പയനിയർ സേവന​ത്തി​ലേ​ക്കുള്ള വാതിൽ നിങ്ങൾക്കാ​യി ഇപ്പോൾ തുറന്നി​രി​ക്കു​ന്നു​വോ?

¹ നാം ഇപ്പോ​ഴും യഹോ​വ​യു​ടെ “രക്ഷാദി​വ​സ​ത്തിൽ” തന്നെയാ​ണെന്ന്‌ 1999-ലെ നമ്മുടെ വാർഷിക വാക്യം അനുസ്‌മ​രി​പ്പി​ക്കു​ന്നു. (2 കൊരി. 6:2) എന്നാൽ അവന്റെ രക്ഷാദി​വസം പെട്ടെ​ന്നു​തന്നെ പരിസ​മാപ്‌തി​യി​ലേക്കു വരും. തുടർന്ന്‌ അവന്റെ “ന്യായ​വി​ധി​ദി​വസം” ആരംഭി​ക്കും. (2 പത്രൊ. 2:9, 10) യഹോവ തുടർന്നും മനുഷ്യ​വർഗ​ത്തിന്‌ രക്ഷയ്‌ക്കാ​യുള്ള അവസരം പ്രദാനം ചെയ്‌തു​കൊ​ണ്ടി​രി​ക്കെ ആയിര​ക്ക​ണ​ക്കിന്‌ ആളുകൾ അനുകൂ​ല​മാ​യി പ്രതി​ക​രി​ക്കു​ന്നതു കാണു​ന്നത്‌ എത്ര പുളക​പ്ര​ദ​മാണ്‌!

² സമയം തീരു​ന്ന​തി​നു മുമ്പേ, അനുകൂ​ല​മാ​യി പ്രതി​ക​രി​ക്കു​ന്ന​വ​രു​ടെ പക്കൽ എത്തി​ച്ചേ​രുക എന്ന വെല്ലു​വി​ളി നേരി​ടാൻ യഹോ​വ​യു​ടെ ജനം കഠിന ശ്രമം ചെയ്യുന്നു. അതിനാ​യി പല രാജ്യ​പ്ര​സാ​ധ​ക​രും പയനിയർ സേവന​ത്തിൽ പ്രവേ​ശി​ച്ചി​രി​ക്കു​ന്നു. പയനിയർ സേവന​ത്തി​ലേ​ക്കുള്ള വാതിൽ നിങ്ങൾക്കാ​യി ഇപ്പോൾ തുറന്നി​രി​ക്കു​ന്നു​വോ? അങ്ങനെ ചോദി​ക്കാ​നുള്ള കാരണ​മെ​ന്താണ്‌?

³ വിലമ​തി​പ്പു പ്രകട​മാ​ക്കു​ന്നു: 1999 ജനുവ​രി​യി​ലെ നമ്മുടെ രാജ്യ​ശു​ശ്രൂ​ഷ​യിൽ അറിയി​ച്ചി​രു​ന്ന​തു​പോ​ലെ സാധാരണ പയനി​യർമാർക്കും സഹായ പയനി​യർമാർക്കും ഉള്ള മണിക്കൂർ വ്യവസ്ഥ​യിൽ ഇളവു വരുത്തി​യി​രി​ക്കു​ന്നു. പുതിയ വ്യവസ്ഥ​യിൽ എത്തി​ച്ചേ​രാൻ സാധാരണ പയനി​യർമാർ മാസം 70 മണിക്കൂർ പ്രവർത്തി​ക്കണം, അതായത്‌ ഒരു സേവന​വർഷ​ത്തിൽ മൊത്തം 840 മണിക്കൂർ. സഹായ പയനി​യർമാ​രാ​കട്ടെ ഓരോ മാസവും 50 മണിക്കൂർ പ്രവർത്തി​ക്കും. ഈ പൊരു​ത്ത​പ്പെ​ടു​ത്ത​ലു​ക​ളു​ടെ ഫലമായി വിലമ​തി​പ്പി​ന്റേ​തായ നിരവധി അഭി​പ്രാ​യ​പ്ര​ക​ട​നങ്ങൾ ലഭിക്കു​ക​യു​ണ്ടാ​യി. അവയിൽ ഏതാനും ചിലത്‌ ഇതാ:

“നമ്മുടെ സ്വർഗീയ പിതാ​വിൽനി​ന്നുള്ള എത്ര വലിയ അനു​ഗ്രഹം!”

“ഈ കരുതൽ ഉളവാ​ക്കിയ സന്തോ​ഷ​ത്തി​ന്റേ​യും സ്‌നേ​ഹ​ത്തി​ന്റേ​യും കൃതജ്ഞ​ത​യു​ടേ​യും വികാ​രങ്ങൾ വാക്കു​ക​ളി​ലൂ​ടെ പ്രകടി​പ്പി​ക്കുക അസാധ്യ​മാണ്‌!”

“ഇതു ഞങ്ങളുടെ പട്ടിക​യോ​ടു പറ്റിനിൽക്കു​ന്നത്‌ വളരെ എളുപ്പ​മാ​ക്കി​ത്തീർക്കും!”

“ഇനിയും കൂടുതൽ ആളുകൾ മുഴു​സമയ ശുശ്രൂഷ ഏറ്റെടു​ക്കു​ക​യും വലിയ അളവിൽ യഹോ​വയെ സേവി​ക്കു​ന്ന​തി​ന്റെ അനു​ഗ്ര​ഹങ്ങൾ ആസ്വദി​ക്കു​ക​യും ചെയ്യണ​മേ​യെ​ന്നാ​ണു ഞങ്ങളുടെ പ്രാർഥന.”

⁴ ദൈവ​ത്തി​ന്റെ രക്ഷാദി​വസം അതിന്റെ പരിസ​മാപ്‌തി​യോട്‌ അടുക്കവെ, തന്റെ ജനം സ്‌തു​തി​യു​ടേ​തായ അന്തിമ ആരവം മുഴക്കാൻ യഹോവ ആഗ്രഹി​ക്കു​ന്നു​വെന്നു സ്‌പഷ്ട​മാണ്‌. പിൻവ​രുന്ന സംഗതി​കൾ ഈ സന്ദേശ​ത്തി​ന്റെ മേന്മയും തീവ്ര​ത​യും വർധി​പ്പി​ച്ചി​രി​ക്കു​ന്നു: (1) രാജ്യ​പ്ര​സാ​ധ​ക​രു​ടെ എണ്ണത്തിലെ സ്ഥിരമായ വർധനവ്‌ (2) ഓരോ വ്യക്തി​യും രാജ്യ​പ്ര​സം​ഗ​വേ​ല​യിൽ കഴിവി​ന്റെ പരമാ​വധി ചെയ്യാൻ ശ്രമി​ക്കു​ന്നത്‌. ഈ രണ്ടു സംഗതി​ക​ളും സാധ്യ​മാ​ക്കി​ത്തീർത്തു​കൊണ്ട്‌ “വളരു​മാ​റാ”ക്കുന്നവ​നായ യഹോവ, രക്ഷയെ സ്വീക​രി​ച്ചി​രി​ക്കുന്ന ഏവരു​ടെ​യും ഒരുക്ക​മുള്ള മനഃസ്ഥി​തി​യെ അനു​ഗ്ര​ഹി​ച്ചി​രി​ക്കു​ന്നു.—1 കൊരി. 3:6, 7; സങ്കീ. 110:3.

⁵ അതിന്റെ ഉദ്ദേശ്യം മറന്നു​ക​ള​യ​രുത്‌: യഹോ​വ​യു​ടെ രക്ഷാദി​വ​സത്തെ കുറി​ച്ചാ​ണു പൗലൊസ്‌ സഹക്രിസ്‌ത്യാ​നി​കളെ ഇങ്ങനെ ബുദ്ധി​യു​പ​ദേ​ശി​ച്ചത്‌: “അവനോ​ടൊ​പ്പം [യഹോ​വ​യോ​ടൊ​പ്പം] വേല ചെയ്യവേ, ദൈവ​ത്തി​ന്റെ അനർഹദയ സ്വീക​രി​ക്കു​ക​യും അതിന്റെ ഉദ്ദേശ്യം മറന്നു​ക​ള​യു​ക​യും ചെയ്യരുത്‌ എന്നും ഞങ്ങൾ നിങ്ങ​ളോട്‌ അഭ്യർഥി​ക്കു​ന്നു.” എല്ലാ അവസര​ങ്ങ​ളി​ലും മറ്റുള്ള​വ​രു​ടെ രക്ഷയ്‌ക്കാ​യി പ്രവർത്തി​ക്കേണ്ട “വിശേ​ഷാൽ സ്വീകാ​ര്യ​മായ സമയ”മായി ഈ കാലത്തെ വീക്ഷി​ക്കു​ന്നെ​ങ്കിൽ നാം “അതിന്റെ ഉദ്ദേശ്യം മറന്നുകള”യുകയില്ല. (2 കൊരി. 6:1, 2, NW) ഇന്ന്‌ പൗലൊ​സി​ന്റെ ആ വാക്കുകൾ കൂടുതൽ അടിയ​ന്തി​രത അർഹി​ക്കു​ന്നു. യഹോ​വ​യോട്‌ ഹൃദയം​ഗ​മ​മായ സ്‌നേഹം പ്രകട​മാ​ക്കുന്ന ക്രിസ്‌ത്യാ​നി​കൾ, അവൻ തങ്ങൾക്കു നിയമി​ച്ചു തന്നിരി​ക്കുന്ന ശുശ്രൂ​ഷ​യിൽ കഴിവി​ന്റെ പരമാ​വധി പങ്കെടു​ക്കു​ന്നത്‌ ഒരു പദവി​യാ​യി കണക്കാ​ക്കു​ന്നു. ഒരു സാധാരണ പയനി​യ​റാ​യി ശുശ്രൂ​ഷ​യിൽ കൂടുതൽ തിക​വോ​ടെ പങ്കെടു​ക്കാൻ നിങ്ങൾക്ക്‌ ഇപ്പോൾ സാധി​ക്കു​മോ?

⁶ അത്‌ ന്യായ​മായ ഒരു ലക്ഷ്യമാണ്‌: ഇന്ത്യയിൽ, സെപ്‌റ്റം​ബർ 1-ഓടെ 1000 പേർ സാധാരണ പയനി​യർമാ​രു​ടെ നിരയി​ലേക്കു വരണം എന്നതാണു ഞങ്ങളുടെ ലക്ഷ്യം. ഇത്‌ ന്യായ​മാ​യ​തും എത്തിപ്പി​ടി​ക്കാൻ സാധി​ക്കു​ന്ന​തു​മായ ലക്ഷ്യമാ​ണെന്നു ഞങ്ങൾ വിശ്വ​സി​ക്കു​ന്നു. അത്രയ്‌ക്ക്‌ ഉറപ്പു​ള്ളത്‌ എന്തു​കൊ​ണ്ടാണ്‌? 1997 മാർച്ചിൽ 1,715 സഹോ​ദ​രീ​സ​ഹോ​ദ​ര​ന്മാർ സഹായ പയനി​യർമാ​രാ​യി പ്രവർത്തി​ച്ചു, ഏപ്രി​ലി​ലാ​കട്ടെ ഏതാണ്ട്‌ 2,170 പേരും. അവരിൽ ഭൂരി​ഭാ​ഗ​വും 60 മണിക്കൂർ—പുതിയ സാധാരണ പയനിയർ വ്യവസ്ഥ​യിൽനിന്ന്‌ വെറും 10 മണിക്കൂർ കുറവ്‌—റിപ്പോർട്ടു ചെയ്‌തു! സഹായ പയനി​യർമാ​രാ​യി സേവി​ച്ച​വ​രിൽ 200 പേരെ​ങ്കി​ലും ഈ സേവന​വർഷം അവസാ​നി​ക്കു​ന്ന​തി​നു മുമ്പ്‌ സാധാരണ പയനി​യർമാ​രാ​യി പേർ ചാർത്തു​ന്ന​പക്ഷം സെപ്‌റ്റം​ബ​റിൽ, അതായത്‌ അടുത്ത സേവന​വർഷ​ത്തി​ന്റെ തുടക്ക​ത്തിൽ, 1000-ഓ അതില​ധി​ക​മോ മുഴു​സമയ ശുശ്രൂ​ഷ​ക​രു​ണ്ടാ​യി​രി​ക്കും!

⁷ ഒരു പട്ടിക ആവശ്യം: മാസം 70 മണിക്കൂർ വയൽസേ​വ​ന​ത്തിൽ ചെലവ​ഴി​ക്കുക എന്ന ലക്ഷ്യം എത്തിപ്പി​ടി​ക്കാൻ പ്രയാ​സ​മാ​ണെന്നു നിങ്ങൾക്കു തോന്നു​ന്നു​ണ്ടോ? എങ്കിൽ, പ്രസ്‌തുത ലക്ഷ്യത്തിൽ എത്താൻ ആഴ്‌ച​യിൽ 17 മണിക്കൂർ പ്രവർത്തി​ച്ചാൽ മതി എന്നു ചിന്തി​ക്കു​ന്നതു സഹായ​ക​മാ​യേ​ക്കും. അടുത്ത പേജിൽ നൽകി​യി​രി​ക്കുന്ന മാതൃകാ പട്ടിക ഉപയോ​ഗിച്ച്‌ നിങ്ങളു​ടെ വ്യക്തി​പ​ര​മായ സാഹച​ര്യ​ങ്ങൾക്ക്‌ അനു​യോ​ജ്യ​മായ ഒരു സാധാരണ പയനിയർ പട്ടിക ഉണ്ടാക്കാൻ ശ്രമി​ക്കുക. അതു തയ്യാറാ​ക്കു​മ്പോൾ, അനുഭ​വ​പ​രി​ച​യ​മുള്ള പയനി​യർമാ​രു​ടെ ഉപദേ​ശ​വും അഭി​പ്രാ​യ​വും തേടുക. പയനിയർ സേവന​വും വ്യക്തി​പ​ര​വും കുടും​ബ​പ​ര​വു​മായ ഉത്തരവാ​ദി​ത്വ​ങ്ങ​ളും എങ്ങനെ​യാണ്‌ അവർ ഒത്തു​കൊ​ണ്ടു​പോ​കു​ന്നത്‌ എന്ന്‌ ചോദി​ച്ച​റി​യുക. സർക്കി​ട്ടി​ലെ പയനി​യർമാർ ഓരോ ആഴ്‌ച​യും തങ്ങളുടെ സേവന​പ്ര​വർത്തനം എങ്ങനെ​യാ​ണു പട്ടിക​പ്പെ​ടു​ത്തു​ന്നത്‌ എന്ന്‌ സർക്കിട്ട്‌ മേൽവി​ചാ​ര​ക​നോ​ടു ചോദി​ക്കുക. എന്നിട്ട്‌ പയനി​യ​റിങ്‌ ചെയ്യാ​നുള്ള നിങ്ങളു​ടെ ആസൂ​ത്ര​ണ​ങ്ങളെ അനു​ഗ്ര​ഹി​ക്കാൻ യഹോ​വ​യിൽ ആശ്രയി​ക്കുക.—സദൃ. 16:3.

⁸ അത്‌ ഒരു കുടുംബ പദ്ധതി ആക്കുക: പയനി​യ​റിങ്‌ ഒരു കുടുംബ പദ്ധതി ആക്കുന്ന​തി​നെ കുറിച്ചു നിങ്ങൾ ചിന്തി​ച്ചി​ട്ടു​ണ്ടോ? ശ്രദ്ധാ​പൂർവ​ക​മായ ആസൂ​ത്ര​ണ​ത്തോ​ടെ​യും നല്ല സഹകര​ണ​ത്തോ​ടെ​യും കുടും​ബ​ത്തി​ലെ ഒന്നോ രണ്ടോ പേർക്ക്‌ എങ്ങനെ പയനി​യ​റിങ്‌ ചെയ്യാൻ കഴിയും എന്ന്‌ കുടും​ബം ഒത്തൊ​രു​മി​ച്ചു ചർച്ച ചെയ്യാ​വു​ന്ന​താണ്‌. സാഹച​ര്യ​ങ്ങൾ ആത്മാർഥ​മാ​യി വിലയി​രു​ത്തു​മ്പോൾ ഇപ്പോൾ പയനി​യ​റിങ്‌ ചെയ്യാൻ സാധി​ക്കു​ക​യി​ല്ലെന്നു ചിലർ കണ്ടെത്തി​യേ​ക്കാം. അങ്ങനെ​യെ​ങ്കിൽ പയനി​യ​റിങ്‌ ഒരു ഭാവി ലക്ഷ്യമാ​ക്കി വെക്കാൻ കഴിയും. അപ്പോൾപോ​ലും, പയനി​യ​റിങ്‌ തുടങ്ങാൻ ഒരു നിശ്ചിത തീയതി മനസ്സിൽ കണ്ടു​കൊണ്ട്‌ ആവശ്യ​മായ ആസൂ​ത്ര​ണങ്ങൾ ചെയ്യേ​ണ്ട​താണ്‌. ഒരുപക്ഷേ വർഷത്തിൽ നിരവധി തവണ സഹായ പയനി​യ​റിങ്‌ ചെയ്‌തു​കൊണ്ട്‌ ക്രമേണ സാധാരണ പയനിയർ സേവനം എന്ന ലക്ഷ്യത്തിൽ എത്തി​ച്ചേ​രാൻ നിങ്ങൾക്കു സാധി​ച്ചേ​ക്കും.

⁹ ഇപ്പോൾ 800-ലധികം വരുന്ന ഇന്ത്യയി​ലെ സാധാരണ പയനി​യർമാർ വ്യത്യസ്‌ത സാഹച​ര്യ​ങ്ങ​ളി​ലു​ള്ളവർ ആണ്‌. ഇവരിൽ 100 പേർ അവിവാ​ഹി​ത​രും 200-ഓളം പേർ 50-ലധികം വയസ്സു​ള്ള​വ​രും ആണ്‌. ഏകദേശം 500 പേർ 20-നും 50-നും ഇടയ്‌ക്ക്‌ പ്രായ​മു​ള്ള​വ​രാണ്‌. ഇവരിൽ പലർക്കും കുടും​ബ​പ​ര​വും സഭാപ​ര​വു​മായ ഉത്തരവാ​ദി​ത്വ​ങ്ങൾ ഉണ്ട്‌. ഇവരിൽ എല്ലാവ​രും പയനി​യ​റി​ങ്ങി​നാ​യി ‘അവസ​രോ​ചിത സമയം വിലയ്‌ക്കു വാങ്ങു’കയാണ്‌. അതിനാ​യി പലർക്കും ലളിത​മായ ജീവിതം നയി​ക്കേണ്ടി വന്നിട്ടു​ണ്ടെ​ങ്കി​ലും അവർ അതിൽ സംതൃപ്‌ത​രാണ്‌.—കൊലൊ. 4:5, NW.

¹⁰ നിങ്ങളു​ടെ ജീവിതം ലളിത​മാ​ക്കേ​ണ്ട​തു​ണ്ടോ? നിങ്ങളു​ടെ ജീവിതം ലളിത​മാ​ക്കു​ന്ന​താ​യി​രി​ക്കാം പയനിയർ സേവന​ത്തി​ലേ​ക്കുള്ള വാതിൽ തുറന്നു​കി​ട്ടു​ന്ന​തി​നുള്ള താക്കോൽ. അനാവ​ശ്യ​മായ കുറേ മുറി​ക​ളും സാധന​സാ​മ​ഗ്രി​ക​ളും ഒക്കെയുള്ള, പരിപാ​ലി​ക്കാൻ ഒട്ടേറെ സമയവും പണവും ശ്രമവും വേണ്ടി​വ​രുന്ന വലിയ ഒരു വീടു പോ​ലെ​യാ​ണോ നിങ്ങളു​ടെ ജീവിതം? അങ്ങനെ​യെ​ങ്കിൽ, ലളിത​മായ ഒരു ജീവിതം നയിക്കാൻ പഠിക്കു​ന്ന​തു​വഴി നിങ്ങൾക്കു പയനി​യ​റിങ്‌ ചെയ്യാൻ സാധി​ച്ചേ​ക്കും. ലൗകിക ജോലി​യിൽ ചെലവ​ഴി​ക്കുന്ന സമയം വെട്ടി​ച്ചു​രു​ക്കാൻ നിങ്ങൾക്കു കഴിയു​മോ? അനിവാ​ര്യ​മ​ല്ലാത്ത പ്രവർത്ത​ന​ങ്ങ​ളിൽനി​ന്നു സമയം വിലയ്‌ക്കു വാങ്ങാൻ അല്ലെങ്കിൽ വിനോ​ദ​പ​രി​പാ​ടി​കൾക്കാ​യി ചെലവ​ഴി​ക്കുന്ന സമയത്തിൽ കൂടുതൽ സമനില പുലർത്താൻ നിങ്ങൾക്കു കഴിയു​മോ?

¹¹ 1 തിമൊ​ഥെ​യൊസ്‌ 6:8-ൽ ബൈബിൾ നമ്മെ ഇങ്ങനെ ബുദ്ധി​യു​പ​ദേ​ശി​ക്കു​ന്നു: “ഉണ്മാനും ഉടുപ്പാ​നും ഉണ്ടെങ്കിൽ മതി എന്നു നാം വിചാ​രിക്ക.” ഉള്ളതു​കൊ​ണ്ടു തൃപ്‌തി​പ്പെ​ടു​ക​യെ​ന്നത്‌ യഹോ​വ​യു​ടെ സേവന​ത്തിൽ കഴിവി​ന്റെ പരമാ​വധി ചെയ്യാൻ സഹായി​ക്കുന്ന ഒരു പ്രധാന ഘടകമാണ്‌. (മത്താ. 6:22, 33) 1998 വാർഷിക പുസ്‌ത​ക​ത്തി​ലെ 104-ാം പേജിൽ നൽകി​യി​രി​ക്കുന്ന ജപ്പാനെ കുറി​ച്ചുള്ള റിപ്പോർട്ടിൽ അവിടെ നല്ലൊരു പയനിയർ മനോ​ഭാ​വം നിലനിൽക്കു​ന്ന​തി​നുള്ള നിരവധി കാരണങ്ങൾ നൽകി​യി​ട്ടുണ്ട്‌. അതിൽ ഒരെണ്ണം ഇതാണ്‌: “പൊതു​വെ ജപ്പാനി​ലെ ഭവനങ്ങൾ വളരെ ലളിത​മാ​ണെ​ന്നതു സത്യമാണ്‌. അതിനാൽ, അതിന്റെ പരിപാ​ല​ന​ത്തിന്‌ അധികം സമയം വേണ്ടി​വ​രു​ന്നില്ല. മിക്കവ​രും പരമ്പരാ​ഗ​ത​മാ​യി ലളിത ജീവിതം നയിക്കു​ന്നു.” 1 തിമൊ​ഥെ​യൊസ്‌ 6:8-ലെ സാരാം​ശ​വും അതുത​ന്നെ​യല്ലേ?

¹² യഹോ​വ​യു​ടെ രക്ഷാദി​വസം പരിസ​മാപ്‌തി​യി​ലേക്കു വരുന്ന​തി​നു മുമ്പ്‌ ദൈവ​ത്തി​ന്റെ ദാസന്മാർ ഗോള​വ്യാ​പ​ക​മാ​യി, സദാ പൂർവാ​ധി​കം തീവ്ര​ത​യോ​ടെ സുവാർത്ത പ്രസം​ഗി​ക്കു​ന്നു. കഴിഞ്ഞ വർഷം ഓരോ മാസവും ശരാശരി 7,00,000-ത്തോളം പേർ പയനി​യ​റി​ങ്ങി​ന്റെ വിവിധ വശങ്ങളിൽ ഏർപ്പെട്ടു എന്നത്‌ അഭിന​ന്ദ​നാർഹ​മാണ്‌. ജീവി​ത​ത്തിൽ പൊരു​ത്ത​പ്പെ​ടു​ത്ത​ലു​കൾ വരുത്തി​ക്കൊണ്ട്‌ നിങ്ങൾക്ക്‌ അവരോ​ടൊ​പ്പം ചേരാൻ കഴിയു​മോ? “പയനിയർ സേവന​ത്തി​ലേ​ക്കുള്ള വാതിൽ നിങ്ങൾക്കാ​യി ഇപ്പോൾ തുറന്നി​രി​ക്കു​ന്നു​വോ?” എന്ന ചോദ്യ​ത്തിന്‌ ഉത്തരം നൽകവെ നിങ്ങളു​ടെ സാഹച​ര്യ​ത്തെ പ്രാർഥ​ന​യോ​ടെ ശ്രദ്ധാ​പൂർവം വിലയി​രു​ത്താൻ ഞങ്ങൾ നിങ്ങളെ ക്ഷണിക്കു​ന്നു.

[3-ാം പേജിലെ ആകർഷ​ക​വാ​ക്യം]

ലക്ഷ്യം: 1000 സാധാരണ പയനി​യർമാർ!

[4-ാം പേജിലെ ചതുരം]

മാതൃകാ സാധാരണ പയനിയർ പട്ടികകൾ

ആവശ്യമായിരിക്കുന്നത്‌: ആഴ്‌ച​യിൽ 17 മണിക്കൂർ

ഒരു ഇടദി​വ​സ​വും വാരാ​ന്ത്യ​വും

ദിവസം മണിക്കൂർ

വെള്ളി 8

ശനി 6

ഞായർ 3

മൊത്തം മണിക്കൂർ: 17

രണ്ട്‌ ഇടദി​വ​സ​വും ശനിയും

ദിവസം മണിക്കൂർ

ചൊവ്വ 7

വ്യാഴം 7

ശനി 3

മൊത്തം മണിക്കൂർ: 17

മൂന്ന്‌ ഇടദി​വ​സ​വും ഞായറും

ദിവസം മണിക്കൂർ

തിങ്കൾ 5

ബുധൻ 5

വെള്ളി 5

ഞായർ 2

മൊത്തം മണിക്കൂർ: 17

രണ്ട്‌ സായാ​ഹ്ന​വും വാരാ​ന്ത്യ​വും

ദിവസം മണിക്കൂർ

തിങ്കൾ 3

ബുധൻ 3

ശനി 8

ഞായർ 3

മൊത്തം മണിക്കൂർ: 17

സ്വന്തം സാധാരണ പയനിയർ പട്ടിക തയ്യാറാ​ക്കു​ക

ദിവസം മണിക്കൂർ

തിങ്കൾ

ചൊവ്വ

ബുധൻ

വ്യാഴം

വെള്ളി

ശനി

ഞായർ

മൊത്തം മണിക്കൂർ: 17