നിങ്ങൾ കാണു​ന്നത്‌ ബാഹ്യാ​കാ​രം മാത്ര​മോ?

¹ പരസ്യ ശുശ്രൂ​ഷ​യിൽ ഏർപ്പെ​ടു​മ്പോൾ കണ്ടുമു​ട്ടുന്ന ചില ആളുക​ളു​ടെ ബാഹ്യാ​കാ​രം നിമിത്തം അവരു​മാ​യി സുവാർത്ത പങ്കു​വെ​ക്കാൻ നമുക്കു മടി തോന്നി​യേ​ക്കാം. ഉദാഹ​ര​ണ​ത്തിന്‌, സത്യത്തിൽ താത്‌പ​ര്യം കാണിച്ച ഒരു വ്യക്തിയെ സന്ദർശി​ക്കു​മ്പോൾ, ഭയപ്പെ​ടു​ത്തുന്ന ആകാര​ത്തോ​ടു കൂടിയ, അദ്ദേഹ​ത്തി​ന്റെ ഒരു അയൽക്കാ​രൻ നിങ്ങളെ സംശയ​ദൃ​ഷ്ടി​യോ​ടെ എപ്പോ​ഴും നോക്കു​ന്നെ​ങ്കിൽ നിങ്ങൾ എങ്ങനെ പ്രതി​ക​രി​ക്കും? അത്തരം ഒരു സാഹച​ര്യം അഭിമു​ഖീ​ക​രിച്ച ഒരു പയനിയർ സഹോ​ദരി ആ വ്യക്തിയെ സമീപിച്ച്‌ സംസാ​രി​ക്കാൻ തീരു​മാ​നി​ച്ചു. പരുക്കൻ മട്ടിലുള്ള സ്വീക​ര​ണ​മാണ്‌ സഹോ​ദ​രി​ക്കു ലഭിച്ച​തെ​ങ്കി​ലും, അത്ഭുത​ക​ര​മെന്നു പറയട്ടെ, അയാൾ ബൈബിൾ സന്ദേശം ശ്രദ്ധി​ക്കു​ക​യും സാമാ​ന്യം ഉത്സാഹ​ത്തോ​ടെ, ബൈബിൾ പഠിക്കാൻ സമ്മതം മൂളു​ക​യും ചെയ്‌തു. പയനിയർ സഹോ​ദരി ബാഹ്യാ​കാ​ര​ത്താൽ വിധി​ക്കാ​തി​രു​ന്നത്‌ ആ വ്യക്തി​യും ഭാര്യ​യും സത്യം പഠിക്കു​ന്ന​തി​നു വഴി തുറന്നു.

² മറ്റൊരു സഹോ​ദരി, തലമുടി നീട്ടി​വ​ളർത്തിയ ഒരു ചെറു​പ്പ​ക്കാ​രനെ കണ്ടപ്പോൾ ആദ്യം ഭയന്നു​പോ​യി. എന്നാൽ താൻ ജോലി ചെയ്‌തി​രുന്ന കടയിൽ ആ യുവാവ്‌ വന്നപ്പോ​ഴൊ​ക്കെ അയാ​ളോ​ടു ഹ്രസ്വ​മാ​യി സാക്ഷീ​ക​രി​ക്കു​ന്ന​തിൽ സഹോ​ദരി സ്ഥിരോ​ത്സാ​ഹം പ്രകട​മാ​ക്കി. അവരുടെ ശ്രമങ്ങൾക്കു ഫലമു​ണ്ടാ​യി. ഇപ്പോൾ ആ യുവാവ്‌ സ്‌നാ​പ​ന​മേറ്റ സാക്ഷി​യാണ്‌. അത്തരം ആളുകൾ പ്രതി​ക​രി​ക്കു​ക​യില്ല എന്ന്‌ എടുത്തു​ചാ​ടി നിഗമനം ചെയ്യാ​തി​രി​ക്കാൻ നമ്മെ എന്തു സഹായി​ക്കും?

³ യേശു​വി​ന്റെ മാതൃക അനുക​രി​ക്കുക: സ്വന്തം ജീവൻ താൻ സകലർക്കും വേണ്ടി​യാണ്‌ അർപ്പി​ക്കു​ന്ന​തെന്ന്‌ യേശു​വിന്‌ അറിയാ​മാ​യി​രു​ന്നു. അതു​കൊണ്ട്‌ മറ്റുള്ള​വ​രു​ടെ ബാഹ്യാ​കാ​രം അവനെ പിന്തി​രി​പ്പി​ച്ചില്ല. ഉചിത​മായ സഹായ​വും പ്രചോ​ദ​ന​വും ലഭിക്കു​ന്ന​പക്ഷം, ദുഷ്‌പേ​രുള്ള വ്യക്തി​കൾപോ​ലും മാറ്റം വരുത്താൻ മനസ്സൊ​രു​ക്കം പ്രകടി​പ്പി​ച്ചേ​ക്കാം എന്ന്‌ അവൻ തിരി​ച്ച​റി​ഞ്ഞു. (മത്താ. 9:9-13) പണക്കാ​രെ​യും പാവങ്ങ​ളെ​യും യാതൊ​രു വ്യത്യാ​സ​വും കൂടാതെ സഹായി​ക്കാൻ അവൻ ശ്രമിച്ചു. (മത്താ. 11:5; മർക്കൊ. 10:17-22) ശുശ്രൂ​ഷ​യിൽ കണ്ടുമു​ട്ടുന്ന ആളുകളെ അവരുടെ ബാഹ്യാ​കാ​ര​ത്താൽ നമുക്ക്‌ വിധി​ക്കാ​തി​രി​ക്കാം. കാരണം, അവർ ചില​പ്പോൾ നല്ല ഹൃദയ​നി​ല​യു​ള്ളവർ ആയിരി​ക്കാം. (മത്താ. 7:1; യോഹ. 7:24) യേശു​വി​ന്റെ ഉത്‌കൃഷ്ട മാതൃക അനുക​രി​ക്കാൻ നമ്മെ എന്തു സഹായി​ക്കും?

⁴ ആളുക​ളു​ടെ ചിന്ത​യെ​യും നടത്ത​യെ​യും വ്യക്തി​ത്വ​ത്തെ​യും മാറ്റി​യെ​ടു​ക്കാ​നുള്ള ശക്തി ദൈവ​വ​ച​ന​ത്തിന്‌ ഉണ്ടെന്ന്‌ ബൈബിൾ പഠനത്തി​ലൂ​ടെ നാം മനസ്സി​ലാ​ക്കി​യി​രി​ക്കു​ന്നു. (എഫെ. 4:22-24; എബ്രാ. 4:12) അതു​കൊണ്ട്‌, ജാഗ്രത ഉള്ളവർ ആയിരി​ക്കു​മ്പോൾത്തന്നെ, മറ്റുള്ള​വരെ കുറിച്ച്‌ ഒരു ക്രിയാ​ത്മക മനോ​ഭാ​വം വെച്ചു​പു​ലർത്തുക. ബാക്കി​യുള്ള കാര്യങ്ങൾ, മനുഷ്യ ഹൃദയ​ങ്ങളെ അറിയുന്ന യഹോ​വ​യു​ടെ കരങ്ങളിൽ ഏൽപ്പി​ക്കുക.—1 ശമൂ. 16:7; പ്രവൃ 10:34, 35.

⁵ ബാഹ്യാ​കാ​രം ഗണ്യമാ​ക്കാ​തെ, എല്ലാത്തരം ആളുക​ളോ​ടും പക്ഷപാ​ത​ര​ഹി​ത​മാ​യി നാം സുവാർത്ത പങ്കു​വെ​ക്കു​ന്നത്‌ ഈ അന്ത്യനാ​ളു​ക​ളി​ലെ വലിയ കൊയ്‌ത്തു വേലയ്‌ക്ക്‌ ഒരു സംഭാ​വ​ന​യാ​യി ഉതകട്ടെ.—1 തിമൊ. 2:3, 4.