ബൈബിൾ പഠിപ്പി​ക്കു​ന്നു പുസ്‌തകം ഉപയോ​ഗി​ക്കു​മ്പോൾ മഹാനായ അധ്യാ​പ​കനെ അനുക​രി​ക്കു​ക

1. യേശു എങ്ങനെ​യാ​ണു പഠിപ്പി​ച്ചത്‌?

¹ കാര്യങ്ങൾ ലളിത​വും വ്യക്തവു​മായ വിധത്തിൽ വിശദീ​ക​രി​ക്കുന്ന രീതി​യാ​യി​രു​ന്നു വലിയ അധ്യാ​പ​ക​നായ യേശു​വി​ന്റേത്‌. ചില​പ്പോ​ഴൊ​ക്കെ, ശ്രോ​താ​ക്കളെ ചിന്തി​ക്കാൻ സഹായി​ക്കു​ന്ന​തി​നാ​യി അവൻ ആദ്യം​തന്നെ വീക്ഷണ​ചോ​ദ്യ​ങ്ങൾ ചോദി​ച്ചി​രു​ന്നു. (മത്താ. 17:24-27) അവൻ ദൈവ​വ​ച​ന​ത്തി​ലേക്ക്‌ അവരുടെ ശ്രദ്ധതി​രി​ച്ചു. (മത്താ. 26:31; മർക്കൊ. 7:6, 7) ശിഷ്യ​ന്മാർക്കു ധാരാളം വിവരങ്ങൾ ഒന്നിച്ചു പകർന്നു​കൊ​ടു​ക്കാൻ അവൻ ശ്രമി​ച്ചില്ല, അവർ പഠനം തുടരു​മെന്ന്‌ അവനറി​യാ​മാ​യി​രു​ന്നു. (യോഹ. 16:12) താൻ പഠിപ്പി​ക്കുന്ന കാര്യങ്ങൾ അവർ ഗ്രഹി​ക്കു​ക​യും വിശ്വ​സി​ക്കു​ക​യും ചെയ്യു​ന്നു​ണ്ടോ​യെന്ന്‌ അറിയാ​നും യേശു ആഗ്രഹി​ച്ചി​രു​ന്നു. (മത്താ. 13:51) അവന്റെ ഈ പഠിപ്പി​ക്കൽരീ​തി അനുക​രി​ക്കാൻ നമ്മെ സഹായി​ക്കും​വി​ധ​മാണ്‌ ബൈബിൾ പഠിപ്പി​ക്കു​ന്നു പുസ്‌തകം ചിട്ട​പ്പെ​ടു​ത്തി​യി​ട്ടു​ള്ളത്‌.

2. ഓരോ അധ്യാ​യ​ത്തി​ന്റെ​യും ആമുഖ ചോദ്യ​ങ്ങൾ ഏതു വിധങ്ങ​ളിൽ ഉപയോ​ഗി​ക്കാൻ കഴിയും?

² ആമുഖ ചോദ്യ​ങ്ങൾ: ഒരു അധ്യായം ആരംഭി​ക്കു​മ്പോൾ അതിന്റെ തലക്കെ​ട്ടി​നു കീഴി​ലുള്ള ആമുഖ ചോദ്യ​ങ്ങ​ളി​ലേക്കു വിദ്യാർഥി​യു​ടെ ശ്രദ്ധക്ഷ​ണി​ക്കു​ന്നത്‌ അഭികാ​മ്യ​മാണ്‌. ഉത്തരം പ്രതീ​ക്ഷി​ക്കാ​തെ ആ ചോദ്യ​ങ്ങൾ അവതരി​പ്പി​ക്കു​ക​യോ അവയെ​ക്കു​റി​ച്ചു ഹ്രസ്വ​മാ​യി അഭി​പ്രാ​യം പറയാൻ വിദ്യാർഥി​യെ അനുവ​ദി​ക്കു​ക​യോ ചെയ്യുക. വിഷയ​ത്തിൽ താത്‌പ​ര്യം ഉണർത്താൻ ഇതു സഹായി​ക്കും. അദ്ദേഹ​ത്തി​ന്റെ ഉത്തരം വിശദ​മാ​യി ചർച്ച​ചെ​യ്യു​ക​യോ തെറ്റായ ഓരോ പ്രസ്‌താ​വ​ന​യും തിരു​ത്തു​ക​യോ ചെയ്യേ​ണ്ട​തില്ല. വീക്ഷണ​ങ്ങൾക്കു നന്ദി പറഞ്ഞ​ശേഷം നേരെ അധ്യയ​ന​ത്തി​ലേക്കു കടക്കാ​വു​ന്ന​താണ്‌. ആമുഖ ചോദ്യ​ങ്ങൾ സംബന്ധിച്ച വിദ്യാർഥി​യു​ടെ അഭി​പ്രാ​യങ്ങൾ, പാഠഭാ​ഗത്തെ ഏതെങ്കി​ലും ആശയങ്ങൾക്കു പ്രത്യേ​കം ശ്രദ്ധ​കൊ​ടു​ക്കേ​ണ്ട​തു​ണ്ടോ എന്നറി​യാൻ നിങ്ങളെ സഹായി​ക്കും.

3. ലളിത​മായ രീതി​യിൽ അധ്യയനം നടത്താൻ എങ്ങനെ കഴിയും?

³ തിരുവെഴുത്തുകൾ: തിരു​വെ​ഴു​ത്തു​കളെ കേന്ദ്രീ​ക​രി​ച്ചു​വേണം അധ്യയനം നടത്താൻ. (എബ്രാ. 4:12) എന്നിരു​ന്നാ​ലും പരാമർശി​ച്ചി​ട്ടുള്ള എല്ലാ വാക്യ​ങ്ങ​ളും വായി​ക്കേ​ണ്ട​തില്ല. നമ്മുടെ വിശ്വാ​സ​ങ്ങൾക്ക്‌ ആധാര​മായ തിരു​വെ​ഴു​ത്തു​കൾക്ക്‌ ഊന്നൽനൽകുക. പശ്ചാത്തല വിവരങ്ങൾ നൽകുന്ന വേദഭാ​ഗങ്ങൾ വായി​ക്ക​ണ​മെ​ന്നില്ല. സങ്കീർണ​മ​ല്ലാത്ത ഒരു വിധത്തി​ലാണ്‌ ബൈബിൾ പഠിപ്പി​ക്കു​ന്നു പുസ്‌ത​ക​ത്തിൽ സത്യം അവതരി​പ്പി​ച്ചി​രി​ക്കു​ന്നത്‌. അധ്യയ​ന​വും ലളിത​മാ​യി​രി​ക്കട്ടെ. പ്രധാന ആശയങ്ങ​ളിൽ ശ്രദ്ധ​കേ​ന്ദ്രീ​ക​രി​ക്കുക. വിശദാം​ശ​ങ്ങ​ളെ​ക്കു​റിച്ച്‌ ഏറെ സംസാ​രി​ക്കാ​നോ അനാവ​ശ്യ​മാ​യി മറ്റു വിവരങ്ങൾ ഉൾപ്പെ​ടു​ത്താ​നോ ഉള്ള പ്രവണത ഒഴിവാ​ക്കുക.

4. അനുബ​ന്ധ​ത്തി​ലെ വിവരങ്ങൾ ചർച്ച​ചെ​യ്യാൻ അധ്യയ​ന​വേ​ള​യിൽ സമയം വിനി​യോ​ഗി​ക്ക​ണ​മോ​യെന്നു നിർണ​യി​ക്കു​ന്നത്‌ എന്ത്‌?

⁴ അനുബന്ധം: മുഖ്യ പാഠഭാ​ഗ​ത്തോ​ടു ബന്ധപ്പെട്ട 14 വിഷയ​ങ്ങ​ളാണ്‌ ഇതിലു​ള്ളത്‌. അധ്യയ​ന​വേ​ള​യിൽ ഇവ ചർച്ച​ചെ​യ്യ​ണ​മോ​യെന്ന്‌ അധ്യാ​പ​കനു തീരു​മാ​നി​ക്കാ​വു​ന്ന​താണ്‌. ചില വിഷയ​ങ്ങ​ളു​ടെ കാര്യ​ത്തിൽ, വിശേ​ഷി​ച്ചും അധ്യയ​ന​ഭാ​ഗ​ത്തുള്ള വിവരങ്ങൾ വിദ്യാർഥി മനസ്സി​ലാ​ക്കു​ക​യും അംഗീ​ക​രി​ക്കു​ക​യും ചെയ്യു​ന്ന​വ​യാ​ണെ​ങ്കിൽ, അനുബ​ന്ധ​ത്തി​ലെ വിവരങ്ങൾ സ്വന്തമാ​യി വായി​ച്ചു​നോ​ക്കാൻ നിങ്ങൾക്ക്‌ അദ്ദേഹത്തെ പ്രോ​ത്സാ​ഹി​പ്പി​ക്കാ​വു​ന്ന​താണ്‌. ഉദാഹ​ര​ണ​ത്തിന്‌ യേശു​വാണ്‌ മിശിഹാ എന്ന്‌ വിദ്യാർഥി വിശ്വ​സി​ക്കു​ന്നു​ണ്ടെ​ങ്കിൽ “യേശു​ക്രി​സ്‌തു ആരാണ്‌?” എന്ന 4-ാം അധ്യായം പഠിക്കു​മ്പോൾ അനുബ​ന്ധ​ത്തി​ലെ “യേശു​ക്രി​സ്‌തു—വാഗ്‌ദത്ത മിശിഹാ” എന്ന ഭാഗം പരിചി​ന്തി​ക്കേണ്ട ആവശ്യം ഉണ്ടായി​രി​ക്കില്ല. എന്നാൽ മറ്റു സന്ദർഭ​ങ്ങ​ളിൽ, അനുബ​ന്ധ​ത്തി​ലെ വിവരങ്ങൾ പൂർണ​മാ​യോ ഭാഗി​ക​മാ​യോ ചർച്ച​ചെ​യ്യാൻ അധ്യയ​ന​വേ​ള​യിൽ സമയം വിനി​യോ​ഗി​ക്കു​ന്നതു പ്രയോ​ജ​ന​ക​ര​മാ​യി​രു​ന്നേ​ക്കാം.

5. അനുബ​ന്ധ​ത്തി​ലെ വിവരങ്ങൾ പരിചി​ന്തി​ക്കാൻ തീരു​മാ​നി​ക്കു​ന്ന​പക്ഷം അത്‌ എങ്ങനെ ചെയ്യാം?

⁵ അനുബന്ധത്തിലെ വിവരം ചർച്ച​ചെ​യ്യാൻ തീരു​മാ​നി​ക്കു​ന്ന​പക്ഷം മുന്നമേ ചോദ്യ​ങ്ങൾ തയ്യാറാ​ക്കി​ക്കൊണ്ട്‌, അധ്യയ​ന​ഭാ​ഗം ചർച്ച​ചെ​യ്യുന്ന അതേ വിധത്തിൽ അതിലെ ഖണ്ഡികകൾ പരിചി​ന്തി​ക്കാ​വു​ന്ന​താണ്‌. അല്ലെങ്കിൽ വിദ്യാർഥി​യു​ടെ സാഹച​ര്യ​ത്തി​നു ചേർച്ച​യിൽ, അധ്യയ​ന​ത്തി​നി​ടെ ഏതാനും മിനിട്ട്‌ ഉപയോ​ഗി​ച്ചു​കൊണ്ട്‌ അനുബ​ന്ധ​ത്തി​ലെ വിവരം പുനര​വ​ലോ​കനം ചെയ്യാ​നാ​കും. അങ്ങനെ ചെയ്യു​ന്നത്‌ സ്വന്തമാ​യി വായിച്ച വിവരങ്ങൾ വിദ്യാർഥി​ക്കു മനസ്സി​ലാ​യി​ട്ടു​ണ്ടോ​യെന്നു പരി​ശോ​ധി​ക്കാൻ നിങ്ങളെ സഹായി​ക്കും.

6. ഓരോ അധ്യാ​യ​ത്തി​ന്റെ​യും ഒടുവി​ലുള്ള പുനര​വ​ലോ​കന ചതുരം എങ്ങനെ ഉപയോ​ഗി​ക്കാൻ കഴിയും?

⁶ പുനരവലോകന ചതുരം: സാധാ​ര​ണ​ഗ​തി​യിൽ ഓരോ അധ്യാ​യ​ത്തി​ന്റെ​യും ഒടുവി​ലുള്ള ചതുര​ത്തി​ലെ പ്രസ്‌താ​വ​ന​ക​ളിൽ ആമുഖ ചോദ്യ​ങ്ങൾക്കുള്ള ഉത്തരം അടങ്ങി​യി​രി​ക്കും. അവ ഉപയോ​ഗിച്ച്‌ അധ്യാ​യ​ത്തി​ലെ പ്രധാന ആശയങ്ങൾ പുനര​വ​ലോ​കനം ചെയ്യാൻ നിങ്ങൾക്കു കഴിയും. ഓരോ പ്രസ്‌താ​വ​ന​യും—ഒരുപക്ഷേ ഒപ്പമുള്ള തിരു​വെ​ഴു​ത്തു​ക​ളും—വിദ്യാർഥി​യോ​ടൊ​പ്പം വായിച്ചു പരിചി​ന്തി​ക്കു​ന്നതു സഹായ​ക​മാ​ണെന്നു ചില പ്രസാ​ധകർ തിരി​ച്ച​റി​ഞ്ഞി​രി​ക്കു​ന്നു. തിരു​വെ​ഴു​ത്തു​കൾ പ്രസ്‌താ​വ​ന​കളെ പിന്താ​ങ്ങു​ന്നത്‌ എങ്ങനെ​യെന്നു ഹ്രസ്വ​മാ​യി വിശദീ​ക​രി​ക്കാൻ അവർ വിദ്യാർഥി​യോട്‌ ആവശ്യ​പ്പെ​ടു​ന്നു. പാഠഭാ​ഗത്തെ പ്രധാന ആശയങ്ങ​ളും ബൈബിൾ അവയെ പിന്താ​ങ്ങുന്ന വിധവും വിദ്യാർഥി വ്യക്തമാ​യി മനസ്സി​ലാ​ക്കു​ന്നു​ണ്ടോ​യെ​ന്നും അദ്ദേഹം അക്കാര്യ​ങ്ങ​ളോ​ടു യോജി​ക്കു​ന്നു​ണ്ടോ​യെ​ന്നും മനസ്സി​ലാ​ക്കാൻ ഇത്‌ അധ്യാ​പ​കനെ സഹായി​ക്കും. ബൈബിൾ ഉപയോ​ഗിച്ച്‌ മറ്റുള്ള​വർക്കു സത്യം വിശദീ​ക​രി​ച്ചു​കൊ​ടു​ക്കാൻ ഇതു വിദ്യാർഥിക്ക്‌ ഒരു പരിശീ​ല​ന​മാ​യി ഉതകു​ക​യും ചെയ്യും.

7. നമ്മുടെ നിയമനം നിറ​വേ​റ്റാൻ ബൈബിൾ പഠിപ്പി​ക്കു​ന്നു പുസ്‌തകം നമുക്ക്‌ എങ്ങനെ ഉപയോ​ഗി​ക്കാൻ കഴിയും?

⁷ ആളുകളെ പഠിപ്പി​ച്ചു ശിഷ്യ​രാ​ക്കാ​നുള്ള നിയമനം നിറ​വേ​റ്റാൻ കഴിയുന്ന ഏറ്റവും ഫലകര​മായ വിധം യേശു​വി​ന്റെ പഠിപ്പി​ക്കൽരീ​തി​കൾ അനുക​രി​ക്കു​ന്ന​താണ്‌. (മത്താ. 28:19, 20) അങ്ങനെ ചെയ്യാൻ ബൈബിൾ പഠിപ്പി​ക്കു​ന്നു പുസ്‌തകം നമ്മെ സഹായി​ക്കും. വ്യക്തവും ലളിത​വും രസകര​വു​മായ ഒരു വിധത്തിൽ മറ്റുള്ള​വരെ സത്യം പഠിപ്പി​ക്കാൻ അതു നന്നായി ഉപയോ​ഗി​ക്കുക.