ലൗകിക വിദ്യാ​ഭ്യാ​സ​വും നിങ്ങളു​ടെ ആത്മീയ ലക്ഷ്യങ്ങ​ളും

¹ ചെറു​പ്പ​ത്തിൽ ലഭിക്കുന്ന നല്ല അടിസ്ഥാന വിദ്യാ​ഭ്യാ​സം, നന്നായി എഴുതാ​നും വായി​ക്കാ​നു​മുള്ള കഴിവും ഭൂമി​ശാസ്‌ത്രം, ചരിത്രം, ഗണിതം, ശാസ്‌ത്രം തുടങ്ങിയ വിഷയ​ങ്ങ​ളിൽ പൊതു​വായ ഗ്രാഹ്യ​വും പ്രദാനം ചെയ്യും. ഫലത്തിൽ, വ്യക്തമാ​യി ചിന്തി​ക്കാ​നും വസ്‌തു​തകൾ വിശക​ലനം ചെയ്യാ​നും പ്രശ്‌നങ്ങൾ പരിഹ​രി​ക്കാ​നും ഫലപ്ര​ദ​മായ ആശയങ്ങൾക്കു രൂപം​നൽകാ​നും എങ്ങനെ സാധി​ക്കു​മെ​ന്നും നിങ്ങൾക്കു പഠിക്കാൻ കഴിയും. അത്തരം വിദ്യാ​ഭ്യാ​സം ജീവി​ത​കാ​ലം മുഴുവൻ നിങ്ങൾക്കു പ്രയോ​ജനം ചെയ്യും. ലൗകിക വിദ്യാ​ഭ്യാ​സം നിങ്ങളു​ടെ ജീവി​ത​ത്തി​ലെ ആത്മീയ ലക്ഷ്യങ്ങ​ളു​മാ​യി ബന്ധപ്പെ​ട്ടി​രി​ക്കു​ന്നത്‌ എങ്ങനെ? “പ്രാ​യോ​ഗിക ജ്ഞാനവും ചിന്താ​പ്രാപ്‌തി​യും” സമ്പാദി​ക്കാൻ അതു നിങ്ങളെ എങ്ങനെ സഹായി​ക്കും?—സദൃ. 3:21, 22 NW.

² ദൈവ സേവന​ത്തിൽ ഫലപ്രദർ ആയിരി​ക്കാൻ സജ്ജരാ​കുക: പഠിക്കുന്ന കാലത്ത്‌ ക്ലാസ്സിൽ നന്നായി ശ്രദ്ധി​ച്ചി​രി​ക്കുക, ഗൃഹപാ​ഠം ഭംഗി​യാ​യി ചെയ്‌തു​തീർക്കുക. നല്ല വായനാ-പഠന ശീലങ്ങൾ നേടി​യെ​ടു​ക്കു​ക​യാ​ണെ​ങ്കിൽ ദൈവ​വ​ചനം പരി​ശോ​ധി​ക്കു​ന്നതു കൂടുതൽ എളുപ്പ​മാ​യി​ത്തീ​രു​ക​യും അങ്ങനെ അത്‌ ആത്മീയ​മാ​യി ബലിഷ്‌ഠ​രാ​യി നില​കൊ​ള്ളാൻ നിങ്ങളെ സഹായി​ക്കു​ക​യും ചെയ്യും. (പ്രവൃ. 17:11) വിവിധ മേഖല​ക​ളി​ലുള്ള അറിവ്‌, ശുശ്രൂ​ഷയ്‌ക്കി​ട​യിൽ വ്യത്യസ്‌ത പശ്ചാത്ത​ല​ങ്ങ​ളും താത്‌പ​ര്യ​ങ്ങ​ളും വിശ്വാ​സ​ങ്ങ​ളും ഉള്ള ആളുകളെ കണ്ടുമു​ട്ടു​മ്പോൾ ഫലപ്ര​ദ​മാ​യി കാര്യങ്ങൾ അവതരി​പ്പി​ക്കാൻ നിങ്ങളെ സഹായി​ക്കും. ദൈവ​ത്തി​ന്റെ സംഘട​ന​യി​ലെ നിങ്ങളു​ടെ ക്രിസ്‌തീയ ഉത്തരവാ​ദി​ത്വ​ങ്ങൾ നിറ​വേ​റ്റാ​നും നിങ്ങൾ നേടിയ വിദ്യാ​ഭ്യാ​സം ഉപകരി​ക്കും.—2 തിമൊ​ഥെ​യൊസ്‌ 2:21-ഉം 4:11-ഉം താരത​മ്യം ചെയ്യുക.

³ സ്വന്തം കാലിൽ നിൽക്കാൻ പഠിക്കുക: നന്നായി ശ്രമി​ക്കു​ന്ന​പക്ഷം, വിദ്യാ​ഭ്യാ​സ​ത്തി​നു​ശേഷം ഉപജീ​വ​ന​മാർഗ​ത്തി​നു സഹായി​ക്കുന്ന വൈദഗ്‌ധ്യ​ങ്ങൾ പഠിക്കാ​നും നിങ്ങൾക്കു കഴി​ഞ്ഞേ​ക്കും. (1 തിമൊ​ഥെ​യൊസ്‌ 5:8 താരത​മ്യം ചെയ്യുക.) കോഴ്‌സു​കൾ ശ്രദ്ധാ​പൂർവം തിര​ഞ്ഞെ​ടു​ക്കുക. പരിമി​ത​മായ തൊഴി​ല​വ​സ​രങ്ങൾ ഉള്ള ഒരു മേഖല​യിൽ ശ്രദ്ധ കേന്ദ്രീ​ക​രി​ക്കു​ന്ന​തി​നു പകരം എവി​ടെ​പോ​യാ​ലും അനു​യോ​ജ്യ​മായ ഒരു ജോലി കണ്ടെത്താൻ സഹായി​ക്കുന്ന ഏതെങ്കി​ലും കോഴ്‌സോ തൊഴി​ലോ പഠിക്കുക. (സദൃ. 22:29, NW) ആവശ്യം കൂടു​ത​ലുള്ള സ്ഥലത്തു സേവി​ക്കാൻ തീരു​മാ​നി​ക്കു​മ്പോൾ സ്വന്തം കാലിൽ നിൽക്കാൻ അത്തരം കോഴ്‌സു​കൾ നിങ്ങളെ സഹായി​ക്കും.—പ്രവൃ​ത്തി​കൾ 18:1-4 താരത​മ്യം ചെയ്യുക.

⁴ നല്ല അടിസ്ഥാന വിദ്യാ​ഭ്യാ​സം നേടു​ന്നത്‌ ശുശ്രൂഷ വിപു​ലീ​ക​രി​ക്കാൻ നിങ്ങളെ സഹായി​ക്കും. യഹോ​വ​യു​ടെ സേവന​ത്തിൽ മുന്നേ​റവെ സ്വയം പിന്തു​ണയ്‌ക്കാൻ ആവശ്യ​മായ വൈദഗ്‌ധ്യ​ങ്ങൾ നേടു​ന്ന​തി​നു കഠിന​മാ​യി ശ്രമി​ക്കുക. അങ്ങനെ ആത്മീയ ലക്ഷ്യങ്ങൾ എത്തിപ്പി​ടി​ക്കാൻ വിദ്യാ​ഭ്യാ​സം നിങ്ങളെ സഹായി​ക്കും.