നന്മ ചെയ്യു​ന്ന​തിൽ ശുഷ്‌കാ​ന്തി​യു​ള്ളവർ ആയിരി​ക്കുക!

¹ രണ്ടായിരത്തിമൂന്നാം ആണ്ടിലെ സ്‌മാ​രകം അടുത്തു​വ​രു​മ്പോൾ ‘നന്മ ചെയ്യു​ന്ന​തിൽ ശുഷ്‌കാ​ന്തി​യു​ള്ളവർ ആയിരി​ക്കാൻ’ നമുക്കു നിരവധി കാരണ​ങ്ങ​ളുണ്ട്‌. (1 പത്രൊ. 3:13) അവയിൽ ഏറ്റവും പ്രധാ​ന​മാ​യത്‌, യേശു​ക്രി​സ്‌തു​വി​ന്റെ മറുവി​ല​യാ​ഗ​മാണ്‌. (മത്താ. 20:28; യോഹ. 3:16) ഇതു സംബന്ധിച്ച്‌ അപ്പൊ​സ്‌ത​ല​നായ പത്രൊസ്‌ ഇപ്രകാ​രം എഴുതി: ‘വ്യർഥ​മായ നിങ്ങളു​ടെ നടപ്പിൽനി​ന്നു നിങ്ങളെ വീണ്ടെ​ടു​ത്തി​രി​ക്കു​ന്നതു പൊന്നു, വെള്ളി മുതലായ അഴിഞ്ഞു​പോ​കുന്ന വസ്‌തു​ക്ക​ളെ​ക്കൊ​ണ്ടല്ല, ക്രിസ്‌തു എന്ന നിർദ്ദോ​ഷ​വും നിഷ്‌ക​ള​ങ്ക​വു​മായ കുഞ്ഞാ​ടി​ന്റെ വില​യേ​റിയ രക്തം​കൊ​ണ്ട​ത്രേ.’ (1 പത്രൊ. 1:18, 19) യേശു “നമ്മെ സകല അധർമ്മ​ത്തിൽനി​ന്നും വീണ്ടെ​ടു​ത്തു സൽപ്ര​വൃ​ത്തി​ക​ളിൽ ശുഷ്‌കാ​ന്തി​യു​ള്ളോ​രു സ്വന്തജ​ന​മാ​യി തനിക്കു ശുദ്ധീ​ക​രി​ക്കേ​ണ്ട​തി​ന്നു തന്നെത്താൻ നമുക്കു​വേണ്ടി കൊടു​ത്തു” എന്നു തിരി​ച്ച​റി​ഞ്ഞു​കൊണ്ട്‌ നന്മ ചെയ്യു​ന്ന​തിൽ വ്യാപൃ​ത​രാ​കാൻ ഈ അസാധാ​രണ സ്‌നേ​ഹ​പ്ര​ക​ട​ന​ത്തോ​ടുള്ള കൃതജ്ഞത നമ്മെ പ്രേരി​പ്പി​ക്കു​ന്നു.—തീത്തൊ. 2:14; 2 കൊരി. 5:14, 15.

² ദൈവത്തിനു പ്രസാ​ദ​ക​ര​മായ കാര്യങ്ങൾ ചെയ്യു​മ്പോൾ നമുക്ക്‌ അവനു​മാ​യി നല്ല ഒരു ബന്ധവും അവന്റെ സ്‌നേ​ഹ​നിർഭ​ര​മായ പരിപാ​ല​ന​വും ആസ്വദി​ക്കാ​നാ​കും. പത്രൊസ്‌ കൂടു​ത​ലാ​യി ഇങ്ങനെ പറഞ്ഞു: “ജീവനെ ആഗ്രഹി​ക്ക​യും ശുഭകാ​ലം കാണ്മാൻ ഇച്ഛിക്ക​യും ചെയ്യു​ന്നവൻ . . . ദോഷം വിട്ടകന്നു ഗുണം ചെയ്‌ക​യും സമാധാ​നം അന്വേ​ഷി​ച്ചു പിന്തു​ട​രു​ക​യും ചെയ്യട്ടെ. കർത്താ​വി​ന്റെ കണ്ണു നീതി​മാ​ന്മാ​രു​ടെ മേലും അവന്റെ ചെവി അവരുടെ പ്രാർത്ഥ​നെ​ക്കും തുറന്നി​രി​ക്കു​ന്നു.” (1 പത്രൊ. 3:10-12) വിപത്‌ക​ര​മായ ഈ നാളു​ക​ളിൽ, യഹോവ നമ്മെ പരിപാ​ലി​ക്കു​ന്നു​വെ​ന്നും നമുക്കു വേണ്ടി പ്രവർത്തി​ക്കാൻ, തന്റെ ‘കണ്മണി​പോ​ലെ നമ്മെ സൂക്ഷി​ക്കാൻ’ സജ്ജനാ​യി​രി​ക്കു​ന്നു​വെ​ന്നും അറിയു​ന്നത്‌ എത്ര സന്തോ​ഷ​ക​ര​മാണ്‌.—ആവ. 32:10; 2 ദിന. 16:9.

³ പത്രൊസ്‌ ആർക്ക്‌ എഴുതി​യോ ആ ആദിമ ക്രിസ്‌ത്യാ​നി​കൾക്ക്‌ പരി​ശോ​ധ​നകൾ ഉണ്ടായി​രു​ന്നി​ട്ടും കെടു​ത്താ​നാ​വാത്ത തീക്ഷ്‌ണ​ത​യോ​ടെ അവർ ജ്വലി​ക്കു​ക​യും കഴിയു​ന്നത്ര വ്യാപ​ക​മാ​യി സുവാർത്ത ഘോഷി​ക്കു​ക​യും ചെയ്‌തു. (1 പത്രൊ. 1:6; 4:12) ഇക്കാലത്തെ ദൈവ​ജ​നത്തെ സംബന്ധി​ച്ചും ഇതു സത്യമാണ്‌. ‘ദുർഘ​ട​സ​മ​യ​ങ്ങ​ളി​ലാണ്‌’ നാം ജീവി​ക്കു​ന്ന​തെ​ങ്കി​ലും, യഹോ​വ​യു​ടെ നന്മയോ​ടുള്ള വിലമ​തിപ്പ്‌ ദൈ​വേഷ്ടം തീക്ഷ്‌ണ​ത​യോ​ടെ ചെയ്യാൻ നമ്മെ പ്രേരി​പ്പി​ക്കു​ന്നു. (2 തിമൊ. 3:1; സങ്കീ. 145:7) സ്‌മാ​ര​ക​കാ​ലത്ത്‌ ഏതെല്ലാം സത്‌പ്ര​വൃ​ത്തി​ക​ളി​ലാ​യി​രി​ക്കും നാം വ്യാപൃ​ത​രാ​കുക എന്നു നമുക്ക്‌ പരിചി​ന്തി​ക്കാം.

⁴ മറ്റുള്ളവരെ സ്‌മാ​ര​ക​ത്തി​നു ക്ഷണിക്കുക: മറുവി​ല​യെന്ന അസാധാ​രണ ദാന​ത്തോ​ടുള്ള നമ്മുടെ വിലമ​തിപ്പ്‌ പ്രകടി​പ്പി​ക്കാ​നുള്ള ഒരു വിധം, ഈ വർഷം ഏപ്രിൽ 16 ബുധനാഴ്‌ച സൂര്യാ​സ്‌തമയ ശേഷം നടത്താ​നി​രി​ക്കുന്ന യേശു​വി​ന്റെ മരണത്തി​ന്റെ സ്‌മാ​ര​കാ​ച​ര​ണ​ത്തിന്‌ സന്നിഹി​ത​രാ​കുക എന്നതാണ്‌. (ലൂക്കൊ. 22:19, 20) കഴിഞ്ഞ വർഷം 94,600 സഭകളി​ലാ​യി സ്‌മാ​ര​ക​ത്തി​നു കൂടി​വ​ന്ന​വ​രു​ടെ എണ്ണം 1,55,97,746 ആയിരു​ന്നു. മുൻവർഷത്തെ അപേക്ഷിച്ച്‌ 2,20,000-ത്തിലധി​കം പേരുടെ വർധന!

⁵ ഈ വർഷം എത്ര പേർ ഹാജരാ​കും? അധിക​വും, നമ്മോ​ടൊ​പ്പം കൂടി​വ​രാ​നാ​യി മറ്റുള്ള​വരെ നാം എത്രമാ​ത്രം തീക്ഷ്‌ണ​ത​യോ​ടെ പ്രോ​ത്സാ​ഹി​പ്പി​ക്കു​ന്നു എന്നതിനെ ആശ്രയി​ച്ചി​രി​ക്കും. തുടക്ക​മെന്ന നിലയിൽ, ക്ഷണിക്കാൻ ഉദ്ദേശി​ക്കു​ന്ന​വ​രു​ടെ ഒരു ലിസ്റ്റ്‌ ഉണ്ടാക്കുക. മുൻഗണന നൽകേ​ണ്ടത്‌ നിങ്ങളു​ടെ സ്വന്തം കുടും​ബാം​ഗ​ങ്ങൾക്കാണ്‌. നിങ്ങളു​ടെ ഇണ അവിശ്വാ​സി​യാ​ണെ​ങ്കിൽ അദ്ദേഹം അല്ലെങ്കിൽ അവൾ നിങ്ങ​ളോ​ടൊ​പ്പം ഉണ്ടായി​രി​ക്കാ​നുള്ള ഹൃദയം​ഗ​മ​മായ ആഗ്രഹം പ്രകടി​പ്പി​ക്കുക. തന്റെ സാന്നി​ധ്യം ഭാര്യ​യ്‌ക്ക്‌ എത്ര പ്രധാ​ന​മാ​ണെന്നു തിരി​ച്ച​റി​ഞ്ഞതു നിമി​ത്ത​മാണ്‌ താൻ കഴിഞ്ഞ​വർഷം സ്‌മാ​ര​ക​ത്തി​നു ഹാജരാ​യ​തെന്ന്‌ അവിശ്വാ​സി​യായ ഒരു ഭർത്താവ്‌ അഭി​പ്രാ​യ​പ്പെ​ടു​ക​യു​ണ്ടാ​യി. ലിസ്റ്റിൽ അടുത്ത​താ​യി ബന്ധുക്ക​ളെ​യും അയൽക്കാ​രെ​യും സഹജോ​ലി​ക്കാ​രെ​യും സഹപാ​ഠി​ക​ളെ​യും ഉൾപ്പെ​ടു​ത്താ​വു​ന്ന​താണ്‌. നിങ്ങളു​ടെ ബൈബിൾ വിദ്യാർഥി​കളെ ക്ഷണിക്കു​ന്നു​വെന്ന്‌ ഉറപ്പു​വ​രു​ത്തുക.

⁶ ലിസ്റ്റ്‌ തയ്യാറാ​ക്കിയ ശേഷം ഓരോ​രു​ത്ത​രെ​യും വ്യക്തി​പ​ര​മാ​യി കണ്ട്‌ ക്ഷണിക്കാ​നുള്ള സമയം പട്ടിക​പ്പെ​ടു​ത്തുക. അതിനാ​യി അച്ചടിച്ച ക്ഷണക്കത്തു​കൾ ഉപയോ​ഗി​ക്കാ​വു​ന്ന​താണ്‌. സ്‌മാ​രകം നടക്കുന്ന സ്ഥലവും സമയവും ആളുകൾക്ക്‌ ഓർത്തി​രി​ക്കാൻ കഴി​യേ​ണ്ട​തിന്‌ ക്ഷണക്കത്തി​ന്റെ അടിയി​ലാ​യി അവ ടൈപ്പ്‌ ചെയ്യു​ക​യോ വ്യക്തമാ​യി എഴുതു​ക​യോ ചെയ്യുക. ഏപ്രിൽ 16-നോട്‌ അടുക്കു​മ്പോൾ ലിസ്റ്റി​ലു​ള്ള​വരെ വ്യക്തി​പ​ര​മാ​യി കണ്ടോ ടെലി​ഫോ​ണിൽ വിളി​ച്ചോ സ്‌മാ​ര​കത്തെ കുറിച്ച്‌ ഓർമി​പ്പി​ക്കുക. ഈ പരിപാ​വന വേളയിൽ സന്നിഹി​ത​രാ​കാൻ കഴിയു​ന്നത്ര ആളുകളെ നമുക്കു സഹായി​ക്കാം.

⁷ സ്‌മാരകത്തിനു ഹാജരാ​കു​ന്ന​വരെ സഹായി​ക്കുക: സ്‌മാരക രാത്രി എല്ലായ്‌പോ​ഴും ഉത്സാഹ​ജ​ന​ക​മായ ഒരു വേളയാണ്‌. സാധാരണ നമ്മുടെ യോഗ​ങ്ങൾക്ക്‌ ഹാജരാ​കാ​ത്ത​വരെ സ്വാഗതം ചെയ്യാ​നുള്ള അവസരം നമുക്കുണ്ട്‌. പ്രദേ​ശത്തെ സാഹച​ര്യം അനുവ​ദി​ക്കു​ന്ന​ത​നു​സ​രിച്ച്‌, നേരത്തേ എത്തി​ച്ചേ​രാ​നും താമസിച്ച്‌ പിരി​ഞ്ഞു​പോ​കാ​നും ഉള്ള ക്രമീ​ക​ര​ണങ്ങൾ ചെയ്യുക. ഹാജരാ​യി​രി​ക്കുന്ന പുതി​യ​വരെ പരിച​യ​പ്പെ​ടാൻ മുൻ​കൈ​യെ​ടു​ക്കുക. ഊഷ്‌മ​ള​ത​യും അതിഥി​പ്രി​യ​വും പ്രകട​മാ​ക്കുക.—റോമർ 12:13.

⁸ സ്‌മാരകത്തിനു ഹാജരാ​കുന്ന ചിലരെ ആത്മീയ പുരോ​ഗതി വരുത്താ​നാ​യി ഒരു ഭവന ബൈബി​ള​ധ്യ​യ​ന​ത്തി​ലൂ​ടെ സഹായി​ക്കാ​നാ​കു​മോ? സ്‌മാ​ര​ക​ത്തി​നു ഹാജരാ​കു​ന്ന​വ​രിൽ ആരെ​യെ​ങ്കി​ലും നിലവിൽ ആരും സന്ദർശി​ക്കു​ന്നി​ല്ലെന്നു മനസ്സി​ലാ​ക്കി​യാൽ ആ വ്യക്തിയെ സഹായി​ക്കാ​നാ​യി പേരും മേൽവി​ലാ​സ​വും കുറി​ച്ചെ​ടു​ക്കുക. സ്‌നേ​ഹ​പു​ര​സ്സ​ര​മായ സഹായം നൽകി​യാൽ അവരിൽ ചിലർ, അടുത്ത സ്‌മാ​ര​ക​ത്തി​നു മുമ്പായി സ്‌നാ​പ​ന​മേ​റ്റി​ട്ടി​ല്ലാത്ത പ്രസാ​ധ​ക​രാ​യി​ത്തീ​രാ​നുള്ള അളവോ​ളം യോഗ്യത പ്രാപി​ച്ചേ​ക്കാം. സ്‌മാ​ര​ക​ത്തിൽ സന്നിഹി​ത​രാ​യ​വരെ സന്ദർശി​ക്കു​മ്പോൾ ഏപ്രിൽ 27-ാം തീയതി നടക്കാൻപോ​കുന്ന പ്രത്യേക പരസ്യ​പ്ര​സം​ഗ​ത്തി​നും അവരെ ക്ഷണിക്കുക.

⁹ ഈ വേനൽക്കാ​ലത്തു നിങ്ങൾക്ക്‌ സഹായ പയനി​യ​റിങ്‌ ചെയ്യാ​നാ​കു​മോ? പ്രത്യേക ദിവ്യാ​ധി​പത്യ പ്രവർത്ത​നങ്ങൾ നടക്കുന്ന മാസങ്ങ​ളിൽ ശുശ്രൂ​ഷ​യിൽ പൂർണ​മാ​യി വ്യാപൃ​ത​രാ​കാൻ യഹോ​വ​യോ​ടുള്ള തീക്ഷ്‌ണത ഓരോ വർഷവും നമ്മെ പ്രേരി​പ്പി​ക്കു​ന്നു. സ്‌മാ​ര​ക​കാ​ലത്ത്‌ സതീക്ഷ്‌ണം സുവാർത്ത പ്രസം​ഗി​ക്കാ​നുള്ള സഭയിലെ മുഴു അംഗങ്ങ​ളു​ടെ​യും കൂട്ടായ ശ്രമത്തിന്‌ സത്‌ഫ​ലങ്ങൾ ഉത്‌പാ​ദി​പ്പി​ക്കാ​നാ​കും.

¹⁰ കഴിഞ്ഞ ഏപ്രിൽ ഒരു “സവിശേഷ മാസ”മായി​രു​ന്നു എന്നും ആ മാസത്തിൽ എല്ലാ മൂപ്പന്മാ​രും ശുശ്രൂ​ഷാ​ദാ​സ​ന്മാ​രും ഉൾപ്പെടെ 53 പേർ സഹായ പയനിയർ സേവന​ത്തിൽ ഏർപ്പെ​ട്ടെ​ന്നും 107 പ്രസാ​ധ​ക​രും 9 സാധാരണ പയനി​യർമാ​രു​മുള്ള ഒരു സഭ റിപ്പോർട്ടു ചെയ്യുന്നു. ആ മാസം സഹായ പയനി​യ​റി​ങ്ങി​നാ​യി മൂപ്പന്മാർ എങ്ങനെ​യാണ്‌ സഹോ​ദ​ര​ങ്ങ​ളു​ടെ ഉത്സാഹം വർധി​പ്പി​ച്ചത്‌? അവർ അതിനുള്ള ശ്രമം നേര​ത്തേ​തന്നെ ആരംഭി​ച്ചു. സാധി​ക്കുന്ന എല്ലാവ​രും സഹായ പയനി​യർമാ​രാ​യി പേർ ചാർത്താൻ അവർ പ്രോ​ത്സാ​ഹി​പ്പി​ച്ചു. സഭയിലെ എല്ലാവ​രു​ടെ​യും സൗകര്യം കണക്കി​ലെ​ടു​ത്തു​കൊണ്ട്‌ വയൽസേവന യോഗങ്ങൾ വിവിധ സമയങ്ങ​ളിൽ നടത്തി​യി​രു​ന്നു. ടെലി​ഫോൺ സാക്ഷീ​ക​രണം നടത്താൻ എല്ലാവ​രെ​യും വിശേ​ഷിച്ച്‌, രോഗി​ക​ളെ​യും പ്രായാ​ധി​ക്യം ഉള്ളവ​രെ​യും പ്രത്യേ​കം പ്രോ​ത്സാ​ഹി​പ്പി​ച്ചു.

¹¹ ആരോഗ്യപ്രശ്‌നങ്ങൾ നിമിത്തം നടക്കാൻ കഴിയാത്ത 86 വയസ്സുള്ള ഒരു സഹോ​ദരി സഹായ പയനി​യ​റി​ങ്ങി​നാ​യി പേർ ചാർത്തി. രാവി​ലെ​തന്നെ അവർ അടുക്ക​ള​യി​ലെ മേശയ്‌ക്ക​ടുത്ത്‌ ഇരുന്നു​കൊണ്ട്‌ ഏതാനും മണിക്കൂർ ടെലി​ഫോൺ സാക്ഷീ​ക​രണം നടത്തും. പിന്നെ അൽപ്പം വിശ്ര​മി​ച്ച​ശേഷം തിരി​ച്ചു​വന്ന്‌ കുറെ സമയം​കൂ​ടെ അതിനാ​യി ചെലവ​ഴി​ക്കും. ടെലി​ഫോ​ണി​ലൂ​ടെ അവർ ബന്ധപ്പെട്ട ഒരു സ്‌ത്രീ​യു​ടെ ഭർത്താ​വും കൗമാ​ര​പ്രാ​യ​ക്കാ​രായ രണ്ടു പുത്ര​ന്മാ​രും കഴിഞ്ഞ രണ്ടു വർഷത്തി​നി​ട​യ്‌ക്കു മരിച്ചു​പോ​യി​രു​ന്നു, എന്തു​കൊ​ണ്ടാണ്‌ മോശ​മായ അത്തരം കാര്യങ്ങൾ സംഭവി​ക്കാൻ ദൈവം അനുവ​ദി​ക്കു​ന്ന​തെന്ന്‌ ആ സ്‌ത്രീ​ക്കു മനസ്സി​ലാ​ക്കാ​നാ​യില്ല. സഹോ​ദരി അവർക്കു നല്ല സാക്ഷ്യം കൊടു​ത്തു, ഒരു ബൈബി​ള​ധ്യ​യ​ന​വും തുടങ്ങി. നമുക്കു പ്രവേ​ശ​ന​മി​ല്ലാത്ത കെട്ടി​ട​ങ്ങ​ളി​ലും പ്രദേ​ശ​ങ്ങ​ളി​ലും താമസി​ക്കു​ന്ന​വ​രു​മാ​യി ബന്ധപ്പെ​ടാ​നുള്ള ഫലകര​മായ ഒരു വിധമാണ്‌ സായാ​ഹ്ന​ങ്ങ​ളി​ലും മറ്റു സമയങ്ങ​ളി​ലു​മുള്ള ടെലി​ഫോൺ സാക്ഷീ​ക​രണം. പകൽ സമയത്ത്‌ വീട്ടിൽ ഇല്ലാത്ത​വരെ കണ്ടെത്താ​നും ഇതു പ്രസാ​ധ​കരെ സഹായി​ക്കു​ന്നു.

¹² ഇങ്ങനെ പറഞ്ഞു​കൊണ്ട്‌ മൂപ്പന്മാർ റിപ്പോർട്ട്‌ ഉപസം​ഹ​രി​ച്ചു: “അത്‌ വളരെ നല്ല ഒരു സമയമാ​യി​രു​ന്നു. യഹോവ ഞങ്ങൾക്ക്‌ ഓരോ​രു​ത്തർക്കും നൽകിയ സേവന​ത്തി​ന്റെ പ്രത്യേക അവസര​ങ്ങൾക്കും അനു​ഗ്ര​ഹ​ങ്ങൾക്കും ഞങ്ങൾ നന്ദിയു​ള്ള​വ​രാണ്‌.” ഉചിത​മായ ആസൂ​ത്രണം ഉണ്ടെങ്കിൽ നിങ്ങളു​ടെ സഭയ്‌ക്കും അത്തരം അനു​ഗ്ര​ഹങ്ങൾ ആസ്വദി​ക്കാ​നാ​കും.

¹³ ശുശ്രൂഷയിൽ 100 ശതമാനം പങ്കുണ്ടാ​യി​രി​ക്കാൻ ശ്രമി​ക്കുക: സുവാർത്ത മറ്റുള്ള​വ​രു​മാ​യി പങ്കു​വെ​ക്കു​ന്ന​തിന്‌ ഓരോ മാസവും സമയം വിലയ്‌ക്കു​വാ​ങ്ങാൻ ദൈവ​ത്തോ​ടും സഹമനു​ഷ്യ​രോ​ടു​മുള്ള സ്‌നേഹം നമ്മെ പ്രേരി​പ്പി​ക്കു​ന്നു. (മത്താ. 22:37-39) പുസ്‌ത​കാ​ധ്യ​യന മേൽവി​ചാ​ര​ക​ന്മാ​രും അവരുടെ സഹായി​ക​ളും ഓരോ മാസവും വയൽ ശുശ്രൂ​ഷ​യിൽ ഏർപ്പെ​ടാ​നാ​യി തങ്ങളുടെ കൂട്ടത്തി​ലു​ള്ള​വരെ സഹായി​ക്കാൻ ശ്രമി​ക്കണം. ഇതു ചെയ്യാ​നുള്ള നല്ല ഒരു മാർഗം കൂട്ടത്തി​ലുള്ള ഏതാനും വ്യക്തി​ക​ളോ​ടൊ​പ്പം വയൽസേ​വ​ന​ത്തിൽ പ്രവർത്തി​ക്കാ​നുള്ള ക്രമീ​ക​രണം മുന്ന​മേ​തന്നെ ചെയ്യുക എന്നതാണ്‌. അതിനാ​യി മാസാ​വ​സാ​നം വരെ കാത്തു​നിൽക്കാ​തെ അതു നേര​ത്തേ​തന്നെ ചെയ്യുക. സ്‌നേ​ഹ​പു​ര​സ്സ​ര​മുള്ള സഹായം നൽകാൻ ഇത്‌ നിങ്ങൾക്കു കൂടുതൽ അവസര​ങ്ങ​ളേ​കും.

¹⁴ ശുശ്രൂഷയിൽ ഏർപ്പെ​ടാൻ വളരെ ബുദ്ധി​മു​ട്ടുള്ള രോഗി​ക​ളും പ്രായം​ചെ​ന്ന​വ​രു​മായ പ്രസാ​ധകർ നിങ്ങളു​ടെ പുസ്‌ത​കാ​ധ്യ​യന കൂട്ടത്തിൽ ഉണ്ടോ? ചിലർ ആതുരാ​ല​യ​ങ്ങ​ളിൽ താമസി​ക്കു​ന്ന​വ​രോ വീട്ടിൽനി​ന്നു പുറത്തു​പോ​കാൻ കഴിയാ​ത്ത​വ​രോ ആണെങ്കിൽ സാക്ഷീ​ക​രി​ക്കാ​നുള്ള അവരുടെ അവസരങ്ങൾ പരിമി​ത​മാ​യി​രി​ക്കു​മെന്ന്‌ മനസ്സി​ലാ​ക്കാ​വു​ന്ന​തേ​യു​ള്ളൂ. എന്നിരു​ന്നാ​ലും, തങ്ങളുടെ വെളിച്ചം പ്രകാ​ശി​പ്പി​ക്കാ​നാ​യി പരിമി​ത​മായ ആ അവസരങ്ങൾ ഉപയോ​ഗ​പ്പെ​ടു​ത്തു​ക​വഴി, അവരുടെ സത്‌പ്ര​വൃ​ത്തി​കളെ കാണുന്ന മറ്റുള്ള​വർക്ക്‌ സത്യത്തിൽ യഥാർഥ താത്‌പ​ര്യം ജനി​ച്ചേ​ക്കാം. (മത്തായി 5:16) അവർക്ക്‌ 15 മിനി​ട്ടി​ന്റെ ഗഡുക്ക​ളാ​യി​പോ​ലും വയൽസേ​വനം റിപ്പോർട്ടു ചെയ്യാ​മെന്ന കാര്യം അറിയാ​മെന്നു പുസ്‌ത​കാ​ധ്യ​യന മേൽവി​ചാ​ര​ക​ന്മാർ ഉറപ്പു​വ​രു​ത്തണം. സാക്ഷീ​ക​രി​ക്കാ​നാ​യി അവർ ചെലവ​ഴി​ക്കുന്ന സമയം റിപ്പോർട്ട്‌ ചെയ്യാ​നാ​കു​ന്നത്‌ വിശ്വ​സ്‌ത​രായ ഈ പ്രസാ​ധ​കരെ പ്രോ​ത്സാ​ഹി​പ്പി​ക്കു​ക​യും അവർക്കു സന്തോ​ഷ​വും സംതൃ​പ്‌തി​യും കൈവ​രു​ത്തു​ക​യും ചെയ്യുന്നു. ദൈവ​ജ​ന​ത്തി​ന്റെ ലോക​വ്യാ​പക റിപ്പോർട്ട്‌ കൃത്യ​മാ​ണെന്ന്‌ ഉറപ്പു​വ​രു​ത്താ​നും ഇതു സഹായി​ക്കു​ന്നു.

¹⁵ നന്മ ചെയ്യു​ന്ന​തിൽ വ്യാപൃ​ത​രാ​യി​രി​ക്കുന്ന യുവജ​നങ്ങൾ! ക്രിസ്‌തീയ യുവജ​നങ്ങൾ യഹോ​വ​യു​ടെ സേവന​ത്തി​നാ​യി തങ്ങളുടെ ശക്തിയും ഊർജ്ജ​വും ഉപയോ​ഗി​ക്കു​ന്ന​താ​യി കാണാൻ കഴിയു​ന്നത്‌ എത്ര നവോ​ന്മേ​ഷ​പ്ര​ദ​മാണ്‌! (സദൃ. 20:29) നിങ്ങൾ ഒരു യുവവ്യ​ക്തി​യാ​ണെ​ങ്കിൽ പ്രവർത്ത​ന​ത്തി​ന്റെ ഈ പ്രത്യേക മാസങ്ങ​ളിൽ യഹോ​വ​യ്‌ക്കു വേണ്ടി​യുള്ള നിങ്ങളു​ടെ തീക്ഷ്‌ണത എങ്ങനെ പ്രകടി​പ്പി​ക്കാൻ കഴിയും?

¹⁶ നിങ്ങൾ ഇതുവരെ സഭയിലെ സ്‌നാ​പ​ന​മേ​റ്റി​ട്ടി​ല്ലാത്ത ഒരു പ്രസാ​ധ​ക​നാ​യി​ത്തീർന്നി​ട്ടി​ല്ലെ​ങ്കിൽ ആ പദവി എത്തിപ്പി​ടി​ക്കാ​നാ​കു​മോ? പിൻവ​രുന്ന ചോദ്യ​ങ്ങൾ സ്വയം ചോദി​ക്കുക: ‘ബൈബിൾ സത്യം സംബന്ധിച്ച അടിസ്ഥാ​ന​പ​ര​മായ പരിജ്ഞാ​നം എനിക്കു​ണ്ടോ? രാജ്യ സേവന​ത്തിൽ പങ്കുപ​റ്റാൻ എനിക്ക്‌ ആഗ്രഹ​മു​ണ്ടോ? എന്റെ നടത്ത മാതൃ​കാ​യോ​ഗ്യ​മാ​ണോ? മറ്റുള്ള​വ​രു​മാ​യി സുവാർത്ത പങ്കു​വെ​ച്ചു​കൊണ്ട്‌ എന്റെ വിശ്വാ​സത്തെ കുറിച്ചു വ്യക്തി​പ​ര​മാ​യി സംസാ​രി​ക്കാൻ എനിക്കാ​കു​ന്നു​ണ്ടോ? അങ്ങനെ ചെയ്യാൻ ഹൃദയ​ത്തിൽനി​ന്നു ഞാൻ പ്രേരി​ത​നാ​കു​ന്നു​ണ്ടോ? ഈ ചോദ്യ​ങ്ങൾക്ക്‌ ഉവ്വ്‌ എന്ന്‌ ഉത്തരം പറയാൻ കഴിയു​മെ​ങ്കിൽ ഒരു പ്രസാ​ധ​ക​നാ​യി​ത്തീ​രാ​നുള്ള നിങ്ങളു​ടെ ആഗ്രഹത്തെ കുറിച്ച്‌ മാതാ​പി​താ​ക്ക​ളോ​ടു സംസാ​രി​ക്കുക. നിങ്ങളു​ടെ മാതാ​പി​താ​ക്കൾക്ക്‌ സേവന​ക്ക​മ്മി​റ്റി​യി​ലെ ഒരു മൂപ്പനെ സമീപി​ക്കാ​വു​ന്ന​താണ്‌.

¹⁷ നിങ്ങൾ ഇപ്പോൾത്തന്നെ സുവാർത്ത​യു​ടെ ഒരു പ്രസാ​ധ​ക​നാ​ണെ​ങ്കിൽ, ശുശ്രൂ​ഷ​യി​ലെ പങ്ക്‌ വർധി​പ്പി​ക്കാ​നാ​യി സ്‌കൂൾ അവധി​ക്കാ​ലം നിങ്ങൾക്ക്‌ ഉപയോ​ഗി​ക്കാ​നാ​കു​മോ? നല്ല ഒരു പട്ടിക​യും മാതാ​പി​താ​ക്ക​ളു​ടെ​യും മറ്റുള്ള​വ​രു​ടെ​യും സഹായ​വും നിമിത്തം സ്‌നാ​പ​ന​മേറ്റ നിരവധി പ്രസാ​ധ​കർക്ക്‌ സഹായ പയനി​യ​റിങ്‌ ചെയ്യാൻ കഴിഞ്ഞി​ട്ടുണ്ട്‌. അങ്ങനെ ചെയ്യുക സാധ്യ​മ​ല്ലെ​ങ്കിൽ വയൽ ശുശ്രൂ​ഷ​യി​ലെ നിങ്ങളു​ടെ പങ്ക്‌ വർധി​പ്പി​ക്കാൻ ദൃഢനി​ശ്ചയം ചെയ്യുക. സ്വന്തമാ​യി ഒരു ലാക്കു​വെ​ക്കുക. നിശ്ചിത മണിക്കൂ​റിൽ എത്തി​ച്ചേ​രാ​നുള്ള ലക്ഷ്യത്തി​നു പുറമേ, ശുശ്രൂ​ഷ​യു​ടെ ഗുണമേന്മ മെച്ച​പ്പെ​ടു​ത്താ​നുള്ള ലക്ഷ്യവും​കൂ​ടെ വെക്കുക. ഒരുപക്ഷേ നിങ്ങൾക്ക്‌ ഓരോ വീട്ടു​വാ​തിൽക്ക​ലും ഒരു തിരു​വെ​ഴു​ത്തു വായി​ക്കാ​നോ മടക്ക സന്ദർശ​ന​ങ്ങ​ളു​ടെ ഗുണനി​ല​വാ​രം വർധി​പ്പി​ക്കാ​നോ ഒരു ബൈബി​ള​ധ്യ​യനം തുടങ്ങാ​നോ ടെലി​ഫോൺ സാക്ഷീ​ക​ര​ണ​മോ സേവന​ത്തി​ന്റെ മറ്റേ​തെ​ങ്കി​ലും വശമോ ഉൾപ്പെ​ടു​ത്തി​ക്കൊണ്ട്‌ ശുശ്രൂഷ വികസി​പ്പി​ക്കാ​നോ ശ്രമി​ക്കാ​വു​ന്ന​താണ്‌. ഒരു അയൽക്കാ​ര​നെ​യോ സഹപാ​ഠി​യെ​യോ ബന്ധുവി​നെ​യോ ഈ വർഷം സ്‌മാ​ര​ക​ത്തി​നു കൂട്ടി​ക്കൊ​ണ്ടു വരിക എന്ന ലക്ഷ്യം വെക്കു​ന്ന​തി​നെ കുറി​ച്ചെന്ത്‌? ദിവ്യാ​ധി​പത്യ പ്രവർത്ത​ന​ങ്ങ​ളിൽ ഒരു പൂർണ പങ്കുണ്ടാ​യി​രി​ക്കു​ന്നത്‌ പ്രതി​ഫ​ല​ദാ​യ​ക​മാണ്‌, അത്‌ തീർച്ച​യാ​യും സഭയിലെ മറ്റുള്ള​വരെ പ്രോ​ത്സാ​ഹി​പ്പി​ക്കു​ക​യും ചെയ്യും.—1 തെസ്സ. 5:11.

¹⁸ പുരോഗതി പ്രാപി​ക്കാൻ പുതി​യ​വരെ സഹായി​ക്കുക: ഇന്ത്യയിൽ കഴിഞ്ഞ സേവന​വർഷം ശരാശരി 14,896 ഭവന ബൈബി​ള​ധ്യ​യ​നങ്ങൾ ഓരോ മാസവും നടത്ത​പ്പെട്ടു. കാല​ക്ര​മ​ത്തിൽ ഈ ബൈബിൾ വിദ്യാർഥി​ക​ളിൽ അനേകർ സമർപ്പ​ണ​ത്തി​ന്റെ​യും സ്‌നാ​പ​ന​ത്തി​ന്റെ​യും ഘട്ടത്തോ​ളം പുരോ​ഗ​മി​ക്കും. എന്നിരു​ന്നാ​ലും അവർ ആ ലക്ഷ്യത്തിൽ എത്തുന്ന​തി​നു​മുമ്പ്‌, സുവാർത്ത​യു​ടെ പ്രസാ​ധ​ക​രാ​യി യോഗ്യത പ്രാപി​ക്കാൻ നാം അവരെ സഹായി​ക്കേ​ണ്ട​തുണ്ട്‌. പുതി​യ​വരെ യേശു​ക്രി​സ്‌തു​വി​ന്റെ അനുഗാ​മി​ക​ളാ​യി​ത്തീ​രാൻ പഠിപ്പി​ക്കു​ന്ന​തി​ലെ ഒരു സുപ്ര​ധാന പടിയാണ്‌ ഇത്‌. (മത്താ. 9:9; ലൂക്കൊ. 6:40) ആ പടി സ്വീക​രി​ക്കാ​റായ ഒരു ബൈബിൾ വിദ്യാർഥി നിങ്ങൾക്കു​ണ്ടോ?

¹⁹ വിദ്യാർഥി വേണ്ടത്ര പുരോ​ഗതി കൈവ​രി​ച്ചി​ട്ടു​ണ്ടോ എന്നതു സംബന്ധിച്ച്‌ നിങ്ങൾക്ക്‌ ഉറപ്പി​ല്ലെ​ങ്കിൽ പുസ്‌ത​കാ​ധ്യ​യന മേൽവി​ചാ​ര​ക​ന്റെ​യോ സേവന​മേൽവി​ചാ​ര​ക​ന്റെ​യോ സഹായം തേടുക. അധ്യയ​ന​ത്തിന്‌ നിങ്ങ​ളോ​ടൊ​പ്പം വരാൻ അദ്ദേഹത്തെ ക്ഷണിക്കാ​വു​ന്ന​താണ്‌. ഒരു വിദ്യാർഥി​യു​ടെ ആത്മീയ പുരോ​ഗതി അളക്കാ​നു​ത​കുന്ന അമൂല്യ​മായ അനുഭ​വ​പ​രി​ചയം ഈ സഹോ​ദ​ര​ങ്ങൾക്കുണ്ട്‌. ആത്മീയ പുരോ​ഗതി വരുത്തു​ന്ന​തിൽ തുടരാൻ വിദ്യാർഥി​യെ സഹായി​ക്കുന്ന നിർദേ​ശങ്ങൾ അവർ നൽകി​യേ​ക്കാം.

²⁰ നിങ്ങളുടെ വിദ്യാർഥി സ്‌നാ​പ​ന​മേ​റ്റി​ട്ടി​ല്ലാത്ത ഒരു പ്രസാ​ധ​ക​നാ​യി​ത്തീ​രാ​നുള്ള ആഗ്രഹം പ്രകടി​പ്പി​ക്കു​ക​യും ആ വ്യക്തിക്ക്‌ അതിനുള്ള യോഗ്യ​ത​യു​ണ്ടെന്നു നിങ്ങൾ വിചാ​രി​ക്കു​ക​യും ചെയ്യു​ന്നെ​ങ്കിൽ അധ്യക്ഷ​മേൽവി​ചാ​ര​ക​നോട്‌ അക്കാര്യം പറയുക. വിദ്യാർഥി യോഗ്യ​നാ​ണോ എന്നു നിർണ​യി​ക്കാ​നാ​യി നിങ്ങ​ളെ​യും വിദ്യാർഥി​യെ​യും സന്ദർശി​ക്കാൻ അദ്ദേഹം രണ്ടു മൂപ്പന്മാ​രെ ക്രമീ​ക​രി​ക്കും. നമ്മുടെ ശുശ്രൂഷ പുസ്‌ത​ക​ത്തി​ലെ 98-9 പേജു​ക​ളി​ലെ വിവര​ങ്ങ​ളാണ്‌ അവർ ഉപയോ​ഗി​ക്കുക. (1989 ആഗസ്റ്റ്‌ 1 ലക്കം വീക്ഷാ​ഗോ​പു​ര​ത്തി​ന്റെ 20-ാം പേജ്‌ കാണുക.) ഒരു പ്രസാ​ധകൻ ആയിത്തീ​രാ​നുള്ള അനുമതി വിദ്യാർഥിക്ക്‌ ലഭിച്ചാൽ, നിങ്ങൾ ഉടനടി അദ്ദേഹത്തെ പരിശീ​ലി​പ്പി​ച്ചു തുടങ്ങണം. അയാൾ വയൽസേവന റിപ്പോർട്ട്‌ ഇടു​മ്പോൾ, ആ വിദ്യാർഥി സ്‌നാ​പ​ന​മേ​റ്റി​ട്ടി​ല്ലാത്ത ഒരു പ്രസാ​ധകൻ ആയിത്തീർന്നെന്ന്‌ സഭയിൽ അറിയി​പ്പു നടത്തും. പ്രവർത്ത​ന​ത്തി​ന്റെ ഈ പ്രത്യേക മാസങ്ങ​ളിൽ പ്രായ​ഭേ​ദ​മ​ന്യേ ആയിര​ക്ക​ണ​ക്കിന്‌ പുതിയ പ്രസാ​ധ​കർക്ക്‌ ഈ സുപ്ര​ധാ​ന​മായ ആത്മീയ ലക്ഷ്യത്തിൽ എത്തി​ച്ചേ​രാ​നാ​കു​മെ​ന്നാണ്‌ ഞങ്ങളുടെ പ്രതീക്ഷ.

²¹ ഏറ്റവുമധികം നന്മ ചെയ്യാൻ ആസൂ​ത്രണം സഹായി​ക്കു​ന്നു: സ്‌മാ​ര​ക​കാ​ലത്തെ നമ്മുടെ ദിവ്യാ​ധി​പത്യ പ്രവർത്ത​ന​ങ്ങ​ളു​ടെ വിജയ​ത്തിന്‌ മുന്ന​മേ​യുള്ള ആസൂ​ത്രണം സുപ്ര​ധാന പങ്കുവ​ഹി​ക്കു​ന്നു. (സദൃ. 21:5, NW) മൂപ്പന്മാർ ശ്രദ്ധ നൽകേണ്ട നിരവധി കാര്യ​ങ്ങ​ളുണ്ട്‌.

²² വയൽ ശുശ്രൂ​ഷ​യിൽ പരമാ​വധി ചെയ്യാ​നാ​യി സഹോ​ദ​ര​ങ്ങളെ സഹായി​ക്കു​ന്ന​തിന്‌, ഇടദി​വ​സ​ങ്ങ​ളി​ലും വാരാ​ന്ത​ങ്ങ​ളി​ലും വയൽ സേവന​യോ​ഗങ്ങൾ നടത്താ​നുള്ള പ്രാ​യോ​ഗിക ക്രമീ​ക​ര​ണങ്ങൾ മൂപ്പന്മാർ ചെയ്യണം. സേവന​മേൽവി​ചാ​ര​ക​നാണ്‌ ഈ ക്രമീ​ക​ര​ണങ്ങൾ ചെയ്യു​ന്ന​തിൽ മുൻകൈ എടു​ക്കേ​ണ്ടത്‌. അതിരാ​വി​ലെ​യും ഉച്ചതി​രി​ഞ്ഞും വൈകു​ന്നേ​ര​വും കൂടു​ത​ലാ​യി യോഗങ്ങൾ നടത്താൻ കഴിയു​മോ? ചെയ്‌തി​രി​ക്കുന്ന ക്രമീ​ക​ര​ണ​ങ്ങളെ കുറിച്ച്‌ സഭയെ അറിയി​ക്കേ​ണ്ട​താണ്‌. അതു സംബന്ധിച്ച പട്ടിക നോട്ടീസ്‌ ബോർഡിൽ ഇടുന്നത്‌ സഹായ​ക​മാ​യി​രി​ക്കും.

²³ സ്‌മാരക ക്രമീ​ക​ര​ണങ്ങൾ ഏപ്രിൽ 16-ന്‌ വളരെ മുമ്പു​തന്നെ പൂർത്തി​യാ​കു​ന്നു​വെന്ന്‌ മൂപ്പന്മാർ ഉറപ്പു​വ​രു​ത്തണം. രാജ്യ​ഹാൾ മറ്റു സഭകളും ഉപയോ​ഗി​ക്കു​ന്നു​ണ്ടെ​ങ്കിൽ എല്ലാ കാര്യ​ങ്ങ​ളും സംബന്ധിച്ച്‌ അവരു​മാ​യി ഒരു ധാരണ​യി​ലെത്തൽ, രാജ്യ​ഹാൾ ശുചീ​ക​രി​ക്കൽ, സേവക​ന്മാ​രെ​യും ചിഹ്നങ്ങൾ വിതരണം ചെയ്യു​ന്ന​വ​രെ​യും തിര​ഞ്ഞെ​ടു​ക്കൽ, ചിഹ്നങ്ങൾ തയ്യാറാ​ക്കൽ എന്നിങ്ങ​നെ​യുള്ള സംഗതി​കൾ ഇതിൽ ഉൾപ്പെ​ടു​ന്നു. സ്‌മാ​ര​കാ​ച​രണം നടക്കുന്ന സ്ഥലത്തെ​യും സമയ​ത്തെ​യും കുറി​ച്ചും ആ വാരത്തി​ലെ യോഗ​ക്ര​മീ​ക​ര​ണ​ത്തിൽ പൊരു​ത്ത​പ്പെ​ടു​ത്ത​ലു​കൾ വരുത്തി​യി​ട്ടു​ണ്ടെ​ങ്കിൽ അതു സംബന്ധി​ച്ചും സഭയെ അറിയി​ക്കേ​ണ്ട​താണ്‌. ഈ കാര്യ​ങ്ങ​ളി​ലുള്ള ഉത്സാഹം സ്‌മാ​ര​കാ​ച​രണം ‘ഉചിത​മാ​യും ക്രമമാ​യും നടക്കാൻ’ ഇടയാ​ക്കും.—1 കൊരി. 14:40

²⁴ സ്‌മാരകകാലത്ത്‌ കുടും​ബാം​ഗ​ങ്ങൾക്ക്‌ എങ്ങനെ ശുശ്രൂ​ഷ​യിൽ വർധിച്ച പങ്കുണ്ടാ​യി​രി​ക്കാ​നാ​കും എന്നതിനെ കുറിച്ച്‌ കുടും​ബാ​ധ്യ​യന വേളയിൽ ചർച്ച ചെയ്യാൻ കുടും​ബ​നാ​ഥ​ന്മാർ ആഗ്രഹി​ച്ചേ​ക്കാം. എല്ലാ കുടും​ബാം​ഗ​ങ്ങൾക്കും സഹായ പയനി​യ​റിങ്‌ ചെയ്യാ​നാ​കു​മോ? അല്ലെങ്കിൽ സഹായ പയനി​യി​റിങ്‌ ചെയ്യാൻ കുടും​ബ​ത്തി​ലെ ഒന്നോ അതിൽ കൂടു​ത​ലോ അംഗങ്ങളെ മറ്റുള്ള​വർക്കു സഹായി​ക്കാ​നാ​കു​മോ? അതു നടക്കി​ല്ലെ​ങ്കിൽ, ഒരു കുടും​ബം എന്ന നിലയിൽ കൂടുതൽ സമയം ശുശ്രൂ​ഷ​യിൽ ചെലവ​ഴി​ക്കാൻ നിർദിഷ്ട ലക്ഷ്യങ്ങൾ വെക്കുക. അൽപ്പം പ്രോ​ത്സാ​ഹ​ന​വും സഹായ​വും ലഭിക്കു​ക​യാ​ണെ​ങ്കിൽ സ്‌നാ​പ​ന​മേ​റ്റി​ട്ടി​ല്ലാത്ത ഒരു പ്രസാ​ധ​ക​നാ​യി​ത്തീ​രാ​നുള്ള യോഗ്യത പ്രാപി​ച്ചേ​ക്കാ​വുന്ന പ്രായം കുറഞ്ഞ ഒരു അംഗം നിങ്ങളു​ടെ കുടും​ബ​ത്തിൽ ഉണ്ടോ? ഈ വർഷം നിങ്ങളു​ടെ കുടും​ബ​ത്തിന്‌ എത്ര പേരെ സ്‌മാ​ര​ക​ത്തിന്‌ ക്ഷണിക്കാ​നാ​കും? നല്ല ആസൂ​ത്ര​ണ​മു​ണ്ടെ​ങ്കിൽ അനേകം അനു​ഗ്ര​ഹ​ങ്ങ​ളും സന്തോ​ഷ​വും ആസ്വദി​ക്കാൻ നിങ്ങളു​ടെ കുടും​ബ​ത്തി​നു കഴിയും.

²⁵ ശേഷിക്കുന്ന കാലം പൂർണ​മാ​യി പ്രയോ​ജ​ന​പ്പെ​ടു​ത്തുക: ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​കൾക്ക്‌ എഴുതി​യ​പ്പോൾ, അപ്പൊ​സ്‌ത​ല​നായ പത്രൊസ്‌ അവരെ കാലത്തി​ന്റെ അടിയ​ന്തി​രത സംബന്ധിച്ച്‌ ഓർമി​പ്പി​ച്ചു. കാരണം, യഹൂദ വ്യവസ്ഥി​തി​യു​ടെ അന്ത്യം അടുത്തി​രു​ന്നു. (1 പത്രൊ. 4:7) ഈ ലോക​വ്യ​വ​സ്ഥി​തി​യു​ടെ അന്ത്യവും സമീപി​ച്ചി​രി​ക്കു​ന്നു​വെന്ന്‌ ഇന്നത്തെ എല്ലാ തെളി​വു​ക​ളും സൂചി​പ്പി​ക്കു​ന്നു. ഓരോ ദിനവും നമ്മുടെ ജീവി​ത​രീ​തി ആ ബോധ്യ​ത്തെ പ്രതി​ഫ​ലി​പ്പി​ക്കണം. യഹോ​വ​യു​ടെ തീക്ഷ്‌ണ​രായ ദാസരെന്ന നിലയിൽ, സുവാർത്താ ഘോഷ​ണ​മെന്ന അടിയ​ന്തിര വേലയിൽ നാം ശ്രദ്ധ പതിപ്പി​ക്കണം.—തീത്തൊ. 2:13, 14.

²⁶ ഊർജസ്വലതയോടെ പ്രവർത്തി​ക്കേണ്ട സമയമാണ്‌ ഇപ്പോൾ! യഹോവ നിങ്ങൾക്കും നിങ്ങളു​ടെ കുടും​ബ​ത്തി​നും സഭയ്‌ക്കും വേണ്ടി ചെയ്‌തി​രി​ക്കുന്ന സംഗതി​കളെ കുറിച്ച്‌ ധ്യാനി​ക്കുക. അവൻ നമുക്കാ​യി ചെയ്‌തി​രി​ക്കുന്ന ഉപകാ​രങ്ങൾ നിരവ​ധി​യാണ്‌. അവയ്‌ക്കെ​ല്ലാം​വേണ്ടി പൂർണ​മാ​യി പകരം നൽകാൻ നമുക്ക്‌ ഒരിക്ക​ലു​മാ​വില്ല. എങ്കിലും, നമുക്ക്‌ അവനെ മുഴു​ഹൃ​ദ​യ​ത്തോ​ടും ആത്മാ​വോ​ടും മനസ്സോ​ടും കൂടെ ആരാധി​ക്കാം. (സങ്കീ. 116:12-14) ശുഷ്‌കാ​ന്തി​യോ​ടെ​യുള്ള നമ്മുടെ ശ്രമങ്ങളെ യഹോവ അനു​ഗ്ര​ഹി​ക്കും. (സദൃ. 10:22) വർധിച്ച പ്രവർത്ത​ന​ത്തി​ന്റെ ഈ പ്രത്യേക സമയത്ത്‌, ‘എല്ലാറ​റി​ലും ദൈവം യേശു​ക്രി​സ്‌തു മൂലം മഹത്വ​പ്പെ​ടേ​ണ്ട​തിന്‌’ നമു​ക്കേ​വർക്കും ‘നന്മ ചെയ്യു​ന്ന​തിൽ ശുഷ്‌കാ​ന്തി​യു​ള്ളവർ’ ആകാം.—1 പത്രൊ. 3:13; 4:11.

[3-ാം പേജിലെ ചതുരം]

ലോകവ്യാപക സ്‌മാരക ഹാജർ

1999 1,40,88,751

2000 1,48,72,086

2001 1,53,74,986

2002 1,55,97,746

[4-ാം പേജിലെ ചതുരം]

സ്‌മാരകത്തിന്‌ നിങ്ങൾ ആരെ​യൊ​ക്കെ ക്ഷണിക്കും?

□ അടുത്ത കുടും​ബാം​ഗ​ങ്ങ​ളെ​യും ബന്ധുക്ക​ളെ​യും

□ അയൽക്കാ​രെ​യും പരിച​യ​ക്കാ​രെ​യും

□ സഹജോ​ലി​ക്കാ​രെ​യും സഹപാ​ഠി​ക​ളെ​യും

□ മടക്കസ​ന്ദർശ​ന​ങ്ങ​ളി​ലു​ള്ള​വ​രെ​യും ബൈബിൾ വിദ്യാർഥി​ക​ളെ​യും

[5-ാം പേജിലെ ചതുരം]

സ്‌മാരകത്തിന്‌ സന്നിഹി​ത​രാ​കു​ന്ന​വരെ സഹായി​ക്കു​ക

□ ഊഷ്‌മ​ള​മാ​യി സ്വാഗതം ചെയ്യുക

□ അവരെ വീണ്ടും സന്ദർശി​ക്കു​ക

□ ബൈബി​ള​ധ്യ​യനം വാഗ്‌ദാ​നം ചെയ്യുക

□ പ്രത്യേക പരസ്യ​പ്ര​സം​ഗ​ത്തിന്‌ അവരെ ക്ഷണിക്കുക

[6-ാം പേജിലെ ചതുരം]

സ്‌മാരകകാലത്തേക്കുള്ള നിങ്ങളു​ടെ ലക്ഷ്യങ്ങൾ ഏവ?

□ നിങ്ങൾ ക്ഷണിച്ച ആരെ​യെ​ങ്കി​ലും സ്‌മാ​ര​ക​ത്തിന്‌ കൊണ്ടു​വ​രി​ക

□ സുവാർത്ത​യു​ടെ പ്രസാ​ധ​ക​നാ​യി യോഗ്യത പ്രാപി​ക്കു​ക

□ ശുശ്രൂ​ഷ​യിൽ ഒരു നിശ്ചിത മണിക്കൂർ ചെലവ​ഴി​ക്കു​ക

□ ശുശ്രൂ​ഷ​യു​ടെ ഏതെങ്കി​ലു​മൊ​രു മേഖല​യിൽ പുരോ​ഗതി വരുത്തുക

□ സഹായ പയനി​യ​റിങ്‌ ചെയ്യുക