നമ്മുടെ ശുശ്രൂഷ പുസ്‌ത​ക​ത്തി​ന്റെ 99-100 പേജുകൾ കാണുക.) ഈ സ്‌മാരക കാലത്ത്‌ യഹോ​വ​യ്‌ക്കുള്ള സ്‌തു​തി​ഘോ​ഷ​ത്തിൽ നിങ്ങളു​ടെ കുട്ടിക്കു കാര്യ​മായ സംഭാവന ചെയ്യാൻ കഴിയു​മെന്നു തിരി​ച്ച​റി​യുക.—മത്താ. 21:15, 16.

⁹ യു.എസ്‌.എ.-യിലെ ജോർജ​യി​ലുള്ള ഒരു ക്രിസ്‌തീയ മാതാവ്‌, മറ്റുള്ള​വ​രോട്‌ യഹോ​വ​യെ​ക്കു​റി​ച്ചു സംസാ​രി​ക്കാൻ തന്റെ മകളെ എല്ലായ്‌പോ​ഴും പ്രോ​ത്സാ​ഹി​പ്പി​ച്ചി​രു​ന്നു. കഴിഞ്ഞ വർഷം, അമ്മയോ​ടൊ​പ്പം ശുശ്രൂ​ഷ​യിൽ ഏർപ്പെ​ട്ടി​രി​ക്കവേ അവൾ ഒരാൾക്ക്‌ ആവശ്യം ലഘുപ​ത്രിക നൽകി​യിട്ട്‌ അതിന്റെ ഉള്ളടക്ക​പ്പ​ട്ടിക ഹ്രസ്വ​മാ​യി വിശദീ​ക​രി​ച്ചു​കൊ​ടു​ത്തു. “മോൾക്ക്‌ എത്ര വയസ്സായി?” അയാൾ ചോദി​ച്ചു. “ഏഴു വയസ്സ്‌” എന്ന്‌ അവൾ പറഞ്ഞു. അവൾ അത്ര അർഥവ​ത്തായ ഒരു അവതരണം നൽകി​യ​തിൽ അദ്ദേഹം അതിശ​യി​ച്ചു. അദ്ദേഹം ചെറു​പ്പ​ത്തിൽ സാക്ഷി​ക​ളു​മാ​യി സഹവസി​ച്ചി​രു​ന്നെ​ങ്കി​ലും, ജീവി​ത​ത്തി​ലെ മുഖ്യ സംഗതി എന്ന നിലയിൽ സത്യത്തെ ഗൗരവ​മാ​യി എടുത്തി​രു​ന്നില്ല. താമസി​യാ​തെ, അദ്ദേഹ​ത്തി​നും ഭാര്യ​യ്‌ക്കും പുത്രി​ക്കും ഒരു ബൈബിൾ അധ്യയനം തുടങ്ങി.

¹⁰ അനേകം യുവജ​ന​ങ്ങ​ളും ഇപ്പോൾത്തന്നെ പ്രസാ​ധ​ക​രാണ്‌. അവർ സേവന​ത്തിൽ നമ്മോ​ടൊ​പ്പം ആയിരി​ക്കു​മ്പോൾ നാം അവരുടെ സഹവാസം ആസ്വദി​ക്കു​ക​യും ചെയ്യുന്നു. ഈ യുവജ​ന​ങ്ങൾക്ക്‌ സമപ്രാ​യ​ക്കാ​രെ പ്രചോ​ദി​പ്പി​ക്കാ​നും പ്രോ​ത്സാ​ഹി​പ്പി​ക്കാ​നും കഴിയും. കുടും​ബം ഒത്തൊ​രു​മി​ച്ചു വിശുദ്ധ സേവന​ത്തിൽ ഏർപ്പെ​ടു​ന്നതു മുഖാ​ന്തരം, കുടും​ബാം​ഗ​ങ്ങൾക്കു തങ്ങളുടെ ഇടയിലെ ബന്ധം ബലിഷ്‌ഠ​മാ​ക്കാ​നും ആത്മീയത പടുത്തു​യർത്താ​നു​മുള്ള ഒരു യോജിച്ച സമയം കൂടി​യാണ്‌ ഏപ്രിൽ. ഇതിൽ കുടും​ബ​നാ​ഥ​ന്മാർ നേതൃ​ത്വ​മെ​ടു​ക്കണം.—സദൃ. 24:27.

¹¹ പുതിയവരെ സഹായി​ക്കൽ: നിങ്ങൾ ബൈബിൾ പഠിപ്പി​ച്ചു​കൊ​ണ്ടി​രി​ക്കുന്ന പുതി​യ​വ​രു​ടെ കാര്യ​മോ? ഈ ഏപ്രി​ലി​ലെ പ്രത്യേക പ്രവർത്ത​ന​ത്തിൽ അവർക്കും പങ്കെടു​ക്കാൻ കഴിയു​മോ? പരിജ്ഞാ​നം പുസ്‌ത​ക​ത്തി​ന്റെ 2-ാം അധ്യാ​യ​ത്തി​ലെ 22-ാം ഖണ്ഡിക​യോ 11-ാം അധ്യാ​യ​ത്തി​ലെ 14-ാം ഖണ്ഡിക​യോ പഠിച്ചു കഴിഞ്ഞ​പ്പോൾ, തങ്ങൾ പഠിച്ച കാര്യങ്ങൾ മറ്റുള്ള​വ​രോ​ടു പറയാ​നുള്ള ആഗ്രഹം അവർ പ്രകടി​പ്പി​ച്ചി​രി​ക്കാം. പുസ്‌തകം തീരാ​റാ​യെ​ങ്കിൽ, 18-ാം അധ്യാ​യ​ത്തി​ന്റെ 8-ാം ഖണ്ഡിക പരിചി​ന്തി​ക്കു​മ്പോൾ അതേക്കു​റി​ച്ചു വ്യക്തമാ​യി ചർച്ച ചെയ്യാ​നാ​യി തയ്യാറാ​കുക. അവിടെ ഇപ്രകാ​രം പറയുന്നു: “നിങ്ങളു​ടെ ബന്ധുക്ക​ളോ​ടും സുഹൃ​ത്തു​ക്ക​ളോ​ടും മറ്റുള​ള​വ​രോ​ടും നിങ്ങൾ പഠിച്ചു​കൊ​ണ്ടി​രി​ക്കു​ന്ന​തി​നെക്കു​റി​ച്ചു പറയാൻ നിങ്ങൾക്ക്‌ ആകാം​ക്ഷ​യു​ണ്ടാ​യി​രി​ക്കാൻ ഇടയുണ്ട്‌. യഥാർഥ​ത്തിൽ, നിങ്ങൾ ഇപ്പോൾത്തന്നെ ഇതു ചെയ്യു​ന്നു​ണ്ടാ​യി​രി​ക്കാം, യേശു അനൗപ​ചാ​രിക പശ്ചാത്ത​ല​ങ്ങ​ളിൽ മററു​ള​ള​വർക്കു സുവാർത്ത പങ്കു​വെ​ച്ച​തു​പോ​ലെ​തന്നെ. (ലൂക്കൊസ്‌ 10:38, 39; യോഹ​ന്നാൻ 4:6-15) ഇപ്പോൾ നിങ്ങൾ കൂടുതൽ ചെയ്യാൻ ആഗ്രഹി​ച്ചേ​ക്കാം.” നിങ്ങൾ ബൈബിൾ പഠിപ്പി​ക്കു​ന്ന​വ​രു​ടെ കാര്യ​ത്തിൽ ഇതു സത്യമാ​ണോ?

¹² നിങ്ങളുടെ വിദ്യാർഥി ദൈവ​വ​ച​ന​ത്തിൽ വിശ്വ​സി​ക്കു​ന്നു​ണ്ടോ? ബൈബിൾ തത്ത്വങ്ങൾ ബാധക​മാ​ക്കു​ന്നു​ണ്ടോ? തന്റെ ജീവി​ത​ത്തിൽ ദിവ്യ നിലവാ​ര​ങ്ങൾക്കു ചേർച്ച​യി​ലുള്ള മാറ്റങ്ങൾ വരുത്തി​യി​ട്ടു​ണ്ടോ? സഭാ​യോ​ഗ​ങ്ങൾക്കു ഹാജരാ​കു​ന്നു​ണ്ടോ? യഹോ​വ​യാം ദൈവത്തെ സേവി​ക്കാൻ ആഗ്രഹ​മു​ണ്ടോ? അങ്ങനെ​യെ​ങ്കിൽ, ഏപ്രി​ലിൽ നിങ്ങ​ളോ​ടൊ​പ്പം പ്രവർത്തി​ക്കാൻ തക്കവണ്ണം സ്‌നാ​പ​ന​മേൽക്കാത്ത പ്രസാ​ധ​ക​നാ​യി​ത്തീ​രാൻ യോഗ്യത പ്രാപി​ച്ചോ എന്നു നിർണ​യി​ക്കു​ന്ന​തിന്‌ മൂപ്പന്മാ​രോ​ടു സംസാ​രി​ക്കാൻ അദ്ദേഹത്തെ എന്തു​കൊണ്ട്‌ പ്രോ​ത്സാ​ഹി​പ്പി​ച്ചു​കൂ​ടാ? (നമ്മുടെ ശുശ്രൂഷ പുസ്‌ത​ക​ത്തി​ന്റെ 97-9 പേജുകൾ കാണുക.) ഈ വിധത്തിൽ, യഹോ​വയെ സേവി​ക്കാ​നുള്ള ശ്രമത്തിൽ അവന്റെ സംഘടന തന്നെ എങ്ങനെ പിന്തു​ണ​യ്‌ക്കു​മെന്ന്‌ അദ്ദേഹ​ത്തിന്‌ അനുഭ​വി​ച്ച​റി​യാൻ കഴിയും.

¹³ ചില വിദ്യാർഥി​കൾ മറ്റുള്ള​വ​രെ​പ്പോ​ലെ വേഗത്തിൽ പുരോ​ഗ​മി​ക്കു​ന്നില്ല. അതിനാൽ, 2000 ജൂണിലെ നമ്മുടെ രാജ്യ ശുശ്രൂ​ഷ​യു​ടെ 4-ാം പേജിലെ 5-6 ഖണ്ഡിക​ക​ളി​ലെ നിർദേ​ശ​ത്തി​നു ചേർച്ച​യിൽ അനേകർ, തുടക്ക​ത്തിൽ താത്‌പ​ര്യം കാണിച്ച എന്നാൽ സജീവ​മാ​യി സഹവസി​ക്കു​ന്ന​തി​നു കൂടു​ത​ലായ സഹായം ആവശ്യ​മുള്ള ആളുകൾക്ക്‌ രണ്ടാമ​തൊ​രു പുസ്‌ത​ക​ത്തിൽനിന്ന്‌ അധ്യയനം തുടർന്നി​രി​ക്കു​ന്നു. ഈ ആത്മാർഥ ഹൃദയർ “അൽപ്പകാ​ലം​കൊ​ണ്ടോ ദീർഘ​കാ​ലം​കൊ​ണ്ടോ” ക്രിസ്‌തു​വി​ന്റെ യഥാർഥ ശിഷ്യ​രാ​യി​ത്തീ​രു​മെന്നു നാം പ്രത്യാ​ശി​ക്കു​ന്നു. (പ്രവൃ. 26:29, NW) എന്നിരു​ന്നാ​ലും, നിങ്ങൾ അവരെ പഠിപ്പി​ക്കാൻ “ദീർഘ​കാ​ലം” ചെലവ​ഴി​ച്ചി​ട്ടു​ണ്ടെ​ങ്കിൽ, ക്രിസ്‌തു​വി​ന്റെ മറുവി​ല​യോ​ടുള്ള വിലമ​തി​പ്പി​ന്റെ ആഴം പ്രകട​മാ​ക്കാ​നുള്ള ഒരു നല്ല അവസര​മാ​യി ഈ സ്‌മാ​ര​ക​കാ​ലത്തെ ഉപയോ​ഗി​ക്കാൻ നിങ്ങൾക്ക്‌ അവരെ സഹായി​ക്കാ​നാ​കു​മോ?

¹⁴ പങ്കുപറ്റാൻ അവരെ സഹായി​ക്കാ​വുന്ന വിധം: യേശു മറ്റുള്ള​വരെ പരിശീ​ലി​പ്പി​ച്ചത്‌ എങ്ങനെ​യെന്നു പരി​ശോ​ധി​ക്കു​ക​വഴി, ശുശ്രൂ​ഷ​യ്‌ക്കു യോഗ്യ​രാ​യ​വരെ സഹായി​ക്കു​ന്ന​തി​നെ​ക്കു​റിച്ച്‌ നാം ഏറെ പഠിക്കു​ന്നു. ഒരു ജനക്കൂ​ട്ടത്തെ കണ്ടെത്തി അവരോ​ടു സംഭാ​ഷണം തുടങ്ങാ​നല്ല അവൻ അപ്പൊ​സ്‌ത​ല​ന്മാ​രോ​ടു പറഞ്ഞത്‌. അവൻ ആദ്യം പ്രസം​ഗ​വേ​ല​യു​ടെ ആവശ്യം ഊന്നി​പ്പ​റഞ്ഞു, പ്രാർഥ​നാ​പൂർവ​ക​മായ ഒരു മനോ​ഭാ​വം ഉണ്ടായി​രി​ക്കാൻ പ്രോ​ത്സാ​ഹി​പ്പി​ച്ചു, എന്നിട്ട്‌ അവർക്കു മൂന്ന്‌ അടിസ്ഥാന കരുത​ലു​കൾ—ഒരു പങ്കാളി, ഒരു നിയമിത പ്രദേശം, ഒരു സന്ദേശം—പ്രദാനം ചെയ്‌തു. (മത്താ. 9:35-38; 10:5-7; മർക്കൊ. 6:7; ലൂക്കൊ. 9:2, 6) നിങ്ങൾക്കും അതുതന്നെ ചെയ്യാൻ കഴിയും. നിങ്ങളു​ടെ കുട്ടി​യെ​യോ ഒരു പുതിയ വിദ്യാർഥി​യെ​യോ കുറെ കാല​ത്തേക്ക്‌ വയൽപ്ര​വർത്തനം റിപ്പോർട്ടു ചെയ്യാഞ്ഞ ഒരു വ്യക്തി​യെ​യോ സഹായി​ക്കു​മ്പോൾ പിൻവ​രുന്ന ലക്ഷ്യങ്ങൾ പിൻപ​റ്റാൻ ഒരു പ്രത്യേക ശ്രമം ചെയ്യു​ന്നത്‌ ഉചിത​മാ​യി​രി​ക്കും.

¹⁵ ആവശ്യം ഊന്നി​പ്പ​റ​യുക: പ്രസം​ഗ​വേ​ല​യു​ടെ പ്രാധാ​ന്യം മനസ്സി​ലാ​ക്കാൻ വ്യക്തിയെ സഹായി​ക്കുക. അതേക്കു​റി​ച്ചു ക്രിയാ​ത്മക മനോ​ഭാ​വം ഉണ്ടായി​രി​ക്കുക. ശുശ്രൂ​ഷ​യിൽ സഭ കൈവ​രി​ക്കുന്ന നേട്ടങ്ങൾ വ്യക്തമാ​ക്കുന്ന അനുഭ​വങ്ങൾ വിവരി​ക്കുക. മത്തായി 9:36-38-ൽ വിവരി​ച്ചി​രി​ക്കുന്ന യേശു​വി​ന്റെ മനോ​ഭാ​വം പ്രകട​മാ​ക്കുക. ശുശ്രൂ​ഷ​യി​ലെ വ്യക്തി​പ​ര​മായ പങ്കുപ​റ്റ​ലി​നും അതു​പോ​ലെ ലോക​വ്യാ​പക വേലയു​ടെ വിജയ​ത്തി​നും വേണ്ടി പ്രാർഥി​ക്കാൻ ഭാവി പ്രസാ​ധ​ക​നെ​യോ നിഷ്‌ക്രി​യ​നെ​യോ പ്രോ​ത്സാ​ഹി​പ്പി​ക്കുക.

¹⁶ സാക്ഷ്യം നൽകാ​നുള്ള വ്യത്യസ്‌ത അവസര​ങ്ങ​ളെ​ക്കു​റി​ച്ചു ചിന്തി​ക്കാൻ പ്രോ​ത്സാ​ഹി​പ്പി​ക്കുക: വീടു​തോ​റു​മുള്ള സാക്ഷീ​ക​ര​ണ​ത്തിന്‌ പുസ്‌ത​കാ​ധ്യ​യന കൂട്ട​ത്തോ​ടൊ​പ്പം കൂടി​വ​രു​ന്ന​തി​നുള്ള സാധ്യ​ത​യെ​ക്കു​റി​ച്ചു സൂചി​പ്പി​ക്കുക. ബന്ധുക്കൾ, സുഹൃ​ത്തു​ക്കൾ, ഉച്ചഭക്ഷണ സമയത്ത്‌ സഹജോ​ലി​ക്കാർ അല്ലെങ്കിൽ സഹപാ​ഠി​കൾ എന്നിവ​രു​മാ​യി സുവാർത്ത പങ്കു​വെ​ക്കു​ന്ന​തി​നെ കുറിച്ചു സംസാ​രി​ക്കുക. പൊതു വാഹന​ങ്ങ​ളിൽ സഞ്ചരി​ക്കു​മ്പോൾ, സഹയാ​ത്രി​ക​രിൽ വ്യക്തി​പ​ര​മായ താത്‌പ​ര്യ​മെ​ടു​ത്തു​കൊണ്ട്‌ പലപ്പോ​ഴും സംഭാ​ഷണം തുടങ്ങാ​നാ​കും. നാം മുൻകൈ എടുക്കു​മ്പോൾ, അതു പലപ്പോ​ഴും നല്ല സാക്ഷ്യം കൊടു​ക്കു​ന്ന​തിന്‌ അവസര​മേ​കു​ന്നു. വാസ്‌ത​വ​ത്തിൽ, “നാൾതോ​റും” നമ്മുടെ പ്രത്യാശ മറ്റുള്ള​വ​രു​മാ​യി പങ്കു​വെ​ക്കാൻ ധാരാളം അവസര​ങ്ങ​ളുണ്ട്‌.—സങ്കീ. 96:2, 3.

¹⁷ സാധ്യമെങ്കിൽ, പെട്ടെ​ന്നു​തന്നെ വീടു​തോ​റു​മുള്ള വേലയിൽ നിങ്ങളും പുതിയ പ്രസാ​ധ​ക​നും ഒരുമി​ച്ചു പ്രവർത്തി​ക്കു​ന്നതു നന്നായി​രി​ക്കും. ഏപ്രി​ലിൽ സേവനം വർധി​പ്പി​ക്കാൻ നിങ്ങൾ ലക്ഷ്യമി​ട്ടി​ട്ടു​ണ്ടെ​ങ്കിൽ, സൗകര്യ​പ്ര​ദ​മായ ഒരു പ്രദേശം ലഭിക്കു​മോ എന്ന്‌ സഭാ​പ്ര​ദേ​ശ​ത്തി​ന്റെ ചുമതല വഹിക്കുന്ന സഹോ​ദ​ര​നോ​ടു ചോദി​ക്കുക. അങ്ങനെ​യാ​കു​മ്പോൾ, ആ പ്രദേശം സമഗ്ര​മാ​യി പ്രവർത്തി​ക്കാൻ നിങ്ങൾക്കു സാധി​ക്കും. ഉദാഹ​ര​ണ​ത്തിന്‌, നിങ്ങൾ വയൽസേ​വനം നിറുത്തി മടങ്ങി​പ്പോ​രു​മ്പോൾ അല്ലെങ്കിൽ യോഗ​ങ്ങൾക്കോ മറ്റു സ്ഥലങ്ങളി​ലേ​ക്കോ പോകു​മ്പോൾ മുമ്പ്‌ പ്രവർത്തിച്ച സമയത്ത്‌ ആളില്ലാ​തി​രു​ന്ന​തോ താത്‌പ​ര്യം കാണി​ച്ച​തോ ആയ ഒരു വീട്ടിൽ ആരെ​യെ​ങ്കി​ലും കണ്ടേക്കാം. ഉചിത​മെന്നു തോന്നു​ന്ന​പക്ഷം, അവിടെ ഏറ്റവും ഫലപ്ര​ദ​മായ സമയത്ത്‌ ഒരു ഹ്രസ്വ സന്ദർശനം നടത്തുക. ഇത്‌ ശുശ്രൂഷ നന്നായി നിർവ​ഹി​ച്ചു എന്ന തോന്നൽ ഉണ്ടാകു​ന്ന​തി​നും അതിൽ സന്തോഷം കണ്ടെത്തു​ന്ന​തി​നും ഇടയാ​ക്കും.

¹⁸ ആകർഷകമായ ഒരു അവതരണം തയ്യാറാ​കുക: രാജ്യ​സ​ന്ദേശം പങ്കു​വെ​ക്കാ​നുള്ള ആഗ്രഹം ഉണ്ടായി​രി​ക്കു​ന്ന​തു​കൊ​ണ്ടു മാത്രം അതിൽ ആത്മവി​ശ്വാ​സം തോന്ന​ണ​മെ​ന്നില്ല, പ്രത്യേ​കി​ച്ചും പുതി​യ​വ​രു​ടെ​യും ദീർഘ​കാ​ല​മാ​യി സേവന​ത്തി​നു പോകാ​ത്ത​വ​രു​ടെ​യും കാര്യ​ത്തിൽ. തയ്യാറാ​കാൻ പുതി​യ​വ​രെ​യും നിഷ്‌ക്രി​യ​രെ​യും സഹായി​ക്കു​ന്നത്‌ ശ്രമത്തി​നു തക്ക മൂല്യ​മു​ള്ള​താണ്‌. സേവന​യോ​ഗ​ങ്ങ​ളിൽനി​ന്നും വയൽസേവന യോഗ​ങ്ങ​ളിൽനി​ന്നും സഹായ​ക​മായ നിർദേ​ശങ്ങൾ ലഭി​ച്ചേ​ക്കാ​മെ​ങ്കി​ലും, വ്യക്തി​പ​ര​മായ തയ്യാറാ​ക​ലി​നു പകരം നിൽക്കാ​വുന്ന യാതൊ​ന്നു​മില്ല.

¹⁹ സേവനത്തിനായി നിങ്ങൾക്കു പുതി​യ​വരെ എങ്ങനെ സജ്ജരാ​ക്കാൻ കഴിയും? ആദ്യ​മൊ​ക്കെ ലളിത​വും ഹ്രസ്വ​വു​മായ മാസികാ അവതരണം മതിയാ​കും. പ്രദേ​ശത്തെ ആളുക​ളിൽ താത്‌പ​ര്യ​മു​ണർത്തുന്ന വാർത്ത​ക​ളെ​ക്കു​റി​ച്ചു ചിന്തി​ക്കാൻ അവരോ​ടു പറയുക. എന്നിട്ട്‌ അതി​നോ​ടു ബന്ധപ്പെട്ട ഒരു ആശയം പുതിയ മാസി​ക​യിൽനി​ന്നു കണ്ടെത്തുക. അവതരണം ഒരുമി​ച്ചു തയ്യാറാ​കുക, എന്നിട്ട്‌ എത്രയും പെട്ടെന്ന്‌ അതു ശുശ്രൂ​ഷ​യിൽ ഉപയോ​ഗി​ക്കുക.

²⁰ പുരോഗതി വരുത്താൻ സ്‌മാ​ര​ക​ത്തി​നു ഹാജരായ പുതി​യ​വരെ സഹായി​ക്കുക: കഴിഞ്ഞ വർഷം ലോക​വ്യാ​പക സ്‌മാരക ഹാജർ 1 കോടി 48 ലക്ഷം കവിഞ്ഞു. റിപ്പോർട്ടു ചെയ്‌ത പ്രസാ​ധ​ക​രാ​കട്ടെ കേവലം 60 ലക്ഷത്തി​ല​ധി​ക​വും. ഇത്‌ അർഥമാ​ക്കു​ന്നത്‌ ഏകദേശം 88 ലക്ഷം പേർ ബൈബി​ളി​ന്റെ ഒരു സുപ്ര​ധാന പഠിപ്പി​ക്കൽ വിശദീ​ക​രിച്ച ഈ പ്രത്യേക പരിപാ​ടി​ക്കു വരാൻ താത്‌പ​ര്യം കാട്ടി എന്നാണ്‌. അവർക്ക്‌ നമ്മളിൽ ചിലരെ വ്യക്തി​പ​ര​മാ​യി അറിയാൻ കഴിഞ്ഞു, അത്‌ അവരിൽ മതിപ്പു​ള​വാ​ക്കി​യി​രി​ക്കാം. അവരിൽ അനേകർക്കും നമ്മെക്കു​റി​ച്ചു നല്ല അഭി​പ്രാ​യ​മാ​ണു​ള്ളത്‌. അവർ നമ്മുടെ ലോക​വ്യാ​പക വേലയ്‌ക്കു സംഭാവന ചെയ്യുന്നു, മറ്റുള്ള​വ​രു​ടെ മുമ്പാകെ നമുക്കു​വേണ്ടി വാദി​ക്കു​ന്നു. ഈ വലിയ കൂട്ടത്തി​ലെ പലരും ഭാവി​യിൽ സത്യം സ്വീക​രി​ക്കാൻ സാധ്യ​ത​യുണ്ട്‌. കൂടു​ത​ലായ പുരോ​ഗതി വരുത്താൻ നമുക്ക്‌ അവരെ എങ്ങനെ സഹായി​ക്കാ​നാ​കും?

²¹ നമ്മിൽ ആരെങ്കി​ലും വ്യക്തി​പ​ര​മാ​യി ക്ഷണിച്ച​തു​കൊ​ണ്ടാണ്‌ പുതി​യ​വ​രിൽ അനേക​രും സ്‌മാ​ര​ക​ത്തി​നു ഹാജരാ​യത്‌. അവർക്ക്‌ വ്യക്തി​പ​ര​മാ​യി അറിയാ​വുന്ന ഒരാ​ളെ​ങ്കി​ലും സദസ്സി​ലു​ണ്ടെന്ന്‌ അതു കാണി​ക്കു​ന്നു. നമ്മുടെ ക്ഷണം സ്വീക​രിച്ച്‌ ആരെങ്കി​ലും ഹാജരാ​കു​ന്നെ​ങ്കിൽ, ആ വ്യക്തിയെ സ്വാഗതം ചെയ്യാ​നും പരിപാ​ടി​യിൽനി​ന്നു പൂർണ പ്രയോ​ജനം നേടാൻ സഹായി​ക്കാ​നു​മുള്ള ഉത്തരവാ​ദി​ത്വം നമുക്കുണ്ട്‌. ഹാൾ നിറഞ്ഞി​രി​ക്കു​മെ​ന്ന​തി​നാൽ ഒരു ഇരിപ്പി​ടം കണ്ടെത്താൻ അദ്ദേഹത്തെ സഹായി​ക്കുക. അദ്ദേഹ​ത്തിന്‌ ഒരു ബൈബിൾ കൊടു​ക്കുക, നിങ്ങളു​ടെ പാട്ടു​പു​സ്‌തകം അദ്ദേഹ​ത്തി​നും​കൂ​ടെ കാണി​ച്ചു​കൊ​ടു​ക്കുക. അദ്ദേഹം ചോദി​ച്ചേ​ക്കാ​വുന്ന ഏതൊരു ചോദ്യ​ത്തി​നും മറുപടി നൽകുക. നിങ്ങൾ നൽകുന്ന ഊഷ്‌മ​ള​മായ വ്യക്തിഗത ശ്രദ്ധ അദ്ദേഹ​ത്തി​ന്റെ താത്‌പ​ര്യം വളർത്തി​ക്കൊ​ണ്ടു​വ​രു​ന്ന​തിന്‌ ആവശ്യ​മായ ഒരു മുഖ്യ ഘടകമാണ്‌. തീർച്ച​യാ​യും നമു​ക്കെ​ല്ലാം അതിനുള്ള ഉത്തരവാ​ദി​ത്വ​മുണ്ട്‌. പരിച​യ​മി​ല്ലാത്ത ഒരാളെ കണ്ടാൽ അദ്ദേഹത്തെ ഊഷ്‌മ​ള​മാ​യി സ്വാഗതം ചെയ്യുക, പരിച​യ​പ്പെ​ടുക.

²² സ്‌മാരകത്തിനു ഹാജരാ​കു​ന്നത്‌ ഒരു വ്യക്തി​യു​ടെ ചിന്തയെ ശക്തമായി സ്വാധീ​നി​ച്ചേ​ക്കാം. അദ്ദേഹം യോഗ​ത്തി​നു വരുന്നത്‌, താൻ തേടി​ക്കൊ​ണ്ടി​രു​ന്നത്‌ മറ്റെവി​ടെ​യും കണ്ടെത്താൻ അദ്ദേഹ​ത്തി​നു കഴിഞ്ഞി​ട്ടില്ല എന്നതി​ന്റെ​യും നാം പറയുന്ന കാര്യങ്ങൾ അടുത്തു പരി​ശോ​ധി​ക്കേ​ണ്ട​തി​ന്റെ ആവശ്യം അദ്ദേഹം തിരി​ച്ച​റി​ഞ്ഞ​തി​ന്റെ​യും സൂചന ആയിരി​ക്കാം. യഹോ​വ​യു​ടെ അതിരറ്റ സ്‌നേ​ഹ​ത്തെ​ക്കു​റിച്ച്‌ യാതൊ​രു ധാരണ​യു​മി​ല്ലാത്ത ഒരു വ്യക്തിക്ക്‌, മറുവില എന്ന അത്ഭുത​ക​ര​മായ കരുത​ലി​നെ കുറി​ച്ചുള്ള വിശദീ​ക​രണം ആഴമായ ഒരു വെളി​പ്പെ​ടു​ത്തൽ ആയിരു​ന്നേ​ക്കാം. നാം വ്യത്യ​സ്‌തർ—ആത്മാർഥ​ത​യുള്ള, സൗഹൃദ മനസ്‌ക​രായ, സ്‌നേ​ഹ​മുള്ള, ആദരവുള്ള ആളുകൾ—ആണെന്ന്‌ അദ്ദേഹം പെട്ടെ​ന്നു​തന്നെ മനസ്സി​ലാ​ക്കി​യേ​ക്കാം. അദ്ദേഹം പള്ളിക​ളി​ലും മറ്റും കണ്ടിട്ടുള്ള വിഗ്ര​ഹ​ങ്ങ​ളും അർഥശൂ​ന്യ​മായ ആചാര​ക്ര​മ​ങ്ങ​ളു​മൊ​ന്നും നമ്മുടെ ഹാളിൽ കാണു​ക​യില്ല. സദസ്യർ നാനാ ജീവിത തുറക​ളിൽനിന്ന്‌ ഉള്ളവരാ​ണെ​ന്നും അവിടെ ധനാഭ്യർഥ​ന​ക​ളൊ​ന്നും നടത്ത​പ്പെ​ടു​ന്നി​ല്ലെ​ന്നും പുതി​യവർ ശ്രദ്ധി​ക്കു​മെ​ന്ന​തിൽ സംശയ​മില്ല. ഈ തിരി​ച്ച​റിവ്‌ അവർക്കു മടങ്ങി​വ​രു​ന്ന​തി​നുള്ള ഒരു ശക്തമായ പ്രചോ​ദ​ന​മാ​യി ഉതകി​യേ​ക്കാം.

²³ സ്‌മാരകത്തിനുശേഷം, ഹാജരായ എല്ലാ പുതി​യ​വ​രെ​യും സഹായി​ക്കാൻ നാം ശ്രമം ചെയ്യേ​ണ്ട​തുണ്ട്‌. നിങ്ങളാണ്‌ അവരെ ക്ഷണിച്ച​തെ​ങ്കിൽ നിങ്ങൾക്ക്‌ ഒരു പ്രത്യേക ഉത്തരവാ​ദി​ത്വ​മുണ്ട്‌. അവർ മടങ്ങി​പ്പോ​കു​ന്ന​തി​നു മുമ്പ്‌, രാജ്യ​ഹാ​ളി​ലെ മറ്റു യോഗ​ങ്ങ​ളെ​ക്കു​റിച്ച്‌ അവരോ​ടു പറയുക. അടുത്ത പരസ്യ​പ്ര​സം​ഗ​ത്തി​ന്റെ വിഷയം അറിയി​ക്കുക. അവരുടെ വീടിന്‌ അടുത്തുള്ള പുസ്‌ത​കാ​ധ്യ​യന കൂട്ടത്തി​ന്റെ സ്ഥലവും സമയവും അവരെ അറിയി​ക്കുക. തുടർന്ന്‌, അവർക്ക്‌ നോക്കൂ! ലഘുപ​ത്രിക കൊടു​ത്തിട്ട്‌ ഏപ്രിൽ 30-ന്‌ ആരംഭി​ക്കുന്ന വാരത്തിൽ ചർച്ച ചെയ്യു​ന്നത്‌ “യഹോ​വ​യു​ടെ സൃഷ്ടി​ക​ളും അത്ഭുത​ങ്ങ​ളും” എന്ന ഉപതല​ക്കെട്ടു മുതൽ ആണെന്നു പറയുക. സമീപ ഭാവി​യിൽ പട്ടിക​പ്പെ​ടു​ത്തി​യി​രി​ക്കുന്ന ഒരു സർക്കിട്ട്‌ സമ്മേള​ന​ത്തി​നോ പ്രത്യേക സമ്മേളന ദിനത്തി​നോ ഹാജരാ​കാൻ മുഴു സഭയും ആസൂ​ത്രണം ചെയ്യു​ന്ന​തി​ന്റെ കാരണ​വും വിശദീ​ക​രി​ക്കുക.

²⁴ അവരുടെ ഭവനത്തിൽ ഒരു സൗഹൃദ സന്ദർശനം നടത്തുക. ബൈബി​ളി​ന്റെ അടിസ്ഥാന പഠിപ്പി​ക്ക​ലു​കൾ മനസ്സി​ലാ​ക്കാൻ സഹായി​ക്കുന്ന ആവശ്യം ലഘുപ​ത്രി​ക​യും പരിജ്ഞാ​നം പുസ്‌ത​ക​വും അവർക്കു​ണ്ടെന്ന്‌ ഉറപ്പു​വ​രു​ത്തുക. അവർക്ക്‌ ഒരു ബൈബിൾ അധ്യയനം ഇല്ലെങ്കിൽ, ഒരു അധ്യയനം വാഗ്‌ദാ​നം ചെയ്യുക. ഒരു സംഘട​ന​യെന്ന നിലയിൽ നാം എങ്ങനെ പ്രവർത്തി​ക്കു​ന്നു എന്നതു വ്യക്തമാ​ക്കുന്ന യഹോ​വ​യു​ടെ സാക്ഷികൾ ലഘുപ​ത്രിക വായി​ക്കാൻ അവരോ​ടു നിർദേ​ശി​ക്കുക. നമ്മുടെ മുഴു സഹോ​ദ​ര​വർഗ​വും എന്നതു​പോ​ലുള്ള വീഡി​യോ​കൾ കാണാൻ അവരെ ക്ഷണിക്കുക. സഭയിലെ മറ്റുള്ള​വർക്ക്‌ അവരെ പരിച​യ​പ്പെ​ടു​ത്തുക. വരും​മാ​സ​ങ്ങ​ളിൽ പുതി​യ​വ​രു​മാ​യി സമ്പർക്കം പുലർത്തി​ക്കൊ​ണ്ടി​രി​ക്കുക. സന്ദർശന വാരത്തി​ലെ യോഗ​ങ്ങൾക്കോ ഡിസ്‌ട്രി​ക്‌റ്റ്‌ കൺ​വെൻ​ഷ​നോ ഹാജരാ​കാൻ അവരെ ക്ഷണിക്കുക. തങ്ങൾ “നിത്യ​ജീ​വനു ചേർന്ന ശരിയായ മനോ​നി​ല​യു​ള്ളവർ” ആണെന്നു പ്രകട​മാ​ക്കാൻ അവർക്ക്‌ എല്ലാ അവസര​വും നൽകുക!—പ്രവൃ. 13:48, NW.

²⁵ മൂപ്പന്മാർക്കു ചെയ്യാൻ കഴിയു​ന്നത്‌: ഈ ഏപ്രി​ലിൽ ശുശ്രൂ​ഷ​യിൽ നടത്തുന്ന തീവ്ര​ശ്ര​മ​ത്തി​ന്റെ വിജയം വലി​യൊ​രു അളവു​വരെ മൂപ്പന്മാ​രെ ആശ്രയി​ച്ചി​രി​ക്കും. നിങ്ങൾ ഒരു പുസ്‌ത​കാ​ധ്യ​യന നിർവാ​ഹകൻ ആണെങ്കിൽ, നിങ്ങളു​ടെ കൂട്ടത്തി​ലെ എല്ലാവ​രെ​യും പ്രത്യേക പ്രവർത്ത​ന​ങ്ങ​ളിൽ പങ്കുപ​റ്റാൻ സഹായി​ക്കു​ന്ന​തിന്‌ എന്തെല്ലാം ചെയ്യാൻ കഴിയും എന്നതിന്റെ ഒരു പട്ടിക ഉണ്ടാക്കുക. ചെറു​പ്പ​ക്കാ​രോ പുതി​യ​വ​രോ ക്രമമി​ല്ലാ​ത്ത​വ​രോ നിഷ്‌ക്രി​യ​രോ ആയ ആരെങ്കി​ലും നിങ്ങളു​ടെ കൂട്ടത്തി​ലു​ണ്ടോ? മാതാ​പി​താ​ക്ക​ളോ പയനി​യർമാ​രോ മറ്റു പ്രസാ​ധ​ക​രോ അവരെ സഹായി​ക്കാൻ മുൻകൈ എടുത്തി​ട്ടു​ണ്ടോ എന്ന്‌ അന്വേ​ഷി​ക്കുക. നിങ്ങളാൽ കഴിയു​ന്നത്ര വ്യക്തിഗത സഹായം നൽകുക. രണ്ടു വർഷമാ​യി വയൽസേ​വ​ന​ത്തിൽ ക്രമമി​ല്ലാ​തി​രുന്ന ഒരു സഹോ​ദരി കഴിഞ്ഞ ഏപ്രി​ലിൽ ശുശ്രൂ​ഷ​യിൽ 50-ലധികം മണിക്കൂർ ചെലവ​ഴി​ച്ചു. എന്തായി​രു​ന്നു ആ മാറ്റത്തി​നു കാരണം? മൂപ്പന്മാർ നടത്തിയ പരിപു​ഷ്ടി​പ്പെ​ടു​ത്തുന്ന ഇടയസ​ന്ദർശ​നങ്ങൾ ആയിരു​ന്നു അതിനു കാരണ​മെന്ന്‌ അവർ പറഞ്ഞു.

²⁶ വരുന്ന മാസ​ത്തേക്ക്‌ വേണ്ടത്ര പ്രദേ​ശ​വും മാസി​ക​ക​ളും സാഹി​ത്യ​ങ്ങ​ളും ഉണ്ടെന്ന്‌ ഉറപ്പു​വ​രു​ത്താൻ മൂപ്പന്മാ​രും ശുശ്രൂ​ഷാ​ദാ​സ​ന്മാ​രും സഹകരി​ച്ചു പ്രവർത്തി​ക്കണം. കൂടുതൽ വയൽസേവന യോഗങ്ങൾ ക്രമീ​ക​രി​ക്കാൻ കഴിയു​മോ? എങ്കിൽ, അതിനുള്ള പ്രത്യേക ക്രമീ​ക​ര​ണ​ങ്ങ​ളെ​ക്കു​റിച്ച്‌ സഭയെ അറിയി​ക്കുക. എല്ലാറ്റി​ലു​മു​പരി, ഏപ്രി​ലി​ലെ നമ്മുടെ വർധിച്ച രാജ്യ​പ്ര​വർത്ത​ന​ങ്ങളെ അനു​ഗ്ര​ഹി​ക്കാൻ പരസ്യ​വും സ്വകാ​ര്യ​വു​മായ പ്രാർഥ​ന​ക​ളിൽ യഹോ​വ​യോട്‌ അപേക്ഷി​ക്കുക.—റോമ. 15:30, 31; 2 തെസ്സ. 3:1, 2.

²⁷ കഴിഞ്ഞ ഏപ്രി​ലിൽ നോർത്ത്‌ കരോ​ളി​ന​യി​ലെ ഒരു സഭയിൽ മൂപ്പന്മാർ ശുശ്രൂ​ഷ​യി​ലെ വർധിച്ച പ്രവർത്ത​ന​ത്തിന്‌ ആത്മാർഥ​മായ പ്രോ​ത്സാ​ഹനം നൽകി. സഹായ പയനി​യർമാ​രാ​യി പ്രവർത്തി​ക്കാൻ കഴിയു​മോ എന്നു പ്രാർഥ​നാ​പൂർവം ചിന്തി​ക്കാൻ ഓരോ വാരത്തി​ലെ​യും യോഗ​ങ്ങ​ളിൽ അവർ പ്രസാ​ധ​കരെ പ്രോ​ത്സാ​ഹി​പ്പി​ച്ചു. ഏപ്രി​ലി​നെ ഏറ്റവും മെച്ചപ്പെട്ട മാസമാ​ക്കു​ന്ന​തി​നെ​ക്കു​റിച്ച്‌ അവർ എല്ലാ അവസര​ത്തി​ലും ഉത്സാഹ​പൂർവം സംസാ​രി​ച്ചു. അതിന്റെ ഫലമായി, എല്ലാ മൂപ്പന്മാ​രും ശുശ്രൂ​ഷാ​ദാ​സ​ന്മാ​രും ഉൾപ്പെടെ പ്രസാ​ധ​ക​രു​ടെ 58 ശതമാനം ആ മാസം പയനി​യ​റിങ്‌ ചെയ്‌തു!

²⁸ പൂർണ പങ്ക്‌ ഉണ്ടായി​രി​ക്കു​ന്ന​തി​ന്റെ സന്തോഷം: ശുശ്രൂ​ഷ​യി​ലെ ‘കഠിനാ​ധ്വാ​ന​ത്തി​ന്റെ​യും തീവ്ര​ശ്ര​മ​ത്തി​ന്റെ​യും’ അനു​ഗ്ര​ഹങ്ങൾ എന്തൊ​ക്കെ​യാണ്‌? (1 തിമൊ. 4:10) തങ്ങളുടെ സഭയുടെ കഴിഞ്ഞ ഏപ്രി​ലി​ലെ തീക്ഷ്‌ണ​മായ പ്രവർത്ത​ന​ത്തെ​ക്കു​റിച്ച്‌ മേൽപ്പറഞ്ഞ മൂപ്പന്മാർ എഴുതി: “വയൽശു​ശ്രൂ​ഷ​യിൽ കൂടുതൽ പ്രവർത്തി​ക്കാൻ തുടങ്ങി​യ​തോ​ടെ തങ്ങൾക്ക്‌ അന്യോ​ന്യം എത്രയ​ധി​കം സ്‌നേ​ഹ​വും അടുപ്പ​വും തോന്നു​ന്നു​വെന്ന്‌ സഹോ​ദ​രങ്ങൾ പലപ്പോ​ഴും പറയുന്നു.”

²⁹ നടക്കാൻ ബുദ്ധി​മു​ട്ടുള്ള ഒരു യുവ സഹോ​ദരൻ, കഴിഞ്ഞ ഏപ്രി​ലി​ലെ പ്രത്യേക പ്രവർത്ത​ന​ത്തിൽ ഒരു പങ്കുണ്ടാ​യി​രി​ക്കാൻ അതിയാ​യി ആഗ്രഹി​ച്ചു. കാര്യങ്ങൾ ശ്രദ്ധാ​പൂർവം ആസൂ​ത്രണം ചെയ്‌ത​തി​നാ​ലും അമ്മയു​ടെ​യും ആത്മീയ സഹോ​ദ​ര​ങ്ങ​ളു​ടെ​യും സഹായ​ത്താ​ലും ആ മാസം സഹായ​പ​യ​നി​യ​റിങ്‌ ചെയ്യാൻ അദ്ദേഹ​ത്തി​നു കഴിഞ്ഞു. അതി​നെ​ക്കു​റിച്ച്‌ അദ്ദേഹ​ത്തിന്‌ എന്തു തോന്നി? “ജീവി​ത​ത്തിൽ ആദ്യമാ​യി, ശാരീ​രി​ക​മാ​യി കുറവു​ക​ളൊ​ന്നു​മി​ല്ലാത്ത ഒരു വ്യക്തി​യാ​ണു ഞാനെന്ന്‌ എനിക്കു തോന്നി,” അദ്ദേഹം പറഞ്ഞു.

³⁰ യഹോവയുടെ രാജത്വ​ത്തെ​ക്കു​റി​ച്ചു സംസാ​രി​ക്കു​ക​യെന്ന പദവിയെ അമൂല്യ​മാ​യി വീക്ഷി​ക്കു​ന്ന​വരെ അവൻ സമൃദ്ധ​മാ​യി അനു​ഗ്ര​ഹി​ക്കു​ന്നു എന്നതിനു സംശയ​മില്ല. (സങ്കീ. 145:11, 12) നമ്മുടെ കർത്താ​വി​ന്റെ മരണം അനുസ്‌മ​രി​ക്കവേ, ദൈവിക ഭക്തി പ്രകട​മാ​ക്കു​ന്നത്‌ ഭാവി​യിൽ സമൃദ്ധ​മായ അനു​ഗ്ര​ഹങ്ങൾ കൈവ​രു​ത്തു​മെന്നു നാം തിരി​ച്ച​റി​യു​ന്നു. നിത്യ​ജീ​വ​നാ​കുന്ന പ്രതി​ഫ​ല​ത്തി​നാ​യി അപ്പൊ​സ്‌ത​ല​നായ പൗലൊസ്‌ അതിയാ​യി വാഞ്‌ഛി​ച്ചു. എന്നാൽ, കയ്യും​കെട്ടി വെറുതെ ഇരുന്ന്‌ ആഗ്രഹി​ച്ചാൽ ലഭിക്കുന്ന ഒന്നല്ല അതെന്ന്‌ അവന്‌ അറിയാ​മാ​യി​രു​ന്നു. അവൻ എഴുതി: “അതിന്നാ​യി ഞാൻ എന്നിൽ ബലത്തോ​ടെ വ്യാപ​രി​ക്കുന്ന അവന്റെ വ്യാപാ​ര​ശ​ക്തി​ക്കു ഒത്തവണ്ണം പോരാ​ടി​ക്കൊ​ണ്ടു അദ്ധ്വാ​നി​ക്കു​ന്നു.” (കൊലൊ. 1:29) ജീവര​ക്ഷാ​ക​ര​മായ ശുശ്രൂഷ നിവർത്തി​ക്കാൻ യഹോവ യേശു മുഖാ​ന്തരം പൗലൊ​സി​നെ ശക്തീക​രി​ച്ചു. ഇന്ന്‌ നമുക്കു​വേ​ണ്ടി​യും അവന്‌ അതുതന്നെ ചെയ്യാൻ കഴിയും. ഈ ഏപ്രി​ലിൽ നിങ്ങളു​ടെ വ്യക്തി​പ​ര​മായ അനുഭവം അതായി​രി​ക്കു​മോ?

[3-ാം പേജിലെ ചതുരം]

ഏപ്രിലിൽ പ്രസാ​ധ​ക​നാ​കാൻ നിങ്ങൾക്ക്‌ ആരെ പ്രോ​ത്സാ​ഹി​പ്പി​ക്കാൻ കഴിയും?

നിങ്ങളുടെ കുട്ടിയെ?

ബൈബിൾ വിദ്യാർഥി​യെ?

നിഷ്‌ക്രിയനായ ഒരു വ്യക്തിയെ?