വയൽശു​ശ്രൂഷ—പൂർണ പങ്കുണ്ടാ​യി​രി​ക്കാൻ കുടും​ബാം​ഗ​ങ്ങൾക്കു സഹകരി​ക്കാ​വുന്ന വിധം

¹ യഹോ​വ​യു​ടെ നാമത്തെ പരസ്യ​മാ​യി പ്രകീർത്തി​ച്ചു​കൊണ്ട്‌ ഭാര്യ​മാ​രും ഭർത്താ​ക്ക​ന്മാ​രും, മാതാ​പി​താ​ക്ക​ളും മക്കളും ക്രിസ്‌തീയ ശുശ്രൂ​ഷ​യിൽ കൈ​കോർത്തു പ്രവർത്തി​ക്കു​ന്നതു കാണു​ന്ന​തി​നെ​ക്കാൾ ഹൃദ​യോഷ്‌മ​ള​മാ​യി എന്തുണ്ട്‌? (സങ്കീ. 148:12, 13) വയൽ സേവന​ത്തിൽ ക്രമമാ​യി സംബന്ധി​ക്കു​ന്ന​തിന്‌ എല്ലാ കുടും​ബ​ങ്ങൾക്കും ഒരു നല്ല ചര്യ ഉണ്ടായി​രി​ക്കണം. ശുശ്രൂ​ഷ​യിൽ പങ്കെടു​ക്കാ​നാ​യി നിങ്ങളു​ടെ കുടും​ബം ആഴ്‌ച​യിൽ ഒരു നിശ്ചിത ദിവസം പട്ടിക​പ്പെ​ടു​ത്തി​യി​ട്ടു​ണ്ടോ? ഉണ്ടെങ്കിൽ, കൃത്യ​മാ​യും എന്തൊക്കെ ആസൂ​ത്ര​ണങ്ങൾ ചെയ്യണ​മെന്ന്‌ എല്ലാവർക്കും അറിയാ​മാ​യി​രി​ക്കും; അങ്ങനെ ശുശ്രൂ​ഷ​യിൽ പൂർണ​മായ ഒരു പങ്ക്‌ ഉണ്ടായി​രി​ക്കാൻ കഴിയും.—സദൃ. 21:5എ.

² സേവന​ത്തിൽ പങ്കെടു​ക്കുന്ന ദിവസ​ത്തി​നു മുമ്പ്‌, നിങ്ങളു​ടെ കുടും​ബം ഉപയോ​ഗി​ക്കാൻ പോകുന്ന അവതര​ണങ്ങൾ നിങ്ങൾക്ക്‌ ഒരുമി​ച്ചു തയ്യാറാ​ക​രു​തോ? അവതര​ണങ്ങൾ പരിശീ​ലി​ച്ചു നോക്കു​ന്നതു തികച്ചും സഹായ​ക​മാണ്‌, അതു കുടുംബ സഹകര​ണ​ത്തി​ന്റെ യഥാർഥ ആത്മാവി​നെ ഊട്ടി​വ​ളർത്തു​ന്നു. വയൽ ശുശ്രൂഷ ഒരു കുടുംബ പ്രവർത്തനം ആയിരി​ക്കു​ക​യും എല്ലാ അംഗങ്ങ​ളും നന്നായി തയ്യാറാ​കു​ക​യും ചെയ്യു​മ്പോൾ അത്‌ എത്ര പ്രതി​ഫ​ല​ദാ​യ​ക​മാണ്‌!

³ ഒരു സഞ്ചാര മേൽവി​ചാ​രകൻ ഒരു കുടും​ബ​ത്തോ​ടൊ​പ്പം മാസികാ പ്രവർത്ത​ന​ത്തിൽ ഏർപ്പെട്ടു. അദ്ദേഹം ആ കുടും​ബ​ത്തി​ലെ പെൺമ​ക്ക​ളിൽ ഒരാ​ളോ​ടൊ​പ്പം പ്രവർത്തി​ക്കു​ക​യാ​യി​രു​ന്നു. “എന്നോ​ടൊ​പ്പം സഹോ​ദരൻ എത്ര നേരം പ്രവർത്തി​ക്കും?” എന്ന്‌ ആ സഹോ​ദരി സഞ്ചാര മേൽവി​ചാ​ര​ക​നോട്‌ ചോദി​ച്ചു. അതിനു​ശേഷം താൻ തന്റെ പപ്പാ​യോ​ടൊ​പ്പം പ്രവർത്തി​ക്കാൻ ആഗ്രഹി​ക്കു​ന്നു​വെന്ന്‌ അവൾ തുടർന്ന്‌ വിശദീ​ക​രി​ച്ചു. ഇത്‌, അവളും പിതാ​വും സേവന​ത്തിൽ ഒന്നിച്ചു പ്രവർത്തി​ക്കു​ന്നത്‌ എത്രകണ്ട്‌ ആസ്വദി​ച്ചി​രു​ന്നു എന്നു വ്യക്തമാ​ക്കു​ന്നു. എത്ര നല്ല ഒരു കുടും​ബാ​ത്മാവ്‌!

⁴ ചില കുടും​ബ​ങ്ങ​ളിൽ, വർഷത്തിൽ ഒരു മാസം എല്ലാ അംഗങ്ങൾക്കും ഒന്നിച്ചു സഹായ പയനി​യ​റിങ്‌ ചെയ്യാൻ സാധി​ച്ചേ​ക്കും. അല്ലെങ്കിൽ, കുറഞ്ഞ​പക്ഷം കുടും​ബ​ത്തി​ലെ ഒരംഗ​ത്തിന്‌ തുടർച്ച​യാ​യി സഹായ പയനി​യ​റിങ്‌ ചെയ്യാ​നോ നിരന്തര പയനി​യ​റാ​യി പേർ ചാർത്താ​നോ കഴി​ഞ്ഞേ​ക്കും. നല്ല ആസൂ​ത്ര​ണ​വും സഹകര​ണ​വും ഉണ്ടെങ്കിൽ, പയനി​യ​റിങ്‌ ചെയ്യുന്ന വ്യക്തിക്കു പിന്തു​ണ​യേ​കി​ക്കൊണ്ട്‌ കുടും​ബ​ത്തി​ലെ എല്ലാ അംഗങ്ങൾക്കും സേവന​ത്തി​ലുള്ള തങ്ങളുടെ വ്യക്തി​പ​ര​മായ പങ്കു വർധി​പ്പി​ക്കാൻ സാധി​ക്കും. ഈ വർധിച്ച പ്രവർത്ത​ന​ത്താ​ലും ശുശ്രൂ​ഷ​യിൽ ആസ്വദി​ക്കാൻ സാധി​ക്കുന്ന നല്ല അനുഭ​വ​ങ്ങ​ളാ​ലും കുടും​ബം അനു​ഗ്ര​ഹി​ക്ക​പ്പെ​ടും എന്നതു തീർച്ച​യാണ്‌.—മലാ. 3:10.

⁵ സുവി​ശേഷ വേലയിൽ ഒരു പൂർണ പങ്ക്‌ ഉണ്ടായി​രി​ക്കു​ന്നത്‌, കുടും​ബാം​ഗ​ങ്ങളെ പരസ്‌പരം അടുപ്പി​ക്കു​ക​യും യഹോ​വ​യു​ടെ സേവന​ത്തിൽ തീക്ഷ്‌ണത ഉള്ളവരും ഫലപ്ര​ദ​രും സന്തുഷ്ട​രും ആയിരി​ക്കു​ന്ന​തി​നു സഹായി​ക്കു​ക​യും ചെയ്യും!—ഫിലി​പ്പി​യർ 2:1, 2 താരത​മ്യം ചെയ്യുക.