പുതിയ സേവന​വർഷ​ത്തേ​ക്കുള്ള മൂല്യ​വ​ത്തായ ഒരു ലാക്ക്‌

1. പുതിയ സേവന​വർഷ​ത്തി​ലേക്കു നമുക്കു വെക്കാ​നാ​കുന്ന ഒരു ലാക്ക്‌ എന്താണ്‌?

¹ ആത്മീയ പുരോ​ഗതി വരുത്താൻ ആഗ്രഹി​ക്കു​ന്നെ​ങ്കിൽ നാം ലാക്കുകൾ വെക്കേ​ണ്ട​തുണ്ട്‌. പുതിയ സേവന​വർഷ​ത്തേക്ക്‌ നിങ്ങൾ എന്തെല്ലാം ലാക്കു​ക​ളാ​ണു വെച്ചി​രി​ക്കു​ന്നത്‌? ഒന്നോ അതില​ധി​ക​മോ മാസം സഹായ പയനി​യ​റിങ്‌ ചെയ്യുക എന്നതാണ്‌ ഉത്‌കൃ​ഷ്ട​മായ ഒരു ലാക്ക്‌. ആസ്വാ​ദ്യ​മായ ഈ വേലയ്‌ക്ക്‌ മുന്ന​മേ​യുള്ള ആസൂ​ത്രണം ആവശ്യ​മാ​യ​തി​നാൽ അതി​നെ​ക്കു​റി​ച്ചു ചിന്തി​ച്ചു​തു​ട​ങ്ങാ​നുള്ള ഉചിത​മായ സമയം ഇപ്പോ​ഴാണ്‌. സഹായ പയനി​യ​റിങ്‌ ഒരു ലക്ഷ്യമാ​ക്കേ​ണ്ടത്‌ എന്തു​കൊണ്ട്‌?

2. സഹായ പയനി​യ​റിങ്‌ ഒരു ലക്ഷ്യമാ​ക്കേ​ണ്ടത്‌ എന്തു​കൊണ്ട്‌?

² സഹായ പയനി​യ​റി​ങ്ങി​നുള്ള കാരണങ്ങൾ: ശുശ്രൂ​ഷ​യിൽ കൂടുതൽ സമയം ചെലവ​ഴി​ച്ചു​കൊണ്ട്‌ നമ്മുടെ സ്വർഗീയ പിതാ​വി​നെ “ഇനിയും അധികം” പ്രസാ​ദി​പ്പി​ക്കാൻ സഹായ പയനി​യ​റിങ്‌ നമ്മെ സഹായി​ക്കും. (1 തെസ്സ. 4:1) യഹോവ നമുക്കാ​യി ചെയ്‌തി​രി​ക്കുന്ന എല്ലാറ്റി​നെ​ക്കു​റി​ച്ചും ചിന്തി​ക്കു​മ്പോൾ അവനെ​ക്കു​റി​ച്ചു മറ്റുള്ള​വ​രോ​ടു സംസാ​രി​ക്കാൻ നമ്മുടെ ഹൃദയം പ്രേരി​ത​മാ​കും. (സങ്കീ. 34:1, 2) ശുശ്രൂ​ഷ​യിൽ കൂടുതൽ ചെയ്യു​ന്ന​തി​നാ​യി നാം ചെയ്യുന്ന ത്യാഗങ്ങൾ അവൻ നിരീ​ക്ഷി​ക്കു​ക​യും വിലമ​തി​ക്കു​ക​യും ചെയ്യുന്നു. (എബ്രാ. 6:10) കഠിന​ശ്രമം ചെയ്‌ത്‌ നാം യഹോ​വയെ പ്രസാ​ദി​പ്പി​ക്കു​ന്നു എന്ന തിരി​ച്ച​റിവ്‌ നമുക്കു വർധിച്ച സന്തോ​ഷ​മേ​കും.—1 ദിന. 29:9.

3, 4. സഹായ പയനി​യ​റിങ്‌ ചെയ്യു​ന്ന​തു​കൊ​ണ്ടുള്ള പ്രയോ​ജ​നങ്ങൾ എന്തെല്ലാം?

³ സാധാരണഗതിയിൽ ഒരു കാര്യം നിങ്ങൾ എത്ര കൂടുതൽ ചെയ്യു​ന്നു​വോ അത്‌ അത്ര എളുപ്പ​വും ആസ്വാ​ദ്യ​വു​മാ​യി​ത്തീ​രും. ശുശ്രൂ​ഷ​യിൽ കൂടുതൽ സമയം ചെലവ​ഴി​ക്കു​ന്നത്‌ പിരി​മു​റു​ക്കം കൂടാതെ വീടു​തോ​റും പ്രസം​ഗി​ക്കാൻ നിങ്ങളെ സഹായി​ക്കും. സംഭാ​ഷ​ണ​ങ്ങൾക്കു തുടക്ക​മി​ടു​ന്ന​തി​ലും ബൈബിൾ ഉപയോ​ഗി​ക്കു​ന്ന​തി​ലും നിങ്ങൾ വിദഗ്‌ധ​രാ​കും. നിങ്ങളു​ടെ വിശ്വാ​സ​ത്തെ​ക്കു​റിച്ച്‌ സംസാ​രി​ക്കു​ന്ന​തി​ന​നു​സ​രിച്ച്‌ അത്‌ കൂടുതൽ ശക്തമാ​യി​ത്തീ​രും. മുമ്പു ബൈബി​ള​ധ്യ​യനം ഇല്ലാതി​രുന്ന അനേകർക്കും സഹായ പയനി​യ​റിങ്‌ മൂലം അധ്യയനം തുടങ്ങാ​നാ​യി​ട്ടുണ്ട്‌.

⁴ ചിലരുടെ കാര്യ​ത്തിൽ, വിരസ​മായ ആത്മീയ​ച​ര്യ​യിൽനി​ന്നു പുറത്തു​വ​രാൻ സഹായ പയനി​യ​റിങ്‌ ഒരു പ്രോ​ത്സാ​ഹ​ന​മാ​യി ഉതകി​യേ​ക്കാം. തന്റെ തൊഴി​ലി​നു കൂടുതൽ പ്രാധാ​ന്യം കൊടു​ക്കു​ന്നു എന്നു തിരി​ച്ച​റിഞ്ഞ ഒരു മുൻ സാധാരണ പയനിയർ ഒരു മാസം സഹായ പയനി​യ​റിങ്‌ ചെയ്യാൻ തീരു​മാ​നി​ച്ചു. അദ്ദേഹം ഇങ്ങനെ പറഞ്ഞു: “ആ ഒരു മാസം​കൊണ്ട്‌ ഞാൻ ആത്മീയ​മാ​യി എത്രമാ​ത്രം ഉന്മേഷ​വാ​നാ​യി എന്നത്‌ എനിക്കു വിശ്വ​സി​ക്കാ​നാ​യില്ല! തുടർച്ച​യാ​യി സഹായ പയനി​യ​റിങ്‌ ചെയ്യാൻ ഞാൻ ക്രമീ​ക​ര​ണങ്ങൾ ചെയ്‌തു. വീണ്ടും ഒരു സാധാരണ പയനിയർ ആയിത്തീ​രാൻ അതെന്നെ സഹായി​ച്ചു.”

5. പ്രാപ്‌തി കുറവാ​ണെന്ന തോന്ന​ലി​നെ എങ്ങനെ മറിക​ട​ക്കാ​നാ​യേ​ക്കും?

⁵ തടസ്സങ്ങൾ തരണം​ചെ​യ്യുക: തങ്ങൾക്കു പ്രസം​ഗി​ക്കാ​നുള്ള കഴി​വൊ​ന്നു​മി​ല്ലെന്നു കരുതുന്ന ചിലർ സഹായ പയനി​യ​റി​ങ്ങിന്‌ അപേക്ഷി​ക്കാൻ മടി​ച്ചേ​ക്കാം. നിങ്ങളെ തടയു​ന്നത്‌ അതാ​ണെ​ങ്കിൽ യിരെ​മ്യാ​വി​ന്റെ കാര്യ​ത്തി​ലെ​ന്ന​പോ​ലെ നിങ്ങ​ളെ​യും സഹായി​ക്കാൻ യഹോ​വ​യ്‌ക്കു കഴിയും. (യിരെ. 1:6-10) മോശെ “വിക്കനും തടിച്ച​നാ​വു​ള്ള​വ​നും” ആയിരു​ന്നി​ട്ടും തന്റെ ഹിതം നിറ​വേ​റ്റാൻ യഹോവ അവനെ ഉപയോ​ഗി​ച്ചു. (പുറ. 4:10-12) നിങ്ങൾക്കു പ്രാപ്‌തി കുറവാ​ണെന്നു തോന്നു​ന്നെ​ങ്കിൽ ധൈര്യ​ത്തി​നാ​യി യഹോ​വ​യോ​ടു യാചി​ക്കുക.

6. ആരോ​ഗ്യ​പ്ര​ശ്‌ന​ങ്ങ​ളോ തിര​ക്കേ​റിയ പട്ടിക​യോ ഉണ്ടെങ്കി​ലും സഹായ പയനി​യ​റിങ്‌ ചെയ്യാൻ കഴി​ഞ്ഞേ​ക്കാ​വു​ന്നത്‌ എങ്ങനെ?

⁶ ആരോഗ്യപ്രശ്‌നങ്ങളോ തിര​ക്കേ​റിയ പട്ടിക​യോ നിമി​ത്ത​മാ​ണോ നിങ്ങൾ അപേക്ഷി​ക്കാ​ത്തത്‌? നിങ്ങൾ ഒരു രോഗി​യാ​ണെ​ങ്കിൽ നിങ്ങളു​ടെ ആരോ​ഗ്യം അനുവ​ദി​ക്കു​ന്ന​തിന്‌ അനുസ​രി​ച്ചു പ്രവർത്തി​ക്കാ​നുള്ള ക്രമീ​ക​ര​ണങ്ങൾ ചെയ്യു​ന്ന​പക്ഷം ഒരു സഹായ പയനി​യ​റാ​യി സേവി​ക്കാ​നാ​യേ​ക്കും. നിങ്ങൾ വളരെ തിരക്കുള്ള വ്യക്തി​യാ​ണെ​ങ്കിൽ അത്ര അത്യാ​വ​ശ്യ​മ​ല്ലാത്ത ചില കാര്യങ്ങൾ അടുത്ത മാസ​ത്തേക്കു മാറ്റി​വെ​ക്കാൻ നിങ്ങൾക്കു കഴി​ഞ്ഞേ​ക്കും. മുഴു​സമയ ജോലി​യുള്ള ചിലർക്ക്‌ ഒന്നോ രണ്ടോ ദിവസം അവധി​യെ​ടു​ത്തു​കൊണ്ട്‌ സമയം വിലയ്‌ക്കു​വാ​ങ്ങി സഹായ പയനി​യ​റിങ്‌ ചെയ്യാ​നാ​യി​ട്ടുണ്ട്‌.—കൊലൊ. 4:5, NW.

7. സഹായ പയനി​യ​റിങ്‌ ഒരു പ്രാർഥനാ വിഷയ​മാ​ക്കു​ന്നതു പ്രയോ​ജ​ന​പ്ര​ദ​മാ​യി​രി​ക്കു​ന്നത്‌ എന്തു​കൊണ്ട്‌?

⁷ അത്‌ എങ്ങനെ ചെയ്യാം: നിങ്ങളു​ടെ ആഗ്രഹം പ്രാർഥനാ വിഷയ​മാ​ക്കുക. ശുശ്രൂ​ഷ​യി​ലെ പങ്കു വർധി​പ്പി​ക്കാ​നുള്ള നിങ്ങളു​ടെ ശ്രമങ്ങളെ അനു​ഗ്ര​ഹി​ക്കാ​നാ​യി യഹോ​വ​യോട്‌ അപേക്ഷി​ക്കുക. (റോമ. 12:11-13) നിങ്ങളു​ടെ പട്ടിക​യിൽ എങ്ങനെ പൊരു​ത്ത​പ്പെ​ടു​ത്തൽ വരുത്താം എന്നതു സംബന്ധിച്ച ജ്ഞാനപൂർവ​ക​മായ തീരു​മാ​നങ്ങൾ എടുക്കാൻ അവനു നിങ്ങളെ സഹായി​ക്കാ​നാ​കും. (യാക്കോ. 1:5) നിങ്ങൾക്കു പയനി​യ​റിങ്‌ ചെയ്യാൻ താത്‌പ​ര്യം തോന്നു​ന്നി​ല്ലെ​ങ്കിൽ, പ്രസം​ഗ​വേ​ല​യിൽ സന്തോഷം കണ്ടെത്തു​ന്ന​തി​നുള്ള സഹായ​ത്തി​നാ​യി യഹോ​വ​യോ​ടു പ്രാർഥി​ക്കുക.—ലൂക്കൊ. 10:1, 17.

8. സദൃശ​വാ​ക്യ​ങ്ങൾ 15:22 ബാധക​മാ​ക്കു​ന്നത്‌ സഹായ പയനി​യ​റിങ്‌ ചെയ്യാൻ നിങ്ങളെ എങ്ങനെ സഹായി​ച്ചേ​ക്കാം?

⁸ സഹായ പയനി​യ​റിങ്‌ എന്ന ലാക്കി​നെ​ക്കു​റി​ച്ചു കുടും​ബം ഒത്തൊ​രു​മി​ച്ചു ചർച്ച ചെയ്യുക. (സദൃ. 15:22) കുടും​ബ​ത്തി​ലെ മറ്റുള്ള​വ​രു​ടെ പിന്തു​ണ​യോ​ടെ ഒരംഗ​ത്തി​നു സഹായ പയനി​യ​റിങ്‌ ചെയ്യാ​നാ​യേ​ക്കും. പയനി​യ​റിങ്‌ ചെയ്യാ​നുള്ള നിങ്ങളു​ടെ ആഗ്രഹ​ത്തെ​ക്കു​റിച്ച്‌ സഭയിലെ മറ്റുള്ള​വ​രു​മാ​യി വിശേ​ഷി​ച്ചും സമാന​മായ സാഹച​ര്യ​ങ്ങ​ളു​ള്ള​വ​രു​മാ​യി ചർച്ച ചെയ്യുക. ഇത്‌ അതിയായ ഉത്സാഹ​ത്തോ​ടെ സഹായ പയനി​യ​റിങ്‌ ചെയ്യാൻ അവർക്കും ഒരു പ്രചോ​ദ​ന​മാ​യേ​ക്കാം.

9. സഹായ പയനി​യ​റി​ങ്ങി​നാ​യി ഏതെല്ലാം മാസങ്ങ​ളാ​യി​രി​ക്കും നിങ്ങൾ തിര​ഞ്ഞെ​ടു​ക്കുക?

⁹ പുതിയ സേവന​വർഷ​ത്തേ​ക്കുള്ള നിങ്ങളു​ടെ ദിവ്യാ​ധി​പത്യ കലണ്ടർ നോക്കി​യാൽ ഏതു മാസമാ​യി​രി​ക്കും നിങ്ങൾക്കു സഹായ പയനി​യ​റിങ്‌ ചെയ്യാൻ കഴിയുക? നിങ്ങൾ മുഴു​സമയ ജോലി​യുള്ള ഒരാളോ വിദ്യാർഥി​യോ ആണെങ്കിൽ അവധി ദിനങ്ങ​ളോ അഞ്ചു ശനിയാ​ഴ്‌ച​യോ ഞായറാ​ഴ്‌ച​യോ ഉള്ള മാസങ്ങൾ നിങ്ങൾ കണക്കി​ലെ​ടു​ത്തേ​ക്കാം. ഉദാഹ​ര​ണ​ത്തിന്‌ സെപ്‌റ്റം​ബർ, ഡിസംബർ, മാർച്ച്‌, ആഗസ്റ്റ്‌ എന്നീ മാസങ്ങൾക്ക്‌ അഞ്ചു പൂർണ വാരാ​ന്ത​ങ്ങ​ളുണ്ട്‌. മേയിൽ അഞ്ചു ശനിയാ​ഴ്‌ച​യും ജൂണിൽ അഞ്ചു ഞായറാ​ഴ്‌ച​യും ഉണ്ട്‌. നിങ്ങൾക്ക്‌ എന്തെങ്കി​ലും ആരോ​ഗ്യ​പ്ര​ശ്‌നങ്ങൾ ഉണ്ടെങ്കിൽ സാധാ​ര​ണ​മാ​യി നല്ല കാലാ​വ​സ്ഥ​യുള്ള മാസങ്ങൾ തിര​ഞ്ഞെ​ടു​ക്കുക. സഞ്ചാര മേൽവി​ചാ​രകൻ സഭ സന്ദർശി​ക്കുന്ന മാസം പയനി​യ​റി​ങ്ങി​നാ​യി നിങ്ങൾ തിര​ഞ്ഞെ​ടു​ത്തേ​ക്കാം. സന്ദർശന വാരത്തിൽ അദ്ദേഹം സാധാരണ പയനി​യർമാ​രു​മാ​യി നടത്തുന്ന യോഗ​ത്തി​ന്റെ ആദ്യ പകുതി​യിൽ സംബന്ധി​ക്കു​ന്ന​തി​നുള്ള പ്രത്യേക പദവി നിങ്ങൾക്കു ലഭിക്കും. അടുത്ത വർഷത്തെ സ്‌മാ​രകം മാർച്ച്‌ 22-ന്‌ ആയതി​നാൽ മാർച്ച്‌, ഏപ്രിൽ, മേയ്‌ മാസങ്ങൾ അനു​യോ​ജ്യ​മാണ്‌. നിങ്ങൾ സഹായ പയനി​യ​റിങ്‌ ചെയ്യാ​നാ​യി ഒരു മാസമോ ഏതാനും മാസങ്ങ​ളോ തിര​ഞ്ഞെ​ടു​ത്തു കഴിഞ്ഞാൽ മണിക്കൂർ വ്യവസ്ഥ​യിൽ എത്തി​ച്ചേ​രാൻ സഹായി​ക്കു​ന്ന​തരം ഒരു പട്ടിക ഉണ്ടാക്കുക.

10. സഹായ പയനി​യ​റിങ്‌ ചെയ്യാൻ കഴിയു​ന്നി​ല്ലെ​ങ്കിൽ നിങ്ങൾക്ക്‌ എന്തു ചെയ്യാ​നാ​കും?

¹⁰ അടുത്ത സേവന​വർഷം സഹായ പയനി​യ​റിങ്‌ ചെയ്യാൻ കഴിയി​ല്ലെന്നു തോന്നു​ന്നെ​ങ്കിൽ അപ്പോ​ഴും നിങ്ങൾക്കു പയനിയർ ആത്മാവ്‌ നിലനി​റു​ത്താ​നാ​കും. നിങ്ങൾക്കു​ള്ള​തിൽ ഏറ്റവും നല്ലത്‌ യഹോ​വ​യ്‌ക്കു കൊടു​ക്കാ​നുള്ള നിങ്ങളു​ടെ ശ്രമങ്ങ​ളിൽ അവൻ പ്രസാ​ദി​ക്കും എന്ന ഉറപ്പോ​ടെ ശുശ്രൂ​ഷ​യിൽ കഴിവി​ന്റെ പരമാ​വധി ചെയ്യു​ന്ന​തിൽ തുടരുക. (ഗലാ. 6:4) പിന്തു​ണ​യേ​കു​ന്ന​വ​രാ​യി​രി​ക്കുക. സഹായ പയനി​യ​റിങ്‌ ചെയ്യാൻ കഴിയു​ന്ന​വരെ പ്രോ​ത്സാ​ഹി​പ്പി​ക്കുക. പയനി​യ​റിങ്‌ ചെയ്യു​ന്ന​വ​രോ​ടൊ​പ്പം വാരത്തിൽ ഒരു ദിവസം​കൂ​ടെ കൂടു​ത​ലാ​യി ശുശ്രൂ​ഷ​യിൽ ഏർപ്പെ​ടാൻ തക്കവണ്ണം നിങ്ങളു​ടെ പട്ടിക​യിൽ പൊരു​ത്ത​പ്പെ​ടു​ത്തൽ വരുത്താൻ നിങ്ങൾക്കാ​യേ​ക്കും.

11. നമുക്ക്‌ അടിയ​ന്തി​ര​താ​ബോ​ധം ഉണ്ടായി​രി​ക്കേ​ണ്ടത്‌ എന്തു​കൊണ്ട്‌?

¹¹ യഹോവയുടെ ജനത്തിന്‌ അടിയ​ന്തി​ര​താ​ബോ​ധ​മുണ്ട്‌. ഒരു വേല പൂർത്തീ​ക​രി​ക്ക​പ്പെ​ടാ​നുണ്ട്‌—സുവാർത്താ പ്രസംഗം. ആളുക​ളു​ടെ ജീവനാണ്‌ ഉൾപ്പെ​ട്ടി​രി​ക്കു​ന്നത്‌; ശേഷി​ച്ചി​രി​ക്കുന്ന സമയം പരിമി​ത​വും. (1 കൊരി. 7:29-31) ശുശ്രൂ​ഷ​യിൽ ആവുന്ന​തെ​ല്ലാം ചെയ്യാൻ ദൈവ​ത്തോ​ടും അയൽക്കാ​രോ​ടു​മുള്ള സ്‌നേഹം നമ്മെ പ്രേരി​പ്പി​ക്കും. ശ്രമവും നല്ല ആസൂ​ത്ര​ണ​വും ഉണ്ടെങ്കിൽ പുതിയ സേവന​വർഷം കുറഞ്ഞത്‌ ഒരു മാസ​മെ​ങ്കി​ലും സഹായ പയനി​യ​റിങ്‌ ചെയ്യാൻ നിങ്ങൾക്കാ​യേ​ക്കും—തികച്ചും മൂല്യ​വ​ത്തായ ഒരു ലാക്ക്‌!