യഹോ​വ​യു​ടെ നീതി അനുക​രി​ക്കു​ക

¹ “യഹോവ ന്യായ​പ്രി​യ​നാ​കു​ന്നു,” അവൻ നീതിയെ സ്‌നേ​ഹി​ക്കു​ന്നു. (സങ്കീ. 37:28) അതു​കൊണ്ട്‌ അവൻ അനീതി നിറഞ്ഞ ഈ ലോകത്തെ നശിപ്പി​ക്കാ​നുള്ള ന്യായ​വി​ധി പുറ​പ്പെ​ടു​വി​ച്ചി​രി​ക്കു​ക​യാ​ണെങ്കി​ലും അതിനു​മുമ്പ്‌ മുന്നറി​യി​പ്പു മുഴക്കാ​നുള്ള ക്രമീ​ക​ര​ണ​വും ചെയ്‌തി​രി​ക്കു​ന്നു. (മർക്കൊ. 13:10) ഇത്‌ ആളുകൾക്ക്‌ അനുത​പി​ച്ചു രക്ഷപ്രാ​പി​ക്കാ​നുള്ള അവസരം നൽകുന്നു. (2 പത്രൊ. 3:9) യഹോ​വ​യു​ടെ നീതി അനുക​രി​ക്കാൻ നാം പരി​ശ്ര​മി​ക്കു​ന്നു​ണ്ടോ? മനുഷ്യ​വർഗം അനുഭ​വി​ക്കുന്ന യാതന​ക​ളും കഷ്ടപ്പാ​ടു​ക​ളും ആളുക​ളു​മാ​യി രാജ്യ​പ്ര​ത്യാ​ശ പങ്കു​വെ​ക്കാൻ നമ്മെ പ്രചോ​ദി​പ്പി​ക്കു​ന്നു​ണ്ടോ? (സദൃ. 3:27) പ്രസം​ഗ​വേ​ല​യിൽ ഒരു സജീവ പങ്കുണ്ടാ​യി​രി​ക്കാൻ നീതി​സ്‌നേഹം നമ്മെ പ്രചോ​ദി​പ്പി​ക്കും.

² മുഖപക്ഷം കൂടാതെ പ്രസം​ഗി​ക്കുക: മുഖപക്ഷം കൂടാതെ സകല​രോ​ടും യഹോ​വ​യു​ടെ ഉദ്ദേശ്യ​ത്തെ​പ്പറ്റി അറിയി​ച്ചു​കൊണ്ട്‌ നാം “ന്യായം പ്രവർത്തി”ക്കുന്നു. (മീഖാ 6:8) മറ്റുള്ളവർ പുറമേ എങ്ങനെ കാണ​പ്പെ​ടു​ന്നു എന്നതിന്റെ അടിസ്ഥാ​ന​ത്തിൽ അവരെ മുൻവി​ധി​യോ​ടെ വീക്ഷി​ക്കാ​നുള്ള അപൂർണ മാനു​ഷിക ചായ്‌വി​നെ നാം ചെറു​ക്കണം. (യാക്കോ. 2:1-4, 9) “സകലമ​നു​ഷ്യ​രും രക്ഷപ്രാ​പി​പ്പാ​നും സത്യത്തി​ന്റെ പരിജ്ഞാ​ന​ത്തിൽ എത്തുവാ​നും” യഹോവ “ഇച്ഛിക്കു​ന്നു.” (1 തിമൊ. 2:4) ദൈവ​വചന സത്യത്തിന്‌ ആളുക​ളു​ടെ ജീവി​ത​ത്തിൽ നിർണാ​യ​ക​മായ മാറ്റങ്ങൾ വരുത്താൻ കഴിയും. (എബ്രാ. 4:12) ഈ വസ്‌തുത തിരി​ച്ച​റി​യു​ന്നത്‌ ആളുകളെ, മുൻകാ​ലത്തു ശ്രദ്ധി​ക്കാൻ കൂട്ടാ​ക്കാ​തി​രു​ന്ന​വരെ പോലും, ആത്മവി​ശ്വാ​സ​ത്തോ​ടെ സമീപി​ക്കാൻ നമ്മെ പ്രചോ​ദി​പ്പി​ക്കും.

³ ഒരു കടയിൽ ജോലി​ചെ​യ്‌തി​രുന്ന ഒരു സഹോ​ദരി അവിടെ സാധനങ്ങൾ വാങ്ങാൻ പതിവാ​യി വരാറു​ണ്ടാ​യി​രുന്ന ഒരാളു​ടെ ആകാരം കണ്ട്‌ ഭയപ്പെ​ട്ടി​രു​ന്നു. എന്നിരു​ന്നാ​ലും, ഉചിത​മായ ഒരു സന്ദർഭം കിട്ടി​യ​പ്പോൾ ദൈവം വാഗ്‌ദാ​നം ചെയ്‌തി​രി​ക്കുന്ന പറുദീ​സയെ കുറിച്ച്‌ അദ്ദേഹ​ത്തോ​ടു സംസാ​രി​ക്കാൻ സഹോ​ദരി ശ്രമിച്ചു. താൻ മുത്തശ്ശി​ക്ക​ഥ​ക​ളിൽ വിശ്വ​സി​ക്കു​ന്നില്ല എന്നായി​രു​ന്നു അദ്ദേഹ​ത്തി​ന്റെ പരുക്കൻ മറുപടി. മാത്രമല്ല താൻ ഒരു ഹിപ്പി​യും മയക്കു​മ​രു​ന്നിന്‌ അടിമ​യു​മാ​ണെന്ന്‌ അദ്ദേഹം കൂട്ടി​ച്ചേർത്തു. എങ്കിലും സഹോ​ദരി നിരു​ത്സാ​ഹി​ത​യാ​യില്ല. തന്റെ നീണ്ട മുടിയെ കുറിച്ച്‌ എന്തു വിചാ​രി​ക്കു​ന്നു എന്ന്‌ ഒരു ദിവസം അദ്ദേഹം സഹോ​ദ​രി​യോ​ടു ചോദി​ച്ചു. ബൈബിൾ അതിനെ കുറിച്ച്‌ എന്തു പറയു​ന്നു​വെന്ന്‌ സഹോ​ദരി നയപൂർവം വിശദീ​ക​രി​ച്ചു. (1 കൊരി. 11:14) അടുത്ത ദിവസം ഷേവ്‌ ചെയ്‌ത്‌, തലമുടി വെട്ടിച്ച്‌ കടയി​ലെ​ത്തിയ അദ്ദേഹത്തെ കണ്ട്‌ സഹോ​ദരി അതിശ​യി​ച്ചു​പോ​യി! അദ്ദേഹം ഒരു ബൈബി​ള​ധ്യ​യനം ആവശ്യ​പ്പെട്ടു. അധ്യയനം എടുക്കാൻ ഒരു സഹോ​ദ​രനെ ക്രമീ​ക​രി​ച്ചു, സമർപ്പ​ണ​ത്തി​ലേ​ക്കും സ്‌നാ​പ​ന​ത്തി​ലേ​ക്കും അതു പുരോ​ഗ​മി​ക്കു​ക​യും ചെയ്‌തു. ഈ വ്യക്തി​യെ​പ്പോ​ലെ​തന്നെ, ഇന്ന്‌ യഹോ​വയെ സേവി​ക്കുന്ന അനേകർ തങ്ങളുടെ അടുക്കൽ രാജ്യ​സ​ന്ദേശം എത്തിച്ച വ്യക്തി​ക​ളു​ടെ മുഖപക്ഷം കൂടാ​തെ​യുള്ള നിരന്തര ശ്രമങ്ങ​ളെ​പ്രതി അവരോ​ടു നന്ദിയു​ള്ള​വ​രാണ്‌.

⁴ പെട്ടെന്നുതന്നെ യഹോവ ഈ ഭൂമു​ഖ​ത്തു​നിന്ന്‌ സകല അനീതി​യും തുടച്ചു​നീ​ക്കും. (2 പത്രൊ. 3:10, 13) സാത്താന്റെ അനീതി നിറഞ്ഞ വ്യവസ്ഥി​തി​യു​ടെ​മേൽ വരാൻ പോകുന്ന നാശത്തെ അതിജീ​വി​ക്കാൻ എല്ലാവർക്കും ഒരു അവസരം നൽകി​ക്കൊണ്ട്‌, ശേഷി​ച്ചി​രി​ക്കുന്ന ഈ അൽപ്പകാ​ലത്ത്‌ നമുക്ക്‌ യഹോ​വ​യു​ടെ നീതി അനുക​രി​ക്കാം.—1 യോഹ. 2:17.