യഹോ​വ​യു​ടെ സദ്‌ഗു​ണങ്ങൾ ഘോഷി​ക്കു​ക

1. യഹോ​വ​യു​ടെ സദ്‌ഗു​ണങ്ങൾ ഘോഷി​ക്കാൻ നമ്മെ എന്തു പ്രചോ​ദി​പ്പി​ക്കു​ന്നു?

¹ “യഹോവേ, മഹത്വ​വും ശക്തിയും തേജസ്സും യശസ്സും മഹിമ​യും നിനക്കു​ള്ളതു; സ്വർഗ്ഗ​ത്തി​ലും ഭൂമി​യി​ലു​മു​ള്ള​തൊ​ക്കെ​യും നിനക്കു​ള്ള​ത​ല്ലോ.” (1 ദിന. 29:11) യഹോ​വ​യോ​ടുള്ള നമ്മുടെ സ്‌നേ​ഹ​വും നന്ദിയും നമ്മെ എങ്ങനെ​യാ​ണു സ്വാധീ​നി​ക്കു​ന്നത്‌? “അന്ധകാ​ര​ത്തിൽനി​ന്നു തന്റെ അത്ഭുത പ്രകാ​ശ​ത്തി​ലേക്കു . . . വിളി​ച്ച​വന്റെ സൽഗു​ണ​ങ്ങളെ ഘോഷി”ക്കാൻ അതു നമ്മെ പ്രചോ​ദി​പ്പി​ക്കു​ന്നു. (1 പത്രൊ. 2:9) നമ്മുടെ മഹാ​ദൈ​വ​ത്തെ​ക്കു​റി​ച്ചു മറ്റുള്ള​വ​രോ​ടു പറയാ​തി​രി​ക്കാൻ നമുക്കാ​വില്ല. യഹോ​വ​യു​ടെ സദ്‌ഗു​ണങ്ങൾ ഘോഷി​ക്കാൻ മാർച്ച്‌, ഏപ്രിൽ, മേയ്‌ മാസങ്ങ​ളിൽ നമുക്ക്‌ വിശിഷ്ട അവസരങ്ങൾ ഉണ്ടായി​രി​ക്കും.

2. സ്‌മാ​രകം പരസ്യ​പ്പെ​ടു​ത്താൻ എന്തു പ്രത്യേക പ്രസ്ഥാനം ആസൂ​ത്രണം ചെയ്‌തി​രി​ക്കു​ന്നു, അതിൽ ആർക്കു പങ്കു​ചേ​രാം?

² സ്‌മാരകം പരസ്യ​പ്പെ​ടു​ത്താ​നുള്ള പ്രത്യേക പ്രസ്ഥാനം: ഏപ്രിൽ 2-ാം തീയതി തിങ്കളാഴ്‌ച കർത്താ​വി​ന്റെ സന്ധ്യാ​ഭ​ക്ഷ​ണ​ത്തി​ന്റെ അനുസ്‌മ​രണം ആചരി​ച്ചു​കൊണ്ട്‌ നാം യഹോ​വ​യു​ടെ സദ്‌ഗു​ണങ്ങൾ പ്രദീ​പ്‌ത​മാ​ക്കും. ഈ സുപ്ര​ധാന പരിപാ​ടി​യിൽ പങ്കെടു​ക്കാൻ ആളുകളെ പ്രോ​ത്സാ​ഹി​പ്പി​ച്ചു​കൊ​ണ്ടുള്ള ഒരു പ്രത്യേക ക്ഷണക്കു​റിപ്പ്‌ മാർച്ച്‌ 17 മുതൽ ഏപ്രിൽ 2 വരെ ഭൂവ്യാ​പ​ക​മാ​യി വിതരണം ചെയ്യ​പ്പെ​ടും. അതിൽ ഒരു പൂർണ പങ്കുണ്ടാ​യി​രി​ക്കാൻ എല്ലാവ​രെ​യും പ്രോ​ത്സാ​ഹി​പ്പി​ക്കു​ന്നു. യോഗ്യത സമ്പാദി​ക്കു​ന്ന​പക്ഷം പുതി​യ​വർക്ക്‌ സുവാർത്താ പ്രസംഗം ആരംഭി​ക്കാ​നുള്ള ഒരു വിശിഷ്ട അവസര​മാ​ണിത്‌. അങ്ങനെ​യുള്ള ബൈബിൾ വിദ്യാർഥി​ക​ളോ മക്കളോ നിങ്ങൾക്കു​ണ്ടെ​ങ്കിൽ അക്കാര്യ​ത്തെ​ക്കു​റി​ച്ചു മൂപ്പന്മാ​രോ​ടു സംസാ​രി​ക്കാൻ മുൻക​യ്യെ​ടു​ക്കുക.

3. ആളുകളെ സ്‌മാ​ര​ക​ത്തി​നു ക്ഷണിക്കാൻ നമുക്ക്‌ എന്തു പറയാ​വു​ന്ന​താണ്‌?

³ “വിടുതൽ സമീപം!” ഡിസ്‌ട്രി​ക്‌റ്റ്‌ കൺ​വെൻ​ഷ​നോ​ടുള്ള ബന്ധത്തിൽ ചെയ്‌ത​തി​നു സമാന​മായ ഒന്നാണ്‌ ഈ പ്രത്യേക പ്രസ്ഥാനം. പ്രസാ​ധ​കർക്ക്‌ 50-ഉം പയനി​യർമാർക്ക്‌ 150-ഉം കോപ്പി​കൾ വീതം ലഭിക്ക​ത്ത​ക്ക​വി​ധം ആവശ്യ​ത്തി​നു ക്ഷണക്കു​റി​പ്പു​കൾ സഭകൾക്ക്‌ അയയ്‌ക്കു​ന്ന​താ​യി​രി​ക്കും. നിങ്ങളു​ടെ അവതരണം ഹ്രസ്വ​മാ​യി​രി​ക്കട്ടെ. ഒരുപക്ഷേ ഇങ്ങനെ പറയാ​നാ​കും: “അടു​ത്തെ​ത്തി​യി​രി​ക്കുന്ന പ്രധാ​ന​പ്പെട്ട ഒരു വാർഷി​കാ​ച​ര​ണ​ത്തി​നുള്ള ക്ഷണക്കു​റി​പ്പാ​ണിത്‌. അതിൽ പങ്കെടു​ക്കാൻ നിങ്ങളെ ഊഷ്‌മ​ള​മാ​യി സ്വാഗതം ചെയ്യുന്നു. വിശദ​വി​വ​രങ്ങൾ ഇതിലുണ്ട്‌.” വീട്ടു​കാ​രൻ ചോദ്യ​ങ്ങൾ ചോദി​ക്കു​ന്നു​വെ​ങ്കിൽ മറുപടി കൊടു​ക്കാൻ സമയ​മെ​ടു​ക്കുക. കർത്താ​വി​ന്റെ സന്ധ്യാ​ഭ​ക്ഷണം സംബന്ധിച്ച്‌ ബൈബിൾ പഠിപ്പി​ക്കു​ന്നു പുസ്‌ത​ക​ത്തി​ന്റെ 206-8 പേജു​ക​ളി​ലുള്ള വിവരങ്ങൾ സഹായ​ക​മാ​യി​രു​ന്നേ​ക്കാം. വാരാ​ന്ത​ങ്ങ​ളിൽ ഈ പ്രത്യേക ക്ഷണക്കു​റി​പ്പി​നൊ​പ്പം പുതിയ മാസി​കകൾ നാം സമർപ്പി​ക്കും. താത്‌പ​ര്യം പ്രകട​മാ​ക്കു​ന്ന​വ​രു​ടെ രേഖ സൂക്ഷി​ക്കു​ക​യും മടങ്ങി​ച്ചെ​ല്ലാൻ ക്രമീ​ക​രി​ക്കു​ക​യും ചെയ്യുക.

4. സ്‌മാ​ര​ക​ത്തി​നുള്ള പ്രത്യേക ക്ഷണക്കു​റിപ്പ്‌ എങ്ങനെ വിതര​ണം​ചെ​യ്യണം?

⁴ കഴിയുന്നതും ഓരോ വീട്ടു​കാ​ര​നെ​യും നേരിൽക്കണ്ട്‌ ഈ പ്രത്യേക ക്ഷണക്കു​റി​പ്പു നൽകേ​ണ്ട​താണ്‌. അതു​കൊ​ണ്ടു​തന്നെ ആളില്ലാ​ഭ​വ​ന​ങ്ങ​ളു​ടെ രേഖ സൂക്ഷി​ക്കു​ക​യും മറ്റൊരു സമയത്തു മടങ്ങി​ച്ചെ​ല്ലാൻ ക്രമീ​ക​രി​ക്കു​ക​യും ചെയ്യുക. എന്നാൽ സ്‌മാ​ര​ക​ത്തി​നു തൊട്ടു​മു​മ്പുള്ള ആഴ്‌ച​യി​ലും ക്ഷണക്കു​റി​പ്പു​കൾ ധാരാളം കൈവ​ശ​മു​ണ്ടെ​ങ്കിൽ എല്ലാ ആളില്ലാ​ഭ​വ​ന​ങ്ങ​ളി​ലും അവ ഇട്ടിട്ടു​പോ​രാ​വു​ന്ന​താണ്‌. ബൈബിൾ വിദ്യാർഥി​കൾ, മടക്കസ​ന്ദർശ​ന​ത്തി​ലു​ള്ളവർ, ബന്ധുക്കൾ, സഹപ്ര​വർത്തകർ, അയൽക്കാർ, മറ്റു പരിച​യ​ക്കാർ എന്നിവർക്കും ക്ഷണക്കു​റി​പ്പു ലഭിക്കു​ന്നു​വെന്ന്‌ ഉറപ്പു​വ​രു​ത്തുക.

5. സഹായ പയനി​യ​റിങ്‌ ചെയ്യാൻ ഇപ്പോൾത്തന്നെ നാം ആസൂ​ത്ര​ണങ്ങൾ ചെയ്‌തു​തു​ട​ങ്ങേ​ണ്ടത്‌ എന്തു​കൊണ്ട്‌?

⁵ സഹായ പയനി​യ​റിങ്‌: മാർച്ച്‌, ഏപ്രിൽ, മേയ്‌ മാസങ്ങ​ളിൽ സഹായ പയനി​യ​റിങ്‌ ചെയ്‌തു​കൊണ്ട്‌ യഹോ​വ​യു​ടെ സദ്‌ഗു​ണങ്ങൾ പൂർവാ​ധി​കം ഉത്സാഹ​ത്തോ​ടെ ഘോഷി​ക്കാൻ നിങ്ങൾക്കാ​കു​മോ? അതിന്‌ നിങ്ങളു​ടെ ദിനച​ര്യ​യിൽ ചില പൊരു​ത്ത​പ്പെ​ടു​ത്ത​ലു​കൾ വരു​ത്തേ​ണ്ടത്‌ ആവശ്യ​മാ​യി​രു​ന്നേ​ക്കാം. (എഫെ. 5:15-17) യഹോ​വ​യു​ടെ സേവന​ത്തിൽ കൂടുതൽ ഏർപ്പെ​ടാ​നുള്ള ശ്രമം നിശ്ചയ​മാ​യും നിങ്ങൾക്കു സന്തോ​ഷ​വും അനു​ഗ്ര​ഹ​വും കൈവ​രു​ത്തും. (സദൃ. 10:22) സ്‌മാ​ര​ക​കാ​ലം അടുത്തു​വ​രു​ന്ന​തി​നാൽ, ആവശ്യ​മായ ആസൂ​ത്ര​ണങ്ങൾ ചെയ്‌തു​തു​ട​ങ്ങാ​നുള്ള സമയം ഇപ്പോ​ഴാണ്‌.—സദൃ. 21:5.

6. കഴിഞ്ഞ വർഷം സഹായ പയനി​യ​റിങ്‌ ചെയ്‌ത 90 വയസ്സുള്ള സഹോ​ദ​രി​യു​ടെ അനുഭ​വ​ത്തിൽനിന്ന്‌ എന്തു പഠിക്കാൻ കഴിയും?

⁶ കഴിഞ്ഞ വർഷം സഹായ പയനി​യ​റിങ്‌ ചെയ്യാൻ സാധിച്ച 90 വയസ്സുള്ള ഒരു സഹോ​ദരി ഇങ്ങനെ പറഞ്ഞു: “പൂച്ചെ​ടി​ക​ളും മറ്റും നട്ടുപ​രി​പാ​ലി​ക്കു​ന്നത്‌ ഏറെ പ്രിയ​പ്പെ​ടുന്ന ഞാൻ അവ നടാനുള്ള ഒരുക്ക​ത്തി​ലാ​യി​രു​ന്നു. എന്നാൽ ശരിയായ മുൻഗ​ണ​നകൾ വെക്കേ​ണ്ട​തു​ണ്ടെന്ന ചിന്ത അപ്പോൾ എന്റെ മനസ്സി​ലേ​ക്കു​വന്നു. രാജ്യ​താ​ത്‌പ​ര്യ​ങ്ങൾ ഒന്നാമതു വെക്കാ​നുള്ള ആഗ്രഹ​ത്താൽ മാർച്ചിൽ സഹായ പയനി​യ​റിങ്‌ ചെയ്യാൻ ഞാൻ നിശ്ചയി​ച്ചു.” സഹോ​ദ​രി​യു​ടെ പ്രയത്‌ന​ത്തി​നു പ്രതി​ഫലം ലഭിച്ചോ? “സഭയു​മാ​യും അങ്ങനെ യഹോ​വ​യു​മാ​യും കൂടുതൽ അടുത്ത ബന്ധത്തിൽ വരാൻ എനിക്കു കഴിഞ്ഞി​രി​ക്കു​ന്നു,” അവർ പറയുന്നു. മുൻഗ​ണ​നകൾ പരി​ശോ​ധി​ച്ചിട്ട്‌ ആവശ്യ​മെ​ങ്കിൽ സമാന​മായ പൊരു​ത്ത​പ്പെ​ടു​ത്ത​ലു​കൾ വരുത്താൻ നമുക്കാ​കു​മോ?

7. സഹായ പയനി​യ​റാ​യി സേവി​ക്കു​ന്നതു ബുദ്ധി​മു​ട്ടുള്ള കാര്യ​മാ​ണോ?

⁷ സഹായ പയനി​യ​റി​ങ്ങി​നുള്ള 50 മണിക്കൂർ വ്യവസ്ഥ​യിൽ എത്തുന്നത്‌ ഒരുപക്ഷേ, വിചാ​രി​ക്കു​ന്ന​തു​പോ​ലെ അത്ര ബുദ്ധി​മു​ട്ടുള്ള കാര്യമല്ല. പ്രാർഥ​നാ​പൂർവം ദിനചര്യ പരി​ശോ​ധി​ച്ചു​നോ​ക്കി​യ​ശേഷം ഒരു പട്ടിക​യു​ണ്ടാ​ക്കു​ക​യും ദിവ്യാ​ധി​പത്യ പ്രവർത്ത​ന​ങ്ങൾക്കാ​യുള്ള നിങ്ങളു​ടെ കലണ്ടറിൽ അതു രേഖ​പ്പെ​ടു​ത്തു​ക​യും ചെയ്യുക. നിങ്ങളു​ടെ സാഹച​ര്യം ഏറ്റവും നന്നായി അറിയാ​വു​ന്നതു നിങ്ങൾക്കാണ്‌. ആരോ​ഗ്യ​വും ഊർജ​വും കുറവാ​ണെ​ങ്കിൽ ദിവസ​വും ഏകദേശം രണ്ടു മണിക്കൂർമാ​ത്രം ശുശ്രൂ​ഷ​യിൽ ഏർപ്പെ​ടാ​നാ​യേ​ക്കും. വിദ്യാർഥി​യോ മുഴു​സമയ ജോലി​ക്കാ​ര​നോ ആണെങ്കിൽ വൈകു​ന്നേ​ര​ങ്ങ​ളി​ലോ വാരാ​ന്ത​ങ്ങ​ളി​ലോ പ്രവർത്തി​ച്ചു​കൊണ്ട്‌ സഹായ പയനി​യ​റിങ്‌ ചെയ്യാൻ നിങ്ങൾക്കു സാധി​ച്ചേ​ക്കും.

8. സഹായ പയനി​യ​റിങ്‌ ചെയ്യാൻ ഒരു ക്രിസ്‌തീയ ദമ്പതി​കളെ എന്തു സഹായി​ച്ചു?

⁸ കുടുംബസമേതം സഹായ പയനി​യ​റിങ്‌ ചെയ്യാൻ പലർക്കും കഴിഞ്ഞി​ട്ടുണ്ട്‌. സാഹച​ര്യം സഹായ പയനി​യ​റി​ങ്ങിന്‌ അനുകൂ​ല​മ​ല്ലെന്നു കരുതിയ ഒരു ദമ്പതികൾ, മുൻ വർഷങ്ങ​ളി​ലൊ​ന്നും അതിൽ ഏർപ്പെ​ടാൻ ധൈര്യ​പ്പെ​ട്ടി​രു​ന്നില്ല. ഒടുവിൽ അവർ എന്താണു ചെയ്‌തത്‌? “ഏറെക്കാ​ല​മാ​യി ഒരുമി​ച്ചു ചെയ്യാൻ ആഗ്രഹിച്ച കാര്യം നിറ​വേ​റ്റാൻ സഹായി​ക്ക​ണ​മേ​യെന്നു ഞങ്ങൾ യഹോ​വ​യോട്‌ അപേക്ഷി​ച്ചു.” ശരിയായ ആസൂ​ത്ര​ണ​ങ്ങ​ളി​ലൂ​ടെ ലക്ഷ്യത്തി​ലെ​ത്താൻ കഴിഞ്ഞ അവർ ഇങ്ങനെ കൂട്ടി​ച്ചേർക്കു​ന്നു: “മറക്കാ​നാ​വാത്ത ഒരു അനുഭ​വ​മാ​യി​രു​ന്നു അത്‌. ഞങ്ങൾക്ക്‌ ഇരുവർക്കും അതു സമൃദ്ധ​മായ അനു​ഗ്രഹം കൈവ​രു​ത്തി. അതു​കൊണ്ട്‌ ശ്രമി​ച്ചു​നോ​ക്കുക. ഞങ്ങൾക്ക്‌ അതിനു കഴി​ഞ്ഞെ​ങ്കിൽ നിങ്ങൾക്കും കഴി​ഞ്ഞേ​ക്കും.”

9. വരും​മാ​സ​ങ്ങ​ളി​ലെ പ്രത്യേക പ്രവർത്ത​ന​ത്തി​നാ​യി തയ്യാറാ​കാൻ അടുത്ത കുടും​ബാ​ധ്യ​യ​ന​വേ​ള​യിൽ നിങ്ങൾക്ക്‌ എന്തു ചെയ്യാ​വു​ന്ന​താണ്‌?

⁹ വരുംമാസങ്ങളിൽ കൂടുതൽ പ്രവർത്തി​ക്കാൻ എല്ലാവർക്കും എങ്ങനെ കഴിയു​മെന്നു പരിചി​ന്തി​ക്കാൻ നിങ്ങളു​ടെ അടുത്ത കുടും​ബാ​ധ്യ​യ​ന​വേ​ള​യിൽ കുറച്ചു സമയം ചെലവ​ഴി​ക്ക​രു​തോ? കുടും​ബ​ത്തിൽ എല്ലാവർക്കും സഹായ പയനി​യ​റിങ്‌ ചെയ്യാൻ കഴി​ഞ്ഞെ​ന്നു​വ​രി​ല്ലെ​ങ്കി​ലും കുടും​ബാം​ഗ​ങ്ങ​ളു​ടെ സഹായ​ത്താ​ലും സഹകര​ണ​ത്താ​ലും ഒരാൾക്കെ​ങ്കി​ലും അതിനു സാധി​ച്ചേ​ക്കും. അല്ലെങ്കിൽ, ഈ പ്രത്യേക മാസങ്ങ​ളിൽ പതിവി​ലേറെ സമയം ശുശ്രൂ​ഷ​യിൽ ചെലവ​ഴി​ക്കു​ന്ന​തി​നു ലക്ഷ്യം​വെ​ക്കാൻ നിങ്ങളു​ടെ കുടും​ബ​ത്തി​നു കഴി​ഞ്ഞേ​ക്കും.

10. ഈ സ്‌മാരക കാലത്തു സഹായ പയനി​യ​റിങ്‌ ചെയ്യാ​നുള്ള ആഗ്രഹ​ത്തെ​ക്കു​റി​ച്ചു നിങ്ങൾ മറ്റുള്ള​വ​രോ​ടു സംസാ​രി​ക്കേ​ണ്ടത്‌ എന്തു​കൊണ്ട്‌?

¹⁰ അന്യോന്യം സഹായി​ക്കുക: ഉത്സാഹം പകർച്ച​വ്യാ​ധി​പോ​ലെ​യാണ്‌. സഹായ പയനി​യ​റിങ്‌ ചെയ്യാ​നുള്ള നിങ്ങളു​ടെ ആഗ്രഹ​ത്തെ​ക്കു​റി​ച്ചു സംസാ​രി​ക്കുക. പയനി​യ​റി​ങ്ങിൽ ഏർപ്പെ​ടാൻ ഇതു മറ്റുള്ള​വ​രെ​യും പ്രോ​ത്സാ​ഹി​പ്പി​ച്ചേ​ക്കാം. കൂടാതെ മുമ്പു പയനി​യ​റിങ്‌ ചെയ്‌തി​ട്ടു​ള്ളവർ, ലക്ഷ്യം​കാ​ണാൻ തക്കവണ്ണം കാര്യാ​ദി​കൾ ക്രമ​പ്പെ​ടു​ത്താ​നും പട്ടിക​യിൽ പൊരു​ത്ത​പ്പെ​ടു​ത്തൽ വരുത്താ​നും സഹായ​ക​മായ നിർദേ​ശങ്ങൾ നിങ്ങൾക്കു നൽകി​യേ​ക്കാം. (സദൃ. 15:22) നിങ്ങൾക്കു സഹായ പയനി​യ​റിങ്‌ ചെയ്യാൻ കഴിയു​മെ​ന്നു​ണ്ടെ​ങ്കിൽ സന്തോ​ഷ​പ്ര​ദ​മായ ഈ വേലയിൽ നിങ്ങ​ളോ​ടൊ​പ്പം ചേരാൻ മറ്റൊരു പ്രസാ​ധ​കനെ, ഒരുപക്ഷേ സമാന സാഹച​ര്യ​ത്തി​ലുള്ള ഒരു വ്യക്തിയെ, ക്ഷണിക്കാൻ കഴിയും.

11. വരും​മാ​സ​ങ്ങ​ളിൽ സഹായ പയനി​യ​റിങ്‌ ചെയ്യാ​നാ​യി സഹോ​ദ​ര​ങ്ങളെ പ്രോ​ത്സാ​ഹി​പ്പി​ക്കാൻ മൂപ്പന്മാർക്ക്‌ എങ്ങനെ കഴിയും?

¹¹ അനേകം മൂപ്പന്മാ​രും സേവന​ത്തി​ന്റെ ഈ പ്രത്യേക മേഖല​യിൽ പങ്കു​ചേ​രാൻ ആവശ്യ​മായ ക്രമീ​ക​ര​ണങ്ങൾ ചെയ്യാ​റുണ്ട്‌. (എബ്രാ. 13:7) ഇതു നിശ്ചയ​മാ​യും സഭയ്‌ക്കൊ​രു പ്രോ​ത്സാ​ഹ​ന​മാണ്‌! മറ്റുള്ള​വ​രു​മാ​യുള്ള സംഭാ​ഷ​ണ​ത്തി​ലൂ​ടെ​യും മൂപ്പന്മാർ ഉത്സാഹം ജനിപ്പി​ക്കു​ന്നു. ദയയോ​ടു​കൂ​ടി​യ​തും പ്രോ​ത്സാ​ഹനം പകരു​ന്ന​തു​മായ ഏതാനും വാക്കു​ക​ളോ പ്രാ​യോ​ഗിക നിർദേ​ശ​ങ്ങ​ളോ മതിയാ​കും ചിലരെ സഹായ പയനി​യ​റി​ങ്ങി​നു പ്രചോ​ദി​പ്പി​ക്കാൻ. ജോലി​സ്ഥ​ല​ത്തു​നി​ന്നോ സ്‌കൂ​ളിൽനി​ന്നോ വന്നതി​നു​ശേ​ഷ​മാ​ണെ​ങ്കിൽപ്പോ​ലും എല്ലാവർക്കും കൂട്ടസാ​ക്ഷീ​ക​ര​ണ​ത്തിൽ ഏർപ്പെ​ടാൻ തക്കവണ്ണം സേവന മേൽവി​ചാ​രകൻ കൂടു​ത​ലായ വയൽസേവന യോഗങ്ങൾ ക്രമീ​ക​രി​ക്കാൻ സാധ്യ​ത​യുണ്ട്‌. അക്കാര്യം സഭയിൽ ക്രമമാ​യി അറിയി​ക്കണം. എല്ലാവർക്കും ആവശ്യ​ത്തി​നു പ്രവർത്തന പ്രദേ​ശ​വും പ്രസി​ദ്ധീ​ക​ര​ണ​ങ്ങ​ളും ഉണ്ടെന്ന കാര്യ​വും അദ്ദേഹം ഉറപ്പു​വ​രു​ത്തും.

12. സഹായ പയനി​യ​റി​ങ്ങിൽ ഏർപ്പെ​ടാ​നാ​കി​ല്ലെ​ങ്കിൽ നിങ്ങൾക്കു മറ്റെന്തു ചെയ്യാ​നാ​യേ​ക്കും?

¹² സഹായ പയനി​യ​റിങ്‌ ചെയ്യാൻ സാഹച​ര്യം അനുകൂ​ല​മ​ല്ലെ​ങ്കിൽപ്പോ​ലും, അതു ചെയ്യു​ന്ന​വരെ പ്രോ​ത്സാ​ഹി​പ്പി​ക്കാ​നും അവർക്കു​വേണ്ടി പ്രാർഥി​ക്കാ​നും നിങ്ങൾക്കു കഴിയും. (സദൃ. 25:11; കൊലൊ. 4:12) ആഴ്‌ച​യിൽ മറ്റൊരു ദിവസം​കൂ​ടെ സേവന​ത്തിൽ ഏർപ്പെ​ട്ടു​കൊണ്ട്‌ അവരോ​ടൊ​പ്പം പ്രവർത്തി​ക്കാ​നോ സാധാ​ര​ണ​യിൽ കൂടുതൽ നേരം വയലിൽ ചെലവ​ഴി​ക്കാ​നോ ക്രമീ​ക​ര​ണങ്ങൾ ചെയ്യാൻ നിങ്ങൾക്കു കഴി​ഞ്ഞേ​ക്കും.

13. ഇന്ത്യയി​ലെ പ്രസാ​ധ​കർക്കാ​യി ഏതു ലക്ഷ്യം​വെ​ച്ചി​രി​ക്കു​ന്നു, ഇതിൽ എത്തി​ച്ചേ​രാൻ നിങ്ങളു​ടെ സഭയ്‌ക്ക്‌ എങ്ങനെ സഹായി​ക്കാ​നാ​കും?

¹³ ഏപ്രിലിലേക്കുള്ള ലക്ഷ്യം 4,500 സഹായ പയനി​യർമാർ: 2006 ഏപ്രി​ലിൽ ഇന്ത്യയി​ലെ സഹായ പയനി​യർമാ​രു​ടെ എണ്ണം 3,216 എന്ന സർവകാല അത്യു​ച്ച​ത്തിൽ എത്തി​ച്ചേർന്നു. അതു​കൊണ്ട്‌ ഈ ഏപ്രി​ലിൽ 4,500 സഹായ പയനി​യർമാർ എന്ന ലക്ഷ്യം പ്രാ​യോ​ഗി​ക​മാണ്‌. ഓരോ സഭയി​ലും ശരാശരി അഞ്ചു പ്രസാ​ധ​ക​രിൽ ഒരാൾ വീതം സഹായ പയനി​യ​റിങ്‌ ചെയ്‌താൽ നമുക്ക്‌ ഈ ലക്ഷ്യത്തി​ലെ​ത്താ​നാ​കും. തീർച്ച​യാ​യും ചില സഭകളിൽ അതിലും കൂടുതൽ സഹോ​ദ​ര​ങ്ങൾക്കു സഹായ പയനി​യ​റിങ്‌ ചെയ്യാൻ അനുകൂല സാഹച​ര്യം ഉണ്ടായി​രി​ക്കും. സഭാത​ല​ത്തി​ലുള്ള ഈ ലക്ഷ്യത്തി​ലെ​ത്താൻ മിക്ക സഭകൾക്കും അനായാ​സം കഴിയും. അതിനു ചേർച്ച​യിൽ പ്രവർത്തി​ക്കു​ന്നത്‌ നിങ്ങളു​ടെ സഭയിൽ ജനിപ്പി​ക്കുന്ന ആവേശ​വും നിങ്ങളു​ടെ പ്രദേ​ശത്തെ പ്രസംഗ പ്രവർത്ത​ന​ത്തി​ന്മേൽ ഉളവാ​ക്കുന്ന ക്രിയാ​ത്മക ഫലവും ഒന്നു സങ്കൽപ്പി​ച്ചു​നോ​ക്കൂ!

14. ഏപ്രിൽ മാസം സഹായ പയനി​യ​റി​ങ്ങി​നു തികച്ചും അനു​യോ​ജ്യ​മാ​യി​രി​ക്കു​ന്നത്‌ എന്തു​കൊണ്ട്‌?

¹⁴ ഏപ്രിൽ മാസം സഹായ പയനി​യ​റി​ങ്ങിന്‌ തികച്ചും അനു​യോ​ജ്യ​മാ​യി​രി​ക്കു​ന്നത്‌ എന്തു​കൊണ്ട്‌? ഏപ്രിൽ ആരംഭ​ത്തി​ലാണ്‌ സ്‌മാ​രകം. അതു​കൊണ്ട്‌ അതിൽ സംബന്ധി​ക്കു​ന്ന​വരെ വീണ്ടും സന്ദർശി​ക്കാൻ നമുക്കു ധാരാളം അവസരം ഉണ്ടായി​രി​ക്കും. മടങ്ങി​ച്ചെ​ല്ലു​മ്പോൾ ബൈബിൾ പഠിപ്പി​ക്കു​ന്നു പുസ്‌തകം സമർപ്പി​ച്ചു​കൊണ്ട്‌ ബൈബി​ള​ധ്യ​യനം ആരംഭി​ക്കാ​നുള്ള ലക്ഷ്യത്തിൽ നാം മാസി​കകൾ സമർപ്പി​ക്കു​ന്ന​താ​യി​രി​ക്കും. അതു​കൊണ്ട്‌ ഏപ്രി​ലിൽ സഹായ പയനി​യ​റിങ്‌ ചെയ്യു​ന്നത്‌ അധ്യയ​നങ്ങൾ തുടങ്ങാൻ ധാരാളം അവസരങ്ങൾ തുറന്നു​ത​രും. ഈ സമയത്തു പകലിനു ദൈർഘ്യം കൂടു​ത​ലാണ്‌. വൈകു​ന്നേ​ര​ങ്ങ​ളിൽ സാധാ​ര​ണ​ഗ​തി​യിൽ മഴയോ അമിത​മായ ചൂടോ തണുപ്പോ ഉണ്ടായി​രി​ക്കു​ക​യു​മില്ല. തന്നെയു​മല്ല, ഏപ്രി​ലിൽ അഞ്ചു ഞായറാ​ഴ്‌ച​ക​ളുണ്ട്‌, സ്‌കൂ​ളു​കൾക്ക്‌ അവധി​യു​മാ​യി​രി​ക്കും. അതു​കൊ​ണ്ടു​തന്നെ സഹായ പയനി​യ​റിങ്‌ ചെയ്യാൻ ജോലി​ക്കാർക്കും വിദ്യാർഥി​കൾക്കും എളുപ്പ​മാ​യി​രി​ക്കും.

15. ഈ സ്‌മാ​ര​ക​കാ​ലം സമീപി​ക്കവേ നാം അടിയ​ന്തി​ര​താ​ബോ​ധ​ത്തോ​ടെ പ്രവർത്തി​ക്കേ​ണ്ടത്‌ എന്തു​കൊണ്ട്‌?

¹⁵ ഓരോ സ്‌മാ​ര​ക​കാ​ല​വും കടന്നു​പോ​കു​മ്പോൾ ഈ വ്യവസ്ഥി​തി​യു​ടെ അന്ത്യ​ത്തോട്‌ നാം ഓരോ വർഷം അടുക്കു​ക​യാണ്‌, നമ്മുടെ മഹാ​ദൈ​വ​ത്തെ​ക്കു​റി​ച്ചു മറ്റുള്ള​വ​രോ​ടു പറയാ​നുള്ള സമയം ചുരു​ങ്ങി​യി​രി​ക്കു​ന്നു. (1 കൊരി. 7:29) ഈ സ്‌മാ​ര​ക​കാ​ലം കടന്നു​പോ​കു​മ്പോൾ നമ്മുടെ സ്വർഗീയ പിതാ​വി​നെ സ്‌തു​തി​ക്കു​ന്ന​തി​നുള്ള വില​യേ​റിയ ഒരു അവസരം​കൂ​ടെ എന്നേക്കു​മാ​യി പൊയ്‌പോ​യി​രി​ക്കും. മാർച്ച്‌, ഏപ്രിൽ, മേയ്‌ മാസങ്ങ​ളിൽ യഹോ​വ​യു​ടെ സദ്‌ഗു​ണങ്ങൾ ഘോഷി​ക്കാൻ ആവുന്ന​തെ​ല്ലാം ചെയ്യാൻ നമുക്കി​പ്പോൾ തയ്യാ​റെ​ടു​ക്കാം!

[4-ാം പേജിലെ ചതുരം]

ഏപ്രിൽ മാസം 4,500 സഹായ പയനി​യർമാർ എന്ന ലക്ഷ്യത്തി​ലെ​ത്താൻ നമുക്കാ​കു​മോ?

◼ മുൻഗ​ണ​നകൾ വിലയി​രു​ത്തു​ക

◼ കുടും​ബം ഒന്നിച്ചി​രുന്ന്‌ ലക്ഷ്യങ്ങൾ ചർച്ച​ചെ​യ്യു​ക

◼ നിങ്ങളു​ടെ ആഗ്രഹ​ത്തെ​ക്കു​റി​ച്ചു മറ്റുള്ള​വ​രോ​ടു സംസാ​രി​ക്കു​ക