നിങ്ങൾക്കു സഹായി​ക്കാ​നാ​കു​മോ?

¹ അപ്പൊസ്‌ത​ല​നായ പൗലൊസ്‌ ‘അന്യോ​ന്യം ഒരു​പോ​ലെ കരുതാൻ’ സഭാം​ഗ​ങ്ങളെ അനുശാ​സി​ച്ചു. (1 കൊരി. 12:25) അതു​കൊണ്ട്‌, നാം പരസ്‌പരം വ്യക്തി​പ​ര​മായ താത്‌പ​ര്യം കാണി​ക്കു​ക​യും ആവശ്യ​മു​ള്ള​പ്പോൾ സ്‌നേ​ഹ​പു​ര​സ്സരം സഹായം പ്രദാനം ചെയ്യാൻ മനസ്സൊ​രു​ക്കം ഉള്ളവർ ആയിരി​ക്കു​ക​യും വേണം. ഉദാഹ​ര​ണ​ത്തിന്‌, നമ്മുടെ ഇടയിലെ ചില ആത്മീയ സഹോ​ദ​രി​മാർ ഒറ്റയ്‌ക്കാണ്‌ തങ്ങളുടെ കുട്ടി​കളെ സത്യത്തിൽ വളർത്തി​ക്കൊ​ണ്ടു​വ​രു​ന്നത്‌. തങ്ങളുടെ മക്കളുടെ ആത്മീയ പരിശീ​ല​ന​ത്തി​ന്റെ മുഴു ഉത്തരവാ​ദി​ത്വ​വും ഈ സഹോ​ദ​രി​മാർ തന്നെയാണ്‌ തോളി​ലേ​റ്റു​ന്നത്‌. ദയാപു​ര​സ്സ​ര​മായ പ്രോ​ത്സാ​ഹ​ന​വും “ആവശ്യങ്ങൾ അനുസ​രി​ച്ചുള്ള” പ്രാ​യോ​ഗിക സഹായ​വും തീർച്ച​യാ​യും അവർ അർഹി​ക്കു​ന്നു. (റോമ. 12:13എ, NW) അവർക്കു സഹായ​മേ​കാൻ നിങ്ങൾക്കു സാധി​ക്കു​മോ?

² സഹായി​ക്കാ​വുന്ന വിധങ്ങൾ: യോഗ​ങ്ങൾക്കും സമ്മേള​ന​ങ്ങൾക്കും പോകാൻ പൊതു ഗതാഗത സംവി​ധാ​നത്തെ ആശ്രയി​ക്കു​ന്ന​വരെ നിങ്ങളു​ടെ വാഹന​ത്തിൽ കൊണ്ടു​പോ​കു​ന്നത്‌ അവർക്കു സാമ്പത്തി​ക​മാ​യി വലി​യൊ​രു സഹായം ആയിരു​ന്നേ​ക്കാം. യോഗ സമയത്ത്‌ തന്റെ കൊച്ചു​കു​ട്ടി​കളെ നോക്കാൻ ഒരു മാതാ​വി​നെ സഹായി​ക്കു​ന്നത്‌ പരിപാ​ടി​യിൽ നിന്നു കൂടുതൽ മെച്ചമാ​യി പ്രയോ​ജനം നേടാൻ അവരെ സഹായി​ച്ചേ​ക്കാം. അതു​പോ​ലെ​തന്നെ കുട്ടി​ക​ളു​മൊത്ത്‌ വയൽ സേവന​ത്തി​നു വരു​മ്പോൾ സഹായ​മേ​കു​ന്നത്‌ തീർച്ച​യാ​യും അവർക്ക്‌ ആശ്വാസം പകരും. നാം ആ കുട്ടി​ക​ളു​മാ​യി സൗഹൃ​ദ​ത്തിൽ ആകുന്ന​തും അവരിൽ ആത്മാർഥ​മായ താത്‌പ​ര്യം എടുക്കു​ന്ന​തും ഒരു ക്രിയാ​ത്മക വിധത്തിൽ അവരെ സ്വാധീ​നി​ച്ചേ​ക്കാം. മാതാ​വോ പിതാ​വോ മാത്ര​മു​ളള ഒരു കുടും​ബത്തെ ഇടയ്‌ക്കൊ​ക്കെ നിങ്ങളു​ടെ കുടുംബ അധ്യയ​ന​ത്തി​നു ക്ഷണിക്കു​ന്നത്‌ അവർക്ക്‌ ആത്മീയ നവോ​ന്മേഷം കൈവ​രു​ത്തി​യേ​ക്കാം.

³ വിവേ​ക​മു​ള്ളവർ ആയിരി​ക്കുക: നമ്മുടെ സഹായം ആവശ്യ​മി​ല്ലാ​ത്ത​വരെ സഹായി​ച്ചു ബുദ്ധി​മു​ട്ടി​ക്കാ​തി​രി​ക്കാൻ നാം ശ്രദ്ധയു​ള്ളവർ ആയിരി​ക്കണം. അതു​പോ​ലെ​തന്നെ, ആവശ്യ​മായ സഹായം കൊടു​ക്കു​മ്പോൾ മറ്റുള്ള​വ​രു​ടെ കുടുംബ കാര്യ​ങ്ങ​ളിൽ തലയി​ടാ​നും നാം ആഗ്രഹി​ക്കു​ന്നില്ല. സഹായം ആവശ്യ​മാ​യി​രി​ക്കുന്ന ഒരു സഹോ​ദ​രിക്ക്‌ അതു നൽകാൻ ഏറ്റവും പറ്റിയ സ്ഥാനത്താ​യി​രി​ക്കു​ന്നത്‌ സഹോ​ദ​രി​മാ​രും ദമ്പതി​ക​ളു​മാണ്‌.

⁴ അന്യോ​ന്യം “അതിഥി​സല്‌ക്കാ​രം” കാട്ടാൻ എല്ലാ ക്രിസ്‌ത്യാ​നി​ക​ളെ​യും പ്രോ​ത്സാ​ഹി​പ്പി​ച്ചി​രി​ക്കു​ന്നു. (റോമ. 12:13ബി) നമ്മുടെ ആത്മീയ സഹോ​ദ​രീ​സ​ഹോ​ദ​ര​ന്മാർക്ക്‌ സഹായ​ഹസ്‌തം നീട്ടി​ക്കൊ​ടു​ക്കു​ന്നത്‌ നമ്മുടെ ഇടയിലെ ക്രിസ്‌തു​തു​ല്യ സ്‌നേഹം പ്രകടി​പ്പി​ക്കാ​നുള്ള ഒരു മാർഗ​മാണ്‌.—യോഹ. 13:35.